آلـو مـنـو مـعـاي؟؟؟

زول يتصل عليك من رقم ما بتعرفو

واول ما ترد وتقول آلو يقول ليك أنت منو ؟؟؟ عاد دا كلام يا ناس

ولما تسألو انت عايز منو يصر يسأل ويقول ليك انت منو؟؟؟ عاد دا كلام يا ناس

وبعد شد وجذب انت منو وانا منو وسؤال متأخر دا تلفون فلان؟ لا ما تلفونو

بعدها يقفل الخط في وشك من غير إعتذار على الإزعاج السببو ليك

ما عارفه قفلت الخط دي دي خلعة ولا خوف على الرصيد

كتير من السودانيين بيتعاملوا مع التلفون بالطريقة دي !!!

يعني المفروض انا المتصل مفروض أبادر بتعريف نفسي معاك فلان وبعدها اسأل أسئلتي

المهم التعامل المتحضر مع الآخر لا يقتصر على المقابلات فقط

لكن التلفون عندو حقو من التعامل المتحضر برضو ولا شنو؟؟؟؟










ـــــــــــــــ
لكن هي شلاقة مني لأني رديت على رقم ما بعرفو

تفتكري ده بكون منو يا إنعام؟

طارق المكي انت وصلت كويس ؟؟؟

بركة الوصلت سالم سألت منك ناجية قلت ليها أفقدي ولدك دا

عشان كان عليهو حاجتين صعبات تعب منهن ايام كان معانا هنا

الحادثة والرقيص

Quote: تفتكري ده بكون منو يا إنعام؟

لو عرفتو كنت إتماسخت عليهو شوية

انعام

شكرا علي الفطور اتاخرتي لكن

موضوع البوست

خليك شفتة دي ظاهرة في السودان اسمها (التضبين)

يعني تتضهب علي الجكس عشان تصاحبو بعد ان تكون سرقت رقمو من زول


اتذكري الاسم كويس (الضبين)

Quote: خليك شفتة دي ظاهرة في السودان اسمها (التضبين) يعني تتضهب علي الجكس عشان تصاحبو بعد ان تكون سرقت رقمو من زول اتذكري الاسم كويس (الضبين)

غايتو يا خليل نحنا ناس ادخلو البيوت من ابوابها

موضوع الضبين دا ما بنقدر عليهو

معناها ح نفضل مكيشين على طول

ــــــــــ
خليل اتصلت بناس المكتب قالوا لي انك نزلت قبل دقيقة الشوارع كانت زحمة

انعام ياراقية ... طابت أوقاتك


شكلك كدا فى واحد فقع مرارتك اليوم ... ولايهمك ... بس اسمعى وصيتى دى .. لازم تخلى أعصابك فى ( حفاظة) على شان تحومى بيها معاك

ما تطلعيها إلا للشديد القوى ... أسألينى أنا طلعت فى النهاية بقرحة ....


سمح ؟




كونى بخير

Quote: يعني المفروض انا المتصل مفروض أبادر بتعريف نفسي معاك فلان وبعدها اسأل أسئلتي

بالله . دى على منو يا انعام اختي؟

Quote: Quote: يعني المفروض انا المتصل مفروض أبادر بتعريف نفسي معاك فلان وبعدها اسأل أسئلتي بالله . دى على منو يا انعام اختي؟

انت رأيك شنو يا الطيب في الكلام دا ؟؟؟

انعام ازيك..

Quote: ما عارفه قفلت الخط دي دي خلعة ولا خوف على الرصيد

طبعاً لا هذا ولا ذاك.. لكن بما انو انت طلعتي ما فلان.. فحريقه فيك بي بساطة شديده..



كيف تمام؟

انعام ازيك ونلعك طيبه تاريك نسيتينى والله لكن تكونى بالغتى معاى منووووووووووو؟

Quote: انعام ازيك ونلعك طيبه تاريك نسيتينى والله لكن تكونى بالغتى معاى منووووووووووو؟

يجازي محنك يا ضحية ياخ

ما هو لو كنت إنت ما كنت ح تقفل الخط أكيد

Quote: طبعاً لا هذا ولا ذاك.. لكن بما انو انت طلعتي ما فلان.. فحريقه فيك بي بساطة شديده.. كيف تمام؟

هشام طبعا ما تمام ولا حاجة

يعني هسه لو بوليس الحركة دفّعني غرامة المخالفة !!!!

كنت برجع طوالي بتصل بيهو وبقول ليهو حولها لي رصيد

Quote: شكلك كدا فى واحد فقع مرارتك اليوم ... ولايهمك ... بس اسمعى وصيتى دى .. لازم تخلى أعصابك فى ( حفاظة) على شان تحومى بيها معاك ما تطلعيها إلا للشديد القوى ... أسألينى أنا طلعت فى النهاية بقرحة ....

يعني يا محي الدين في عز الزحمة بتاعت وسط البلد ديك وعلى العليك تكون سايق

وتتلفت وتفتش على بوليس الحركة عشان ما يشوفك وانت بترد في الموبايل

يجيك زي التلفون دا ويجابدوك المجابدة دي مش أكيد ح تجيك قرحة

Quote: ما عارفه قفلت الخط دي دي خلعة ولا خوف على الرصيد

انعام كيفك حبيبه

Quote: انت رأيك شنو يا الطيب في الكلام دا ؟؟؟

انعام

انا راي زي رايك ولكن راي زولك المتصل في الوقت ده لا راي ولا رايك بطلي طيبتك الباهلاها سااااى دي


اها فهمتيني ولا عايزة ازيدك؟

يا رحاب بيني وبينك الناس بقت خوفها على رصيدها اكتر من أي شي



وينك إنتي ؟؟؟

معاى منو..؟؟؟!!!

Quote: معاى منو..؟؟؟!!!

أظن النمرة غلط

بكون مالو يا إنعام ؟






الرقيص والزحزحة ديل حقاتنا أنا وتومي الملك ونحنا أسياد الشي زاتا
أما الحادث فعين السواد يا بت أمي

الأخت أنعام
تحية طيبة طيبة لقائك لنا

طبيعي عندما يكون الاتصال بهاتف فكس
مفروض من يرفع الهاتف يقول : السلام عليكم ... منزل فلان وبعدها
المتصل بعرف نفسه ويقول عاوز فلان أو الرقم خطأ .....

أما الهاتف النقال فهو شخصي
اول مايقول صاحب الهاتف هالو ...
يعرف المتصل نفسه

لكن أنا لحظت هنا كثير ما تتصل ويرفع غير الشخص الذي تعرف صوته ( صاحب الهاتف ) وحصلت لي كثير
الآن لكن دوما بقول انا فلان واريد ان أتحدث مع أنعام عبد الحفيظ .. مرات يقول لي دقائق ويدو التلفون لأنعام مرات يقولو لي النمرة غلط ارجع ألقى نفسي طبظت لي رقم خطأ

تحياتي

Quote: آلـو مـنـو مـعـاي؟؟؟

معاك انا

Quote: Quote: آلـو مـنـو مـعـاي؟؟؟ معاك انا

بقال!!!

انت غاطس وين اليومين ديل ؟؟؟

Quote: أما الهاتف النقال فهو شخصي اول مايقول صاحب الهاتف هالو ... يعرف المتصل نفسه

ود المنسي سلامات

يا ريت لو الناس كلها عملت كدا

كنا بنكون أكثر تحضراً في إستخدام الموبايل

Quote: ولما تسألو انت عايز منو يصر يسأل ويقول ليك انت منو؟؟؟ عاد دا كلام يا ناس

نخش طوالى زى زولك بتاع التلفون ده

مش مفروض تقولى ليه انت عايز منو
مفروض تديه حصة ثقالة زى:
معاك الزول اللى انت ضارب ليه
او
معاك انا,, ودى تواصلى فيها الثقالة لأبعد حد عشان تكملى ليه رصيدو
انت/ى منو?
انا الزول/ة اللى انت ضارب ليه/ها
الخ ,,او
انا الزول اللى رفع ليك السماعة

Quote: نخش طوالى زى زولك بتاع التلفون ده مش مفروض تقولى ليه انت عايز منو مفروض تديه حصة ثقالة زى: معاك الزول اللى انت ضارب ليه او معاك انا,, ودى تواصلى فيها الثقالة لأبعد حد عشان تكملى ليه رصيدو انت/ى منو? انا الزول/ة اللى انت ضارب ليه/ها الخ ,,او انا الزول اللى رفع ليك السماعة

لا حولاااااااا لكن ليه كدا يا عبد العزيز

الله غايتو ما شبكنا معاك في تلفون

Quote: بكون مالو يا إنعام ؟

طارق بطل حركات شنو البكون مالو؟









ـــــــــــــ
غايتو يا طارق زحزحتك انت وناجي الملك ما شفت زيها

انا لو منك أقول ليهو: (معاك عمر البشير!!) و أقفل الخط في وشو!!

انعام ازيك

عارفة انا المستغرب ليهو

انه ناس السودان (اغلبهم) لا يردوا على رقم غير معروف لديهم

يعني لمن اجي السودان واعمل لي شريحة جديدة

لازم تعرف ناسك بي رقمك

اخوي يادوب داخل الجامعة ما بيرد على رقم ما بيعرفوا اتصلت بيهو من شريحة تانية مارد

الحكمة شنو ما عارف

كلهم بيقولوا ليك ده هوا

انا ما عارف السبب شنو

لكن انا دايما بتخارج من ازعاج تلفون المنزل كالتالي

الو

نعم

ممكن اكلم فلان


لا النمرة غلط

ده مش محل (بيت) كده

لا والله

طيب ده وين

معاك (مغسلة المقابر)

لا حول الله

يقفل الخط ولا يتصل مرة تانية

إنعام إذيك ومشتاقين كتير
يعنى أتصل بيكى تفتحى بوست ؟

تعرفى ما عارف ليه .. لما يتصل بى زول ضهبان ويقول منو معاى .. بقول طوالى إبراهيم ..

كيفك إنتى .. يعنى ننتظر بتنا تمرض تانى عشان نسمع صوتك .. تلفون لله ياخ

والله لسه بشكرك على مكالمتك البدون خوف على الرصيد

مودتى

يا نعوم
قصتكـ دي بتحل لي مع المسنجر
انا عادة بدخل المسنجر كل 9 شهور كده
و بلقي كلبات الاضتفة و بقبلها تحت شعار
(انا ما عندي ديون ولا خايف من زول )
و يجوكـ الناس القبلت اضافتهم
و يشبكوك اسئلة
انت منو
وين لقيت ايميلي
... الخ

أنعام:

تقفلي الخط في وشي...وتجي تشتكي



ضربني وبكي وسبقني واشتكي

Quote: أنعام: تقفلي الخط في وشي...وتجي تشتكي ضربني وبكي وسبقني واشتكي

ههههههههههه غايتو دي فرصتك فيني يا د. ياسر

Quote: و يجوكـ الناس القبلت اضافتهم و يشبكوك اسئلة انت منو وين لقيت ايميلي ... الخ

ههههههههه دي زرزرة العدو يا خدر كان أخير ما تقبلهم

لكن تعال نسألك إنت الناس دي سآآآآآآآآآآلة كدا مالها ؟؟؟

Quote: إنعام إذيك ومشتاقين كتير يعنى أتصل بيكى تفتحى بوست ؟

يا سلام يا رأفت انا أكتر ياخ وبعدين دا ما انت رقمك مسجل عندي ياخ

Quote: تعرفى ما عارف ليه .. لما يتصل بى زول ضهبان ويقول منو معاى .. بقول طوالى إبراهيم ..

إبراهيم منو؟؟؟

Quote: كيفك إنتى .. يعنى ننتظر بتنا تمرض تانى عشان نسمع صوتك .. تلفون لله ياخ

ياخي اليوم ح أتصل عليك ولا يهمك وسلومة الله يسلمها من كل شر يا رب وسلم لي عليها كتير

Quote: انه ناس السودان (اغلبهم) لا يردوا على رقم غير معروف لديهم

يا جمال دي بقت سمة شبه غالبة في تعامل الناس مع الموبايل تحديداً

Quote: اخوي يادوب داخل الجامعة ما بيرد على رقم ما بيعرفوا اتصلت بيهو من شريحة تانية مارد الحكمة شنو ما عارف كلهم بيقولوا ليك ده هوا انا ما عارف السبب شنو

Quote: لكن انا دايما بتخارج من ازعاج تلفون المنزل كالتالي الو نعم ممكن اكلم فلان لا النمرة غلط ده مش محل (بيت) كده لا والله طيب ده وين معاك (مغسلة المقابر)

هسه عليك الله أخير تعمل بالكلام الفي الكوت الأول ولا التاني دا؟؟؟

Quote: انا لو منك أقول ليهو: (معاك عمر البشير!!) و أقفل الخط في وشو!!

غايتو يا زياد كتبت ليك رد قبييييييل ما عارفه طار ليه؟؟؟

الله يستر من الهكر و سيرة البحر كتبت ليك

عمر البشير شنو ياخ كان أقول ليهو معاك أوكامبو عشان قلبو يطير

انعام
كيفك ...


الو..... مين معاى ...انت منو


انشاء الله تكونى بخير وعافية ...

وعبرك التحية الى كل اصدقاء الامل ..


تسلمئ

Quote: الو..... مين معاى ...انت منو

عاصم إزيك

مش بالله كنت أختم كلامي معاهو وأقول ليهو انت رجل عجيب وغريب

انتي في كده, ولا مرات كمات يشاكلوك, هاك الحوار ده بين زول قريبي اسمه احمد في امريكا و زول ضرب ليه من السودان الساعه 4 صباحا

الو سلام عليكم منو معي
انا أحمد منوا انت.؟؟
يا زول نحن مستنينك نمشي للمرا دي في المستشفى مالك ما جيت؟؟ اها هسع المرا ماتت نلاقيك في أحمد شرفي تعال هنال طوالي
مرة منو الماتت, انت منو و ضارب من وين
انت المنو؟؟ يا زول انت نايم ولا شنو
انا احمد
احمد انت وين في الحتانه؟؟؟
لا انا في امريكا؟؟

في امر يكا؟؟ الله ينعلك و ينعل امريكا معاك كملت لي رصيدي اقفل قفلك بلا

و انتهت المكالمه. و أحمد لهسع ما عارف ده منو ولا الماتت دي منو.

Quote: احمد انت وين في الحتانه؟؟؟ لا انا في امريكا؟؟ في امر يكا؟؟ الله ينعلك و ينعل امريكا معاك كملت لي رصيدي اقفل قفلك بلا و انتهت المكالمه. و أحمد لهسع ما عارف ده منو ولا الماتت دي منو.

شفتي يا دانية الحالة دي صعبة كيف ؟؟؟

هسه ذنبو شنو احمد ينعلوهو ويقفلو البلاء

Quote: الرقيص والزحزحة ديل حقاتنا أنا وتومي الملك ونحنا أسياد الشي زاتا أما الحادث فعين السواد يا بت أمي

Quote: غايتو يا طارق زحزحتك انت وناجي الملك ما شفت زيها

انتو دا شنو بتقطعوا وناسين التلفون

,,,
,,,
انا غايتو ما داير الواثق

Quote: انتو دا شنو بتقطعوا وناسين التلفون

Quote: انا غايتو ما داير الواثق

الواثق منو؟

إنعام،
سلام،،،

تعرفى،
أنا عندى مشكلة،
عندى رقم قديم بستعملو إستقبال فقط فى أغلب الاحيان،،
لكن بحفظ كل الارقام فى الجهاز،
و دة بالتحديد السبب البيخلينى ما أرد على أى رقم مامعروف ،،،

أها الرقم دة الظاهر فى معهد (للتدريب) رقمو قريب من حقى دة،
ناشرو فى الصحف الإعلانية المشهورة،،،

طبعا المكالمات بستلمها أنا فى أغلب الاحيان،
و مرة مرة كدة يجينى رقم ما بعرفو،
يكون مزاجى رايق، ولا قلبى ياكلنى لسبب من الاسباب،
أقوم أرد،
طوالى يدخلوا فينى شمال،

مرة واحد (ملحاح) ضرب قال لى (من غير سلام)،
ياخى أنا كنت معاكم قبل شوية و سجلت،
و هسى داير أرجع قروشى،
قلت ليه: اسفة النمرة غلط،،،

قال لى ياخى ما ممكن ياخ،
إنتو ما يكون عندكم أسلوب،،،

قلت ليه يا استاذ: أسفة الرقم دة ما إنت دايرو،،،

المهم واصل و بشكل عجيب،
أضطريت أقفل الخط،
و كنت محتاجة التليفون شديد و مستعجلة،،،

تصدقى بقى يضرب لى ورا بعض،
لما تموا 7 مرات،
عملت سويتش أوف للتليفون،،،،


تقول لى ليه ما الناس ما بترد على أرقام مجهولة يا جمال السنوسى؟؟؟؟

هسع انتي منو
ولا بقفل الخط
كرهتونا

Quote: لكن هي شلاقة مني لأني رديت على رقم ما بعرفو

انتى الشلاقة ليك شنو ؟؟؟؟؟؟؟؟؟؟؟؟

Quote: Quote: لكن هي شلاقة مني لأني رديت على رقم ما بعرفو انتى الشلاقة ليك شنو ؟؟؟؟؟؟؟؟؟؟؟؟

تقولي شنو ياتيسير ؟؟؟

هزار دة؟؟
أضحك يعنى؟؟؟؟


للضمان كدة:

Quote: انا لو منك أقول ليهو: (معاك عمر البشير!!) و أقفل الخط في وشو!!

---

Post: #36 Title: Re: آلـو مـنـو مـعـاي؟؟؟ Author: anwar abu gaidaa Date: 01-15-2009, 08:27 AM Parent: #35 يا انعام داير تلفون ناديه السر وكل سنه وانتى طيبه تلفونى فى البروفايل وين اراضيك انور عبد الرحمن

---

Post: #61 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-18-2009, 12:53 PM Parent: #36 يا انور ازيك وانت الوين مختفي شديد بتصل على رقمك عشان اديك تلفون نادية بس تلفونك مقفول

---

Post: #74 Title: Re: آلـو مـنـو مـعـاي؟؟؟ Author: زياد جعفر عبدالله Date: 01-19-2009, 11:43 AM Parent: #35 مكرر

---

Post: #76 Title: Re: آلـو مـنـو مـعـاي؟؟؟ Author: زياد جعفر عبدالله Date: 01-19-2009, 11:57 AM Parent: #35 Quote: زار دة؟؟ أضحك يعنى؟؟؟؟ للضمان كدة: Quote: انا لو منك أقول ليهو: (معاك عمر البشير!!) و أقفل الخط في وشو!! ... غايتو يا ..Hala Hassan ...الكلام المكوت دا كاتبو أنا.. لكين كلامك الفوق ليهو ما فهمت هل المقصود منو أنا و معناتو شنو؟؟؟ نفهم عشان ما نشوت ضفاري ساي ... تخريمة: والله الليلة ما عندي موضوع عشان كدا رديت!!!

---

Post: #66 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-18-2009, 02:38 PM Parent: #33 Quote: هسع انتي منو ولا بقفل الخط كرهتونا كمان معاها زهج وكرهتونا وما عارف ايه!! شفت الزول بيصل للمرحلة دي سريع كيف مع التلفون سلامات يا احمد العربي

---

Post: #62 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-18-2009, 01:18 PM Parent: #32 Quote: قلت ليه يا استاذ: أسفة الرقم دة ما إنت دايرو،،،المهم واصل و بشكل عجيب، أضطريت أقفل الخط، و كنت محتاجة التليفون شديد و مستعجلة،،،تصدقى بقى يضرب لى ورا بعض، لما تموا 7 مرات، عملت سويتش أوف للتليفون،، شفتي يا هالة دي المشكلة فيي النهاية تضطري تقفلي التلفون يبقى هو تسبب في ضرر ليك بسبب سؤ تقديرو للأمور

---

Post: #37 Title: Re: آلـو مـنـو مـعـاي؟؟؟ Author: العوض المسلمي Date: 01-15-2009, 08:29 AM Parent: #1 انعام سلام يا عزيزتي وكمان وقت المكالمه بكون انصاص الليالي ,, وده اسلوب جديد ما كان موجود ,,, ولو وقف علي كده برضو كويس ,,,, عارفه في راي انه السبب الطفره التي حدثت في الاتصالات دون ان تصاحبها اي تقدم في ذهنية المواطن او تقبله السريع لهذه الطفره جعل المتصل يسالك انت منو ؟؟؟؟ في حين انه هو المتصل ,,, يحلنا الله من الشبك دي ,,,,

---

Post: #64 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-18-2009, 01:54 PM Parent: #37 يحلنا الله من الشبك دي ,,,, عارف يا العوض شوية تركيز بسيط على طريقة إستخدامنا للتلفون بنكون حلينا المشكلة وبنكتشف انو بنتعامل خطأ في استقبال وارسال المكالمات الموضوع بسيط بس الناس ما بتديهوا إهتمام

---

Post: #38 Title: Re: آلـو مـنـو مـعـاي؟؟؟ Author: معتصم دفع الله Date: 01-15-2009, 08:40 AM Parent: #1 ألو .. ألو .. انتو نسيتو تلفونا ..

---

Post: #65 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-18-2009, 02:02 PM Parent: #38 Quote: ألو .. ألو .. انتو نسيتو تلفونا .. العريس إزيك انت لكن تلفونك دا مشغول طواااااااااالي كدا مالو ؟؟؟ طول اليوم الخط فاتح مع ناس الخرطوم ههههههههههه

---

Post: #39 Title: Re: آلـو مـنـو مـعـاي؟؟؟ Author: omer osman Date: 01-15-2009, 09:34 AM Parent: #1 Quote: لكن هي شلاقة مني لأني رديت على رقم ما بعرفو : كدي في الاول ردي على البتعرفيهو ؟؟؟

---

Post: #43 Title: Re: آلـو مـنـو مـعـاي؟؟؟ Author: اميمة مصطفى سند Date: 01-15-2009, 11:44 AM Parent: #39 نعومة "لكن هي شلاقة مني لأني رديت على رقم ما بعرفو" صدقيني ما شلاقة منك والمفترض نرد على أي اتصال حتى لو ما مسجل الرقم عندنا لأنو ممكن زول يكلمك من تليفون تاني ويكون عايزك ضروري الأغرب من منو معاي؟؟ تصلك رسائل sms بشكل شبه يومي من معجب وبعد فترة يرسل ليك معتذر بأنه ما بيعرفك لكن سمع بيك أو شاف صورتك في مكان وعجبتيه وينهي رسالته بـ "تحياتي لزوجك العزيز" ده يعمل ليهو شنو؟؟ تحيات كميات

---

Post: #75 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 11:53 AM Parent: #43 Quote: صدقيني ما شلاقة منك والمفترض نرد على أي اتصال حتى لو ما مسجل الرقم عندنا لأنو ممكن زول يكلمك من تليفون تاني ويكون عايزك ضروري اميمة إزيك وعساك طيبة عارفه يا اميمة مع تطور حركة الإتصالات في بلدنا معظم الناس بقت شايلة موبايلات والناس اليوم كلو تلفوناتها مدورة وفي ناس ما بتهتم بالطريقة البتكلموا بيها وبضايقوا الزول المتصلين عليهو ومن كترة المضايقات الزول بيضطر ما يرد على أي مكالمة وطبعا ودا ما بمنع انو ممكن تكون في اسباب تانية تمنعوا الرد على رقم ما مسجل عندو انا شغالة بنظرية العايزني ضروري ممكن يجتهد ويفكر شوية ويرسل لي رسالة لو ما رديت عليهو وبكدا بكون ضمن يلقاني وانا ضمنت انو مافي زول بزعجني بإتصالات ما بتخصني Quote: الأغرب من منو معاي؟؟ تصلك رسائل sms بشكل شبه يومي من معجب وبعد فترة يرسل ليك معتذر بأنه ما بيعرفك لكن سمع بيك أو شاف صورتك في مكان وعجبتيه وينهي رسالته بـ "تحياتي لزوجك العزيز" ده يعمل ليهو شنو؟؟ دا يا ستي يخلوهو لى الله بس !! اما اذا كررها فيبقى السكوت ما عندو معنى !!! تسلمي يا عزيزة

---

Post: #71 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 10:48 AM Parent: #39 Quote: كدي في الاول ردي على البتعرفيهو ؟؟؟ هههههههههههه طبعاً دي فرصة ما بتتعوض يا عمر نطمع كثيراً في عفوك يا أخا الإسلام

---

Post: #42 Title: Re: آلـو مـنـو مـعـاي؟؟؟ Author: سيف اليزل جعفر عبد الرحمن Date: 01-15-2009, 11:39 AM Parent: #1 الاخت انعام سلامات قبل ثلاثة سنوات في الاجازة اتصل علي زول منتصف اليل حوالي الساعه الثالثة صباحاً وما لاحظة للجهة المتصل منها المتصل : الو معاي منو شخصي : معاك كلينتون المتصل : يا زول انا بتكلم معاك جادي شخصي : انا برضو المتصل بزهج شديد : انته حيوان بعرفك من وين عشان تمزح معاي شخصي : طيب انا المتصل وله انته ؟ انت المتصل لو ما عايز كلينتون قول معليش تلفون غلط واقفل الخط المتصل : طيب ده تلفون فلان الفلاني شخصي : قولت ليك ده تلفوني انا و انا ما فلاني الفلاني ده ... سلام بعد كم دقيقة كده نفس الشخص مرة ثانية اتصل ولاحظة انه تلفون خارجي ( بدون رقم ) شخصي : الو .. معاك كلينتون المتصل : تااااااااااااني انته شخصي : ايوووووه المتصل يا اخي نحن بنفتش في فلان ده و الرقم ده اتصل علينا منه قبل كم اسبوع شخصي : يا بني اااااااااااادم ده مش انا و لابعرفو الزول ده ولا اتصلت عليك لا من قبل و لا من بعد ... سلام نفس الشخص للمرة الثالثة ( برضو دولي ) المتصل : الو شخصي : نعم المتصل : النعامة الترفسك ... بتقفل الخط في و جهي لشنو ؟ شخصي : اه طيب ( تاني قفلت ) للمرة الرابعة المتصل : تقفل الخط في وجهي تااااااااااني ؟ انا المقدم / فلان ( اسمو الاول بس ) شخصي : غور كده بلا مقدم بلا موخر المتصل :بغضب شديد ( طيب شكلك حتشرفنا هنا في المكتب عشان تعرف نحن منو ) شخصي : طيب تعال عشان تعرفني انا منو المتصل: منو يعني ؟ شخصي : كلينتون ؟ ولما تجي هنا بتعرفني المتصل : بيتكلم مع ناس معاه ( ااااكيد ده سكران او مسطول مفتكر نفسو كلينتون ) سمعت صوت ضحك الجماعه المعاه و زول بيقول ليهو خليني اتكلم معاه شخص ثاني : الو يااااا كلينتون شخصي : لا انا ما كلينتون الشخص التاني : هههههههه طيب انت منو ؟ شخصي : كوفي انان الشخص الثاني : هههههههههههههههه ( ضحكه طويله ) اسمع يا سعاتو الزول ده بقى كوفي انان .... اتخيل لي الزول ده مجنون يا سعاتو الشخص الاول .. يتخيل ليك شنو .. اكيد مجنون لــو ما مجنون كان بيرد على تلفون في وقت زي ده ؟ اقفل اقفل وقول ليهو معليش يا مستر بلير عشان يفرح . الشخص الثاني : طيب مع السلامة يا مستر فرانسيس ميتران و اسفين للازعاج و تصبح على خير اه يااختي طلعوني مجنون في النهاية و للصباح ما نمت انا مجنون وله عاقل .. عاقل وله مجنون .. انا كلينتون وله كوفي انان وله بلير اخوك كاسترو

---

Post: #45 Title: Re: آلـو مـنـو مـعـاي؟؟؟ Author: فرح Date: 01-15-2009, 12:04 PM Parent: #42 دا انا يا انعام كنت داير اقول ليك ...... برجع ليك

---

Post: #73 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 11:27 AM Parent: #45 هههههههههههههه ترجع لي وين يا فرح في الكبري؟؟؟

---

Post: #72 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 11:07 AM Parent: #42 Quote: اه يااختي طلعوني مجنون في النهاية و للصباح ما نمت انا مجنون وله عاقل .. عاقل وله مجنون .. انا كلينتون وله كوفي انان وله بلير هههههههههههههههه غايتو الجاتك في عقلك ماااااا سامحتك يا سيف اليزل شفت عمايل الناس دي في الموبايلات ممكن تجنن كيف؟؟

---

Post: #48 Title: Re: آلـو مـنـو مـعـاي؟؟؟ Author: tarig almakki Date: 01-15-2009, 01:14 PM Parent: #1 وتفتكري المسألة دي من شنو يا إنعام؟ Quote: غايتو يا طارق زحزحتك انت وناجي الملك ما شفت زيها وحات أب شرا أنا ذاتي ما شفت ذيها

---

Post: #77 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 12:02 PM Parent: #48 Quote: وتفتكري المسألة دي من شنو يا إنعام؟ ههههههههههههه فهمي كمل خلاص يا طارق كدى نشوف فهمك انت ياخ

---

Post: #53 Title: Re: آلـو مـنـو مـعـاي؟؟؟ Author: osman righeem Date: 01-15-2009, 02:04 PM Parent: #1 ازيك يا انعام الكلام ده حصل متين اليوم والساعه والتاريخ أنا شاكي في محمد ناصر

---

Post: #54 Title: Re: آلـو مـنـو مـعـاي؟؟؟ Author: أحمد الشايقي Date: 01-15-2009, 02:34 PM Parent: #53 سلام يا انعام, في استخدام التلفون عندنا (كشعب سوداني) مشاكل كبيرة جداً, (منو معاي) دي واحدة منها بس مش كلها ممكن البوست دا يكون نافذة لمناقشتهــا ... ليكي تحية يا راقية وما تشوفي (شـر) أحمد الشايقي

---

Post: #55 Title: Re: آلـو مـنـو مـعـاي؟؟؟ Author: هشام حسن Date: 01-15-2009, 07:13 PM Parent: #54 Quote: كنت برجع طوالي بتصل بيهو وبقول ليهو حولها لي رصيد .. ح يقول ليك "معاي منو؟" تاني..

---

Post: #57 Title: Re: آلـو مـنـو مـعـاي؟؟؟ Author: الطيب شيقوق Date: 01-18-2009, 11:20 AM Parent: #55 معاك شيقا

---

Post: #79 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 07:29 PM Parent: #57 معاك شيقا أهلاً شيقا

---

Post: #80 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 07:34 PM Parent: #55 Quote: Quote: كنت برجع طوالي بتصل بيهو وبقول ليهو حولها لي رصيد .. ح يقول ليك "معاي منو؟" تاني.. ههههههههههههههه مبالغة لكن يا هشام

---

Post: #78 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-19-2009, 07:16 PM Parent: #53 أنا شاكي في محمد ناصر شاكي في منو؟؟؟ هههههههههههههههههه تطير عيشتو محمد ناصر دا أي حاجة بقت فوق رقبتو !!! ـــــــــ الله يعينو/هم

---

Post: #58 Title: Re: آلـو مـنـو مـعـاي؟؟؟ Author: هاشم أحمد خلف الله Date: 01-18-2009, 11:47 AM Parent: #1 أعمل ليك شنو لكن ؟؟ اضرب ليك بجوالي ما تردي قلت احسن اضرب ليك بجوال تاني وتالت ورابع ( وش ضاحك ) مشتاقين يا نعومة والله بس المرة الجاية ردي على إي تلفون

---

Post: #86 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-20-2009, 06:53 PM Parent: #58 Quote: أعمل ليك شنو لكن ؟؟ اضرب ليك بجوالي ما تردي قلت احسن اضرب ليك بجوال تاني وتالت ورابع ( وش ضاحك ) مشتاقين يا نعومة والله بس المرة الجاية ردي على إي تلفون هاشم يا هاشم مشتاقين والله عارف غايتو ما عندي حظ معاك في التلفون خالص لك الود

---

Post: #59 Title: Re: آلـو مـنـو مـعـاي؟؟؟ Author: عبد الدائم سيد أحمد Date: 01-18-2009, 11:55 AM Parent: #1 منو معاى ... ساهلة يا آنعام المشكلة فى المس كولات الدولية الواحد يغيير رقمو لرقم جديد يعمل ليك مس كول بالرقم الجديد كم مرة ، ولما تحتار وقلبك يأكلك تروح تتصل ويقول ليك منو معاى .... معليش اتصلت عشان اديكم رقمى الجديد طيب ياخى ما ترسل لي رسالة على الاقل وتقول لي ده رقمك الجديد الايام دى الحكاية كترت بعد دخول زين ....

---

Post: #63 Title: Re: آلـو مـنـو مـعـاي؟؟؟ Author: نادية عثمان Date: 01-18-2009, 01:51 PM Parent: #59 نعومة سلامات وكيفك من ليلة أمبارح يارب تكوني بقيتي تمام منو معاي دي من كترة ماكترت بقت عادية أكتر من إنو الزول يقول ليك أنا فلان ( وش محتار) ! ماتشوفي شر إن شاء الله ياحبيبة

---

Post: #67 Title: Re: آلـو مـنـو مـعـاي؟؟؟ Author: Ashraf Abdel-Muty Date: 01-18-2009, 02:44 PM Parent: #63 يا ست انعام ده انا انفع ؟؟

---

Post: #89 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 10:20 AM Parent: #67 Quote: يا ست انعام ده انا انفع ؟؟ أشرف إزيك انت بالله قاعد في البلد دي ؟؟؟ لأنو التلفون محلي ما دولي !!!

---

Post: #88 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 10:19 AM Parent: #63 Quote: نعومة سلامات وكيفك من ليلة أمبارح يارب تكوني بقيتي تمام منو معاي دي من كترة ماكترت بقت عادية أكتر من إنو الزول يقول ليك أنا فلان ( وش محتار) ! ماتشوفي شر إن شاء الله ياحبيبة والله يا نادية الدنيا دي فيها عجائب بقت!!! ما وشك براهو المحتار انا زاتي وشي محتار!!!

---

Post: #87 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 09:51 AM Parent: #59 Quote: طيب ياخى ما ترسل لي رسالة على الاقل وتقول لي ده رقمك الجديد عبد الدائم سلامات طبعا دا تصرف سليم انك ترسل رسالة في الحالات الزي دي عشان مافي داعي للتلفون والإتصال والتكاليف الرسالة بتوفي بالمطلوب لكن نقول شنو بس!!! الناس ما بتشغل راسها وتفكر ماشة للساهل على طول

---

Post: #68 Title: Re: آلـو مـنـو مـعـاي؟؟؟ Author: naeem ali Date: 01-19-2009, 09:38 AM Parent: #1 Quote: بعدها يقفل الخط في وشك من غير إعتذار على الإزعاج السببو ليك وده مربط (البعير) زاااته يا انعام ليه لمن تكون (ما) الزول الدايرنه مابتلقي اي (احترام) الاحترام ده بالمعرفه يعني ولا كيف..؟؟؟

---

Post: #90 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 10:28 AM Parent: #68 Quote: Quote: بعدها يقفل الخط في وشك من غير إعتذار على الإزعاج السببو ليك وده مربط (البعير) زاااته يا انعام ليه لمن تكون (ما) الزول الدايرنه مابتلقي اي (احترام) الاحترام ده بالمعرفه يعني ولا كيف..؟؟؟ نعيم الإنسان الجميل مفروض انك تتكلم بكل إحترام مع الطرف المتصل عليهو بغض النظر عن إنو دا زولك العايزو ولا لا لكن بعضهم لا يفعل ذلك!!!

---

Post: #70 Title: Re: آلـو مـنـو مـعـاي؟؟؟ Author: محمد أبوالعزائم أبوالريش Date: 01-19-2009, 10:13 AM Parent: #1 إنعام كيفك .... ومشتاقين والله صدقتي .. منو معاي دي فعلاً تفقع المرارة، ومعاها واحدة تانية .... يعني كتير من المرات باتصل بي زول بعرفو كويس (في موبايلو)، ومتأكد من نمرتو (مسجّل عندي). يقوم يرد علي صوت تاني، فأقول ليهو، والله ياخي أنا قاصد أتصل بفلان، مش دي نمرتو؟ يقوم يقول لي "والله فلان ده في الحمام". ........ طيب ياخ الوداك ترد على التلفون ده شنو؟ يا عالم ... التلفون الموبايل (شخصي) ولا يفترض أن يرد عليه غير صاحبه. يعني أولاً لو ما الظريف الرد ده، كان صاحب التلفون حيلقى (مس كول) بعد ما يرجع ويعرف إني إتصلت، وما كان حضرتنا خسر مكالمة لم يجني ثمارها. وقبل كده .... الظريف ده لو كنت عايز أتكلم معاهو كنت إتصلت بيهو هو. أخخخخخخ ..... البيفقع المرارة كتير.

---

Post: #91 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 10:39 AM Parent: #70 Quote: يعني كتير من المرات باتصل بي زول بعرفو كويس (في موبايلو)، ومتأكد من نمرتو (مسجّل عندي). يقوم يرد علي صوت تاني، فأقول ليهو، والله ياخي أنا قاصد أتصل بفلان، مش دي نمرتو؟ يقوم يقول لي "والله فلان ده في الحمام". ........ طيب ياخ الوداك ترد على التلفون ده شنو؟ يا عالم ... التلفون الموبايل (شخصي) ولا يفترض أن يرد عليه غير صاحبه. يعني أولاً لو ما الظريف الرد ده، كان صاحب التلفون حيلقى (مس كول) بعد ما يرجع ويعرف إني إتصلت، وما كان حضرتنا خسر مكالمة لم يجني ثمارها. وقبل كده .... الظريف ده لو كنت عايز أتكلم معاهو كنت إتصلت بيهو هو. Quote: أخخخخخخ ..... البيفقع المرارة كتير. والله يا ابو العزائم بركة الجات على كدا وحصلت باقي المرارة هههههههههههههههه

---

Post: #81 Title: Re: آلـو مـنـو مـعـاي؟؟؟ Author: تماضر الخنساء حمزه Date: 01-19-2009, 07:37 PM Parent: #1 أنا بحب أكمّل الرصيد بتاع الزول البستهبل ناعومي شوق الشوق

---

Post: #92 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 10:52 AM Parent: #81 Quote: أنا بحب أكمّل الرصيد بتاع الزول البستهبل ههههههههههههه بطلي غتاتة وإستهبال ياخ Quote: ناعومي شوق الشوق يا بت انا شوقي أكتر

---

Post: #82 Title: Re: آلـو مـنـو مـعـاي؟؟؟ Author: ismeil abbas Date: 01-19-2009, 08:39 PM Parent: #1 ألو:ألأخت إنعام.. مرحب..معاك..أخوك إسماعيل محمد احمد عباس... سودانيزأونلاين..طبعآ أول مرة نتكلم مع بعض لكن أنا سعيد بذلك واخذت تلفونك من اختنا إنعام حيمورة للتنسيق معاك ..عشان توصفى لى كويس. أنا ألأن فى وصلت جبل اولياء... فى إستراحة وعلى يدك اليمين فى شاليهات.... وانا بفتش للشاليهات..كان لقيت ليك السمؤل جالس فى فرشة.. دى الشاليهات يا إنعام..وضحكنا.. أها لقيتينى كيف.؟... حقيقة نفتقر للكثير من اللباقة وفن التخاطب عبر الهاتف.إلا من رحم ربى.. Quote: ما عارفه قفلت الخط دي دي خلعة ولا خوف على الرصيد كتير من السودانيين بيتعاملوا مع التلفون بالطريقة دي الله يكون فى العون خالص مودتى..................إسماعيل محمد احمد عباس

---

Post: #83 Title: Re: آلـو مـنـو مـعـاي؟؟؟ Author: anwar abu gaidaa Date: 01-20-2009, 08:36 AM Parent: #82 يا ابراهيم الكلام ده كده ما ببقى انت وعدت احسان امبارح والليله لحدى هسى مافى جديد والزوله دى طولت روحها شديد للموضوع ياخى انا بقترح نتلاقى فى مكتب احمد ونسوى الموضوع والله شنو؟ انت عاوز من يا حبيب ؟؟؟ انت مش ابراهيم؟؟ لا والله انا انور عبد الرحمن؟؟ ده زوول الو ما قالها فتحت الخط ارد ليهو صرف لى المشكله دى؟؟؟ اها نعمل شنو؟؟؟؟

---

Post: #93 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 11:13 AM Parent: #82 Quote: ألو:ألأخت إنعام.. مرحب..معاك..أخوك إسماعيل محمد احمد عباس... سودانيزأونلاين..طبعآ أول مرة نتكلم مع بعض لكن أنا سعيد بذلك واخذت تلفونك من اختنا إنعام حيمورة للتنسيق معاك ..عشان توصفى لى كويس. أنا ألأن فى وصلت جبل اولياء... فى إستراحة وعلى يدك اليمين فى شاليهات.... وانا بفتش للشاليهات..كان لقيت ليك السمؤل جالس فى فرشة.. دى الشاليهات يا إنعام..وضحكنا.. أها لقيتينى كيف.؟... لقيتك كدا (ماق ادرة أجيب الأيقونة ياخ) بس لقيتك تمام هههههههههههه Quote: حقيقة نفتقر للكثير من اللباقة وفن التخاطب عبر الهاتف.إلا من رحم ربى.. حسن التخاطب او فن التخاطب يدلل على لباقة المتصل او المستقبل ومدى إحترامو لنفسو وللطرف التاني الموجود معاهو على الخط ربنا يعينا جميعاً يا إسمماعيل يا أخوي

---

Post: #84 Title: Re: آلـو مـنـو مـعـاي؟؟؟ Author: هويدا شرف الدين Date: 01-20-2009, 08:53 AM Parent: #1 انعام كيفك تمام مرة ضرب لي واحد ومصر يعرف أنا منو قلت ليهو انت داير منو المهم قال لي انتي ندي قلت ليهو لا قال لي ما مشكلة ممكن نتونس اصلي في مامؤرية وزهجان شوية تتخيلي

---

Post: #95 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 11:28 AM Parent: #84 Quote: مرة ضرب لي واحد ومصر يعرف أنا منو قلت ليهو انت داير منو المهم قال لي انتي ندي قلت ليهو لا قال لي ما مشكلة ممكن نتونس اصلي في مامؤرية وزهجان شوية تتخيلي دي كمان يا هويدا مشكلة تانية الناس البتلقى النمرة غلط وبفرضو نفسهم على الآخرين وبكونوا عايزين يقضوا زمن بغض النظر عن رأي الطرف التاني في الحاجة دي يعني ما ممكن تلغي الآخر وما تحترمو وكمان تهمش رأيو في البتسوي فيهو دا وتفرض نفسك بالطريقة السمجة دي وتكون عشان ترضي نفسك بس وتقضي زمن!!! شئ غريب شديد !!!

---

Post: #85 Title: Re: آلـو مـنـو مـعـاي؟؟؟ Author: ismeil abbas Date: 01-20-2009, 03:37 PM Parent: #1 ألأخت/إنعام السلام عليكم Quote: سلام يا انعام, في استخدام التلفون عندنا (كشعب سوداني) مشاكل كبيرة جداً, (منو معاي) دي واحدة منها بس مش كلها ممكن البوست دا يكون نافذة لمناقشتهــا ... ليكي تحية يا راقية وما تشوفي (شـر) أحمد الشايقي أنا أؤيد كلام اخونا احمد الشايقى ونكون عمليين ..وخلونا نبث من هنا للقارىء ولو بسيط جزء من ثقافة فن التخاطب بالهاتف..وبعض النصايح.. إذا كنت فى بيت احد ورن الهاتف الثابت لاترد عليه إلا بعد إذن صاحب البيت.أو جوال نقال. وإذا رديت رد كألأتى.. ألو مرحبا..معك منزل فلان الفلانى صاحب المنزل مشغول ألأن.زأنا فلان الفلانى أى وصية...قبل أن تدخل المتصل فى حرج. بادر بتعريف إسمك إذا كنت متصلآ بشخص أول مرة واختصر الزمن فى توصيل معلومة مفيدة فى أقل وقت. تقبل إعتذار الشخص المتصل إليه إذا قال لك عفوآ انا مشغول أحترم فيه ذلك فأنت لاتراه هو فى أى وضع. لاتكثر من العتاب والنقاش عبر الهاتف..قد لاتعرف المتصل به على أى وضع هو... البدأ بالتحية المعروفة السلام عليكم او أسعد الله صباحكم أو مساءكم بعد السلام. إذا حسيت بأن صوت المتصل به متغير..حاول أن تجد له العذر قد يكون حزينآ لشىء ماء أو مستيقظ من نوم أو فى حالة لايريد احد ألأطلاع عليه فبادر بكلمة لو مشغول ممكن اتصل بك فى وقت ثانى ولاتكن ثقيلآ وتحاول ان تعرف ما به. يالله ياجماعة..صححونا وأضيفوا لنا ......مودتى........إسماعيل محمد احمد عباس...

---

Post: #96 Title: Re: آلـو مـنـو مـعـاي؟؟؟ Author: انعام عبد الحفيظ Date: 01-21-2009, 11:36 AM Parent: #85 Quote: وخلونا نبث من هنا للقارىء ولو بسيط جزء من ثقافة فن التخاطب بالهاتف سلامات يا إسماعيل وكيفك؟ ودا الحصل بعرض المتداخلين لبعض من النماذج في التعامل مع التلفون

---

Post: #94 Title: Re: آلـو مـنـو مـعـاي؟؟؟ Author: Hala Hassan Date: 01-21-2009, 11:28 AM Parent: #1 زياد جعفر،، Quote: غايتو يا ..Hala Hassan ...الكلام المكوت دا كاتبو أنا.. لكين كلامك الفوق ليهو ما فهمت هل المقصود منو أنا و معناتو شنو؟؟؟ نفهم عشان ما نشوت ضفاري ساي معليش، أضطريت أستعمل نصيحتك لإنعام،، و دة الجاب الكوت،،،، لكن عموما كدة،، النمرة غلط،،،:D لكن عشان ما نضيع ليك زهجتك دى فى الفاضى،،، شوت زى ما داير،، بس.......... __________________________________ هو شوت ضفارى دة، يعنى بقلعوا معاهو الضفر ولا كيف؟؟؟؟