أسفي عليك يا عمر عثمان !!!

عرفت عمر عثمان منذ ما يقارب الـ 4 سنوات
عرفته من خلال الحزب الإتحادي الديمقراطي بمنطقة الخرطوم
وكان سبب تعرفي عليه هو الأستاذ فتحي شيلا
إذ كانت تربطهما علاقة صداقة متينة وتعارفت به بعد ان سمعت عنه
من الأستاذ فتحي شيلا وقتها عن أدبه وتهذيبه وثقافته ووعيه وحبه للقراءة
جمعتني بـ عمر عدد من اللجان الحزبية في إتجاهات مختلفة
وأشهد الله أنني كنت دوماً ما أجد عنده العقل الراجح والعقل المتزن
وكنا نتواصل في حوارات لا تعرف الكلل ولا الملل حوارات تعرف المنطق
حوارات كان همها إصلاح حال الحزب الإتحادي الديمقراطي
كان عمر مهوماً بذلك وكنا معه جميعنا ولا زلنا
عمر عثمان من الكوادر المتعلمة والمثقفة وصاحب ذكاء جميل
على المستوى الشخصي عمر عثمان مهذب جداً في مفردته وفي سلوكه
وإنسان عالي الحساسية تجاه قضايا بلده
وتجاه من يتعامل معه على المستوى الإنساني
إختار عمر ان ينضم للمؤتمر الوطني ليخدم بلده
لا أشك في هدف عمر (خدمة بلده) ولكنني أجزم بعدم جدوى الوسيلة
(وهي عبر المؤتمر الوطني) وكان هنا خلافنا
وأذكر أنني ناقشته كثيرا ً في ذلك ولا زلت ومع كل ذلك
أكن له كل الإحترام والود لأنني خبرت معدنه الطيب والصادق
بعد ذهابه للمؤمر الوطني كنت أناكفه وأمازحه في المنبر
وفي خارجه كانت الحوارات العميقة تدار بيننا بكل إحترام وتهذيب
عمر عثمان بالمنبر العام بسودانيز اون لاين لم يشتم أحداً ولن!!
كان مهذباً في كلامه وفي مداخلاته تهذيباً ينم عن تربية جميلة
تربية صوفية نهل منها على يد والده الخليفة محمد عثمان عبد الحليم
لذلك كنت أتألم عندما يشتمه أحداً هنا بسبب خلاف سياسي
وأقول في سري (دا ما عارف قدر عمر) كان هو حليماً وعندما ينزعج جداً
يرسل لبكري شكوى ضد من شتمه وهذه نادراً ما تحدث
عمر يحاور الجميع بكل إحترام وينقل وجهة نظره وقناعته بما يعتقد
أسفت جداً لأنه آثر الإبتعاد عن المنبر العام لسودانيز اون لاين
وأتمنى ان يعود ثانية للحوار وللتواصل مع الجميع






ــــــــــــ
ما عارفه ليه كتبت كل الكلام دا لكن حسيت بإنو عمر
عندو حق عندي لازم أوفيه ليهو ولازم أقول ليك يا عمر
إني بحترمك جداً جداً جداً ويظل التواصل لن ينقطع!

سيفتقدك المنبر يا عمر!!

يا انعام
رغم انو عمر بيعتبر برلوم
لكن المنبر بدونو ماااااااااا بيبقي..
ولو عندنا خاطر عندو بيرجع..

Quote: يا انعام رغم انو عمر بيعتبر برلوم لكن المنبر بدونو ماااااااااا بيبقي.. ولو عندنا خاطر عندو بيرجع..

يا سارة وما هي مقاييس البرلمة؟؟
عمر يا سارة حاور الناس بإحترام
وعندما يختلف مع انسان هنا لا يشخصن إختلافه
أشهد له بالإنضابط الخلقي الدائم
ويا ليته يسمع أصواتكم ويرجع!!

Quote: عمر يحاور الجميع بكل إحترام وينقل وجهة نظره وقناعته بما يعتقد أسفت جداً لأنه آثر الإبتعاد عن المنبر العام لسودانيز اون لاين وأتمنى ان يعود ثانية للحوار وللتواصل مع الجميع

اشهد له بنبل الخلق وطيبة العشر
اتمني ان يعدل عن قرار المغادره
تحياتي انعام

Quote: اشهد له بنبل الخلق وطيبة العشر اتمني ان يعدل عن قرار المغادره تحياتي انعام

يا كمال تجدني من المتألمين جداً لترك عمر للمنبر
إحترم عمر الجميع هنا إتفق معهم ام إختلف
نفتقد هؤلاء المحترمين!!

Quote: اشهد له بنبل الخلق وطيبة العشر اتمني ان يعدل عن قرار المغادره

وأشهد ان عمر من الأقلام المتزنة في طرحها
يا نوفل ومعك نتمنى ان يرجع ثانية

تسلمي يا إنعام
وعمر يستحق ويستاهل!
وإن شاء الله يرجع لينا تاني
يوم يومين والأمــور تكون كويسة





___
منتظرنكـ يا عمر!

كتبت بوست بذات المعنى...سحبو لي قبل ما اتم كلامي..


لم اتداخل مع الاخ عمر عثمان...لكن عمر من الشخصيات التي تمنيت ان التقيها على الواقع...يجبرك على احترامه..
يا انعام انا من الناس العمري مابخلط بين السياسة والعلاقات الإجتماعية ولو حتى معرفة أسافير...


عمر...جميعنا نحبك ونقدرك ونعزك...اتمنى ان تراجع قرارك..وكما قال اساسي كلنااتخذناقرار الإبتعاد ده واطسينا في عينا ورجعنا..... الحنين للوطن وللاهل...وحنينا ليك لن ينقطع.


سلامي لك وللمدام...

مساء الخير

ياريت يرجع عن قراره المفاجئ دا

يدي نفسه فرصه يعيد ترتيب اوراقه

ويجي تاني بنفس الهمه والنشاط والروح الطيبه

العودنا عليها عمر عثمان في بوستاتو وردودو

ماشاء الله عليك يا عمر كل ما اقرا كلام مكتوب عنك بيكون

كلام بيسر البال ونعتز بيك يا عمر وربنا يصلح الحال

Quote: ياريت يرجع عن قراره المفاجئ دا يدي نفسه فرصه يعيد ترتيب اوراقه ويجي تاني بنفس الهمه والنشاط والروح الطيبه العودنا عليها عمر عثمان في بوستاتو وردودو

يا ريت يا مريم فـ عمر مدرسة في الإختلاف نحترمه من أجلها جداً

Quote: ماشاء الله عليك يا عمر كل ما اقرا كلام مكتوب عنك بيكون كلام بيسر البال ونعتز بيك يا عمر وربنا يصلح الحال

ولن يكون في حق عمر غير كل كلام طيب
شكرا يا مريم

Quote: لم اتداخل مع الاخ عمر عثمان...لكن عمر من الشخصيات التي تمنيت ان التقيها على الواقع...يجبرك على احترامه.. يا انعام انا من الناس العمري مابخلط بين السياسة والعلاقات الإجتماعية ولو حتى معرفة أسافير..

وهو كذلك يا حنين نفس الشخصية الأسفيرية تجدينها في الواقع
يجبرك على إحترامه دوماً

Quote: عمر...جميعنا نحبك ونقدرك ونعزك...اتمنى ان تراجع قرارك..وكما قال اساسي كلنااتخذناقرار الإبتعاد ده واطسينا في عينا ورجعنا..... الحنين للوطن وللاهل...وحنينا ليك لن ينقطع.

وهي المحبة الصادقة والخالصة لا أغراض فيها يا عمر
وانت خير من تدري ذلك فيا ليتك عدت!!

انعام كيفينك
وان شاء الله النتيجه غلبوا مصر
وحياتك انا قبال ما اعرف الحاصل شنو
دخلت بوستك ده.

شكرا لانك حدثتينا عن عمر
وعمر فعلا اخلاقه طيبه ولاحظنا ذلك كلنا
وقد شهد له كثيرين من معسكرات مختلفه عن معسكره السياسي.

عمر مش مفروض يرجع البورد وبس وكمان يخلي
المؤتمر الوطني لانه فعلا ما بيشبهم.


يا عمر ما تنسى اني بتك على فكره اسم والدي عمر
فايقاعه في اذني ذو محنه خاصه.

كن بخير يا اخي
وننتظرك مع الاشواق.

ونيو سودان ووووووووويييييييي
انفصال مافي وووووووييييييييي
عشان تفرح وبجود شول اخوك لاني
تابعت صداقتكم ويعلم الله فرحت بها.

Quote: انعام كيفينك وان شاء الله النتيجه غلبوا مصر وحياتك انا قبال ما اعرف الحاصل شنو دخلت بوستك ده.

يا تراجي كيفك
الكورة لسه ح تتلعب يوم الأربعاء

Quote: شكرا لانك حدثتينا عن عمر وعمر فعلا اخلاقه طيبه ولاحظنا ذلك كلنا وقد شهد له كثيرين من معسكرات مختلفه عن معسكره السياسي. عمر مش مفروض يرجع البورد وبس وكمان يخلي المؤتمر الوطني لانه فعلا ما بيشبهم.

وشهد شاهد يا عمر!!
شكرا يا تراجي على كلمة الحق بحق عمر

Quote: يا عمر ما تنسى اني بتك على فكره اسم والدي عمر فايقاعه في اذني ذو محنه خاصه. كن بخير يا اخي وننتظرك مع الاشواق. ونيو سودان ووووووووويييييييي انفصال مافي وووووووييييييييي عشان تفرح وبجود شول اخوك لاني تابعت صداقتكم ويعلم الله فرحت بها

ورجاءات ونداءات وأحلام مشتركة وممتدة لك وبك يا عمر!!

ود الصايم ربنا يكضب الشينة ويرجع عمر!!

يا سلام علـيك يا إنعام..
حروفـك تنضـح صـدقا وإخلاصا لإخـاء نبيل ..
عـرفت الأخ عمـر هـنا أيام إنضمامه الأولي للمـنبر
وقـرأت بعض المساجلات بينه وبعـض الإخـوة الإتحاديين
يلومـونه مـنتقدين إنضـمامه لما يسمي بالمؤتمـر الوطني
خاشنته بالقول أحيانا فلم يرد بالمـثل علي الإطـلاق.
لا أدري ملابسات إبتعاده وأرجوه أن يعـدل عن قـراره
كما أتمـني أن يمـزق فاتورة الإنتماء لمؤسسة الإجـرام تلك
فهـو لا يشـبهـها ونتمناه مع إخـوته وأخـواته كما كان.

Quote: سلام علـيك يا إنعام.. حروفـك تنضـح صـدقا وإخلاصا لإخـاء نبيل .. عـرفت الأخ عمـر هـنا أيام إنضمامه الأولي للمـنبر وقـرأت بعض المساجلات بينه وبعـض الإخـوة الإتحاديين يلومـونه مـنتقدين إنضـمامه لما يسمي بالمؤتمـر الوطني خاشنته بالقول أحيانا فلم يرد بالمـثل علي الإطـلاق. لا أدري ملابسات إبتعاده وأرجوه أن يعـدل عن قـراره كما أتمـني أن يمـزق فاتورة الإنتماء لمؤسسة الإجـرام تلك فهـو لا يشـبهـها ونتمناه مع إخـوته وأخـواته كما كان.

عمر يثبت معدنه الأصيل والطيب بعودته يا عبد الله

يا إنعام ما شفت البوست بتاعك دا
انا بعد رجعت من الندوة وزعلتي لسه معاي
جيت كتبت الكلام دا لو عارفاك نزلتي بوست
كنت عملتها مداخلة عندك
عمر عثمان .. أخو الاخوان

انعام
سلامات
يكفي ان شهدت له انت ومعك كل هذه الكوكبة الخيرة..

يقيني انه عائد لان مثله لا يرد امثالكم خائبين ..

Quote: عمر مش مفروض يرجع البورد وبس

ويرجع كمان حزبه الوطني ياانعام

عُمر..
خلى البورد ليه؟!


...
بغض النظر عن بُعدنا عن السياسة
وعن احكامنا على أنفسنا وعلى من حولنا
وعن أحكامنا المسبقة عن النظام الحاكم
عداءنا ...الطبيعى للمؤتمر الوطنى
وإحباطتنا التى نحملها كُل يوم ...
كمواطنيين عاديين جداً


لكن عمر عثمان ...دا زول إنسان...
ونبيل وصادق فى كتاباته وحياته
لم أقرأ له ما يعيب ...ولم أعرف له ما يُعيب

Quote: لكن عمر عثمان ...دا زول إنسان... ونبيل وصادق فى كتاباته وحياته لم أقرأ له ما يعيب ...ولم أعرف له ما يُعيب

ويا ناجي شكراً للشهادة بحق إنسان عزيز علينا جميعاً

Quote: Quote: عمر مش مفروض يرجع البورد وبس ويرجع كمان حزبه الوطني ياانعام

رجع للبورد يا بهاء وعقبال يرجع للحزب كمان

Quote: يكفي ان شهدت له انت ومعك كل هذه الكوكبة الخيرة.. يقيني انه عائد لان مثله لا يرد امثالكم خائبين ..

نأمل يا حسن يا بشاري نأمل!!

سلامات انعام
اسفت جدا لقراره المفاجئ
لكني احترم خياره خاصة وان البعض هنا يدفعون بالخلوقين لمغادرة المنبر من شدة تهورهم
للاسف الشديد تجدين اشد الناس ضيقا بالرأي هنا هم من يدعون للديمقراطية
اتمنى لعمر كل التوفيق
ومرحبا به ان عاد عن قراره

ليتني كنت عمر

للأ سف لا أعرف عمر وهو كذلك لا يعرفني
لكوني من القادمين الجدد ... لكن شدني جدا
ذلك الاحترام والتقدير .. والوفاء النادر الذي يكنه المتداخلين لعمر
وهو لا شك يستحقه .. أسعدني جدا أن الفيضان الاسفيري وتداعيات العولمة
لم يقتلعا كل أشيائنا الجميلة .. فلا زلنا نحتفظ ببعض النبل وبعض الوفاء والصدق
في علاقاتنا الانسانية ............

عمر رجاءا عد الى المنبر

ليس من أجلي بل من أجل الذين قالوا كلمة حق في شخصك وشهدوا لك بأنبل وأرفع الصفات
فهل ستخذلهم ؟؟؟ ................
صادق الود

Quote: عمر مش مفروض يرجع البورد وبس وكمان يخلي المؤتمر الوطني لانه فعلا ما بيشبهم.

Quote: Quote: عمر مش مفروض يرجع البورد وبس وكمان يخلي المؤتمر الوطني لانه فعلا ما بيشبهم.

يا فتحي عمر ذو أخلاق عالية وسيرة حسنة وحميدة

Quote: شدني جدا ذلك الاحترام والتقدير .. والوفاء النادر الذي يكنه المتداخلين لعمر وهو لا شك يستحقه .. أسعدني جدا أن الفيضان الاسفيري وتداعيات العولمة لم يقتلعا كل أشيائنا الجميلة .. فلا زلنا نحتفظ ببعض النبل وبعض الوفاء والصدق في علاقاتنا الانسانية

وليس لدينا سوى علاقتنا الإنسانية الجميلة
والتي نفاخر ونحتفي بها يا منتصر

العزيزة والشقيقة إنعام سلامات

وأنعم الله عليك فأنتي إنسانة أصيلة تعرفين عمن تتحدثين...

وعمر عزيز على الكل... مدحه لي صديقي الفاضل علي سرالختم
في مشيته السودان فبل أسابيع قال فيه مالم يقله مالك في الخمر

وده زول دخل المنبر بسلام وخرج بسلام... أكيد عندو ظروفه الأجبرته
إنو يتخلف عن الركب ده وما في زول ممكن يقدر يناقشه فيها!
ومرات بنقبل بالمر عشان عارفين إنه في أمر منه
وعلي الأقل عرفنا طعمه...

أسفي عليك يا عمر عثمان!

ياريتني لو كنت عمر عثمان
شنو ياسعاتو... عايز تعرف غلاوتك ومعزتك عند الناس
اهو ابسط يا عم المعارضين جو وشهدوا ليك

ياريت بالذات في المرحلة دي نحن محتاجين لكل الوطنيين
وبعدين حرام عليكم نفقد نفرين في شهر واحد
تمبس وضاع في الحب يارجالة (واقع لي في الحب بي هناك) وش ضاااااحك
وعمر عثمان فجاة اعلن مغادرة المنبر
والاثنين وزنهم فارق معانا في المنبر




ياريت ترجع عن قرارك


*إزيك يا انعام

عمر عثمان

راجل مؤدب ومحترم
وياريت يرجع سريع







شكرا انعام

بس ..
عيبه إنو مازيمبيخابي


ما أجملك يا انعام ..
كلامك عن عمر وفاء ما بعده وفاء وإن إختلفنا معه في توجهه ..

لكِ ولعمر كل المودة ..

Quote: بس .. عيبه إنو مازيمبيخابي ما أجملك يا انعام .. كلامك عن عمر وفاء ما بعده وفاء وإن إختلفنا معه في توجهه .. لكِ ولعمر كل المودة ..

يا معتصم قصدك عيبينو لأنهم عيبين
الأول المريخ والثاني المؤتمر الوطني
عمر صديق نبيل وجميل وأكِن له كل إحترام

Quote: راجل مؤدب ومحترم وياريت يرجع سريع

ورجع يا ارصد تحيطه محبات الناس وخوتها الصادقة

Quote: عمر عثمان من الكوادر المتعلمة والمثقفة وصاحب ذكاء جميل على المستوى الشخصي عمر عثمان مهذب جداً في مفردته وفي سلوكه وإنسان عالي الحساسية تجاه قضايا بلده وتجاه من يتعامل معه على المستوى الإنساني

الأخت العزيزة / إنعام عبد الحفيظ .. وبقية الأخوة

تحية ملؤها التقدير والاحترام ..

ولك أسمى باقات الشكر على فتح هذا الموضوع الذي ينم أيضاً على طيب معدنك .. وطبيعة نبل الاختلاف في الرأي والتوجه السياسي...

الأخ / عمر عثمان (جنابو) لم أتداخل معه إطلاقاً ولم أحظى بمقابلته شخصياً ولكنى أكن له كل تقدير واحترام .. أتابع كتاباته وأسلوبه الشيق الرصين وعباراته المهذبة في الرد على من خالفه الرأي .. وأتمنى أن يعدل عن قراره بالابتعاد اليوم وليس غداً .. لانك يا عمر بابتعادك تكون قد حققت هدف من استفزك لاتخاذ مثل هذا القرار وحققت له ما يريد .. فعد أخي عمر لكل من أحبوك ويطالبون بعودتك ودع عنك ترهات الآخرين ...

وبصراحه يا جماعه لكل منا حرية الرأي واستقلالية الاختيار والتوجه.. وبنفس القدر له مطلق الحق في أن يدافع وينافح عما يراه طالما كان ذلك في حدود الأدب واحترام الآخرين كما يفعل أخونا عمر ...

فارجع الآن أخي عمر ودع عنك الحساسيات الزائدة .. فهلا فعلت ؟...

مع خالص حبي وتقديري للجميع ؛؛؛

Quote: الأخ / عمر عثمان (جنابو) لم أتداخل معه إطلاقاً ولم أحظى بمقابلته شخصياً ولكنى أكن له كل تقدير واحترام .. أتابع كتاباته وأسلوبه الشيق الرصين وعباراته المهذبة في الرد على من خالفه الرأي .. وأتمنى أن يعدل عن قراره بالابتعاد اليوم وليس غداً .. لانك يا عمر بابتعادك تكون قد حققت هدف من استفزك لاتخاذ مثل هذا القرار وحققت له ما يريد .. فعد أخي عمر لكل من أحبوك ويطالبون بعودتك ودع عنك ترهات الآخرين ... وبصراحه يا جماعه لكل منا حرية الرأي واستقلالية الاختيار والتوجه.. وبنفس القدر له مطلق الحق في أن يدافع وينافح عما يراه طالما كان ذلك في حدود الأدب واحترام الآخرين كما يفعل أخونا عمر ... فارجع الآن أخي عمر ودع عنك الحساسيات الزائدة .. فهلا فعلت ؟...

ورجع الرجل المحترم يا أستاذ إدريس

Quote: ياريتني لو كنت عمر عثمان شنو ياسعاتو... عايز تعرف غلاوتك ومعزتك عند الناس اهو ابسط يا عم المعارضين جو وشهدوا ليك

شفتي يا ميادة معزة عمر عند الناس دي كبيرة كيف!!
وعمر ما خذلهم جاهم راجع

Quote: على المستوى الشخصي عمر عثمان مهذب جداً في مفردته وفي سلوكه وإنسان عالي الحساسية تجاه قضايا بلده

شهادة حق يستحقها وزيادة...

ليته يعود...

انعام سلام
لقد التقيت الاخ عمر وعرفته عن قرب ومن احترامه للجميع يجبرك علي ان تقدره وتشعر انك مقصر في حقه
عمر عثمان خلوق وانسان وسباق لعمل الخير
عمر عثمان كان حضورا في كل تجمغ ولا مناسبة لبورداب الخرطوم
عمر عثمان يوما ما اشعرنا باننا ابلغناه متاخرا ولا حصل وصل لمكان لقاء او تجمع الا اول شخص ,,
اذا تحدثت للصباح وكملت الاحبار فلن تكفي اخونا عمر حقه تجاهنا ,,
اخي عمر اتمني ان تكون هذه استراحة محارب تاخذ فيها نفسك وترتب فيها اوراقك وتعود الينا فاننا ننتظر
حضورك الينا ونتمني الا يطول هذا الانتظار ,, نتمني ذلك ..

Quote: وكمان يخلي المؤتمر الوطني لانه فعلا ما بيشبهم.

شكراً إنعام








ش

Quote: : وكمان يخلي المؤتمر الوطني لانه فعلا ما بيشبهم.

واحده واحده يا شكري رجع المنبر وح يرجع الحزب

الزول الجميل الاصيل المهذب عمر عثمان

لا تغادر يا عمر

..
.
شنو يا جنابو !!
ان شاء الله خير ..
ونتمنى انها تكون دبرسة ونشوفك فى الكريسماس ..


________

فى حاجات غريبة بتدور خلف الكواليس
الواحد بكون طاشى منها

Quote: ونتمنى انها تكون دبرسة ونشوفك فى الكريسماس ..

يا تبلدينا أهو جا قبل الكريسماس

Quote: الزول الجميل الاصيل المهذب عمر عثمان لا تغادر يا عمر

محمد الشيخ ارباب وعاد الأصيل عمر

أختنا إنعام سلام وتقدير

أخونا عمر عثمان الإتزان والأحترام معا

تركه للمنبر خسارة لنا جميعا نرجو أن يعدل عن قراره وكلنا نتمني قلمه بيننا.


،،،،أبوقصي،،،،

Quote: أختنا إنعام سلام وتقدير أخونا عمر عثمان الإتزان والأحترام معا تركه للمنبر خسارة لنا جميعا نرجو أن يعدل عن قراره وكلنا نتمني قلمه بيننا

مجدي عبد الرحيم فضل سلام وود يغشاك
وعدّل عمر في قراره يا أبو قصي

Quote: لقد التقيت الاخ عمر وعرفته عن قرب ومن احترامه للجميع يجبرك علي ان تقدره وتشعر انك مقصر في حقه عمر عثمان خلوق وانسان وسباق لعمل الخير عمر عثمان كان حضورا في كل تجمغ ولا مناسبة لبورداب الخرطوم عمر عثمان يوما ما اشعرنا باننا ابلغناه متاخرا ولا حصل وصل لمكان لقاء او تجمع الا اول شخص ,, اذا تحدثت للصباح وكملت الاحبار فلن تكفي اخونا عمر حقه تجاهنا ,, اخي عمر اتمني ان تكون هذه استراحة محارب تاخذ فيها نفسك وترتب فيها اوراقك وتعود الينا فاننا ننتظر حضورك الينا ونتمني الا يطول هذا الانتظار ,, نتمني ذلك

العوض الحمد لله الإستراحة كانت ليلة واحدة ورجع تاني
شكراً لكلمات الحق بحق عمر يا العوض

اولا الشكر للشقيقة انعام على شهادتها فى اخونا عمر


تصدقى يا انعام انا فرحت بقراره هذا ...........!!!!!





























ـــــــــــــــــــــــــــــــــــــــــ

لأن هذا القرار يثبت ان هذا الرجل الخلوق ما زال اتحادى

وديمقراطى ..................
وان زراعتنا ما بتبور
فثقافة المؤتمر لم يتلوث بها حتى الان.
ثقافة المؤتمر هى الكنكشة مهما كان.
ثقافة المؤتمر لا تعرف الاستقالة او الابتعاد.

الحمد لله يا عمر ما زلت اتحاديا .... ولو انكرتــــــــــــــــــــــــــــــــــ

عد يا عمر

عد سريعا

عد على أى صفة اردت


والا ساصلك بداركم واتى بك رغما عنك

Quote: اولا الشكر للشقيقة انعام على شهادتها فى اخونا عمر تصدقى يا انعام انا فرحت بقراره هذا ...........!!!!! ـــــــــــــــــــــــــــــــــــــــــ لأن هذا القرار يثبت ان هذا الرجل الخلوق ما زال اتحادى وديمقراطى .................. وان زراعتنا ما بتبور فثقافة المؤتمر لم يتلوث بها حتى الان. ثقافة المؤتمر هى الكنكشة مهما كان. ثقافة المؤتمر لا تعرف الاستقالة او الابتعاد. الحمد لله يا عمر ما زلت اتحاديا .... ولو انكرتــــــــــــــــــــــــــــــــــ عد يا عمر عد سريعا عد على أى صفة اردت والا ساصلك بداركم واتى بك رغما عنك

وأثبت عمر أصالته الإتحادية برجوعه للمنبر
وعقبال الحزب يا ود محجوب وفعلاً هي أخلاق إتحاديين

Quote: شهادة حق يستحقها وزيادة... ليته يعود...

وعاد يا أبو الحسين بنداءات الجميع هنا

Quote: وعمر عزيز على الكل... مدحه لي صديقي الفاضل علي سرالختم في مشيته السودان فبل أسابيع قال فيه مالم يقله مالك في الخمر وده زول دخل المنبر بسلام وخرج بسلام

الشقيق الرفيع محمد يس خليفة عمر يستحق الإحترام والود
فهو نموذج للصديق الجميل والمخلص والمهذب
أفاخر به بين أصدقائي

Quote: سلامات انعام اسفت جدا لقراره المفاجئ لكني احترم خياره خاصة وان البعض هنا يدفعون بالخلوقين لمغادرة المنبر من شدة تهورهم للاسف الشديد تجدين اشد الناس ضيقا بالرأي هنا هم من يدعون للديمقراطية اتمنى لعمر كل التوفيق ومرحبا به ان عاد عن قراره

وعاد عمر يا حيدر ولم يخذل الناس
السألت عنو وكتبت وإتصلت بيهو

Quote: يا إنعام ما شفت البوست بتاعك دا انا بعد رجعت من الندوة وزعلتي لسه معاي جيت كتبت الكلام دا لو عارفاك نزلتي بوست كنت عملتها مداخلة عندك

يا إنعام حفيظ ..

Quote: عرفته قبل البورد .. حيث له تعامل مع شركتنا فهو المدير التنفيذي لشركته ..

عرفت عمر يوم افتتاح دار الحزب الاتحادي الديمقراطي ..

وتاني يوم طوالي القاه ليك في الشركة شايل فواتيرة وقلت ليه عندك شنو معانا

قال لي عندي فواتير .. وما كان الا خدمته بي شكل يشبهه ..

ومنها دخل سودانيز واتذكر بوست الترحيب واتذكر منكفاتكم ...

ومسميك الكفيل عشان اخذ الباصويرد عن طريقك ..


حقيقة يا انعام بكيت بي حرقة شديد لما لقيت بوسته حق الوادع ما تقولي عمر ماشي من سودانيز دي

وما كان الا ان فتحت البوست ..اجلالا واحتراما وتقديرا له ..

Quote: وما كان الا ان فتحت البوست ..اجلالا واحتراما وتقديرا له ..

ويستحق عمر كل التقدير والإحترام يا إنعام

Quote: عمر يحاور الجميع بكل إحترام وينقل وجهة نظره وقناعته بما يعتقد أسفت جداً لأنه آثر الإبتعاد عن المنبر العام لسودانيز اون لاين وأتمنى ان يعود ثانية للحوار وللتواصل مع الجميع

شكرا الشقيقة انعام



الشقيق عمر فى انتظارك

تحياتي

الأخ المحترم عمر عثمان

انتظر عودتك ....

وجودك هنا مهم جداً

سلام يا أنعام وشكراً على وفاءك الجميل ده...
مسألة زمن ووقت وإن شاء الله سيعود...كل الناس في المنبر ده بيصيبها قرف شوية كدة وبيرجعوا، لأنو مجتمع
ليس للسياسة فقط...فيهو إجتماعيات وونسة وثقافة ورياضة وكل شئ...فلو زهج من السياسة في حاجات تانية كتير بتجمعوا مع الناس
هنا...
شخصياً أختلف مع أي زول مؤتمر وطني، ولو كان أنا زاتي
لكن واضح أنو عمر زول اخلاقو عالية وجميل... ما عارف انا اللاميهو على الناس دي شنو؟
مسألة الإصلاح من الداخل دي في نظري صعبة بالحيل...وخذ عندك أمراض السرطان والسكري والأمراض بتاعتنا "الصديقة" الأخرى،
هل يُجدي معها إصلاح من الداخل؟

وده طبعاً ما تبرئة لبقية الأحزاب، وضمنهم حزبكم الإتحادي ده زاتو، البقو الناس بيفروا منه مجموعات وافرادا (عمر وفتحي شيلا مثالاً)،
لكن صرخة أكبر ضد الأحزاب كلها، لأنو أمراضها مزمنة (غياب الديموقراطية الداخلية، تكرار الوجوه وكأنها مُنزلة، الإنشقاقات وعدم المبادرة بالحلول،
الضعف والخ من الأمراض=السرطانات)!

تحياتي لكما ويجب أن أوضح أنو كسودانيين، كل فرد فينا ك فرد...جميل وما يكملش، وحتى عمر البشير ده زاتو كفرد، زي العسل...بس مشكلتنا
هي دور الفرد في المجموعة والإصلاح، وليست مشاكل فردية...

يا عُمر...إن نذرت نفسك للإصلاح عبر السياسة....أركز يا أخوي...أركز للبجبها الريح!
فأنت بتكون في قطر حزبي طويل...فيهو اللصوص والقتلة والحرامية والخ...وتتحمل أوزارهم تماماً بإعتبار شكل السياسة الحالي،
ما ممكن نقول ليك (ولكم منا كل الود) ، وكيلو الطماطم لا يستطيع أحد أن يشتريه وشوال السكر يحصل 200 جنيه، وحلايب محتلة وتقول
لي بشجع مصر!


تحياتي وإحتراماتي
أنور

Quote: مسألة الإصلاح من الداخل دي في نظري صعبة بالحيل...وخذ عندك أمراض السرطان والسكري والأمراض بتاعتنا "الصديقة" الأخرى، هل يُجدي معها إصلاح من الداخل؟

سلامات يا انور وهل يأتي الإصلاح إلا من الداخل
عملية الإصلاح الحقيقية أصلا عملية طويلة المدى
وسائرون في درب الإصلاح انشاء الله وأملنا لن ينقطع









ــــــــ
اهو عمر رجع يا انور وما خذلنا

شكرا يا هاني وعاد عمر

يا عمر

تجري يا راجل !!

تسلم إيدك يا إنعام عبد الحفيظ
و تسلمي
عُمر وجه مُشرِق لأيِّ مكان يتواجد به
سيعود يا إنعام
سيعود

عُمر وجه مُشرِق لأيِّ مكان يتواجد به
سيعود يا إنعام

شكرا لكلمة الحق يا علاء الدين

العزيزة إنعام مليون ألف شكر على هذا البوست عن
الجميل عمر عثمان، فقد أحزنني أن بكري قد قفل
بوست عمر عثمان المعنون ب" وداعاً سودانيز أون لاين"
فقد حرمنا بكرى حتى من قول كلمة وداع لهذا الرجل
الجميل الذى أحببناه. تعرفي دي زي لمن تسمعي بأنو
زول عزيز لديك مسافر وتقوم جرى المطار وأول ماتحاول
تدخل لصالة المغاردة الداخلية لوداعه الآخير، يجيء
عسكري ويقول ليك لأ ممنوع، وهذا ما فعله بكرى بنا
بالظبط، وقد أغضبني بكري جداً بفعلته هذه، لأننا الآن
لا نعرف هل سيقرأ جنابو عمر وداعنا الآخير له أم لا
فى هذا البوست أو فى الماسنجر، وعليك الله يا إنعام
قولي ليهو على الأقل يجيء ويقرأ المسنجر بتاعو وكل
البوستات المعنونة باسمه، قبل فراق المنبر.

ونتمنى أن تفك القرفة بتاعتو من المنبر أو سيد المنبر
(وحتى الآن لم نعرف السبب) ويعود إلينا مجدداً بأقرب فرصة

ولك وله أسمى معاني
الود والإخوة الصادقة

Quote: نفتقد هؤلاء المحترمين!!

Quote: Quote: نفتقد هؤلاء المحترمين!!

وعمر منهم يا د. احمد امين

Quote: وعليك الله يا إنعام قولي ليهو على الأقل يجيء ويقرأ المسنجر بتاعو وكل البوستات المعنونة باسمه، قبل فراق المنبر.

عاد عمر بعد ان قرأ كل كلماتكم يا النذير حجازي

انعام الشقيقة
صباحاتك سعادة



و مثل عمر عثمان جندى لا يفر من المعارك
هو انسحاب تكتيكى مؤقت ...
تكتيكى لزرع احساس فيمن يستحق ...
و عمر عثمان ..
تداخلت معه كثيرا و ناكفته فلم اجد الا ادبا و سمو ...
لانه ببساطة اتحادى و ان تسربل بكل اثواب الدنيا الحزبية ..
فغرسه : شجاعة و ادب و رفعة اخلاق و سمو عن الدنايا ..
عمر عثمان لا تعد ..
فعودتك قد تصيب الكثيرين بنوبة فرح قد لا يحتملوها ...













صدقنى بحترمك
و ان لم تعد فنحن على الطريق ..
لانو : بعدك المنبر اصبج خلا

العزيزة إنعام

الوفاء لأهل الوفاء تحتمه المعرفة !

لا أعرف عمر عثمان إلا بعد الحادثة هاتفني وتحدث معي لمدة من الزمن
وواسني في فقدي لرسالتي ،،

التحية له ولكل أمثال عمر عثمان ،،، أُولئك الذين لم يتعاطوا
الحليب الـ S-26 !!


محبتي ....
وصال عالم

غايــتو يا جنابــو أحرجتنا والله ..

يآآآخي في داعي تخلي الناس دي تتجرس قدر كدة ..

أقــول ،،

ما تشتغل بكلام اساسي .. منتظرنك ان شاء الله سلام ساي ..

أو اقلاها ورينا الاسباب الحقيقة للإعتزال .. غيــر كدة بتبقي متلوم ..


تحياتي

الشقيقة انعام عبد الحفيظ..

تحياتي وتقديري ..

معليش نسيت اسلم عليك ..

ابقي طيبة يا أميـــرة ..

العزيزة انعام عبد الحفيظ ..
الوفاء لا يحتاج إلى مبررات ..
ومن يستحق نعلن له احترامنا على الملأ
وعمر يستحق حسب السيره الهنا ..
فاعطيه ما يستحق

إنعام


صباح الخير



قالوا الواحد لو داير يعرف غلاوتو يبعد ..أها يا جانبو أظنك عرفت ..

قالوا الواحد لو داير يعرف غلاوتو يبعد ..أها يا جانبو أظنك عرفت

يا داليا عمر أجبر الناس على إحترامه

Quote: العزيزة انعام عبد الحفيظ .. الوفاء لا يحتاج إلى مبررات .. ومن يستحق نعلن له احترامنا على الملأ وعمر يستحق حسب السيره الهنا .. فاعطيه ما يستحق

يا عمران نعم عمر يستحق إعلان إحترامنا له

عمر ..
أعمل إنتباه !
إنت يا ظابط تدخل وتمرق على كيفك ؟
إنت ما عارف أقدميتك ولّ شنو ؟
كماكنت يا ظابط !
بكرة أشوفك هنا باللبس خمسة !
واضح ياظابط ولّ أعيدو ليك ؟
أعمل صفا..
إنصراف !

ابو دية تسلم وعاد عمر كما كنت

الشقيقة إنعام

سلام واحترام ومودة

أتفق معك في كل كلمة قلتيها في حق الزميل (الشقيق سابقاً) عمر عثمان,

التقينا في دار الاستاذ فتحي شيلا عدة مرات وسمعت العديد من الشهادات من الاستاذ فتحي في حقه وهي شهادات أثق في صحتها رغم عدم احتكاكي المباشر به لظروف عملي خارج البلاد,

عمر عثمان ممتع وموضوعي في النقاش شأنه شأن الاتحاديين ولا علاقة له بمدارس الترابيين في النقاش والتعامل والنظرة للأخر

ناقشته مناكفاً في هذا المنبر ولم يسبق لي ذلك خارجه ابداً

مغادرة عمر عثمان لهذا المنبر تعني أن اللوائح غير كافية لحماية الحوارات الحرة هنا وأن المتعدين لا يجري إيقافهم عند حدود الموضوعية وهي مشكلة للمنبر نفسـه قبل أن تكون مشكلة للعضوية المنضوية في قائمة أعضائه

أتمنى بقاء عمر عثمان, رغم مساندته للشمولية العقائدية لأننا نريد استمرار الحوارات (والتحول الديمقراطي)


أحمد الشايقي

والله عمر رجل مؤدب ومهذب وخلوق
نتمنى عودته لهذا المنبر رغم اختلافنا السياسي معاه.
تحياتنا يا جنابو وعليك الله ارجع عشان الهلالاب ما يقولوا عمر شرد من مباراة يوم 30!!!!

عمر عثمان زول جميل جداً ..

إنسان صادق مهذب و خلوق و محترم و يجبرك على إحترامه ..

فيا جنابو عمر ذهابك يعني إنتصار القبح على الجمال ..

خليك هنا فالمنبر يحتاج لأمثالك ..

عمر عثمان زول جميل جداً ..

إنسان صادق مهذب و خلوق و محترم و يجبرك على إحترامه ..

فيا جنابو عمر ذهابك يعني إنتصار القبح على الجمال ..

خليك هنا فالمنبر يحتاج لأمثالك ..

وعاد يا عصام ممتثلاً لكم ولكلماتكم في حقه

Quote: والله عمر رجل مؤدب ومهذب وخلوق نتمنى عودته لهذا المنبر رغم اختلافنا السياسي معاه. تحياتنا يا جنابو وعليك الله ارجع عشان الهلالاب ما يقولوا عمر شرد من مباراة يوم 30!!!!

وانت كمان اصيل محمد عمر الفكي












------------------------------
عمر عثمان خسارة للمنبر

يا إنعام،
إحنا بقى عرفنا عمر عثمان من كتابته فى المنبر،
و صدقينى بتقدرى تعرفى أخلاق الزول من كتابتو،،،

أحترمناهو وصاحبناهو حتى قبل ما نتلاقى،
و لما قابلناهو لقينا نفس صورة الرجل المهذب المحترم الكنا خاتيناها ليه،،

أنا شخصيا ما عارفة شنو السبب الخلاهو يقرر يبتعد،
لكن أتمنى إنو تكون دى غمامة و تزول،،،،







_________________________________________
يا جنابو كان على طاقيتك اللابسها حيدر الزين و لافى بيها دى،
ما تزعل حسسسسه دى بنشيلها منو،،

سمح؟؟؟؟

..
.

Quote: يا جنابو كان على طاقيتك اللابسها حيدر الزين و لافى بيها دى، ما تزعل حسسسسه دى بنشيلها منو،، سمح؟؟؟؟

هههههيكة
برضو جايز يا هندسة

________

بالمناسبة انت هالة حسن المعاى فى االمكتب !!؟
غايتو امانى الامين عندها جنس اسئلة .. تحير

Quote: ما عارفه ليه كتبت كل الكلام دا لكن حسيت بإنو عمر عندو حق عندي لازم أوفيه ليهو ولازم أقول ليك يا عمر إني بحترمك جداً جداً جداً ويظل التواصل لن ينقطع!

شكرا لهذه الحقيقة التي قلتيعا اختي العزيزة انعام بعفوية وهي اصدق
مانحمل داخلنا-العفوية- هو حتما يستحق ذلك في زمن اصبح الشتم والاقصاء
للاخر شيء اعتيادي .. التقدير للاستاذ عمر ولك ..

شكرا يا بهاء وإحترام الناس للإنسان لا يأتي إلا بعد إحترامه لنفسه

اتمني رجوع الاخ omar osman

المنبر يحتاجك بشدة .

تبلدينا إنت المانيوال طلع ليك فى راسك ولا شنو؟؟؟

Quote: بالمناسبة انت هالة حسن المعاى فى االمكتب !!؟ غايتو امانى الامين عندها جنس اسئلة .. تحير

أمانى الامين بعرفها.... مالها؟؟؟

لكن هالة حسن المعاكم فى المكتب دى منو؟؟؟؟






_________________________________
عمر عثمان ما نسينا موضوعك،،،،

هالة حسن زعلانة كدا مالك
وتبلدينا دا أمشي ليهو بالسكة شاكليهو
بكون شترها انا عارفاهو

انعام ..
عمر راجع..راجع
اتصلت بيهو الصباح وقال انو كمية
التلفونات الجاتو كانت مبالغة من ناس
البورد ..


قال راجع قريب .. قرييييب ...

الف شكر انعام ... الف شكر لكل من مر من هنا ..... انا سعيد بمحبتكم وبوجودي معكم.

Quote: أسفي عليك يا عمر عثمان

عنوان صعب لزول زي انها ما متابع اصلا الموضوع شنو

عمر من الاقلام البتحترم الكتابة

وده البفرض علينا احترامه0

والحمدالله انه رجع تاني









لكن




الا انضمامه للمؤتمر الوطني ده ماااا قادره ابلعه ليهوا

البت حيمورة دي وش خير من يومها وانا بتفائل بيها
إتصلت علي وانا في زحمة شغل خارج المكتب
ولم أستطيع الرد وأردفت إتصالها برسالة نصية
مفادها عمر عثمان رجع المنبر
طبعا قطعت كلامي مع الزول الشغالة معاهو
وقلت ليهو لحظة بس أعمل تلفون
إتصلت بحيمورة أكدت لي الخبر المفرح دا
ويا عمر ما خذلت الناس الهنا
تسلم يا ملك

..
.
يا عمر ياخ ما بالغت
ما كان تخلى البوست دا يبيت يوم بس ..


_______

كيس نايلو ..

Quote: يا عمر ياخ ما بالغت ما كان تخلى البوست دا يبيت يوم بس ..

اها يا تبلدينا البوست دا بقى معاهو بوستات مجاورة

Quote: عمر من الاقلام البتحترم الكتابة وده البفرض علينا احترامه0 والحمدالله انه رجع تاني لكن الا انضمامه للمؤتمر الوطني ده ماااا قادره ابلعه ليهوا

الجاب منال دا الليلة ما ساهل
ياعمر شفت براك إحترام الناس ليك

Quote: الف شكر انعام ... الف شكر لكل من مر من هنا ..... انا سعيد بمحبتكم وبوجودي معكم.

يا زول زي ما بكينا عليك بالتفصيل والمخاخيت...ترد علينا بالتفصيل والمناديل...

سيب الخم بتاعك ده...

وداعــاً ســودانيزاونلاين

والله يا جماعة وانا بقرأ في المشاركات دي عيوني اغرورقت
وقلت هناك أمل
وحتماً يوجد ضوء في آخر النفق
السودانيين قلوبهم مملوءة بالحب والصفاء والنقاء
ومهما تفرقوا واختلفوا فهناك دائماً قوة غريبة تشدهم لي بعض وغصباً عنهم
اليوم إطمأننت ،السودان سيكون بخير ولا خوف عليه
نرحب بعودتك مرة أخرى أخي عمر
ونشكر الأخت إنعام للمبادرة

حمد لله علي السلامة يا انعام...






ــــــــــــــــــــــ
النبي فيك جرجري للتفاصيل..

تسلمي يا ساره

Quote: والله يا جماعة وانا بقرأ في المشاركات دي عيوني اغرورقت وقلت هناك أمل وحتماً يوجد ضوء في آخر النفق السودانيين قلوبهم مملوءة بالحب والصفاء والنقاء ومهما تفرقوا واختلفوا فهناك دائماً قوة غريبة تشدهم لي بعض وغصباً عنهم اليوم إطمأننت ،السودان سيكون بخير ولا خوف عليه نرحب بعودتك مرة أخرى أخي عمر ونشكر الأخت إنعام للمبادرة

الشفيع وراق سلامات
لا يعرف الناس قدر بعضهم إلا بالمواقف الجميلة
الإحترام أولها وتأتي المعاملة الطيبة ثانيتها
ويظل إحترامي والجميع لـ عمر

وهبة قمنا بالواجب وزرناكم

تعرفي يا انعام يا بت حسن ولد عبدالحفيظ ..
انا غبته امس .. الليله جيت لقيت ليك جنابو .. وقراراته ..
اها الضغط وصل الصفاره .. بعد دخلته هنا شويه شويه ..
لقيت ليك سعادته رجع .. اها الضغط بدء يرجع شويه .. شويه ..
الله ده ما كريم ما بحرم عبده من الحاجات السمحه .. وجنابو ..
يوم شكره ما يجي .. وسلامة العوده غنيناها في موال ..
----------------------------------------------------
تعالى اقول ليك كلام سمح :- (مازن ومزن وصلوا أمس )

Quote: يا زول زي ما بكينا عليك بالتفصيل والمخاخيت...ترد علينا بالتفصيل والمناديل... سيب الخم بتاعك ده...

يا انور اها انا جيت ارد عليكم
جنابو دا البوستات كترت عليهو

Quote: الف شكر انعام ... الف شكر لكل من مر من هنا ..... انا سعيد بمحبتكم وبوجودي معكم.

وسعادتنا أكبر برجوعك يا عمر

Quote: انعام .. عمر راجع..راجع اتصلت بيهو الصباح وقال انو كمية التلفونات الجاتو كانت مبالغة من ناس البورد .. قال راجع قريب .. قرييييب ...

ولم يخذلنا جميعا يا مزمل

الاخ بشير وعاد عمر للمنبر من جديد

Quote: إحنا بقى عرفنا عمر عثمان من كتابته فى المنبر، و صدقينى بتقدرى تعرفى أخلاق الزول من كتابتو،،، أحترمناهو وصاحبناهو حتى قبل ما نتلاقى، و لما قابلناهو لقينا نفس صورة الرجل المهذب المحترم الكنا خاتيناها ليه،،

والأخلاق لا تتجزأ يا هالة
عمر كسب إحترام الناس له بأخلاقه

عمر عثمان خسارة للمنبر

عاد يا وليد عمر للمنبر من جديد

والله عمر رجل مؤدب ومهذب وخلوق
نتمنى عودته لهذا المنبر رغم اختلافنا السياسي معاه.

محمد عمر الفكي أخلاق عمر هي التي عادت به إلينا

Quote: عمر عثمان ممتع وموضوعي في النقاش شأنه شأن الاتحاديين ولا علاقة له بمدارس الترابيين في النقاش والتعامل والنظرة للأخر ناقشته مناكفاً في هذا المنبر ولم يسبق لي ذلك خارجه ابداً

الشقيق احمد الشايقي وهو كما قلت وشهدت

حيدر الزين
وعاد عمر لمواصلة حواراته ومناكفاته أيضاً

Quote: الوفاء لأهل الوفاء تحتمه المعرفة ! لا أعرف عمر عثمان إلا بعد الحادثة هاتفني وتحدث معي لمدة من الزمن وواسني في فقدي لرسالتي ،،

وصال العالم تحايا وسلام
والمواقف تجعلنا نعرف بعضنا البعض

Quote: مثل عمر عثمان جندى لا يفر من المعارك هو انسحاب تكتيكى مؤقت ... تكتيكى لزرع احساس فيمن يستحق ... و عمر عثمان .. تداخلت معه كثيرا و ناكفته فلم اجد الا ادبا و سمو ... لانه ببساطة اتحادى و ان تسربل بكل اثواب الدنيا الحزبية .. فغرسه : شجاعة و ادب و رفعة اخلاق و سمو عن الدنايا ..

شكرا يا تكينة على صادق إحساسك

Quote: يا عمر تجري يا راجل

اهو رجع الراجل

Quote: الشقيق عمر فى انتظارك

وعمر لبى نداءكم يا شقيق هشام

الاخ الغيور عمر عثمان رجل جدير بالاحترام اكاد اكون من المحظوظين لم اشاهد او اقرا بوست الاعتزال ولكنى تابعت بو ست العودة اقصد هذا البوست يا انعام.

لك الشكر يا انعام ومرحبا بالعودة يا جنابو

سلامات

صراحة ماقريت كتير للاخ عمر عثمان....لكن من كتابات انعام و الاخوة المتداخلين عرفت مكانته وقدره...وكمان سعدت لانه ماخيب ظن الجماعة ديل ورجع تاني وان شاء الله نفتش لبوستاته ونقرأ عنه اكتر...








تسلل:

غايتو نحن كان فارقنا سودانيز اونلاين...ما أظن يفقدنا غير هارون دياب ...وطلحة .................. ( وش مكرفس)

Quote: صراحة ماقريت كتير للاخ عمر عثمان....لكن من كتابات انعام و الاخوة المتداخلين عرفت مكانته وقدره...وكمان سعدت لانه ماخيب ظن الجماعة ديل ورجع تاني وان شاء الله نفتش لبوستاته ونقرأ عنه اكتر...

نعم يا د. ياسر ما خيب ظن الناس فيهو ورجع تاني

Quote: تسلل: غايتو نحن كان فارقنا سودانيز اونلاين...ما أظن يفقدنا غير هارون دياب ...وطلحة .................. ( وش مكرفس)

كدي يا دكتور جرب وبعد داك نشوف

Quote: الاخ الغيور عمر عثمان رجل جدير بالاحترام اكاد اكون من المحظوظين لم اشاهد او اقرا بوست الاعتزال ولكنى تابعت بو ست العودة اقصد هذا البوست يا انعام. لك الشكر يا انعام ومرحبا بالعودة يا جنابو

حامد محمد حامد شكرا لك وعمر جدير كما قلت بالاحترام

بوست غير موفق








__

Quote: بوست غير موفق

نوهاااااااااااائي يعني؟؟؟

ياجماعة كبرتو لينا رأسنا ...... عودة جنابو عمر دي بقت زي عودة نميري والا شنو ؟




غايتو يا انعام ختيتي اخوك في حتة ضيقة خلاص........

والله الواحد ما عارف حيرد الجميل ده للناس الطيبة دي كلها كيف