Post: #1
Title: يـا نـاسـيـنـا
Author: انعام عبد الحفيظ
Date: 11-11-2006, 06:06 AM
Parent: #0
ياناسينا يامجافينا حن علينا
|
Post: #2
Title: Re: يـا نـاسـيـنـا
Author: انعام عبد الحفيظ
Date: 11-11-2006, 06:09 AM
Parent: #1
من اجمل ما سمعت للفنان محمد وردي في الايام الفائتة
|
Post: #3
Title: Re: يـا نـاسـيـنـا
Author: انعام عبد الحفيظ
Date: 11-11-2006, 06:12 AM
Parent: #2
فتشت عن الاغنية دي
قلت اسمّعها ليكم
لكن ما لقيتها
حتى معتصم وتمبس ما عندهم 
|
Post: #5
Title: Re: يـا نـاسـيـنـا
Author: انعام عبد الحفيظ
Date: 11-11-2006, 06:19 AM
Parent: #3
صحي ممكن ننسى اعز الناس عندنا؟؟؟
|
Post: #6
Title: Re: يـا نـاسـيـنـا
Author: انعام عبد الحفيظ
Date: 11-11-2006, 06:27 AM
Parent: #5
المقدرة على النسيان
تأتي من مكانة ومساحة الانسان جواك
ومدى الوجود والحضور له في دواخلك
|
Post: #8
Title: Re: يـا نـاسـيـنـا
Author: انعام عبد الحفيظ
Date: 11-11-2006, 06:37 AM
Parent: #6
هنالك من ينحت وجوده في دواخلك
ويندر معك عدم تذكّره
ويكون هو دائماً معك في حالة ع البال والخاطر
|
Post: #14
Title: Re: يـا نـاسـيـنـا
Author: انعام عبد الحفيظ
Date: 11-11-2006, 09:46 AM
Parent: #8
جوه قلبي احتلاهو
صبحي مساي دوام اطراهو
فارق دربي ما هماهو
يا الله كيف ووين القاهو
يا جماعة مافي زول عندو كلمات الاغنية دي؟ 
|
Post: #4
Title: Re: يـا نـاسـيـنـا
Author: عمران بابكر بدري
Date: 11-11-2006, 06:13 AM
Parent: #2
انعام
وردي رائع وعيمق
زي عواطفك
متابع ليك .. مواضيعك قوية
تابعي
احترامي
|
Post: #7
Title: Re: يـا نـاسـيـنـا
Author: Muna Khugali
Date: 11-11-2006, 06:32 AM
Parent: #4
نعومتي..
خـلاص وقت وردي مالقيتيه..غيري الأغنية..
وأنا راضية حـتي لو بأغنية بنات..
أنا غايتو ناوية أفتح بوست بأغنية
يمه أنا زولي ماجه..
يايمه أنا حـالتي راجياه
حـنينه يايمه
عفوك يايمه..
رضاك يايمه ..
يمه أنا زولي ماجه..
من شـوقي ليك ..
فتشت ليه..
يمه أنا زولي ماجه..
إيه رأيك مش أغنيه حـلوه?
كمان عنـد سميرة دنيا حـلوه أكتر!!
مشتاقة ليك شـديييد يانعومتي
|
Post: #12
Title: Re: يـا نـاسـيـنـا
Author: عمران بابكر بدري
Date: 11-11-2006, 07:19 AM
Parent: #7
نعم
مني خوجلي
زمن وردي .. خلاص
في زمن اللامابلاء .. هذا
لكن الراجل باقي فينا بسحرة
ومواقفة السابقة..
ولا نعرف ماذا الان .!؟
هل اتخذ الرجل
منحي اخر..؟
وان فعل
يا ربي يكون معا حق
ونقول الزول تعب
ولا ما في فايدة
تعجبني تلميحاتك..
لك
احترامي
|
Post: #17
Title: Re: يـا نـاسـيـنـا
Author: انعام عبد الحفيظ
Date: 11-12-2006, 04:15 AM
Parent: #7
والله يامنوية شوقنا ليك كتير
ما ببلو الا تجينا تاني ونتلاقى 
وكان على اغنيتك سمحة
وسميره دنيا غنااااااااااااية
لكن مع اغنية وردي دي مافي مقارنة بينهم
والاغنية بلقاها اصبري علي شوية
|
Post: #9
Title: Re: يـا نـاسـيـنـا
Author: انعام عبد الحفيظ
Date: 11-11-2006, 06:48 AM
Parent: #4
شكرا يا عمران لوجودك هنا ولكلماتك
في انتظار طلة تانية منك
وبوح لك من الاعماق عن النسيان
|
Post: #10
Title: Re: يـا نـاسـيـنـا
Author: عمران بابكر بدري
Date: 11-11-2006, 07:06 AM
Parent: #9
انعام ربما اسبح هنا عكس التيار
ولكن النسيان نعمة عظيمة
ولا اعرف اين كنت ساكون الان
لو لا النسيان
وكتير ما اتمني ان انساه بجهد
حتي كتابة هذه الكلمات
كم من تعب
وقهر
ولحظات مريرة
لا امل حتي تذكرها
...
في بعض الظروف
غض الطرف عن المساكين رحمه
احترامي
|
Post: #21
Title: Re: يـا نـاسـيـنـا
Author: انعام عبد الحفيظ
Date: 11-12-2006, 05:05 AM
Parent: #10
عمران
صباجك نور
Quote: ولكن النسيان نعمة عظيمة
|
ومرات نغمة عظيمة
لما تكون ما عايز تنسى
|
Post: #13
Title: Re: يـا نـاسـيـنـا
Author: ابن الرشيد
Date: 11-11-2006, 07:19 AM
Parent: #9
الأخت نعومة
لك منى التحية
وهذه الأغنية مثلها
خوفى منك.....
خوفى تنسانــــــــى.......
وتنسى الليالى.......
ومثلها
لو بالصدى أبيتينى
لو بالنار صليتيـــنى
أنا لامابنســاك
لآ مآبنســـــــــــأك
وأجمل ماسمعت له
عاااااد عااااااد عاد الحبيب
عاد الحبيب
فعادت روحى
عاد الحبيب
فعادت الىً أحلى الليالى
عاد الحبيب
فأهدى لكل قلب سلامااااا
ماأروع وردى وأختياره
وذوقه.....
وألحانه الرنانه
التى تدق فى القلب كالأجراس
التى تنذر أو تذكر
بعدم النسيان
|
Post: #23
Title: Re: يـا نـاسـيـنـا
Author: انعام عبد الحفيظ
Date: 11-12-2006, 05:20 AM
Parent: #13
ابن الرشيد
عندما تنسى هذا معناه ان هذا الانسان لايستحق الذكرى
بل واحياناً تتمنى ايضاً لو لم تعرفه
ولكن هنالك اناس لا تستطيع نسيانهم
وتبقى ذكراهم في دواخلك حية
ويبقى لهم الوجود داخلنا ما حيينا
مودتي واحترامي
|
Post: #27
Title: Re: يـا نـاسـيـنـا
Author: رشا سالم
Date: 11-12-2006, 08:19 AM
Parent: #23
انعام...
Quote: ولكن هنالك اناس لا تستطيع نسيانهم
وتبقى ذكراهم في دواخلك حية
ويبقى لهم الوجود داخلنا ما حيينا |
والله انا اتخيلت اني في ناس بحبهم شديد..ممكن ينسوني في زحمة
الدنيا ..او قولي ينشغلوا وتبقي العلاقة مازي هسه..ودموعي نزلت!
غايتوا ربنا ما يحوجني للاغنية دي..طعمها مر..مر شديد..
|
Post: #30
Title: Re: يـا نـاسـيـنـا
Author: انعام عبد الحفيظ
Date: 11-12-2006, 10:23 AM
Parent: #27
Quote: والله انا اتخيلت اني في ناس بحبهم شديد..ممكن ينسوني في زحمة
الدنيا ..او قولي ينشغلوا وتبقي العلاقة مازي هسه..ودموعي نزلت!
غايتوا ربنا ما يحوجني للاغنية دي..طعمها مر..مر شديد.. |
تبري وتسلمي من النسيان يا رشوية 
مرارة وعلقم شديد يا رشا
يا ربي تكفينا شر العلقم ده
|
Post: #37
Title: Re: يـا نـاسـيـنـا
Author: مجاهد عبد الرحمن
Date: 11-13-2006, 04:13 AM
Parent: #30
أختنا إنعام
مليون سلام
يا خي والله بتطرقي أوتار مبرحة الإيلام
بس ربنا يجازيك بالخير
إنعام ممكن ننسى أي كائن عرضي اللقيا إلا تلك التي ( إتحكرت وإتعنقلت ) في مكان عزيز داخل الروح فهنا تستحيل الأشياء بدونها. لأنها تظل في كل اللحظات حضوراً طاغي ووجوداً مكثف.
يحضرني في هذه اللحظة كلمات جميلات لشاعر متميز من أرض المحنة وقلب الجزيرة ودمدني إنه الفنان المتفرد جمال عبد الرحيم ... لديه قصيدة جميلة بعنوان زاد السفر تغني بها إبن ودمدني محمد سلام بعنوان زاد السفر أجمل ما يجسد الوجد والذكرى والشوق والحنين إلى اللقاء يقول فيها :
زاد السفر يا غالية كان
كلمة وداعك لي في ساعة الرحيل
وتتواصل حتى :
ما كنت زي ما قلتي لي
بلقاكي ما بين
كل خطوة
وكل لمحة
وكل لفتة زول جميل
التحية لك
ولجمال عبد الرحيم
ومحمد سلام
وكل الأعزاء وإن تفرقت الخطى وتقطعت السبل
الله غالب
أتمنى لك السعادة
تم التعديل للإضافة....
|
Post: #90
Title: Re: يـا نـاسـيـنـا
Author: انعام عبد الحفيظ
Date: 11-21-2006, 05:21 AM
Parent: #37
الاخ مجاهد
اولاً آسفه لتأخري في الرد عليك
Quote: إنعام ممكن ننسى أي كائن عرضي اللقيا إلا تلك التي ( إتحكرت وإتعنقلت ) في مكان عزيز داخل الروح فهنا تستحيل الأشياء بدونها. لأنها تظل في كل اللحظات حضوراً طاغي ووجوداً مكثف.
|
وهو ماقصدت يا عزيزي فيصعب نسيان
من احتلوا مساحات من الود في دواخلنا
وهم استحقوا ذلك وبجدارة
شاكرة لك كلماتك الجميلة والعميقة
مودتي واحترامي
|
Post: #36
Title: Re: يـا نـاسـيـنـا
Author: مجاهد عبد الرحمن
Date: 11-13-2006, 04:04 AM
Parent: #27
رشا سالم سلامات
غايتو الله يستر عليك
لكن زمان سمعت مثل بيقول
( البتخاف منو بيكتلك )
بس أمسكي السبحة بالإستغفار وأبشري بالخير
يا رب تدوم ليك الحالة الإنتي عايشاها
يا رب ما ينساها عزيز
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمين
|
Post: #11
Title: Re: يـا نـاسـيـنـا
Author: Kamal Mahjoob
Date: 11-11-2006, 07:12 AM
Parent: #1
الأخت انعام
أول ما ظهر (الموبايل) كانت هذه أول جملة كتبتها في رسالة ووجدت نفسي أرسلها للعشرات ممن (نسوني) هم أحياء ولكن (المعايش) جبارة ... هذا العذر الوحيد الذي وجدته لهم من عندي طبعاً... الذكري (بهارات الحياة) إن لم تكن ملحها
* بتذكرك وكت الكلام يصبح صعب والليل يودر في النعاس
الى آخر الأغنية
ما في شي يجعل الزول ينسى تاريخه والذكرى صفحة جميلة من ذلك التاريخ
شكراً لهذه اللقطة الرائعة
|
Post: #24
Title: Re: يـا نـاسـيـنـا
Author: انعام عبد الحفيظ
Date: 11-12-2006, 05:35 AM
Parent: #11
Quote: ما في شي يجعل الزول ينسى تاريخه والذكرى صفحة جميلة من ذلك التاريخ
|
وما اجمله تاريخ
شكرا يا كمال لكلماتك
مودتي واحترامي
|
Post: #15
Title: Re: يـا نـاسـيـنـا
Author: معتصم دفع الله
Date: 11-11-2006, 11:10 AM
Parent: #1
ما ناسيك والله يا انعام ..
والأغنية موجودة بالتسجيل القديم والجديد كمان ..
بس أنا كنت عايز التسجيل الجديد لأنو فيهو توزيع جميل بس عايز معالجة فنية ..
على كل حال ح أنزل التسجيل القديم إذا فشلت ..
ودي الأغنية كاملة والكلمات لحسن عبدالوهاب ..
حبيبي الدنيا دي الفراقة
والله الدنيا دي الفراقة
المشتاق مع المشتاقة
يا الله تاني وين نتلاقى
يا ناسينا يا مجافينا حن علينا
***
حبيب مشتاق اشوف عينيك
وشعرك موج على خديك
هناي في بسمتك ..في وقفتك.. في مشيك
بالغالي العزيز أفديك
يا ناسينا يا مجافينا حن علينا
***
عارف قلبو ما بنساني
عزاي في الدنيا بس يطراني
تجي للعذول الجاني
فرق بينا ليه يا زماني
يا ناسينا يا مجافينا حن علينا
***
كل ما أميل أجد ذكراه
بين الروض عرفت شذاه
في دنيا الغرام أهواه
كن نسايني ما بنساه
يا ناسينا يا مجافينا حن علينا
**
الجو قلبي احتلاه
صبحي مساي دوام اطراه
فارق دربي ما هماه
يا الله تاني وين القاه
يا ناسينا يا مجافينا حن علينا
***
بفرش ليك قلبي وسادة
وازقيك من غرامي سعادة
لو عاد الحنين يالسادة
أقضي عمري فيك عبادة
يا ناسينا يا مجافينا حن علينا
|
Post: #16
Title: Re: يـا نـاسـيـنـا
Author: أحمد الشايقي
Date: 11-11-2006, 04:29 PM
Parent: #1
إلى الذين نسـونا فعـلا
تحياتي،
أحمـد
|
Post: #22
Title: Re: يـا نـاسـيـنـا
Author: عبد اللطيف بكري أحمد
Date: 11-12-2006, 05:16 AM
Parent: #16
أحمد
معقول ننساك؟
ركز في شغلك،،
تحياتي
|
Post: #32
Title: Re: يـا نـاسـيـنـا
Author: انعام عبد الحفيظ
Date: 11-12-2006, 10:59 AM
Parent: #16
صديقي احمد الشايقي
اذا كنت قاصد ناسك الفي الرياض
فما اظنهم يقدروا ينسوك
ياخي ديل في اليوم بتصلوا عليك اكتر من مره
واذا ناس تانين فيا سيدي ما كلمتنا بيهم
كنا مشينا ملصنا ليك ودانهم (على قول المصريين)
|
Post: #18
Title: Re: يـا نـاسـيـنـا
Author: الزنجي
Date: 11-12-2006, 04:20 AM
Parent: #1
ياسلام عليك اختى انعام لمشاركتنا بهجة العمر وماضي الزكريات
وجلسات الاستماع الى روائع المبدع وردى
|
Post: #41
Title: Re: يـا نـاسـيـنـا
Author: انعام عبد الحفيظ
Date: 11-13-2006, 07:51 AM
Parent: #18
شكرا ياالزنجي لوجودك هنا
|
Post: #19
Title: Re: يـا نـاسـيـنـا
Author: أبو الحسين
Date: 11-12-2006, 04:33 AM
Parent: #1
Quote: بفرش ليك قلبي وسادة
وازقيك من غرامي سعادة
يا ناسينا يا مجافينا حن علينا |
تسلم يا معتصم يا اخوي...
وشوف بالله الراجل دا إختار الكلمات دي كيف؟؟؟ أسقيك من غرامي سعادة...
وكميات مودتي... لبتنا إنعام...
أبو الحســـــــــــــين...
|
Post: #42
Title: Re: يـا نـاسـيـنـا
Author: انعام عبد الحفيظ
Date: 11-13-2006, 08:30 AM
Parent: #19
ابو الحسين
سلام وود
وردي زان هذه الكلمات بآدائه الرائع لها
مودتي واحترامي
|
Post: #20
Title: Re: يـا نـاسـيـنـا
Author: خالدة البدوي
Date: 11-12-2006, 04:38 AM
Parent: #1
نعومي الحبيبة
يا كافي البلا كله ولا النسيان
هاكي دي كدي اصبري بيها شوية
Quote: ما بنساك ولا بقدر بعد حبك احب تاني [/
انا قايتوا الدائما على لساني اليومين ديل
Quote: لما ترجع بالسلامة وترجع ايامنا الجميلة
يا سنى الروح ويا منانا ويا عواطفنا النبيلة |
*****
لما ترجع يا حبيبي للقليب المشتهيك
وذي عوايدك تحتويني رعشة من ريدتي ليك ،،، |
لك مودتي وما بنساك انت انت بتتنسي
ما انت روحنا وحبنا ،،،
|
Post: #43
Title: Re: يـا نـاسـيـنـا
Author: انعام عبد الحفيظ
Date: 11-13-2006, 10:09 AM
Parent: #20
يا سلام عليك يا خالده
دي من احلى اغاني ثنائي العاصمة
شكراً يا عزيزتي وتسلمى انتي
|
Post: #25
Title: Re: يـا نـاسـيـنـا
Author: بدرالدين شنا
Date: 11-12-2006, 06:33 AM
Parent: #1
| Quote: ياناسينا يامجافينا حن علينا |
|
Post: #45
Title: Re: يـا نـاسـيـنـا
Author: انعام عبد الحفيظ
Date: 11-13-2006, 10:34 AM
Parent: #25
بدر الدين
كلو هين
بس اوعى تنسى زيارتك لينا
|
Post: #26
Title: Re: يـا نـاسـيـنـا
Author: معتصم دفع الله
Date: 11-12-2006, 06:58 AM
Parent: #1
|
Post: #28
Title: Re: يـا نـاسـيـنـا
Author: يسرى صلاح
Date: 11-12-2006, 09:03 AM
Parent: #26
هل هنالك اكثر من الورد بلاغتا لتعبر
به عن دواخلك
وردي باقة ورد لكل سوداني يود ان يمد
جسور المحبة والتواصل .
لن نقل انه زمان راجل المره بدليل تفاعل
الشباب مع هذا الهرم الشامخ .
|
Post: #47
Title: Re: يـا نـاسـيـنـا
Author: انعام عبد الحفيظ
Date: 11-13-2006, 10:50 AM
Parent: #28
يسري
وردي فنان كبير وعظيم
ولا يختلف حوله اثنان
شكرا لوجودك هنا
|
Post: #29
Title: Re: يـا نـاسـيـنـا
Author: انعام عبد الحفيظ
Date: 11-12-2006, 10:08 AM
Parent: #26
معتصم
شكراً مطراً غزيراً يا صديقي
|
Post: #31
Title: Re: يـا نـاسـيـنـا
Author: عبدالعظيم عثمان
Date: 11-12-2006, 10:38 AM
Parent: #1
تحيات فخيمه انعام ومثلها للرائع معتصم
مزيدا من الجمال والالق
|
Post: #48
Title: Re: يـا نـاسـيـنـا
Author: انعام عبد الحفيظ
Date: 11-13-2006, 11:05 AM
Parent: #31
Quote: تحيات فخيمه انعام ومثلها للرائع معتصم
مزيدا من الجمال والالق |
ولك مثلها واكثر يا عبد العظيم
|
Post: #33
Title: Re: يـا نـاسـيـنـا
Author: معاوية كرفس
Date: 11-12-2006, 03:49 PM
Parent: #1
.
هسع الناسي التاني منو
إتلاقينا وين أنحنا ؟
.
لك كل الود
.
|
Post: #50
Title: Re: يـا نـاسـيـنـا
Author: انعام عبد الحفيظ
Date: 11-13-2006, 11:29 AM
Parent: #33
Quote: هسع الناسي التاني منو
إتلاقينا وين أنحنا ؟
|
اهلااااااااان معاويه
طبعاً لقاء البورداب لاينسى
لأنو فيهو اتعرفنا بناس جدد
وليت الاحترام والود يستمر بين الناس
|
Post: #34
Title: Re: يـا نـاسـيـنـا
Author: معاوية كرفس
Date: 11-12-2006, 04:45 PM
Parent: #1
.
إنعــــــــــــام
إنتي الغنية دي مالك وماله
طلعتي عينا
يا ستي نتلاقا ..........!
.
|
Post: #35
Title: Re: يـا نـاسـيـنـا
Author: محمد زمراوي عبدالعزيز
Date: 11-13-2006, 03:15 AM
Parent: #34
الحبيب معتصم
بالله دا كلام دا
وانا قاعد اقرا التعليقات الجميلة دي
ولمان وصلت نهاية التعليقات والردود
عرفت انو في فيديو شغال بتحت والغريبة ما كنت خاتي السماعة في اضاني
يعني معناتولازم اجيب السماعات واسمع من جديد .. نعمل شنو
|
Post: #38
Title: Re: يـا نـاسـيـنـا
Author: الطيب شيقوق
Date: 11-13-2006, 04:19 AM
Parent: #35
الاخت الجميلة انعام
طالما نحن في سياق الحديث عن الادب والنغم الجميل فلا مناص من المساهمة بومضات سورية اظنها رائعة :
يا حبيبي أنت قد يتمت عينـي دون ذنب أنت قد أخلفت ظني
كيف حبي في سكون ضاع مني يا حبيبي فيك قد خاب التمني
كيف تنساني وحيدًا دون سلوى
في قفار العمر أجري دون مأوى
يا حبيبي أين ما قلناه أين هل نسينا كل حلم قد روينا
قد ظلمنا الحب يومًا حين قلنا سوف نُفني نحن حبًا ما حيينا
سوف تغدو دون حب كاليتامى
كيف ننسى فيض حب قد تنامى
يا حبيبي وتسامى..
يا حبيبي لا تقل كيف وأين قد نما في القلب جرح وانتهينا
لا تقل قد ضاع قسرًا من يدينا قد حلفنا ثم أمسى الحب دينا
يا حبيبي قد شردنا والتقينا
كنت راحًا.. كنت ماءً وامتزجنا
يا حبيبي ثم كنا
عد إلي قد غدت روحي عليلة لا تكابر في أمور مستحيلة
عد لأيامي لأحلامي الجميلة أنت زهري أنت عطري والخميلة
لا تدعني أشتكى طول الليالي
أنت دومًا في عيوني في خيالي
يا حبيبي هل تبالي؟
لا تعاند في غرامي لا تكابر سوف أبقى كل عمري فيك حاضر
من زمان الحب قلبي لن يسافر عن غرام قد شجاني لن أهاجر
فلتخاصم أنت روحي كيف شئت
سوف تبقى شطر نفسي أين كنت
يا حبيبي منذ كنت…
معزتي
|
Post: #53
Title: Re: يـا نـاسـيـنـا
Author: انعام عبد الحفيظ
Date: 11-14-2006, 07:09 AM
Parent: #38
Quote: عد إلي قد غدت روحي عليلة لا تكابر في أمور مستحيلة
عد لأيامي لأحلامي الجميلة أنت زهري أنت عطري والخميلة
لا تدعني أشتكى طول الليالي
أنت دومًا في عيوني في خيالي
|
الاخ الطيب
تحياتي
القصيدة جميلة جدا
شكراً يا ذوق
|
Post: #46
Title: Re: يـا نـاسـيـنـا
Author: معتصم دفع الله
Date: 11-13-2006, 10:48 AM
Parent: #35
الجميل أبوالحسين تحياتي ..
العملاق وردي يختار أغنياته بعناية فايقة ويعمل فيها أدواته اللحنية ..
لذلك يطلع العمل في غاية الروعة والجمال ..
تخيل انو للأغنية دي لحنين تغني بهما وردي وكلاهما رائع ..
متعه الله بالصحة والعافية ..
الحبيب عبدالعظيم عثمان ..
ولك من التحايا مثلها ومحبتي ..
شكراً جميلاً ..
العزيز محمد زمراوي تحياتي ..
ألحق بس أشتري ليك سماعات ولا جيب أي حاجة تسمع بيها ..
الأغنية دي في غاية الإبداع والتطريب ..
أعجبني توزيع وردي لأغنياته وإعادة تلحينها بشكل جديد ..
ولو ما لقيت حاجة عاجلة أستمتع بالمشاهدة إلى حين ..
محبتي وتقديري ..
|
Post: #39
Title: Re: يـا نـاسـيـنـا
Author: JAD
Date: 11-13-2006, 04:39 AM
Parent: #1
التحية لغلاة الحب والجمال ..
التحية لهواة الحياة ..
التحية لأرباب الحس الرقيق ..
التحية لعشاق الفن الرفيع ..
التحية لمن هزت الذكري "شراشيفهم" ..
التحية لمن ضيقت "العبرة" حلاقيمهم ..
من يستطيع؟
الذكرى طيف عابر لا تحده الأبعاد ولا يحتويه المكان ولا يبليه الزمان ..
من يستطيع؟
اشتقت ليك ساعة المساء فرد الجناح لملم مصابيح النهار ..
والذكري تؤجج نيران الشوق كما تفعل الرياح بالجمر الخابئ ..
والشوق بلا ذكرى يكون خداجاً، أو شيئاً من سوء المزاج ..
شكراً لكم جزيلاً ..
جاد
الشراشيف: مفردها شرشوف وهو الحجاب الحاجز بالعامية.
العبرة: بفتح العين والباء المهملة هي انقباض وضيق في أسفل الحنجرة يحدت نتيجة صراع عنيف بين الرغبة في البكاء والرغبة في سترة الحال يشعر صاحبه بأنه مخنوق أو "مقبقب".. ويتميز بأنه لا صوت له ولا دموع ..
|
Post: #55
Title: Re: يـا نـاسـيـنـا
Author: انعام عبد الحفيظ
Date: 11-14-2006, 08:05 AM
Parent: #39
Quote: التحية لمن ضيقت "العبرة" حلاقيمهم ..
|
وما اكثرها يا جاد
شكرا لك ولكلماتك الرقيقة
|
Post: #40
Title: Re: يـا نـاسـيـنـا
Author: salma subhi
Date: 11-13-2006, 04:40 AM
Parent: #1
انعام كيف الحال...
هناك من ننساهم
هناك من نتناساهم
وهناك من لا ننساهم...........وكيف ننساهم
salma subhi
|
Post: #56
Title: Re: يـا نـاسـيـنـا
Author: انعام عبد الحفيظ
Date: 11-14-2006, 09:18 AM
Parent: #40
Quote: وهناك من لا ننساهم...........وكيف ننساهم
|
سلمتي يا سلمى
ولكي من الود اجمله
|
Post: #44
Title: Re: يـا نـاسـيـنـا
Author: Elmosley
Date: 11-13-2006, 10:12 AM
Parent: #1
ياناسينا
|
Post: #49
Title: Re: يـا نـاسـيـنـا
Author: سيد محمد احمد سيدنا
Date: 11-13-2006, 11:16 AM
Parent: #44
انعام عبد الحفيظ
انعم الله عليك وانتى تنبشى كل جميل فى دواخلنا
من لا ينسى يستحق
ومن ينسى لا يستحق
ومن يتناسا له العذر ( ربما غدر )
وختامى
انت
انت
بتتنسى
ما
انت
؟
؟
؟
يكفينى 111111111111
تحياتـــــــــــى
ســــــــــــــــيد
|
Post: #62
Title: Re: يـا نـاسـيـنـا
Author: انعام عبد الحفيظ
Date: 11-15-2006, 08:37 AM
Parent: #51
خليل
شكرا لارسال الرابط
الاغنية جميلة وكل اغاني وردي جميلة
|
Post: #60
Title: Re: يـا نـاسـيـنـا
Author: انعام عبد الحفيظ
Date: 11-15-2006, 07:36 AM
Parent: #49
من لا ينسى يستحق
ومن ينسى لا يستحق
ومن يتناسا له العذر ( ربما غدر )
شكرا سيد محمد احمد سيدنا
لكلماتك الغالية
|
Post: #58
Title: Re: يـا نـاسـيـنـا
Author: انعام عبد الحفيظ
Date: 11-15-2006, 07:01 AM
Parent: #44
شكراً استاذنا الموصلي
|
Post: #52
Title: Re: يـا نـاسـيـنـا
Author: انعام حيمورة
Date: 11-14-2006, 03:56 AM
Parent: #1
ما ناسياك .....
اجتهدت من اول يوم لتنزيل الاغنية لكن ما نجحت ...
كتر خير معتصم...
أغنية جميلة والنسيان أجمل ...
|
Post: #54
Title: Re: يـا نـاسـيـنـا
Author: رأفت ميلاد
Date: 11-14-2006, 07:46 AM
Parent: #52
وإنت بتتنسى
أخيرآ ... شكرآ يا معتصم
وحمدلله بالسلامة يا إنعام
أغنية فعلآ جميلة
تحياتى
رأفت ميلاد
|
Post: #63
Title: Re: يـا نـاسـيـنـا
Author: انعام عبد الحفيظ
Date: 11-16-2006, 07:28 AM
Parent: #54
شكرا اخي رأفت
ووجودك يسعدني
مودتي واحترامي
|
Post: #61
Title: Re: يـا نـاسـيـنـا
Author: انعام عبد الحفيظ
Date: 11-15-2006, 08:00 AM
Parent: #52
شكراً الصديقة الوفية انعام
فأنتي نعمة كبيرة حباها لنا الله
دمتي لي يا عزيزة
|
Post: #57
Title: Re: يـا نـاسـيـنـا
Author: ابن الرشيد
Date: 11-14-2006, 09:22 AM
Parent: #1
تحية
الى كل رواد سودانيز أون لاين
وخاصة جدا
والي الأخت نعومة
وخاصة جدا جدا
للأخ معتصم دفع الله " قلبى الحباك أسأله..... ماعاش لولاك أسأله"
ونحن منتظرين باقى الحفل
لكم منى جميعا كل الود
[email protected]
|
Post: #64
Title: Re: يـا نـاسـيـنـا
Author: انعام عبد الحفيظ
Date: 11-16-2006, 08:05 AM
Parent: #57
ابن الرشيد
تحياتي لك يا انسان يا رائع
مودتي واحترامي
|
Post: #59
Title: Re: يـا نـاسـيـنـا
Author: بدرالدين شنا
Date: 11-15-2006, 07:33 AM
Parent: #1
| Quote: بس اوعى تنسى زيارتك لينا |
يا (ما) نـاسـيـنـا
|
Post: #65
Title: Re: يـا نـاسـيـنـا
Author: Sahar Abdelrahman
Date: 11-16-2006, 08:25 AM
Parent: #59
الصديقة اللطيفة إنعام...أعذب التحايا وأنضرها...
أشتقت إليك يا حبيبة...أتيت إلى هنا يحملني الحنين والشجن...
لكل اللذين عطروا حياتنا بالأريج والذكريات الجميلة لهم في نفوسنا مساحة لا يمكن للنسيان أن يقترب منها...
مع معزتي
سحر
|
Post: #73
Title: Re: يـا نـاسـيـنـا
Author: انعام عبد الحفيظ
Date: 11-18-2006, 03:43 AM
Parent: #65
سحر عبد الرحمن
وينك انتي الطال غيابك؟
بتختفي كتير كده ليه؟
Quote: لكل اللذين عطروا حياتنا بالأريج والذكريات الجميلة لهم في نفوسنا مساحة لا يمكن للنسيان أن يقترب منها...
|
كلماتك كعادتها جميلة ومعبّرة
البور يفتقد امثالك يا سحر
مودتي واحترامي
|
Post: #69
Title: Re: يـا نـاسـيـنـا
Author: انعام عبد الحفيظ
Date: 11-16-2006, 10:14 AM
Parent: #59
| Quote: يا (ما) نـاسـيـنـا |
بدر الدين
هو انت بتتنسي
في انتظارك انت والاسرة في العيد
قول معاى باذن الله
|
Post: #70
Title: Re: يـا نـاسـيـنـا
Author: ديامي
Date: 11-16-2006, 10:44 AM
Parent: #66
انعام
سلام
أبو الورود خطير
ويا ناسينا أكثر من روعة
|
Post: #74
Title: Re: يـا نـاسـيـنـا
Author: انعام عبد الحفيظ
Date: 11-18-2006, 04:59 AM
Parent: #70
شكراً ديامي
على وجودك هنا
والأغنية بجد رائعة
مودتي واحترامي
|
Post: #71
Title: Re: يـا نـاسـيـنـا
Author: انعام عبد الحفيظ
Date: 11-16-2006, 10:47 AM
Parent: #66
| Quote: تدفعي كم وأّدّيك أروع تسجيل ليها وردي ذاتو ما عندو |
لؤى
انت التدفع كم؟
لأنو معتصم دفع لي عشان اخليهو ينزل الأغنية دي
بدليل كلامك
بس وبيني وبينك ادفع الأنت عايزو بس نزّل لي التسجيل بتاعك
|
Post: #72
Title: Re: يـا نـاسـيـنـا
Author: معتصم دفع الله
Date: 11-16-2006, 11:59 AM
Parent: #71
| Quote: لأنو معتصم دفع لي عشان اخليهو ينزل الأغنية دي |
شوف الأونطجية عايزين تاكلونا حنك ..
وشكراً ليك إنتِ يا انعام حيمورة مع تحياتي ومحبتي ..
يديك العافية يا رأفت ميلاد وجمل أيامك بكل الخير ..
ابن الرشيد يا حبيب تسلم كتير كامل محبتي ..
يا لووول كيفك يا حبيب الشوق كميات ..
على فكرة التسجيل دا القاصده دا عندي موجود ..
يلا منتظر جيتك ..
محبتي للجميع ..
|
Post: #75
Title: Re: يـا نـاسـيـنـا
Author: Nasser Mousa
Date: 11-18-2006, 05:15 AM
Parent: #72
انعام عبدالحفيظ
سلام والف تحية
يا ناسينا
ابداع لمن غلط
مودتي واحترامي
ناصر موسى
|
Post: #79
Title: Re: يـا نـاسـيـنـا
Author: انعام عبد الحفيظ
Date: 11-19-2006, 05:47 AM
Parent: #75
اهلا ياناصر
نورت البوست
فعلا الأغنية قمة في الإبداع
|
Post: #76
Title: Re: يـا نـاسـيـنـا
Author: انعام عبد الحفيظ
Date: 11-18-2006, 07:34 AM
Parent: #72
Quote: شوف الأونطجية عايزين تاكلونا حنك ..
|
معتصم
ياخي حقك علينا
بس بطّل تشويه لسمعتنا دي ياخ
|
Post: #77
Title: Re: يـا نـاسـيـنـا
Author: موسى الحسين سيد أحمد
Date: 11-18-2006, 09:58 AM
Parent: #76
رحم الله اسماعيل حسن (اتنسى) في زحمة هيامكم بالفنان المبدع جداً وردي وهو يستحق
هناك أغنية شايقية رائعة روعة يا ناسينا وبنفس العنوان (يالناسينا) يقول فيها الشاعر الهامة السر عثمان الطيب:-
يالناسينا حبك في ربيع دنيانا شال نور بسقيه الذكريات ياروحي عشان يخضر لي ويكبر
ضل السيسبان والمنقةلافينا ب وشاح أخضر فرع البرتكان مندلي (متدلي)فوقو كناره يتبختر
الكون كله باسم لينا طربان غنى واستبشر لكن جار زمانا الليلة خلى صفانا يتعكر
بطراك والقمرة معاي تشاركني الهموم تسهر نعسان إنت يا محبوبي ضوها في وشيك نور
والأغنية وحلوة جدا ياريت أحد الأخوان (من عندنا) يلقاها ويحمل لنا أياها في هذا البوست الرائع
وهي مهداه لك أختي إنعام وللأخ أبو الحسين ولكل الإخوة والاخوات مع تحياتي للجميع
|
Post: #78
Title: Re: يـا نـاسـيـنـا
Author: موسى الحسين سيد أحمد
Date: 11-19-2006, 03:40 AM
Parent: #77
up
|
Post: #80
Title: Re: يـا نـاسـيـنـا
Author: انعام عبد الحفيظ
Date: 11-19-2006, 08:35 AM
Parent: #77
الرفيع موسى الحسين
نعم رحم الله شاعرنا اسماعيل حسن
وامثاله لايمكن نسيانهم
كلمات الاغنية الشايقية للشاعر السر عثمان الطيب
(ياالناسينا) جميلة جداً واناشد معك الاخوة في البورد
اذا كانت موجوده عند احدهم لإنزالها لنا مع لينك الحفظ
مودتي واحترامي
|
Post: #81
Title: Re: يـا نـاسـيـنـا
Author: انعام عبد الحفيظ
Date: 11-19-2006, 09:53 AM
Parent: #1
يا لؤى
منتظراك تنزل لي التسجيل العندك
|
Post: #82
Title: Re: يـا نـاسـيـنـا
Author: معاوية كرفس
Date: 11-19-2006, 06:03 PM
Parent: #1
.
البركة في طلعة لؤي
.
|
Post: #83
Title: Re: يـا نـاسـيـنـا
Author: معاوية كرفس
Date: 11-19-2006, 06:14 PM
Parent: #1
.
إزيــــــــّك
و إزيكم كلكم
.
|
Post: #84
Title: Re: يـا نـاسـيـنـا
Author: الطيب شيقوق
Date: 11-20-2006, 01:13 AM
Parent: #83
والله يا انعام اختي - ناس بتمشى سنين طوييييييييييييييلة وناس من غير ما تمشى توصل .
اليوم جابك السواق ولا جيتي سايقه لوحدك
|
Post: #88
Title: Re: يـا نـاسـيـنـا
Author: انعام عبد الحفيظ
Date: 11-20-2006, 06:06 AM
Parent: #84
| Quote: ناس بتمشى سنين طوييييييييييييييلة وناس من غير ما تمشى توصل . |
الطيب اخوي الموضوع ده كلو اقدار
بالنسبة للسواقة خلاص اختك بقت معلمة كبيييييييييرة
ما تشيل هم
شكراً لسؤالك ووجودك هنا
مودتي واحترامي
|
Post: #87
Title: Re: يـا نـاسـيـنـا
Author: انعام عبد الحفيظ
Date: 11-20-2006, 05:49 AM
Parent: #83
شكراً يا معاوية على طلتك
وشكراً ليك تاني لأنك ما ناسينا
|
Post: #89
Title: Re: يـا نـاسـيـنـا
Author: أحمد الشايقي
Date: 11-20-2006, 08:41 AM
Parent: #83
الريس عبد اللطيف بكري,
Quote: أحمد
معقول ننساك؟
ركز في شغلك،،
تحياتي |
الشغل ملحوق يا ريس لأنه بالنهار
وحسابنا مع الناسيننا بالليـل,
نشتكيهم للقمرة وللنجوم البعيدة,
ونسرح وراهـم درب درب,
تحياتي وكلوا تمام
بس خليهم يتذكرونا,
مش كدا يا انعام؟
أحمـد الشايقي
|
Post: #91
Title: Re: يـا نـاسـيـنـا
Author: انعام عبد الحفيظ
Date: 11-21-2006, 05:55 AM
Parent: #89
الصديق احمد الشايقي
سلام وود
كل اللحظات التي قضيتها معنا كانت جميلة
شكراً لك لإكرامنا بهذه المساحات للقياء
وشكر خاص ايضاً للمساحة التي اعطيتنا لها
لإقامة الندوة المصغرة قبل سفرك
(برغم مشغولياتك وتجهيزاتك للسفر)
مودتي واحترامي
|
Post: #85
Title: Re: يـا نـاسـيـنـا
Author: عواطف ادريس اسماعيل
Date: 11-20-2006, 01:17 AM
Parent: #1
إنعام يا خطيييييييييييييييرة
أهدي هذه الأغنية لك الناسين والمجافين علهم يحنوا
لك الود والشوق
|
Post: #92
Title: Re: يـا نـاسـيـنـا
Author: انعام عبد الحفيظ
Date: 11-22-2006, 04:49 AM
عواطف ادريس
شكرا لطلتك ولروعتك هذه
مودتي واحترامي
|
Post: #86
Title: Re: يـا نـاسـيـنـا
Author: ALGARADABI
Date: 11-20-2006, 01:33 AM
Parent: #1
سفيرة النوايا الحسنة انعام
أنا شخصبا ما نسيتك
هو انتى
انتى
بتتنسى
|
Post: #93
Title: Re: يـا نـاسـيـنـا
Author: انعام عبد الحفيظ
Date: 11-23-2006, 05:27 AM
Parent: #86
القرضابي
سعدت بالتعرف اليك
خليك على اتصال
مودتي واحترامي
|
|
