Post: #1
Title: أسماء الزوجات في موبايلات الأزواج
Author: انعام عبد الحفيظ
Date: 02-17-2008, 04:50 PM
Parent: #0
جاني ايميل من صحبتي بعنوان أسماء الزوجات في موبايلات الأزواج
غايتو في الأول ضحكت للفكرة وبعد داك بديت أفكر ليه الأسماء دي بتتغير للأسوأ
ولا دي تكون من الرتابة والزهج والملل الممكن يكون اتسرب للحياة الزوجية
وهل التغيير دا من طرف الزوجة فقط يعني هي الوصلت الزوج للمرحلة دي
ولا هو عندو دور في الملل دا اعتقد انو الاثنين عندهم دور في محاولة طرد الملل
والحفاظ على الود والرغبة في تغيير حياتهم للأجمل وللأحسن
أيام الخطوبة:
1. My Love
2. حبي
3. قلبي
4. تؤام روحي
أول أيام الزواج
1. حياتي
2. عمري
3. مرتي (ما مصدق انه عرس  )
ولما يكون عندو طفل أو طفلين:
1. أم فلان
2. البيت
وبعد ثلاثة او اربعة سنين:
1. الغليظة
2. المحقق كونان
3. تعال للبيت
4. عذاب القبر
5. مرض
6. الشرطة
7. الداخلية
9. 999
10. جهنم
11.الورطة
12. وديني لبيت أهلي (دا لما يكون يتمنى مرتو تقول ليهو كدا )
13. البلوة
14. غلطــة عمري
15. أعوذ بالله من الشيطان الرجيم
16. الصخرة
17. البلاء الأعظم
18. غوانتانامو
يلا ورونا انتو مسجلين شنو؟
|
Post: #2
Title: Re: أسماء الزوجات في موبايلات الأزواج
Author: خالد علي محجوب المنسي
Date: 02-17-2008, 04:57 PM
Parent: #1
انعام عبدالحفيظ
تحية طيبة سلااااام
أنتِ مسجلة شنو ؟؟؟؟؟
أنا مسجل ( ود شيقوق ) لانها نضامة لكن قلبها أطيب من طيب زي ودشيقوق
|
Post: #5
Title: Re: أسماء الزوجات في موبايلات الأزواج
Author: welyab
Date: 02-17-2008, 05:15 PM
Parent: #2
كل المودة
الحمدلله ما لحقنا نكتب اي اسم ( لان تقنية الموبايلات جاءت بعدنا بكتير)
بس انا أعرف ناس كتار عاملين نغمة خاصة ومش محتاجين يشوفو اسم المتصل من اصله!!
اكيد النغمات دي كمان بتتغير حسب البرنامج الزمني..
الملاحظة الوحيدة
بما ان التقنية مازالت حديثة وماتوصلنا الى ما سيكتب بعد عشرة وعشرين سنه !! اعتقد وقتها ممكن تكون التقنية وصلت بينا الى امكانية اضافة حاسة الشم في الموبايلات .. ونشم وقتها ( خمرة ودلكة) في بعض الموبايلات ..
|
Post: #44
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-18-2008, 04:50 PM
Parent: #5
Quote: بس انا أعرف ناس كتار عاملين نغمة خاصة ومش محتاجين يشوفو اسم المتصل من اصله!!
اكيد النغمات دي كمان بتتغير حسب البرنامج الزمني..
|
ولياب
النغمات دي كمان عالم تاني
عندنا جارنا عامل لزوجتو نغمة صفارة النجدة بتاعت الشرطة
|
Post: #8
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-17-2008, 09:23 PM
Parent: #2
Quote: أنا مسجل ( ود شيقوق ) لانها نضامة لكن قلبها أطيب من طيب زي ودشيقوق
|
خالد المنسي
هسه عليك الله أخير تسجل ود شيقوق ولا المنضمة
قالوا في واحد زوجتو كلامها كتيييييييييير
مسجلها في تلفونو المنضمة
|
Post: #3
Title: Re: أسماء الزوجات في موبايلات الأزواج
Author: osman righeem
Date: 02-17-2008, 04:58 PM
Parent: #1
انا مسجل
AAAAA
و
AAANN
يس ما تحاولي تفسريها
خديها كده لانها بتكون في اول قائمة الاسماء
|
Post: #45
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-18-2008, 05:03 PM
Parent: #3
Quote: انا مسجل
AAAAA
و
AAANN
يس ما تحاولي تفسريها
خديها كده لانها بتكون في اول قائمة الاسماء |
عثمان رغيم ما فهمنا أي حاجة
كدي إختار ما يناسبك من القائمة الفوق ديك
|
Post: #120
Title: Re: أسماء الزوجات في موبايلات الأزواج
Author: Muna Khugali
Date: 02-21-2008, 04:05 PM
Parent: #3
Quote: انا مسجل
AAAAA
و
AAANN
يس ما تحاولي تفسريها
خديها كده لانها بتكون في اول قائمة الاسماء |
آن دي منو يا عثمان؟؟
ولا آآآآآآآآآآه دي أسماء نورت حياتنا!
المهم يا نعومتي انا مسجله رقم هاتف آيه
Aya my love
واسم عبدرالرحيم تحت
Aya's love
|
Post: #4
Title: Re: أسماء الزوجات في موبايلات الأزواج
Author: احمد العمار
Date: 02-17-2008, 05:00 PM
Parent: #1
والله يا انعام اتوقع يكون بوست ظريف جدا
دا اذا الجماعة صدقوا
واحد كاتب / غزونا ما تنسونا
واحد كاتب / فلانة المعانا
واحد كاتب / العجوزة ام بلوزة
غايتو انا كاتب / ابو الشباب
أحمد العمار
طبعا التعديل سحبت الاسم المسجله اول ( بصراحة خفت على العدة )
|
Post: #6
Title: Re: أسماء الزوجات في موبايلات الأزواج
Author: azhary awad elkareem
Date: 02-17-2008, 05:43 PM
Parent: #4
إنعام سلامات..
ياخ معقول الأسماء دى بعد ثلاثة سنوات بس!!!
دى أكيد زيجة لم تجر لها أية دراسات مسبقة..
أو على الأقل (حدث فيها خطأ فى الوقائع)..
على العموم يا ستى نحنا داخلين على العقد الثانى..
ويسبق إسم السيدة حرمناحرف (أ) بالإضافة للحرف الذى
يبدأ به إسمهاحتى تكون على رأس القائمة..
أها شنو ليك..
محبتى لك و لكل من مر/ت من هنا
|
Post: #48
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-18-2008, 05:24 PM
Parent: #6
Quote: نحنا داخلين على العقد الثانى..
ويسبق إسم السيدة حرمناحرف (أ) بالإضافة للحرف الذى
يبدأ به إسمهاحتى تكون على رأس القائمة..
أها شنو ليك..
|
يا أزهري
كدى نديك سنتين تلاتة كان ربنا أمدّ في الآجال 
نشوف ح تكتب شنو بعد الكم سنة الجايات
|
Post: #47
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-18-2008, 05:15 PM
Parent: #4
Quote:
غايتو انا كاتب / ابو الشباب
|
| Quote: طبعا التعديل سحبت الاسم المسجله اول ( بصراحة خفت على العدة ) |
احمد العمار بيني وبينك كدا
ابو الشباب دا ما الاسم الحقيقي الانت كاتبو 
|
Post: #7
Title: Re: أسماء الزوجات في موبايلات الأزواج
Author: abubakr
Date: 02-17-2008, 05:45 PM
Parent: #1
| Quote: يلا ورونا انتو مسجلين شنو؟ |
يانعام ..
بقينا في انتحال شخصية ....؟؟
الحالة عندكم بقيت صعبة خالص ....
|
Post: #49
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-18-2008, 05:45 PM
Parent: #7
Quote: بقينا في انتحال شخصية ....؟؟
الحالة عندكم بقيت صعبة خالص .... |
يا ابو بكر إتصلح معانا ياخ
الحالة هي عندنا ولا عندكم؟ 
|
Post: #9
Title: Re: أسماء الزوجات في موبايلات الأزواج
Author: Alsa7afa_30
Date: 02-17-2008, 09:44 PM
Parent: #1
911
|
Post: #53
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 10:38 AM
Parent: #9
Quote: 999
911
|
الصحافة 30 خلاص عرفنا ح تكتب شنو في تلفونك
|
Post: #10
Title: Re: أسماء الزوجات في موبايلات الأزواج
Author: الملك
Date: 02-17-2008, 09:56 PM
Parent: #1
#888*
...
...
|
Post: #55
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 10:53 AM
Parent: #10
ناجي
الرصيد كم؟
خلي بالك دي الزوجة المن النوع دا
بتكون طوالي دايرة قروش
|
Post: #87
Title: Re: أسماء الزوجات في موبايلات الأزواج
Author: الملك
Date: 02-20-2008, 01:46 PM
Parent: #55
إنعام ,,,
انا بعرس شايقية إذن,,,
|
Post: #11
Title: Re: أسماء الزوجات في موبايلات الأزواج
Author: essam&amal
Date: 02-17-2008, 10:22 PM
Parent: #1
انا مسجله
ابو وضاح قائد الاسطول
يرحمه الله ويسكنه الفردوس الاعلى
اللهم آآآآآآآآآآآآآآمين
وسنينك دى اضربيها فى خمسة
اها رأيك شنو ؟؟؟؟؟؟؟؟؟؟
ام وضاح
|
Post: #12
Title: Re: أسماء الزوجات في موبايلات الأزواج
Author: الطيب شيقوق
Date: 02-18-2008, 07:18 AM
Parent: #11
انعام بت عبد الحفيظ
بوستيك لذيذ و دمو خفيف . ممكن تدينا فيهو سحبة انا واخوى الرطاني ؟
Quote: هسه عليك الله أخير تسجل ود شيقوق ولا المنضمة
قالوا في واحد زوجتو كلامها كتيييييييييير
مسجلها في تلفونو المنضمة |
وانا مسجلها في تلفونى الكدراوية لانها بتشوت ضفاري عديل كده
ود المنسي لولا صمودكم معي في مواجهة الهجمة الرطانية والبربرية الشرسة اكان وريتك شدر القضارف باللييييييييييييل .
|
Post: #58
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 11:16 AM
Parent: #12
Quote: بوستيك لذيذ و دمو خفيف . ممكن تدينا فيهو سحبة انا واخوى الرطاني ؟
|
شكراً يا ود شيقوق بس خليها سحبة صغيييييرة ما تحتلوا لي البوست بتاعي دا 
Quote: وانا مسجلها في تلفونى الكدراوية لانها بتشوت ضفاري عديل كده
|
الكدراوية دي لذيذة
|
Post: #56
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 11:07 AM
Parent: #11
Quote: انا مسجله
ابو وضاح قائد الاسطول
|
الف رحمة ونور تنزل عليهو يا أم وضاح
تخريمة:
لومنا كل يوم بزيد معاك
|
Post: #13
Title: Re: أسماء الزوجات في موبايلات الأزواج
Author: امير عوض الجمري
Date: 02-18-2008, 07:27 AM
Parent: #1
اااروحي (ماالفي ستين داهية)
البي جد جد
شنو ليك يا نعوم!! .. بس انتي فصّلي لينا المراحل والتعديلات دي بالمدة
الزمنية عشان نعرف نحن واقفين وين!
الرسالة وصلتك ؟
|
Post: #60
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 11:27 AM
Parent: #13
اااااا روحي سلام عليك
yes
|
Post: #14
Title: Re: أسماء الزوجات في موبايلات الأزواج
Author: عثمان دغيس
Date: 02-18-2008, 07:33 AM
Parent: #1
غايتو أنا مسجلها ( يا ساتر !!!)
|
Post: #20
Title: Re: أسماء الزوجات في موبايلات الأزواج
Author: البشير دفع الله
Date: 02-18-2008, 08:55 AM
Parent: #14
| Quote: غايتو أنا مسجلها ( يا ساتر !!!) |
يا عثمان الدغيس انا بتكلم ؟؟؟؟؟؟؟
مودتي
ابو عواطف
|
Post: #25
Title: Re: أسماء الزوجات في موبايلات الأزواج
Author: عثمان دغيس
Date: 02-18-2008, 09:40 AM
Parent: #20
يا البشير دفع الله ..
الشمار الكاتلك شنو ...؟
شوفو زي ده يا خوانا ...!
الواحد ما بيعرف ( الهوا ) بيجيهو من وين ...!!
يأتيك من حيث لا تحتسب ...
|
Post: #65
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 02:41 PM
Parent: #14
Quote: غايتو أنا مسجلها ( يا ساتر !!!)
|
عثمان دغيس
كان كدا يا ساتر منك انت
|
Post: #15
Title: Re: أسماء الزوجات في موبايلات الأزواج
Author: عبدالله كع
Date: 02-18-2008, 07:34 AM
Parent: #1
الاخت العزيز الزيزة بوست اكثر من رائع
واحد صاحبي كاتب --- المفلساني
والتاني كاتب ----- عادي
والتالت كاتب ----- زوجة الشهيد
عجبي
|
Post: #67
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 02:55 PM
Parent: #15
Quote: واحد صاحبي كاتب --- المفلساني
والتاني كاتب ----- عادي
والتالت كاتب ----- زوجة الشهيد
|
يا عبد الله كع وما خفي أعظم
|
Post: #16
Title: Re: أسماء الزوجات في موبايلات الأزواج
Author: عبد الدائم سيد أحمد
Date: 02-18-2008, 08:14 AM
Parent: #1
والعكس صحيح
انتو يا انعام واخواتها قاعدين تكتبوا
اسماء الازواج كيف ؟
التحايا العطرة
essam&amal
وكويس اللقيناك بهنا يا ام وضاح
|
Post: #17
Title: Re: أسماء الزوجات في موبايلات الأزواج
Author: Ahmed Yousif Abu Harira
Date: 02-18-2008, 08:37 AM
Parent: #16
انا بعرف واحد مسجل مرتو باسم:
اللغم
ليه ما عارف !!!
|
Post: #21
Title: Re: أسماء الزوجات في موبايلات الأزواج
Author: GamarBoBa
Date: 02-18-2008, 08:58 AM
Parent: #17
انعام كيفك
كلامك ده كبار علينا بس عندي كلمتين لناس بعزهم هنا وقادي...
| Quote: أنا مسجل ( ود شيقوق ) لانها نضامة لكن قلبها أطيب من طيب زي ودشيقوق |
زين ما فعلت..لكن لو اتصل بيك شيقا شخصيا حيضرب تأمينك
Quote: بوستيك لذيذ و دمو خفيف . ممكن تدينا فيهو سحبة انا واخوى الرطاني ؟
|
جاري للهمبتة والسحبة
| Quote: ود المنسي لولا صمودكم معي في مواجهة الهجمة الرطانية والبربرية الشرسة اكان وريتك شدر القضارف باللييييييييييييل |
ما تهدد المنسي...ضراعك وسندك ...لو المنسي مشي منك تأكد انو موضوعك استحم
|
Post: #79
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 10:10 PM
Parent: #21
Quote: انعام كيفك
كلامك ده كبار علينا |
قمر بوبا
ياخي إختار ليك إسم وخليك من نادي أميرة العزابي داك
|
Post: #77
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 09:39 PM
Parent: #17
Quote: انا بعرف واحد مسجل مرتو باسم:
اللغم
ليه ما عارف !!! |
ابو حريرة
لغم دي بتكون من ما يجي داخل البيت بتنفجر فيهو طلبات
|
Post: #70
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 03:29 PM
Parent: #16
Quote: والعكس صحيح
انتو يا انعام واخواتها قاعدين تكتبوا
اسماء الازواج كيف ؟
|
عبد الدائم
قالوا الفي البر عوام وانا لسه في البر
كدي ورينا انت كاتب شنو؟
|
Post: #18
Title: Re: أسماء الزوجات في موبايلات الأزواج
Author: نها محسن أبورأس
Date: 02-18-2008, 08:47 AM
Parent: #1
الغالية إنعام
كيف أخبارك
والله مشتاقييييين شدييييد
في واحد قريبنا أظنك بتعرفيهو
مسجل إسم زوجتو بالدربكين
مع إني ماعارفة العلاقة شنو
إلا إنو الإسم ضحكني شديد
غايتو أنا لمن أتأهل إنشاءالله
ما حاخلي زوجي يسجل رقمي خالص
حاخليه يحفظو عن ظهر قلب
عشان بعدين ما أمشي ألقاهو دربكين وكماشة ومفكات
أقعدي بعافية
|
Post: #80
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-19-2008, 10:29 PM
Parent: #18
Quote: غايتو أنا لمن أتأهل إنشاءالله
ما حاخلي زوجي يسجل رقمي خالص
حاخليه يحفظو عن ظهر قلب
عشان بعدين ما أمشي ألقاهو دربكين وكماشة ومفكات
|
عارفه يا نها قبيل كنت بتكلم مع واحد من زملائي في الشغل من المتزوجين
قمت سألتو قلت ليهو انت زوجتك مسجلة شنو في الموبايل
قال لي باستنكار والله ياهو الفضل أسجلها كمان
انا ما مسجلها زاتو
|
Post: #19
Title: Re: أسماء الزوجات في موبايلات الأزواج
Author: محمد أبوالعزائم أبوالريش
Date: 02-18-2008, 08:49 AM
Parent: #1
أنا غايتو ما بقول ليك مسجل إسم مرتي بشنو ... لكن بوستيك ده ذكرني نكتة:
قالوا المرة في الأيام الأولى بتقول لراجلها: إنت حبيبي ونور عيني .... شوية كدة يبقى (أبو فلان) .. شويتين أبو العيال ... بعد 15 سنة بيبقى (إنت الخير والبركة) ....... يعني المسألة بتبقى معايش بس، وعفى الله عن المشاعر.
الملك:
ده شنو؟ إنت بكري فك المسينجر والا شنو؟
|
Post: #24
Title: Re: أسماء الزوجات في موبايلات الأزواج
Author: ابوحراز
Date: 02-18-2008, 09:27 AM
Parent: #19
طبعاً في الأول أنا فهمت البوست غلط
كنت مفتكر إنو بعض الأزواج كاتبين اسماء زوجات أخريات في موبايلاتهم
لأن هذه الحادثة مرت بي في السودان
واحد كاتب { السر } لكن المتصلة هي { السرة }
كمان شنو واحد كاتب النادي
والهاتف خاص بهاجر !!
قال النادي قال !!
الظريف واحد كاتب مكتب الحركة
قومي يا الحبيبة اتصلي
اها ترد المدام والزوج عامل فيها مشغول بالصلاة { الصلعة التقوم ليك في راسك }
اها والشكلة قامت
المهم صاحبنا قال دي واحدة شغالة في شركة التأمين في المرور
أزواج كذابين وكذبهم فاضح
المهم نرجع لموضوعك بعد فهمنا المطلوب
واحد كاتب { الثكنة العسكرية } !!!
سألته يازول انت شغال في الجيش
قام قال لا 00 المتصل هو بيتي !!!
نحن طبعاً عشان الواحد خواف وبيقوم جاري صوووووووووووف لمن المدام تكورك فيه
كاتبين { غمامة } لسوداني
وردة لموباتيل زين
حبيبة روحي { التلفون الثابت }
قالت حبيبة روحي قال !!!
|
Post: #86
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 01:40 PM
Parent: #24
ابو حراز تحياتي
Quote: واحد كاتب { الثكنة العسكرية } !!!
|
هسه الثكنة العسكرية دي ما زيها وزي غوانتانامو
|
Post: #83
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 01:14 PM
Parent: #19
| Quote: أنا غايتو ما بقول ليك مسجل إسم مرتي بشنو |
ابو الريش ما مشكلة قالوا في نوع من الرجال
اسمهم الخواف ربى عيالو
اها انت من ياتو نوع
|
Post: #22
Title: Re: أسماء الزوجات في موبايلات الأزواج
Author: تماضر الخنساء حمزه
Date: 02-18-2008, 09:16 AM
Parent: #1
نعومة صباحك ورد
واحنا بره يعني؟؟
هادم اللذات
|
Post: #84
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 01:29 PM
Parent: #22
طم طم
الله يجازي محنك
|
Post: #23
Title: Re: أسماء الزوجات في موبايلات الأزواج
Author: عمر التاج
Date: 02-18-2008, 09:24 AM
Parent: #1
أنا عايز أسجلها
ياروحي
حرف اللام ده خش بي الغلط بعد الياء
|
Post: #26
Title: Re: أسماء الزوجات في موبايلات الأزواج
Author: shammashi
Date: 02-18-2008, 09:51 AM
Parent: #23
كونداليزا
كيف؟؟؟
|
Post: #89
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 02:23 PM
Parent: #26
بعض الرجال عندهم رأي انو كونداليزا دي
زولة شخصيتها قوية ومرة قااااااااهر
|
Post: #28
Title: Re: أسماء الزوجات في موبايلات الأزواج
Author: خالد سند
Date: 02-18-2008, 10:15 AM
Parent: #23
اتنين اتواعدو في الموقف
الاول لما وصل لقي ليه واحدة معرفة وطوالي ونسة وذكريات واندياحات
صاحبه لماجا وشاف الحاصل زاغ
اليوم التاني اتقابلو وشكل وزعل تشرني و . . و
قال ليهو ابدا جيت وشايف معاك المدام واخر انبساطه وقرقراب
المشرور قال ليهو انت وهم . . في زول بضحك مع مرتو
عموما بتكيف من الرجال البخافو من نسوانهم
ما عندي موبايل لكن بعرف واحد كده لما تضرب ليه مرتو بتظهر في الشاشة قرنتية
|
Post: #91
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 02:44 PM
Parent: #28
| Quote: المشرور قال ليهو انت وهم . . في زول بضحك مع مرتو |
غايتو دي بالغ فيها لقيت نكتو زي دي
في بوست لهشام المجمر هي الأوحت لي بالبوست دا
Quote: عموما بتكيف من الرجال البخافو من نسوانهم
|
وانا بتقزز من الرجال البخافوا من نسوانهم والنسوان البخافوا من رجالهم
| Quote: ما عندي موبايل لكن بعرف واحد كده لما تضرب ليه مرتو بتظهر في الشاشة قرنتية |
يكون إتلمو عليهو اتنين شينة ودمها تقيل
|
Post: #88
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 01:56 PM
Parent: #23
Quote: أنا عايز أسجلها
ياروحي
حرف اللام ده خش بي الغلط بعد الياء |
يعني عايز تكتب يلا روحي
|
Post: #27
Title: Re: أسماء الزوجات في موبايلات الأزواج
Author: العوض المسلمي
Date: 02-18-2008, 10:09 AM
Parent: #1
بصراحه انا اولادي هم من يسجل ارقام تلفوناتي
ورقم زوجتي مسجل ماما
ومرات سابقه كان MS
يلا فسرور الاخير ده بطريقتكم
وتحياتي انعام وضيوفك الكرام
|
Post: #29
Title: Re: أسماء الزوجات في موبايلات الأزواج
Author: خالد علي محجوب المنسي
Date: 02-18-2008, 10:42 AM
Parent: #27
Quote: ما تهدد المنسي...ضراعك وسندك ...
لو المنسي مشي منك تأكد انو موضوعك استحم |
أنعام سلااام
اسمحي لي أرتع قليل خارج التغطية
وتبقى واحد واحد
القمر بوبا
تسلم يا جميل يا حلو كلمو الزووووول دا الما بعرف صليحو من عدو
وبضرب من طرف لما قرنو تقوم
تحياتي القمربوبا
|
Post: #30
Title: Re: أسماء الزوجات في موبايلات الأزواج
Author: حيدر حسن ميرغني
Date: 02-18-2008, 10:49 AM
Parent: #29
ليه كده
هسع خلق الله دي تدس جوالاتا وين
|
Post: #31
Title: Re: أسماء الزوجات في موبايلات الأزواج
Author: abdulhalim altilib
Date: 02-18-2008, 11:14 AM
Parent: #30
الأخت إنعام ،
تحياتي ،
والله فعلاً بوست ظريف ودمو خفيف ،
لكن شايف كتير من إخوانا
المتداخلين من البورداب (كابين الجرسة) في
المسميات ، خاصة للجنس اللطيف من
الصديقات أو المعارف ، عشان كده مستخبين
وراء المسميات الوهمية .. لكن أخوك والحمد لله
مابقول مازلت متمسكاً بشجاعة اهلي الجعليين فلم
أخبئ مسميات الجنس اللطيف خلف أسماء مستعارة
لكن امكن لأن الثقة والمحبة بيني وبين ام العيال
مازالت على أشدها ، رغم مرور أكثر من عشرين عاماً
على الزواج ، وهذا وحده اللي خلاني أكتب الأسماء
كما هي ، بدون التستر خلف تلك المسميات المضحكة ،
والتي في أحيان كثيرة تقود للمشاكل ، عندما ينكشف
المستور أو تزاح الستارة عن الاسم .
ولحدي الآن أقدر أقول بإطمئان : يا دار ما دخلك شر
لكني خايف من المستخبي برضو ، والخواف ربا عيالو !!
آه شن قولك ؟
مودتي ،
( ليمو )
|
Post: #32
Title: Re: أسماء الزوجات في موبايلات الأزواج
Author: الطيب شيقوق
Date: 02-18-2008, 11:21 AM
Parent: #31
بوبا
| Quote: زين ما فعلت..لكن لو اتصل بيك شيقا شخصيا حيضرب تأمينك |
ضحكتنى يا بوبا انت لذيذ خالص (خالص دي بلهجة حنكوشات الخرطوم - فيها اضغام بغنّ)
|
Post: #40
Title: Re: أسماء الزوجات في موبايلات الأزواج
Author: عزالدين آدم علي
Date: 02-18-2008, 01:30 PM
Parent: #31
هيييييييييييييييييييييي ياليمو دي الجرسة عندك وماعند غيرك، وأنا عافي من أم العيال المهنضباك أكثر من عشرين سنة
|
Post: #98
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 08:06 PM
Parent: #31
Quote: فلم
أخبئ مسميات الجنس اللطيف خلف أسماء مستعارة
لكن امكن لأن الثقة والمحبة بيني وبين ام العيال
مازالت على أشدها ، رغم مرور أكثر من عشرين عاماً
على الزواج ، وهذا وحده اللي خلاني أكتب الأسماء
كما هي ، بدون التستر خلف تلك المسميات المضحكة |
ليمو
لكن لقيت تمام شديد
الله يخلي ليك أم العيال
|
Post: #94
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 03:00 PM
Parent: #30
Quote: ليه كده
هسع خلق الله دي تدس جوالاتا وين |
 
|
Post: #95
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 03:03 PM
Parent: #29
Quote: أنعام سلااام
اسمحي لي أرتع قليل خارج التغطية
وتبقى واحد واحد
|
خالد المنسي
واحد واحد دي كيف
انت تتفضل في البوست زي ما عايز
|
Post: #92
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 02:54 PM
Parent: #27
Quote: ورقم زوجتي مسجل ماما
|
العوض
سلام وتحايا
ذكرتني بواحد مخصص نغمة
ماما زمانها جاية جاية
جاية بعد شوية
ودي حكاها لي زول صاحبنا قال صاحبهم دا زوجتو بتضرب ليهو
وهو بيكون اتأخر معاهم مساهر في الشيشة والونسة
كل ماتتصل عليهو النغمة تشتغل الجماعة يقولوا ليهو
يلا امشي الإستدعاء جاك
|
Post: #33
Title: Re: أسماء الزوجات في موبايلات الأزواج
Author: عبد اللطيف بكري أحمد
Date: 02-18-2008, 11:32 AM
Parent: #1
شفتي يا أنعام أخطر ناس في المجموعة
هم البيكتبو أم فلان ديل،،
البكتبو اللغم ، والنجدة والشرطة دول
هراشة ساكت،،
==
|
Post: #96
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 03:05 PM
Parent: #33
Quote: شفتي يا أنعام أخطر ناس في المجموعة
هم البيكتبو أم فلان ديل،،
البكتبو اللغم ، والنجدة والشرطة دول
هراشة ساكت،،
|
عبد اللطيف بكري
بتفق معاك في رأيك دا
|
Post: #34
Title: Re: أسماء الزوجات في موبايلات الأزواج
Author: سامى عبد الوهاب مكى
Date: 02-18-2008, 11:49 AM
Parent: #1
واحد كاتب ماترد ياحمار شوف عيني ضربت ليه ردا قدامي!!
هسي لو قلت ليه اناياحمار يعمل ليك فيها ابو عرام!!
أنا شخصياً كاتب بي شفتنة شديدة إنت وين((دا طبعاً اول سؤال بتسألك ليه)) ولو قرتا محضر ردي اقول ليها ما تعبيراً عن الشوق وكدا!!
عالم جبانات بشكل
|
Post: #99
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 08:18 PM
Parent: #34
| Quote: واحد كاتب ماترد ياحمار شوف عيني ضربت ليه ردا قدامي |
سامي عبد الوهاب معقول لكن !!!!!!!!!
| Quote: أنا شخصياً كاتب بي شفتنة شديدة إنت وين((دا طبعاً اول سؤال بتسألك ليه)) |
طبعا دا أثقل سؤال
|
Post: #35
Title: Re: أسماء الزوجات في موبايلات الأزواج
Author: mamkouna
Date: 02-18-2008, 12:22 PM
Parent: #1
الله يجازي مِحَنِك يا إنعام..
إنتظرتَ لمن ممكوني وصل البيت....
شلت موبايلو بعيييييد..
و... برااااحة ضربت نمرة موبايلي..
لقيتو لا عامل ليٌ نغمة براي.... لا خاتيني في group براي..
و كاتب إسمي بالكامل لي جِد الجِد..!!!
التقول شغالة معاهو في المنطقة الصناعية ..!!!
|
Post: #100
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 08:24 PM
Parent: #35
Quote: الله يجازي مِحَنِك يا إنعام..
إنتظرتَ لمن ممكوني وصل البيت....
شلت موبايلو بعيييييد..
و... برااااحة ضربت نمرة موبايلي..
لقيتو لا عامل ليٌ نغمة براي.... لا خاتيني في group براي..
و كاتب إسمي بالكامل لي جِد الجِد..!!!
التقول شغالة معاهو في المنطقة الصناعية ..!!!
|
ممكوووووووووووونة
والله لكن لقيتك متضررة من البوست دا شديد
عشان كشف ليك المستخبي كلو
ولا يهمك يا ستي مش احسن مما تلقيهو أم فلان
|
Post: #36
Title: Re: أسماء الزوجات في موبايلات الأزواج
Author: فايزودالقاضي
Date: 02-18-2008, 12:36 PM
Parent: #1
انعام .. سلامات ... شنو مسجلة غياب ؟!!!
بوست جميل والله ....
انا طبعاً عندي حكومتين .. الاولي مصريه والتانيه سودانية ..يعني حكومة وادي النيل ..
كاتب للاولي .. ام عمار .. الثانية .. ام وعد ...
لكن الاتنين مظبط ليهم نغمة واحدة لمن يتصلوا علي ..( ان الهاتف المطلوب لايمكن الاتصال به الآن )..
واما تلفونات الجكس فما عندي تلفون باسم بت في تلفوني ...
ابقي ظاهرة وكوني طيبة ..
فايزودالقاضي ..
|
Post: #102
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 08:42 PM
Parent: #36
Quote: انا طبعاً عندي حكومتين .. الاولي مصريه والتانيه سودانية ..يعني حكومة وادي النيل ..
كاتب للاولي .. ام عمار .. الثانية .. ام وعد ...
|
انت كمان عملتها حكومة وادي النيل
غايتو ربنا يعينك مع الحكومات دي
Quote: لكن الاتنين مظبط ليهم نغمة واحدة لمن يتصلوا علي ..( ان الهاتف المطلوب لايمكن الاتصال به الآن )..
|
|
Post: #37
Title: Re: أسماء الزوجات في موبايلات الأزواج
Author: ismeil abbas
Date: 02-18-2008, 12:42 PM
Parent: #1
أختنا إنعام
سلمتى على البوست الراقى..
وإن شاء الله شركك قبض......
أنا بصراحة....................كاتب..أحب الناس...تيمنآ بالمصطفى صلى الله عليه وسلم لما سئل من أحب الناس لك قال عائشة.ومن الرجال قال أبوها...وحقيقة هى كذلك..لماذا الجرسة وتفسيرى النفسى للناس البكتبوا الشرطة..ديل عندهم دريبات أخرى..والكتابات لها مدلولاتها يا اخت إنعام..
..أكتب إسم زوجتك فى الموبايل أقل لك من أنت....
.................................................................................
مودتى..
إسماعيل محمد احمد عباس..............
|
Post: #103
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 08:53 PM
Parent: #37
| Quote: وإن شاء الله شركك قبض |
اسماعيل سلامات
لافي شرك ولا يحزنون بس انا لاحظت البعض لسه متحفظ ما قالوا كاتبين شنو
Quote: والكتابات لها مدلولاتها
|
اتفق معاك ان للكتابة مدلولات
|
Post: #38
Title: Re: أسماء الزوجات في موبايلات الأزواج
Author: بله محمد الفاضل
Date: 02-18-2008, 12:53 PM
Parent: #1
انعام كيفك
عشان تكون أول رقم سجلتها باسم (ابتهاج روحي) وهي لا تسمى (ابتهاج)
لكن حقيقة يبهجني ويجهجهني إلى الأن اتصالها
شفتي كيف؟
|
Post: #39
Title: Re: أسماء الزوجات في موبايلات الأزواج
Author: waw
Date: 02-18-2008, 01:27 PM
Parent: #38
الاخت انعام .........
البوست حلو جدا .............
احد اصدقاء كاتب في الجوال (ست النفر ) علي اسم حبوبتو............
انا طبعا كاتب (العسل) وهي كاتبة (حبي) الكلام بعدعقد بالتمام من الزواج
رأيك شنو...
سيف
|
Post: #43
Title: Re: أسماء الزوجات في موبايلات الأزواج
Author: فيصل محمد خليل
Date: 02-18-2008, 02:06 PM
Parent: #39
انا اغايتو مراتي ما عندها تلفون
تصورا نحن في القرن الكم ما عارف
وفي اروبا و ماعندها تلفون
ولينا الف سنة مع بعض ولما اجي
من الشغل تقول لي انشاء الله يومك
ما كان متعب
نخت ليك الغدا ولا ترتاح شوية
لكن انا ما قاعد افهم في جنس الكلام دا
ولا بدور جنس الكلام الناعم دا
ولكن انا كمان بقوم برضو بسأله
عنا يومه مضى كيف
لكن ما السؤأل اليهو
|
Post: #113
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 11:59 AM
Parent: #43
فيصل محمد خليل
ربنا يخليكم لـ بعض
| Quote: ولينا الف سنة مع بعض |
دي أخير تكتب بدلها السجن المركزي
|
Post: #105
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 09:17 PM
Parent: #39
Quote: انا طبعا كاتب (العسل) وهي كاتبة (حبي) الكلام بعدعقد بالتمام من الزواج
رأيك شنو...
|
تسلم يا سيف
قلت لي بعد العقد كتبتوا كدا تمام شديد
بس الآن انت كاتب شنو
|
Post: #41
Title: Re: أسماء الزوجات في موبايلات الأزواج
Author: هاشم أحمد خلف الله
Date: 02-18-2008, 01:39 PM
Parent: #38
نـصـيـحـة لـوجـه الـلـه !! أمـسـح أول بـأول وإلا
|
Post: #42
Title: Re: أسماء الزوجات في موبايلات الأزواج
Author: Salah Waspa
Date: 02-18-2008, 02:06 PM
Parent: #41
إنعام إزيك يعني لزومو شنو شيل الحال ?
على العموم نصيحة هاشم وبما إنه خبرة وموبايله دايما loaded
هي النصيحة العملية - النصيحة لي الله
وبعدين شوفوا زي ناس خالد منسي ديل :
| Quote: لكن قلبها أطيب من طيب زي ودشيقوق |
حسع دي جرسة ولا كسير تلج ولا رشوة لزوم الحملات التفتيشية ?
عالم جباناااات
ولا أزيعكم سرا نطلق عليها أل CIA ولكم أن تتخيلوا
وشكرا على اللستة يا إنعام وحنتفحصها كويييس ونختار .
تحياتي وربنا يجعل تسميتنا خفيفة عليهم
cc: to
أبوبكر سيدأحمد
العررريب
خالد منسي
صلاح واسبه
|
Post: #115
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 12:36 PM
Parent: #42
صلاح واسبة
تحياتي
Quote: ولا أزيعكم سرا نطلق عليها أل CIA ولكم أن تتخيلوا
|
دي بتكون خطيرة جدا جدا
Quote: cc: to
أبوبكر سيدأحمد
العررريب
خالد منسي
|
|
Post: #114
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 12:13 PM
Parent: #41
Quote: نـصـيـحـة لـوجـه الـلـه !! أمـسـح أول بـأول وإلا
|
|
Post: #104
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-20-2008, 09:00 PM
Parent: #38
Quote: انعام كيفك
عشان تكون أول رقم سجلتها باسم (ابتهاج روحي) وهي لا تسمى (ابتهاج)
لكن حقيقة يبهجني ويجهجهني إلى الأن اتصالها
شفتي كيف؟
|
وانشاء الله دائماً يبهجك يا بله
بس انشاء الله يجهجهك التانية دي
تكون في الإتجاه الإيجابي زي ما فهمت
|
Post: #112
Title: Re: أسماء الزوجات في موبايلات الأزواج
Author: عماد محمود علي
Date: 02-21-2008, 10:45 AM
Parent: #104
| Quote: عندنا جارنا عامل لزوجتو نغمة صفارة النجدة بتاعت الشرطة |
الله يجازي محنك يا إنعام هسه في داعي للبوست ده والفضائح دي ...
غايتو أنا جوالي كل يوم فيه تفتيش علشان كده كاتب إسمها ساااااي كده ولا نغمة ولا غيره ( جنس هرشه ) ..
مودتي
عماد
|
Post: #117
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 12:56 PM
Parent: #112
غايتو أنا جوالي كل يوم فيه تفتيش علشان كده كاتب إسمها ساااااي كده ولا نغمة ولا غيره ( جنس هرشه ) ..
غايتو يا عماد أخدتها من قصيرها زي ما بقولوا
سجلت اسمها زي ما هو
|
Post: #46
Title: Re: أسماء الزوجات في موبايلات الأزواج
Author: حسين محي الدين
Date: 02-18-2008, 05:14 PM
Parent: #1
مرة واحدة والله بالغت
تحيات طيبات
|
Post: #50
Title: Re: أسماء الزوجات في موبايلات الأزواج
Author: الطيب شيقوق
Date: 02-18-2008, 07:11 PM
Parent: #46
فايز ود القاضي
| Quote: لكن الاتنين مظبط ليهم نغمة واحدة لمن يتصلوا علي ..( ان الهاتف المطلوب لايمكن الاتصال به الآن ).. |
يجازي محنك كتلتني بضحكة عدييييييييييل كده
انعام احلى بوست بس غيابك
|
Post: #51
Title: Re: أسماء الزوجات في موبايلات الأزواج
Author: خدر
Date: 02-18-2008, 07:37 PM
Parent: #50
| Quote: والتالت كاتب ----- زوجة الشهيد |
Quote: اللغم
ليه ما عارف !!! |
| Quote: واحد كاتب ماترد ياحمار شوف عيني ضربت ليه ردا قدامي!! |
Quote: و كاتب إسمي بالكامل لي جِد الجِد..!!!
التقول شغالة معاهو في المنطقة الصناعية ..!!! |
| Quote: لكن الاتنين مظبط ليهم نغمة واحدة لمن يتصلوا علي ..( ان الهاتف المطلوب لايمكن الاتصال به الآن ).. |
| Quote: انا اغايتو مراتي ما عندها تلفون |
الذ بوست في تاريخ المنبر
ضحكت كما لم افعل قريبا
انعام .. انشاء الله يعرسوكـ و اشوف لقبكـ في موبايل
|
Post: #52
Title: Re: أسماء الزوجات في موبايلات الأزواج
Author: jini
Date: 02-18-2008, 10:40 PM
Parent: #51
بعض الاقتراحات لمن يحب
حمالة الحطب ووممكن تشفيره ب؛ أم جميل
أم الصبيان (الجنية الغول)
برمودا (المثلث)
ام ضراع
بت الغلفاء
تأبيدة
تسونامى
الفرملة
قدر غداى (السم )
فيزوف (البركان)
القدح (غطى قدحك)
علوى ابو ليلى
بت قضيم
مرضى
تتضقلمى
تتجازى
اشوف فيك يوم
يا هاريانى
هيييع
آخر الجزا
النجدة
الرووب
جنى
|
Post: #123
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 04:41 PM
Parent: #51
Quote: الذ بوست في تاريخ المنبر
ضحكت كما لم افعل قريبا
|
شكراً يا خدر وانا كمان ضحكت كما لم أضحك من قبل (حلوة من قبل دي عجبتني )
| Quote: انعام .. انشاء الله يعرسوكـ و اشوف لقبكـ في موبايل |
باقي ليك بعد الألقاب دي انا بعرس بى هين مافي ثقة بتكون
يقوم يبشتني زي جنس البششتنة دي وانا ما برضى الحقارة
|
Post: #118
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 03:15 PM
Parent: #46
Quote: : غوانتانامو
مرة واحدة والله بالغت
|
حسين محي الدين
سلامات
انا اكتر اسم ضحكني غوانتانامو دا
دا معناهو لا فكاك منها
|
Post: #54
Title: Re: أسماء الزوجات في موبايلات الأزواج
Author: ملكة سبأ
Date: 02-19-2008, 10:49 AM
Parent: #1
انا غايتو كاتبني (ستهم)
ومظبطين لي نغمة السمحة ياستهم
فإضطريت اكتبو ترباس
|
Post: #62
Title: Re: أسماء الزوجات في موبايلات الأزواج
Author: سمية الحسن طلحة
Date: 02-19-2008, 11:42 AM
Parent: #54
غايتو يانعومة قاعدة تبحتي في الجحرة لأنك في بر الأمان
عمري ما فكرت أشوف موبايل زوجي
الذنب عليك في حالة التجسس دي
مشيت لقيتو كاتب شفرة تلغراف ساعدوني في حلها
( ـ . )
( .. ـ . )
( ـ ـ )
( .. ـ . )
( ـ . ـ )
( .. ـ .. )
|
Post: #121
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 04:27 PM
Parent: #62
Quote: غايتو يانعومة قاعدة تبحتي في الجحرة لأنك في بر الأمان
عمري ما فكرت أشوف موبايل زوجي
الذنب عليك في حالة التجسس دي
مشيت لقيتو كاتب شفرة تلغراف ساعدوني في حلها
( ـ . )
( .. ـ . )
( ـ ـ )
( .. ـ . )
( ـ . ـ )
( .. ـ .. ) |
سمية اللذيذة
قلنا أحسن نتثقّف ونشوف الجماعة بكتبوا شنوفي موبايلاتهم
لقينا بلاوي أجارك الله اها زي شفرتك دي يحلوها كيف؟
|
Post: #119
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 03:54 PM
Parent: #54
Quote: انا غايتو كاتبني (ستهم)
ومظبطين لي نغمة السمحة ياستهم
فإضطريت اكتبو ترباس |
ملكة سبأ
إحتمال بكره يغيرها ليك جنى الباباي
|
Post: #57
Title: Re: أسماء الزوجات في موبايلات الأزواج
Author: عبدالله كع
Date: 02-19-2008, 11:13 AM
Parent: #1
البوست جميل دي المشاركة التانيه
لقيت العالم عامله عمايل ..... عجبي
عموما واحد عزيز علي كاتب عليها
الفردة الشمال..... لي شنو انا ما عارف؟
التاني كاتب : اخخخخخ
انا بصراحه مسجله ياختي
|
Post: #124
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-21-2008, 04:49 PM
Parent: #57
Quote: عموما واحد عزيز علي كاتب عليها
الفردة الشمال..... لي شنو انا ما عارف؟
التاني كاتب : اخخخخخ
انا بصراحه مسجله ياختي |
عبد الله كع
تحايا وسلام
طيب الفردة اليمين يا ربي تكون مرتو التانية
اخخخخخخخخخخ دا بكون دائماً عامل عمايل
ياختي دي بتكون ونااااااااسة
|
Post: #59
Title: Re: أسماء الزوجات في موبايلات الأزواج
Author: أبو الحسين
Date: 02-19-2008, 11:19 AM
Parent: #1
كتب أبو حريرة...
Quote: انا بعرف واحد مسجل مرتو باسم:
اللغم
ليه ما عارف !!! |
إنشاء الله يا أبو حريرة صاحبي... الشكية لله من نوع صاحبك دا!!
أنا غايتو كاتب...
ست ريدييييي في ذااااتك عبدت الله...
مع قواسيب مودتي لك الغالية إنعام...
أبو الحُسين...
|
Post: #125
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-22-2008, 10:58 PM
Parent: #59
ابو الحسين
طبعا نحن ما ح نسألك ما عريس جديد لسه ما تميت سنة
بس الله يستر بعد الثلاثة سنة الأولى ما عارفين ح تكتب شنو؟
|
Post: #61
Title: Re: أسماء الزوجات في موبايلات الأزواج
Author: عبدالله كع
Date: 02-19-2008, 11:31 AM
Parent: #1
كدي ياشباب خلونا من اسامي الموبيلات دي ......
واقرو الكلام ده من اعلي الي اسفل ثم العكس وورونا الحاصل شنو
حوار عروسين في أول يوم
الزوج : يااااه أخيرا الحلم بيتحقق ..
الزوجة : عاوزني أبعد عنك ..... ؟؟
الزوج : لاااا.. متقولي الكلام ده مره ثانيه .
الزوجة : أنت ..... تحبني ؟؟
الزوج : اكييييييييييييد ....
الزوجة : طيب ممكن تفكر تبعد عني ؟
الزوج : لا طبعاً ؟
الزوجة : طيب ممكن تهديني بوسه ؟
الزوج : طبعا.. و على خدك كمان ...
الزوجة : طيب تعتقد إنك ممكن تضربني في يوم من الأيام ؟
الزوج :لا طبعا ... أنا مش من النوع ده من الرجال .
الزوجة : ممكن أثق فيك ؟
الزوج : ايووووه...
الزوجة : يا حبيبي ...
بعد مرور سنة من الزواج .....
وفي ذكرى زواجهما كان هناك حوارٌ آ
(( أقرأ من الأسفل للأعلى ))
......كع
|
Post: #63
Title: Re: أسماء الزوجات في موبايلات الأزواج
Author: بابكر التوم
Date: 02-19-2008, 02:02 PM
Parent: #61
انعام
سلامات
مبالغة انتى ياختى ناس السودان ديل الذ ناس بتعاملوا فى الموبايلات فى العالم اتخيل لى
الغريبة هنا فى الخليج الزوجة اسمها المعزبة (بكسر الميم) اتخيلى وهم اكثر ناس مدمنين
موبايلات وبعد الواحد مجرد ما يجى تلفون ويبعد طوالى ويمشى بعيد بتعرف انو دى زوجتة واللبيب
بالاشارة يفهم . لكن ناسنا ببالغوا عديل كدا ابداع مصاطيل
كع
شديدة لكن دى قطعتا ليها الزلط ولا شنو
|
Post: #126
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-22-2008, 11:13 PM
Parent: #63
Quote: الغريبة هنا فى الخليج الزوجة اسمها المعزبة (بكسر الميم) اتخيلى وهم اكثر ناس مدمنين
موبايلات وبعد الواحد مجرد ما يجى تلفون ويبعد طوالى ويمشى بعيد بتعرف انو دى زوجتة واللبيب
بالاشارة يفهم |
بابكر سلامات
غايتو حيرونا شي كتابة شفرات وشي نغمات مخصصة
وشي مشي بعييييييييد عشان مافي زول يسمع الهرشات
|
Post: #64
Title: Re: أسماء الزوجات في موبايلات الأزواج
Author: أبوبكر أبوالقاسم
Date: 02-19-2008, 02:38 PM
Parent: #1
الأخت إنعام تحية طيبة
شكراً على البوست الظريف ... وما تصدِّقى العنتريات ....
العرب زمان كانوا يسمون الشخص بما ينقصه.... لو قال ليك واحد " إبن العيناء" معناها ياأعور وهكذا... كدى أعملى قياس بهذا المعيار وحا تضحكى من عنتريات البعض....بدءاً بـ "حبى "....
غايتو نحن وصلنا مرحلة " الرحمة " من بعد السكن والمودة وما بتفرق معانا
|
Post: #66
Title: Re: أسماء الزوجات في موبايلات الأزواج
Author: خرماج
Date: 02-19-2008, 02:55 PM
Parent: #64
إنعام
سلامات
بوست رائع بمعنى الكلمة ويتناول قضية حقيقية ويصلح برنامج تلفزيونى
بالنسبة لى عالج قضية معاشة يوميا عندنا فى البيت
كنت اكتب اسم زوجتى كالاتى
A A A
شافتو زعلت وعملت نقة
غيرتوا بإسمهاومعه نغمة متميزة
بينى وبينك اتعقدت لان اتصالاتها كتيرة وطبيعة عملى تفرض على ان يرد بعض الزملاء احيانا على مكالمات عندما اكون فى اجتماع
رحت غيرتها وكتبت الاتى
My Partener
رايك شنو
أخوك فنان ولا لا؟؟؟
عارفا السر شنو فى الاسم الجديد
الناس الشغالين معاى ما بعرفوا انجليزى عشان كده ما ناقشين حاجة
مش طلعت بذكاء من الحرج
رضيت زوجتى وغشيت ناسى المعاى
بوست رائع تستحقى عليهو جائزة ولو عندك صديق فى التلفزيون السودانى اقترحى عليهم حلقة لتناول هذا الموضوع افضل بكتير من برامج الدم التقيل القدونا بيها قد
|
Post: #128
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-22-2008, 11:49 PM
Parent: #66
Quote: بوست رائع بمعنى الكلمة ويتناول قضية حقيقية ويصلح برنامج تلفزيونى
بالنسبة لى عالج قضية معاشة يوميا عندنا فى البيت
|
شكرا يا خرماج
وليس القصد بالتأكيد الضحك فقط ولكن التأمل في هذه الأسماء
يدفعك للتفكير في تقييم هذه العلاقات الزوجية
ومافي شك ان لهذه الأسماء مدلولات
وربنا يجعل اسماءنا خفيفة
|
Post: #68
Title: Re: أسماء الزوجات في موبايلات الأزواج
Author: jini
Date: 02-19-2008, 02:59 PM
Parent: #64
دعاء دخول المنزل
((اللهم ثبتنا عند السؤال))
جنى
|
Post: #129
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-24-2008, 11:56 AM
Parent: #68
Quote: دعاء دخول المنزل
((اللهم ثبتنا عند السؤال))
|
|
Post: #127
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-22-2008, 11:32 PM
Parent: #64
| Quote: غايتو نحن وصلنا مرحلة " الرحمة " من بعد السكن والمودة وما بتفرق معانا |
ابو بكر ابو القاسم
الأصل هو (وجعلنا بينهما مودة ورحمة)
سلامات يا ناس بلدنا
|
Post: #69
Title: Re: أسماء الزوجات في موبايلات الأزواج
Author: معتصم دفع الله
Date: 02-19-2008, 03:21 PM
Parent: #1
انعام سلاااام ..
نحن معدودين ؟؟
|
Post: #132
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-24-2008, 12:55 PM
Parent: #69
Quote: انعام سلاااام ..
نحن معدودين ؟؟ |
معتصم غايتو هسه في زول سألك؟
العزابة ديل جاينهم براااااااااهم بس إنتظرونا ساي
|
Post: #71
Title: Re: أسماء الزوجات في موبايلات الأزواج
Author: haroon diyab
Date: 02-19-2008, 04:08 PM
Parent: #1
انعام وضيوفها الكرام
مساء الخير
ده نسميه بوست ....كشف الحال....!
بالنسبة لي وبعد خمسة اطفال ماغيرت الاسم :
اعز عزيز....
شايفين الريدات كيف.....؟
بس انا ماعندي تلفون....!
لكن خايف علي العده.....
التحايا
هارون دياب
|
Post: #72
Title: Re: أسماء الزوجات في موبايلات الأزواج
Author: jini
Date: 02-19-2008, 05:37 PM
Parent: #71
Quote: بعد مرور سنة من الزواج .....
وفي ذكرى زواجهما كان هناك حوارٌ آ
(( أقرأ من الأسفل للأعلى ))
|
بعد سنة وادة!
يا ساتر!
وبعد سبعة سنوات!
يوضبها!
جنى
|
Post: #76
Title: Re: أسماء الزوجات في موبايلات الأزواج
Author: jini
Date: 02-19-2008, 06:51 PM
Parent: #71
هارون دياب اتصل بى على
[email protected]
|
Post: #134
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-24-2008, 02:11 PM
Parent: #71
Quote: ده نسميه بوست ....كشف الحال....!
|
هارون دياب
كشف الحال ولا واقع الحال
|
Post: #73
Title: Re: أسماء الزوجات في موبايلات الأزواج
Author: مازن الجمّال
Date: 02-19-2008, 05:45 PM
Parent: #1
ست النكد - على وزن اسمها ست النفر
|
Post: #135
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-24-2008, 02:17 PM
Parent: #73
| Quote: ست النكد - على وزن اسمها ست النفر |
وليه كدا ؟ معقول طول السنة نكد
|
Post: #74
Title: Re: أسماء الزوجات في موبايلات الأزواج
Author: عمر الفاروق
Date: 02-19-2008, 05:56 PM
Parent: #1
موقف حصل لي وحصل لي أحد أعضاء المنبر هنا كمان ..
عندي صاحبي متلصق فيني وهو من النوع السقيل داك ونقناق نقة سنينكم ..
أها انا حافظو في الموبايل بي إسم (الكريه)..
يوم صاحبي السقيل ده جاني في البيت وإتأخر معاي لحدي بالليل يبرى فيني ..
فجأة كده قال لي ياخ كدي موبايلك ده أضرب لي ناس البيت أقول ليهم انا متأخر شوية ..
أديتو الموبايل بي كل عفوية ..
قوووووووووم يا صاحبي السقيل اضرب رقم موبايلك لأنو طلع موبايلو مخلّيهو لي ناس البيت ..
الساااااااااعة التطلع ليهو (الكريه) في الشاشة ..
ياخ الزول ده لحدي أسة زارّيني بالموضوع ده !!!
أها يا جماعة شوفوا لي مخرج أحنك بيهو الزول ده وأبرر ليهو سر التسمية دي شنو
|
Post: #75
Title: Re: أسماء الزوجات في موبايلات الأزواج
Author: محمد المرتضى حامد
Date: 02-19-2008, 06:42 PM
Parent: #74
إنعام كيفك؟
تم تعديل بناء على طلب من الزعيم شيقوق بمقولة أن إعلان موتورولا ربما يفهم على غير ما أريد به.
|
Post: #142
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-25-2008, 01:55 PM
Parent: #75
Quote: إنعام كيفك؟
تم تعديل بناء على طلب من الزعيم شيقوق بمقولة أن إعلان موتورولا ربما يفهم على غير ما أريد به. |
استاذنا محمد المرتضى
شفت الفيديو مرتين تقريباً شكرا عليه
غايتو ود شيقوق لا يخلي شاردة ولا واردة (القانون في دمه)
|
Post: #137
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-24-2008, 03:29 PM
Parent: #74
Quote: عندي صاحبي متلصق فيني وهو من النوع السقيل داك ونقناق نقة سنينكم ..
أها انا حافظو في الموبايل بي إسم (الكريه)..
|
غايتو يا عمر الكرية دي مرت علي قبل كدا
عندي أخوي عندو صحبو طواااااااالي في حالة مناكفة
مره قاعدين في بيتنا قام صاحبو قال ليهو تلفوني عاملو صامت
وما عارف ختيتو وين في المكتب ولا جبتو معاي كدى اتصل علي فيهو
قام أخوي إتصل عليهو طلع تلفونو جنب أخوي في الكنبة رفع عاين ليهو
لقى مكتوب فيهو (الكرية يتصل بك)
قام ضحك قال ليهو شوف هنا في تلفوني مكتوب شنو
لقى اسمو برضو ( الكرية)
فضحكنا بقوا متعادلين (الكرية يتصل بالكرية)
|
Post: #78
Title: ٌRe
Author: Waeil Elsayid Awad
Date: 02-19-2008, 09:44 PM
Parent: #1
تراجى
|
Post: #81
Title: Re: ٌRe
Author: دينا خالد
Date: 02-19-2008, 10:47 PM
Parent: #78
نعوم ؟؟؟ انتى برضو بتفتشى الموبايلات ؟؟؟
نعومة ازيك ! وهم الازواج براهم ؟ انت قايلة ديك هينات ؟؟
زكرتينى النكتة البقولها عادل امام ولا سعيد صالح ما عارفة !!
قال الود عمرو 5 سنين دخلوهو المدرسة
الاستاذ بيسال فيهو انت اسمك مين؟؟ بقولو محمد ،،،، محمد ميين ؟؟؟
الود بيسكت .. يابنى ابوك اسمو ميين ؟؟ والود ساكت بتلفت
قالو يابنى ى ى ى امك فى البيت بتنده على بابا بتقولو يا مييييين ؟؟؟
الود بسرعة جاوب ::::: بتقولو يا مدهووووووووول على عيييييينك !!!!!
والله عندهم كترت اسامى يا نعوم بس كدى افتحى الباب دا !!!!!!!!
|
Post: #138
Title: Re: ٌRe
Author: انعام عبد الحفيظ
Date: 02-24-2008, 04:02 PM
Parent: #81
| Quote: والله عندهم كترت اسامى يا نعوم بس كدى افتحى الباب دا !!!!!!!! |
دينا يا بتي الباب ما تراهو فاااااااااااااتح
انتي الماجيتي تاني
|
Post: #116
Title: Re: ٌRe
Author: وصال عالم
Date: 02-21-2008, 12:43 PM
Parent: #78
إنعام عبدالحفيظ
سلام ،،، وينك مختفية عساك بخير ؟! منتظرة زيارتك كما وعدتيني !
أعجبتني المسميات أدناه:
Quote:
وبعد ثلاثة او اربعة سنين:
1. الغليظة
2. المحقق كونان
3. تعال للبيت
4. عذاب القبر
5. مرض
6. الشرطة
7. الداخلية
9. 999
10. جهنم
11.الورطة
12. وديني لبيت أهلي (دا لما يكون يتمنى مرتو تقول ليهو كدا )
13. البلوة
14. غلطــة عمري
15. أعوذ بالله من الشيطان الرجيم
16. الصخرة
17. البلاء الأعظم
18. غوانتانامو
يلا ورونا انتو مسجلين شنو؟
|
أنعام والله كلامك صاح تصدقي .. كنت في زيارة أحد أقربائي
الدكاترة من أهلي بخصوص دراسة أنوي عملها ضربت زوجته أثناء الحوار ..
قال عن إذنك دي الحكومة .. وفعلاَ أعطاني تحدثت معها واستغربت جداَ ؟؟
ليس من المسمى .. ولكن التصرف ! هل هناك عدم ثقة ؟!
تسلمي ياستي .. متابعة معك بمتعة شديدة !
ولي عودة ..
وصال عالم
|
Post: #139
Title: Re: ٌRe
Author: انعام عبد الحفيظ
Date: 02-25-2008, 11:40 AM
Parent: #116
Quote: سلام ،،، وينك مختفية عساك بخير ؟! منتظرة زيارتك كما وعدتيني !
|
اهلين يا وصال وينك انتي تاني ما شفناك
معليش الدنيا وزحمتها بس وعدي ليك قائم لسه
Quote: أنعام والله كلامك صاح تصدقي .. كنت في زيارة أحد أقربائي
الدكاترة من أهلي بخصوص دراسة أنوي عملها ضربت زوجته أثناء الحوار ..
قال عن إذنك دي الحكومة .. وفعلاَ أعطاني تحدثت معها واستغربت جداَ ؟؟
ليس من المسمى .. ولكن التصرف ! هل هناك عدم ثقة ؟!
|
الرجال حالتهم تحنن الواحد فيهم عندو حكومات بدل من حكومة واحدة
|
Post: #82
Title: Re: أسماء الزوجات في موبايلات الأزواج
Author: Raja
Date: 02-19-2008, 11:00 PM
Parent: #1
إنعام يا حبيبة سلام..
عندنا صاحبنا مسمًي مرتو الخواجية (عباس )..
أها يوم للتعتر ليه جابو للبلد الهو فيها سوداني أسمو عباس .
صاحبتنا فرحت لكنها إستغربت إنه الإسم كيف للمرا والراجل؟
أها لما عرفت الحقيقة زعلت زعل عدوك
هسع حروف (ع. ب. ا. س) ما بتتنطق في بيتهم
ودي
|
Post: #85
Title: Re: أسماء الزوجات في موبايلات الأزواج
Author: sudania2000
Date: 02-20-2008, 01:39 PM
Parent: #82
سلامات
الموضوع لذيذ
انا شفت بعض اخواني كاتبين : سيد الاسم : ستو : my soul
بس اولاد اخواني شايفاهم بكتبوا اسماء اولاد للبنات ليه ما بعرف
مرة تلفون واحد معاي واتصل رقم باسم أيمن قطر : فرديت جاني صوت عسولة
ولمن جاء قلت ليهم ايمن قطر اتصل عليك الود التقول صبت فيهو مطرة
عجبني اسم : وزير الداخلية
|
Post: #90
Title: Re: أسماء الزوجات في موبايلات الأزواج
Author: رأفت ميلاد
Date: 02-20-2008, 02:31 PM
Parent: #85
كيفك يا إنعام
أنا ما بعرف تكنولجيا الموبايلات وده من بختها
لكن موبايلا عارف نمرتى بتجيب قلب بنطط كده .. شفتى عمك خطير كيف
ألطف تعبير قريتو كتبته بيان فى بوست مشابه .. واحد موبايلو نمرة المدام بتجيب نغمة "الجريرة" خبر عاجل
وأنا عريس جديد وعربيتى جديدة فى السعودية .. فى الشارع فتحت الباب للحجة .. جا مارى سودانى ومرته وأورطة عيال .. وقف بدون سابق معرفة قال لى " يا العربية جديدة يا المرة جددة"
كلامو وقع لى
حمدلله بالسلامة
|
Post: #93
Title: Re: أسماء الزوجات في موبايلات الأزواج
Author: كمال مبارك
Date: 02-20-2008, 03:00 PM
Parent: #90
أنعام ،،
صاحبى وجارى ،، يوم الخميس يحضر الى منزلى للعب الشطرنج
طبعاً بعد ان ترك زوجته فى منزل صاحبتها ،، المهم
رن جرس هاتفه ،، وجدته كاتب أو الزفت ،، ضحكت ،، وناولته الهاتف
قبل ما يستلم الهاتف قام بأغلاق صوت التلفزيون ،،
المهم هى تتحدث معه وهو يقول أوكى ،،، أوكى ،،،،
أخر شئ سمعتها وبتقول ليه الاتى :
أنت وين بتتكلم براحه كدى ،،، بصوت قوى
رد هو وقال ،، لا بس انا كنت نائم ،،، ههههههههههاااااا
ضحكت عليه ،، وقال لى شوف انا مسميها أوالزفت ههههههههاااااااااا
|
Post: #145
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 03:09 PM
Parent: #90
Quote: أنا ما بعرف تكنولجيا الموبايلات وده من بختها
لكن موبايلا عارف نمرتى بتجيب قلب بنطط كده .. شفتى عمك خطير كيف
ألطف تعبير قريتو كتبته بيان فى بوست مشابه .. واحد موبايلو نمرة المدام بتجيب نغمة "الجريرة" خبر عاجل
وأنا عريس جديد وعربيتى جديدة فى السعودية .. فى الشارع فتحت الباب للحجة .. جا مارى سودانى ومرته وأورطة عيال .. وقف بدون سابق معرفة قال لى " يا العربية جديدة يا المرة جددة"
كلامو وقع لى
|
ياخي أول حاجه زارتنا البركة
وتاني حاجة ما تشوف الفصاحة بتاعتي دي
انا زاتي ما بعرف تكنلوجيا الموبايلات دي
|
Post: #143
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 12:57 PM
Parent: #85
Quote: بس اولاد اخواني شايفاهم بكتبوا اسماء اولاد للبنات ليه ما بعرف
مرة تلفون واحد معاي واتصل رقم باسم أيمن قطر : فرديت جاني صوت عسولة
ولمن جاء قلت ليهم ايمن قطر اتصل عليك الود التقول صبت فيهو مطرة |
مطرة ساي انتي الوداك تهبشي في تلفونات الجيل الجديد شنو
|
Post: #109
Title: Re: أسماء الزوجات في موبايلات الأزواج
Author: الطيب شيقوق
Date: 02-21-2008, 07:46 AM
Parent: #82
انعام
انا البوست ده اكان ما فتحتو اول حاجة وضحكت ما برتاح
عجبني ال demotion بتاع غادة عبد العزيز من نور العين ل Ghada بس
|
Post: #144
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 02:59 PM
Parent: #109
Quote: انا البوست ده اكان ما فتحتو اول حاجة وضحكت ما برتاح
|
أدام الله فرحك أخي الغالي الطيب
|
Post: #140
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-25-2008, 01:14 PM
Parent: #82
Quote: عندنا صاحبنا مسمًي مرتو الخواجية (عباس )..
أها يوم للتعتر ليه جابو للبلد الهو فيها سوداني أسمو عباس .
صاحبتنا فرحت لكنها إستغربت إنه الإسم كيف للمرا والراجل؟
أها لما عرفت الحقيقة زعلت زعل عدوك
هسع حروف (ع. ب. ا. س) ما بتتنطق في بيتهم
|
رجوية يا عسل ازيك القصة دي ذكرتني حاجة قريبه ليها
عارفه عندي زوج صحبتي بكون مبسوط لما يغيظها ويكاويها
وطوااااالي هو بغيظ فيها اها واحدة من الأسماء البقولها ليها
عباس وهي بقت تكره اسم عباس دا
|
Post: #97
Title: Re: أسماء الزوجات في موبايلات الأزواج
Author: عبد العظيم احمد
Date: 02-20-2008, 04:28 PM
Parent: #1
|
Post: #141
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-25-2008, 01:21 PM
Parent: #97
بأبي أنت وأمي يا رسول الله
شكراً عبد العظيم
|
Post: #101
Title: Re: أسماء الزوجات في موبايلات الأزواج
Author: محمد عثمان
Date: 02-20-2008, 08:27 PM
Parent: #1
انعاام...
ما فضلتو لينا اى حاجة
بس نقول سلااام و مشتااقين
Quote: أنا ما بعرف تكنولجيا الموبايلات وده من بختها
لكن موبايلا عارف نمرتى بتجيب قلب بنطط كده .. شفتى عمك خطير كيف |
والله خطرى بالجد يا رافت...ههههه
|
Post: #106
Title: Re: أسماء الزوجات في موبايلات الأزواج
Author: مصطفي سري
Date: 02-20-2008, 09:35 PM
Parent: #101
طبعاً يا انعام انا لسعة الورقة ما طلعت مني (لنج) وما دخلنا عالم اللاعبين القدامى
وانت يمكن التأكد لانو - الكوماندر بتاعي هناك معاكم - بس اوع من اللخبطة بتاعتك اللي بعرفها
وصحبي وصحبك اب عيون مننظة داك ، ما عارف يكون كاتب شنو - غايتو عرض حال - شئ ممكن اتخيلو
زي ( بانج ) ، كومندان ، ومسوو، الجديد كومريت ، والاجد يا روحي لاني مرة سمعتو قالها لكن
ما طلعت سمحة ... الكلام دة بيني وبينك ... بوست زي الحصاحيصا ...
|
Post: #107
Title: Re: أسماء الزوجات في موبايلات الأزواج
Author: غادة عبدالعزيز خالد
Date: 02-21-2008, 04:28 AM
Parent: #106
نعومة الرقيقة
تحياتي وأشواقي الكثيرة
لما رجعت من السودان... مسكت مره تلفون معز
ولقيت في رقم مسجل
Noor Elaeain
ولقيت الزولة دي ضاربة ليهو كثير جدا جدا
فقمت قلت ليهو.. دي منو الزولة البتضرب ليك دي؟
فقام سكت...
قمت قلت ليهو... دي معاكم في الشغل ولا شنو؟
وهو وحياتك.. القتيييت.. سااااكت
فقمت شفت النمرة... لقيتها ليك
نمرتي الماتغباني
وقال لي، أنا كاتب "نور العين" تجي تشاكليني
بعد الكلام ده بكم يوم كده
مشكت الموبايل..
لقيتوا رجعني ليك لإسم
Ghada
حاااااااااف كده
شفتي المقالب الدولية دي
محبتي
غادة
|
Post: #108
Title: Re: أسماء الزوجات في موبايلات الأزواج
Author: salma subhi
Date: 02-21-2008, 05:30 AM
Parent: #107
انعام اذيك....
والله مشتاقيييييييين
موضوع لذييييييذ
ودي.....
|
Post: #110
Title: Re: أسماء الزوجات في موبايلات الأزواج
Author: محمد المرتضى حامد
Date: 02-21-2008, 08:24 AM
Parent: #108
شيقوق كاتب: هيييييع.
|
Post: #111
Title: Re: أسماء الزوجات في موبايلات الأزواج
Author: عامر تيتاوى
Date: 02-21-2008, 10:05 AM
Parent: #110
واحد اخونا ما بنتظر يشوف الشاشة والاسم
عامل النغمة موسيقى حزينة
|
Post: #122
Title: Re: أسماء الزوجات في موبايلات الأزواج
Author: mohanad haimoura
Date: 02-21-2008, 04:36 PM
Parent: #111
العزيزة / انعام
قايتو انا زمان لمن كنت بحب
كنت كاتب اقحوانة ( الزهرة البتنبت في الصخور)
يا حليل زمان
ودي
|
Post: #153
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-27-2008, 02:10 PM
Parent: #122
Quote: قايتو انا زمان لمن كنت بحب
كنت كاتب اقحوانة ( الزهرة البتنبت في الصخور)
يا حليل زمان
|
يا مهند ليه يا حليل زمان
هسه في شنو يلا ورينا كاتب شنو
|
Post: #152
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-27-2008, 02:03 PM
Parent: #111
Quote: واحد اخونا ما بنتظر يشوف الشاشة والاسم
عامل النغمة موسيقى حزينة
|
عامر تيتاوي
لاحولاااااااااا
وحزين قال مالو؟
|
Post: #150
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 09:05 PM
Parent: #110
Quote: شيقوق كاتب: هيييييع.
|
محمد المرتضى
شيقوق دا بكون كل مره بغير الإسم والنغمة حسب الطقس
|
Post: #149
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 08:57 PM
Parent: #108
Quote: انعام اذيك....
والله مشتاقيييييييين
موضوع لذييييييذ
|
سلومة الحلوة
مشتاقين بالجد انتي قفلتي الجامعة ولا شنو؟
|
Post: #148
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 08:43 PM
Parent: #107
غادة الغالية
غايتو ضحكت في قصتك دي وحكيتها لأختي
بعد شوية لقيتها ليك قامت على تلفون زوجها
قالت لي كدى اشوف الرجل دا كاتبني شنو
لقتو كاتب ليها برضو نور العين
|
Post: #147
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 08:29 PM
Parent: #106
Quote: طبعاً يا انعام انا لسعة الورقة ما طلعت مني (لنج) وما دخلنا عالم اللاعبين القدامى
وانت يمكن التأكد لانو - الكوماندر بتاعي هناك معاكم - بس اوع من اللخبطة بتاعتك اللي بعرفها
وصحبي وصحبك اب عيون مننظة داك ، ما عارف يكون كاتب شنو - غايتو عرض حال - شئ ممكن اتخيلو
زي ( بانج ) ، كومندان ، ومسوو، الجديد كومريت ، والاجد يا روحي لاني مرة سمعتو قالها لكن
ما طلعت سمحة ... الكلام دة بيني وبينك ... بوست زي الحصاحيصا ... |
مصطفى سري
احسن تحسن الظن فيني للآن ما قلت ليها حاجة لكن بطريقتك دي ح تخليني أقول
صحبك داك (اب عيون منططة) ما بعرف الحاجات دي قبل كدا بس هسه بكون كتبها غوانتانامو
الحصاحيصا بتقول ليك شكراً وأبقى لما تجي في الإجازة تزورها
|
Post: #146
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-26-2008, 03:22 PM
Parent: #101
Quote: انعاام...
ما فضلتو لينا اى حاجة
|
القال منو يلا حاول أكتب لينا انت مسجل شنو
|
Post: #130
Title: Re: أسماء الزوجات في موبايلات الأزواج
Author: محمد أبوالعزائم أبوالريش
Date: 02-24-2008, 12:32 PM
Parent: #1
Quote: Quote: أنا غايتو ما بقول ليك مسجل إسم مرتي بشنو
ابو الريش ما مشكلة قالوا في نوع من الرجال
اسمهم الخواف ربى عيالو
اها انت من ياتو نوع |
شوفي يا إنعام ....
ما تاخدي بكل الكلام البقولوهو الجماعة ديل ... يعني يسجّل (اللغم) وما عارف شنو دي ما بتحصل ... مش لأنهم بالضرورة مكسرين في نسوانهم .... لكن خوفاً من طابور التفتيش .... ومافي .. أسمعي دي (مافي) مرة ما فتشت موبايل راجلها.
|
Post: #155
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-27-2008, 03:09 PM
Parent: #130
Quote: شوفي يا إنعام ....
ما تاخدي بكل الكلام البقولوهو الجماعة ديل ... يعني يسجّل (اللغم) وما عارف شنو دي ما بتحصل ... مش لأنهم بالضرورة مكسرين في نسوانهم .... لكن خوفاً من طابور التفتيش .... ومافي .. أسمعي دي (مافي) مرة ما فتشت موبايل راجلها. |
ابو الريش
عفيت منهن كان هم كاتبين ليهو ألقاب زي دا
|
Post: #131
Title: Re: أسماء الزوجات في موبايلات الأزواج
Author: طارق جبريل
Date: 02-24-2008, 12:35 PM
Parent: #1
انعام كيفنك
والما عندو موبايل
يسوس شنو
|
Post: #133
Title: Re: أسماء الزوجات في موبايلات الأزواج
Author: عواطف ادريس اسماعيل
Date: 02-24-2008, 12:57 PM
Parent: #131
نعوم !!!
يسعد مساك ,,,
أنا غايتو بمجرد ما قريت بوستيك دة عملت زي ممكونة سرقت التلفون ومشيت براحة على أوضة الشغالة
قفلتها بالمفتاح وفتشك فتشك لقيت رقمي الما بغباني وجنبه عاصفة الصحراء عاد من اليوم داك الشكلة
مدورة لليلة ولي بكرة لأني كنت فاكرة نفسي الرقيقة الحنونة قمت لقيت روحي المهترشة الشعنونة وكله
سنة وإنت طيبة !!!
|
Post: #157
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-27-2008, 07:01 PM
Parent: #133
| Quote: وفتشك فتشك لقيت رقمي الما بغباني وجنبه عاصفة الصحراء |
دي فرصة يا عواطف عشان تطلبي رد شرف لللقب الإتكتب دا
توب ، ريحة، دهب، فسحة، أي حاجة بس ما تضيعي الفرصة دي ياخ
|
Post: #156
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-27-2008, 06:50 PM
Parent: #131
Quote: انعام كيفنك
والما عندو موبايل
يسوس شنو
|
طارق يا(نعيم الدنيا)
يسوي ليهو موبايل عشان يكتب فيهو إسم اللي بالي بالك
|
Post: #136
Title: Re: أسماء الزوجات في موبايلات الأزواج
Author: Tabaldina
Date: 02-24-2008, 03:13 PM
Parent: #1
..
.
أزيكـ ..
ياخى عملتوها ظاهرة ..
يعنى ما نمشى لقفة السمك وكدا
على العموم مشاركة بعد عودة
طبعا اصحابي ما انا ..
The enemy
واحد كاتب : اللهم اجعله خير
والاخير والله متزوج ليه 5 سنين
لكن كاتب
عشقى الخرافي .. ( دا دجال مش ) ؟؟
سلام ننتظر منكم ..واسمهان
|
Post: #151
Title: Re: أسماء الزوجات في موبايلات الأزواج
Author: Imad Khalifa
Date: 02-26-2008, 09:34 PM
Parent: #136
Quote: أيام الخطوبة:
1. My Love
2. حبي
3. قلبي
4. تؤام روحي
أول أيام الزواج
1. حياتي
2. عمري
3. مرتي (ما مصدق انه عرس )
ولما يكون عندو طفل أو طفلين:
1. أم فلان
2. البيت
وبعد ثلاثة او اربعة سنين:
1. الغليظة
2. المحقق كونان
3. تعال للبيت
4. عذاب القبر
5. مرض
6. الشرطة
7. الداخلية
9. 999
10. جهنم
11.الورطة
12. وديني لبيت أهلي (دا لما يكون يتمنى مرتو تقول ليهو كدا )
13. البلوة
14. غلطــة عمري
15. أعوذ بالله من الشيطان الرجيم
16. الصخرة
17. البلاء الأعظم
18. غوانتانامو |
العزيز انعام عبدالحفيظ
من زمن لم اضحك بهذا الصوت العالي كما فعلت الآن بعد قراءة هذا البوست الظريف، والذي يوضح ان الأمر له علاقة بالواقع اليومي للحياة بمصطلحاته ومفرداته الخطابيه المتطوره مع المستجدات السياسية وانعكاسات حالات الاحباط التي نعيشها.
الحمد لله نحن لسع ماسجلنا حاجة.
لك ولجميع أفراد الاسرة تحياتي الشديدة
عماد خليفة
|
Post: #164
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-09-2008, 03:06 PM
Parent: #151
Quote: من زمن لم اضحك بهذا الصوت العالي كما فعلت الآن بعد قراءة هذا البوست الظريف، والذي يوضح ان الأمر له علاقة بالواقع اليومي للحياة بمصطلحاته ومفرداته الخطابيه المتطوره مع المستجدات السياسية وانعكاسات حالات الاحباط التي نعيشها.
|
عماد خليفة تسلم كتير
والامر فعلاً له علاقة بالواقع المعاش
وتفاصيل حياتنا اليومية تعكسه في شكل هذه الكتابات والأسماء
Quote: الحمد لله نحن لسع ماسجلنا حاجة.
|
ما تستعجل على بتسجّل بتسجّل
|
Post: #158
Title: Re: أسماء الزوجات في موبايلات الأزواج
Author: انعام عبد الحفيظ
Date: 02-27-2008, 07:29 PM
Parent: #136
Quote: على العموم مشاركة بعد عودة
طبعا اصحابي ما انا ..
The enemy
واحد كاتب : اللهم اجعله خير
والاخير والله متزوج ليه 5 سنين
لكن كاتب
عشقى الخرافي .. ( دا دجال مش ) ؟؟
سلام ننتظر منكم ..واسمهان |
هاااااااااااي تبلدينا (حلوة هاي دي مش)
بركة بالعودة وأصحابك لقيتهم خطرين ما تباريهم تاني سمح؟
طبعا مافي حاجة اسمها عشق خرافي
فعشان ككدا صحبك دا قطع شك دجال
الله يورينا انت ح تكتب شنو
اسمهان سألتك منك في رأس السنة
بس انا فهمتها انك مشغول شديد
|
Post: #154
Title: Re: أسماء الزوجات في موبايلات الأزواج
Author: محمد عبد الماجد الصايم
Date: 02-27-2008, 03:08 PM
Parent: #1
انعام عبحفيظ .. أو كما قال
النجضية البوست ده برضو بطني طامه منو
لكن أقول ليك حاجه
مسميها (هنضبة)
الحمد لله ما بتخش النت
دي إخصائية هنضبة بث!!
|
Post: #165
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-09-2008, 03:43 PM
Parent: #154
Quote: النجضية البوست ده برضو بطني طامه منو
لكن أقول ليك حاجه
مسميها (هنضبة)
الحمد لله ما بتخش النت
دي إخصائية هنضبة بث!! |
ود الصايم
يعني ما لقيت غير إسم هنضبة دا
غايتو جنس غايتو عليك
|
Post: #159
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-06-2008, 04:48 PM
Parent: #1
++++
لغاية ما أجي راجعة
|
Post: #160
Title: Re: أسماء الزوجات في موبايلات الأزواج
Author: aml gadora
Date: 03-06-2008, 05:21 PM
Parent: #159
الاخت انعام
في احد مسجل مرتو باسم لبانة
عارفة لييه ؟؟ ............عشان لما تطلع من البيت انشاء الله للجيران تلصق ...... تحتل حتلة واحدة هناك ...........ومية مسكول وتلفون مابرجعوها البيت ........والعجب لو طلعو مع بعض مشوار ............وخاسة لو لي بيت اهلها ........تدق اقامة عدييييييييييييييل كده........والعجب لمن توصل باب الشارع تتذكر كل الملفات المعلقة.........
وواحد تاني مسميها الانتفاضة .........ودي شرحو
|
Post: #161
Title: Re: أسماء الزوجات في موبايلات الأزواج
Author: نوسة
Date: 03-06-2008, 06:58 PM
Parent: #160
سلامات يا إنعام و البقية
يختي بري بري بري من زي دة....
نحن "زوجي و أنا" متزوجين من 14 سنة،، و الحمد لله ، و لي يومي و يومك كاتب إسمي في موبايلو نوسة أو نوستي ..لكن حتى لو كتب أم العيال أو البيت برضو ما فيها شي، لأنو دي أساسيات حياتو بقت،، بس كلو و لا 999 أو 911"أبراج التجارة دي الله يكفينا شرها يختي"
لكن نصل لي درجة "جبخانة" و "منضمة" و "لبانة" و بعد شوية تجيب ليها "لصقة" الله لا قدر يختي !! الله لا جاب اليوم دة !!!
قبلهم يختي نسوان الرجال التانين ديل
"التعديل لتغيير بعض الجمل الما كانت في محلها" و زيادة كلام آخر و كدة
|
Post: #162
Title: Re: أسماء الزوجات في موبايلات الأزواج
Author: محمد عادل
Date: 03-06-2008, 07:09 PM
Parent: #161
الاخت الشقيقه انعام
البوست جميل جدا
اول ايام حبى
كنت مسمى
. My Love
بعد شويه
الحب الذى لن احب بعده
بعد شويه
وجع قلبى
الامور لما لقت تخستك
لقيت اسمى
الحب الكاذب
الان الزفت
|
Post: #163
Title: Re: أسماء الزوجات في موبايلات الأزواج
Author: صلاح الأحمر
Date: 03-06-2008, 10:32 PM
Parent: #162
انا غايتو ياانعام حاقول ليكي الحقيقه،
انا كاتب اسمها لاكين معاهو مزيكة اغنية
بهاء سلطان(أوم أوأف وانت بتكلمني).
وده عشان الأمور تكون واضحه وكل واحد
يعرف مكانتو.أما صحيح رجالة آخر زمن.
الواحد في الشغل عامل الود شخصيه
مهمه وفي البيت زي الكديسه.
بلا لمه..اوعى تصدقي كلامهمياانعام
كلهم كدايس واحدين بي شنبات و واحدين
بدون.
مع صادق الموده.
|
Post: #183
Title: Re: أسماء الزوجات في موبايلات الأزواج
Author: انعام عبد الحفيظ
Date: 04-05-2008, 01:49 PM
Parent: #163
Quote: انا كاتب اسمها لاكين معاهو مزيكة اغنية
بهاء سلطان(أوم أوأف وانت بتكلمني).
|
أوم أوأف وردي لي وفهمني
|
Post: #169
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-10-2008, 11:14 AM
Parent: #162
Quote: اول ايام حبى
كنت مسمى
. My Love
بعد شويه
الحب الذى لن احب بعده
بعد شويه
وجع قلبى
الامور لما لقت تخستك
لقيت اسمى
الحب الكاذب
الان الزفت |
محمد عادل
وليه العنف اللفظي دا كلو ياخ
|
Post: #166
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-09-2008, 10:43 PM
Parent: #160
Quote: في احد مسجل مرتو باسم لبانة
عارفة لييه ؟؟ ............عشان لما تطلع من البيت انشاء الله للجيران تلصق ...... تحتل حتلة واحدة هناك ...........ومية مسكول وتلفون مابرجعوها البيت ........والعجب لو طلعو مع بعض مشوار ............وخاسة لو لي بيت اهلها ........تدق اقامة عدييييييييييييييل كده........والعجب لمن توصل باب الشارع تتذكر كل الملفات المعلقة.........
وواحد تاني مسميها الانتفاضة .........ودي شرحو |
اما قدورة منورة البوست
غايتو الأولى دي هي الزوجة الحوامة والنضاّامة
اما التانية دي فأشرحي على قول ود البشرى
|
Post: #167
Title: Re: أسماء الزوجات في موبايلات الأزواج
Author: هشام مدنى
Date: 03-09-2008, 10:46 PM
Parent: #1
ماما
لكم جميعا التحيه
المعذرة حدث العكس
|
Post: #170
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-10-2008, 11:51 AM
Parent: #167
هشام مدني
الاسم عندك بالجد
|
Post: #168
Title: Re: أسماء الزوجات في موبايلات الأزواج
Author: ghariba
Date: 03-09-2008, 10:58 PM
Parent: #1
انا كاتبها تحت اسم
( ماما )
لاني اعتدت على مخاطبة ام أحمد بهذا الاسم منذ ولادة احمد وحتى الان
|
Post: #175
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-12-2008, 11:06 AM
Parent: #168
صلاح غريبة
ربنا يخليها ليك ماما
|
Post: #171
Title: Re: أسماء الزوجات في موبايلات الأزواج
Author: عبدالله كع
Date: 03-10-2008, 12:03 PM
Parent: #1
اختي انعام سلام.....
انا بعت الجوال القديم وخطرة لي فكرة اقوم اغير الاسم
ريك شنو؟ اقول ولا مافي داعي ؟
.........اقولو..........
.
|
Post: #172
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-11-2008, 12:51 PM
Parent: #171
قول يا عبد الله ولو ما داير رسلو في المسنجر
وانا بنزلوا ليك هنا
|
Post: #173
Title: Re: أسماء الزوجات في موبايلات الأزواج
Author: محمد البشرى الخضر
Date: 03-11-2008, 01:29 PM
Parent: #1
أُفففف....
قدر ما بالي طويل و بتحمل
لكن البوست دا غلبني
حدو وين يا نعوم يعني
|
Post: #174
Title: Re: أسماء الزوجات في موبايلات الأزواج
Author: محمد الكاب
Date: 03-11-2008, 04:25 PM
Parent: #173
الاخت انعام سلام
البوست جميل...
|
Post: #180
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-31-2008, 08:58 PM
Parent: #174
Quote:
الاخت انعام سلام
البوست جميل... |
محمد صلاح
البوست جميل و google ؟
|
Post: #176
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-13-2008, 11:57 AM
Parent: #173
| Quote: حدو وين يا نعوم يعني |
انت قاصد متين العودة تاني؟
حدو قريب أكيد
|
Post: #177
Title: Re: أسماء الزوجات في موبايلات الأزواج
Author: أبي بكر سيد احمد
Date: 03-13-2008, 12:26 PM
Parent: #1
انعام .... سلامات
سعيد بمعرفتك ...
ان غايتو لسه ما عرست ...
لكن على الطلاق من هسا أخترت الاسم بتاع الوليه
(اسرااااااائيل)
لأنو متوقع موجات ضرب فوق العاده
اصلو نحنا الشايقيه ..نسوانا قاعدين( يدقونا)
رايك شنو في الكلام دا يا شيقا
ـــــــــــــــــــــــــــــــــــــــــــــ
تسلمي يا رائعه
|
Post: #179
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-29-2008, 07:17 PM
Parent: #177
Quote: ان غايتو لسه ما عرست ...
لكن على الطلاق من هسا أخترت الاسم بتاع الوليه
(اسرااااااائيل)
لأنو متوقع موجات ضرب فوق العاده
اصلو نحنا الشايقيه ..نسوانا قاعدين( يدقونا) |
ابو بكر دي ما سبقك عليها زول ياخ
اسرائيل عديل كدا !!!!!!
اتوقع تراجي تكون من أوائل المهنئين بالزواج
|
Post: #178
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-23-2008, 12:52 PM
Parent: #1
راجعة
|
Post: #181
Title: Re: أسماء الزوجات في موبايلات الأزواج
Author: محمد البشرى الخضر
Date: 03-31-2008, 09:09 PM
Parent: #1
نعوم
إنتي جادة وكدا
طيب ...اصبري
|
Post: #182
Title: Re: أسماء الزوجات في موبايلات الأزواج
Author: انعام عبد الحفيظ
Date: 03-31-2008, 09:14 PM
Parent: #181
Quote: نعوم
إنتي جادة وكدا
طيب ...اصبري |
ود البشرى باين عليك كل شهر
بتخت اسم جديد في الموبايل
ولا مالك هاااارش كدا في شنو بالضبط
|
Post: #184
Title: Re: أسماء الزوجات في موبايلات الأزواج
Author: محمد البشرى الخضر
Date: 04-05-2008, 01:52 PM
Parent: #1
ولا زالت نعوم ترفع في هذا البوست بلاداع
و ترفع و ترفع
حتى قلنا ليتها سكتت
|
Post: #185
Title: Re: أسماء الزوجات في موبايلات الأزواج
Author: انعام حيمورة
Date: 04-13-2008, 09:51 PM
Parent: #1
نعومتي
احلي قصة قصة عجبتني حقت غادة عبد العزيز .. عجبتني جدا
انتي ما نعومة كاتبة شنو ؟؟؟
لوووووووووووول
|
Post: #186
Title: Re: أسماء الزوجات في موبايلات الأزواج
Author: محمد البشرى الخضر
Date: 04-13-2008, 10:01 PM
Parent: #185
| Quote: احلي قصة قصة عجبتني حقت غادة عبد العزيز .. عجبتني جدا |
لا باللاي
قصة غادة الليها شهر و نص دي يا داب عجبتك الليلة
بلاش حركات معاكم
خلاص المسنجر رجع 
|
Post: #187
Title: Re: أسماء الزوجات في موبايلات الأزواج
Author: تبارك شيخ الدين جبريل
Date: 04-13-2008, 10:19 PM
Parent: #1
تلفونى فى السودان مكتوب فيهو:
3asha Ture
وتلفونى فى أمريكا مكتوب فيهو:
Dagalosha
____________________________________
بكلٍ تداوينا فلم يشفِ ما بنا!
|
Post: #188
Title: Re: أسماء الزوجات في موبايلات الأزواج
Author: انعام حيمورة
Date: 04-13-2008, 10:24 PM
Parent: #1
ود البشرى ...
والله انا اول مرة ادخل البوست دا وبقرأ فيه لما وصلت قصة غادة مت من الضحك وقفت عندها
مسنجرات شنو كمان .. قول بسم الله !!
|
Post: #189
Title: Re: أسماء الزوجات في موبايلات الأزواج
Author: محمد البشرى الخضر
Date: 04-13-2008, 10:28 PM
Parent: #188
بسم الله
اها قلت
|
Post: #190
Title: Re: أسماء الزوجات في موبايلات الأزواج
Author: انعام عبد الحفيظ
Date: 06-18-2008, 08:28 PM
Parent: #189
Quote: Quote: قول بسم الله
بسم الله
اها قلت |
ود البشرى كدى قبل الأرشفة تاني قول
|
|