Post: #1
Title: إفـتـقـاد وحـنـيـن
Author: انعام عبد الحفيظ
Date: 03-10-2009, 09:18 PM
Parent: #0
إفتقاد وحنين لصديقات غائبات لهن مكانة في القلب
نقيات الدواخل جميلات الروح مهذبات الكلام
بنات ذوق كأشجار الصندل ولهن عتاب حنين وشوق عظيم
وواجب علي طمأنتهم بغرف قلب مليئة بكل الحب لهن
ففي وجودهن أطمئن على ان الدنيا لازالت بعافيتها
وقلوبنا تجاه بعضنا في الانسانية صحيحة لم يصيبها العطب!!
صديقات نلتقي ببعضنا البعض نفرح فنضحك سوياً نغضب ونزعل فنبكي سوياً
نتسامر ونحكي ونسهر في ليالي أنس طويلة وجميلة في لقاءات حنينة وجميلة
|
Post: #2
Title: Re: إفـتـقـاد وحـنـيـن
Author: osman righeem
Date: 03-10-2009, 09:21 PM
Parent: #1
حمدا لله علي السلامه
و كفاره
نورتي
|
Post: #6
Title: Re: إفـتـقـاد وحـنـيـن
Author: انعام عبد الحفيظ
Date: 03-10-2009, 09:44 PM
Parent: #2
تسلم يا رغيم ويسلملك كل غالي
|
Post: #3
Title: Re: إفـتـقـاد وحـنـيـن
Author: غادة عبدالعزيز خالد
Date: 03-10-2009, 09:26 PM
Parent: #1
أدخل اليوم عوالم سودانييز اونلاين بعد طول غياب
بعد كثير من شوق ومحنة لأجد نفحة من منادة وعتاب
إنعام عبدالحفيظ.. الرقيقة أناملها.. ذاتها تكتب
كأنما تربت على الكتف وعلى أوتار الأنفاس تضرب
إن كنت ضمن المفتقدات.. أو لست منهن
فأنا أفتقدك يا صديقتي أكثر..
وإن كنت ضمن من تحنين لهن.. أو لست منهن
فأنا إليك يا صديقتي أحن أكثر
سامحك الله يا هذة.. فانا عبراتي مع كل حرف
تقترب أكثر
|
Post: #4
Title: Re: إفـتـقـاد وحـنـيـن
Author: حنين للبلد
Date: 03-10-2009, 09:30 PM
Parent: #3
العزيزة انعام عبدالحفيظ
مرحب بك من جديد ومكانك الشاغر فرح بطلتك...
قنبي طولا.....
|
Post: #7
Title: Re: إفـتـقـاد وحـنـيـن
Author: انعام حيمورة
Date: 03-10-2009, 09:52 PM
Parent: #4
| Quote: إفـتـقـاد وحـنـيـن |
نعوم ..
الف حمد لله على السلامة ويارب ما نفقدك تاني ...
....
كنا خمسة وانا سادستهم ..
كل اتنين فينا .. عرفوا بعض بشكل ما .. بطريقة ما .. بلقاء ما ..
وفي النهاية .. اكتمل العقد بستة لؤلؤات ..
تقاسمنا الهم .. الحزن .. الفرح .. البكى .. الضحك .. الغنى .. الفلس .. وكل متناقضات الحياة ... عشناها سويا ..
كل واحدة منا تكن للاخرى مودة يتضاعف حجمها عندما تصل الى مجموع (الستة) !!
كل اتنين منا يكونوا حلقة صغرى ضيقة وتتسع عندما تصل الى (الستة) !!
ليمياء .. اقربهن لي .. محبة ..
ليماء .. اقربهن لي .. عقلا ..
ايناس .. اقربهن لي .. طفلة ..
رحاب .. اقربهن لي .. روحا ..
تهاني .. اقربهن لي .. وداعة ..
وهكذا ..
افتقدهن واحن اليهن والى زمنا وقف .. ومضى ..
ولكن يبقى الود في الحنايا .. !!
سأواصل ..
|
Post: #17
Title: Re: إفـتـقـاد وحـنـيـن
Author: انعام عبد الحفيظ
Date: 03-11-2009, 09:18 AM
Parent: #7
| Quote: تقاسمنا الهم .. الحزن .. الفرح .. البكى .. الضحك .. الغنى .. الفلس .. وكل متناقضات الحياة ... عشناها سويا |
مبروك عليك صحباتك الجميلات يا إنعام
عارفه فكرة الحياة بدون صديقات فكرة غير مستحبه
أحن كثيراً لصديقة عمري رشا إبراهيم حسن (رشوية)
حنينة وعاقلة وواعية وذكية وهادئة وعلى خلق عظيم
مرات أكون في قمة فرحي وسعادتي يأتيني سؤالها عبر الهاتف
(يا بت إنتي يعني ليه بتغيبي عني كدا ؟؟)
وأعرف انه إحساسها هو الذي قادها للمكالمة
عندما أكون في حالة حزن وضيق كثيراً ما يأتيني إتصال منها
(إنعام إنتي اليوم في بالي من الصباح كيفك؟؟)
هو تقارب الأرواح وتحنانها لبعضها البعض
هو الذي يبث فينا ذلك الإحساس الجميل الدافئ
أكثر ما يأثرني في رشا إهتمامها الكبير بي
وتفقدها الدائم لأحوالي حتى بعد انا أصبحت زوجة وأم
لم تنقطع عني ولم ينقطع سؤالها إنشغلت عني بعض الشئ
ولكنها هي رشا وقتما تسأل عني وقتما تفاجأني بزياراتها لي
حنينة لطيفة جميلة الروح وهي صديقتي التي أحب
|
Post: #14
Title: Re: إفـتـقـاد وحـنـيـن
Author: انعام عبد الحفيظ
Date: 03-11-2009, 07:57 AM
Parent: #4
Quote: مرحب بك من جديد ومكانك الشاغر فرح بطلتك...
قنبي طولا..... |
تسلمي يا حنين (عامله إسمك الحلو دا هههههههه)
وربنا يديم محبتك لصديقاتك
|
Post: #5
Title: ممكن ما تغيبي تاني؟
Author: انعام عبد الحفيظ
Date: 03-10-2009, 09:42 PM
Parent: #3
Quote: إنت كنت ضمن المفتقدات.. أو لست منهن
فأنا أفتقدك يا صديقتي أكثر..
وإكنت ضمن من تحنين لهن.. أو لست منهن
فأنا أيضا إليك يا صديقتي أحن أكثر |
وانا اكتب يا غادة كنتي من ضمن من هن في مخيلتي
فأمر إفتقادك هو لا محالة احد محركاتي ومحفزاتي لكتابة هذا البوست
إفتقدت لقاءاتنا معاً وكل حديثنا بكل آلامه وبكل أفراحه
بل وبكل بوحه العظيم تذكرت حكينا عن آمالنا وعن همومنا
عن رغباتنا في الحياة وعن مواسمها الجافة
وعن غرف القلب التي بالضرورة نحن لملئها بكل الحب
وعن وعن عن الكثير يا غادة
أفتقدك يا صديقتي وأحن للقاءك
|
Post: #8
Title: Re: ممكن ما تغيبي تاني؟
Author: غادة عبدالعزيز خالد
Date: 03-10-2009, 09:59 PM
Parent: #5
Quote: إفتقدت لقاءاتنا معاً وكل حديثنا بكل آلامه وبكل أفراحه
بل وبكل بوحه العظيم تذكرت حكينا عن آمالنا وعن همومنا
عن رغباتنا في الحياة وعن مواسمها الجافة
وعن غرف القلب التي بالضرورة نحن لملئها بكل الحب
وعن وعن عن الكثير يا غادة
|
تأتيني الكلمات يا نعومة...
كمثل صديقة عزيزة
حبيبة على القلب وقريبة
تربت على شعري...
تمسك كتفي..
وبحنان تحتضنة...
غرف القلب الخالية يا صديقتي...
تمتلئ بصداقات
بأيام..
بحكايات تظل في أذهاننا ذكريات
وتبقى لأيامنا خضرة الأشجار...
التي تزين المسافات
طوفان من المشاعر يعصف بنفسي يا صديقتي
سأكون هنا محلقة و...
مقيمة بالجوار
|
Post: #20
Title: Re: ممكن ما تغيبي تاني؟
Author: انعام عبد الحفيظ
Date: 03-11-2009, 12:56 PM
Parent: #8
Quote: تأتيني الكلمات يا نعومة...
كمثل صديقة عزيزة
حبيبة على القلب وقريبة
تربت على شعري...
تمسك كتفي..
وبحنان تحتضنة... |
هي ما أقصد يا غادة صديقة عزيزة وقريبة وحبيبة على القلب
العلاقة مع البنات تختلف عنها عند الاولاد والبنات حنينات قريبات
وتجمعهن ليالي حكي وأنس خاصة بهن، يتصيدن تلك اللحظات لتروي عطشهن
في ممارسة عادة الفضفضة لحكاياتهن وتجاربهن المختلفة في الحياة
وسؤالهن لبعضهن البعض عن النصح والإرشاد في مواضيعهن (اها هسه انا أعمل شنو؟)
واذا صدقت البنت مع صديقتها تجدينها في قمة عطائها الإنساني معها
لدي صديقات قريبات مني جداً وصادقات مع حد الصدق أحبهن كثيراً وأفخر بكِ واحدة منهن
|
Post: #9
Title: Re: ممكن ما تغيبي تاني؟
Author: ناهد بشير الطيب
Date: 03-10-2009, 11:00 PM
Parent: #5
انعام عبدالحفيظ
غمستى تلك الايام التى قضيتها معك.... فى محبرة الحروف
ولا غرو فى ذلك فحينما كنت انظر اليك كنت اتذكر وقتها
ايامنا...... وتخيلتك وانت تحجلين (تلعبين الحجلة ) ....
دائما مااتذكرك واتذكر دمعتك تلك فى جبل اولياء ...
ورغم قساوة حزنك لكنك سقتنى الى ذلك الفكر البرىء النقى الاول
انعام
لك كل الود ...وكل الهدوء
سلامى لكل من مر.... او سوف يمر من هنا....
|
Post: #10
Title: Re: ممكن ما تغيبي تاني؟
Author: Muna Khugali
Date: 03-10-2009, 11:56 PM
Parent: #9
تلك ابام مرت عشناها بكل فرح وجمال الدنيا...
وسنعيش ما تبقي منه بإذن الله نجتمع ونفترق علي أمل اللقاء والسيرة الطيبة..
هو صباح باكر وتلفون يوعد باللقاء مساءا..
مشوار أمسيات لا تتوه خطاه..
شارع النيل ذلك المكان العزيز..
وجلسه نسعد فيها بلقاء لا تهدأ اشواقه وكل لحظة فيه تعني حياة..
ما اجملها حياة عندما تكون الرفقه طيبه مع الصديق..
ما أجملها لقاءاتنا وونستما ومغالطاتنا الطفوليه ثم ذلك الشجار الذي لا معني له سوي مزيد من التقارب بعده..
كأيامي مع أخواتي قبل ان نغادر البيت الكبير لنمارس حياة أخري في مكان آخر..
يشبه شجارنا في صغرنا علي المقاعد أمام التلفزيون ونحن في حالة ترقب للمسلسل..
ينتهي المسلسل ويضيع معه سبب الشجار وننسي ..
أيامي في الخرطوم معك ومعهن وتلك الشلة البهيه..
............
............
يا صديقتي الغاليه..
هي تلك الصداقه التي تصبح كرابطة الدم..
هذه أختي انعام..
أكلتي شنو وماشيه وين..وكنتي وين!
هكذا يحق لي السؤال..
كيف يعني قبيل استناكي وما تتصلي وما تظهري؟؟
هسه جاية عليكم!
تلك أيام يقتلني الشوق لها!
............
............
وتلك الغيره التي تصيبنا ونحن في البعد..
وين منال يا ماما؟؟
طلعت مع الانعامين..امكن مشوا حفلة البلابل!
يعني انا بس التعيسه؟؟
البلابل ديل مالقوا يعملوا حفلتهم الا تاني يوم لسفري؟؟
تلك التفاصيل تنغزني في قلبي باشواقها..
جاد وشندوتشات الفول والطعميه..
طيب نسافر مصر ليه مادام مصر جات السودان؟؟
ايوه جاد ومؤمن في نفس الشارع..
............
............
ذلك الادروب وقهوة امسخ من المساخة ذاتها..
يخيل لي انه يخلكها يالفحم!
لكنه ذلك الاصرار العجيب..
يللا نشرب قهوه عنده!
كنا نعلم كما يقول دكتور شهاب زميلنا في المنبر..
شيءا بما معناه ان البعد عن الخرطوم كضياع العمر..
نعم الخرطوم جميله بصداقاتها..
يكبر حبنا لها بحبنا للصحبه والرفقه الممتعه..
...........
...........
وعلي كل حال مطار الخرطوم شاهد علي أشواقي لك ولهن ولهم..
|
Post: #11
Title: Re: ممكن ما تغيبي تاني؟
Author: أحمد الشايقي
Date: 03-11-2009, 07:05 AM
Parent: #10
مـا أصعـب أن تلقى إمرأة
يا ولـدي,
ليـس لهــا
عـنــوان ...
________________________________
سلام يا إنعـام
أحمد الشايقي
|
Post: #12
Title: Re: ممكن ما تغيبي تاني؟
Author: ALGARADABI
Date: 03-11-2009, 07:28 AM
Parent: #11
البوست ده مجندر
بس برضو جينا
يابت يا انعام
كفاية (عروق محبة) بعد أن شرب الجميع
حقو تترشحي للرئاسة مع دكتور معز
|
Post: #13
Title: Re: ممكن ما تغيبي تاني؟
Author: osman righeem
Date: 03-11-2009, 07:40 AM
Parent: #12
Quote: البوست ده مجندر
بس برضو جينا
|
طييييب
انت نحن مش اتفقنا؟
|
Post: #15
Title: Re: ممكن ما تغيبي تاني؟
Author: ALGARADABI
Date: 03-11-2009, 08:02 AM
Parent: #13
عثمان رغيم يا انا
انعام عبدالحفيظ هلالابية واتحادية (كغالب ذوق أهل البلد)
زي الزعيم الازهري وزيك وزي بنات خوجلي وزيّ انا وزي غالب شعب السودان
هلالاب واتحاديين
انعام تحكي قصة شعب
|
Post: #16
Title: Re: ممكن ما تغيبي تاني؟
Author: osman righeem
Date: 03-11-2009, 08:30 AM
Parent: #15
| Quote: انعام تحكي قصة شعب |
سكتني
|
Post: #18
Title: Re: ممكن ما تغيبي تاني؟
Author: محمد عثمان
Date: 03-11-2009, 10:31 AM
Parent: #16
Quote: البوست ده مجندر
بس برضو جينا |
زى اخوى الكاشف القرضابى...
|
Post: #21
Title: Re: ممكن ما تغيبي تاني؟
Author: غادة عبدالعزيز خالد
Date: 03-11-2009, 02:02 PM
Parent: #19
Quote: العلاقة مع البنات تختلف عنها عند الاولاد والبنات حنينات قريبات
وتجمعهن ليالي حكي وأنس خاصة بهن، يتصيدن تلك اللحظات لتروي عطشهن
في ممارسة عادة الفضفضة لحكاياتهن وتجاربهن المختلفة في الحياة |
قيل أن شهرزاد منحت شهريار الف ليلة وليلة من الحكي
ولكنا تكفينا ليلة من المبيت
لكي نعرف كل ما تجيش به الصدور
هكذا علاقات البنات تختلف..
أديكي سر..
مشتاقة للمة بنات
|
Post: #22
Title: Re: ممكن ما تغيبي تاني؟
Author: معتصم دفع الله
Date: 03-11-2009, 03:35 PM
Parent: #21
الحــنين ..
والشـــوق ..
آآآآآخ يا انعام ..
هيجتي ذكرياتنا التي لم تعرف للراحة طريق ..
وهي دائماً في حالة جذب روحي إلى من ..
نشتاق ..
ونحن إليهم ..
مشتاقين كتير ..
غادة إزيك ..
وين الحي بيك ..
|
Post: #41
Title: إفـتـقـاد وحـنـيـن
Author: انعام عبد الحفيظ
Date: 03-15-2009, 08:46 PM
Parent: #22
Quote: الحــنين ..
والشـــوق ..
آآآآآخ يا انعام ..
هيجتي ذكرياتنا التي لم تعرف للراحة طريق ..
وهي دائماً في حالة جذب روحي إلى من ..
نشتاق ..
ونحن إليهم ..
|
ياااااااا معتصم يا ويبقى الشوق والحنين لأعزاء
هم زادنا في المعرفة الإنسانية وهم إتكاءاتنا في الحالك من الليالي
لك كل الود
|
Post: #35
Title: Re: ممكن ما تغيبي تاني؟
Author: انعام عبد الحفيظ
Date: 03-14-2009, 08:16 PM
Parent: #21
Quote: أديكي سر..
مشتاقة للمة بنات |
غادة!!! هههههههه سر شنو ياخ
اها الناس الهنا كلها عرفت
ــــــــــ
اقول ليك حاجة انا كمان مشتاقة للمة بنات
على شرط تكون بتشبه يوم إتلمينا داك
|
Post: #40
Title: إفتقاد وحنين!
Author: انعام عبد الحفيظ
Date: 03-15-2009, 08:07 AM
Parent: #19
Quote: انعام قالو متالم شوية ياااخى بعد الشر عليك
|
نجمة يا نجمة سلامات وليك وحشة والله
وشكراً لسؤالك يا ستي مقدور على الألم الجسدي
بس الله يقدرنا نتحمل الآلام التانية من فراق الأعزاء من الأصدقاء
كل الود
|
Post: #30
Title: Re: ممكن ما تغيبي تاني؟
Author: انعام عبد الحفيظ
Date: 03-13-2009, 10:11 PM
Quote: Quote: البوست ده مجندر
بس برضو جينا
زى اخوى الكاشف القرضابى |
محمد عثمان مساءك نور
يا جماعة مافي جندر ولا يحزنون
جيبوا طوبتكم وتعالوا ساي هههههههههههه
|
Post: #27
Title: إفتقاد وحنين
Author: انعام عبد الحفيظ
Date: 03-12-2009, 11:28 PM
Parent: #13
| Quote: انت نحن مش اتفقنا؟ |
إنتو إتفقتوا من ورايا ولا أيه؟
هههههههههههههههههه
ــــــــــــــ
هووووووووي إنتو إتفقتوا على شنو؟
|
Post: #23
Title: إفتقاد وحنين
Author: انعام عبد الحفيظ
Date: 03-11-2009, 09:57 PM
Parent: #12
Quote: البوست ده مجندر
بس برضو جينا
يابت يا انعام
كفاية (عروق محبة) بعد أن شرب الجميع
|
ههههههههههههه مجندر دي على وزن شنو؟؟
بعدين عروق المحبة دي القال منو شرب منها الجميع؟؟
| Quote: حقو تترشحي للرئاسة مع دكتور معز |
معقول لكن !!! انا فين ود. معز فين ؟؟
|
Post: #31
Title: إفتقاد وحنين!
Author: انعام عبد الحفيظ
Date: 03-14-2009, 11:03 AM
Parent: #11
ولك من السلام والشوق أضعاف وأضعاف يا أحمد
|
Post: #38
Title: إفتقاد وحنين!
Author: انعام عبد الحفيظ
Date: 03-14-2009, 08:52 PM
Parent: #10
Quote: ما اجملها حياة عندما تكون الرفقه طيبه مع الصديق..
|
عارفه يا منى الحياة فعلاً ما عندها قيمة بدون صديق
نحنا البنات علاقاتنا مختلفة عندنا طريقة تعامل مختلفة بيناتنا
بتلقي الصحبات بيكونوا قريبات من بعض لدرجة انو تحسي انهم أخوات
العلاقات المتميزة تنبني أولاً على الإحترام والود والصدق والثقة المتبادلة بين الطرفين
إذا توفرت الحاجات دي أكيد ح تكون في صداقة حلوة ورائعة وناجحة
ومعرفة الأصدقاء ما بتكون بالمدى الزمني بقدر ما بتكون بمدى إئتلاف أرواحنا معاهم
ـــــــــــــــ
كل ما أقول أرد ليك تلقيني بتذكر في كل التفاصيل الذكرتيها في مداخلتك
ويبقى صعب علي تسطير أحرف هنا لكن اليوم قاومت وبشده
لكِ كل الود
|
Post: #24
Title: إفـتـقـاد وحـنـيـن
Author: انعام عبد الحفيظ
Date: 03-11-2009, 10:18 PM
Parent: #9
Quote: غمستى تلك الايام التى قضيتها معك.... فى محبرة الحروف
ولا غرو فى ذلك فحينما كنت انظر اليك كنت اتذكر وقتها
ايامنا...... وتخيلتك وانت تحجلين (تلعبين الحجلة ) |
يا ناهد كلماتك أدمعتني ونقلتني لعوالم بعيدة
العلاقات الإنسانية من أجمل الأشياء في حياتنا هي زاد الروح
أعتمد على قلبي فهو دليلي على مواطن الخير في الإنسان من حولي
لا أذكر أنني خذلت في صديقة لي على مدى ما عشت من سنوات عمري
في حياتنا نجد اننا مجبورون على معظم الأشياء إلا قليل
من هذا القليل إختيار الصديقات والأصدقاء فهذا يتم بمحض إرادتنا
ويحدث التجاذب والتقارب الروحي ومعه يكون التقارب في طريقة الفهم للحياة
ويكون معه تقارب في الطباع وتوالف على الأشياء من حولنا
Quote: دائما مااتذكرك واتذكر دمعتك تلك فى جبل اولياء ...
ورغم قساوة حزنك لكنك سقتنى الى ذلك الفكر البرىء النقى الاول |
قساوة الحزن من عجزنا في بعض المرات من فعل شئ
يمنح لإنسان الحياة وهو حقه علينا ان نسعى لضمان حياته
كل ما أتذكر فجيعة ذلك الخبر تزداد آلامي أكثر وأكثر
لك كل الحب يا ناهد
|
Post: #25
Title: Re: إفـتـقـاد وحـنـيـن
Author: محمد المرتضى حامد
Date: 03-12-2009, 10:13 AM
Parent: #24
إنعام،
هن زاد سفر للعمر الطويل ، بإذن الله.
أدام الله الود والتواصل.
|
Post: #26
Title: Re: إفـتـقـاد وحـنـيـن
Author: طارق جبريل
Date: 03-12-2009, 10:20 AM
Parent: #25
والله البوست دة مليان كلام غُلاد وسمح
بس ناقصاهو الاغاني البتخلي الزول يجوعر ديك
هههههههههههههههه
|
Post: #28
Title: Re: إفـتـقـاد وحـنـيـن
Author: khaleel
Date: 03-12-2009, 11:36 PM
Parent: #26
نعومي
حلاوة العودة غنيناها في موال
نورتي
منبرك ومطرحك
|
Post: #29
Title: Re: إفـتـقـاد وحـنـيـن
Author: saadeldin abdelrahman
Date: 03-13-2009, 08:07 AM
Parent: #28
Salam ya firad :)
جايب لي سلام
|
Post: #44
Title: Re: إفـتـقـاد وحـنـيـن
Author: انعام عبد الحفيظ
Date: 03-17-2009, 09:07 AM
Parent: #29
سعد الدين يا رايق تشكر على فيروز
|
Post: #42
Title: Re: إفـتـقـاد وحـنـيـن
Author: انعام عبد الحفيظ
Date: 03-16-2009, 10:43 PM
Parent: #28
شكراً يا خليل على المرور وتسلم يا رب
|
Post: #47
Title: Re: إفـتـقـاد وحـنـيـن
Author: انعام عبد الحفيظ
Date: 03-17-2009, 10:45 AM
Parent: #26
| Quote: والله البوست دة مليان كلام غُلاد وسمح |
طارق جبريل قلت لى كلام!!!
دا كلام ياخ؟؟؟
هسه البوست دا كلو ما شفت فيهو غير الكلام؟؟؟
الله يسامحك ياخ هههههههههههه
ــــــــــــ
وين الليل ووردية الليل؟
|
Post: #49
Title: Re: إفـتـقـاد وحـنـيـن
Author: عماد محمود علي
Date: 03-17-2009, 01:01 PM
Parent: #26
Quote: اقول ليك حاجة انا كمان مشتاقة للمة بنات
على شرط تكون بتشبه يوم إتلمينا داك |
لعنـايـــة الســـادة /
1 ) القرضابـــــي .
2 ) عثمان رغيـــم .
3 ) طارق جبريـــل .
4 ) معتصم دفع الله .
5 ) عماد محمـــود .
* صورة مع التحية للاخ محمد البشرى .....
غايتو يا إنعام .... حمد لله على السلامة وما تشوفي شر إنشاء الله .. عارف دي عين طارق جبريل ده .. ما قلت ليك ما تمشي قندهار كثير وبطلي مشي لجبل أولياء ما سمعتي كلامي اها شوفي جنس ده ....
مع رجائي بتبليغ ســلامي للاخت الفاضلة / غـادة بت عبد العزيز وقولي ليها لسه قاعد منتظر نهاية مسلسل ( حفلة ناس جبريل ) .... مع أمنياتي الطيبة لك ...
|
Post: #62
Title: Re: إفـتـقـاد وحـنـيـن
Author: انعام عبد الحفيظ
Date: 03-23-2009, 12:43 PM
Parent: #49
Quote: لعنـايـــة الســـادة /
1 ) القرضابـــــي .
2 ) عثمان رغيـــم .
3 ) طارق جبريـــل .
4 ) معتصم دفع الله .
5 ) عماد محمـــود .
* صورة مع التحية للاخ محمد البشرى ..... |
عماد محمود سلامات وحمداً لله على سلامة الباسوورد
مالك طارد الناس ديل من البوست ياخ!!
|
Post: #32
Title: Re: إفـتـقـاد وحـنـيـن
Author: انعام عبد الحفيظ
Date: 03-14-2009, 05:06 PM
Parent: #25
Quote: هن زاد سفر للعمر الطويل ، بإذن الله.
أدام الله الود والتواصل |
محمد المرتضى
ولولا هذا الزاد لأصبحت الحياة لا تطاق
شكراً لمرورك من هنا ولكن عندي سؤال ملِح علي
انت الأصدقاء من الأولاد بتكون العلاقة بيناتهم
بنفس قوة الصداقة البتكون بين البنات
ولا الوضع مختلف؟؟؟
|
Post: #33
Title: Re: إفـتـقـاد وحـنـيـن
Author: محمد المرتضى حامد
Date: 03-14-2009, 07:22 PM
Parent: #32
Quote: انت الأصدقاء من الأولاد بتكون العلاقة بيناتهم
بنفس قوة الصداقة البتكون بين البنات
ولا الوضع مختلف؟؟؟ |
إنعام،
يا إنعام ،
هسه في داعي للأسئله البتجيب لينا كاتارينا دي؟
لكن طالما سألتيني أقول ليك قصه قديمة أرسلها لي صديق قديم توجز الفرق بين صداقة الرجال
بين بعضهم البعض وصداقة النساء بين بعضهن البعض if any ( وش راجي البتقع من السما).
قيل عن صداقة النساء:
لم تعد الزوجة لبيتها ذات ليلة وفي اليوم التالي قالت لزوجها أنها كانت نائمة عند صديقة لها،
فاتصل الزوج بأفضل عشر صديقات لزوجته فأنكرت جميعهن رؤية زوجته تلك الليلة.
أماالصداقة بين الرجال ...
لم يعد الزوج لبيته ذات ليلة وفي اليوم التالي قال لزوجته أنه كان نائماً عند صديق له...
اتصلت الزوجة بأفضل 10 أصدقاء للزوج:
ثمانية منهم أكدوا أنه كان نائماً عندهم..!
واثنان أقسما أنه لا يزال عندهم...
________
بالله تاني ما تسأليني في الفيزياء واللاهوت.
|
Post: #34
Title: Re: إفـتـقـاد وحـنـيـن
Author: مدثر محمد ادم
Date: 03-14-2009, 07:40 PM
Parent: #33
الرائعة الرقيقة انعام عبد الحفيظ
سلامات ربنا يحفظ ليك كل صحباتك وكل شر
واجمل مل في 8/ مارس التقيتك انتي وانعام حيمورة
ونادية عثمان وانشاالله عامرين صداقة وحب
وتسلم كثيرأ يارائعة
مدثر تيف تيف
|
Post: #36
Title: Re: إفـتـقـاد وحـنـيـن
Author: Rihab Khalifa
Date: 03-14-2009, 08:37 PM
Parent: #34
انعام الحنينه
مسختو لينا الليل وورديته
مشتاقين يا حبيبه، و كفارات كتار
|
Post: #37
Title: Re: إفـتـقـاد وحـنـيـن
Author: محمد عثمان
Date: 03-14-2009, 08:42 PM
Parent: #36
انعام...
مساء الخير...
مادام البوست مجندر
علينا الغناء وبس..
للاستماع هنا
|
Post: #39
Title: Re: إفـتـقـاد وحـنـيـن
Author: طارق جبريل
Date: 03-14-2009, 11:05 PM
Parent: #37
اها ليلت
ههههههههههههههههه
|
Post: #43
Title: Re: إفـتـقـاد وحـنـيـن
Author: yasir Abdelgadir
Date: 03-16-2009, 11:40 PM
Parent: #39
دا بيت بت المني بت مساعد ولا شنو؟؟؟
عايزين نقول سلام....... وكفارة......ماتشوفي شر يا انعام
سلام مربع لغادة عبدالعزيز
تحية للجميع
|
Post: #45
Title: Re: إفـتـقـاد وحـنـيـن
Author: سمرية
Date: 03-17-2009, 10:10 AM
Parent: #43
يا ناس هوي ...
انعام دي كضابة جنس كضبا ..
افتقاد شنو وحنين .. شنو ؟؟
ياخي زولة توعدك ( جغلمية) مرة انها حتجيك ،
ولا من شاف ولا من دري !
ولا تهبهو ليك ذاتو !
تتصل عليها مرة
ترد ... كل تلاتة شهور !
ومرات كثيرة ما بتكون شايفة رقمك ذاتو !
تقول ليك شركتنا غيرت موقعها وبقينا قراب منكم ..
تقول ليها طيب مكسب ، تعالي اتغدي معانا يوم ..
( مرة .. مرة .. ما طوالي يعني ) - ( وش بمزح معاك )
وتمر ايام ... وتتعدى ...
اها نقول ليها ياخ تعالي نمشي حفل البلابل ..
تطنشك وما تجيب خبرك ..
تمشي الحفلة تلاقها قاعدة ومتحكرة ...
آلـ ايه ، آلـ عوازل آلــ ؟
وآلــ ايه آلــ حنين آلــ
**
يا انعام ياخي بطلي كضب معاك ..
ولا ( ياربي )
اكون انا بره القائمة دي ... ( وش ما واثق من افتقادك ليه )
بــث خلاس ..
|
Post: #46
Title: Re: إفـتـقـاد وحـنـيـن
Author: صلاح أبودية
Date: 03-17-2009, 10:29 AM
Parent: #45
سمرية !!
جبتى من وين الكسر العشرى ده؟
إنعام (فترة صمت) ..
ثم أردف : كيف حالك ؟
|
Post: #48
Title: Re: إفـتـقـاد وحـنـيـن
Author: سمرية
Date: 03-17-2009, 10:49 AM
Parent: #46
Quote: Quote: ( جغلمية)
سمرية !!
جبتى من وين الكسر العشرى ده؟ |
يا صلاح ..
جبتو من صبر ايوب ..
مووش برضو هو كان في بطن الحوت ( جغلمية ) يوم ؟؟!!
اها انعام دي كضابة وكضابة جغلمية مرة ذاتو !
|
Post: #50
Title: Re: إفـتـقـاد وحـنـيـن
Author: saadeldin abdelrahman
Date: 03-17-2009, 01:24 PM
Parent: #48
سمرية ازيك، خلي بالك انعام دي ما بترد على المكالمات عشان صاحباتا و فردها ما يعملوا ليها وجع اضان و وش فتقوم تفتقدهن/م..و فاقدة عيوني زول و كدا :)
|
Post: #61
Title: Re: إفـتـقـاد وحـنـيـن
Author: انعام عبد الحفيظ
Date: 03-23-2009, 12:37 PM
Parent: #50
| Quote: خلي بالك انعام دي ما بترد على المكالمات عشان صاحباتا و فردها ما يعملوا ليها وجع اضان و وش فتقوم تفتقدهن/م..و فاقدة عيوني زول و كدا :) |
سعد الدين!!! ههههههههههه
خليك محضر خير في الحتة الضيقة الأنا فيها دي ياخ
|
Post: #59
Title: Re: إفـتـقـاد وحـنـيـن
Author: انعام عبد الحفيظ
Date: 03-20-2009, 01:07 PM
Parent: #48
Quote: جبتو من صبر ايوب ..
مووش برضو هو كان في بطن الحوت ( جغلمية ) يوم ؟؟!!
اها انعام دي كضابة وكضابة جغلمية مرة ذاتو ! |
يا بت كفاية خلاص!!!
ــــــــــــــــــ
حقي بجي بالسكة و ح آخدو يعني ح آخدو ههههههههه
|
Post: #58
Title: Re: إفـتـقـاد وحـنـيـن
Author: انعام عبد الحفيظ
Date: 03-20-2009, 12:57 PM
Parent: #46
تسلم يا صلاح وسمرية دي جغلمياتها كتيرة خليها هههههههههه
|
Post: #57
Title: Re: إفـتـقـاد وحـنـيـن
Author: انعام عبد الحفيظ
Date: 03-18-2009, 08:21 PM
Parent: #45
Quote: يا ناس هوي ...
انعام دي كضابة جنس كضبا ..
افتقاد شنو وحنين .. شنو ؟؟
ياخي زولة توعدك ( جغلمية) مرة انها حتجيك ،
ولا من شاف ولا من دري !
ولا تهبهو ليك ذاتو !
تتصل عليها مرة
ترد ... كل تلاتة شهور !
|
والله يا هبة وانا بكتب في البوست دا إنتي من صحباتي الكانوا في بالي
عارفه يا هبوية فاقداك بالجد وفاقدة ونستي معاك وحكينا (وفِلفيلنا للحاجات) ههههههه
ومشتاقة للحكي معاك وللكلام عن آمالنا وأحلامنا وآلامنا
بس لو بطلتي تشهير بى ههههههههه جاياك ياخ جايااااااااااك
انا عارفه كلامك دا كلو من الشوق ومن عمايلو ههههههههه
Quote:
اها نقول ليها ياخ تعالي نمشي حفل البلابل ..
تطنشك وما تجيب خبرك ..
تمشي الحفلة تلاقها قاعدة ومتحكرة ...
آلـ ايه ، آلـ عوازل آلــ ؟
|
يا بت حفلة البلابل الكانت يوم الفالانتاين ولا واحدة تانية ؟؟؟
ياخي كوني ألاقيك في يوم زي دا دا براااااااهو مش عيد ههههههه
Quote: ( ياربي )
اكون انا بره القائمة دي ... ( وش ما واثق من افتقادك ليه ) |
إنتي في منتصف القلب تماماً يا غالية
أحتاج لـ وعيك وعقلك وقلبك الحنون دائماً
لكِ كل الحب يا صديقتي الغالية
|
Post: #56
Title: Re: إفـتـقـاد وحـنـيـن
Author: انعام عبد الحفيظ
Date: 03-18-2009, 08:05 PM
Parent: #43
د. ياسر سلامات
وشكراً للسلام والتحية والمرور من عند بيتنا
|
Post: #54
Title: Re: إفـتـقـاد وحـنـيـن
Author: انعام عبد الحفيظ
Date: 03-18-2009, 07:40 PM
Parent: #39
طارق جبريل ياخ مافينا ليل وكلام ليل هنا
بعيد بعيد ما تساهروا بينا
مش كفاية سهر النهار؟؟؟
|
Post: #53
Title: Re: إفـتـقـاد وحـنـيـن
Author: انعام عبد الحفيظ
Date: 03-18-2009, 07:37 PM
Parent: #37
| Quote: علينا الغناء وبس.. |
محمد عثمان دايماً تغسل أروحنا بجميل الألحان
تسلم كتير يا ملك
|
Post: #52
Title: Re: إفـتـقـاد وحـنـيـن
Author: انعام عبد الحفيظ
Date: 03-18-2009, 07:13 PM
Parent: #36
| Quote: مسختو لينا الليل وورديته |
رحاب طارق جبريل هو العملها فينا ياخ
لكن مافي مشكلة نواصل زي زمان هههههههههه
ـــــــــ
تسلمي يا رحاب وليك وحشة
|
Post: #51
Title: Re: إفـتـقـاد وحـنـيـن
Author: انعام عبد الحفيظ
Date: 03-17-2009, 10:34 PM
Parent: #34
شكراً الشاعر المرهف مدثر وسعيدة إني قابلتك
|
Post: #55
Title: Re: إفـتـقـاد وحـنـيـن
Author: الطيب شيقوق
Date: 03-18-2009, 07:59 PM
Parent: #51
انعام
Quote: قيل عن صداقة النساء:
لم تعد الزوجة لبيتها ذات ليلة وفي اليوم التالي قالت لزوجها أنها كانت نائمة عند صديقة لها،
فاتصل الزوج بأفضل عشر صديقات لزوجته فأنكرت جميعهن رؤية زوجته تلك الليلة.
أماالصداقة بين الرجال ...
لم يعد الزوج لبيته ذات ليلة وفي اليوم التالي قال لزوجته أنه كان نائماً عند صديق له...
اتصلت الزوجة بأفضل 10 أصدقاء للزوج:
ثمانية منهم أكدوا أنه كان نائماً عندهم..!
واثنان أقسما أنه لا يزال عندهم... |
شحتفت روحنا نحن منتظرون تعقيبك على الكلام ده سريييييييييييع بطلي المراوغة
والله مرتضى نصب ليك شرك زي شرك ام كيكي بتاع فضيلي جماع عارفاهو؟
فضيلي قال ام كيكي دى نوع من الطيور عندهم في كردفان تظهر ايام الخريف . قال الطيرة دى عندها بيضة اكان وقعت في عينك وا سجمك . اكان شلتها امك بتموت واكان قلت تمشي تخليها ابوك بموت .
يلا نعومة حلي نفسك من شرك ام كيكي القدامك ده .
|
Post: #60
Title: Re: إفـتـقـاد وحـنـيـن
Author: طارق جبريل
Date: 03-20-2009, 01:10 PM
Parent: #55
ياخي شوفي لينا بكري دة مالو مابي يشغل لينا كودات الغناء
والله مخزن (((الليل))) اتملا لي حدو
|
Post: #64
Title: Re: إفـتـقـاد وحـنـيـن
Author: انعام عبد الحفيظ
Date: 03-24-2009, 10:26 AM
Parent: #55
Quote: شحتفت روحنا نحن منتظرون تعقيبك على الكلام ده سريييييييييييع بطلي المراوغة
|
شيقوق سلامات وعساك طيب انا رديت على ود المرتضى
آسفة على التأخير بس الرد كان بالتسلسل بتاع المتداخلين
|
Post: #63
Title: Re: إفـتـقـاد وحـنـيـن
Author: انعام عبد الحفيظ
Date: 03-23-2009, 01:31 PM
Parent: #33
هي الحياة يوجد فيها الإنسان المخلص والوفي وصاحب الثقة بين النساء وبين الرجال ايضاً
لا أنفي ان لبعضهن كيد عظيم فيما بينهن أولاً ومن ثم فيما بينهن والرجال
وموضوع الكيد هذا ليس له علاقة بالنوع وإنما بصفاء النية والقلب والإنسان جوانا
| Quote: بالله تاني ما تسأليني في الفيزياء واللاهوت. |
بل هي كيمياء متى ما إكتملت معادلاتها أصبحت ذات قيمة ومعنى
الأصدقاء والصديقات يكملون بعضهم بعضاً
لك كل الود
|
|