المتحيلة تبكيها متاوقة الغنا اللى بتجيبو انعام وصديقنا محمد عثمان- مقولة جديدة لنج والحقوق محفوظة
Post: #38 Title: Re: مواسم الشوق Author: انعام عبد الحفيظ Date: 06-19-2008, 11:05 AM Parent: #24
Quote: أممممممممممممممك
اميره وقعت فى تلابيب الحب، يابت مالك ماكنتى كويسة
يا إشراقة مالك على أميرة دي ياخ
هسه تقوم تفتح لينا بيت بكاء هنا
Quote: المتحيلة تبكيها متاوقة الغنا اللى بتجيبو انعام وصديقنا محمد عثمان- مقولة جديدة لنج والحقوق محفوظة
غايتو انا ما لي دعوة اسألو محمد عثمان هو البجيب الغنا السمح دا
Post: #6 Title: Re: مواسم الشوق Author: انعام عبد الحفيظ Date: 06-18-2008, 09:58 PM Parent: #3
Quote: و انا و الاشواااق...
انا والأشواق في بعدك بقينا أكتر من قرايب ما بنغيب عن بعض أبداً زي أعزّ إتنين حبايب كنت فاكر الشوق يغيب لحظة واحدة عن فؤادي بالزمن يتلاشى وجدي وقلبي يسلاك ببعادي شوقي قال لي مستحيل مره يتحقق مرادي لازمني زي خلي الوفي وأصبح حبيبي الما با بعاتب أي لحظة بعيدة عنك ضايعة من أيام زماني وكل يوم كان لي في قربك أتمنى لو أحياهو تاني روحي لو غنيتها ليك ما بتصور ما أعاني شوقي أبلغ من غنايا وحبي أسمى من المعاني كم رسالة يا حبيبي بسطّرها أشكي بالبعد يا ناسيني وأحلى كلمة مني ليك بضمّنها باقة من شوقي وحنيني بين حروفها أشوف خيالك وانت تتبسم لعيني وقبل ما أختم سلامي أتمنى لو ردك يجيني
محمد عثمان شكراً لـ انا والأشواق وإختيار جميل
وهي من الأغاني التي عبّرت عن الشوق وحكت عنه بعناية فائقة
محمد عثمان .. داير تكلفتنا .. مش ؟ أنا و الأشواق دي يا زول مفروض تتسمع بأول تسجيل ليها في الإذاعة .. التسجيل القديم .. عشان إنعام دي تعرف الله واحد .. و تبطل تشتاق .
.... إنعام يا البت أم توب .. ياخي الله يسعدك .. بركة دعا الوالدين .
Post: #29 Title: Re: مواسم الشوق Author: محمد عثمان Date: 06-19-2008, 09:15 AM Parent: #10
Quote: خليكي كده إنتي ..
محمد عثمان .. داير تكلفتنا .. مش ؟ أنا و الأشواق دي يا زول مفروض تتسمع بأول تسجيل ليها في الإذاعة .. التسجيل القديم .. عشان إنعام دي تعرف الله واحد .. و تبطل تشتاق .
عماد...
عارفك مفتّح...و برضو متوقعك تجيب سيرة التسجيل القديم..قلنا نعمل غتاتة الادروبات لكن الظاهر ما بتمشى عليكم...
اها رأيك شنو انا جبت ليك التسجيل الاصلى و كمان معاهو لينك الحفظ و سمعة واحدة بعد الاكل و عند النوم..!!
يديكم العاافية..معليش انعام خرمنا شوية
Post: #43 Title: Re: مواسم الشوق Author: انعام عبد الحفيظ Date: 06-19-2008, 11:47 AM Parent: #10
Quote: خليكي كده إنتي ..
محمد عثمان .. داير تكلفتنا .. مش ؟ أنا و الأشواق دي يا زول مفروض تتسمع بأول تسجيل ليها في الإذاعة .. التسجيل القديم .. عشان إنعام دي تعرف الله واحد .. و تبطل تشتاق .
غايتو يا عماد كان بطلنا نشتاق معناها الرماد كال حماد ياخ
يعني إنت فاكر انو سمعان الغناء السمح دا بخلينا نبطل
كدا يا دوووووووب ح نسمع ونسمع ونسمع
غايتو الله يخلي محمد عثمان دا
يشيل وينكت في الغناء ما عارفه مودينا على فين
Quote: إنعام يا البت أم توب .. ياخي الله يسعدك .. بركة دعا الوالدين .
دعوتك دي أحلى دعوة ياخي والسعادة البتجي
مع الأشواق الكتيرة دي دي معناها سعادة عظيمة ياخ
الله يخليك يا رب ويخليك تشتاق وتشتاق
Post: #40 Title: Re: مواسم الشوق Author: انعام عبد الحفيظ Date: 06-19-2008, 11:25 AM Parent: #8
Quote: شوق الصوفية للزيارة للحج و العبارة ترجم حاج الماحي ظاهره وظل باطنه خيوط ممدوده تنظم الحلاج و البرعي و تلتف حول العدوية صاحبت احبك حبين حب الهوي وحبا لانك اهلا لذاك
والشوق لـ عظيم الشأن يس صفوة الرحمن (عليه أفضل الصلاة والسلام)
يا ريت يا عثمان لو تسمع المدحة دي بصوت خالد الصحافة
فقد أبدع في مدحها وأخريات قبل ان يتحول للغناء
وخالد مدح لأولاد حاج الماحي وشيخ ود أبو زيد (من مادحي الطريقة العجمية)
وليك مني شريط مديح لخالد الصحافة برسلو ليك مع أقرب زول جاي عندكم
Quote: و الله يكتب ليك حجه في رمضان رمضان شهر العباده
بس ألحقينا باللينك سريع بلاي و قبل ما أختم كلامي و سلامي....
و مشكووورة على النغم الجميل يا نعومة....
انا والاشواق فى بعدك بقينا اكتر من قرايب ما بنغيب عن بعض ابدا زى اعز اتنين حبايب أنــا و الأشـــــواق
كنت فاكر الشوق يغيب لحظة واحدة عن فؤادى مع الزمن يتلاشى وجدى قلبى يسلاك فى بعادى وشوقى قال لى مستحيل مرة يتحقق مرادى ولازمنى زى خلى الوفى واصبح حبيبي الما بعادى
اى لحظة بعيدة عنك و ضايعة من ايام زمانى وكل يوم كان لى فى قربك اتمنى لو احياهو تانى وروحى لو غنيتا ليك ما بتصور ما اعانى وحبى ابلغ من غناى وحبى اسمى من المعانى
كم رسالة يا حبيبى بسطرا اشكى بالبعد يا ناسينى واحلا كلمة منى ليك بضمنا باقة من شوقى وحنيني بين حروفا اشوف خيالك وانت تتبسم لعينى وقبل ما اختم سلامى أتمنى لو ردك يجينى
______________________
Post: #48 Title: Re: مواسم الشوق Author: انعام عبد الحفيظ Date: 06-19-2008, 12:58 PM Parent: #9
-=-- انعام سيدة نساء البكاء الحاااااااااااااااااااااااار انا غايتو تبت- لا اشواق ولايحزنون- تقوم عليك اشواقك تديها عفصة ولاقرصة فى وركها وكان قلت ادبها تنادى ليها السعلوة- اوعى تقولى لى السعلوة يعنى شنو بقوم جارية بالليل ده والله ومايمسكونى الا فى الديم
Post: #58 Title: Re: مواسم الشوق Author: انعام عبد الحفيظ Date: 06-19-2008, 11:38 PM Parent: #16
Quote: انعام سيدة نساء البكاء الحاااااااااااااااااااااااار انا غايتو تبت- لا اشواق ولايحزنون- تقوم عليك اشواقك تديها عفصة ولاقرصة فى وركها وكان قلت ادبها تنادى ليها السعلوة- اوعى تقولى لى السعلوة يعنى شنو بقوم جارية بالليل ده والله ومايمسكونى الا فى الديم
غايتو يا إشراقة سويتي لي سمعة ساااااااااااااكت
هسه عليك الله انا مالي ؟؟؟ الجماعة ديل براااااااهم
جو يشكوا ويبكوا من الشوق وعمايلو فيهم
عليك الرسول كان تخليهم يفضفضوا شوية
ــــــــــــــــــــ
إشراقة إنتِ
Quote: السعلوة
يعني شنو ما عرفتها ؟
Post: #57 Title: Re: مواسم الشوق Author: انعام عبد الحفيظ Date: 06-19-2008, 11:27 PM Parent: #14
أي لحظة بعيدة عنك ضايعة من أيام زماني وكل يوم كان لي في قربك أتمنى لو أحياهو تاني روحي لو غنيتها ليك ما بتصور ما أعاني شوقي أبلغ من غنايا وحبي أسمى من المعاني
هسه فى داعى بس نعوم حبيبى لجنس ده الحاصل عليكم شنو يااهلا بيت البكا ده انا شايفهو مدور ليهو كمين يوم بس لو عايزة الحق البكا كده ولا بلاش بكا منظم وحميل ومن اللحظة دى انا بس ببارى بكياتكم مع رجاء وضع لينك العنوان علشان مانضيع غايتو ناس قلبها رهيف وجرسة خلاص تسلمى نعوم كتير يارب ..
Post: #18 Title: Re: مواسم الشوق Author: عامر تيتاوى Date: 06-19-2008, 00:45 AM Parent: #17
Quote: محمد عثمان شكراً لـ انا والأشواق وإختيار جميل
وهي من الأغاني التي عبّرت عن الشوق وحكت عنه بعناية فائقة
وآداء محمد ميرغني وصوته الحنين جعل لها طعم مختلف
ياسلام ياانعام وعافى منك ياود عثمان جبت من الاخر
Post: #60 Title: Re: مواسم الشوق Author: انعام عبد الحفيظ Date: 06-19-2008, 11:52 PM Parent: #18
Quote: ياسلام ياانعام وعافى منك ياود عثمان جبت من الاخر
عامر تيتاوي صديق الليل والشجن
نورتا بالزيارة وانا والأشواق أغنية تفيض حنين
Post: #59 Title: Re: مواسم الشوق Author: انعام عبد الحفيظ Date: 06-19-2008, 11:45 PM Parent: #17
Quote: هسه فى داعى بس نعوم حبيبى لجنس ده الحاصل عليكم شنو يااهلا بيت البكا ده انا شايفهو مدور ليهو كمين يوم بس لو عايزة الحق البكا كده ولا بلاش بكا منظم وحميل ومن اللحظة دى انا بس ببارى بكياتكم مع رجاء وضع لينك العنوان علشان مانضيع غايتو ناس قلبها رهيف وجرسة خلاص تسلمى نعوم كتير يارب ..
مفروشه فى درب المسافات البعاد لون الرمال .. سمح الخصال .. والشوق قمر دورين وفال والانتظار عرس الفرح الوان قزح .. حزمة وصال والانتظار خد النهار لم الشمل الكان محال.. وفرح الوصول دقات طبول ساحات تجول لوحات جمال...... دمعات تبل خد الوطن واللقاء حضن الامل عناق اهل روعة سلام تمسح تعب سنين طوال الريد يلم الفات رحل والكان قبيل منو الفضل موكب بديع بى فوقنا جال ترتيل وليدات بالوجل .. دعوات شيوخنا وابتهال فرحة صغارنا بالحصل رقصة كبارنا بلا خجل
اسماء الجنيد
شكرا نعومة على كل الاشوق
Post: #74 Title: Re: مواسم الشوق Author: انعام عبد الحفيظ Date: 06-20-2008, 09:54 PM Parent: #21
Quote: لوحة شوق...
مفروشه فى درب المسافات البعاد لون الرمال .. سمح الخصال .. والشوق قمر دورين وفال والانتظار عرس الفرح الوان قزح .. حزمة وصال والانتظار خد النهار لم الشمل الكان محال.. وفرح الوصول دقات طبول ساحات تجول لوحات جمال...... دمعات تبل خد الوطن واللقاء حضن الامل عناق اهل روعة سلام تمسح تعب سنين طوال الريد يلم الفات رحل والكان قبيل منو الفضل موكب بديع بى فوقنا جال ترتيل وليدات بالوجل .. دعوات شيوخنا وابتهال فرحة صغارنا بالحصل رقصة كبارنا بلا خجل
يا سلااااام يا سوما
حروفك تريانة بالحنين
تسلمي يا حبيبة
Post: #62 Title: Re: مواسم الشوق Author: انعام عبد الحفيظ Date: 06-20-2008, 00:11 AM Parent: #20
Quote: فى اللحظه ديك إشتقت ليك واحتجت ليك
يا عماد يا ريت تسمع أغنية الشوق والريد
الشوق والريد والحب البان في لمسة أيد
لو محمد عثمان عندو الأغنية دي يا ريت يختها لينا هنا
Post: #61 Title: Re: مواسم الشوق Author: انعام عبد الحفيظ Date: 06-20-2008, 00:05 AM Parent: #19
Quote: انا والاشواق... الأغنية الراعفة المقتحمة الشاردة فى ملامح الوجوه التى تبحث بين سطور كلماتها عن مرآة تصلح لرؤية اطياف الاشواق الهاربة دوما .... برا... وبحرا.... وجوا ....
في رحلة بحث أشواقنا عن مرافئها نتقلب في الحنين
نتعذّب ونتألم ونفرح ونباهي بشوقنا أيضاً
شفتي يا ناهد الرحلة دي مليانة كيف إنفعالات مختلفة؟؟؟
Post: #22 Title: Re: مواسم الشوق Author: osman righeem Date: 06-19-2008, 04:32 AM Parent: #1
عزيت سهادي علي المنام شوقرت طرفي الما نعس بالشوق كويت جرح الفراق مع إنو تب ما بيتلمس في نيتي اصبر والصبر للمتلي فوق طاقة النفس إلا الصبر جواي مات يوم ما بقيت بهواكي احس
شايل عذابات السنين والجوة في الجوف يتحبس واقف اناشد في الديار يا دار انطقي بعد خرس قالتلي ما نست العهود ماها التبيع الريد بخس الا الله يفعل ما يريد وابقي انت للتانين درس
Post: #67 Title: Re: مواسم الشوق Author: انعام عبد الحفيظ Date: 06-20-2008, 08:42 PM Parent: #26
مساء جميل سلمى
Quote: لمّا نشتاق بمشي لي فووووق...بعكس الجاذبية!
يا سلاااااااااام تعبير جميل جداً
Post: #27 Title: Re: مواسم الشوق Author: انعام حيمورة Date: 06-19-2008, 08:27 AM Parent: #1
Quote: لا نستطيع تحمّلها في بعض الأحيان فيسرح الخاطر بعيداً
يوم واحد الزول ما يساهر يلقاكم قلبتوا المنبر شوق وحنين !!!
Quote: بعد ان ضنّ الزمان به ولم يتبقى إلا أسلاك الهاتف
ما أخير شاكوشي داك على الله من شوقك دا !!!؟؟؟
Quote: هنالك الشوق للصديقات
أحي انا!!!! (مع الاعتزار للقارئ الكريم)
Quote: ويحلق في أجواء غريبة يشعر فيها الإنسان بغربة النفس
بكيتيني والله
Quote: ويبقى الأمل
اشراقة انتي مشيتي لأميرة ليه نعوووم دي ما قااااعدة
هسى جنس الكتابة دي تفوتيها سااااي
ويا نعوم مافي زي شوقي اصلوا شوق !!!
ومودة وشوق ليك يا محمد عثمان
Post: #28 Title: Re: مواسم الشوق Author: علاء الدين حيموره Date: 06-19-2008, 09:15 AM Parent: #27
الشوق المتل شوك الكتر *** طعن الجسم لامن خدر
متين ياربي تاني تلمنا وقريب ياربي ان شاء الله تلمنا
تسلمي انعام
Post: #69 Title: Re: مواسم الشوق Author: انعام عبد الحفيظ Date: 06-20-2008, 09:03 PM Parent: #28
Quote: متين ياربي تاني تلمنا وقريب ياربي ان شاء الله تلمنا
يا رب يا علاء تتلاقى وكل أحبابك
Post: #31 Title: Re: مواسم الشوق Author: ابوبكر يوسف إبراهيم Date: 06-19-2008, 09:25 AM Parent: #27
الأخت إنعام
سلامٌ على روحك الطيبة
الأشواق هي أحاسيس تولدها شفة البعد والفراق ، الفراق نوعان ؛ أختياري وقسري ،ومن ذلك الذي يخضع لهذين العنصرين هو فراق الوطن .. الأرض .. لن اكفر بها.. فلهذه الأرض راحة يد وامومة تحملني..ولهذه الآثام المدللة.. طفولة جسد..هكذا اقترفنا، ببراءة ، كل خطايا المجد!.. عندما تعصف بنا الأشواق نحاول أن نجد ذرائع للرحيل الذي ولد الحنين والأشواق فنستعيذ من ذواتنا العاقلة .. نتجول ذهابا ايابا في باحة احلامنا الفائضة!.. وكلما ابصرنا زهرة اوركيد يانعة نتمنى ونحسب أنها مهداة .. نتذكر الأرض ونكون اكثر أكثر شوقاً إليها..نتقوى بها نمجدالإيمان بها.. المشتاق أياً كان هو عاشق مجهول .. كان قد ترجم أشواقه إلى أحزان وحنين وأنين .. الحنين هو شبق الوجع .. والدموع التي تسكب من أعيننا ماهي إلا لتطهير النفس من شبق الشوق .. تطهير للنفس من فضيلة الشوق .. نقترفهاببراءة في ساعة قيلولة أو في جوف حلكة الليل.. المسافة بين الحنين والشوق هي المسافة بين حلمين فائضين.. كالمسافة بين خطيئتين..مسافة فائضة،مثل المسافة بين التخمة والجوع،والمسافة بين وجه طاغية ظالم وعطف شيخ متصوف زاهد.. الشوق فاجر خلوق، بين الشوق والحنيننفس حجم المسافة بين خطيئة آدم وفضيلة تناسله..سنرفع الشوق فضيلة مقدسة وتصوف، طفولة ونسل جديد.. يدلل احلامنا الفائضة فلا يقترف خطيئة او مجد!.. هكذا نمنح الأرض حبور امومتها..
جميلُ أن تتحدثي عن مكون من مكونات الشبق الروحي الإنساني .. الأشواق .. البعاد .. الهجر .. الحنين وسلامٌ على روحك الطيبة يا إنعام..
Post: #71 Title: Re: مواسم الشوق Author: انعام عبد الحفيظ Date: 06-20-2008, 09:28 PM Parent: #31
Quote: الأشواق هي أحاسيس تولدها شفة البعد والفراق
Quote: عندما تعصف بنا الأشواق نحاول أن نجد ذرائع للرحيل الذي ولد الحنين والأشواق فنستعيذ من ذواتنا العاقلة
Quote: المشتاق أياً كان هو عاشق مجهول .. كان قد ترجم أشواقه إلى أحزان وحنين وأنين
Quote: سنرفع الشوق فضيلة مقدسة وتصوف، طفولة ونسل جديد.. يدلل احلامنا الفائضة فلا يقترف خطيئة او مجد!.. هكذا نمنح الأرض حبور امومتها..
Quote: جميلُ أن تتحدثي عن مكون من مكونات الشبق الروحي الإنساني .. الأشواق .. البعاد .. الهجر .. الحنين وسلامٌ على روحك الطيبة يا إنعام..
أستاذي أبو بكر
سلام على روحك انت وعلى كل ما كتبت هنا
من دقيق التشخيص وجميل المعاني
لك الود وكل الإحترام
Post: #33 Title: Re: مواسم الشوق Author: محمد فضل الله المكى Date: 06-19-2008, 09:54 AM Parent: #27
رقّ النسيم راجى الصبـــأح والليل هجع لملم نجيماتو ورحل والشمعه زرفت كل دميعاته وطفت خلتنى للضيق والملل وحالى أصبح حــال غريق يتشابى للقشه ويحاول كان يصل وأنا الوحيد سهران وحاير منتظر قطعت أوتار الأمل
الطريق اصبح طويل والزاد قليل والشــوق فضل زاد الصبر وعلى الرصيف أفضل أقيف أسترجع الماضى وأقاوم أنتظر والإنتظار لو برضو طــال بتزيد قساوتو وطعمو مـر أنا شوقى ليك فايض بحـر لازم أقيف لو وقفه فى عز الجمر
الموج يصــادم فى الشواطى ويعود يقاوم شان يصـــل والطيور لمن تهاجر اكيد تعود ويشرق ســنا البدر الأفل أسترجع الذكرى وتفاصيل المضى والزمن الجميل الكان رحل وارجى الصباح تطلع تباشيرو وأدوزن تانى أوتار الأمل
Post: #72 Title: Re: مواسم الشوق Author: انعام عبد الحفيظ Date: 06-20-2008, 09:36 PM Parent: #33
Quote: الطريق اصبح طويل والزاد قليل والشــوق فضل زاد الصبر وعلى الرصيف أفضل أقيف أسترجع الماضى وأقاوم أنتظر والإنتظار لو برضو طــال بتزيد قساوتو وطعمو مـر أنا شوقى ليك فايض بحـر لازم أقيف لو وقفه فى عز الجمر
Quote: وارجى الصباح تطلع تباشيرو وأدوزن تانى أوتار الأمل
ويفضل الأمل ليوم جديد بشوق متجدد
ويا يوم بكره ما تسرع تخفف لي نار وجدي
شكراً محمد فضل الله للأبيات الجميلة
Post: #68 Title: Re: مواسم الشوق Author: انعام عبد الحفيظ Date: 06-20-2008, 08:58 PM Parent: #27
انعام الغالية
Quote: يوم واحد الزول ما يساهر يلقاكم قلبتوا المنبر شوق وحنين !!!
لكن يا إنعام الشوق والحنين بتقاس باليوم ؟؟؟
Quote: ما أخير شاكوشي داك على الله من شوقك دا !!!؟؟؟
بيني وبينك أخير شاكوشك
Quote: اشراقة انتي مشيتي لأميرة ليه نعوووم دي ما قااااعدة
الشوق ده لابرتبط بزمان ولا بمكان فكثير من يعيش في وطنه ولكنه في شوق الي من يعيش معه ولكنه يظل شوقه متجدد
Post: #70 Title: Re: مواسم الشوق Author: انعام عبد الحفيظ Date: 06-20-2008, 09:19 PM Parent: #30
Quote: الشوق ده لابرتبط بزمان ولا بمكان فكثير من يعيش في وطنه ولكنه في شوق الي من يعيش معه ولكنه يظل شوقه متجدد
العوض المسلمي
نعم لا يرتبط الشوق لا بـ زمان لا بـ مكان
يحدث ان تشتاق لأحدهم وهو بجانبك
الأشواق دليل ورمز عافية الإحساس بداخلنا
Post: #34 Title: Re: مواسم الشوق Author: انعام عبد الحفيظ Date: 06-19-2008, 10:01 AM Parent: #1
والله لكن لقيتكم شوّاقين شوق
كدى بجيكم راجعة تاني كلكم
Post: #35 Title: Re: مواسم الشوق Author: معتصم دفع الله Date: 06-19-2008, 10:40 AM Parent: #1
هسي الواحد كان مشتاق ..
يقع في رقبته دي يكسره ..
Post: #75 Title: Re: مواسم الشوق Author: انعام عبد الحفيظ Date: 06-20-2008, 09:57 PM Parent: #35
Quote: هسي الواحد كان مشتاق ..
يقع في رقبته دي يكسره ..
معتصم العريس
انا عارفه الشوق عامل عمايلو فيك
لكن كان كسرت رقبتك دي نحنا نمشي ليكم وين ياخ
Post: #36 Title: Re: مواسم الشوق Author: محمد البشرى الخضر Date: 06-19-2008, 10:50 AM Parent: #1
اطالب بتطبيق اللائحة على نعوم و توجيه انذار لها و تعليق عضوية محمد عثمان لفترة مؤقتة و سحب امكانية استخدامه لأكواد الميديا نهائيا و فصل عماد عبد الله مرة واحدة و اي زول يجيب سيرة الشوق و الحنين و الحاجات المتعبة دي لغاية ما الصيف ينتهي
توقيعاتكم يلا
Post: #39 Title: Re: مواسم الشوق Author: محمد عثمان Date: 06-19-2008, 11:13 AM Parent: #36
Quote: اطالب بتطبيق اللائحة على نعوم و توجيه انذار لها و تعليق عضوية محمد عثمان لفترة مؤقتة و سحب امكانية استخدامه لأكواد الميديا نهائيا و فصل عماد عبد الله مرة واحدة و اي زول يجيب سيرة الشوق و الحنين و الحاجات المتعبة دي لغاية ما الصيف ينتهي
توقيعاتكم يلا
يا ود البشرى يا اخوى هسى نحن مش اخير ليك من......
بعدين لا فرصة دفاع و لا فرصة حتى لمحامى ولا محامية...ما معقول..!!
ـــــــــــــــــــــــــــ و غابة الابنوس عيونك.. شايفك كبيت الزوغة...
و الجاتك في شوقك سامحتك يا عمك..... آند هاف أنايس ويك إنــد ألووووون..... أند كيب ويل....
Quote: اطالب بتطبيق اللائحة على نعوم و توجيه انذار لها و تعليق عضوية محمد عثمان لفترة مؤقتة و سحب امكانية استخدامه لأكواد الميديا نهائيا
و أنا أطلب من محمد عثمان أغنية ثنائي العاصمة (يا حبيبي و إنت غايب قلبي وراني العجايب)
و أنا بهديها لأبو حتوت بمناسبة الإجازة الصيفية.... و يا ريت لو بالعود....
مطلع الأغنية بقول:
يا حبيبي و إنت غايب **** قلبي وراني العجايب
مرة شاكي و مرة باكي*** عمروا ما حسيتو طايب
**** و إنت غايب يا حبيبـــــــــي ****
_______________
Post: #44 Title: Re: مواسم الشوق Author: محمد البشرى الخضر Date: 06-19-2008, 11:50 AM Parent: #41
محمد عثمان...
Quote: عدين لا فرصة دفاع و لا فرصة حتى لمحامى ولا محامية...ما معقول..!!
ما قلنا مؤقتا ياعمك ياخ
هيثم عزيز... انت زاتك اطالب بفصلك ... مؤقتا برضو
Post: #100 Title: Re: مواسم الشوق Author: محمد عثمان Date: 06-21-2008, 10:16 PM Parent: #41
Quote: و أنا أطلب من محمد عثمان أغنية ثنائي العاصمة (يا حبيبي و إنت غايب قلبي وراني العجايب)
و أنا بهديها لأبو حتوت بمناسبة الإجازة الصيفية.... و يا ريت لو بالعود....
مطلع الأغنية بقول:
يا حبيبي و إنت غايب **** قلبي وراني العجايب
مرة شاكي و مرة باكي*** عمروا ما حسيتو طايب
**** و إنت غايب يا حبيبـــــــــي ****
الاخ هيثم..
ود البشرى حنعمل ليهو بوست منفصل انشاء الله طبعا بعد الارشفة..
يديك العاافية..
Post: #76 Title: Re: مواسم الشوق Author: انعام عبد الحفيظ Date: 06-20-2008, 10:00 PM Parent: #36
Quote: اطالب بتطبيق اللائحة على نعوم و توجيه انذار لها و تعليق عضوية محمد عثمان لفترة مؤقتة و سحب امكانية استخدامه لأكواد الميديا نهائيا و فصل عماد عبد الله مرة واحدة و اي زول يجيب سيرة الشوق و الحنين و الحاجات المتعبة دي لغاية ما الصيف ينتهي
هي الغربة استاذة / انعام محت عنا كل الوان الشوق وجسدتها في الشوق الي هذا الكيان .... السودان شوقنا له هو شوق للحبيبة شوق للاهل شوق للاصحاب شوق للجروف شوق للجيران شوق للحميمية شوق لكل شئ واهمها.... شوق للشوق ___ وبكل الشوق نقول متين ياربي تاني تلمنا قريب ياربي انشاء الله تلمنا . الله يقطع الغربة وسنينة. كل التحايا هارون دياب
Post: #93 Title: Re: مواسم الشوق Author: انعام عبد الحفيظ Date: 06-21-2008, 09:47 PM Parent: #56
Quote: هي الغربة استاذة / انعام محت عنا كل الوان الشوق وجسدتها في الشوق الي هذا الكيان .... السودان شوقنا له هو شوق للحبيبة شوق للاهل شوق للاصحاب شوق للجروف شوق للجيران شوق للحميمية شوق لكل شئ واهمها.... شوق للشوق ___ وبكل الشوق نقول متين ياربي تاني تلمنا قريب ياربي انشاء الله تلمنا . الله يقطع الغربة وسنينة
الشوق للوطن هو أعظم الأشواق كلها
ويظل شوقه يتبعك ينام معك ويصحو
ربنا يرد غربتك يا هارون دياب
وتسلم يارب
Post: #63 Title: Re: مواسم الشوق Author: محمد عبد الماجد الصايم Date: 06-20-2008, 01:02 AM Parent: #1
تصدقو ما عرفت اقول شنو؟؟
الناس دي ما نصيحة ولا شنو جايبين لينا البوستات السمحة دي مع الارشفة
