Post: #1
Title: بـوعـدك
Author: انعام عبد الحفيظ
Date: 08-19-2007, 09:26 AM
Parent: #0
|
Post: #2
Title: Re: بـوعـدك
Author: انعام عبد الحفيظ
Date: 08-19-2007, 09:36 AM
Parent: #1
والله يا جماعة التسجيل القديم دا عجبني
قلت أسمعّكم ليهو
بس أوعى يجي زول يقول إنعام مركّبة مكنة الصحافة 30 
|
Post: #3
Title: Re: بـوعـدك
Author: ملكة سبأ
Date: 08-19-2007, 10:36 AM
Parent: #1
سجمي !!
كدي مكنة الصحافة خليها
انتي المسهرك للساعة أربعة صباح شنو ؟
ولا حاتكون صدفة عجيبة خالص خالص !!
شفتي بعد المطرة بالليل ديك ، والجو لطييف فجأة صحيت على صوت أبوعركي من رادي أبوي يغني في الأغنية دي
بدون ما أشعر لقيت نفسي بغني معاهو بصوت عالي برغم من بقايا النعاس
صحت بي أمي مستغربة : بسم الله ، يابت جنيتي ؟!
عاينت لموبايلي لقيت الساعة زي ما قلت ليك
وقسم بالله يا إنعام فجأة لقيت نفسى منتشية ومصحصحة وفي حالة كدا ماعادية
وبعديها طوالي حوالي الساعة خمسة رنّ موبايلي منبه بي رسالة فتحتها لقيتها من غادة نوري (( الصباح ستجري لي زراعة الكبد بمستشفى الأردن .. دعواتكم لي . غادة)) بالنص
صليت الصبح حاضر ودعيت ليها وبعد داك إتصلت بيها ...
اها قبل شوية لقيتك منزلة نفس الأغنية الفال دي
مش حاجة غريبة ؟!
|
Post: #4
Title: Re: بـوعـدك
Author: ابو جهينة
Date: 08-19-2007, 10:40 AM
Parent: #3
إنعام
شكرا على هذه الأغنية...
و بوعدك بالإتصال عندما يحين قدوم الجماعة
ملكة سبأ
ربنا يقبل دعواتك للأخت غادة نوري
|
Post: #7
Title: Re: بـوعـدك
Author: ملكة سبأ
Date: 08-19-2007, 11:19 AM
Parent: #4
سلامات أبو جهينة
وربنا يسلم غادة يارب
|
Post: #47
Title: Re: بـوعـدك
Author: انعام عبد الحفيظ
Date: 09-05-2007, 10:55 AM
Parent: #4
ابو جهينة
استمتع بأبو عركي
وفي انتظار الإتصال
|
Post: #5
Title: Re: بـوعـدك
Author: انعام عبد الحفيظ
Date: 08-19-2007, 10:54 AM
Parent: #3
ملكة سبأ سؤال
هي المطرة الخلت الجو لطيف ولا أغنية عركي دي؟
علماً بأني كنت في سابع نومة في الوقت داك 
سلام ليك ولكل الناس البتتذوق الحاجات الجميلة دي
ولغادة كامل الشفاء
|
Post: #6
Title: Re: بـوعـدك
Author: ملكة سبأ
Date: 08-19-2007, 11:09 AM
Parent: #5
الجو كان لطيف خلقة
وعركي يرطب العتامير
لكن بالجد غني الأغنية دي في الوكت دا
في زول سمعها ياناس ؟!
انعام أحلفي قولي كنتي نايمة 
|
Post: #26
Title: Re: بـوعـدك
Author: انعام عبد الحفيظ
Date: 09-01-2007, 11:37 AM
Parent: #6
انعام أحلفي قولي كنتي نايمة
والله العظيم كنت نايمة
اها صدقتي ولا لسه؟
|
Post: #8
Title: Re: بـوعـدك
Author: أبو ساندرا
Date: 08-19-2007, 11:32 AM
Parent: #1
إنعام
و
بلقيس
و
جلال
أيه الهناء ده كلو
سمح فجوا لي الأقعد معاكم
|
Post: #9
Title: Re: بـوعـدك
Author: ملكة سبأ
Date: 08-19-2007, 11:40 AM
Parent: #8
طبعا !!
كان لازم تجي ! ، النصاب الليلة مابيكتمل إلا بيك
هلا أبو السمحات
__
انعام مش كنتي نايمة ؟!
يلا انكشحي من البوست دا
|
Post: #27
Title: Re: بـوعـدك
Author: انعام عبد الحفيظ
Date: 09-01-2007, 11:48 AM
Parent: #8
ابو ساندرا
نفجّ ليك طوالي يلا إتفضل
|
Post: #10
Title: Re: بـوعـدك
Author: سلمى الشيخ سلامة
Date: 08-19-2007, 02:43 PM
Parent: #1
اى حاجة تزعلك لازم اسيبا
عندى زيك كم اميرة وكم حبيبة
وعد من قلبى وارادتى من ضميرى
مافى زول اجبرنى ما شاورت غيرى
كل كلمة اقولا بتصور شعورى
هى البريدا وهى حتقاسم مصيرى
حين بدات تلك العلاقة بينهما هذان الجميلان جمال الدنيا كله
عفاف وعركى
لم ار اجمل منهما عاشقين
كان لمن يجى الصباح فى الاذاعة ويجيب عفاف ويمشى
بجى طبعا راجع الضهر
ولكى ان ترى كيف انهما يبكيان حين يلتقيان
كنت اغبطهما على تلك الحلاوة التى هى غير مفتعلة
ترى الدمع والفرحة انهما التقيا من جديد كانهما افترقا لسنوات
الله الله عليهما
مين يفرق بين حبايب نادى شوقهم
والامل زاد العواطف فى طريقهم
كل زول فى الدنيا شايفنو صديقهم
والمحبة البانية رامية ظلالا فوقهم
شفتى يا نعومة ترجمة المشاعر والاغانى لواقع
بس اسمعى الاغنية دى وحتشوفى عركى وعفاف او عفاف وعركى
|
Post: #28
Title: Re: بـوعـدك
Author: انعام عبد الحفيظ
Date: 09-01-2007, 12:01 PM
Parent: #10
Quote: شفتى يا نعومة ترجمة المشاعر والاغانى لواقع
|
شفت يا سلمى وربنا يديم فرحتهم وسعادتهم
كل ما تجي يا سلمى بتجيبي معاك الفرح
وبلقى الدنيا فرحة
وبتذكريني صحبتي (سلمى) جميلة زيك كدا
وبرضو هي إتربت في الأبيض
انا ما عارفه سر الأبيض شنو؟
وليه انا بحب ناسها!!!
دمت يا غالية
|
Post: #11
Title: Re: بـوعـدك
Author: إيمان صالح
Date: 08-19-2007, 03:14 PM
Parent: #1
إنعام مركبة مكنة الصحافة 30
ايمان
|
Post: #29
Title: Re: بـوعـدك
Author: انعام عبد الحفيظ
Date: 09-01-2007, 12:07 PM
Parent: #11
ايمان
شكراً
|
Post: #12
Title: Re: بـوعـدك
Author: معتصم دفع الله
Date: 08-19-2007, 03:30 PM
Parent: #1
انعام ..
وبلقيس ..
إنتو الاتنين المصحيكن لي الوكت دا شنو 
أبوعركي دا حاجة تانية يا انعام ..
أغنياته مسكن للآلام والأوجاع ما تتخيلي بتعمل فينا شنو ..
سيف نورين صاحبي فنان جميل مسكون بالإبداع دائماً ما أطلب منه يغني لي أغنيات عركي ..
وخصوصاً مرسال الشوق وبوعدك يا ذاتي يا أقرب قريبة ..
يديكم العافية كلكم ..
وأولكم عركي ..
|
Post: #31
Title: Re: بـوعـدك
Author: انعام عبد الحفيظ
Date: 09-03-2007, 12:35 PM
Parent: #12
Quote: انعام ..
وبلقيس ..
إنتو الاتنين المصحيكن لي الوكت دا شنو
|
معتصم
الف سلامة لبكري ولرقية
بعدين يا معتصم انا كنت نايمة وحلفت بالكلام دا
أسأل بلقيس هي كانت صاحية مالها
والظاهر بلقيس إتدبست فيها خلاص (مش براها جات قالت كنت صاحية؟)
|
Post: #13
Title: Re: بـوعـدك
Author: أبو ساندرا
Date: 08-20-2007, 11:32 AM
Parent: #1
Quote: انعام مش كنتي نايمة ؟!
يلا انكشحي من البوست دا |
سامعة ؟
وسوقي معاك سلمى الخضراء وايمان صالح ومعتصو وجلال
يللا هوونا
|
Post: #33
Title: Re: بـوعـدك
Author: انعام عبد الحفيظ
Date: 09-03-2007, 12:40 PM
Parent: #13
Quote: Quote: انعام مش كنتي نايمة ؟!
يلا انكشحي من البوست دا
سامعة ؟
وسوقي معاك سلمى الخضراء وايمان صالح ومعتصو وجلال
يللا هوونا |
أوووووووووووو ابو ساندرا
معقول لكن أنكشح كيف ياخ
بنكشح في حالة واحدة بس لو قلت عايز تهدي الأغنية دي لى رشيدة
بمناسبة عيد ميلادها وإعادة الذكريات وكل سنة وهي طيبة
|
Post: #14
Title: Re: بـوعـدك
Author: شكرى سليمان ماطوس
Date: 08-20-2007, 12:18 PM
Parent: #1
السلام مصحوب بدعاش المطر يزيدو ود ومحبة...
للمنتظرين دبلة الخطوبة ، ليهم منى كل المنى و ربنا يحقق الآمانى ....
لغادة نورى خالص الدعاء بتمام الصحة و موفور العافية ....
ولينا الستر فى الدنيا و حسن الخاتمة ....
و للمعتقليين السياسيين قرب الفرج من براثن التسلط و القهر ....
و للشعب السودانى الحرية و العيش الكريم و ربنا يرد غربته ....
ش
|
Post: #15
Title: Re: بـوعـدك
Author: نجوان
Date: 08-20-2007, 12:28 PM
Parent: #14
يا سلام عليك يا إنعام!
أبوعركي ده حاجة غريبة..
وأغنية.. ثورة في الحب!
(كان الناس بتفهم!)
____
لكن ما تنكري مكنة صحافة 30!
|
Post: #35
Title: Re: بـوعـدك
Author: انعام عبد الحفيظ
Date: 09-03-2007, 12:57 PM
Parent: #15
Quote: أبوعركي ده حاجة غريبة..
وأغنية.. ثورة في الحب!
(كان الناس بتفهم!)
|
غايتو يا نجوان كان طلعوا ما بفهموا عوجة كبيرة
تعبي دا وتنزيل الأغنية دي يروح سااااااااااي كدا
Quote: لكن ما تنكري مكنة صحافة 30!
|
انا مكنة الصحافة ما ناكراها لكن الفيك إنعرفت
|
Post: #34
Title: Re: بـوعـدك
Author: انعام عبد الحفيظ
Date: 09-03-2007, 12:47 PM
Parent: #14
شكري سليمان
شكراً على سلامك المصحوب بالدعاش
|
Post: #16
Title: Re: بـوعـدك
Author: ماجدة عوض خوجلى
Date: 08-20-2007, 12:34 PM
Parent: #1
غايتو يانعومى انا كنت عارفة النهاية بتكون كده من قندهار للجبل وفى التص مامعروف فى شنو غايتو
الله يجيب العواقب سليمة جدجد كده انا قلبى اكلنى وعندى سؤال يعنى الاغنية من زمن حفرو البحر انتى ماسمعتيها الا امس بس اها
قولى انتى رديتى وقلتى ايوة سمعتها امس بس اقوم انا اسالك سؤال تانى طيب انتى البيخليكى تشغليها الساعة المتاخرة دى شنو علشان تسمعيها تقومى انتى تقولى لى كنت بقرا فى كتاب ظريف ماقدرت انوم الا اخلصو اقوم انا اقول ليكى مابصدقكم ، شوفتى كيف حبيبة . ملكة سبا امس تخلينى منتظراك ماتشتغلى بى كويس غايتو ياناس السودان انتو حسابكم كتر معاى .
نعومى اخدى اجازة تعالى انا حاسة انك محتاجة ليها كنت عايزة اخت ليك الخشم ابوسنون كبار الشين داك بس انا والله مابحبه
|
Post: #17
Title: Re: بـوعـدك
Author: sudania2000
Date: 08-20-2007, 01:57 PM
Parent: #16
سلام
وشكرا ع الجمال بوعدك غنية روعة
ومعاها اضحكي برضو
بس
مكنة محمد عثمان ولا الصحافة هي
|
Post: #36
Title: Re: بـوعـدك
Author: انعام عبد الحفيظ
Date: 09-03-2007, 01:12 PM
Parent: #16
| Quote: غايتو يانعومى انا كنت عارفة النهاية بتكون كده من قندهار للجبل وفى التص مامعروف فى شنو غايتو الله يجيب العواقب سليمة جدجد كده انا قلبى اكلنى وعندى سؤال يعنى الاغنية من زمن حفرو البحر انتى ماسمعتيها الا امس بس اها قولى انتى رديتى وقلتى ايوة سمعتها امس بس اقوم انا اسالك سؤال تانى طيب انتى البيخليكى تشغليها الساعة المتاخرة دى شنو علشان تسمعيها تقومى انتى تقولى لى كنت بقرا فى كتاب ظريف ماقدرت انوم الا اخلصو اقوم انا اقول ليكى مابصدقكم ، شوفتى كيف حبيبة . |
مجودة حبيبتي
غايتو يا ماجدة لقيتها عندك بقت قصة
أولاً انا سمعت الأغنية دي بالنهااااااااار ونزلتها طوالي
يعني ما صحيت بدري ولا حتى ساهرت
ومعقول ياخ انا سمعت الأغنية قبل كدا
بس التسجيل القديم دا أول مره أسمعو
عشان كدا قلت أشاركم ليهو لأنو حلو
| Quote: نعومى اخدى اجازة تعالى انا حاسة انك محتاجة ليها كنت عايزة اخت ليك الخشم ابوسنون كبار الشين داك بس انا والله مابحبه |
قلتي لي الخشم ابو سنون كبار داك ما بتحبيهو
دا خشم ميت من الضحك ياخ
والله يا ماجدة انا في أشد الحوجة لإجازة
بس خايفة بعد أجيكم أقول لندن لا حلوة ولا حاجة 
|
Post: #18
Title: Re: بـوعـدك
Author: طارق جبريل
Date: 08-20-2007, 02:26 PM
Parent: #1
انعام كيفنك
شرحتينا عديل
|
Post: #30
Title: Re: بـوعـدك
Author: انعام عبد الحفيظ
Date: 09-03-2007, 12:25 PM
Parent: #18
طارق جبريل
سلامات
هسه عليك الله دي شرحتينا ولا شرّحتينا
|
Post: #19
Title: Re: بـوعـدك
Author: أحمد الشايقي
Date: 08-20-2007, 03:50 PM
Parent: #1
Quote: اى حاجة تزعلك لازم اسيبا
عندى زيك كم اميرة وكم حبيبة
وعد من قلبى وارادتى من ضميرى
مافى زول اجبرنى ما شاورت غيرى
كل كلمة اقولا بتصور شعورى
هى البريدا وهى حتقاسم مصيرى
|
حلوه كتييييييييييير
أحمـد
|
Post: #20
Title: Re: بـوعـدك
Author: tayseer alnworani
Date: 08-21-2007, 11:02 AM
Parent: #19
نعومة
وعدك الجميل بالزمان الجميل
المليان غنا وفرح و ما بننحرم فيه من كل شىءجميل
و راقى
نحن جميعا نوعد كل احبائنا
(ان أجمل الايام لم تاتى بعد)
لك و لكل المشاركين المودة
كسرة
و انكشحى لى ابو ساندر و سبأ و اعملى ليك
بوست تانى ولو ظهروا فيه نادينى
|
Post: #39
Title: Re: بـوعـدك
Author: انعام عبد الحفيظ
Date: 09-04-2007, 11:51 AM
Parent: #20
Quote: نعومة
وعدك الجميل بالزمان الجميل
المليان غنا وفرح و ما بننحرم فيه من كل شىءجميل
و راقى
نحن جميعا نوعد كل احبائنا
(ان أجمل الايام لم تاتى بعد)
لك و لكل المشاركين المودة
|
يا تيسير يا جميلة
كل الود والإعزاز لك
ننتظر الزمن الآتي والوعد الجميل معاً
ونضع أيادينا فوق بعضها البعض
كناية عن مزيد من التعاضد والتوادد
كي نعيش هذا الزمن الآتي ونحن سوياً
نحو سودان الخير والسلام
Quote: كسرة
و انكشحى لى ابو ساندر و سبأ و اعملى ليك
بوست تانى ولو ظهروا فيه نادينى |
بيني وبينك لسه ما جو راجعين تاني لكن لو جو ح أناديك
أي عنكبة أي شنكبة خليك جاهزة
|
Post: #38
Title: Re: بـوعـدك
Author: انعام عبد الحفيظ
Date: 09-04-2007, 11:05 AM
Parent: #19
أحمد الشايقي
نور بيتنا وشارع بيتنا
يلا إستمتع باللحن الرائع دا
|
Post: #21
Title: Re: بـوعـدك
Author: Alsa7afa_30
Date: 08-24-2007, 00:27 AM
Parent: #1
الأغنية شغالة بالمقلوب !!
مش كده يا جماعة ؟؟
|
Post: #22
Title: Re: بـوعـدك
Author: Mekki M Alhassan
Date: 08-24-2007, 00:45 AM
Parent: #21
قالت انعام
| Quote: مركبة مكنة الصحافة 30 |
وانت جيت بعد ما الاغنية شغالة في نصها تقول لينا
| Quote: الأغنية شغالة بالمقلوب !! |
المكنة الياباني تكنولوجيا اصلي حقت منو فيكم؟
|
Post: #23
Title: Re: بـوعـدك
Author: هاشم أحمد خلف الله
Date: 08-25-2007, 08:43 PM
Parent: #22
إنعام عبد الحفيظ , شكراً جميلاً .
|
Post: #43
Title: Re: بـوعـدك
Author: انعام عبد الحفيظ
Date: 09-05-2007, 08:53 AM
Parent: #23
هاشم خلف الله
شكراً لك انت
وشكراً لكل اللحظات الجميلة التي أمتعتنا بها
|
Post: #25
Title: Re: بـوعـدك
Author: Alsa7afa_30
Date: 08-25-2007, 10:23 PM
Parent: #22
| Quote: المكنة الياباني تكنولوجيا اصلي حقت منو فيكم؟ |
|
Post: #41
Title: Re: بـوعـدك
Author: انعام عبد الحفيظ
Date: 09-04-2007, 02:05 PM
Parent: #22
| Quote: المكنة الياباني تكنولوجيا اصلي حقت منو فيكم؟ |
حقتي انا وبس وكدى اليجي واحد فيكم يقول حاجة
|
Post: #40
Title: Re: بـوعـدك
Author: انعام عبد الحفيظ
Date: 09-04-2007, 12:54 PM
Parent: #21
Quote: الأغنية شغالة بالمقلوب !!
مش كده يا جماعة ؟؟
|
الصحافة كويس!!! زعلانة منك
ومكنتك زاااااااتها ح أنكرها 
|
Post: #24
Title: Re: بـوعـدك
Author: Haytham Abdulaziz
Date: 08-25-2007, 09:22 PM
Parent: #1
يا يوم بكـرة ما تســرع .... تخفف لي نار وعدي ... أقصد ... وجـدي....
إنعـــــــــام ســؤال؟؟....
وجـــدي دا منــــو ياااخ؟؟؟
____________________
إختيار موفق و الله ... بس لو سمحتي يا إنعـام ممكن توعــدينــا بي لينك الحفظ الله إخليك .. وعد من جوة قلبك و من ضميرك ...ثمح...
|
Post: #45
Title: Re: بـوعـدك
Author: انعام عبد الحفيظ
Date: 09-05-2007, 10:09 AM
Parent: #24
Quote: إنعـــــــــام ســؤال؟؟....
وجـــدي دا منــــو ياااخ؟؟؟
|
انا عارفه !!!!
كمان بكره تجيني تقول لى وجدي وين؟
|
Post: #32
Title: Re: بـوعـدك
Author: ملكة سبأ
Date: 09-03-2007, 12:38 PM
Parent: #1
| Quote: ملكة سبا امس تخلينى منتظراك ماتشتغلى بى كويس غايتو ياناس السودان انتو حسابكم كتر معاى . |
سجمي ياماجدة
لوم العدو والله
انشغلت بس .. وماسنجر بكري دا التعامل معاهو صعب
كلو قدر بيت الكبريت
لكن (بوعدك) ياذاتي يا أقرب قريبة ، قرييب جدا نلاقي طريقة
كدي النجرب حاجات بكري دي
 
تعرفي ؟
|
Post: #37
Title: Re: بـوعـدك
Author: يوسف السماني يوسف
Date: 09-03-2007, 01:47 PM
Parent: #1
انعام عيدالحفيظ
سلام
اذا غرد ابوعركي تتحرك الاحاسيس ولو هجدت العيون وتتمدت اطراف الجسد تغطي في ثبات عميق .
لك التحية .
ملكة سبا
تحياتي
عرفنا انعام عبدالحفيظ مساهرة مع وليد دارفور انتي المصحيك شنو ؟؟؟؟
|
Post: #42
Title: Re: بـوعـدك
Author: فرح
Date: 09-04-2007, 02:12 PM
Parent: #37
الغنيه مهداه الى الجندريه خجيجه باتحاد المصاريف
|
Post: #49
Title: Re: بـوعـدك
Author: انعام عبد الحفيظ
Date: 09-06-2007, 10:37 AM
Parent: #42
| Quote: الغنيه مهداه الى الجندريه خجيجه باتحاد المصاريف |
إهداءك وصل يا فرح
وأبقى على وعدك!!!
|
Post: #48
Title: Re: بـوعـدك
Author: انعام عبد الحفيظ
Date: 09-06-2007, 09:22 AM
Parent: #37
Quote: اذا غرد ابوعركي تتحرك الاحاسيس ولو هجدت العيون وتتمدت اطراف الجسد تغطي في ثبات عميق .
|
يا يوسف السماني
ابو عركي فنان جميل
كل أغنياته قمة في الروعة
|
Post: #44
Title: Re: بـوعـدك
Author: أبو ساندرا
Date: 09-05-2007, 09:25 AM
Parent: #1
كتبت انعام عبدالحفيظ:
Quote: بنكشح في حالة واحدة بس لو قلت عايز تهدي الأغنية دي لى رشيدة
بمناسبة عيد ميلادها وإعادة الذكريات وكل سنة وهي طيبة |
في الحالة دي بالتحديد
تقعدي وتتحكري
فوق عدلك
وعديل بلقيس
وماتعتمدي على تحالفات تيسير النوراني
|
Post: #46
Title: Re: بـوعـدك
Author: رهف
Date: 09-05-2007, 10:42 AM
Parent: #44
يا فرح بقيت تعرف حتى الفراشات فى اتحاد المصارف ما شاء الله
حبيبتى نعومة الغنية جميلة بس منو الوعدك دا بس ورينى ليه عشان الاحقه قانونيا ما سمعتى انه فى الدستور الانتقالى فى مواد وردت عن الملاحقة القانونية للوعود الزى دى ولا كيف يا ود محمود
ويا اسمهان عنده برضو ملاحقة قانونية ل-8
|
Post: #50
Title: Re: بـوعـدك
Author: Kamal Karrar
Date: 09-06-2007, 10:53 AM
Parent: #1
في الوعد قالت:
لو قلت ليك بقدر أسيب الحب معاك ما بوعدك..
لو قلت ليك بترك سكن جنة هواك وأبعد بعيد ما بوعدك...
"بس بوعدك" أركب صعاب المستحيل شان أسعدك...
وأفضل اسير حبك للأبد..."انا بوعدك"
----------
|
Post: #51
Title: Re: بـوعـدك
Author: هاشم أحمد خلف الله
Date: 09-06-2007, 11:27 AM
Parent: #50
Quote: لو قلت ليك بقدر أسيب الحب معاك ما بوعدك..
لو قلت ليك بترك سكن جنة هواك وأبعد بعيد ما بوعدك...
"بس بوعدك" أركب صعاب المستحيل شان أسعدك...
وأفضل اسير حبك للأبد..."انا بوعدك" |
ولو قلت ليك كيفن يكون الحب بلاك ما بسألك
ولو قلت ليك الحب جحيم داريهو بخمرة هواك ما بسألك
بس بسألك كيف ترضي لي انتا العذاب وانا في معبدك
ببقي حافظ لهواك واسير علي جمر البعاد انا بشبهك
معذرة يا إنعام إذا تطفلت علي البوست
|
|