ايـن عـجـب الـفـيـا؟؟؟؟؟؟؟؟؟؟؟؟

الاستاذ عبد المنعم عجب الفيا اين انت ؟؟؟؟؟؟؟؟؟

افتقدناك استاذي العزيز

انشاء الله المانع خير







مودتي واحترامي

الاخت انعام

انا ايضا كنت اتساءل نفس السؤال

لعله يعود الينا كما المطر المرتجى

دعينى يا انعام "انتهز" هذه السانحة ولطفك..

وابعث بأجمل التحيات للاخ عجب الفيا وزوجته الجميلة..

واجمل الشكر لهما بتفضلهما بالحضور الى تلك المناسبة التى لن انساها ابدا بالشارقة ..كانت لمسة رقيقة منهما ان يحضرا

ومحبتى لكل اهل الشارقة ..ولنادوس انور النويرى..وهو يحيى الحفل بحضوره المسرحى "اللذيذ"

للجميع للجميع..

وهم بالمناسبة ناس الشارقة كلهم اختفوا ليه بعد زرتهم؟؟

دى مش قصة دايرة تمحيص؟؟

ياربى انا عملت شنو؟؟

تماضر العزيزة

صاحبة الطلة الجميلة

Quote: وهم بالمناسبة ناس الشارقة كلهم اختفوا ليه بعد زرتهم؟؟ دى مش قصة دايرة تمحيص؟؟ ياربى انا عملت شنو؟؟

عارفه يا تماضر ناس الشارقة بيكونوا مشروقين

من زيارتك ليهم خليك من عموم ناس الامارات

فعلا ملاحظتك في محلها الناس ديل مختفين لعل المانع خير





مودتي واحترامي

الاخ محمد خالد

بي زيارتك بيتنا نور

جد نفتقد الاستاذ عجب الفيا

ونرجو ان يعود قريباً




مودتي واحترامي

انعام كيفك يا زولة؟؟؟

تعرفي يا صاحبة ((زمان كده)) كان في امدرمان منتدي اسمه منتدي
المحامين اها انا كنت بمشي اسمع واحاول افهم حاجة استاذ منعم ده
كان من ناس المنتدي وكل مرة اجي اسمع المنتدي ده كنت بتمني انو يناقش
او يشارك لكن كل ما اكون قاعد هو ما يشارك !!! ولما اغيب واسال عن الحصل
في المنتدي يقولو لي عجب الفيا قال وقال وقال وحياتك لما مسكتني عقده
المهم انا دايماً كان عندي اعتقاد انو (الزول ده) عندوا (نضم في رأسو ده)
قوم يا استاذ عجب الفيا كل ما اجي منتدي ما تنضم!!!
شفتي كيف!!! اها اخر حاجة الزول ده فات مصر وهناك بقي ((يكتب وينضم لحدي
يوم الليلة)) وانا طبعاً كنت بتابع الاخبار وبفرح عارفه ليه؟؟؟
لانو ظني (القبيل داك) ما خاب والراجل طلع راجل (عجيب) بيكتب وينضم في قضايا
((بغض النظر من اتفاقي او اختلافي معاها) جوهرية ومهمة ...

حقاً افتقده معك
وله معزاتي وسلامي...
ولك كل الود والحب والسلام...

سفيان نابري

يا هلا والف الف مرحبا

شكرا على الطلة

نتمنى ان يطل علينا عجب الفيا ايضا




مودتي واحترامي

الاخ عجب الفيا


مفقود
عزيزتي انعام



لك التحايا


ولـه.



أحمد الشايقي

انا عارفو وين..بس أدوني مهلة بجيبو ليكم..

تسلمو ويسلم عجب الفيا...

سيف خليل

سلام ويا الف مرحب

بس قبل ما نسألك هو فين اهو ظهر

والحمد لله هو بخير



شكرا لك




تحياتي لنسرين

مودتي واحترامي

احمد الشايقي

سلام مربع

مرورك يسعدنا

نعم نفتقدك يا عجب الفيا



مودتي واحترامي

الغالية انعام
يسال منك الخير والعافية

شوية مشغوليات وعوارض حجبتني عن المنبر

دوما معكم ان شاء الله

معزتي ايتها الغالية .

استاذي عجب الفيا

نورت البورد

حمدا لله على السلامة

مادام انت بخير كل شئ يهون

نحن بحوجه الى قلمك


رجائي الا تغيب






مودتي واحترامي

عزيزي محمد خالد
الحقيقة انا الذي افتقدتك ،
ما ظاهر ليك فترة
كنت متعود اسمع صوتك بين الفينة والاخرى في البي بي سي
تحياتي الي كل الاعزاء هنالك

محبتي

ست الكل
تماضر
كم كانت فرحتنا بلقائك كبيرة انا والهام ،
وسعدنا بما غمرتينا به من محبة ،
كنا نتمني لو طالت اقامتك
ايتها الفراشة الجميلة

محبتي

الحبيب /سفيان نابري

عاطر التحايا وكثير الشكر على هذه الكلمات الطيبات ،

ويا سلام على ايام منتدي عمارة المحامين بامدرمان ،

في زيارة لي الى السودان تشرقت بحضور حلقة معاهم قدمها هاشم مرغني

تحياتي ومحبتي لهم جميعا واخص بالذكر الاستاذ محمد صديق والشاعر عبد المنعم الكتايبي
وهاشم ميرغني وكل المجموعة التي جاءت بعدنا .

عظيم امتناني .

الاخ العزيز احمد الشايقي

يسال منك الخير و العافية
وربنا ان شاء الله ما يفقدك عزيز

شوية مشغوليات وسوف اعود بعد الفراغ منها

تسلم يا حبيب

حبيبنا وقريبنا سيف خليل

تجيك البشائر ان شاء الله

زي ما تعرف اخوك اليومين ديل شغال نبشطي !!

محبتي

الاخت انعام

تحياتي..الحمد لله علي عودة الفيا..ونسرين بخير ..لك تحياتها..ومني صادق الود

ود عجب الفيا

تحياتي وعبرك الي الهام..احر التحايا.. واعتذارات تصل حد البكا..والله والله مقصرين مقصرين ..في حقها..ويا فضيحتي مع عمار وخالو مختار...لكن سأسعي جاهدا ..ان اعدل الصورة..وانت ما تقصر عاد..

المشغوليات ..يا خوي..بعد ما تداخلت في هذا البوست..كنت انوي الاتصال بك..مطالبا اياك بالمساهمة..تصور نسيت رغم انني وضعت التلفون علي طاولة الكمبيوتر بجواري!!


ظروفك في بالي..وربنا يعين..ويبلغ الفي المراد..نحن معكم علي الخط..وتحت الخدمة..ولا كلفة يا سيدي..


لكما مودتي