Post: #1
Title: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-14-2007, 10:01 AM
Parent: #0
جاتني الرسالة دي في تلفوني
في الأول ضحكت وبعد شوية بديت أفكر في كلماتها
ولقيت إنو لو فعلاً الناس حسبت دخلها في الشهر
مع منصرفاتها فيه ما ح يكون في توافق!!!
طيب اذا المنصرفات دي أكبر من الدخل
كيف الناس دي بتكمّل الشهر بتاعها بالطريقة دي؟؟؟
لكن بالجد لو حسبوها الناس ح تمشي تكلّم نفسها في الشارع
وأنا أول الناس بقول ربنا يستر على
ويارب ما يجي يوم وألقى نفسي بتكلّم براااااااااااااى
طبعاً ربنا كريم والناس ماشية بالبركة وقول الحمد لله
ربنا يفرّج هموم العباد جميعاً قادر يا كريم
|
Post: #2
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: فرح
Date: 04-14-2007, 10:08 AM
Parent: #1
داير لى حق مواصلات
|
Post: #4
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: ALGARADABI
Date: 04-14-2007, 10:16 AM
Parent: #2
اطمئني
|
Post: #12
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-14-2007, 11:50 AM
Parent: #4
القرضابي
هو لو ما الطمأنينة دي
كان زماااااااااااان بيقنا نتكلم برانا
|
Post: #5
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: Nadia Elsir
Date: 04-14-2007, 10:32 AM
Parent: #2
نعومة صباحك فل,
اتمناك بخير و عافية
انا غايتو و الحمد لله ما مفلسة شديدة اطمئني
عارفة فى واحدة من قرأتى المتفرقة صادفت قصة تقول :
(ان احدهم جالس و تتلمذ على يد عالم فقيه يشهد له بالحكمة و التقى و عندما اكمل ما تيسر له من مدارسة قرر ان يرحل و يتنقل ليتفع الناس بما من الله عليه من علم و حين وداعه لاستاذه طلب منه و على استحياء ان يدله على اسباب تمكنه من الرزق عندما يرحل فقال له العالم اخرج من هذة الحجرة الى الفناء و عد بعد برهة ففعل و فسأله العالم هل تركت ظلك وراءك بالخارج عندما عدت ؟ قال التلميذ مستنكرا لا قال الحكيم و كذا رزقك المكتوب يتبعك اينما حللت و كنت !
كمية من الشوق ,
نادية السر
|
Post: #13
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-14-2007, 12:04 PM
Parent: #5
ندوية
والله انا كمان مشتاقة ليك كتير
Quote: و كذا رزقك المكتوب يتبعك اينما حللت و كنت !
|
عارفه
واحده من قناعاتي إنو الرزق دا مكتوب
الناس حياتها مستمره وعايشه بالبركة
بس غالبية الشعب السوداني بقى ماشي كدا
وبى كدا في حاجة واحدة بتعصمهم قول الحمد لله
الله يكون في عون الشعب السوداني الفضل
|
Post: #9
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-14-2007, 11:31 AM
Parent: #2
| Quote: داير لى حق مواصلات |
أنا زاتي
فرح
ازيك شنو مختفي كدا
ولا اللقى احبابو نسى اصحابو
|
Post: #3
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: بدرالدين شنا
Date: 04-14-2007, 10:16 AM
Parent: #1
إنعام إنتي عايزة مني قروش مش كدا؟؟؟
أنا ما متأكد إنتي ولا آآآآآه .. لا والله دي ما إنتي
والله مشتاقيين
|
Post: #10
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-14-2007, 11:41 AM
Parent: #3
بدر الدين شنا
ازيك
Quote: لا والله دي ما إنتي
|
هسه في داعي يعني تخليني أقول مسكين البدأ يأمل
ليك وحشة والله
|
Post: #6
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: عاصم ابوبكر حامد
Date: 04-14-2007, 10:54 AM
Parent: #1
الاخت انعام بنت حفيظ
لكى تحياتى
والله موضوع الفلس شئ محير جدا
انا الايامات دى ما بطال
لكن فئ شوية مشاكل فى الشغل
لكن مرحلة الانتحار ما بصلها
|
Post: #14
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-14-2007, 12:42 PM
Parent: #6
Quote: والله موضوع الفلس شئ محير جدا
|
عاصم
فعلاً محير لكن المحيرني أكتر إنو السودانيين ديل
عندهم صبر على الإبتلاءات صبر يحيّر عديل كدا
ولولا الإيمان العندهم لكانو في خبر كان
|
Post: #7
Title: وناسا عايشي علي الماهية من يوم خمسة الجيب إتقمح
Author: ملكة سبأ
Date: 04-14-2007, 11:15 AM
Parent: #1
إنو تعوم عكس التيار انت براك البدري إخترت
ليه ياقلبي تنوح تتبكي وتندب حظك ليل ونهار
لمن قمت ورحت البندر كنت تظن الحال اتصلح
كنت بتحلم بي مستقبل فيه ابواب الخير تتفتح
إلا لقيت الواقع أمر وزينا ناس تعبانة وتكدح
وناسا عايشي معيشتا راقيي بي تلفونها بتخسر وتربح
وناسا عايشي علي الماهية من يوم خمسة الجيب إتقمح
وناسا عايشي علي خلق الله يمن شحدي ويمن تلفح
غايتو الحالة معادلة صعبة كأنوا الناس عايشين في مسرح
وانت براك البدري إخترت
***
عندي سؤال بالجد حيرني ونشف ريقي وراه نشاف
ليل ونهار شاغل تفكيري لما بقيت انا منو أخاف
حال الزول القالو موظف وراتبو الشهري شوية آلاف
لو عديت مصروفو الشهري أكيد تلقاه أضعاف أضعاف
حلو معاي المسألة دية وساعدو معاي العم الزين
زول محمول وعندو اطفال شان ماياكلو يجيب من وين
يســرق .. ينهــب .. يشـــحد
والله كمان يغرق في الدينعندو محمد واحمد وسارة وخمسة اطفال فوقن تومين
لازم يقروا وياكلوا كويس لازما يلبسوا لبسا زين
قولوا معاي يسوي شنو شان مايعيش هو يجيب وين
عم الزين يعلمبوا الباري ديمة عليهو الجوف محروق
كان في الماضي ركازة الحلة وياهو البربط للمطلوق
هسع وين ياحليلو التايه ودر واصبح جنو كلام
يصرف عربي مبالغ فيه وناس الحي سمو النضام
مرات يضحك لامن تشفق ومرات يبكي بكا الايتام
عنده عبارة تملي يقولا أوعك تحسبا بالارقام
تتعب نفسك بي تضريبا واخر حاجة تجيك أوهام
انت براك البدري اخترت
بعد الشفتو براك ياقلبي أخيرلك ترجع منك وليك
خلي وظيفة المكتب طايري لا لا قسم مالايقي عليك
عود من تاني وازرع أرض مابتخضر إلا بيديك
عــــزة نفسك
فـــــــــــــي
واطــــــاتـــك
جـــم نخـــلاتك
وبين والديـــــك
|
Post: #8
Title: Re: وناسا عايشي علي الماهية من يوم خمسة الجيب إتقمح
Author: ملكة سبأ
Date: 04-14-2007, 11:25 AM
Parent: #7
سلامات انعام
اها أوعك تحسبيها بالارقام
تتعب نفسك بي تضريبا واخر حاجة تجيك أوهام
|
Post: #20
Title: Re: وناسا عايشي علي الماهية من يوم خمسة الجيب إتقمح
Author: انعام عبد الحفيظ
Date: 04-15-2007, 09:40 AM
Parent: #8
Quote: اها أوعك تحسبيها بالارقام
تتعب نفسك بي تضريبا واخر حاجة تجيك أوهام |
ملكة سبأ
الأوهام حااااااااااااصلة
بس كمان الصبر موجود
الناس بترجع تستغفر
|
Post: #18
Title: Re: وناسا عايشي علي الماهية من يوم خمسة الجيب إتقمح
Author: انعام عبد الحفيظ
Date: 04-15-2007, 08:23 AM
Parent: #7
Quote: بعد الشفتو براك ياقلبي أخيرلك ترجع منك وليك
خلي وظيفة المكتب طايري لا لا قسم مالايقي عليك
عود من تاني وازرع أرض مابتخضر إلا بيديك
عــــزة نفسك
فـــــــــــــي
واطــــــاتـــك
جـــم نخـــلاتك
وبين والديـــــك |
يعني يا ملكة سبأ هسه نشيل طوريتنا
ونرجع البلد ولا شنو المعنى؟
|
Post: #11
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: معتصم الطاهر
Date: 04-14-2007, 11:44 AM
Parent: #1
| Quote: ويارب ما يجي يوم وألقى نفسي بتكلّم براااااااااااااى |
اسع بتتكلمى مع منو .. ؟
إلا ألقاك فى صينية
متاكاة
يا ستى ولا يهمك
انتو الزيّكم البركة بتشيلكم
على الأقل بى بياض النية الفيكم ...
|
Post: #21
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-15-2007, 10:09 AM
Parent: #11
Quote: اسع بتتكلمى مع منو .. ؟
إلا ألقاك فى صينية
|
معتصم الطاهر
سويتني خلاص جنيت
الحمد لله حتى الآن ما حجزت صينية
|
Post: #15
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: سمرية
Date: 04-14-2007, 01:36 PM
Parent: #1
نعومي ...
جات سليمة ( الصبغة كانت مدتها منتهية) !!
|
Post: #16
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: مصطفي سري
Date: 04-14-2007, 05:58 PM
Parent: #15
يا دفعة ، قبلتي علي موضوع الفلس
وكمان بتتحيري وتسالي ،طيب انت حسع ما بتتكلمي براك
اسالي فرح ، بالمناسبة هو من زمان بسال ويشحت حق المواصلات
وجند صديقا ليهو اسمو عوض الله تسهيلا لجمع المال
|
Post: #25
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-15-2007, 02:34 PM
Parent: #16
هوووووووووووى يا مصطفى سري شنو كل مره يادفعة
انا كمان دفعتك وين هسه بكلم ليك الجماعة
Quote:
اسالي فرح ، بالمناسبة هو من زمان بسال ويشحت حق المواصلات |
فرح دا اليومين ديل مافاضي لينا معاهو جماعتو
ما تسألني جماعتو منو عشان ما اقول ليك (شفيق يا رااااااااااجل)
يا مصطفى يعني تاني ما اتصلت!!!
مفلس ولا شنو؟ بس اوعى من الإنتحار
|
Post: #24
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-15-2007, 10:38 AM
Parent: #15
| Quote: جات سليمة ( الصبغة كانت مدتها منتهية) !! |
سمرية
نحنا ما سويناها في حاجات أهم من الفلوس
الإنتحار هو فعلاً طريق العاجز
وما دام عندنا إيمان بربنا وقضيتنا في الحياة
وفلسفتنا في معنى أن نعيش فبالتأكيد ح يكون في أمل في الحياة
تخريمة:
مشتاقين ياخ
|
Post: #26
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: عماد محمود علي
Date: 04-15-2007, 02:53 PM
Parent: #24
إنعام كيفنك
غايتو والله ماشه بالبركة ساااااااكت ، الواحد من نصف الشهر تلاقيهو بتلفت ذي مروحة التربيزة ، يعاين يمين وشمال ، غايتو إنت يا نعومة كده بياض النية عندك بيمشيك إن شاء الله ، بس لو ما عائزه تفلسي إقرأئي سورة الواقعة كل يوم بعد صلاة الصبح ، أها أديناك الحل نشوفيك بتحليها ولا لا .. فتك بعافية يا مفلسة .... غايتو طمئنيني عليك . 
|
Post: #34
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-17-2007, 04:09 PM
Parent: #26
| Quote: بس لو ما عائزه تفلسي إقرأئي سورة الواقعة كل يوم بعد صلاة الصبح |
عماد العزيز
طبعاً ح أمشي أعمل بوصيتك دي
|
Post: #17
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: abubakr
Date: 04-14-2007, 06:34 PM
Parent: #1
قصدك الكانو باقيين من الملايين ؟ مش؟
|
Post: #27
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-16-2007, 12:56 PM
Parent: #17
| Quote: قصدك الكانو باقيين من الملايين ؟ مش؟ |
ابوبكر العزيز
هم لو قعدنا نحصيهم ونعدهم
ح نلقاهم أكتر من كدا بكتير
ربنا يهّون على الناس جميعاً
|
Post: #19
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: ماجدة عوض خوجلى
Date: 04-15-2007, 09:22 AM
Parent: #1
نعومى كيفيك
الحمدلله انا بس فايته الانتحرو ديل بالصبر
تحياتى
|
Post: #22
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: Muna Khugali
Date: 04-15-2007, 10:27 AM
Parent: #19
الله يخلي لينا حيط لندن فيها مكنات بتسد الرمق!
لكن برضه يا نعومتي بما انه الاشياء نسبيه..
فأنا أسه ماعارافاني انتحرت ولا لسه!
|
Post: #28
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: مصطفي سري
Date: 04-17-2007, 01:07 AM
Parent: #22
يا دفعة ليه بتزعلي من حكاية الدفعة ، طيب الدفعة الوراي
كيف ، انا ما اتصلت مش لاني مفلس والحمدلله ، لكن لاني
عندي قروش كتيرة ما عارف اعمل بيها شنو ، هل يمكن للعندو قروش يدخل ضمن
نقابة المنتحرين ، اسالوا الاستاذ السني اول عضو في تلك النقابة
قبل حلها في يونيو 1989 والسبب كانت محاولة من الجماعة اعادة
تشكيلها وعندما علموا ان ليس بها فلوس خلوها ساكت ، المهم يا الدفعة
الواري انت وعدت بالاتصال وانا في الانتظار ، ولو سمحت ارسلي
الهاتف الي فرح ، ابقي عافية ، وفلس صاح
|
Post: #42
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-23-2007, 12:42 PM
Parent: #28
Quote: المهم يا الدفعة
الواري انت وعدت بالاتصال وانا في الانتظار ، ولو سمحت ارسلي
الهاتف الي فرح ، ابقي عافية ، وفلس صاح |
الله يجازي محنك يا مصطفى سري
دا آخر كلامك معاي
بس الفيك اتعرفت
|
Post: #36
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-19-2007, 04:39 PM
Parent: #22
Quote: الله يخلي لينا حيط لندن فيها مكنات بتسد الرمق!
لكن برضه يا نعومتي بما انه الاشياء نسبيه..
فأنا أسه ماعارافاني انتحرت ولا لسه! |
عارفه يا منوية
اكتر حاجة بتعجبني فيك انك بتستطعمي الحياة
يعني بتحاولي تعيشيها صاح حلوها ومرها
وعندك ملكة صبر وكظم غيظ حلوة
خليك على كدا لأنو أكيد انتي كسبانة
وما شرط تكسبي فلوس حب الناس دا أكبر مكسب
|
Post: #35
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-19-2007, 04:34 PM
Parent: #19
Quote: الحمدلله انا بس فايته الانتحرو ديل بالصبر
|
والصبر يا ماجدة نعمة كبيرة الكثيرون لا يدرون قيمتها
|
Post: #23
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: نهال كرار
Date: 04-15-2007, 10:35 AM
Parent: #1
سلامات يا انعام
الشعب السوداني كله مفلس
عايش على البركة ساي زي ما قلتي
لو ما حرمة الإنتحار ماسكة ناس كتار منه , كان السودان دا فضى من زماان
ربنا يعين الجميع
|
Post: #29
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: حسين يوسف احمد
Date: 04-17-2007, 01:56 AM
إنعـام ..
تحياتي وتقديري ...
معنى كلامك أفضل أمشي أتفقد
صديقنا جمـال ...
الاسبوع الفت مشينا ليهو زيارة
على الغداء وخربنا الميزانية ...
أصلو كريم جدا جدا جدا ...
والعجب هنـو ...
يا رب أحفظهم ...
كيفنـك ؟؟؟
|
Post: #30
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: غادة عبدالعزيز خالد
Date: 04-17-2007, 02:31 AM
Parent: #29
الأخت الحبيبة
إنعام..
و الله أنا قلت حأخلص الماجستير
و امسك فى الشغل طوااالى..
لحدى اللحظة دى مافى حاجة ظهرت..
احسبونا معاكم
...
حتى يقضى الله امرا كان مفعولا
كل الحب
غادة
|
Post: #31
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: عواطف ادريس اسماعيل
Date: 04-17-2007, 05:39 AM
Parent: #30
نعوم!!!
يعني شنو ؟؟
نلحق بالركب دة عشان الموت مع الجماعة عرس ولا أيه رايك ؟ غايتو البوست دة بزيد عدد المنتحرين إلا
إذا شلت ليك سلفية 5 مليون دولار ووزعتيها على أعضاء المنبر ,,, معزتي .
|
Post: #32
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: salma subhi
Date: 04-17-2007, 05:57 AM
Parent: #31
مدام الله موجود كل شي موجود باذن الله...
ومن يتق الله يجعل له مخرجا ويرزقه من حيث لا يحتسب
لو ما عملنا بي دي رحنا فيها
مودتي انعام....
|
Post: #46
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-26-2007, 08:02 AM
Parent: #32
Quote: مدام الله موجود كل شي موجود باذن الله...
ومن يتق الله يجعل له مخرجا ويرزقه من حيث لا يحتسب
لو ما عملنا بي دي رحنا فيها
|
يا سلام يا سلمى
كلام عين العقل لو كلنا عملنا بالكلام دا ما بتجينا عوجة
بس في ناس مرات بتتجرّّس وايمانها بضعف
قاتل الله الفلس
|
Post: #41
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-23-2007, 11:34 AM
Parent: #31
| Quote: إلا إذا شلت ليك سلفية 5 مليون دولار ووزعتيها على أعضاء المنبر ,,, |
معاك في موضوع السلفية
بس يا عواطف ما وريتيني اشيلها من وين
|
Post: #44
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: عواطف ادريس اسماعيل
Date: 04-26-2007, 07:11 AM
Parent: #41
نعوم !!!
صباح الخير,,,
معليش كنت مسافرة ,, بس السلفية ممكن تاخديها من بنك الفقراء بتاع محمد يونس من بنجلاديش الفاز
بجائزة نوبل ,,, فقراء السودان ليهم الله وعيشة السوق ,,
|
Post: #49
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-26-2007, 11:55 AM
Parent: #44
| Quote: فقراء السودان ليهم الله وعيشة السوق ,, |
الله كريم عليهم يا عواطف
ربنا لا ينسى عباده
|
Post: #43
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-23-2007, 12:52 PM
Parent: #30
Quote: حتى يقضى الله امرا كان مفعولا
|
غادة العزيزة
بسسسسسسسسسسس عليك نور
خلي ايمانك قوي بالله
كل شي مقدر من الله
بس نحنا كيف ننظر للمال وكيف نقيمو
وكيف ندينهو حقو من الإهتمام
وهل هو وسيلة ام غاية؟
|
Post: #40
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-22-2007, 01:29 PM
Parent: #29
Quote: معنى كلامك أفضل أمشي أتفقد
صديقنا جمـال ...
الاسبوع الفت مشينا ليهو زيارة
على الغداء وخربنا الميزانية ...
أصلو كريم جدا جدا جدا ...
والعجب هنـو ...
يا رب أحفظهم ...
|
حسين
ما بتجيهم عوجة لانو جمال زي ما قلت كريم جداً
ربنا بيزيدوا كمان وكمان
|
Post: #39
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-22-2007, 12:57 PM
Quote: الشعب السوداني كله مفلس
عايش على البركة ساي زي ما قلتي
لو ما حرمة الإنتحار ماسكة ناس كتار منه , كان السودان دا فضى من زماان
ربنا يعين الجميع |
نهال
سلامات
ربك بيستر على عبادوا وهي مرات تضيق عليهم
لكن الفرج بيكون اقرب اليهم مما يتخيلوا
هنالك بيت شعر يقول
ضاقت حلقاتها ولما استحكمت فرجت وكنت اظنها لاتفرج
طبعا المتضايقين والمتشائمين بيقولوا
ضاقت حلقاتها ولما استحكمت ضاقت تاني
|
Post: #48
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: محمد المختار الزيادى
Date: 04-26-2007, 08:30 AM
Parent: #39
(ابو النوم)ودي فرصة حلوة نعرفكم بصديق ملازمنا وملازمكم طوالي,زمان في مدرسة المؤتمر سألنا استاذ العربي عن ما هو ابو النوم وكان استاذ ظريف جدا كنا نتشوق لمحاضرته لانو كان بدينا ادب وطبعا الزمن داك كنا بنحب ليك الغزل ومحاضرتو وكده لعامل السن انذاك وامكانية الاستاذ في الشرح وكده,المهم ابو النوم صاحبنا طلع الخيط الذي يوجد في الجيب وما اكثرك يا ابو النوم في السودان
|
Post: #50
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-26-2007, 12:12 PM
Parent: #48
غايتو يا محمد مختار ضحكت لما اتشرقت من ابو النوم دي
انشاء الله يكون ابو الصحيان ياخ
|
Post: #33
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: امير عوض الجمري
Date: 04-17-2007, 07:17 AM
Parent: #1
Quote: فعلاً الناس حسبت دخلها في الشهر
مع منصرفاتها فيه ما ح يكون في توافق!!! |
جمال حسن سعيد اتفرحخ ليها في ا
وختاها كيمان كيمان
وكل ما يحسب ليهو ديانين يلقى نفسو نسى ليها ديانيناً تانيين
ويقول (لالالالا ما لافقة) .. وفي النهاية يجي الهواء يطيرم منو وللا
يجي واحديختفم .. وفي ناس تانيين لمن يقعدوا يحسبوها ويوزعوها على الديانة
وما تلفق يقوموا يقرروا ما يدوا ولا واحد من الديانة والديون تتراكم والموبايلات
تتغير او ما يردوا عليها ويمشوا يطلّعوا دفتر شيكات ويكتبوا شيكات طائرة والبلاغات
تتفتح واوامر القبض تطلع والعساكر يشتغلوا وطبعا لازم تغمت للعسكري عشان يمشي معاك
ويقبض ليك على الاداك الشيك الطائر والسجون تتملي والمساومات تبدأ والتسويات تدوّر
(والمال تلتو ولا كتلتو) .. وبي كده يمشو شهور وشهور وتكون الحياة ماشة (والله كريم)..
| Quote: ويارب ما يجي يوم وألقى نفسي بتكلّم براااااااااااااى |
هي عاين دي هي قايلة نفسها لسة ما قاعدة تتكلم براها..
طبعا المصيبة انو الزول البتكلم براهو ما بكون عارف نفسو بتكلم براهو.
| Quote: طبعاً ربنا كريم والناس ماشية بالبركة وقول الحمد لله |
ايوااااااااااا اهو ده الكلام
|
Post: #37
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: Abdulbagi Mohammed
Date: 04-20-2007, 08:38 AM
Parent: #33
إنعام سلام
قلتي شنو؟؟ أنتحر؟؟
الإنتحار حرام بودي النار عديييييل
لكن القتل و خاصة لم تقتل زولاً قلع حقك ومتفشخربو
يمكن يكون في خيار غير النار .. طالما بقي بالحق
يعني أي زول مفلس يشهر سيفوا اقصد سلاحو على النهبوا حقوا
و يا أخوانا بطلوا السلبية و ندب الحظ..
يعني اللقفوه ناس الجاز و اخوان الرئيس....... و اللستة طويلة
ده رزقهم؟؟.. ونسكت ننتحر؟
لازم أدخل شوية مناحة قبل الإنتحار
لكي يا ستي
عنق الوردة الغير نازفة
و كذلك ودي
|
Post: #38
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: Gazaloat
Date: 04-20-2007, 06:40 PM
Parent: #37
الحمد لله. انا ولا منهم ولا حاجة. انا اصلى من الله خلقنى ولامشيت معاهم ولاباريتهم ولابعرف محلهم بى وين وهو زاتو ماكلمنى ولاحاجة بس فجأة قام مات. ليه... واللهى ماعارف. لكين بسأل ليك بتول. هى غالبا بتكون عارفة. لكين هى كمان غتيتة. مابتتكلم. على اى حال ماتشيلو هم. الحلاق هسع بفتح. ندقق الدقيق ونقلب اهلنا .
ياخ ما القى عندك (حتة جنيه).
http://www.alltomtv.se/images/smilies/14-07.gif
كدا كيف!!؟؟
|
Post: #56
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-28-2007, 12:44 PM
Parent: #38
Quote: الحمد لله. انا ولا منهم ولا حاجة. انا اصلى من الله خلقنى ولامشيت معاهم ولاباريتهم ولابعرف محلهم بى وين وهو زاتو ماكلمنى ولاحاجة بس فجأة قام مات. ليه... واللهى ماعارف. لكين بسأل ليك بتول. هى غالبا بتكون عارفة. لكين هى كمان غتيتة. مابتتكلم. على اى حال ماتشيلو هم. الحلاق هسع بفتح. ندقق الدقيق ونقلب اهلنا .
|
عبد المنعم
الجن بداوى كعب الإندراوة
حالتك كويسه برضو أخير من الناس الإنتحروا ديل
Quote: ياخ ما القى عندك (حتة جنيه).
|
لا ما عندي عليك الله لما تلقى الجنية أقسم لي معاك
|
Post: #54
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-26-2007, 12:43 PM
Parent: #37
Quote: لازم أدخل شوية مناحة قبل الإنتحار
|
عبد الباقي يا صديقي
مناحتك لكن عينة
تنفع منّّاح عديل كدا
يا سيدي الرزق دا من الله
ما من العباد
بس السرقة من العباد
وسارقين قوت الشعب ليهم يوم
|
Post: #53
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-26-2007, 12:29 PM
Parent: #33
Quote: وفي ناس تانيين لمن يقعدوا يحسبوها ويوزعوها على الديانة
وما تلفق يقوموا يقرروا ما يدوا ولا واحد من الديانة والديون تتراكم والموبايلات
تتغير او ما يردوا عليها ويمشوا يطلّعوا دفتر شيكات ويكتبوا شيكات طائرة والبلاغات
تتفتح واوامر القبض تطلع والعساكر يشتغلوا وطبعا لازم تغمت للعسكري عشان يمشي معاك
ويقبض ليك على الاداك الشيك الطائر والسجون تتملي والمساومات تبدأ والتسويات تدوّر
(والمال تلتو ولا كتلتو) .. وبي كده يمشو شهور وشهور وتكون الحياة ماشة (والله كريم).. |
امير الجمري
بالله بعيد بعيد من زي ديل
مالك علينا خليتنا ننطط عيونا ياخ
تسلم يا امير وربنا يغطي علينا كلنا
|
Post: #45
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: محمد المختار الزيادى
Date: 04-26-2007, 07:45 AM
Parent: #1
قاعد قاعد,لكين لو ما لحقتونا بي حبة قريشات كده ما بتلقونا ولو بعيدين شويه حولولها لي رصيد عند موباتيل واريبا وسوداني وكلها ادوني ليها هدايا ,في انتظاركم
|
Post: #55
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-28-2007, 10:32 AM
Parent: #45
| Quote: قاعد قاعد,لكين لو ما لحقتونا بي حبة قريشات كده ما بتلقونا ولو بعيدين شويه حولولها لي رصيد عند موباتيل واريبا وسوداني وكلها ادوني ليها هدايا ,في انتظاركم |
محمد مختار
الله يفكها زنقتك دي
انتظر مني رصيد على موبيتل
|
Post: #47
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: معتصم دفع الله
Date: 04-26-2007, 08:11 AM
Parent: #1
انعام سلااااام ..
لسه الناس ديل ما بقوا مائة 
|
Post: #57
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-29-2007, 07:31 AM
Parent: #47
Quote: لسه الناس ديل ما بقوا مائة
|
معتصم
في داعي يعني تشرّد الناس من البوست دا
بيك انت حصلنا 87 رأيك شنو؟
|
Post: #51
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: فدوى الشريف
Date: 04-26-2007, 12:19 PM
Parent: #1
ربنا كريم
وكلو مكتوب ومقدر
|
Post: #60
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-29-2007, 09:21 AM
Parent: #51
Quote: ربنا كريم
وكلو مكتوب ومقدر |
فدوى الشريف زارتنا البركة
شكراً لوجودك هنا
|
Post: #52
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: معتصم الطاهر
Date: 04-26-2007, 12:27 PM
Parent: #1
| Quote: الناس حياتها مستمره وعايشه بالبركة |
تعرفى يا نعومة
البركة دى أحسن تعريف ليها قالو خفير فى نسيج الصداقة
(أن الكلاب تلد فى السنة حولى 10 - 20 جروا ... ومع ذلك عدد الكلاب ( الحيوانات) فى تنافص ..
و أن الخراف تلد فى السنة حملا واحد و تذبح فى المناسبات والأضاحى ورغم ذلك أعدادها قى تزايد ..)
اها دى البركة
أديك مثال تانى ...
أنت قليلا ما تكتبين ... ومع ذلك محبيك فى تزايد ... أها دى بركة ..
|
Post: #58
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: عماد محمود علي
Date: 04-29-2007, 07:57 AM
Parent: #52
إنعــام
صباحاتك نور ، ،،،،،،
| Quote: أنت قليلا ما تكتبين ... ومع ذلك محبيك فى تزايد ... أها دى بركة .. |
يسلم فمك يا معتصم الطاهر ،، ، بركاتك يا رب .....
مــودتـــــي ..
|
Post: #59
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: ابوحراز
Date: 04-29-2007, 08:05 AM
Parent: #52
لدينا مدير ساخر بالمرحلة الابتدائية
كنا جميعاً بنكره هذا المدير لدرجة ماتتصوريها
لأنو كان عابس ومتجهم ومابيضحك نهائي الا في آخر الشهر !!!!!!!
يعني يوم يستلم الماهية بيضحك
لكن بعديها الرماد كال حماد
المهم الواحد لو عاوز يستأذن
أو يغيب لازم يغيب آخر الشهر
هذا المدير الله يطراه بالخير كان يقرصنا في مناطق عجيبة جداً
فنقول عندما نذهب عنه { انه يعبث بأشيائنا الخاصة } عديل بقرص في { الشطر }
عشان كده أنا كنت مستغرب ليه القروش بيسموهن { الضحاكات }
زارني والدي مرة بالثانوي في الداخلية
وكان كل مايزورني أتمارض لزوم استدرار العطف وزيادة المصاريف
مرة أتيته { أضلع وأتوكأ على عصاة } لأننا كنا ننوي القيام برحلة
فأعطاني مصاريفي العادية
وبعدها نظر لي وأعطاني مثلها وقال لي : هذه لزوم العصاية وعشان تمشي عديل ياولدي
|
Post: #62
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 05-01-2007, 08:36 AM
Parent: #59
Quote: لدينا مدير ساخر بالمرحلة الابتدائية
كنا جميعاً بنكره هذا المدير لدرجة ماتتصوريها
لأنو كان عابس ومتجهم ومابيضحك نهائي الا في آخر الشهر !!!!!!!
يعني يوم يستلم الماهية بيضحك
|
اها يا ابو حراز
اليوم أول الشهر
الناس كلها بتكون عاملة كدا
بس بعد كم يوم أجارك الله يكونوا
قسموها لبتاع الدكان واللبن والفرن وووووووو
الله يعينهم
|
Post: #61
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 04-30-2007, 01:50 PM
Parent: #52
يامعتصم
اها الليلة بيك زارتنا البركة
ربنا كريم والصبر دايما مفتاح الفرج
|
Post: #63
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: مصطفي سري
Date: 05-01-2007, 03:09 PM
Parent: #61
يا دفعة ازيك ، رضيت ام ابيتي دفعتي وسجلات الجامعة موجودة
والله من دخلت البوست دة المرتب ما وصلني وهنا الايجار ما تدفعوا المحكمة
طوالي عليك الله شيلي البوست عشان ما يرسلوا لي مرتبي وبعدها رجعيهو
انشاء الله السنة كلها ، شفتي اتجرست قدر شنو ولو اتاخرت الماهية
اكتر تلقيني نفذت وابقي رقم مائة وواحد
|
Post: #64
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: doma
Date: 05-01-2007, 06:08 PM
Parent: #63
انا محبطه وفلسانه ضربت لاختي عايزه استدين منها 100 دولار قبل افتح خشمي
بدت تحكي لي عن الامور الخربانه لما الكرت كمل والنوم طار من عيني
|
Post: #68
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 05-03-2007, 09:04 AM
Parent: #64
Quote: انا محبطه وفلسانه ضربت لاختي عايزه استدين منها 100 دولار قبل افتح خشمي
بدت تحكي لي عن الامور الخربانه لما الكرت كمل والنوم طار من عيني |
يعني هسه عليك الله يا خالة دوما في داعي تقطعي قلبي كدا؟
هسه انا ابقى ليك جعلية وارسل ليك المية دولار
تخريمة:
ياخي انتي لذيذه شديد
|
Post: #65
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 05-02-2007, 09:54 AM
Parent: #63
Quote: يا دفعة ازيك ، رضيت ام ابيتي دفعتي وسجلات الجامعة موجودة
|
السجلات ياتا يا مصطفى سري؟
ما زمان اتحرقت في 96 في الحريقة المشهورة بالجامعة
وبقى مافيش مستندات رسمية
Quote: والله من دخلت البوست دة المرتب ما وصلني وهنا الايجار ما تدفعوا المحكمة
طوالي عليك الله شيلي البوست عشان ما يرسلوا لي مرتبي وبعدها رجعيهو
انشاء الله السنة كلها |
تقصد شنو ماعرفت!!!!
بطّل حركات يا سري وإلا ح يرجعوك من هناك
Quote: شفتي اتجرست قدر شنو ولو اتاخرت الماهية
اكتر تلقيني نفذت وابقي رقم مائة وواحد |
متجرّس شديد عشان كدا انت براك بتعمل 200 مفلس
|
Post: #66
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: معتصم دفع الله
Date: 05-02-2007, 10:10 AM
Parent: #1
Quote: في داعي يعني تشرّد الناس من البوست دا
بيك انت حصلنا 87 رأيك شنو؟ |
خلاس قبلتو عليّ يا انعام ؟؟
ممكن تسلفيني مائة دورااار بس ما تكلمي زوووول 
|
Post: #67
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: مصطفي سري
Date: 05-02-2007, 01:25 PM
Parent: #66
نعومة دفعتي ، انت الوش الضاحك بتعملو كيف والله قدر ما حاولت ما قدرت لمن
الكمبيوتر قرب يطرشق من الضحك ، اها قلتي اتحرقت يعني دفاعاتي ناس نوال
جحا واميمة حسنين وطرزان ممكن يجو يكضبو ويقولو ما دفعتي ، الفيك اتعرفت
شايف خبر القبض علي احمد هارون وكوشيب ، كان هم مفلسين اخير ليهم اعلانك
ويبقو مائة واثنين وبعد داك زول يمسك العدد لان البشير سال اين هو سقف
المدعي العام للمحكمة ، ويا دفعة ديل ما عندهم مغالتطات
سلامي لاولاد الدفعة حتي العثور علي ملفات الجامعة او كتابة واحدة تانية
والاتية اسماءهم هم من دفعتي ، قلتي شنو ما داعي اوكي
|
Post: #72
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 05-03-2007, 11:05 AM
Parent: #67
Quote: نعومة دفعتي ، انت الوش الضاحك بتعملو كيف والله قدر ما حاولت ما قدرت لمن
الكمبيوتر قرب يطرشق من الضحك |
تدفع كم لدفعتك المفلسة دي وهي ح تعلمك؟
Quote: اها قلتي اتحرقت يعني دفاعاتي ناس نوال
جحا واميمة حسنين وطرزان ممكن يجو يكضبو ويقولو ما دفعتي ، الفيك اتعرفت
|
يا سلام على الناس الحلوين والزمن الجميل
لكن يا مصطفى ديل كلهم ما دفعتي انا
شوف ديل دفعة منو بالضبط
|
Post: #71
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 05-03-2007, 10:36 AM
Parent: #66
Quote: خلاس قبلتو عليّ يا انعام ؟؟
ممكن تسلفيني مائة دورااار بس ما تكلمي زوووول |
يا ريت يا معتصم هسه سلفت خالة دوما الـ 100 دولار العندي
بس ممكن افتح بوست اسأل ليك الناس الممكن يسلفك منو
(عشان تشوف شيل الحال للنهاية)
عارف في ناس بيسلفوك ويشيلوا حالك
بس من زي الناس ديل اعمل حسابك
|
Post: #69
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: walid taha
Date: 05-03-2007, 10:01 AM
Parent: #1
العزيزة إنعام
يقول المثل الإنجليزى : صُنعت النقود مستديرة لكى تسير
تخريمة:
الحاجة الغريبة الماقادر افهمها انو الواحد لمن يكون ما عندو قروش بقولو ليهو (مُفلِّس)
فى نفس الوقت العندو قروش بقولو ليهو (مُقِّرش)
رغم انا الفلوس هى القروش !!!!
مُش غريبة بالله؟!!!
دمتى،،
|
Post: #74
Title: اها هسه انت طمنّا عليك حالتك كيف؟
Author: انعام عبد الحفيظ
Date: 05-05-2007, 10:12 AM
Parent: #69
وليد طه
Quote: يقول المثل الإنجليزى : صُنعت النقود مستديرة لكى تسير
|
هي فعلا مستديرة وبيني وبينك أغلب الأوقات بتدينا الوش التاني وش الفلس
Quote: الحاجة الغريبة الماقادر افهمها انو الواحد لمن يكون ما عندو قروش بقولو ليهو (مُفلِّس)
فى نفس الوقت العندو قروش بقولو ليهو (مُقِّرش)
رغم انا الفلوس هى القروش !!!!
مُش غريبة بالله؟!!!
|
غريبة وبس!!!!
اها هسه انت طمنّا عليك حالتك كيف؟
|
Post: #70
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: ماجدة عوض خوجلى
Date: 05-03-2007, 10:24 AM
Parent: #1
نعومى حبيبة كيفيك
انا غايتو لو استمر الحال كما هو انتى حوالى تتطمنى على
نعومى ماتمسكى الزول الساكن فى الموبايل بتاعك والله لمن بقيت اخجل
انا لى تلاته يوم بتصل بيك وبيرد على واحد تانى وطبعا بقوم اعتذر
ليه لكن هو فى النهاية وصل الى انى بشاغل فيه وانو الاوراق اتكشفت
والاكتر من كده قال مسلطنى عليه العوقة بدرالدين وقدر ماحاولت اقول
ليه انى متصله فعلا غلط مااقتنع .
اسمحى اى نعومى
Quote: الحاجة الغريبة الماقادر افهمها انو الواحد لمن يكون ما عندو قروش بقولو ليهو (مُفلِّس)
فى نفس الوقت العندو قروش بقولو ليهو (مُقِّرش)
رغم انا الفلوس هى القروش !!!!
مُش غريبة بالله؟!!! |
انا اوريك ليه لانو النقطة الناقصة فى كلمة فلوس (ف ) القروش (ق ) + التلات نقاط الناقصة فلوس (س )قروش (ش )
وطبعا اى حاجه بتكون ناقضه بتكون مفلسه واى حاجه بتكون رايده بتكون مقرشة وبس
|
Post: #73
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: walid taha
Date: 05-03-2007, 11:40 AM
Parent: #70
أهليين ماجدة
Quote: انا اوريك ليه لانو النقطة الناقصة فى كلمة فلوس (ف ) القروش (ق ) + التلات نقاط الناقصة فلوس (س )قروش (ش )
وطبعا اى حاجه بتكون ناقضه بتكون مفلسه واى حاجه بتكون رايده بتكون مقرشة وبس |
يعنى بديت القى تفسير للحيرة دى
برجع ليك
كل الود،،،
|
Post: #75
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: انعام عبد الحفيظ
Date: 05-06-2007, 12:32 PM
Parent: #70
| Quote: انا غايتو لو استمر الحال كما هو انتى حوالى تتطمنى على |
حاااااااااااضر يا ماجدة
حالتك باين عليها صعبة خلاص
قولي يا فرّاج الهموم
|
Post: #76
Title: Re: آخر إحصائية إنتحار مائة مفلس (لو عايش/ة طمني/ني عليك)
Author: طارق جبريل
Date: 05-06-2007, 12:38 PM
Parent: #1
انعام سلامات
ياخي انا عايز لمدة يوم واحد ابقى زي اسامة داوود
وبعداك اليحصل ما مشكلة
نجن ننتحر ما فارقة
الوجوه الضاحكة دي عشان خاطر مصطفى سري
(ولد حلتنا ما ولد دفعتي)
|
|