Post: #1
Title: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلال !.
Author: شهاب الفاتح عثمان
Date: 01-24-2010, 00:48 AM
Parent: #0
رجعت قبل قليل من الاجتماع الاول لرابطه مشجعي المريخ المركزيه لعام 2010
من اجمل ما قيل ( جمال المريخ في جمال ,
انتصر المريخ ام انهزم الهلال ).
قالها د عمر خالد
الحفل كان بنمره اثنين بصاله النادي العائلي.
الحضور صفوه من كل فئات المجتمع وكما قيل مجموعه تستطيع ببساطه قياده حكومه :)
ابتدر الحفل السيد جمال الوالي بكلمات دبلوماسيه رائعه , واعلن بعدها ان هذا
العام في المريخ عام الانضباط , ومد يده لكل مجهود ولكل معارضه بنائه , ولكل فكر جليل وعمل.
بعده فاصل ترفيهي لاحد اعضاء همبريب الموسيقى , وبعده توالت الكلمات والافكار الرائعه منها ما ننشره هنا والكثير
ليس للنشر .. (:
مجموعه كبيره ومقدره تداولت المنصه فيهم الكاتب والاديب والمحب والعاشق وغيره من الثبات على
العشق والكيان وكم رائع هو بريق النجوم .. !
ممن تحدث الاستاذ عصام الحاج ود كتوره امل ابو , ولاعب المريخ السابق منتصر الزاكي ( زيكو ) ,
و الصحافه الاساتذه عبد المجيد عبدالرازق و اسماعيل حسن ومزمل ابوالقاسم الذي جاء متاخرا والقى كلمه ضافيه
من اهم بنودها فتح العضويه والمساهمه في الدعم المادي عبر خدمه الرصيد ,
وعدم تشجيع غير المريخ مهما كانت نتيجه المباراه.. ! .
ومن الفنانين القلع والفاتح قميحه الذي تحدث عن رحله اديس وتجهيزاتها وسائلته بعد
الحفل قال التكلفه في حدود الف ونصف وشامله التاشيره ورسوم المغادره , كما كان في الحضور
عابده الشيخ و عصام احمد نور.
وتحدث مهندس مقيم باوروبا عن مشروع اتصالات رائد نتحفظ على تفاصيله
, ومدير شركه تبرع بتكلفه نشيد شعار للمريخ , وطالب بالقصيد والفنانين ..
وافكار غيرها كثيره اثيرت اميزها دوري للفئات المختلفه مهندسين ومحامين وغيره
عباره عن حفل ثقافي لكل فئه وتبرع مادي وخلافه و شكل الوالي لجنه فوريه لمتابعه الفكره
واعلن عن تبرعه بكاس للفئه الفائزه.
ويوم صحي مجاني كخدمه مجتمعيه . وعياده دائمه للطب الرياضي للجميع وليس للمريخ فقط .
اختتم الحفل عضو مجلس الاداره قريش بتلخيص للافكار ووعد بدراسه المكتوب منها
ممن لم يجد حظه من المنصه .. والعمل بالتنسيق مع رابطه المريخ المركزيه التي ادارت الاجتماع باقتدار
وكرم واناقه . وحضور كثيف للاعلام والفضائيات .
تنظيم رائع وعشق متمادي ومحبين بينهم الكبير والصغير عمرا , وبينهم من خرج من المستشفى مريضا خصيصا
للعلاج بحب صفوه المريخ ودفء الحب الشعار .. ما اجملها من سهره واصدقه من حب ..
وهناك الكثير في الكواليس , راجع لكم يا صفوه (: ام هل بينكم غير سعيد !!.
د ِشهاب الفاتح عثمان
المريخ نبض قلب وقصيده ممتده وود .
|
Post: #2
Title: Re: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلا
Author: haroon diyab
Date: 01-24-2010, 06:09 AM
Parent: #1
وعاد شهاب
ليعود الجمال الاحمر الوهاج الينا
طولت الغيبة يالحبيب
لاشايفنك هنا...ولا بي هناك ...لعل المانع خير
وحقا......
جمال المريح في جمال
وباذن الله عام انتصارات وافراح مريخية دائمة .
مبروك للشقيقة وعقبال ليك
وتاني ماتعمل كده.....سنة كاملة يامفتري
مودتي التي تعرف
|
Post: #3
Title: Re: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلا
Author: على محمد على بشير
Date: 01-24-2010, 06:34 AM
Parent: #2
سلام عليك يا صفوه
وبالتوفيق انشاء الله
وبقران منك والله
لانها ليله ولا كل الليالى
جلستم فيها بمعية هذا الجمع الكريم من فطاحلة الاحمر الوهاج
|
Post: #4
Title: Re: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلا
Author: حمزاوي
Date: 01-24-2010, 06:44 AM
Parent: #3
المريخ عالم جميل
هيبة يا المريخ
هيبة يا النجمة
نحن في المريخ أخوة
نعشق النجمة ونهوى
المريخ ليس فريق نشجعه
بل عالم جميل
نعيش فيه ونعشقه
|
Post: #5
Title: Re: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلا
Author: عمران حسن صالح
Date: 01-24-2010, 07:19 AM
شهاب ، حمزاوي ، هارون ، علي بشير ..
( تدقوا وتعرضوا براكم ) ، ونظام شكَارته .....
اليشوف أحمركم المالي الصفحة ده يقول جبتو الما بنجاب ..
ليكم كم سنة لافين في الفاضي وتجي تقولو صفوه وخرابيط ..
| Quote: الحضور صفوه من كل فئات المجتمع وكما قيل مجموعه تستطيع ببساطه قياده حكومه :) |
دي قوية يا دكتور ، قلت لي حكومه !! أها النقول ليكـ عمرها ما كان عندنا حكومه من الصفوه ، يا كافي البلاء كانوا كلهم ( ؟؟!!)
|
Post: #6
Title: Re: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلا
Author: Shihab Hamadnala
Date: 01-24-2010, 10:49 AM
Parent: #5
الصفوة الراقى شهاب
الرائع أن ما تقوم به ادارة نادى المريخ العظيم من انجازات جعلنا نحن الصفوة نستمتع بعالم المريخ الجميل دونما حوجة للالتفات و الرد على الرجرجة و الدهماء
و ال جاى احلى
|
Post: #7
Title: Re: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلا
Author: أبوعبيدة محمد الأمين
Date: 01-24-2010, 11:23 AM
Parent: #5
زهرة وريحانة مريخاب سودانيزأولاين
أخونا د. شهاب
السلام عليكم ورحمة الله وبركاته
صادق الأمنيات للأحمر الوهاج في هذا العام بمزيد من الإنجازات والنجاحات
ونعمل هجمة مرتدة لأخونا عمران الصفيرابي ومن دقنو وفتلو
Quote: اليشوف فصاحتكم المالية الدنيا دي يقول جبتو الما بنجاب ..
ليكم كم سنة لافين في الفاضي وتجوا تقولوا أسياد اللين .. |
|
Post: #8
Title: Re: اجتماع رابطه مشجعي المريخ , عام الانضباط وجمال المريخ في جمال , انتصر المريخ ام انهزم الهلا
Author: مجدي عبدالرحيم فضل
Date: 01-24-2010, 12:27 PM
Parent: #7
د. شهاب عثمان
أفتقدناك كثيرا ياصاحب
وها أنت تأتينا من جديد كوكب به من الدرر مايضئ الكون بأجمل لون لون الفرح المريح
فالمريخ بكم عظيم ويجلي النظر ياصاحبي نتمني أن يكون الأنضباط شعار المرحلة ولنا موسم
زاهي كما نجمنا الزاهي نحن في المريخ أخوه نعشق النجم ونهوي بل أكثر من ذلك حضورك عشم باكر.
،،،،أبوقصي،،،،
|
|