Post: #1
Title: الجكه يعني شنو ؟؟؟ نحن في ورطة يا صديق الموج وعزاز!!!
Author: الرفاعي عبدالعاطي حجر
Date: 03-19-2009, 03:25 PM
قبل الانقاذ تشربون الشاي بالجكه؟
يعني آيه الجكه سؤال عربي مشروع ؟
والمصري يأول لي انتو عرفتو السكر إمتى ؟ انتو تمصو الشاي في الجكه
والمزيكة والاسئلة المسيخة السعودي والمصري واليمني وغايتو العولمة جات @@@
لحين العودة ومالا الجكة ؟
انا غايتو بعرف البانجقلي ...
...........................................حجر.
|
Post: #2
Title: Re: الجكه يعني شنو ؟؟؟ نحن في ورطة يا صديق الموج وعزاز!!!
Author: baha eassa
Date: 03-19-2009, 03:32 PM
Parent: #1
يا الرفاغي .. جكة بالرطانة شاي بدون سكر - خالي من حبة السكر
دي -
|
Post: #3
Title: Re: الجكه يعني شنو ؟؟؟ نحن في ورطة يا صديق الموج وعزاز!!!
Author: خالد عبد الله محمود
Date: 03-19-2009, 03:39 PM
Parent: #1
حجــر يا عمكـ
بالبلح يعني ...
* زمان أهلنا ( دناقلة يا رسول الله) كان بسموها الجكي سادة بس ما عارف دي رطانة و لا عربي و لا شنو ..
|
Post: #4
Title: Re: الجكه يعني شنو ؟؟؟ نحن في ورطة يا صديق الموج وعزاز!!!
Author: عزام حسن فرح
Date: 03-19-2009, 04:21 PM
Parent: #3
| Quote: قبل الانقاذ تشربون الشاي بالجكه؟ |
والله [ شحادين ] نِمرة إتنين ديل مُعزِبِننا ...
الأسد هاجِم على الفُقرا ...
الشيخ : أقرو يسن ... أقرو يسن
الأسد يقترِب ... ومُصِر إلحاحاً ...
الحُوار : يا شيخنا يسن دي ما حقو نساعِدا بِجكه
قول الوزير : بتشربو الشاي بِجكه ... يقصُد بعد بُلوغ الجُهد غايتِهِ
في المُكابسه لِلسُكر وصُفوفِهِ ...
ــــــــــــ
شحاد مِن بحري
مكان العمل : المحطة الوسطى
المقيل : سعد قِشرة
وكتين تَلَيِل : في خور شمبات وأصبح طينا
|
Post: #7
Title: Re: الجكه يعني شنو ؟؟؟ نحن في ورطة يا صديق الموج وعزاز!!!
Author: فيصل محمد خليل
Date: 03-19-2009, 05:03 PM
Parent: #5
اصلها جايا من كلمة جوكي بمعنى يمضق الشي
فودقمت الواو في الكاف فصارت جكة لسوبا
اقول قولي هذا و استغفرالله لي و لكم و قوموا لحاجاتكم
رواه الحاج خضر
|
Post: #6
Title: الجكه
Author: أسامه الكرور
Date: 03-19-2009, 05:02 PM
Parent: #1
سلامات ياالرفاعى
والله أنا كنت عايز أسأل السؤال ده.. لكن خفت يقولوا على ّ شحاد وكمان حنكوش؟؟؟
وأزيدك حنكشه... البنجقلى دا زاتو ماعرفتو !!!!!!!
___________________________
أسامه على
شحاد وحنكوش من رفاعه
مكان العمل : البنطون
|
Post: #8
Title: Re: الجكه
Author: AttaAli
Date: 03-19-2009, 06:00 PM
Parent: #6
معليش ياشباب
خارج الموضوع
خالد عبدالله محمود
كيفك
زمن,عارف شفت الصورة, راجعت الاسم والبروفايل ياخالد
طوالى اتذكرت ايام جميلة, كدى نشوف ذاكرتك كيف!
عطا عبدالوهاب طه
|
Post: #9
Title: Re: الجكه
Author: علاء الدين حيموره
Date: 03-19-2009, 06:09 PM
Parent: #8
Quote: معليش ياشباب
خارج الموضوع
خالد عبدالله محمود
كيفك
زمن,عارف شفت الصورة, راجعت الاسم والبروفايل ياخالد
طوالى اتذكرت ايام جميلة, كدى نشوف ذاكرتك كيف!
عطا عبدالوهاب طه |
واحدة من فؤائد الجكة ... انو اخونا عطا لاقى اخونا خالد
انا غايتو كنت بسمعهم لما يكون جاكين وبقولو كل شيء لله برضو كانو بقولو الجكة دي لله
|
Post: #10
Title: Re: الجكه
Author: قيقراوي
Date: 03-19-2009, 10:38 PM
Parent: #9
| Quote: وأزيدك حنكشه... البنجقلى دا زاتو ماعرفتو !!!!!!! |
بالبلح يا عمك
و في رواية ضعيفة* بقشر البصل القريلد يعني بالراندوك ( قشر بصل باربكيو )
تعرف يا رفاعي
لما اشفقت على نفسي من تطمينات ( الاشقاء ) العرب و غير العرب ذاتو الشغالين معانا انو هم بعرفوا الشعب السوداني و و. . . و باقي الحنك داك
ردي ليهم واحد : يا زول نحن شحادين هو نحن بنعرف اكتر من الحكومة ؟
---------------
يظهر قيقا راوي في سلسلة الرواة و هو من غير الثقات
|
Post: #11
Title: Re: الجكه
Author: الرفاعي عبدالعاطي حجر
Date: 03-20-2009, 04:19 PM
Parent: #10
اسمحوا لي ابدأ بقيقا الراوي
تعرف ياصاحبي نحن بنسميه بالبانجقلي على ما أظن
والجكة دي جديدة لكن انت عارف صاحبك والمساء الناس
من جنسيات كتيرة يسألوك زصاحبك محمود المصري واهو مصري
يستغل اي موقف قال لي بالله وردوا لينا شوية جكة ممكن تكون
ارخص من السكر وممكن كمان تطوروها للمصابين بالسكري ودا رأي
يمني شفت العملوا الود بتاع الانقاذ ود اسماعين طلعنا شحادين
ويا شعب الشحادين دا مستشار طلعنا شحادين فما عارف الرئيس
لو اتزنق زي مستشاروا ح يطلعنا شنو .
وعموما انصح الريس بالا يأتي الرياض ولو قرر في عناد يجئ فلتمنع السفارة
دخول عزاز شامي ووالموج وتسمح لو الباوقة بس لانو حتى لو قال اولاد الايه
ح يخرجا ليهو اولا الايه الكويسة
وارقدو شحادين .
احد جمهور الشحادين في دولة الشحاتين المليونية حجر.
يلا سلام ياقيقا الشحاديين .
..........................................................حجر.
|
Post: #12
Title: Re: الجكه
Author: الرفاعي عبدالعاطي حجر
Date: 03-20-2009, 09:44 PM
Parent: #11
العزيز بهاء عيسى
التحية لكـ ... !!!
تسلم ومزيد من الرطانة لا تضر ... تعرف
انا عرفت الشاي بدون سكر في الغربة دي
ثقافة ما بعد الاربعين والسمنة لكن الشاي
بالتمر نسميه البنجقلي او هكذا وكثيرون
عرفوا ذلك مامن عدم ولكنه نوع من الكيف
في بعض المناطق شمالا .
من أخطاء اللقاء ان يقول مصطفى اسماعين
انو الشعب السوداني مثل الشحاديين فهل يوجد
شحاد يقف في صفوف البنزين وهل هناك شحاد يقف
في صفوف العيش عشان اولادوا لكن صدقني نحن الى
ماقبل الانقاذ او كما قال احدهم رجعونا محل انقذتونا
وفرتقوا جكة جرية اي حاجة بس عليكم الله خلونا في 30/6.
تسلم يا ود عيسى .
......................................................حجر.
|
|
