عليك الله يامدير الشرطة كان مارجعت الزووول دا للشرطة ...!!!

omer osman

عشان اول حاجة يفكنا من اخبار انتشارها وانحسارها

ثم تانيا وحسب قوانيين الشرطة لن يستطيع الكتابة هنا


ثم ثالثاً يكون هو على رأس عمله يعشقه فبالله ترجعوا اليوم


..................................................حجر.

هههههههه


الرفاعي حجر سلامات ..


والله قريت العنوان متوقعك حا تتكلم عن الطيب يوسف ..

جاي اقول ليك والله يستاهل يرجع ويبقي مدير الشرطة السودانية كلها ..

لكن صاحبي عمر عثمان دا ياخي الذ زول .. كسر رتابة مصداقية المنبر وخلي فيها بعض المبالغات


تحياتي لك

Quote: والله قريت العنوان متوقعك حا تتكلم عن الطيب يوسف .. جاي اقول ليك والله يستاهل يرجع ويبقي مدير الشرطة السودانية كلها ..

اخي حيدر تحياتي

سيادتو الطيب يستاهل وقدها وقدود ..... بس توصية منك بتغطس حجرو

اتمنى أن يستجب السيد مدير عام الشرطة لهذا النـداء .. أتمنى .!!








الرفاعى : شكرا لرفع البوست ..عسى ولعل ..

والحاجة المحيرانى انو جنابو عثمان عمر ماشغال فى الشرطة حاليا .!!!

Quote: والله قريت العنوان متوقعك حا تتكلم عن الطيب يوسف .. جاي اقول ليك والله يستاهل يرجع ويبقي مدير الشرطة السودانية كلها ..

والله يا الزين اخوي الطيب يستحق ان يكون مديراً للشرطة لما يتمتع به من حس امني عالي وإنضباط منقطع النظير

الطيب عثمان يوسف بن اللواء شرطة عثمان يوسف محمد عليه رحمات الله عن جدارة يستحق ذلك ويكفي تكريم البلد المضيف

له الان وتكريم مرموق يستحق عليه التكريم من اهله ودياره .

Quote: والحاجة المحيرانى انو جنابو عثمان عمر ماشغال فى الشرطة حاليا .!!!

هذا ما جعلني اكتب البوست فعشق الرجل للشرطية يستوجب عودته العاجلة .



.............................................................................................حجر.

Quote: والحاجة المحيرانى انو جنابو عثمان عمر ماشغال فى الشرطة حاليا .!!!

والمحير في كده شنو يامزمل ؟؟؟؟؟؟؟ يعني عشان اكتب عن المريخ الا اكون فيصل العجب والا شنو ؟؟؟؟؟؟؟

لو رجع الشرطة حايقبضنا كلنا

وبعدين نبقى في الجهجهة "تضامنو مع حيدر الزين ... الفريق عمر عثمان كسَر ضلوعو"

غايتو انا ود عمي صاحبو بزور السودان كل 5 سنوات مرة وبتخارج بي تشاد

Quote: لو رجع الشرطة حايقبضنا كلنا وبعدين نبقى في الجهجهة "تضامنو مع حيدر الزين ... الفريق عمر عثمان كسَر ضلوعو" غايتو انا ود عمي صاحبو بزور السودان كل 5 سنوات مرة وبتخارج بي تشاد

خليهم يقبضوا الحرامية في الاول

بعدين يجوا علينا وانحن بقبضونا ناس تانيين

يا حيدر .




..........................................حجر.

Quote: لو رجع الشرطة حايقبضنا كلنا

القبض هين بضمانة بنتفكا .. بس الخوف على السيرفا حيردمو ردم باخبار الشرطة ذى صاحبنا داك ..!!

أثني

وأثلث,

بالذات الزول انضـم للمؤتمر

فهو أولى,

مع التوصية بتوليته إدارة المشتريات,


أحمد الشايقي

اثني ....
بقوة ثلاثية



اسامة

انتشار شرطي كثيف بالخرطوم

الرفاعي يامان

جنابو عمر بوستو ده جاب ليهو هبايب

قال لي - في اتصال هاتفي- انو حايعدَل في العنوان شوية

"انتشار كثيف في المنبر"

لانو ناس الشرطة نقلو العاصمة لحوش بكري

الاضافة التانية حاتكون "فرقة سواري" تجوب الخور والارشيف والماسنجر

اعملوا حسابكم

أمَنوا العدة

يا اخوانا خفوا شوية عن اخونا عمر عثمان. يا احوانا دا راجل طيب وعلى نياتو.

وانشاء الله وبفضل دعواتكم قريبا يرتد له بصره .

ياود محجوب يعرفوك اتحادي كيف ... شيتكم دائماً مغتغت اسه كلامك ده

Quote: وعلى نياتو.

شكر والا نبذ !!!!

Quote: أثني وأثلث, بالذات الزول انضـم للمؤتمر فهو أولى, مع التوصية بتوليته إدارة المشتريات, أحمد الشايقي

شكراً على الثنية ....... بس عاوز امارس نوع من الغباء كده بالله اتوسع لينا شوية في حتة التوصية بتوليه إدارة المشتريات

لو امكن ذلك ...........

Quote: لو رجع الشرطة حايقبضنا كلنا وبعدين نبقى في الجهجهة "تضامنو مع حيدر الزين ... الفريق عمر عثمان كسَر ضلوعو" غايتو انا ود عمي صاحبو بزور السودان كل 5 سنوات مرة وبتخارج بي تشاد

والله ياحيدر حسن انت براك زول ما هين وكمان عشان خاطر ودعمك التذاكر والتأشيرة مني

Quote: والله ياحيدر حسن انت براك زول ما هين وكمان عشان خاطر ودعمك التذاكر والتأشيرة مني

دعمك في شنو يا عمر عثمان ؟؟

عمك في انه يدردقني ليك لغاية السودان وانت ( مديييير عااام ) للشرطة وتكسر ضلعي ..

غايتو ما حريتها في ود مدينتي ..

نرفع ايدينا لله في هذا الزمن الذي يخون فيه الاخ اخاه :)




** ( ودعمك ) قراية كديس وفار في بحار ...

Quote: اتمنى أن يستجب السيد مدير عام الشرطة لهذا النـداء .. أتمنى .!!

وكت كترة التمنيات كده ........ تمها لينا بي صلاة الحاجة.

هسع يا عمر عثمان نفهم حاجة بس ممكن ؟

الانتشار المكثف للشرطة دا كان استجابة لبوست الطيب عثمان ..!!

والا انت تميتها شوية معنويات ..

Quote: الانتشار المكثف للشرطة دا كان استجابة لبوست الطيب عثمان ..!!

وليه لا ياحيدر ....... بالمناسبة في معلومتين لازم تعرفهم الاولي الشرطة جهاز عالي الحساسية اتجاه ماينشر في الاعلام بمعني

يرصد ويتجاوب وتشهد بذلك الصحف السودانية. المعلومة الثانية اخونا الطيب عثمان ده عندو شوية صوفية وربنا استجاب لدعاءه.

Quote: عشان اول حاجة يفكنا من اخبار انتشارها وانحسارها

وانت اخبار انتشاره وانحساره مضايقك في شنو .....؟؟؟

Quote: عمك في انه يدردقني ليك لغاية السودان وانت ( مديييير عااام ) للشرطة وتكسر ضلعي .. غايتو ما حريتها في ود مدينتي .. نرفع ايدينا لله في هذا الزمن الذي يخون فيه الاخ اخاه :)

لو كلبشك .. أعمل مس كول بخارجك تب

اولادنا العطبراويين حنابو الفاتح عباس وجنابو عماد العطا قاعدين

للمعلومية يا حجر
عمر عثمان هو و معاهو عدد من الضباط المحالين للصالح العام كانوا من أكفأ الضباط
حاولوا معهم كثيراً للعودة لكنهم شقّوا طرقاً وعِرةً أخرى أسهموا في تمهيدها
رفضوا العودة و ما برح عشق العمل الشُرطي أفئدتهم
المكان الذي يعمل فيه الآن وهو جهة خاصة أعتقد أن ما يتقاضاه يفوق ما يتقاضاه من هو برتبة الفريق و يزيد
إذاً هو لا يكتب إلا عن عشق ووفاء وولاء للمهنة
لا لشيء آخر

بعض المتداخلين جوا سايقين الهبالة على العبط و فاكرين إنو أي زول تم إقصاءه عن عمله و لا يزال قلبه نابضاً بحب ذاك العمل و لا يزال لسانه رطباً بذكره إنه يتودد و يتملّق و يستميت للعودة إليه.
و كل إناء بما فيه ينضح

الأخ علاء الدين

مولانا عمر عثمان حسب علمي هو الذي تقدم باستقالته عن العمل بالشرطة ..
ربما تكون المعلومة خاطئة فنرجو من الأخ عمر توضيح ذلك ...

تحياتي

سلامات يا شباب
يعني يا عمر هرشتني وخليتني اخلي بوست الشرطة حرامية ساي كده وانت أتاريك قاعد في السهلة؟؟
أنت ما زول أمين كان تصلح لي معلومة انك حاليا خارج اسوار الشرطة, غايتو بعد ده بواصل في البوست ساي تعال بهناك والله تشوف شغل يعجبك.

Quote: شكراً على الثنية ....... بس عاوز امارس نوع من الغباء كده بالله اتوسع لينا شوية في حتة التوصية بتوليه إدارة المشتريات لو امكن ذلك ...........

يا سعادتك .. لا شكرا لواجب, تستاهل والله, أصلا أنا كنت معترض على فصلك (للصالح العام) إنت وزملائك السودانيين الـ 200000 المفصـولين ..

لا لا لا لا غباء إيه يا عم عمر ... دا دفتر تحري اتفتح وانت عايز تعرف التوصية دي ماشية على وين,

أكيد حاريحك والسادة القراء ,

القصد يا سعادتو هو الاستفادة من قدراتك في البزنـس بالذات بعد الكم سنة في السوق,

مافي غير كدا

وليك تحية ولصاحب البوست


أحمد الشايقي

Quote: ياود محجوب يعرفوك اتحادي كيف ... شيتكم دائماً مغتغت اسه كلامك ده Quote: وعلى نياتو. شكر والا نبذ !!!!

ولدنا عمر


كدى أسأل فتحى قول ليه ود محجوب عندو شيتا مغتت .



ــــــــــــــــــــــــــــــــــ

بس انت ولدنا وما بنرضى فيك عسى ولعل ربنا ينور بصيرتك



تحياتى.

ان كان فصل بحجة"الصالح العام " سيئة الذكر ،نطالب بارجاعة وكل ضحايا ما يسمى بالصالح العام
اما ان تركها رغبة او وصل سن التقاعد فهذا شأن اخر ..
يا جماعة (ما تنجهوا) الزول والله بوستاته كثير منها مفيد جدا خصوصا التوثيقية عن شرطة السودان

ثم هو مريخابي ودي براها نعمة كبيرة ..
التحية لك حجر ولجنابو عمر ..

Quote: للمعلومية يا حجر عمر عثمان هو و معاهو عدد من الضباط المحالين للصالح العام كانوا من أكفأ الضباط حاولوا معهم كثيراً للعودة لكنهم شقّوا طرقاً وعِرةً أخرى أسهموا في تمهيدها رفضوا العودة و ما برح عشق العمل الشُرطي أفئدتهم المكان الذي يعمل فيه الآن وهو جهة خاصة أعتقد أن ما يتقاضاه يفوق ما يتقاضاه من هو برتبة الفريق و يزيد إذاً هو لا يكتب إلا عن عشق ووفاء وولاء للمهنة لا لشيء آخر بعض المتداخلين جوا سايقين الهبالة على العبط و فاكرين إنو أي زول تم إقصاءه عن عمله و لا يزال قلبه نابضاً بحب ذاك العمل و لا يزال لسانه رطباً بذكره إنه يتودد و يتملّق و يستميت للعودة إليه. و كل إناء بما فيه ينضح

طالما الزول دا قال كده يبقا عمر ما حيرجع للشرطة
لانه الامن قال كده ..!!

Quote: طالما الزول دا قال كده يبقا عمر ما حيرجع للشرطة

زغرطي يا ام حنفي..الشربات يا وله..

Quote: طالما الزول دا قال كده يبقا عمر ما حيرجع للشرطة لانه الامن قال كده ..!!

و الأمن قال التحت دة برضو و قلتة بتجينا الأحد و رجيناك بكتيبة تفكيك الفيونكات و قوات كنس الأوساخ و ما جيت:

Quote: يا سعادتك أنا ذاتي عامل إضراب و متمرِّد عدييييييييل كدة الشغلة دي تحديداً إلا تدوني فيها بدل تاني عارفو شنو!!!؟ ياخ شيلوا بدل الميل و بمشي كداري و شيلوا بدل السكن و بسكن مع نسابتي و شيلوا بدل السفر و ما عايز إجازات لكن النوعية دي إلا تدوني فيها بدل عفن

Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا)

Quote: يا جماعة (ما تنجهوا) الزول والله بوستاته كثير منها مفيد جدا خصوصا التوثيقية عن شرطة السودان ثم هو مريخابي ودي براها نعمة كبيرة ..

شكرا يا نيازي ياصفوة.

Quote: أنت ما زول أمين كان تصلح لي معلومة انك حاليا خارج اسوار الشرطة

الاخ نادر كلامك ده غلط وانا ماقلت ليك انا لازلت في الخدمة اذا انت فهمت كده براك تبقي دي غلطتك والمعلومات الصحيحة

موجودة في بروفايلي منذ لحظة انضمامي لهذا المنبر.

كل هذا لايمنعني من التصدي لاتهاماتك الجائرة بحق الشرطة حتى تثبت لنا بالدليل المادي ماتسوقه من اتهامات بحقها.

شكرا يا Ridhaa على مرورك تركت الشرطة بمحض اراداتي في العام 1997م.

Quote: إذاً هو لا يكتب إلا عن عشق ووفاء وولاء للمهنة لا لشيء آخر

الف شكر يا علاءالدين على كلماتك اعلاه.

Quote: كل هذا لايمنعني من التصدي لاتهاماتك الجائرة بحق الشرطة حتى تثبت لنا بالدليل المادي ماتسوقه من اتهامات بحقها.

أخي العزيز عمر
مداخلتي كانت محض دعابة ليس إلا، فلا شيء يخيفني البتة في قول الحق مهما كلفني الأمر، أتهامي للشرطة وقناعتي بعدم نزاهة وشرف بعض الضباط والعساكر والعاملين في سلك الشرطة ما زال قائماً وهو اتهام مسنود بقرائن وبينات عرضتها هناك ولم ترد أنت عليها هذا ليس بمكانها ...
خالص تحياتي لك أينما كانت داخل أو خارج الشرطة .

Quote: خالص تحياتي لك أينما كانت داخل أو خارج الشرطة .

ولك التحية اخي نادر ومرحب بيك وبي دعاباتك في اى وقت.

جنابو عمر
السلام عليكم

Quote: تركت الشرطة بمحض اراداتي في العام 1997م.

والله يا سعادتك دي ( غتاتة ) منك
كان تقول للجماعة ديل من الأول كده
شخصياً استفيد جداً من الموضوعات التي تكتبها هنا عن الشرطة والجريمة
ومقتنع مليون في المية إنو كتير من المعلومات البتُنشر هنا بتوصل للجهات العليا في الشرطة
ولا أستبعد أنو الحملة المكثفة للشرطة الايام دي ، كان واحد من أسبابها ما نُشر هنا
عن الأسرة التي تروعت (بستة حرامية) مرة واحدة


( قو أهيد ) يا عمر..

أنا بعرِف إنو أي زول إتشال لِلصالِح العام في حكومة الإنقاذ ده وِسام في صدرو
إنو زول نضيف وما بِتاع لَولَوه ... لكِن المُحَيِرني ... سعاتو عُمر إتشال لِلصالِح
العام (وحسب فهمي الفوق ده إنو إتشال لأنو مع معاهُم) وقام بقى مؤيِد لِلمؤتمر
الوطني الشالو مِن وظيفتو ... والحركة دي ما كويسة ... وحأضطر أعدِل شوية في
فهمي لِلصالِح العام إنو البتشال لِلصالِح العام في حكومة الإنقاذ واحِد مِن إتنين:
(1) زول نضيف وما بِتاع لَولَوه وما مِن ناسُم
(2) زول نضيف وبقى بِتاع لَولَوه وعاوِز يبقى مِن ناسُم

والله والله ثم والله أنا ما بتريق بس عاوِز أفهم ... ناس شالوك لِلصالِح العام ليه
إنتسبت لِحِزبهُم وبِتدافِع عنهُم كُل هذا الدِفاع ... عليك الله سعادتك ليه؟ الرسول ليه؟

Quote: تركت الشرطة بمحض اراداتي في العام 1997م

ياعزام يا اخي انت زول مفتح المداخلة بتاعتي دي فاتت عليك كيف

الأخ الفاضل حجر

تحياتي واحترامي

الأخ الفاضل عمر عثمان من أميز وأكفاء ضباط الشرطة كان الأول العام لدفعة 56 قدم استقالته من الشرطة لا ادري الأسباب ولكن شرف لشرطة

السودان أن يكون الأخ عمر عثمان من منتسبيها كما وان الرجل له من الصفات الفاضلة والحميدة والمواقف المشهود له بها وسمعته الطيبة

هذه تسبقه أين ما حل.

لو كان وزير الداخلية يعقل لذهب بنفسه مترجيا عمر عثمان وأمثاله وهم كثر للرجوع إلى الشرطة.

كسرة

أما انتمائه السياسي الحالي او السابق فهو لا يشبه

مودتي لك ولعمر عثمان

Quote: الأخ الفاضل عمر عثمان من أميز وأكفاء ضباط الشرطة كان الأول العام لدفعة 56 قدم استقالته من الشرطة لا ادري الأسباب ولكن شرف لشرطة السودان أن يكون الأخ عمر عثمان من منتسبيها كما وان الرجل له من الصفات الفاضلة والحميدة والمواقف المشهود له بها وسمعته الطيبة هذه تسبقه أين ما حل.

يادكتور انشاء الله ربنا يجعلنا دائماً عند حسن ظنك.

Quote: للمعلومية يا حجر عمر عثمان هو و معاهو عدد من الضباط المحالين للصالح العام كانوا من أكفأ الضباط حاولوا معهم كثيراً للعودة لكنهم شقّوا طرقاً وعِرةً أخرى أسهموا في تمهيدها رفضوا العودة و ما برح عشق العمل الشُرطي أفئدتهم المكان الذي يعمل فيه الآن وهو جهة خاصة أعتقد أن ما يتقاضاه يفوق ما يتقاضاه من هو برتبة الفريق و يزيد إذاً هو لا يكتب إلا عن عشق ووفاء وولاء للمهنة لا لشيء آخر بعض المتداخلين جوا سايقين الهبالة على العبط و فاكرين إنو أي زول تم إقصاءه عن عمله و لا يزال قلبه نابضاً بحب ذاك العمل و لا يزال لسانه رطباً بذكره إنه يتودد و يتملّق و يستميت للعودة إليه. و كل إناء بما فيه ينضح

عزيزي وليد

انت ليه قومت النفس دي , البوست للمزاح مع اخونا وولدنا جنابو عمر ياوليد ما تبقى ملوكي جدا, ومهما كان الخلاف فإختلاف الرأي

لايُفسد للود من قضية وعمر فيما يكتبه تخصصا يحتاج نوط كبير عنه لكني وحقا قصدت انه يكتب بميول واضحة لا تناسب الجهاز المنوط ب

من ينتمي اليه ان يكون قومياً صرفاً ويكبت بقدرما يستطيع ميوله فالشرطة جهاز لا يحتمل الولاء لغير الانسان السوداني ومن ثم الوطن .




تقديري وعمر عثمان محط احترام وتقديرواختلافنا يظل معافى .





..............................................................................................حجر.

Quote: الأخ الفاضل حجر تحياتي واحترامي الأخ الفاضل عمر عثمان من أميز وأكفاء ضباط الشرطة كان الأول العام لدفعة 56 قدم استقالته من الشرطة لا ادري الأسباب ولكن شرف لشرطة السودان أن يكون الأخ عمر عثمان من منتسبيها كما وان الرجل له من الصفات الفاضلة والحميدة والمواقف المشهود له بها وسمعته الطيبة هذه تسبقه أين ما حل. لو كان وزير الداخلية يعقل لذهب بنفسه مترجيا عمر عثمان وأمثاله وهم كثر للرجوع إلى الشرطة. كسرة أما انتمائه السياسي الحالي او السابق فهو لا يشبه مودتي لك ولعمر عثمان

يادكتور المشرف مودتي

وحقا نقول بأن عمر عثمان الشرطي الشاطر والقانوني الممتاز لا يشبه ما يكتبه في إطار نقد يُعنى بالحقيقة ومتابعة كثير مما يكتبه اخونا جنابو عمر والحقائق تتطلب ان نكتبها واتفق معك فيما ذهبت اليه .


..........................................................................حجر.

Quote: اخونا الطيب عثمان ده عندو شوية صوفية وربنا استجاب لدعاءه.

صوفية دي نهي


عنده نسبة تساقط عالية في الشعر


وانشاءالله انت وهو الاتنين يرجعوكم
عشان يشيلوكم تاني للصالح العام
وتفقد قيمة الاستقالة

Quote: صوفية دي نهي

غايتو لحدي ما فارقناه كان كده ...... هههههههههههه


الطيب يا اخوي فك درب ناس رغيم ديل ........... هههههههههههه

Quote: ( قو أهيد ) يا عمر..

أها يا سعادتك ، ح ( تقو أهيد ) واللا نمشي نتعشى؟؟