الشيشة والشباب السوداني مزاج ام هروووب ؟

هذه الشيشة ثقافة مزاجية جديدة تدخل السودان بهذه الكثافة وانتشار محلات الشيشة صار احدى الثوابت للرآئي للشوارع الرئيسية فمد بصرك حيث شئت ستجد قهوة يتجمع فيها الشباب وبأعمار متفاوتة من سن 18 والي 40 ومافوق ومادون فهل هذا الانتشار نتاج ادمان ام هو هروب من واقع ممل ورتيب الظاهرة هذه اقتصرت في الماضي على بعض مدن السودان اذ اذكر انني وخلال عطلات المدرسة الابتدائية كنت اقضي اجازتي بعطبرة الحديد والنار فكنت اري عدد من الناس يدخنون الشيشة الجراك تحديدآ وفي اوقات معلومة تستطيع ضبط مواعيدك عليهم في الشمال القديم حلفا ارتبطت الشيشة بالذين اعتادوا الابحار شمالآ كثقافة وافدة حديثآحينها من مصر (ياأخت بلادي ياشقيقة؟؟؟) ولكن اليوم تغير الوضع انتقلت الشيشة بكل اصنافها والوانها الي الخرطوم العاصمة بكثافة وصارت ملهاة لشباب كثر اذا ضاع منك احد يمكنك الحصول عليه مستمخ في اقرب قهوة للبيت وهو يمسك بالخرطوم الدخاني (اللي) فهل هذا الانتشار نتاج مزاج ام هروووووووب من واقع مقيت وروتين مضروب على الحياة السودانية ؟

الرفاعى


بما أنى أحد المعنيين بالبوست . فإنى سأتحدث عن أن النارجيلية هى أشبه (تعاطى) بالطبيعة السودانية . فنحن شعب يأكل جالس فالأكل عنده جزء من (الونسة) أو العكس تماما . وكذلك (الشراب) ويمكن أن نتذكر جلسات المريسة . والمنادمة ( القعدات) وليالى السمر ثم يأتى الشربوت وطقوس عيد الأضحية مرور بإفطارات رمضان . كلها ممارسات لها علاقة بالجلسات والمجموعات والونسة . سيدى وبما أن ونسة الضحى والقهوة والجلسة عند المغربيات مع الشاى باللبن قد ضاعت كان لا بد من ظهور ممارسة أخرى تعوضنا شىء من الحميمة التى فقدتها الذاكرة السودانية . فبرذت للسطح النارجيلة القادمة من الدول العربية وايران وتركيا وما شابه. لكنها وافقت حوجتنا

عموما أنأ أفضل الجراك مع الونسة فماذا تفضل أنت ؟

تحلو الشيشة فى الدلافين



بس بصحبة الأخيار

ود العجمي تعرف انا لما جيت الغربة العجيبةدي كانت لي قصة حلوة مع واحد اخونا الله يرحمه هو الجعلي والارباب مصطفى بابكر راجل نكتة واخو اخوان يعزم على البندول يعني لو داير يبلع حبة بندول الا يعزم الناس كلهم الله يرحمه (فهو طريف وشاعر وانسان وبس الدنيا ما بتريح) مرة قال لي وانا حديث عهد بالغربة قال لي جيب سفة قلت ليهو مابسف قال لي سجارة مافي قلت ليهو مابسجر قال لي انت ال(....) اللداك تأشيرة ده منو ده ... ومن ديك ونحن اصحاب رغم فارق السن حتى فرقتنا تصاريف الدنيا (الحياة والموت )...رجعت السودان طبعآ بعد 5 سنوات متواصلة لقيت الدنيا كلها شيشة وعشان تحصل ليك زول من شلتك الزمان الا تباريهم زي الجداد لي الشيشة ومن ديك وعيك اصبحت من مرتادي القهاوي رغم ان حبوبتي(جمال بت عبدالعاطي) ناظمة لي قصيدة بتقول فيها كلام شكر مامتذكروا منو انو الرفاعي ما دخلوا قهاوي وماشابه(الرفاعي يا ابو ادريس *ياب دعوةّ ما بتخيس *يااب زيارةّ يوم الخميس ) عمومآ اتفق معك ان الحياة بدون شلة وصداقات تنعدم ولك مودتي المفضل عندي المعسل الفرنسي دي حاجة خليها ساااااااااااااي وجع بس كدي جربا وقول لي رايك شنو.

العزيز هشام شيخ الدين لك المودة
وينك ياراجل يازين زمن والله .... الدلافين بس غااااااااااااالية نار
في مكتشف جديد وحتة خليها مفاجأة ... ودي عزوووومة مني ليك .

العزيز هشام شيخ الدين لك المودة
وينك ياراجل يازين زمن والله .... الدلافين بس غااااااااااااالية نار
في مكتشف جديد وحتة خليها مفاجأة ... ودي عزوووومة مني ليك .

الرفاعي عبد العاطي حجر
هي فعلاً ظاهرة ، وهي مظهر من مظاهر العولمة وقشور الحضارة ، يعني موضه وكده زيها وزي أى بنطلون low waist أو ناصل لا فرق ، المهم في الأمر الموضوع ليس هروباً بقدر ما هو عدم موضوع في الأساس. على فكرة مبلغ الشيشه الواحده مبلغ معتبر بحسب المكان والزمان فهناك على سبيل المثال محلات شيشه يعني تعبانه زي محل يقع جنوب مستشفي أحمد قاسم للأطفال بالخرطوم بحري وعلى الهواء الطلق حيث يختلط دخان الشيشه بعوادم الركشات وغيرها من ذوات الأربع عجلات ، أما المحلات المكندشه في الخرطوم فزبائنها ومرتاديها على قدر من الوجاهة الإجتماعية الزائفة بعرباتهم وحركاتهم وسكناتهم وهيئتهم ، والأمر بالضرورة لا يقتصر على الذكور من الشباب بل تعداه للجكس ، وأخشي ما أخشي على البلد أنها سوف تحتاج في القريب العاجل لى شمبر وربما عمرة كاملة بعد أن خفت مكنتها لأسباب كثيرة وظهر ذلك جلياً في الدخان بمختلف أشكاله.

الحبيب الرفاعى

قبلت الدعوة

حدد

الملا عمر
طبعآ هذه الظاهرة لها مبرراتها الاجتماعية والسياسية والاقتصادية بالنسبة للجنسين, والشيشة فعلآ لها محلات يعني سبحان الله برضو في شراب الشيشة ده في تفاوت طبقي مرة كدا قعدت لي مع جماعة كدا فيهم امير ادوني معسل درجة فاخر (فرنسي) والله لمست الفرق من اول نفس , لكن تظل قضيتنا المطروحة ليه هذه الهوجة نحو الشيشة في السودانى لك رأي خاص ام تتفق مع الزملاء اعلاه.

Quote: الرفاعي عبد العاطي حجر هي فعلاً ظاهرة ، وهي مظهر من مظاهر العولمة وقشور الحضارة ، يعني موضه وكده زيها وزي أى بنطلون low waist أو ناصل لا فرق ، المهم في الأمر الموضوع ليس هروباً بقدر ما هو عدم موضوع في الأساس. على فكرة مبلغ الشيشه الواحده مبلغ معتبر بحسب المكان والزمان فهناك على سبيل المثال محلات شيشه يعني تعبانه زي محل يقع جنوب مستشفي أحمد قاسم للأطفال بالخرطوم بحري وعلى الهواء الطلق حيث يختلط دخان الشيشه بعوادم الركشات وغيرها من ذوات الأربع عجلات ، أما المحلات المكندشه في الخرطوم فزبائنها ومرتاديها على قدر من الوجاهة الإجتماعية الزائفة بعرباتهم وحركاتهم وسكناتهم وهيئتهم ، والأمر بالضرورة لا يقتصر على الذكور من الشباب بل تعداه للجكس ، وأخشي ما أخشي على البلد أنها سوف تحتاج في القريب العاجل لى شمبر وربما عمرة كاملة بعد أن خفت مكنتها لأسباب كثيرة وظهر ذلك جلياً في الدخان بمختلف أشكاله.

الاخ الرفاعى
سلام
لامزاج ولا هروب
ثقافة دخيلة علينا
وسؤ سلوك وسؤ تربية
وان شاء الله تجيهم امراض صدرية كلهم
ويقفلوا المقاهى كلها كما حصل فى الامارات .
انا شغالة فى ابو ظبى بمركز رقابة الاغذية والبيئة
لسنوات عدة وحضرت ورش خاصة بالشيشة كتيرة الا ان وصلوا
لقناعة تامة لمضار الشيشة للصحة والبيئة واغلقت المقاهى
وعلى ما اعتقد عممت فى باقى الامارات الاخرى .
وان شاء الله اتحصل على بعض اوراق العمل القدمت بخصوص الشيشة
فى اوراقى واعرضها لكم فى هذا البوست عشان تحرموها تانى .
بالمناسبة المشاركات كانت من اكثر من عشرة دول .
الله يتوب عليكم من هذا السرطان المنتشر فى خلايا الشباب السودانى .
ام وضاح

ام وضاح
لك التحية والتقدير والمحبة على هذا الانفعال المحبب , اولا غيرتك كبيرة وليتك تستطيعي مدنا بالاوراق والمقترحات والمضار جلها , ولكن بكل عزيز وغالي أسالك دومآ بالنصيحة والدعاء بالسلامة والعافية لكل بلادي وشبابها الوعي بالمخاطر وتسليط الضوء هما واجبك من تلك المعرفة والإلمام اسأل الله لك العافية من الدعاء علي معشر المدخنيين والعافية والاقلاع لكل مبتلى ... وحفظ الله وضاحآ بكل ماهو أصيل وجميل .


الاخ الرفاعى
سلام
لامزاج ولا هروب
ثقافة دخيلة علينا
وسؤ سلوك وسؤ تربية
وان شاء الله تجيهم امراض صدرية كلهم
ويقفلوا المقاهى كلها