سيد أحمد الحاردلو ... حملة تضامن (الزبيرسعيد)

الشاعر والسفير سيد احمد الحاردلو مهندس العلاقات السودانية الخارجية ايام عزها وسفيرنا سابقآ باديس ابابا والشاعر الكبير الفذ صاحب الروائع وصاحب مكتبة توثيقة هنا بالموقع ومن اوائل المحالين للصالح العام في الحقبة الظلامية المسماة الانقاذ وصاحب قلب يسع المليون ميل مربع كتب عنه الصحفي والناقد الفذ الزبير سعيد وعن معاناته بصحيفة الخرطوم عدد الخميس وكم مؤلم هذا الخبر ولكن ليس بالمستغرب في زمن الجحود والاستعلاءات المميته هلا تنادينا في حملة تضامن وعلاج الشاعر الكبير سيد احمد الحاردلو والعشم ان تكون الحملة برعاية الباشمهندس وصاحب الدار والقلب الكبير بكري ابوبكر دعمآ للنداء الذي اطلقه الناقد الصحفي الزبير سعيد .ونتابع

وايوا لازم يا جميله نعود نغني

برغم انو الحزن طول

زي تقول ما ليه اخر ولاه اول

البلد صبحت مغاره

والفرح سافر اجازه

وكل يوم لازم جنازه

وبرضو لازم رغم هذا

يا جميله نعود نغني
.....................

معا من اجل الذي
تغني رغم هذا
وكل التحايا
للزول الرائع الزبير سعيد
وشكرا الرفاعي

Quote: ولكن ليس بالمستغرب في زمن الجحود والاستعلاءات المميته

أن يتنكر اللقطاء لمن حملوا الوطن بين الجوانح وفي حدق العيون .. ساروا به وسيروا ذكره بين الركبان ..
دعواتنا وأمنياتنا لشاعرنا المرهف الفنان بالصحة وموفور العافية ..
ولك أخي الرفاعي أجزل الشكر ..
أبسط يدك .. فأهل السودان لن تذهب نوختهم أحباطات السنين ..

تخيل يا عاطف عبدون زي الحاردلو يشيلوه الصالح العام ويقبع من هم دونهم مترفين منعمين ولكن هي الحقيقة لا حاجب لها ولا شريك من أعطى الشعب المعاني سيتضامن معه الناس البسطاء ويتقاسمون معه الهم ولقمة العيش والدواء هلا تنادينا لذلك شكرآ أخي عاطف


ود الملوك محمد علي الملك لك التحية ويدنا في يدك ليظل البوست عاليآ وحتى نلتفت من خلاله لنداء الضمير والواجب والامل أتمنى عاجل الشفاء للشاعر الانسان سيد احمد الحاردلو وليت هذه المساحة تكون نقطة في محيط العطاءات التي رفدنا بها شعرآ وحبآ الشاعر الرقيق الحاردلو ولك المدى.

الشاعر الكبير سيد احمد الحاردلو

يرثي مصطفي سيد احمد


واحد جميل


ــ 1 ـ


تانى قام واحد جميل فى بلدنا ... ماتْ

وكان بغنى للمساكين .. والمسولتين .. والحفاتْ

وكان بغنى للمنافى .. والعصافير .. والرعاتْ

وكان بغنى لى بلد فى الحلم ... جاي .. أغنياتْ

وكان بطنبر .. وكان بدوبى .. للحياةْ

- 2 -

تانى قام واحد ملك ... روّح .. وفاتْ

وكان ملك فى الريد ... وإنسان فى الصفاتْ

وكان مهاجر فى دموع كل البكاتْ

وكان وتر مشدود ... ومسكون دندناتْ

وكان - عليه سلام - تقول مازول حياةْ

- 3 -

يا مصطفى .....

فاكر الجماعة الكانوا ساكنّك دوام

من منفى لى منفى

ومن عود ... لى سفرْ

فاكر العصافير المسافرات دون جواز

فاكر اللى داجّين فى المطرْ

.... عبدالرحيم ... وهلم جرْ

فاكر القطر

فاكر النخيل .. فاكر الحراز

... الليلة كانوا جميع هناك

قسماً يمين .. كان الجميع باكين عليك

كان المطار فارش عليك

كان الجميع مشتاق إليك

ياسلام عليك

لمّان تكون زولاً عزيزْ

عنْ ناس عزازْ

- 4 -

يعنى كان لازم تفوتْ

والحزن مشرور فى البيوتْ

والدنيا مازال فيها حوتْ

.... وفيها لسع .. عنكبوتْ !!

.... يعنى كان لازم تفوتْ

وتخلّى أوتارك سكوتْ

ولسة عندنا ريد جديدْ

ولسة عندنا ليك قصيدْ

...... يعنى كان لازم تفوتْ

وتخلى هذا الحب يموتْ !

- 5 -

ياسلام عليك

لمّان تكون زولاً عزيزْ

عنْ ناس عزازْ

يا سلام عليكْ

Quote: هلا تنادينا في حملة تضامن وعلاج الشاعر الكبير سيد احمد الحاردلو والعشم ان تكون الحملة برعاية الباشمهندس وصاحب الدار والقلب الكبير بكري ابوبكر دعمآ للنداء الذي اطلقه الناقد الصحفي الزبير سعيد .ونتابع

نادية السر

عاطف ود عبدون لك التحايا والوفاء في زمن عز فيه الوفاء عليك الله يازول يا جميل ما تخلي قصيدة للرائع الحاردلو الا وترفد بها هذا البوست حتى يستشعر من سكنتهم الشكوك والتصانيف ان سيداحمد منا آل البيت وسيد أهل للوفاء والعرفان وسيد احمد هو الوطن القضية في هذا الزمن العجييييييييييييييب ودعبدون بالله خلى بالك على البوست ده حتى يصحو الجميع فجرآ باكر ويقولوا حي على الوفاء البوست ده لك وللجميع الحق في رفده فهي استغاثة هلا استجبنا لها هي شئ من غادة نوري وشئ من نداء اخونا الساوراوي من ساورا الجميلة هشام كمال وهكذا نتمدد في الذات الانسانية لكم المودة أجمعين

Quote: Quote: هلا تنادينا في حملة تضامن وعلاج الشاعر الكبير سيد احمد الحاردلو والعشم ان تكون الحملة برعاية الباشمهندس وصاحب الدار والقلب الكبير بكري ابوبكر دعمآ للنداء الذي اطلقه الناقد الصحفي الزبير سعيد .ونتابع نادية السر

نادية بت السر تخيلتك وانت تعيدي دباغة هذه الروشتة هنا مرة اخرى تخيلتك وانت تمتلين بالاسف وكم تخيلت انفاس حارة تملاؤك لك المودة في زمن عز فيه الوفاء وزمن خربت فيه ذاكرتناوزمن تأدلجنا ضد بعضنا يللأسف الاسيف كنت على عشم ان يستجيب بكري ابوبكر ويتبنى الموضوع بنداء من سودانييز اون لاين ومازلت على عشمي, ليتنا نستشعر انسانيتنا وخطوتنا الانسانية قبل كل شئ لك مودتي وللحاردلوالوطن الشاسع وما انشده هو داعمه لك المودة نادية ويكفيني فخرآ وجودكم وسنستمر حتى يتحقق المنشود .

سيد أحمد الحاردلو

زول هيبه و متعنا بقصائد درر

ويلا

يا بلدي ياحبوب يا اب جلابيه و ثوب..
صديري عمه و و مركوب ..

تـقـول لِـــى شـنــو


سيد أحمد الحاردلو

----****---



وتقـولـى لِــى مـنـو ،

أنـحـنَــا الــسَّـــاسْ

ونَـحـنــا الـــــرَّاسْ

ونـحـن الدّنـيـا جبنـاهَـا

وبَــنــيــنــاهـــا..

بِـويـت ..فــى بِـويـتْ

وأسْعـل جــدى ترهـاقَـا

وخلـى الفَاقـة .. والقَـاقـا

تـقـول لِـــى شـنــو

وتـقـول لِــى مـنــو ،

تَالا أبـوى .. بعنخـى لَـزَمْ

وتَـالا اللُمْ..أَبـوىْ أوْلبَـابْ

وأمـى مهيـرة بـتْ عبـودْ

وأخويا المهدى ..سيد السيفْ

والخلـى النصـارى تقيـفْ

هنـاك ..فــى القـيـفْ ،

تـقـول لِـــى شـنــو

وتـقـول لِــى مـنــو ،

ونــحــن الـشــيــنْ

ونــحــن الــزيـــنْ

ونحـن العقبـه والعتـمـور

ونحن القِبلـه .. والقرعـانْ

ونــحــن الــشـــانْ

ونــحـــن الــنـــانْ

أتـيــنــا عــشـــانْ

نسـوى الدّنـيـا للإنـسـانْ

تـقـول لِـــى شـنــو

وتـقـول لِــى مـنــو ،

ونــحــن الـصّـافــى

والـــــوَافـــــى ،

ونــحــن الـشّـافــى

والـــكـــافِــــى ،

ونــحــن الـــــزادْ

ونــحــن الـعِـيـنــه

والـــزِيّــــنــــه ،

ونحـن – يميـن – أهاليـنـا

أهــلــى ســـــرورْ

ووكَتيـن ينـزل المسـتـورْ

تَــرَانَـــه الــنـــور

تـقـول لِـــى شـنــو

وتـقـول لِــى مـنــو ،

ونحـن الجبنـه واللبـريـقْ

ونحن قداحنا سَـاوات ضيـقْ

ونحـن بيوتنـا مفتـوحـاتْ

مَـسَــاىْ .. وَصـبــاحْ

ونــحــن وشُـوشـنــا

مـــطـــروحــــاتْ

مَــسَــاىْ وصــبــاحْ

ونــحــن الـسَـمـحـه

والــقَـــمـــحـــه

ونحن الطلـه .. واللمحـه ،

ونــحــن الـصِــيــدْ

ونــحــن الـعــيــدْ ،
تقـولـى لِـــى شـنــو

وتقـولـى لِــى مـنـو ،

ونــحــن عُـــــزَازْ

ونــحــن حَـــــرَازْ

ونــحــن هَــشَـــابْ

ونــحــن قُــمُـــوحْ

ونــحــن تُــمُـــورْ

ونــحــن عُــيُـــوشْ

ونــحـــن الـنــيــلْ

وَكضَاب – يا زويل – منْ قالْ

إنّك .. تانـى لينـا متيـلْ ،

تقـولـى لِـــى شـنــو

وتقـولـى لِــى مـنـو ،

ونحـن الحَجـه والتـوبـه ،

ونحن الهِجره .. والأوبـه ،

ونــحـــن كُــتَـــارْ

ونــحــن كُــبَـــارْ ،

ونحن – يمين – جُمَال الشيلْ

ونحن – يمين –نَضِمنا قليلْ ،

تـقـول لِـــى شـنــو

وتـقـول لِــى مـنــو ،

ونــحــن مِـحــايــه

نــحـــن طِــرايـــه

نــحـــن فِــدايـــه

نــحـــن سِـمــايــه

نــحــن حــجـــاب

ونــحــن الــلـــوحْ

ونحـن شَرَافـه فـى الدنيـا

ونحن كِتـاب عِلـمْ مفتـوحْ

على كل البُلـودات ..نُـورْ ،

ونحن – يمين – مَداين نورْ ،

ووشــنــا نـــــورْ ،

تـقـول لِـــى شـنــو

وتـقـول لِــى مـنــو ،

ونحـن الحِنـه والجـرتـقْ

ونحـن الزفـه والسـيـره ،

ونحن ..أبشـرى والشبـال ،

ونــحــن الــسَـــىْ

ونــحــن الـــــوَىْ

ونحن الرقبـه .. والتُـمْ تُـمْ

ونــحــن الــلَـــمْ ..

يكون فى الدنيا ..متلنـا ..لـمْ

تقـولـى لِـــى شـنــو

وتـقـول لِــى مـنــو ،

ونــحــن الــعَـــاجْ

ونــحــن الــصَـــاجْ

ونــحــن الــبـــوشْ

ونــحــن الــحــوشْ

ونــحــن الــنـــاسْ

وكتيـن الـديـارا ..يـبـاس

وإن درت العديـل والـزيـن

تــعــال يــــا زول ،

وإن كست الكعـب والشيـن

أرح .. يـــــــا زول

ـقـولـى لـــى شـنــو
وتـقـول لـــى مـنــو ،
ونــحــن الــســـورْ
ونــحــن الــحُــورْ ،
ونحـن بناتنـا محـروسـاتْ
ونحـن وِلادنــا ضُــلالاتْ
ونحن أُماتنـا ياهِـنْ ..ديـلْ ،
وجِيب ورينـى زيـىِّ منـو ،
وتـقـول لِـــى شـنــو
وتـقـول لِـــى مـنــو ،
ونــحـــن فَـــــزَعْ
ونــحـــن وجَـــــعْ
ونـحـن اليُـمـه ..واليَـابَـا
ونـحـن أريـتـو بالتَـابَـه ،
ونحن – يمين – إذا حَـرّتْ ،
نخلـى الواطـه ..رُقَـابـه ،
تـقـولـى لِـــى شـنــو
وتقـولـى لِــى مـنــو ،
-ونحـن زَغَـاوه والعطـرونْ
ونحن الدُونَـا ..مافيـشُ دونُ
ونحـن وِلاد مَلـك خِرتـيـتْ
وسَـــــابَ الــجـــرْ
وحــجَــر الـسِـكــه ،
والــــتــــاكــــا ،
وسيّدنا الفـى الجبـل ..دَاكَـا
ونحن – يمين – نضِمنـا كُتُـرْ
وشـيَـتـنــا كُـــتُـــرْ
وأسعَل ناس كَـرن والطُـورْ ،
وأسعَل كَـررى .. والعَتْمُـورْ
وأسعل – يا جنَاَ – الخرتُـومْ ،
وشوف كيفـن زعلنـا كُتُـرْ ،
وشوف كيفـن فرحنـا كُتُـرْ ،
أنحنـا الـللرجـال خُوسَـه ،
ونحن –يمين – جِنَات موسى ،
تـقـولـى لِـــى شـنــو
وتـقـول لِـــى مـنــو ،
ونــحــن الــدوكـــه
والضُـلالـه ، والدونـكـه ،
ونــحــن الـدانـقــه ،
والراكـوبـه ، والـواطـه ،
ونــحـــن الـفَــكَــه
والـــشِـــبـــكَـــه
ونحن الحجـزه .. والعكَـه ،
ونــحــن الــجُـــودْ ،
ونــحــن أســـــودْ ،
ونــحــن الــنَـــانْ ،
حديثنـا إذا أرِدتـو رُطَــانْ
وحين دايرين ..نسوى بَيَـانْ ،
تـقــول لِـــى شـنــو
وتـقـول لِـــى مـنــو ،
ونحـن الخَلـوهَ والـدايـره ،

ونـحـن تَكـيـه العـايـره ،

ونــحــن الــضُّـــلْ ،

ونــحــن الــكُـــلْ ،

ونحن سبيـل غريـب الليـلْ ،

ونحن صباح مسافـر الليـلْ ،

ونحـن فَنَـاجـرةَ الدّنـيـا ،

ونــحـــن حَــبَـــابْ

حـديـثـنــا حَــبَـــابْ

تعال شَرِف .. وشوفنى منـو ،

وتـقـولِــى شــنـــو ،

وتـقـولِــى مــنـــو ،

أقــيـــف لِـــسَـــعْ

وأقــيــف وأســمــعْ ،

ونحن صديرى منضـوم ويـلْ

ونحن القَرمصيص ..بلحيـلْ ،

ونــحـــن الــتـــوبْ

ونــحــن الـــــووبْ

ونــــاس حــبـــوبْ

ونـــــاس حَـــــرّمْ

ونـحـن إذا رأيـنـا كبـيـرْ

نقيف طولنا ..ونقولْ لُه ..حَبَابْ

ونديـه البُـكَـان ..تـرحـابْ

ونحن. اليَانَا ديـل .. يـا زولْ

وتسعلنى .. وتقول لِـى منـو

وتـقـولِــى شــنـــو ،

أقــيـــف لـــســـعْ

وأقـيــف .. وأســمــعْ

ونــحـــن الـتَــايَــهْ

والانــــــدايَــــــهْ

والـــزِريــــعــــهْ

والــعـــيـــزومـــهْ

واتـــفــــضــــلْ ،

ونحـن الـرايَـه مرفُـوعـه

ونحـن الكُلـفَـه مرفُـوعـه

ونحـن حلفـتَ ... مدفوعـه

تـقــول لِـــى شـنــو

وتـقـول لِـــى مـنــو ،

وأمـــــا عـجــيــبْ

وأمــــا غــريـــبْ ،

وأقــيـــف لــســـعْ

وأقـيــف .. وأسـمــعْ ،

أنـا الكَعَـب البسـوى الويـلْ

وأنا الزول السَمِحْ ..بلحيـل ،

ودايـر ..منَِّهُـمْ .. يَاتُـو ..،

تـقـولـى لِـــى شـنــو

وتـقـول لِـــى مـنــو ،

الدكتور شهاب لك المجد وخليك داعمآ وقريب لك المودة سيدي


عاطف عبدون ... انحنا الساس ونحن الرأس تشكري الأكيد...

تـقـول لِـــى شـنــو
تـقـول لِـــى شـنــو


سيد أحمد الحاردلو

----****---



وتقـولـى لِــى مـنـو ،

أنـحـنَــا الــسَّـــاسْ

ونَـحـنــا الـــــرَّاسْ

ونـحـن الدّنـيـا جبنـاهَـا

وبَــنــيــنــاهـــا..

بِـويـت ..فــى بِـويـتْ

وأسْعـل جــدى ترهـاقَـا

وخلـى الفَاقـة .. والقَـاقـا

تـقـول لِـــى شـنــو

وتـقـول لِــى مـنــو ،

تَالا أبـوى .. بعنخـى لَـزَمْ

وتَـالا اللُمْ..أَبـوىْ أوْلبَـابْ

وأمـى مهيـرة بـتْ عبـودْ

وأخويا المهدى ..سيد السيفْ

والخلـى النصـارى تقيـفْ

هنـاك ..فــى القـيـفْ ،

تـقـول لِـــى شـنــو

وتـقـول لِــى مـنــو ،

ونــحــن الـشــيــنْ

ونــحــن الــزيـــنْ

ونحـن العقبـه والعتـمـور

ونحن القِبلـه .. والقرعـانْ

ونــحــن الــشـــانْ

ونــحـــن الــنـــانْ

أتـيــنــا عــشـــانْ

نسـوى الدّنـيـا للإنـسـانْ

تـقـول لِـــى شـنــو

وتـقـول لِــى مـنــو ،

ونــحــن الـصّـافــى

والـــــوَافـــــى ،

ونــحــن الـشّـافــى

والـــكـــافِــــى ،

ونــحــن الـــــزادْ

ونــحــن الـعِـيـنــه

والـــزِيّــــنــــه ،

ونحـن – يميـن – أهاليـنـا

أهــلــى ســـــرورْ

ووكَتيـن ينـزل المسـتـورْ

تَــرَانَـــه الــنـــور

تـقـول لِـــى شـنــو

وتـقـول لِــى مـنــو ،

ونحـن الجبنـه واللبـريـقْ

ونحن قداحنا سَـاوات ضيـقْ

ونحـن بيوتنـا مفتـوحـاتْ

مَـسَــاىْ .. وَصـبــاحْ

ونــحــن وشُـوشـنــا

مـــطـــروحــــاتْ

مَــسَــاىْ وصــبــاحْ

ونــحــن الـسَـمـحـه

والــقَـــمـــحـــه

ونحن الطلـه .. واللمحـه ،

ونــحــن الـصِــيــدْ

ونــحــن الـعــيــدْ ،
تقـولـى لِـــى شـنــو

وتقـولـى لِــى مـنـو ،

ونــحــن عُـــــزَازْ

ونــحــن حَـــــرَازْ

ونــحــن هَــشَـــابْ

ونــحــن قُــمُـــوحْ

ونــحــن تُــمُـــورْ

ونــحــن عُــيُـــوشْ

ونــحـــن الـنــيــلْ

وَكضَاب – يا زويل – منْ قالْ

إنّك .. تانـى لينـا متيـلْ ،

تقـولـى لِـــى شـنــو

وتقـولـى لِــى مـنـو ،

ونحـن الحَجـه والتـوبـه ،

ونحن الهِجره .. والأوبـه ،

ونــحـــن كُــتَـــارْ

ونــحــن كُــبَـــارْ ،

ونحن – يمين – جُمَال الشيلْ

ونحن – يمين –نَضِمنا قليلْ ،

تـقـول لِـــى شـنــو

وتـقـول لِــى مـنــو ،

ونــحــن مِـحــايــه

نــحـــن طِــرايـــه

نــحـــن فِــدايـــه

نــحـــن سِـمــايــه

نــحــن حــجـــاب

ونــحــن الــلـــوحْ

ونحـن شَرَافـه فـى الدنيـا

ونحن كِتـاب عِلـمْ مفتـوحْ

على كل البُلـودات ..نُـورْ ،

ونحن – يمين – مَداين نورْ ،

ووشــنــا نـــــورْ ،

تـقـول لِـــى شـنــو

وتـقـول لِــى مـنــو ،

ونحـن الحِنـه والجـرتـقْ

ونحـن الزفـه والسـيـره ،

ونحن ..أبشـرى والشبـال ،

ونــحــن الــسَـــىْ

ونــحــن الـــــوَىْ

ونحن الرقبـه .. والتُـمْ تُـمْ

ونــحــن الــلَـــمْ ..

يكون فى الدنيا ..متلنـا ..لـمْ

تقـولـى لِـــى شـنــو

وتـقـول لِــى مـنــو ،

ونــحــن الــعَـــاجْ

ونــحــن الــصَـــاجْ

ونــحــن الــبـــوشْ

ونــحــن الــحــوشْ

ونــحــن الــنـــاسْ

وكتيـن الـديـارا ..يـبـاس

وإن درت العديـل والـزيـن

تــعــال يــــا زول ،

وإن كست الكعـب والشيـن

أرح .. يـــــــا زول

ـقـولـى لـــى شـنــو
وتـقـول لـــى مـنــو ،
ونــحــن الــســـورْ
ونــحــن الــحُــورْ ،
ونحـن بناتنـا محـروسـاتْ
ونحـن وِلادنــا ضُــلالاتْ
ونحن أُماتنـا ياهِـنْ ..ديـلْ ،
وجِيب ورينـى زيـىِّ منـو ،
وتـقـول لِـــى شـنــو
وتـقـول لِـــى مـنــو ،
ونــحـــن فَـــــزَعْ
ونــحـــن وجَـــــعْ
ونـحـن اليُـمـه ..واليَـابَـا
ونـحـن أريـتـو بالتَـابَـه ،
ونحن – يمين – إذا حَـرّتْ ،
نخلـى الواطـه ..رُقَـابـه ،
تـقـولـى لِـــى شـنــو
وتقـولـى لِــى مـنــو ،
-ونحـن زَغَـاوه والعطـرونْ
ونحن الدُونَـا ..مافيـشُ دونُ
ونحـن وِلاد مَلـك خِرتـيـتْ
وسَـــــابَ الــجـــرْ
وحــجَــر الـسِـكــه ،
والــــتــــاكــــا ،
وسيّدنا الفـى الجبـل ..دَاكَـا
ونحن – يمين – نضِمنـا كُتُـرْ
وشـيَـتـنــا كُـــتُـــرْ
وأسعَل ناس كَـرن والطُـورْ ،
وأسعَل كَـررى .. والعَتْمُـورْ
وأسعل – يا جنَاَ – الخرتُـومْ ،
وشوف كيفـن زعلنـا كُتُـرْ ،
وشوف كيفـن فرحنـا كُتُـرْ ،
أنحنـا الـللرجـال خُوسَـه ،
ونحن –يمين – جِنَات موسى ،
تـقـولـى لِـــى شـنــو
وتـقـول لِـــى مـنــو ،
ونــحــن الــدوكـــه
والضُـلالـه ، والدونـكـه ،
ونــحــن الـدانـقــه ،
والراكـوبـه ، والـواطـه ،
ونــحـــن الـفَــكَــه
والـــشِـــبـــكَـــه
ونحن الحجـزه .. والعكَـه ،
ونــحــن الــجُـــودْ ،
ونــحــن أســـــودْ ،
ونــحــن الــنَـــانْ ،
حديثنـا إذا أرِدتـو رُطَــانْ
وحين دايرين ..نسوى بَيَـانْ ،
تـقــول لِـــى شـنــو
وتـقـول لِـــى مـنــو ،
ونحـن الخَلـوهَ والـدايـره ،

ونـحـن تَكـيـه العـايـره ،

ونــحــن الــضُّـــلْ ،

ونــحــن الــكُـــلْ ،

ونحن سبيـل غريـب الليـلْ ،

ونحن صباح مسافـر الليـلْ ،

ونحـن فَنَـاجـرةَ الدّنـيـا ،

ونــحـــن حَــبَـــابْ

حـديـثـنــا حَــبَـــابْ

تعال شَرِف .. وشوفنى منـو ،

وتـقـولِــى شــنـــو ،

وتـقـولِــى مــنـــو ،

أقــيـــف لِـــسَـــعْ

وأقــيــف وأســمــعْ ،

ونحن صديرى منضـوم ويـلْ

ونحن القَرمصيص ..بلحيـلْ ،

ونــحـــن الــتـــوبْ

ونــحــن الـــــووبْ

ونــــاس حــبـــوبْ

ونـــــاس حَـــــرّمْ

ونـحـن إذا رأيـنـا كبـيـرْ

نقيف طولنا ..ونقولْ لُه ..حَبَابْ

ونديـه البُـكَـان ..تـرحـابْ

ونحن. اليَانَا ديـل .. يـا زولْ

وتسعلنى .. وتقول لِـى منـو

وتـقـولِــى شــنـــو ،

أقــيـــف لـــســـعْ

وأقـيــف .. وأســمــعْ

ونــحـــن الـتَــايَــهْ

والانــــــدايَــــــهْ

والـــزِريــــعــــهْ

والــعـــيـــزومـــهْ

واتـــفــــضــــلْ ،

ونحـن الـرايَـه مرفُـوعـه

ونحـن الكُلـفَـه مرفُـوعـه

ونحـن حلفـتَ ... مدفوعـه

تـقــول لِـــى شـنــو

وتـقـول لِـــى مـنــو ،

وأمـــــا عـجــيــبْ

وأمــــا غــريـــبْ ،

وأقــيـــف لــســـعْ

وأقـيــف .. وأسـمــعْ ،

أنـا الكَعَـب البسـوى الويـلْ

وأنا الزول السَمِحْ ..بلحيـل ،

ودايـر ..منَِّهُـمْ .. يَاتُـو ..،

تـقـولـى لِـــى شـنــو

وتـقـول لِـــى مـنــو ،

الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..
الشاعر/ سيداحمد الحاردلو ..

ما قاله الاديب العالمى السودانى الطيب صالح عن الشاعر الكبير الحردلو.
.. فى زيارتى لصنعاء اليمن لقيت فيمن لقيت صديقى سيد أحمد الحردلو، الشاعر
الموهوب ، الذى كان سفيرآ ناجحآ للسودان فى اليمن . وجدت أنهم خلعوه من
عمله . كل عهد تجود به علينا الأيام ، لا تقر عينه ، حتى يعزل أفواجآ من
السفراء والضباط والوكلاء والمدراء ومن هم أدنى من ذلك . كانهم يقلعون
أشجارآ بدأت تثمر ليزرعوا مكانها أشجارآ أخر. وينتظرون الحصاد، ويقولون ان
ذلك لأجل مصلحة الوطن.
التحية للشاعر المناضل سيد أحمد الحردلو
عثمان

الرفاعي عبدالعاطي

في هذا الزمن الكعب يمرض المنحطين بالتخمة و هم جمع الثروات، و الشرفاء تمرضهم حالة البلد و الفاقة... سبق لهذه السلطة بعد احالة سفير المهنية و الوطنية و الانسانية أن وعدت بأن تسمح لعائلته أن تعود للوطن لظرف هام و من ثمن تغادر بلا اعتراض الا انهم عمدوا الي احتجاز اسرته لارغامه علي العودة ليفعلوا به ما فعلوه بمن طالتهم ايديهم الملطخة بدماء الشرفاء... هذه الاهتمام بالشرفاء ضحايا الزمن المحل واجب علينا جميعاً و بالاخص الاثرياء القادرين.. فأين دور هذا القطاع تجاه الوطن و تجاه من اعياهم حمل كوارثه؟؟؟ قبل فترة سمعنا عن ثري سوداني خصص جائز للسياسيين الافارقة تفوق قمتها المالية جائزة نوبل فلماذا لا نجد له و امثاله مساهمات نحو الوطن و اهله؟؟؟ اتمني أن يفهم الجميع أن دافعي لهذا القول يتمثل في العشم

كم هو شيء مؤسف ان لا يجد المبدعين ادنى حد من الاهتمام والرعاية عند المرض
وياريت فعلا الجهود تتكاتف وتنجح حملة معالجة الاستاذ الحردلو

قائمة الامل تتمدد فوق مساحة هذا المنبر ويسجل صاحب الدار الغياب حتى الان ؟؟؟ سؤال مباشر للمهندس بكري ابوبكر وكأنما هو على موقف من العشم للحاردلو بكري ندائي لك ان تفتح الباب للأمل وهو ديدك في سابقات كثيرة وربما لم يطلع حتى الان على البوست فالغايب عذرو معاه , تضم قائمة الامل والنور اليوم مجموعة نيرة اخرى والبقية بالباب تزدحم وليت هذه تكون مشكاة في دهليز ونواة لفتح باب دائم بالأمل ويرعاه صاحب الدار بأسم دعم سودانييز لعلاج مبدعي بلادي نساهم فيه بصفة دورية كل حسب امكانياته المادية المتاحة وتظل ماليته في يد من نتفق عليه ونسميه ويكون مكتمل الصفة الادارية حتى يساهم في مثل هذه الطوارئ لبلد ينتقي فيه المرض خيار أهله وأكثرهم طهرآ ويتخم الحكوميون بالمال الفاسد ومساهماتهم بقدر المن لمن يخالفهم ويغدقون على من يعنيهم , قائمة الامل سجل الحضور
جني
بشرى سليمان
عثمان موسى
نصار
مايا ........
نحن الدانقة والراكوبة وا .........

سيد أحمد الحردلو

-1-
كُتْ قايل صحيحْ الهجرة تِرياق للجراحاتْ
ورَاح أرتاح من أحْزانى القديماتْ ،
وقُمْ طشيتَ فى دُنياتْ .. بعيداتْ
برايا جريحْ
أكاتل الريحْ
وأكوس فوق التخاياتْ ،
وأغلب الشوقْ .. ،
وأقول أصبُر خلاس فِضْلن شِوياتْ
عشان ترتاح من أوجاع حُبَك الفاتْ ،
وكم مرات
أحِنْ للارضِ .. والناس الحليوينْ
وادَفْدِف فوق بُلود الغيرْ مِطيراتْ ،
وكم مراتْ ،
... أوَاصلَ الهجرة فى الذاتْ ،
... ورُحتَ بعيدْ
وضيَّعتَ المسافاتْ
وضيّعتَ العناوين والجواباتْ ،
وقُتَ خلاسْ
خلاس الماضِى قد ماتْ ،
وودعتَ الجراحاتْ
-2-
.. ومرت بيّا زى شوبتينْ
وزىْ شِيتاً حميمْ .. ودفينْ
يجيكْ وكتَ الوجع .. والشينْ
يجيكْ زىَّ العديل ... والزينْ
حضرنى شعورْ
شعورْ بحضورْ
حُضور محضورْ
وسادِى الدنيا .. جايى عليّا .. زفة نورْ
.. واتلَفَتَ .. بى هجمة فرحْ .. مسحورْ
وجُوه النورْ
بَشُوفِك نورْ
شَلَح تَالاىْ
تقول مَقطعْ من الدوباىْ
بِفتش ليهو .. لى غناىْ ،
أتاريكْ .. كُتِ دِيمه معاىْ
مهاجرة .. وفى الضُلوع .. جُواىْ ،
-3-
أتاريكْ .. رُحتِ قبلى هناكْ
وشلتِ معاكى كل الفاتْ ،
-4-
لِقيتِك واقفه فى كل المطاراتْ
ومنتظرانى بالشوق والبسماتْ
وايدِك راعشة بِتقول لىْ .. سلاماتْ ،
لقيتك فى محطات القطاراتْ
والتُلوج نازلات على وِشيشك وصاباتْ ،
وإنتِ تحاحى بالتوبْ .. الدِميعاتْ
-5-
أتاريكْ رُحتِ قبلى هناكْ
وشلتِ معاكى .. كل الفاتْ ،
-6-
لِقيتِك فى الشوارع والمطوراتْ
وجارية معايا مرات للضُلولاتْ
وواقفه معايا مرات فى الشموساتْ ،
وقاعدة معايا فى قهواية مراتْ
وتحكى لىْ حكاياتْ ،
وأشوف عينيكى ضاواتْ
كما أُمبارحْ ...
ومليانات محناتْ ،
-7-
أتاريكْ رحتِ قبلى هناكْ .
وشلتِ معاكى .. كل الفاتْ
تَّصاويرنا
وغناوينا
وفريحاتنا .. ومشاويرنا ،
وحاجاتنا الصغيرونات
والخليتَه تذكاراتْ
ورايا هناكْ
لِقيتَه معاىْ
بِتمشى معاى
وتقعد جَنْبى تتكلمْ
تعيد ليا جميعَ الفاتْ ،
-8-
أتاريكْ .. رُحتِ قبلى هناكْ
وشلتِ معاكى .. كل الفاتْ ،
-9-
وكُتْ قايل .. صَحيح الهجرة بتداوى
ولقيتَ الهجرة .. بتكاوى ،
وتَفتِحْ لينا ماَضينا
وتخلينا
مساكينُو ،
وكُلْ مادُرنا نَهرُبْ مِنوُ ...
نَلقانا ... مساجينوُ ،
-10-
أتاريكْ . . رُحتِ قبلى هناكْ
وشلتِ معاكى . . كُلَّ الفاتْ.

كنتَ قايلِك لىْ ضَهَرْ أركزْ عليهُ
وكنتَ قايلك لىْ صَدُر أهجعْ اليهُ
وكنتَ قايلكِ حُبْ كبيرْ ..
دقيتَ صدرى أباهى بيهُ
ورُحتَ أقدل فى البلدْ
وأدوبى ليكى .. أنِمّ ليهُ
وكنتَ قايلك لى زمنْ لِسَعْ...
وقايلِك جايه بيه
وفيه أطفالْ .. فيه أشعارْ
فيه خيرْ وسلامْ .. وفيه
وفيه سُودانا البنحلم بيه
والدايماً نكاتل نِحن ليه
-2-
كنتَ قايلْ ما فى بعدكِ
تانى زولاً أشتهيهُ
ولا جمالاً غير جمالِك
فى بلدنا نفيستى فيه
ولا وطنْ غيرك سَكَنْ
يدينى .. ما تدينى ليه
وجيتْ برايا إلى ضَراكِ
إتضارى من أحزانى بيه
مُحبْ مُطاردْ من بلاده
والعجيبه بلادهُ فيه
خافقه فى كُلْ نبضة ليه
وشايله أمطارْ فى عينيه
-3-
جيتَ قايلِك لىْ ضَرايه
ولىْ صَدُر يهجعْ معايا
وكنتَ شايلِك لىْ تميمه
وكنتَ كاتبِك لىْ محايه
ولما جات الحارة دايره
ودارتْ الأيامْ عليّا
لقيتكْ إنتِ غريبة عنى ...
وواقفه فى جانبْ عِدايا
كأنه يومْ ما كنتِ ليّا
وكنتَ ليكى هدفْ وغايه
كنت قايلِكْ لى برايا ...
وفى النهاية .. بقيتْ برايا !

أجيكْ عاشقْ مسافرْ ليلْ
واجيكْ ولداً جَنَبْ بلحيلْ
اجيكْ لا خَاتِراً مكسورْ
ولا فارساً مَهيِضَ الحيْل
أجيكْ سيفاً سنينْ مسلولْ
وراكزْ ضُمه فوقَ الخيلْ
أجيكْ مسدارْ من الدوبايْ
واجيكَ دُعَاشْ وراهُ السيلْ
واجيكْ لا خَاتي ... لا ظالمْ
واجيكْ في القدلة زيَّ النيلْ
واجيكْ يا مُبتَدا التاريخْ
ويا خَبرَ اللِي كانوا قِبيلْ
لأنَكْ ديمة كُنتَ معايْ
مسولتْ بَيْ نهارْ في ليلْ
ودايماً كُنتَ ليّا أصيلّ
ولاكْ بَرَاني .. لانِي عَميلْ
ودايماً كُنتَ بيّا كبيرْ
ولاكْ هَيِّنْ .. ولانِي قليلْ
وأهلَكْ ديله ..هُمْ أَهَلِي
البِشيِلو الشيله فوق الشيلْ
وانتَ أبويْ .. وأنتَ أخويْ
وانتَ الهُولي .. ماهُولْ زولْ
بشوفَكْ هَالي في حلفا
وفي نِمُولي .. وفي توتيلْ
واجيكْ يا موطنَ الحلوينْ
ويا نيلاً ضُلُولُه نخيلْ
عَشَانْ ما زالْ لدينا كلامْ ...
كلاماً كُلُّه زينْ وعديلْ
أجيكْ الليله شَانْ أفديكْ
وشَانْ تَبْقَالنَا ديِمه دليل
وشَانْ أديكَ عُمري الفاتْ
وكُلَّ الجايي .. جيلْ في جيلْ
عَشَانْ أشقي
وعَشَانْ تلقي
وعَشَانْ تَبْقَالنَا ديِمة جميلْ !

-1-
لازمْ نقول الحقْ
ما الحقْ ده سُودانى
مولودْ فى جرفَ النيلْ
شاربْ من الجدولْ
ولابِسْلُو جِبه قُطنْ
ودارعْ صديرى نخيلْ
وتَقْيَان كَما السودانْ
ومارقْ يقولْ .. يا ليلْ
-2-
لازم نقول الحقْ
مالجنسْ سودانى
والأصلْ سودانى
والفصلْ سودانى
يا سلامْ عليكْ يا جَنَا
يا ابنِ سُودانى
-3-
شايل معاكْ البَحَرْ
والنهرِ ... والغابه
وشايلَ خِصالَ الخلا
والخلوه والداره
وشايل السَمحْ شاره
وطالعْ وَسَطْ خُضْرَه
ونازلْ وَسَطْ نُضْرَه
وقادلْ وَسَطْ سُمرَه
والهِمه غَلابه
-4-
لازمْ نقول الحقْ
ما الحق دَه سُودانى
والاصلْ سُودانى
يا سلامْ عليكْ يا جَنا..
يا ابنِ سُودانى

أُمبارحْ
بى قِليلْ
وكت الليلْ
فَلْفَلْ . . بلحيلْ
. . شُفتَ منامْ
-خير إنْ شَا الله
- خيرْ
شُفتِكْ لا بسة بياضْ . . فى بياضْ
والدنيا دِى . . فوقِك . . زى العاجْ ،
فوق راسِك . . تاجْ
وسيف مسلولْ
والحِنه تزغرتْ فوق ايديكْ
وحريرة
ونور بيضوى عليكْ . .
- خيرْ ان شَا الله ،
- خيرْ
شُفتِك قاعدة . . تقول فوق عرشْ
والعالم كُلو . . بقول .. لبيكْ ،
-2-
وجَنْبِك ميه بتْ فرحانه
- خيرْ إنْ شا الله
- خيرْ
وناسْ
وزحامْ
وكلامْ
وسلامْ
وغناوى . . ونور
وحكاوى . . تدورْ
وشُفتَ كمانْ
واحد فرحانْ
قاعد جَنبْك
- خيرْ انْ شا الله
- خيرْ
أقول زى لا بسْ
نورْ فى نورْ
وبعاين ليكْ . . زى المسحورْ
-خيرْ إنْ شا الله
-خيرْ
وجنبو جماعه ،
كُتَارْ بلحيلْ
نازلين فى الداره ،
تقول الخيلْ
والليل شبالْ ،
والليل تُمْ . . تُمْ
والليل دلوكه ،
غناها . . نَضِمْ .
والليلْ . . يا ليلْ
مجنون . . بلحيلْ .
-3-
خيرْ إنْ شَا الله ،
خيرْ إن شَا الله
- خيرْ

هل عندنا ..!

هل عندنا مليون ميل ..
أو يزيد..
هل عندنا عشرون نهراً
أو يزيد..
هل عندنا إرث
تجذّر في القديم
وفي الجديد
هل عندنا..
مجد الغناء ..
وعندنا مجد القصيد ؟
هل عندنا
قمح وبترول
وعصر من حديد ..!
هل عندنا شعب..
كريم النفس
جبار .. عنيد
... ونموت مسغبة وجوعاً
يا لنا ..
وطن فريد ..!


سيد أحمد الحردلو

زول فاضل

زول فاضل
وما بستاهل الحاصل
بلد معروف
نسيجه فريد
ومتجدد ومتكامل
عفيف ونضيف
وأخو أخوان
ومتكامل
وزول حقاني
وما بنساق
وراء الباطل
وزول شايف
وزول واصل
وزول – والله –
لا مجهول ولا جاهل

- 2 –

بلد طيب
وزول فاضل
وما بستاهل الحاصل
ولا يستاهل
إنو يقال
وطن إرهاب
بلد باطل
ولا يستاهل
الليل الذي طـوّل
بدون فاصل
ولا بستاهل
إنو يجوع
وفي بلده البسط واصل
ولا بستاهل
إنو النيل مسولت
والعطش حاصل
إنو يموت
وتبقى دياره للكاتل

- 3-

بلد طيب
وزول فاضل
وما بستاهل الحاصل
ولابد في النهاية صباح
وأصلو الليل ظلام زايل
ونرجع تاني
زي ما كان
بلد طيب
وزول فاضل

سندباد فى بلاد السجم والرماد
_________

إلى الشقى .. جَنَا الشقى .. المصطفى جَنَا سعيد ،
الله لا كَسَبُه دُنيى . . وآخرِى ..
-1-
ملعون أبو الغُربه
وملعون أبو عِلانْ ،
القالْ تهاجر .. يجيكْ
شِيتاً كتيرْ . . بلحيلْ
شِيتاً يجيكْ بالوَعَا ..
وشيتاً يجيكْ بالليلْ
ناساً يجوكْ طاشينْ
وواحدين يجوك ْ نازلينْ
من السَما العشرينْ ،
زىّ الخِدرْ .. داجينْ
شايلين كلامَ الكتابْ
وشايلين كتابَ الكلامْ ،
وشايلينْ . . كمان شايلين
كلّ السَمحْ .. والزينْ ،
-2-
سمِعْ كلام السَفِيهْ
وقُمتَ دَجيتَ
ومشيتْ وراكْ يا سرابْ
ناماً .. أنا حِفيتَ ،
كُلْ ما أدور أرتاحْ ..
أشم دُعاشَكْ قريبْ
وأتابعَ السِكة ،
يا سكة آخرِك وين
يا سكه وين الوصول
داير لى ضلا زين
وزول يقول لى الزين
يقعد حداى يكب الجبنه .. فنجانين
وأقول كفاى .. ويقول .. تدفنى .. تانى .. اتنين
يا حليل ضلول الضحا
ويا حليل بيوت الطين
ويا حليلن الطيبين
العندهم حقك .. حتى ولكان ملين
-3-
يا حليلْ نسايم الليلْ
فى مقرن النيلين
وحليوة الحلوينْ
عينيها براقين
شايلين خريف وشتا
وصابين علينا . . حنينْ
-4-
يا حليلْ أهلنا الكتار
والمو أهَل . . وكتار
يجوك وكت الفرح
ويجوك ساعة الترح
وبينن ساعة الترح
وبينن اللتنين
يجوك خفاف وسراع
ويقولو ليكا .. سلام
ويجيك معاهم سلام
-5-
يا حليلْ هَبوبنا وعَجاجنا
ويا حليل سجمنا ورمادنا
وزعلنا دون أسباب
وفرحنا دون أسباب
وبُكانا دون أسباب
يا حليلو هُه الما غابْ
راقد تقول تمساح
حارس العقاب بالناب
راقد تقول محدود
فى الدنيا . . من غير حد
طيب . . وزين . . وفقير
وغروره فايت الحد
يا اخوانا – بالله
قولو لى كيف الزول
يقدر يخون بلده
مهما تكون بلده
تعبانه . . فايته الحد ،

أخـوي سـيد أحمد الغـالي ..
ماني الشاعر البلضم من الكلمات عقود جوهر ..
أنا إن كترت عنقالي ..
بجر القـول مجاملة ليك ما أكتر ..

يا دخـري البلد ..
سائلين الكريم يدفسـك عافي مطمورتين ..
وما يحوقك من طرف حـد شـين ..
بلادا جابت أمثالك تسـر العين ..

دقر يا عين ..
ياك براك يادخري الوطن ..
رفعت حجر عقاربه كتر ..
بي مركوبك الفاشري هرست الشر هرسته ضهر ..

النبي نوح ..
وليدي إنشاالله تشبع عافية فوق عافية ..
نشوفك تاني من تاني اتسوي الكي ..
تهش نعجاتن العرجات وتهرش عـيَ ..
نشوفك تاني من تاني ..
تورا فوق جروفنا قدل ..
نشوفك تاني من تاني ..
أسدا في البراري نتر ..

كلامي خلص ..
عشمنا الليلة فزعتنا التجيب برق الضهاري مطر ..
تحياتي .
ود الملك

محمد عبدالملك لك التحية والتقديرولي متابعة خليك معانا ...

تحياتي وتقديري واحترامي ومعكم نيازي عبدالله مرحوم لتبني امر شاعرنا سيد احمد الحردلو

حصل
سيد احمد الحردلو
، يا جَنَا .. أبداً جَرَالَكْ أمرْ مِن هَذَا القبيلْ ،
إنك مسافر فى بلاد بره .. وزول عابر سبيلْ
تلقاك بنية حليوة .. زى موية السبيلْ ،
والدنيا حرْ ..
والجوف عليلْ ،
تنده عليكْ
يا ماشى زى الغابة .. يا زولْ .. يا جميلْ
وَقفْ .. وهاكنى معاكْ .. وسافِرْ .. يا جميلْ ،
- أيوه حَصَلْ ،
بس المطرْ كان قاجى .. والليل كان جميلْ
والبندقية .. جزيرة الطِليان ..
يمين . . مليانة شيلْ
والبحرِ رايقْ .. والمزاجْ . .
والجيب تقيلْ ،
وشربنا . . ناماً شُفنا ايطاليا مدنقرة فى المحيطْ،
وتقول ياليلْ
ويمين – حلفنا – نعومْ .. وكان الكيفْ تقيلْ
وا ليلْ
يا زول حَصَلْ .. زى ما حَصَل . .
ما الدنيا ليلْ
والزول مسافرْ
والطلايناتْ ديكْ . . يا ليلْ ،
- أيوه حَصَلْ
. . . بَس المطر كان قاجى .. والليل كان جميلْ
البندقية –مارس –1975

يدكم معانا..
ارجو ألا تكون إحباطات أهل السودان قد بلغت هذه الناحية التي كنا نفاخر بها شعوب الأرض ؟

سلام وتحية للجميع -

وتحية خاصة لصاحب البوست لهذا الوفاء -

وارجو ان تتقنن الطريقة التى يمكن بها مساعدة الأنسان النبيل الكريم والشاعر سيدأحمد

الحاردلو فالنكن عمليين ونشرع .فالرجل ابن بلد بأكمله - دخل كل البيوت وتعلقت به الأفئدة

محبا لنا وللوطن !

ست البنات .

Quote: نيازي النضيف ست البنات لى حدهن سلام انا والله ياست البنات شاكرك على كلماتك التي تدفع للأمام وعجزت في مناشداتيي للاخ بكري ويبدو انو بكري عندو مقياس خاص للدعم فيوجد عنده سوداني درجة اولى واخر درجة رابعة ارجو ان تواصلو في النداء للأخ بكري لأنو حسي انقرش من عثمان عجبين والى الان لم يفق بكري من سباته العميق .

بكري ابوبكر ســـــــــــــــــــــــــــــــلام

مرة أخرى نجدد النداء ياناس يا هوووووي