Post: #1 Title: وحيدر بورتسودان00 فى احلى الالحان!(وحيات)!!! Author: سمندلاوى Date: 11-08-2007, 01:00 AM Parent: #0
Post: #2 Title: Re: وحيدر بورتسودان00 فى احلى الالحان!(وحيات)!!! Author: سمندلاوى Date: 11-08-2007, 09:03 AM Parent: #1
ما اجملك 00 قوة فى الاداء ونقاء فى الصوت لاتشوبه شائبة,, دليل موهبتك وشفافيتك0000 تذكرنى فى هذه الاغنية تسجيلات الباشكاتب فى الاذاعة فى الزمن الجميل!! احييك فى بعدى00 ياصديقى وليك مليون وردة000 اعجابى بادائك فى هذى الدرة البراقة00 ودمت لنا00
Post: #3 Title: Re: وحيدر بورتسودان00 فى احلى الالحان!(وحيات)!!! Author: Saber Abdelhadi Date: 11-08-2007, 10:11 AM Parent: #2
الزول الفنان جدا معاوية , لك الغيم والمطر00 تعرف حيدر دا اساسا كان فى بداياتو بغنى للفلتة محمداللمين(الباشكاتب كما يحلو لى اناديه) ويتمتع بعزف عبقرى على الة العود(يعنى بجضمو صاح)ولذلك تجده متشرب بلوحات كثيرة ومتنوعة فى الحانه وصوته وبالتالى ادائه وحضوره, شاب فنان من الطراز الاول بجد00 ازدادت معرفتى به عندما تعاونا معه فى فرقة السمندل وكان اول انتاج لها عملى فى الامارات فى تلك الرحلة الفنية الرائعة الناجحة فى نهاية الث- مانينيات00 هو موهبة فذة ويستحق منا الثناء 000 شكرا عزيزى على طلتك البهية ودمت!!
Post: #15 Title: Re: وحيدر بورتسودان00 فى احلى الالحان!(وحيات)!!! Author: غباشي Date: 11-12-2007, 00:36 AM Parent: #1
سمندلاوي يا فنان .... ماغريبة عليك انك تطرب لحيدر الخطير وبالذات في رائعة وداللمين ...... حيدر خطير .... خطير ... خطير من أول مرة طل علينا و غنى "عروس البحر" وحيدر معروف بروعته في التلاعب بالأورغن و تطويع النغمات كما يريد ..... بتذكر مرة وأنا في طريقي راجع البيت في الصحافة شرق ... سمعت صوت حفلة و شكيت في البغني دا حيدر و للا زول تاني ؟؟؟ المهم بقيت ماشي على اتجاه الصوت و قبل ما أصل إتأكدت إنو حيدر لأنو صوت مميز ....... حضرت الحفلة بمزاج ..... لك التحية يا راقي
مرحب غباشى,, مرحب بالذوق المتسامى00 نعم حيدر مذهل بجد,, حباه الله بحنجرة نادرة ماشاء الله عليه,, يمتاز بالثبات والحضور الكثيف,, له امكانيات صوتية تؤهله لنجومية مترامية 00 لك كل الود عزيزى غباشى00
Post: #17 Title: Re: وحيدر بورتسودان00 فى احلى الالحان!(وحيات)!!! Author: bushra suleiman Date: 11-12-2007, 10:43 AM Parent: #1
وحيات نداوة الصباح البهيج دا يا سمندل اسعدتنى .. فـ حيدر فنان يعرف كيف يطوع حنجرته واختياراته
Post: #19 Title: Re: وحيدر بورتسودان00 فى احلى الالحان!(وحيات)!!! Author: سمندلاوى Date: 11-13-2007, 09:55 AM Parent: #17
Quote: وحيات نداوة الصباح البهيج دا يا سمندل اسعدتنى ..
حبيبنا ودسليمان ,, كن دائما جميلا , فكلما سعدت انت ضمنا لانفسا جمالا دائما ومستقرا يرضعنا الحب والكلام الالق.. وياريت تنعم علينا ليهو بواحدة من كنوزك الوردية ! سعدت بطلتك يابلد!
Post: #20 Title: Re: وحيدر بورتسودان00 فى احلى الالحان!(وحيات)!!! Author: NAZIM IBRAHIM ALI Date: 11-14-2007, 07:41 AM Parent: #1
(وصارت بورتسودان بحيدرها)
من اعذب الاصوات واشجاها
شكرا على هذا الجمال
تاظم
Post: #21 Title: Re: وحيدر بورتسودان00 فى احلى الالحان!(وحيات)!!! Author: mulhim Date: 11-14-2007, 10:02 AM Parent: #20
العزيز سمندلاوى ... حيّاكـ الله يا فنان..
Quote: تعرف حيدر دا اساسا كان فى بداياتو بغنى للفلتة محمداللمين(الباشكاتب كما يحلو لى اناديه) ويتمتع بعزف عبقرى على الة العود(يعنى بجضمو صاح)ولذلك تجده متشرب بلوحات كثيرة ومتنوعة فى الحانه وصوته وبالتالى ادائه وحضوره, شاب فنان من الطراز الاول بجد00
عارف تصديقا لكلامك ده ...انا من المحظوظين جدا السمعوا حيدر بورتسودان فى بداياته وهو بغنى للاسطورة محمد الامين مطرب وعازف عود متمكن وصوت منتهى الجمال والتطريب وحتى فى اعتماده على الاورغ قمة الابداع وياريت لو يكون عندك باقى التسجيل ده وتتحفنا بيه .. سمندلاوى ...شكرا
ياسلام ياملهم00 بختك انك حظيت مثلى ب حيدر الاول, لاحظتو هنا ادى رائعة محمد الامين هنا كيف,, يعنى تقريبا نفس الطبقة الصوتية مضافا التطريب(القوقاى) ياخى بالغ فى عكس صورة الباشكاتب فى تسجيل الاذاعة الاول00 يااااه ياله من حيدر.. بس ياريت حيدر ينهض تانى وبقوة عشان هو عندو مكانة ليست بالهينة فى خارطة المغنيين الشباب00 سلمت الغالى ملهم والى اللقاء فى عمل شيق اخر00/
نعم العزيز ناظم ,, فهو كما تفضلت به00 تعظيم سلام للطلة
Post: #23 Title: Re: وحيدر بورتسودان00 فى احلى الالحان!(وحيات)!!! Author: صلاح شعيب Date: 11-14-2007, 10:47 PM Parent: #22
قمة الآداء والاحساس بالكلمة واللحن ولا أدري يا زميلنا سمندلاوي لماذا توقف حيدر بورتسودان وهو بهذه الامكانية الصوتية والادائية..؟
وأتذكر ان ظهوره كان بالقوة بما جعلنا نتوقع ان يكون له من الاعمال الخاصة ما ينافس بها عمالقة الفن.. اتمنى أن يواصل حيدر في ابداعه الخاص ليخلد اسمه في التاريخ الفني.. الشئ الاخر لماذا لم يتعاون حيدر مع ملحنيين مجيدين آنذاك خصوصا ومن بينهم كان هناك عمر الشاعر وبدر الدين عجاج ؟
استاذناصلاح شعيب, تحية واحترام حيدر بالفعل فنان نادر وعليه نتمنى ان يواصل مسيرته بجدية واهتمام لانه فعلا ركلس كتير ووجبت انتفاضته من جديد وكلنا مستعدون للتعاون معه فى هذه السانحة 00 سعدت بمرورك عزيزى00
يا بكوري لي عظيم الشرف ان اتعامل مع كل الاصوات الندية الواعدة ازا كانت جادة نتعامل كما يتعامل المعترفين /// من الالف .....للياء /// وطبعاً نتة عارف قصدي شنو
..........................................................................لك مني كل حب وتقدير
يسلام على الكلام الحو من الناس الحلوين.. حيدر محمد عثمان زول خطير اول مرة اراه فيها كان يمسك بالعود ولم تصل رجلية الى الارض وهو جالس على كرسي الخيزران في مدرسة بورسودان الاهلية.. وكان لاخويه حسن وحسين القدح المعلي في دخوله عالم الفن، فقد اسس التيمان اول فرقة جاز في بورسودان ثم افردا الساحة الى حيدر بورسودان الذي غنى عيون فاطمة تلك الحضرمية التي الهمته فطفق يغني على طول وعرض البلاد...ويعيد العديدمن المختصين حرفنة حيدر الى استخدامه اليد اليسري في العزف على الات، فقد تحدث الكثيرين عن حيدر عازف الاورغ والعود لكن لم يتحدث احد عن حيدر عازف الكمان او عازف الجيتار فهو مجيد في كل من تلك الالات باتقان لافت للنظر. وكمواكب وصديق ومتابع لحياة هذا الفنان اشير الى انه كبا في طريقه عندما اختار الاغتراب الى الخارج لسنوات عاد بعدها ووجد الكثير من الاحباء قد نسوه بعد ان امتلأت الساحة بالغربان ..وكانت كبوته الكبرى عندما قبل وغني للدفاع الشعبي وكانت تلك القاصمة له ... لكن الفن الاصيل لايصدأ فقد عاد بعد ان تزوج ابنة خالته واكمل منزله في الخرطوم وتحول من حيدر بورسودان الى حيدر الخرطوم.
مرحب عزيزى elnadeif وشكرا لك على ايرادك للمعلومة الشيقة,, وواضح من كلامك معرفتك اللصيقة به00 ارجو ان كان لك اتصال معه ان تبلغه تحاياي واشواقى له! حبذا لو تكرمت بارسال رقم هاتفه لامر ضرورى جدا00 شكرا لك عزيزى مرة اخرى والى لقاء اخر00
Post: #33 Title: Re: وحيدر بورتسودان00 فى احلى الالحان!(وحيات)!!! Author: hamid abdalah Date: 11-21-2007, 05:14 AM Parent: #1
يا سلا اااام ,,, لقد اضفيت للمنتدي
بهذه المشاركة المبدعه الرا ئعة
دفء ,, وحب ,,,, وحنان,,,
يتدفقن مثل امواج البحر الاحمر ,
فلك منا الحب والتحنان ,,,
واذا كان لديك المزيد من اعمال هذا المبدع العملاق
اتمني ان تتحفنا بها ,,, ونكون لك من الشاكرين
وكنت قد بحثت عن اعماله بكل من google video and youtube
Post: #34 Title: Re: وحيدر بورتسودان00 فى احلى الالحان!(وحيات)!!! Author: نجوان Date: 11-21-2007, 07:28 AM Parent: #33
جمـــــيل يا سمندلاوي.. ألف شكر
سعيدين بعودة حيدر بورتسودان للساحة التي تفتقد أمثاله من المبدعين
_____
Quote: الزول دا ما بيشبه فنانين اليوم
هو أساسا ما من فنانين اليوم يا معاوية
Post: #35 Title: Re: وحيدر بورتسودان00 فى احلى الالحان!(وحيات)!!! Author: قلقو Date: 11-21-2007, 07:46 AM
الأخ سـمندلاوى.. تحضرنى طرفة بخصوص احد معحبى الفنان حيدر بورتسودان وهو من ابناء مدينة الأبيض .فقد كان هذا المعجب يحفظ كل اغانى حيدر ويتغنى بها فى الحفلات والأعراس بالأبيض .وعندما اشتهر هذا الأخ قليلا طالبه اصدقاءه بأن يختارلنفسه اسما فنيا. ولما طال النقاش حول اسمه الفنى الذى سيطلق عليه قال الفنان لأصدقاءه(خلاص سـمونى حيدر بورتسودان الأبيض) مع تحياتى .
Post: #36 Title: Re: وحيدر بورتسودان00 فى احلى الالحان!(وحيات)!!! Author: محمد العميري Date: 11-21-2007, 09:33 AM
نهارك سعيد يا سمندلاوي
والله حقيقة حيدربكل ماتحمل الكلمة من معني ويكفية انة اول من عزف
علي الاورغ وغني في السودان لك مني الف تحية ولعزيزنا حيدر
مرحب بالحنين حامد عبدالله.. منور يابلد تحايك واعجابك اتمنى ان يكون متابع لها اما عن الاعمال فهناك تسجيل له كامل فيديو مع فرقتى الحبيبة السمندل فى تلفزيون ابوظبى ارجوان اجد الوقت لانزالها هنا, اصلو تلفزيون السجم مابقدر ولاحاجة.. اهديناهو نسخة من التسجيل ول كنه تمرد علينا ولم يتكرم بعرضها00 ولكن سترى الور هنا باذن الله00 اشكرك عزيزى على مرورك من هنا وليك كل مودة وحب00 ---------------------------- ---------------------------- شكرا ليك العزيزة نجوان00 وشهادتك وتقييمك للفردة حيدر نزلت بردا وسلاما مع امنياتى لك باوقات سعيدة00 سعيد بغشوتك لينا00 ---------------------- ----------------------
Quote: خلاص سـمونى حيدر بورتسودان الأبيض
العزيز قلقوالشاب باين عليه غراان لشوشتو زى مابقولو اولاد بمبا.. شكرا للطرفة والطلة.. -------------------- ------------------- محمد العميرى لك منى كل ود وتقدير00
والشكر والتقدير لك الذين مروا من هنا مع امنياتى لكم باوقات سعيدة00
Post: #40 Title: Re: وحيدر بورتسودان00 فى احلى الالحان!(وحيات)!!! Author: ترهاقا Date: 11-26-2007, 02:23 AM Parent: #37
العزيز بكرى
لا شك أن حيدر هو احسن من تغنى للاستاذ محمد الامين وزى ما عارف إنت مقدراته العالية فى العزف على العود ولكن ما يحيرنى افول نجمه وهو بكل هذه الامكانيات، وزى ما إنت شايف فى الفترة الاخيرة بقى فى زخم كمية من المغنين لا حصر لهم ربما يكون ضاع وسط الجوطة دى
لكن برضو بقول حيدر محتاج لى واحد خبير يقوده للاتجاه الصحيح وذلك بحكم معرفتى به الطويلة ، يعنى بذكر وأنا فى عطبرة الثانوية هو كان ولد صغير يمكن فى الابتدائى وتخيل فى وقت الناس ما كانت بتفهم غنا محمد الامين هو كان بيغنى غنا محمد الامين
Quote: لا شك أن حيدر هو احسن من تغنى للاستاذ محمد الامين وزى ما عارف إنت مقدراته العالية فى العزف على العود
شكرا ليك ياولدنا القول الفصل, انت عارف انا بفتش عليهو ومالامى فى اى تلفون ليهو عايز اتكلم معاهو فى موضوع الركلسة دا.. شكلو كدا العرس رخم بيهو00 تسلم للطلة ياعزيزى!*********************
انت هسى فى كاليفورنيا ولا وين عايز تلفونك لو امكن00 My-e-mail
Post: #42 Title: Re: وحيدر بورتسودان00 فى احلى الالحان!(وحيات)!!! Author: احمد معتصم الطيب Date: 11-26-2007, 04:59 PM Parent: #41
ياسلام عليك يا سمندلاوى وعلى حيدر بورتسودان وهو يتميز دون الغير بالآداء الجميل وإختيار أجمل الكلمات والعزف على العود والاورغ, وفى هذه الغنية بالتحديد أظهر معاني االكلمات : بشكل وضوح وصوت بلا شك أكثر من جميل تسلم يا سمندلاوى ويسلم الزوق الراقي والتحايا لحيدر بورتسودان ::
...
0000 التحايا والتبجيل للفنان