Post: #1
Title: كراع شبشة, طرفة بروفة لذيذة!
Author: سمندلاوى
Date: 11-14-2006, 07:55 AM
Parent: #0
الزمان ... يوم كدا من الايام واياها!
المكان .... احدى المزارع (لااذكر ولكن منطقة ملئ بالخضرة والطبيعة الزاهية , فى اطراف الخرطوم)
كنت انا(كمنجة) والفردة الجميل سعد الطيب(كيبورد), بصدد بروفة مبدئية لاغنيتى سألت عن فؤادى ويوم لقياك(الاتنين فى مقطوعة موسيقية واحدة)
للراحل المقيم فينا حسن عطية.
هناك فى مصطلحات فى النوتة الموسيقية بعض الرموز التى تشير الى فعل معين, فمثلا الجملة المحصورة بين قوسين بشكل خاص تعنى اعادة هذه الجملة (مرجّع)بضم الميم وتشديد الجيم.
فكنت انا دائما ماارجع فى مقطع معين فى الوقت نفسو كان سعد يواصل فى العزف مما خلقت هذه العملية نوع من الارتباك مماجعل اللحن متداخلا فى بعضه, يتوقف سعد ونراجع الجملة الموسيقية فباى شئ تمام التمام ومظبوت, ونعيد الكرة ويحصل نفس الشئ!!
كان سعد يجلس على مسافة منى, ولما تكررت الحاجة دى اتى الى حاملا الاسكور الخاص به ليراجعه مع بتاعى ,,,, وفجأة اكتشف ان هتالك (مرجّع) لدى واصبح مذهولا لانه لم يكتب مرجع لدى, وحاول التاكد بنفسه وبطريقة ما حاول تمرير يده على الورقة(الاسكور) ليتاكد ,,, تعرفو المفاجاة طلعت شنو؟؟؟؟؟ ها ها ها , المرجع طلع كراع شبشة التصقت بالظبط كدا فى بداية الجملة الموسيقية وكونت شكلا مماثلا لمصطلح الاعادة , فكانت طرفة لاتنسى
طبعا دى من اجمل المقطوعات الموسيقة التى وزعها سعد بصورة بليغة اذ دمج موسيقى يوم لقياك مع سالت عن فؤادى فكانت من اجمل المقطوعات عذوبة بالاضافة لاغنية قمارى التى كانت تؤديها حنان النيل.
من هنا وهذا البوست بمثابة ترحيب حميم للحميم والرقيق سعدالدين الطيب ذلك الموسيقى المتفرد.
التحية لك عزيزى واخى الحبيب سعد الطيب
|
Post: #2
Title: Re: كراع شبشة, طرفة بروفة لذيذة!
Author: Elmuez
Date: 11-14-2006, 08:39 AM
Parent: #1
| Quote: المرجع طلع كراع شبشة |
مساهمة لطيفة في ذاكرة جميلة و ربما ساهمت الشبشة في تجويد ذلك العمل البديع,
حقيقة أبدع سعد و أبدعت الفرقة في الربط بين لحنين لأمير العود بتلك الطريقة الممتعة, أتمني أن نجد من يتيح فرصة الإستماع لهذا العمل لمن فاتتهم الفرصة,
مرحب بسعد مجددا ,
و التحية ليكم جميعا عزيزي بكري سمندلاوي,
|
Post: #3
Title: Re: كراع شبشة, طرفة بروفة لذيذة!
Author: سمندلاوى
Date: 11-14-2006, 10:58 AM
Parent: #1
مرحب الزول الفنان المعز
نعم كانت بروفة كاربة وهنالك كبرى بتلعبو الكمنجات
بسرعة الكربة .
شكرا جميلا على المرور والتعليق, اما المقطوعة علينا
بتمبس ليسعفنا بها!
تحياتى
|
Post: #4
Title: Re: كراع شبشة, طرفة بروفة لذيذة!
Author: Mutwakil Mahmoud
Date: 11-14-2006, 01:51 PM
Parent: #1
حبيبنا بكري
أشواقي حين تسعي إليك تشتاق
الشوق مطر آيها الملاك الخلوق
أفتقدك بشده
أنا موجود بواشنجطن قرابة العام أنجز مهمة خاصة بي شارفت علي الأنتهاءـوبعدها مرة أخري الي لوس نجيليس في طريق زيارة قصيرة للسودان
مازلت أذكر أيامنا الجميلة بلوس أنجيليس بإذن الله سوف أعيدها قريبا بمشروع عودة البلابل فقد خطونا فيه خطوات كبيره وبقي لم الشمل مرة أخري للتسجيل والتوثيق بحول الله
هاتفني علي تلفون 0013103497010
ومن الوصل رسول بيننا
أخوك د.متوكل
|
Post: #5
Title: Re: كراع شبشة, طرفة بروفة لذيذة!
Author: tmbis
Date: 11-14-2006, 02:30 PM
Parent: #4
| Quote: بتمبس ليسعفنا بها! |
يابكــور ..
أول حاجة حمد الله علي السلامة ليك ولي صاحبك التاني ... بقيتو تظهرو مع بعض يعني ؟؟
قبل الأغنية كنت بفتش علي ( المناير ) ابوكراع شبشه دي وما لقيته
والمقطوعة الرهيبة دي والله سمعتهــا لكن ما عارفة وين طارت
ياخي عندي اقتراح .. اصلو صاحبك داك قبل ايام كانت طايره ليهو اغنيتين .. رسلت ليهو واحدة وباقي ليهو التانية قال عايز ينفضهم .. فما عارفو وصل وين في النفض ..
اهــا بقترح انك تنفض برضو .. ومالو لو نفضتها بي كراع الشبشة دي وجدعتها لي في الايميل .. يا تقوم تنزله هنــا بي ( شبشته ) .. وأهو فيها حركة برضــو .. وللايام الجميلة والدين الفي الرقاب ...
انا غايتو بحب التحريض
اهـــا قلت شنو؟؟
|
Post: #7
Title: Re: كراع شبشة, طرفة بروفة لذيذة!
Author: سمندلاوى
Date: 11-16-2006, 06:22 PM
Parent: #5
ياااتميس!
ليك وحشة والله!
قت لى انا واخوى الكاشف,, الله كيييف دا مارحلة العمر!
على العموم انا عندى شريط تسجيل الامارات ح احاول انقلو للكمبيوتر
بس عندى مشكلة فى القرافجكارت, ح اظبطو وانزلها هنا!
اها
فتك بعافية
|
Post: #6
Title: Re: كراع شبشة, طرفة بروفة لذيذة!
Author: سمندلاوى
Date: 11-15-2006, 05:55 PM
Parent: #4
اواه د.متوكل الزول السمح
ليك وحشة والله وطولنا منك شديد, ياسلام عليك يامتوكل
يعنى ماتتصور فرحتى بيك قدر شنو , ياخى دا زمن بى حالو!
ازى صحتك وكيق عامل انت؟
| Quote: مازلت أذكر أيامنا الجميلة بلوس أنجيليس |
انت عارف طوالى لفحتنى النكهة وقمت جرى جبت الصور وهاك ياتحكرةو ايام طاعمة بالحيل بس ياريت نضوق طعم شغلنا مع الزول العجيب دا!
Quote: بإذن الله سوف أعيدها قريبا بمشروع عودة البلابل فقد خطونا فيه خطوات كبيره وبقي لم الشمل مرة أخري للتسجيل والتوثيق بحول الله
|
دا خبر سعادة عدييييل , على العموم انا جاااااهز موية ونور ووتر وقوس, بس التوقيت المناسب اهم شئ.
تحياتى الغالية للاخ معاذ وكل الشلة والاصحاب.
فتك بعافية!
بكرى
|
Post: #8
Title: Re: كراع شبشة, طرفة بروفة لذيذة!
Author: سمندلاوى
Date: 11-18-2006, 02:21 PM
Parent: #1
شنو ياتمبس مالقيت حاجة؟؟
بس انا مالاقى وكت عشان اعمل الفورمات للكمبيوتر!
|
Post: #9
Title: Re: كراع شبشة, طرفة بروفة لذيذة!
Author: سمندلاوى
Date: 11-18-2006, 02:21 PM
Parent: #1
شنو ياتمبس مالقيت حاجة؟؟
بس انا مالاقى وكت عشان اعمل الفورمات للكمبيوتر!
|
Post: #10
Title: Re: كراع شبشة, طرفة بروفة لذيذة!
Author: ودرملية
Date: 11-18-2006, 04:08 PM
Parent: #9
سلامات
وعوافي
السمندل ..
يانغم الاوتار الحساسة ..
كيفنك ابوي وكيف عيالك والاهل ..
انت طيب وكلهم يارب ..
اها برحب معاك بالاستاذ "سعدالدين الطيب" في المنبر واحيي عبرك "كراع الشبشة" التي مرقتك من "اوكارك" وتسلم يابكري ..
بعدين ياخي انت بتلبد كدا شنو "بتجس في نبض الريدة والا شنو" ..
تقبل معزتي ..
|
Post: #11
Title: Re: كراع شبشة, طرفة بروفة لذيذة!
Author: Tumadir
Date: 11-18-2006, 05:16 PM
Parent: #10
سمندلاوى قصتك لذيذة
يبدو اننا موعودين بباقى قصص ناس قسم الموسيقى ..
أجيب ليك ناس قسم الدراما عشان نعمر البوست ده؟؟
ياحليلكم يا جميلين!!!
|
Post: #12
Title: Re: كراع شبشة, طرفة بروفة لذيذة!
Author: عزيز
Date: 11-24-2006, 12:27 PM
Parent: #11
الحبيب أبو عمورى السمندلاوى الحلو بكور
ليك شوق كتير وراجى تلفونك الذى وعدت به
وهنا تكتمل الفرقة السينفونى بحضور الأخ الرقيق الجميل سعد الطيب .. يااااااااااااااااه أيام .. وبيت الديم
سعد يشابه عزفه فى رقته وجماله .. ولنا ذكريات جميلة مع التكنكس والأخ الحبيب حيدر بوتسودان .. ياسلاااااااااااام أيام ..
تعرف يابكور سوف آتيكم هنا بألأخ الفنان والموسيقى الجميل إبراهيم محمد الحسن فقط هو هذه الأيام فى إجازة بالسودان وكان قد ذكر لى بأن طاقاته الموسيقية متفجرة فى الآونة الأخيرة وله أعمال كثيرة لم ترى النور بعد وهو بصدد زيارتى فى هولندا فى القريب العاجل..
دعونا نجمتع هنا على أمل لقاء كبير نحقق فيه بعض من أحلامنا ..
كانت هذه دعوة أستاذنا الجميل الموصلى قبل أكثر من 4 سنوات بأن يجمع أكبر قدر من الموسيقيين فى هذا المنبر الجامع للتفاكر حول ماآلات الموسيقى السودانية ..
محبتى وأشواقى
عبدالعزيز خطاب
|
Post: #14
Title: Re: كراع شبشة, طرفة بروفة لذيذة!
Author: شهاب الفاتح عثمان
Date: 11-24-2006, 03:02 PM
Parent: #13
بروفة حقا لذيذة.
|
Post: #18
Title: Re: كراع شبشة, طرفة بروفة لذيذة!
Author: سمندلاوى
Date: 11-27-2006, 06:50 PM
Parent: #11
ياهلا , البيت منور ياتماضر
كيف, تعالو بى جاى , انا ذاتى عندى وجكاوى معاكم كتيييرة
يلا تعالى ورجعونا لى زمان العمارات
تسلمى
|
Post: #15
Title: Re: كراع شبشة, طرفة بروفة لذيذة!
Author: سمندلاوى
Date: 11-27-2006, 06:07 AM
Parent: #10
اوووه الزول البلد عبدو
ازيك ياخ وكيف عامل, طبعا اتلاقينا فى رفاعة وجيتنا فى بيتنا
لكن الظاهر انا كنت مازلت مخلوع , ومافاهم اى حاجة , لانو دى كانت
اول مرة اجى السودان وبالاخص رفاعة بعد سبعتاشر سنة اتخيل عليك الله
كيف كان حالى فى اللحظة ديك؟ عشان كدا يابلد مااستمتعنا مع بعض وانت
الظاهر برضو كنت جارى جرى شديد.
العيال طيبين لكن البرد شرط
بس دفينا بكلامك اللذيذ وشيق , اعرفك رقيق ذو نكهة خاصة.
كل الحب
|
Post: #16
Title: Re: كراع شبشة, طرفة بروفة لذيذة!
Author: Moawia Mohammed
Date: 11-27-2006, 10:21 AM
Parent: #1
|
Post: #17
Title: Re: كراع شبشة, طرفة بروفة لذيذة!
Author: Moawia Mohammed
Date: 11-27-2006, 10:26 AM
Parent: #1
لنك الحفظ
|
Post: #19
Title: Re: كراع شبشة, طرفة بروفة لذيذة!
Author: سمندلاوى
Date: 11-27-2006, 06:59 PM
Parent: #17
ياسلام عليك الاخ معاوية
دى هدية لن انساها ايدا
شكرا جميلا
تصور انك منفذ العمل دا مع مواد كتيرة جدا
وفى نفس الوكت مابتمتلك منو مادة واحدة!
شريط الفيديو الوحيد من سنة 89 واحتك خستك!
عاد دى حالة دى؟
مودة وتقدير
|
|