صور تكريم جالية واشنطن للبروفيسور فرانسيس دينق مساعد الامين العام للامم المتحدة

أقامت الجالية السودانية بمنطقة واشنطن الكبري حفل تكريم رائع للمفكر السوداني البروفيسور فرانسيس دينق مساعد الامين العام للامم المتحدة وذلك لمجهوداته العملية والعلمية في مجال السياسة والاكاديميا والدبلوماسية والفكر والادب والادارة ..وقبلها قدم المحتفي به ندوة أروع تحدث فيها لمدي ساعة ونصف تحت عنوان" ذكرياتي في العمل العام" وادار الندوة بإمتياز الدكتور سلمان سلمان أحد نواب مدير البنك الدولي..وسنوافيكم بهذه الصور التي تعبر عن روعة المناسبة

الدكتور أحمد عثمان رئيس الجالية يقدم درع التكريم للبروفيسور في حضور أعضاء الهيئة الاستشارية للجالية
ويظهر في الصورة الدكتور صلاح الزين والدكتور سلمان والفريق محمد زين

حضور متميز للحركة الشعبية

الدكتور ابراهيم البدوي والدكتور علي حمد والاستاذ محمد المعتصم حاكم والبروفيسور دينق

حتي نلتقي

الاخ صلاح شعيب.

الرجل الذي يظهر بهذا الصورة هو السياسي المخضرم العم الدكتور توبي مادوت. وهو لا علاقة له بالحركة الشعبية.


دينق.

شكرا يا دينق
وجات سليمة هذه المرة وتوقعت أن "العبار" في منسوب منخفض هذه المرة..
وعموما آمل أن تعيد النظر في العبارات التي تلصق بها الاخوة بالاخوة في إدارة الجالية.. بلطجية وخلاف كتيرة يا دينق سواء كان العبار منخفض أو عالي..والعبارات دي لا تشبك وأنت الذي تعتمد علي موضوعية واضحة في مناقشة القضايا الاخري..
علي أية حال خلينا نحاول نمسك بريمة من الاسراف في "العبار الحلال" وإنتقاد فرانسيس دينق بلا ترابط في الرؤية..
وياهو ده السودان يا دينق نتفق ونختلف ونروح نخليها..وشان شنو نكتب بنفس حار..بدلا من الابتعاد عن الكيبورد لحظة إحتساء "العبارات" بحلال ..ولا ..هدي اللعب يا دينق والكورة قالوا واطة وإنتخابات الجالية قربت ولم ليك عضوية للسودان الجديد وتعال خوض الانتخابات عشان تطرح البرنامج اللي إنتا عاوز تطبقوا.. بس لو فزت لازم تكرم عمنا بشارة ، بتاع السفارة، زي ما قال بريمة وحتما سيقوم عليك أحد البورداب ويقول ليك " يا بلطجي" ليه ما كرمت "صديق الموج"...

مع تحياتي وكتر من تصحيحنا ونقدنا... أو كدنا أو عضنا، وحسن النية متوافرة يا "راستا"

Quote: شكرا يا دينق وجات سليمة هذه المرة وتوقعت أن "العبار" في منسوب منخفض هذه المرة.. وعموما آمل أن تعيد النظر في العبارات التي تلصق بها الاخوة بالاخوة في إدارة الجالية.. بلطجية وخلاف كتيرة يا دينق سواء كان العبار منخفض أو عالي..والعبارات دي لا تشبك وأنت الذي تعتمد علي موضوعية واضحة في مناقشة القضايا الاخري.. علي أية حال خلينا نحاول نمسك بريمة من الاسراف في "العبار الحلال" وإنتقاد فرانسيس دينق بلا ترابط في الرؤية.. وياهو ده السودان يا دينق نتفق ونختلف ونروح نخليها..وشان شنو نكتب بنفس حار..بدلا من الابتعاد عن الكيبورد لحظة إحتساء "العبارات" بحلال ..ولا ..هدي اللعب يا دينق والكورة قالوا واطة وإنتخابات الجالية قربت ولم ليك عضوية للسودان الجديد وتعال خوض الانتخابات عشان تطرح البرنامج اللي إنتا عاوز تطبقوا.. بس لو فزت لازم تكرم عمنا بشارة ، بتاع السفارة، زي ما قال بريمة وحتما سيقوم عليك أحد البورداب ويقول ليك " يا بلطجي" ليه ما كرمت "صديق الموج"... مع تحياتي وكتر من تصحيحنا ونقدنا... أو كدنا أو عضنا، وحسن النية متوافرة يا "راستا"

الاخ صلاح شعيب.

لو سمحت ما تشكر لي الراكوبة في الخريف.

أنت بدافعك على هولاء الاقلية تقلل من مكانتك لي, وأنت في النهاية حرا في ذلك. والبروف فرانسيس دينق لو بعرف حقيقة هولاء لما حضر مثل هذا التكريم الانتهازي أبدا. أكرر الكلام وأقول لك مرة أخرى. أحمد عثمان,إبراهيم سعد, منتصر جمبلان عبارة عن بلطية وأنتهازية لو ما عارف لازم تعرف.
ولو تحريت في حديثي هذا وسط المقربين لك من الشرفاء سوف تجد الحقيقة الكاملة. بعدين أنا عبابيري لا تخطء أبدا فهي دائما تصيب الهدف بدقة متناهية. أنا داير لي قعدة معاك في دي سي. والمقصود بالقعدة هنا هو القعدة الاخوية الظريفة فقط ولا غير. ح أرسل لك تلفوني بالماسنجر لتوضيح بعض الامور الغائبة عنك. وطبعا زي الكلام ده ح يرعب الجماعة رعب شديد.

أما أبن الهامش الضال بريمة. نتمنى عودته الى وعيه الكامل قريبا. فالرجل زنجي ولا يريد أن يعرف بأنه زنجي, فكيف الحل يا صديقي صلاح؟

دينق

وفوق

من أجل تعلية شأن من نحبهم