Post: #1
Title: مريســــــــــــة سودانية في طريقها الي اروبا .. كيتا على بت الحسين..
Author: omar alhag
Date: 12-23-2009, 09:01 AM
اكتملت كافة الترتيبات لتصدير اول شحنة للإيثانول الذى تنتجه شركة سكر كنانة المحدودة وذلك يوم الاحد المقبل الموافق 27/12/2009 في حدود خمـــــــسة ملاين لتر (هيييييييييع هلا هلا ) من الايثانول الي الاتحاد الاروبي..............
صحى حتصنعوا أيثانول يا ناس شركة سكر كنانة ؟ " معقولة ؟ ومن الموزع ؟ فى طرمبة ام طلمبة ؟ وكيف ؟ من المستهلك ؟ هل سينتج بالتقطير ام التخمير؟
بالتصـــــــــــــــــــــدير
اها الراي شنو
بوســـــــــــــــت خياليو واسع شوية
سياسة (لا) مريســـــــــــة (نعم)
يلا يدكم معانا
الخواجات حظكم عيد الكريسماس هدية من (سوداني)
اي لكلكة من الاتحاد الاروبي تاني
ماحنصدر ليكم (شربوت)
|
Post: #2
Title: Re: مريســــــــــــة سودانية في طريقها الي اروبا .. كيتا على بت الحسين..
Author: هواري نمر
Date: 12-23-2009, 09:14 AM
Parent: #1
Quote: الخواجات حظكم عيد الكريسماس هدية من (سوداني)
اي لكلكة من الاتحاد الاروبي تاني
ماحنصدر ليكم (شربوت) |
ياخي طيب ما ينسو ناس اميركا وكندا
من صــــــــالح الشربوت ونقي المرايس....وأجود العرقي...
وطبعا لازم في العبوة تكون تهنئة الكريسماس وصورة (سانتا كلاوس)...
بالله البيع بكون.. كيف..(عبار) و لا (لتر)...و (جالون)؟؟
عمر الحاج
تحياتي و احترامي...
|
Post: #3
Title: Re: مريســــــــــــة سودانية في طريقها الي اروبا .. كيتا على بت الحسين..
Author: ادريس خليفة علم الهدي
Date: 12-23-2009, 09:27 AM
Parent: #2
اها جيتك بعباري
|
Post: #4
Title: Re: مريســــــــــــة سودانية في طريقها الي اروبا .. كيتا على بت الحسين..
Author: omar alhag
Date: 12-23-2009, 11:30 AM
Parent: #3
يا حـــــــــــــــــــــلاوة ياولاد
معليش اخرني التلج
شايفكم مستعجلين خالس خالس
إدريس ... يا جميل
سويتا شينة
وينو البصل وين الشايات
المرايس بقت بالشحانات ..........
بالجركانة ام اللتر ؟ بالكيس ام الكأس ؟ ام بالقزازة ؟
بت الحســـــــــــين كيتا عليك ...........
بالباخرة
|
Post: #5
Title: Re: مريســــــــــــة سودانية في طريقها الي اروبا .. كيتا على بت الحسين..
Author: محمد فرح
Date: 12-23-2009, 11:32 AM
Parent: #4
يظن نفسه أن دمه خفيف
ولا يعرف الفرق بين المريسة والايثانول!!
|
Post: #6
Title: Re: مريســــــــــــة سودانية في طريقها الي اروبا .. كيتا على بت الحسين..
Author: HAIDER ALZAIN
Date: 12-23-2009, 11:34 AM
Parent: #5
Quote: يظن نفسه أن دمه خفيف
ولا يعرف الفرق بين المريسة والايثانول!! |
محمد فرح مركب مكنة ملاسي ..!
|
Post: #7
Title: Re: مريســــــــــــة سودانية في طريقها الي اروبا .. كيتا على بت الحسين..
Author: مريم بنت الحسين
Date: 12-23-2009, 11:43 AM
Parent: #6
Quote: بت الحســـــــــــين كيتا عليك ...........
|
والله حيّرتني يا عمر الحاج.. وحكيت راسي كم مرّه.. وطلعته بي نظريتين
إمابت الحسين المقصودة ما انا.. أو انه انا فايتاني حاجه عشان الموضوع ده يكون من الحاجات البتغيظني، لاني ما لي علاقة بالحاجات دي ...
على صعيد أول.... طبعا كرهتي في الدنيا الراجل البشرب، وبسقط من نظري من اول لحظة...
على صعيد آخر... شباب الانقاذ مهمتهم البحث عن المال بأي طريقة.. غايته دي طريقة ممكن يقبّلوا عليها بعد ما ينشّفوا باقي الحاجات
تحياتي
|
Post: #8
Title: Re: مريســــــــــــة سودانية في طريقها الي اروبا .. كيتا على بت الحسين..
Author: omar alhag
Date: 12-23-2009, 01:01 PM
Parent: #7
على صعيد أول.... طبعا كرهتي في الدنيا الراجل البشرب، وبسقط من نظري من اول لحظة...
مريم بت الحسن
شكرا للمرور والمشاركة
طبعا نحن شعب سوداني ذو(مشروع حضارى) ذكي ولماح ممكن نصرف النظر عن حاجات كتيرة بتهمنا ونضامن مع الاتحاد الاروبي ونترك الاتحاد مدني (تنهشه تماسيح الخرطوم)
يعني
مثلا
البلد تجوط ولا ماتجوط ما يهمنا
والانتخابات علي الابواب برضو ما يهمنا
والجن الازرق ذاتو ما يهمنا
لكن برضو ممكن نصدر فرح ونشوة لاخرين (ونحرم) الغبش المساكين هنا في البلد دي
طيب
يعني رطل السكر من كنانة ست الاسم بقي ب2 جنيه
وقزازة الايثانول بي 1 جنيه
ممكن نوفر ايثانول ونصرف النظر عن السكر
وبد البقالات نعمل طرمبات ..........
وعلى مسئوليتك عزيزى القارئ ضم السين او فتحها .. وماذا ستسمون المنتج الحضارى ؟ اقترح " ابو عشرين" لانه يتزامن عشرينية الانقاذ .. وهل ........
وكيتا علي بت الحسين
وصلنا مرحلة التصدير
|
Post: #10
Title: Re: مريســــــــــــة سودانية في طريقها الي اروبا .. كيتا على بت الحسين..
Author: omar alhag
Date: 12-23-2009, 01:09 PM
Parent: #8
هـــــــــــــــــــوارى نمر
يوم الاحد خليك في المينا قريب
عشان توصف للجماعة
الوكيل الحصري للتوزيع في كندا ح يكون لمنو
اما امريكا
اعتقد الحبابيب كتار هناك .................
وسمعت تحت تحت ح يسو لناس امريكا (صراف ايثانولى الي) وذلك في إطار تحسن الايثانول بين البلدين
وناس كندا اتوصي عليهم (قالو برد جد)
عشان بكره ما تجي تفتح موضوع بهناك وتقولي (قطعنا) ونحن زاتو (قرفنا)
شكرا للمرور والمشاركة
مودتي وتقديرى
|
Post: #9
Title: Re: مريســــــــــــة سودانية في طريقها الي اروبا .. كيتا على بت الحسين..
Author: بريمة محمد
Date: 12-23-2009, 01:06 PM
Parent: #7
إدريس علم الهدى
يا أخى تجيب المريسة ذاتا فى المنبر .. والعبار دينق ما يكون شامى ريحتها .. !!
شيئ عجيب.
بريمة
|
Post: #11
Title: Re: مريســــــــــــة سودانية في طريقها الي اروبا .. كيتا على بت الحسين..
Author: omar alhag
Date: 12-24-2009, 11:53 AM
Parent: #6
HAIDER ALZAIN
شكرا للمرور والمشاركة
اذن لنزف التهنئة والتبريكات لشركة سكر كنانة ولادارتها وللشعب السودانى كافة وللحاجة بمناسبة افتتاح مصنع الايثانول عالى الجودة .. والايثانول كما يعرفه كل من جلس لامتحان الشهاده السودانية المساق الاكاديمى العلمى هو سائل لا لون له قابل للتطاير يحترق بلهب ازرق له الصيغة الكيميائية - سى اثنين اتش خمسة اوو اتش - ولا تغرنّك او تضللنّك هذه الصيغ والتسميات العلمية يا عزيزى .. فما الايثانول الا نوع من الكحول, ويسمى روح الخمر لانه المادة المسكرة فى الخمور ..ومستورة المشهورة تصنع نوعا من الايثانول فى معملها التقليدى البلدى " .. اى ان كنانة " حتشدّ وتخمّر وتقطّر و حتصفّى " و تفتنح مصنعا لصناعة الكحول المصنوع من قصب السكر ..!!
وشكرا يابت الحـــــــــــــــــــسين
|
Post: #12
Title: Re: مريســــــــــــة سودانية في طريقها الي اروبا .. كيتا على بت الحسين..
Author: مطر قادم
Date: 12-24-2009, 01:59 PM
Parent: #11
| Quote: ممكن نوفر ايثانول ونصرف النظر عن السكر |
لالالالالا ياعمر نخلي الشاي الاحمر زاهي باهي يلفت انتباهي صلي علي النبي وحليوه تعيش كيف!!!!!!
اسمع ياعمر ياصديقي هذه الحكاية جيدا وتأمل
كان وزير الصناعة في السودان رجل عاقل ومحترم المهندس مين كده عثمان تقريبا ان لم تخني الذاكرة في حكومة الجزولي دفع الله
سئل لماذا اغلقت مصنع البيرة في واو؟؟؟؟؟وبذلك اضررتم بالاقتصاد وعطلتم عجلة الانتاج
فاجب
نحن مكبلون بقوانيين صعبة وحادة وتحرم وتجرم الخمور انتاجا وتعاطيا ففكرنا انه كيف نتصرف مع هذه (البئر المعطلة) كان هناك اقتراح ان ننتج للتصدير فقالوا دي قروش حرام
اها قالوا نهدي المصنع لاي دولة افريقية جارة نهديه لله
فقالوا لماذا نؤذي الجيران
وتاني انقطعت الاخبار كده شوف لينا صاحبك نصر الدين ابن واو البار ربما لديه خبر يقين
وبمناسبة واو ياعمر فلتعلم انها المدينة الوحيدة التي تسمح لك فيها السلطات والمجتمع ان (تحدف بنت في عجلة) واو نار ياخي
|
Post: #13
Title: Re: مريســــــــــــة سودانية في طريقها الي اروبا .. كيتا على بت الحسين..
Author: omar alhag
Date: 12-27-2009, 10:31 AM
Parent: #12
شنــــــــــــــــو يا شباب
مشيتو بورتسودان ولاشنو
يعني نديكم المواعيد والكمية
تمشو بررررررررررررررراكم كده لا أحم ولا دستور
هامش
نقطتتين
سطر جديد
إيثانول سياسي
في إطار توحيد الصف وراب الصدع تناول الفرقاء (أيثانولا سياسيا فاخرا) مما ادى لحلحلة القاضايا العالقة وإنفاذ التحولات المرجوه (ما قلت ليكم البتاع ده بن كلب وحلال مشاكل)
اذن لنزف التهنئة والتبريكات لشركة سكر كنانة ولادارتها وللشعب السودانى كافة وللحاجة بمناسبة افتتاح مصنع الايثانول عالى الجودة (الحقونا يا جماعة الخير بغنية وطنية تتناسب والحدث الايثانولي السوداني ده.
وويــــــــــــــــــــن يا بت الحسين
|
Post: #14
Title: Re: مريســــــــــــة سودانية في طريقها الي اروبا .. كيتا على بت الحسين..
Author: مريم بنت الحسين
Date: 12-27-2009, 01:04 PM
Parent: #13
مهما كان قصدك من البوست ده، انا ما مقدّره ابداً تجاهلك لسؤالي، فلو كنت مقصدوه او غير مقصوده... اتمنى انك توضّح.. لأني ببساطة ما لي علاقة بمواضيع زي دي
وشكرا!
|
|