حسبي الله ونعم الوكيل ..اللهم رد كيدهم في نحرهم ..للذي يكتب باسمي في الفيسبوك خاف الله !!!

الى كل الناس في الفيسبوك من الأخوان في المنبر

أرجوكم أنقلوا عني انو أنا ماكتبت ولا حرف في الفيسبوك وحسابي لغيتو هناك نهائيا
لأنو لي شهور مابستعملوا وزمان كتبت بوست في المنبر ده قلت أنا مابعرف للفيسبوك ولا بحبو كمان !!

وهسة في زول مابخاف الله كتب بإسمي كلام فارغ في الفيسبوك موضوع عن (الخيانة الزوجية) !!

وطبعا الغرض كالعادة تشويهي وإغتيال شخصييتي دون سبب معلوم !!

المهم دي ما أنا البكتب هناك رغم وضع الزول ده لصورتي وإسمي

وأظن البعرفوا نادية كويس بعرفوا أخلاقها وكمان إسلوب كتابتها كويس جدا والحمد لله !!


وللأسف الصديقة نسرين سوركتي تعرضت لنفس الكلام الفارغ ده

قبل كدا لمن لقت إنو في أكتر من زول بكتب باسمها في الفيسبوك !!


حسبي الله ونعم الوكيل !!!

وربنا منتقم جبار لا يرضى الظلم واليه الجأ كالعادة وهو القادر على هزيمة ( خفافيش الظلام) !!


رسالة مهمة لشقيقي صلاح

صلاح أخوي عارفاك راح تقرأ البوست ده وتنزعج وتخاف علي كالعادة

ماتخاف علي ياغالي ومابصيبني شر باذن الله وإنت عارف ربنا رب العدل

وهو خير الحافظين ياحبيب وأطمنك أنا بخير والحولي
كتار أهل وأخوان وأخوات في المنبر وفي الدنيا كلها
وربنا ماظلام للعبيد وبيحفظني باذن الله من كل شر .. قول يارب وماتقلق علي أخوي الغالي ،،

الزول المابخاف الله الداخل باسمي ده ذاتو كاتب إسمي كدا (Nadya Osman)!!


وده ماإسمي ( الكان) في الفيسبوك قبل الغي حسابي

وناس قائمتي بتاعة الاصدقاء عارفين ده ماإسمي !!


اللهم رد كيدهم في نحرهم يااااااارب !!

نادية ياعزيزة,,,,,ازيك,,

البحصل دا كلو مقصود ومدبر...

البعمل كدا هو البتعب فى النهاية مش انتى...

لانو الناس خلاص ملت من الوقاحة وقلة الادب الملت الدنيا دى

كويس انك نبهتنى الناس,,,

ساهلة شخص يعمل اكاونت باسم شخص تانى..

ماتقلقى ياستى الناس بقت فاهمة وعارفة الحاصل

الحبيبة الغالية أميرة

تسلمي وربي يحفظك من كل شرور الدنيا يارب

Quote: نادية ياعزيزة,,,,,ازيك,, البحصل دا كلو مقصود ومدبر... البعمل كدا هو البتعب فى النهاية مش انتى... لانو الناس خلاص ملت من الوقاحة وقلة الادب الملت الدنيا دى كويس انك نبهتنى الناس,,, ساهلة شخص يعمل اكاونت باسم شخص تانى.. ماتقلقى ياستى الناس بقت فاهمة وعارفة الحاصل

ياغالية للأسف بقينا عايشين في غابة !

والناس دي ناسية انو في رب اسمو الكريم مابحب الظلم ومطلع وشايف كل شئ !!

حسبي الله ونعمة الوكيل !!

سلام نادية
وربنا يكتب سلامة إيمان..
طبعا ما شفت و لا قريت شئ لكن عملتي خير بإخلاء طرفك و الاعلان
ربنا يقويكم.

سعد الدين أخوي الغالي

Quote: سلام نادية وربنا يكتب سلامة إيمان.. طبعا ما شفت و لا قريت شئ لكن عملتي خير بإخلاء طرفك و الاعلان ربنا يقويكم.

تسلم يارب وإيمان كويسة الحمد لله بس محتارة للبحصل لي أمها ده والله !!


حسبي الله ونعم الوكيل !!

كويس انك نفيتي اول باول
وارجو ان ترسلي لكل الايملات البتتعامل معاك
بانو ده كلام مزيف ودي ما انتي

الاخت الحبيبة والغالية علينا جدا نادية عثمان
منذ فترة الاحظ استهدافك وقلت النشوف آخرتها زى ما بقول استاذنا
سعد الدين ابراهيم .المهم طبعا نحن عارفنك وعارفين اخلاقك العالية
وتهذيبك العالى . لو سمحتى رسلى لى اللنك وانا والحمد لله معارفى كتار جدا
فى الفيسبوك واستطيع ان اعمل ليك حملة تقف ضد هذا الإستهداف بشكل كبير لفضح
هذا المعدوم الضمير .
اخوك
ضياء ميرغنى

الاخت العزيزة نادية عثمان.

هذا مؤسف او مؤلم بحق، مثل هذا الاستخدام البشع للشرف كسلاح ضد المراة.

اخوكي تحت الخدمة اذا ممكن اساعد باي طريقة ممكنة.

أخوي العزيز بشاشا

ربنا يسلمك من بلاوي الدنيا يارب

Quote: الاخت العزيزة نادية عثمان. هذا مؤسف او مؤلم بحق، مثل هذا الاستخدام البشع للشرف كسلاح ضد المراة. اخوكي تحت الخدمة اذا ممكن اساعد باي طريقة ممكنة.

عارفاك مابتقصر ومابقصروا كل الأخوان الهنا وعمركم ماخذلتوني

ربنا مايحرمني من وقفتكم وجميل أخلاقكم وأصالة معدنكم يارب

وحسبي الله ونعم الوكيل !

سلامات يا نادية

الحسد ياكل القلب يملاهو غل غير مبرر


عادي جدا مثل هذه الاشياء في السايبر
وقد حدثت كثير جدا لناس كتار هنا منهم انا


ولكن انت زولة ممتازة اي زول عارف كدا
ما تشيلي هم والله يمهل ولا يهمل وهو منتقم جبار..

كوني بخير وطمنينا على حبيبتناايمان

الأخت الفاضله ناديه
انا شفت الموضوع النزل بإسمك تقريبا قبل 9 ساعات من الآن والحقيقه تعجبت جدا وتعجبت اكتر من ردود المتداخلين
كانهم عاوزين جنازه يشبعوا فيها لطم بس سبحان الله قبل 3 ساعات من الآن وقعت عيني على إبراء ذمتك من ذلك الحساب والكلام
البدس وراءه ضعاف النفوس وهاتكي الأعراض
والمحزن حقيقه ان الغيره والنخوه في أبناء وطني أصبحت شبه معدومه بل بعضهم والعياذ بالله مشجع ومطبل للرذيله ومجاهر بالمعصيه وكان الله غافل عما يكتبون
ورغم إني نزلت نفس كلامك الانت كتبتيه بمجرد ما كتبتيه تحت نفس موضوع الخيانه الا ان الجبان لم يحذف ماكتب
ولم يتبرع سوى رجل واحد من الجمع الغفير الوقع فيك بسكاكينو وقال شنو بعتذر وللأسف ماكلف نفسو يمسح الكلام الشين الكاتبو فوق
عموما انتي أخليتي طرفك وفوضتي أمرك لله والله لا يضيع من توكل عليه
وعليك بالإكثار من قول اللهم أجرني في مصيبتي وأخلف لي خير منها
وادعوا الله أن ينتقم من الخائن ويريك فيه عجائب قدرته ويبعد عنك كيده وينصرك على من عاداك ويحفظك من كل شر ومكروه
ويا جبل مايهزك ريح
ودمتي في رعاية الله

الحبيبة الغالية وجن


تسلمي من بلاوي الدنيا يارب

Quote: الأخت الفاضله ناديه انا شفت الموضوع النزل بإسمك تقريبا قبل 9 ساعات من الآن والحقيقه تعجبت جدا وتعجبت اكتر من ردود المتداخلين كانهم عاوزين جنازه يشبعوا فيها لطم بس سبحان الله قبل 3 ساعات من الآن وقعت عيني على إبراء ذمتك من ذلك الحساب والكلام البدس وراءه ضعاف النفوس وهاتكي الأعراض

صدقي أنا مادخلت الفيسبوك لانو ماعندي حساب هناك بعد لغيتو
ولا قريت التعليقات وماسمعت بالموضوع اصلا الا قبل شوية من تلفون ؟!


ولكن عرفت انو القصة القذرة المكتوبة باسمي

دي من موقع اباحي موجود في النت اصلا فتأملي ياحبيبة !!





يمهل ولا يهمل !!

الحبيبة الغالية جدا د. نجاة

Quote: الحسد ياكل القلب يملاهو غل غير مبرر عادي جدا مثل هذه الاشياء في السايبر وقد حدثت كثير جدا لناس كتار هنا منهم انا ولكن انت زولة ممتازة اي زول عارف كدا ما تشيلي هم والله يمهل ولا يهمل وهو منتقم جبار..

تشكري ياغالية على الكلام الطيب في حق شخصي الضعيف لكن عليك الله يادكتورة

الزول البعمل كدا بجيهو نوم كيف ووين راح ضميرو وليه الأذية دي ؟

مافي أكبر من ربنا موش ؟

إذن

حسبي الله ونعم الوكيل بس !

الأخت العزيزة نادية عثمان
لك التحية والود ووافر الإحترام
أولاً ألف حمدا لله على سلامة ميمو ربنايعافيها أكثر وأكثر، وتريها كما تشتهين. وعدتك سابقاً أن تعرفين من أنت "لوكي الصبر" حتى مطلع العام القادم خوفاً من الأرشفة حتى تعرفي الكثير عما نعرف عن الكنداكة :نادية عثمان" التي لا تعرفينها ، لا تضعي في اعتبارك مثل ما يجري معك ، فأهلنا قالوا "المابتلحقوا جدعوا" ، أشقاءك وشقيقاتك كثر فلا تكترثي، فقط تابعي "ثلاث عرفتهن .. وثلاثة عرفتهم .. بورداب جميعهم"
مع خالص تحياتي
د. صلاح البشير

د. صلاح البشير أخوي العزيز

Quote: لا تضعي في اعتبارك مثل ما يجري معك ، فأهلنا قالوا "المابتلحقوا جدعوا" ، أشقاءك وشقيقاتك كثر فلا تكترثي،

نصائح غالية وكلام طيب من ناس أنقياء ..ربنا ماحرمني خوتكم يارب .. قول آميين

أخوي الغالي ضياء الدين ميرغني

حبابك

Quote: الاخت الحبيبة والغالية علينا جدا نادية عثمان منذ فترة الاحظ استهدافك وقلت النشوف آخرتها زى ما بقول استاذنا سعد الدين ابراهيم .المهم طبعا نحن عارفنك وعارفين اخلاقك العالية وتهذيبك العالى . لو سمحتى رسلى لى اللنك وانا والحمد لله معارفى كتار جدا فى الفيسبوك واستطيع ان اعمل ليك حملة تقف ضد هذا الإستهداف بشكل كبير لفضح هذا المعدوم الضمير .

والله ياضياء برفع يدي في كل صلاة وبقول يارب وهل ربنا برد دعاء مظلوم ؟

طبعا لا

ربنا منتقم جبار ويمهل ولا يهمل !!

رابط الصفحة مابعرفو والمادة ( القذرة) المنشورة باسمي كلموني عنها بالتلفون

وماعندي هناك حساب وماعايزة حساب هناك كمان وربنا يكفينا شر البلاوي يارب !!

لكن بشوف زول يرسل لي الرابط وبرسلو ليك أخوي وطالما أخواني الزيك مابجيني شر باذن الله

ود خالي العزيز يوسف الموصلي

تسلم من كل شر يارب ووينك ماظاهر إنت ؟

Quote: كويس انك نفيتي اول باول وارجو ان ترسلي لكل الايملات البتتعامل معاك بانو ده كلام مزيف ودي ما انتي

هو لو أصلا زول من البعرفهم ممكن يصدق

إنو دي أنا البكتب وساخة زي دي يبقى مابعرفني نهائي وإن أدعى !!

أنا كتبت الكلام ده هنا للبعرفوني يقولوا عشان يقولوا

للمابعرفوني انو في إنسان مريض بكتب باسم نادية ودي مانادية بس !!

Quote: وأظن البعرفوا نادية كويس بعرفوا أخلاقها وكمان إسلوب كتابتها كويس جدا والحمد لله !!

الاخت نادية برغم انه الاساليب الساقطة دى بقت منتشرة بالاخص في عالم النت ..وهو فعل نستنكره
ولكن ربما يكون اسم مشابه لانه زى اسم بتوفر كتير..انا مادائر ابعد التهمة بقدر ماعائز
اخفف عليك الهموم والمشاكل العمال تنزل علي راسك تباعا..لكن يا اختى دي ضريبة النجاح
وكونى كالنخيل كلما قذفت بالحجار انزلت الثمار..ويا اختى اخلاقك مامحتاجه تتحدثي بيها
فالجواب يكفي عنوانه..
وكل عام وانت وبنيتك بخير

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور

الرد الوحيد هو قولك
حسبى الله ونعم الوكيل

هاشم نوريت أخوي

Quote: الرد الوحيد هو قولك حسبى الله ونعم الوكيل

نعم

حسبي الله ونعم الوكيل !

أخوي هاشم نوريت

Quote: قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور

ربنا يحفظ عرضك وأعراض كل بنات المسلمين والناس أجمعين وماتشوف شر يارب ,,

يا ناديَّة سلامات،
تصفيَّة الحسابات خلف الأسماء الوهميَّة لا يفعلها إلا كائن وضيع وجبان، ولكن على الناس جميعاً الوقوف بصلابة ضد هذه الممارسات، وتجنيد كل الإمكانيات المتاحة من خبراء تقنيَّة وجهات قانونيَّة وعدليَّة، لابد من عمل شيء ما، أقله بتكوين شبكة من الأصدقاء والمعارف وكل الحادبين على بتر هذا السرطان..

الفيسبوك مفتوح على الآخر
وأي شخص بإمكانه انتحال شخصية آخر ،وصور البروفايل يمكن نقلها
وكمان موقع إباحي
إطمئني أختي
من يعرفونك أكيد ح يكتشفوا التدليس
أقول كما قال أخونا وجن

Quote: وادعوا الله أن ينتقم من الخائن ويريك فيه عجائب قدرته ويبعد عنك كيده وينصرك على من عاداك ويحفظك من كل شر ومكروه ويا جبل مايهزك ريح ودمتي في رعاية الله

اخوي الشفيع وراق

حبابك

Quote: الفيسبوك مفتوح على الآخر وأي شخص بإمكانه انتحال شخصية آخر ،وصور البروفايل يمكن نقلها وكمان موقع إباحي إطمئني أختي من يعرفونك أكيد ح يكتشفوا التدليس

عشان كدا بحمد ربنا انو في منبر بكري في ضابط ورابط وزول مسئول نوجه ليهو مظالمنا على الأقل !

وعشان كده بكره الفيسبوك وربنا يكفينا شرو يااااارب !!

أخوي العزيز ياسر طيفور

حبابك

Quote: يا ناديَّة سلامات، تصفيَّة الحسابات خلف الأسماء الوهميَّة لا يفعلها إلا كائن وضيع وجبان، ولكن على الناس جميعاً الوقوف بصلابة ضد هذه الممارسات، وتجنيد كل الإمكانيات المتاحة من خبراء تقنيَّة وجهات قانونيَّة وعدليَّة، لابد من عمل شيء ما، أقله بتكوين شبكة من الأصدقاء والمعارف وكل الحادبين على بتر هذا السرطان..

ده كلام صاح شددددديد والله

والحمد لله المنبر ده مليان بناس القانون
وناس التقنية وكلو المجالات فياريت تقيفوا معانا وتساعدونا
وكلنا نتكاتف لبتر هذا السرطان وهي التسمية السليمة ياياسر

وخليك معانا وقريب بالجد محتاجينك أخوي وماعدمناك يارب ,,

أخوي الغالي معتصم الجبلابي

تحية طيبة شديد

Quote: بقدر ماعائز اخفف عليك الهموم والمشاكل العمال تنزل علي راسك تباعا..لكن يا اختى دي ضريبة النجاح وكونى كالنخيل كلما قذفت بالحجار انزلت الثمار..ويا اختى اخلاقك مامحتاجه تتحدثي بيها فالجواب يكفي عنوانه..

ربي يحفظك من كل شرور الدنيا يارب وقولك الطيب ده وسام وقلادة شرف على جبيني والله ,,

لا حول ولا قوة إلا بالله العلي العظيم
حسبي الله ونعم الوكيل

سلامات يا نادية

فوضي أمرك لله العزيز المنتقم الجبار
كل من يعرفك يعرف حتماً أنك بعيدة بعد المشرقين عن أى منقصة
أنت وفاحش القول خصمان لا يلتقيان
فكوني في أمان الله


____________________

عليك الله وريني حساب الجن دا بيلغوهو كيف ؟؟

اختى العزيزة / نادية

رغم كل هذه المحاولات لتشويه صورتك

فانت دائما كبيرة وغالية ومحل احترام وتقدير الجميع

Quote: وطبعا الغرض كالعادة تشويهي وإغتيال شخصييتي دون سبب معلوم !!

حسبي الله ونعم الوكيل

كوني قوية كما أنت وللسفهاء رب عزيز جبار سوف يأخذ كل ظالم أخذ عزيز مقتدر.،

دي رسالة جاتني من صلاح عثمان شقيقي الغالي عليكم الله أقروها

كلها وشوفوا الكلام الفيها جميل وقوي كيف ؟!

تسلم أخوي ود أمي وأبوي صلاح وكن في غربتك مطمئنا

ولا تخف على شقيقتك فالله خير الحافظين ياحبيب !!

نصيحة الاسد لابنـــه
بني

... لكي تكون ملكا مهابا بين الناس ..

إياك أن تتكلم في الأشياء

إلا بعد أن تتأكد من صحة المصدر ..
وإذا جاءك أحد بنبأ فتبين قبل أن تتهور..

وإياك والشائعة ..لا تصدق كل ما يقال ولا نصف ما تبصر ..

وإذا ابتلاك الله بعدو .. قاومه بالإحسان إليه .. ادفع بالتي هي أحسن ..
فإن العداوة تنقلب حباً ..

*----------- -----*

إذا أردت أن تكتشف صديقاً .. سافر معه .. ففي السفر .. ينكشف الإنسان ..
يذوب المظهر .. وينكشف المخبر ! ولماذا سمي السفر سفراً ؟؟؟
إلا لأنه عن الأخلاق والطبائع يسفر !

*----------- -----*

وإذا هاجمك الناس وأنت على حق .. أو قذعوك بالنقد.. فافرح ..
إنهم يقولون لك .. أنت ناجح ومؤثر .. فالكلب الميت.. لا يُركل !
ولا يُرمى إلا الشجر المثمر !

*----------- -----*

بني :
عندما تنتقد أحداً .. فبعين النحل تعود أن تبصر ..
ولا تنظر للناس بعين ذباب ... فتقع على ما هو مستقذر!
حبيت هالجمله مرررررررره
*----------- -----*
نم باكراً يا بني .. فالبركة في الرزق صباحاً ..
وأخاف أن يفوتك رزق الرحمن .. لأنك.. تسهر !

*----------- -----*

وسأحكي لك قصه المعزة والذئب حتى لا تأمن من يمكر ...
وحينما يثق بك أحد فإياك ثم إياك أن تغدر !
سأذهب بك لعرين الأسد .. وسأعلمك أن الأسد لم يصبح ملكاً للغابة لأنه يزأر!!
ولكن لأنه .. عزيز النفس ! لا يقع على فريسة غيره !
مهما كان جائعاً .. يتضور .. لا تسرق جهد غيرك .. فتتجور !

*----------- -----*

سأذهب بك للحرباء .. حتى تشاهد بنفسك حيلتها !
فهي تلون جلدها بلون المكان .. لتعلم أن مثلها نسخ... تتكرر !
وأن هناك منافقين .. وهناك أناس بكل لباس تتدثر !
وبدعوى الخير .. تتستر !

*----------- -----*

تعود يا بني .. أن تشكر ..اشكر الله !
يكفي أنك تمشي .. وتسمع .. وتبصر !
أشكر الله وأشكر الناس .. فالله يزيد الشاكرين !
والناس تحب الشخص الذي عندما تبذل له .. يقدر !

*----------- -----*

اكتشفت يا بني .. أن أعظم فضيلة في الحياة.. الصدق!
وأن الكذب وإن نجى .. فالصدق أخلق ! بمن كان مثلك!

*----------- -----*

بني ...
وفر لنفسك بديلاً لكل شيء .. استعد لأي أمر !
حتى لا تتوسل لنذل .. يذل ويحقر !
واستفد من كل الفرص .. لأن الفرص التي تأتي الآن .. قد لا تتكرر !!

*----------- -----*

لا تتشكى ولا تتذمر .. أريدك متفائلاً .. مقبلاً على الحياة ..
اهرب من اليائسين والمتشائمين ! وإياك أن تجلس مع رجل يتطير !!

*----------- -----*

لا تتشمت ولا تفرح بمصيبة غيرك ... و إياك أن تسخر من شكل أحد ...
فالمرء لم يخلق نفسه .. ففي سخريتك .. أنت في الحقيقة تسخر !
من صنع الذي أبدع وخلق وصور !!

*----------- -----*

لا تفضح عيوب الناس .. فيفضحك الله في دارك ..
فالله الساتر .. يحب من يستر ! ولا تظلم أحداً ..
وإذا دعتك قدرتك على ظلم الناس .. فتذكر أن الله هو الأقدر !

*----------- -----*

وإذا شعرت بالقسوة يوماً .. فامسح على رأس يتيم ..
ولسوف تدهش .. كيف للمسح أن يمسح القسوة من القلب .. فيتفطر !

*----------- -----*

لا تجادل .. في الجدل .. كلا الطرفين يخسر !
فإذا انهزمنا فقد خسرنا كبرياءنا نحن !
وإذا فزنا فلقد خسرنا .. الشخص الآخر ...
لقد انهزمنا كلنا .. الذي انتصر ... والذي ظن أنه لم يُنصر !

*----------- -----*

لا تكن أحادي الرأي .. فمن الجميل أن تؤثر وتتاثر !
لكن إياك أن تذوب في رأي الآخرين ... وإذا شعرت بأن رأيك .. مع الحق ..
فاثبت عليه ولا تتأثر !

*----------- -----*

تستطيع يا بني أن تغير قناعات الناس ...

وأن تستحوذ على قلوب الناس وهي لا تشعر !
ليس بالسحر ولا بالشعوذة ... فبابتسامتك .. وعذوبة لفظك ..
تستطيع بهما أن تسحر !!
ابتسم ... فسبحان من جعل الابتسامة في ديننا.. (عبادة) وعليها نؤجر !!

في الصين …... إن لم تبتسم لن يسمحوا لك أن تفتح متجر ..
إن لم تجد من يبتسم لك .. ابتسم له أنت !
فإذا كان ثغرك بالبسمة يفتر .. بسرعة .. تتفتح لك القلوب لتعبر !!

*----------- -----*

وحينما يقع في قلب الناس نحوك شك .. دافع عننفسك .. وضح .. برر !
لا تكن فضولياً تدس أنفك في كل أمر ..

تقف مع من وقف إذا الجمهور تجمهر !!
بني ..ترفع عن هذا .. إنه يسوءني هذا المنظر !!


*----------- -----*

لا تحزن يا بني على ما في الحياة ! فما خلقنا فيها إلا لنمتحن ونبتلى ..
حتى يرانا الله .. هل نصبر ؟؟؟
لذلك .....هون عليك ....ولا تتكدر ! وتأكد بأن الفرج قريب ...
فإذا اشتد سواد السحب .. فعما قليل ستمطر !!

*----------- -----*

لا تبك على الماضي .. فيكفي أنه مضى ..
فمن العبث أن نمسك نشارة الخشب .. وننشر !!
أنظر للغد .. استعد .. شمّر !!
كن عزيزاً .. وبنفسك افخر !
فكما ترى نفسك سيراك الآخرون ..
فإياك لنفسك يوماً أن تحقر !!
فأنت تكبر حينما تريد أن تكبر ..
وأنت فقط من يقرر أن يصغر !

*----------- -----*

منقول :

أخوي الغالي إسماعيل وراق

حبابك

Quote: حسبي الله ونعم الوكيل كوني قوية كما أنت وللسفهاء رب عزيز جبار سوف يأخذ كل ظالم أخذ عزيز مقتدر.،

ونعم بالله

وقوية بثقتي في رب العرش العظيم الذي لا يظلم عنده أحد أبداً !!

نادية العزيزة
صباح الخير

يا نادية
من يعرف الفيس بوك يا نادية
يعرف أنّ عدد كبير من الأسماء المعروفة في مجتمعنا تتواجد حسابات في الفيس بوك بأسمائها
وتلك الحسابات في الفيس بوك لا علاقة لها بتلك الأسماء
وقد تمّ ذكر الأُخت نسرين سوركتّي أعلاه من قِبَلك كمثال لهذه الحالات
إضافة لذلك يا نادية
من يعرفك يعرف ماذا وكيف تكتبين
ومن لا يـ/تـ/ـعرفك في رأيي لا يجب أن يـ/تـ/ـهمّك يا نادية
فأنتِ شخصيّة عامّة معرّضة للأسف لمثل هذه السّخافات
الرّابط الموضوع في الفيس بوك
يشير لناقلـ/ـة القصّة في المنتدى المنشورة فيه
وبالبحث بكلمات قليلة من القصّة
يتّضح بسهولة إنتشارها نفسها في عشرات المنتديات
ومن يـ/تـ/ـريد الإيحاء بأنّك كاتبة القصّة مثلاً
كان يمكنهـ/ـا نقل سطورها دون حاجة للأتيان بالرّابط
وهذا خطأ غبي وقعـ/ـت فيه الذي/التي يـ/تـ/ـنتحل إسمك في الفيس بوك

ببساطة يا نادية
المرور على الإسم Nadya Osman في الفيس بوك
يشير بسهولة وبلا تفكير لأنّك ليست صاحبة الحساب
ولا يحتاج حتّى للتّساؤل أو الرّد على الموضوع مثل ما فعل البعض هناك




وُدّي وأمنايتي الطّيّبات

أخوي العزيز

لؤي شمت

صباحك خير ياعريس والف مبروك وربنا يتمم بخير

Quote: نادية العزيزة صباح الخير يا نادية من يعرف الفيس بوك يا نادية يعرف أنّ عدد كبير من الأسماء المعروفة في مجتمعنا تتواجد حسابات في الفيس بوك بأسمائها وتلك الحسابات في الفيس بوك لا علاقة لها بتلك الأسماء وقد تمّ ذكر الأُخت نسرين سوركتّي أعلاه من قِبَلك كمثال لهذه الحالات إضافة لذلك يا نادية من يعرفك يعرف ماذا وكيف تكتبين ومن لا يـ/تـ/ـعرفك في رأيي لا يجب أن يـ/تـ/ـهمّك يا نادية فأنتِ شخصيّة عامّة معرّضة للأسف لمثل هذه السّخافات الرّابط الموضوع في الفيس بوك يشير لناقلـ/ـة القصّة في المنتدى المنشورة فيه وبالبحث بكلمات قليلة من القصّة يتّضح بسهولة إنتشارها نفسها في عشرات المنتديات ومن يـ/تـ/ـريد الإيحاء بأنّك كاتبة القصّة مثلاً كان يمكنهـ/ـا نقل سطورها دون حاجة للأتيان بالرّابط وهذا خطأ غبي وقعـ/ـت فيه الذي/التي يـ/تـ/ـنتحل إسمك في الفيس بوك ببساطة يا نادية المرور على الإسم Nadya Osman في الفيس بوك يشير بسهولة وبلا تفكير لأنّك ليست صاحبة الحساب ولا يحتاج حتّى للتّساؤل أو الرّد على الموضوع مثل ما فعل البعض هناك وُدّي وأمنايتي الطّيّبات

عارف يا لؤي ؟

والله مادخلت هناك ولا عارفة التعليقات المكتوبة شنو !!

لكن حزنت إنو في ناس صدقوا وأعملوا سكاكينهم فيني زي ماقالت الأخت وجن في مداخلة

فوق بحسبان أنو ده موضوع كاتباه صاحبة الصورة !!

معقولة ياخ ؟!!

والله ده شئ بشع شديد ياخ ( وجه بكره الزفتبوك شديد) !!


ربنا يكفيني وكل الشخصيات العامة شر الحاقدين يارب !

ويكفي صديقتي نسرين سوركتي وكل زميلاتي المذيعات شر المحن والإفتراء والظلم يارب !!


كن بألف خير وزواجك مبارك باذن الله ’’

الأستاذة نادية

للأسف هناك ممارسات سيئة كثيرة داخل الفيسبوك

من إنتحال شخصية و تشويه متعمد لسمعة الناس

لكن في المقابل هناك وسائل مضمونة لرد إعتبارك

عليك بالآتي

i

1. Send an email to ([email protected]) describe on it that somebody has made a fake account in your name (Nadya Osman) and trying to Abuse Your reputation, with a copy of your true Identity card which contain your photo and as well a link to that fake account page.

They will reply to you immaterially and promise you to remove that account and as well if you ask them they might give you the IP Address of the person whom made that fake account in order to start a legal case against him/her (if you want)

2. Put a link here to that fake account in facebook so we can be able to Report it

How to report a fake account ?
----------------------------------------

If you already have a Facebook account simply visit the Facebook "Report a Fake Profile" page and enter the requested information.

http://www.facebook.com/help/contact.php?show_form=report_fake_profile



If you don't have a Facebook account you can ask a friend that does have an account to report the fake page on your behalf.

اهم شي تجيبي لينا رابط البروفايل دا

و ما تشفقي الموضوع بيتحلها بالساهل

ده البروفايل يا نادية صح ؟

http://www.facebook.com/profile.php?id=100000182799843&...603071.2091612703..1


يا جماعة اعملو ريبورت للبروفايل دا

How to report a fake account ?
----------------------------------------

If you already have a Facebook account simply visit the Facebook "Report a Fake Profile" page and enter the requested information.

http://www.facebook.com/help/contact.php?show_form=report_fake_profile

طريقة اسهل للتبليغ عن هذا البروفايل

أولا
----

افتحو صفحة البروفايل من هنا :

http://www.facebook.com/profile.php?id=100000182799843&...603071.2091612703..1

ثانياُ





ثالثاً : إختاروا خيار التبليغ كما هو موضح :




رابعاً : الإختيار :




خامساُ : و هو الاهم السبب :

The name (Nadya Osman) is belong to a well known Sudanese Journalist Nadia Osman and as well her photo has been used and this person is trying to abuse her reputation through this account.

بيتكتب عند : What makes it fake:
(required)




سادساً : اضغط اضغطي Submit

ياللا كلنا يا جماعة كلنا نعمل ريبورت بالطريقة دي

حاتم علي

إن شاء الله لا تفوت لا تموت أخوي وماأعدمك يارب .. قول آميين,,

الأخت نادية السلام عليكم

Quote: المهم دي ما أنا البكتب هناك رغم وضع الزول ده لصورتي وإسمي

الانتحال الإلكتروني أصبح أحد المخاطر المصاحبة للكتابة على الشبكة العنكبوتية
ومن أشهر الأمثلة ما تعرض له الكاتب السعودي مشعل السديري
وفي هذا المنبر عدة أمثلة أكثرها فداحة
انتحال اسم الناقد المغربي سعيد بوكرامي
كا تفضل الأخ حاتم يمكنك التوجه بالشكوى مباشرة إلى إدارة الفيسبوك

Quote: ماتخاف علي ياغالي ومابصيبني شر باذن الله وإنت عارف ربنا رب العدل

امسكي في الكلام قوي
حكمة اليوم
ولا يهمك .......واثقين منك

أخوي الغالي بلير

Quote: حكمة اليوم ولا يهمك .......واثقين منك

تسلم يارب وأنا وأثقة إنكم وأثقين مني وأنا ذاتي وأثقة منكم أخوة وأهل حارة والله ,,

السلام عليكم : أختي : نادية
يعرف الإنسان من خلال قلمه , وأنت إنسانة معروفة
من خلال كتاباتك في هذا المنبر , فما كتب ونسب
إليك من قبل بعض الحاقدين بكون واضح جداً إنو
ما من طرفك مقارنة بما تكتبين . لا تقلقي كثيرأ
خاصةً بعد إنزالك لهذا البوست , واللذي يدل بصدق
على ثقتك العالية في نفسك .
* هذا حال الدنيا وطبيعة الإنسان . حيث تكلم حتى
في رب العزة جل وعلا : " وقالوا اتخذ الله ولدا "

الأخت : نادية وضيوفك الكرام
أرجو الإطلاع على ما كتبنا عن أثر الكتابة والقلم
على هذا الرابط
نداء لبعض أعضاء المنبر انتبهوا لما تكتبون , فالقلم أبقى أثراً .]

المحترم د. يوسف محمد الطاهر

Quote: السلام عليكم : أختي : نادية يعرف الإنسان من خلال قلمه , وأنت إنسانة معروفة من خلال كتاباتك في هذا المنبر , فما كتب ونسب إليك من قبل بعض الحاقدين بكون واضح جداً إنو ما من طرفك مقارنة بما تكتبين . لا تقلقي كثيرأ خاصةً بعد إنزالك لهذا البوست , واللذي يدل بصدق على ثقتك العالية في نفسك . * هذا حال الدنيا وطبيعة الإنسان . حيث تكلم حتى في رب العزة جل وعلا : " وقالوا اتخذ الله ولدا "

يكفيني شرفاً ووساماً مثل قولك هذا الذي يجعلني أباهي بكم عين الشمس أخوة وأهل !


كن دوما بالقرب فلوجودك طعم الطمأنينة والطيبة ,,

الاخت نادية قولي حسبي الله و نعم الوكيل ...

و اتبعي الخطوات المذكورة اعلاه من تقديم شكوى لادارة الفيس بوك و ان لم يستجيبوا و يلغوا الحساب ارسلي لهم ما يسمي بالـ letter of demand عن طريق محامي يفضل انه يكون مقيم في الولايات المتحدة و ان لم يستجيبوا يمكنك ملاحقتهم قضائيا

ممكن كلنا نساعد في إلغاء الحساب الوهمي دا عن طريق خطوات التبليغ المشروحة فوق

أي واحد\ة عندو حساب هناك يخش و يبلغ حسب الخطوات المذكورة فوق

كلما زاد عدد المبلغين بيتشال الحساب بي سرعة

حاتم أخوي

Quote: ممكن كلنا نساعد في إلغاء الحساب الوهمي دا عن طريق خطوات التبليغ المشروحة فوق أي واحد\ة عندو حساب هناك يخش و يبلغ حسب الخطوات المذكورة فوق كلما زاد عدد المبلغين بيتشال الحساب بي سرعة

ماقصرت أخوي كتر خيرك

عايزاك ترسل لي رسالة في ماسنجر بكري عشان حاولت ارسل ليك وغلبني !

العزيزة نادية.

تضامني الكامل معك.

أخوي العزيز دينق

تسلم وحبابك

Quote: العزيزة نادية. تضامني الكامل معك.

ياها المحرية فيك يا إنسان يا أصيل وتسلم من كل شر يااااارب

بت اخوي نادية عثمان
تحياتي وسلامة البنية
اول حاجة امسكي قوي في كلام اخوك حاتم الفوق دا
واتبعي الخطوات اللازمة وتكوني عملت العليك
ورددي دائما حسبي الله ونعم الوكيل وكتري من يالطيف
وليكن معلوم لديك يا بنيتي بما انك شخصية عامة توقعي الكثير
خليني اضرب ليك مثل : ماذا يكتب في النت عن رؤساء الدول ؟
هل تتوقعي انهم يهتمون لذلك ؟
والمسألة نسبية كلما علا شأن الانسان يكثر اعداؤه
والقراء ليسو بهذا الغباء فانهم يميزون
وما حصل لك والله العظيم لن تتضرري منه ابدا
قولي لي كيف ؟
مافي زول بعرف نادية عثمان مختار ويصدق هذا الهراء بكل بساطة
خليك بنيتي في ابداعك وخلي جمهورك هو الذي يرد نيابة عنك وقد حصل
انسي مثل هذه السخافات وامشي اشربي ليك شاي وشوفي شغلك سمح ؟

عبد الله ود البوش

تسلم يارب

وربنا بياخد لي حقي باذن الله

Quote: مافي زول بعرف نادية عثمان مختار ويصدق هذا الهراء بكل بساطة خليك بنيتي في ابداعك وخلي جمهورك هو الذي يرد نيابة عنك وقد حصل انسي مثل هذه السخافات وامشي اشربي ليك شاي وشوفي شغلك سمح ؟

ربنا يوقف لي أولاد الحلال ويكفيني شر الأشرار يااااارب ,,

أخوي الفاروق (بالانجليزي )


حبابك

Quote: اتبعي الخطوات المذكورة اعلاه من تقديم شكوى لادارة الفيس بوك و ان لم يستجيبوا و يلغوا الحساب ارسلي لهم ما يسمي بالـ letter of demand عن طريق محامي يفضل انه يكون مقيم في الولايات المتحدة و ان لم يستجيبوا يمكنك ملاحقتهم قضائيا

حاضر وربنا على الظالم وماضاع حق وراءه مطالب ولو طال الزمن !!

تسلم يارب العالمين من كل شر ,,

الأخ الخلوق محمد أي سليمان

حبابك

Quote: الانتحال الإلكتروني أصبح أحد المخاطر المصاحبة للكتابة على الشبكة العنكبوتية ومن أشهر الأمثلة ما تعرض له الكاتب السعودي مشعل السديري وفي هذا المنبر عدة أمثلة أكثرها فداحة انتحال اسم الناقد المغربي سعيد بوكرامي

والله ده شئ مؤسف شديد !!

ربنا ينتقم من كل ظالم ومفتري ومتجني على الناس يارب !

كن بألف خير يارب

أخوي المحترم حاتم علي

تسلم ياسيد الهمة وما أعدمك يارب

Quote: للأسف هناك ممارسات سيئة كثيرة داخل الفيسبوك من إنتحال شخصية و تشويه متعمد لسمعة الناس لكن في المقابل هناك وسائل مضمونة لرد إعتبارك عليك بالآتي

لو قلت ليك كارهة أدخل المكان ده وماقريت حتى الكلام المكتوب بلساني هناك ولا التعليقات تصدق ؟!

أنا قريت الوسخ ده في الرابط بتاع الموقع الإباحي الناقلين منو القصة على لساني بس للأسف !!

رسل الشكوى أرجوك أخوي وخليهم يحذفوا الشر ده بالله ينوبك ثواب وجزاك الله خير يارب

أختي نادية أنا مقدر لحالتك النفسية بعد قراءتك لهذا السوء و الانحطاط الذي وصل اليه بعض الناس ، و للاسف محاولات إغتيال الاخر لا تنتهي و التكنلوجيا سلاح ذو حدين الشكوى لابد ان تقومي أنت بإرسالها لأنك صاحبة الشأن و المعنية بالأمر عليك بهذه الخطوات أكررها لك:

i
1. Send an email to ([email protected]) describe on it that somebody has made a fake account in your name (Nadya Osman) and trying to Abuse Your reputation, with a copy of your true Identity card which contain your photo and as well a link to that fake account page.

They will reply to you immaterially and promise you to remove that account and as well if you ask them they might give you the IP Address of the person whom made that fake account in order to start a legal case against him/her (if you want)


بالنسبة لي - وبقية أعضاء سودانيز اونلاين - و احصحابك و اقاربك من لهم حسابات هناك فأقصى تصرف - عملي - نقوم به هو مشروح بالصور و الخطوات هنا ، التبليغ عن إنتحال شخصية بالفيسبوك :

Re: حسبي الله ونعم الوكيل ..اللهم رد كيدهم في نحرهم ..ل...لفيسبوك خاف الله !!!

كامل تضامني معك

في إعتقادي البسيط أن التبليغ عن انتحال الشخصية عبر الخطوات اعلاه ، و قيامك بنفسك بإرسال الايميل بسرعة هو الحل العملي لهذه المشكلة

أخوي العزيز ياسر السيد

حبابك ملايين

Quote: اختى العزيزة / نادية رغم كل هذه المحاولات لتشويه صورتك فانت دائما كبيرة وغالية ومحل احترام وتقدير الجميع

لاني اختك وأخت الزيك يا أصيل وتسلم وربي يحفظك من كل شر يارب ,,

أخوي الغالي

عاطف عمر

حبابك ملاييين

Quote: فوضي أمرك لله العزيز المنتقم الجبار كل من يعرفك يعرف حتماً أنك بعيدة بعد المشرقين عن أى منقصة أنت وفاحش القول خصمان لا يلتقيان فكوني في أمان الله

تسلم وربنا يكفيك شرور الدنيا يارب

ووالله مفوضة امري لله وعارفة ربنا مابيتظلم عندو بشر وهو خير المنصفين !


كلامك الطيب عني وشهادتك مابقول انها مجروحة لكن بحمد ربنا اللماني بيك في زمن جميل ونقي !

تسلم ويسلم جواك الطيب ياإنسان ياأصيل جداً ,,

بت حلتنا نادية
مافي زول بعرفك زينا
فارسة وبت رجال
وياجبل ما يهزك ريح

تضامننا الكامل والمطلق معك اختي نادية..
وشكرا حاتم علي علي المعلومة...
حا نجيب ليك أجلو..
انا معاي في المكتب خمسين فيس بوكابي هنود...
حا ادرعهم ليك في الحساب دا عشا يخلو ريحة تاج محل شطة شطة

أخوي الغالي نزار حسين

حبابك يانزار

Quote: وشكرا حاتم علي علي المعلومة... حا نجيب ليك أجلو.. انا معاي في المكتب خمسين فيس بوكابي هنود...

مابتقصر إنت والأخوان الهنود كتر خيرهم مقدماً بس عليك الله
شدوا حليكم وورني ده منو وبكتب من ياتو بلد قوام عشان الواحد يعرف البيهو والعليهو ويواصل في اجراءاته القانونية خير ؟

http://www.facebook.com/group.php?gid=212799274916&ref=ts


بالرغم من إني ماعندي حساب أدخل ( الزفتبوك) ولا لي نفس أدخل هناك وماعارفة حتى المكتوب في الرابط والجروب شنو !!
لكنو جروب عملتو صديقة عمري الغالية ريمان ربي يحفظا يارب

وهي بتعرفني زي جوع بطنها وبتعرف منو نادية وأهلها كلهم وطلبت مني أخت الرابط هنا للجميع يشاركوا

ولأنكم ناس أخلاق وشرف وقلوب نقية ومابترضوا الظلم والحمد لله الدنيا بخير رغم العتمة والعفن من حولنا !!

تسلمي ريمان وتسلموا كلكم ياااارب

Quote: ممكن كلنا نساعد في إلغاء الحساب الوهمي دا عن طريق خطوات التبليغ المشروحة فوق أي واحد\ة عندو حساب هناك يخش و يبلغ حسب الخطوات المذكورة فوق كلما زاد عدد المبلغين بيتشال الحساب بي سرعة

الخطوات هنا ، التبليغ عن إنتحال شخصية بالفيسبوك

Re: حسبي الله ونعم الوكيل ..اللهم رد كيدهم في نحرهم ..ل...لفيسبوك خاف الله !!!

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور

العزيزة والاخت والابنة ناديا
حدثتك بالامس القريب عن هؤلاء الموتورين والذين ادمنو هواية اغتيال الشخصيات والمؤسف هو سيادة سيلسة القطيع
وبساطة معظم المتداخلين في الفيس بوك لتصديق مايكتب والتواصل معه علي انه حقيقة..واصبحت هناك رغبة عامة في تصديق الكلام السلبي عن الناجحين والناجحات في كل مجال علي هذه المنتديات
ولكن انت تعلمين تماما من يستهدفك !!!!،، اقول لك كما قال لك اخوان فاطمة هنا في هذا المنبر( قولي حسبي الله ونعم الوكيل)... ولو لم تنجحي لما كان ذلك
مايطمئن ان الجميع يعرفك ويعرف انك لست من يكتب هذا ودونك انتحال اسماء الكثيرين ومنهم نسرين التي نسب لها مالايمكن ان يصدر منها
وكامل تضامني معك وكوني بخير.

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور

لا حول ولاقوة الا بالله
اصبح الشرف مهزلة ومزلة فى ايدى المنحنطين والسفلة

حسبنا الله ونعم الوكيل فة كل مستهتر وجبان \\

ربى يحفظك نادية من كل سو

وعلى قول اخونا يا جبل ما بهزك ريح

الجمال ماشة والكلاب تنبح

طريقة اسهل للتبليغ عن هذا البروفايل

أولا
----

افتحو صفحة البروفايل من هنا :

http://www.facebook.com/profile.php?id=100000182799843&...603071.2091612703..1

ثانياُ





ثالثاً : إختاروا خيار التبليغ كما هو موضح :




رابعاً : الإختيار :




خامساُ : و هو الاهم السبب :

The name (Nadya Osman) is belong to a well known Sudanese Journalist Nadia Osman and as well her photo has been used and this person is trying to abuse her reputation through this account.

بيتكتب عند : What makes it fake:
(required)




سادساً : اضغط اضغطي Submit

ياللا كلنا يا جماعة كلنا نعمل ريبورت بالطريقة دي

الأخت المتحرمة نادية عثمان

سلامة البنية وما تشوف شر إن شاء الله


====

كفارة ليك من الإساءات دي وربنا يحفظك منها بعيد وما يدي أي زول فرصة إنو يؤذيك

ربنا يبعد عنك كل من أراد بك الشر

====


شكراً جزيلاً حاتم ... وفعلاً عملت ريبورت حسع

هاني عربي أخوي

Quote: كفارة ليك من الإساءات دي وربنا يحفظك منها بعيد وما يدي أي زول فرصة إنو يؤذيك ربنا يبعد عنك كل من أراد بك الشر

دعوات مستجابة وماتشوف شر يارب ,,

أخوي المحترم يوسف أبو سنينة

حبابك

Quote: ربى يحفظك نادية من كل سو وعلى قول اخونا يا جبل ما بهزك ريح الجمال ماشة والكلاب تنبح

نقول حسبي الله ونعم الوكيل وربنا الحافظ وتسلم على الدعاء الطيب شديد,,

أخوي الغالي وود حلتنا عبد الوهاب علي الحاج

حبابك ملايين

Quote: بت حلتنا نادية مافي زول بعرفك زينا فارسة وبت رجال وياجبل ما يهزك ريح

كلامك نزل على قلبي برد وسلام إنت وكل الناس الجميلة الهنا ,,


تسلم وخليك قريب ياوهبة وماعدمتك يارب العالمين ,,

حسبي الله ونعم الوكيل ..
حسبي الله ونعم الوكيل ..

يا جبل ما يهزك ريح ..
كوني قوية يا نادية كما عرفناك ربنا ما بظلم عبيده وهو المنتقم الجبار ..
وقولي حسبنا الله ونعم الوكيل ..
أتبعي خوات الأخ حاتم كما نفعل نحن ..
وأمثال هؤلاء لا يعيشون إلا في الظلام كالخفافيش ..

ربنا يبعد عنك كل شر ..

حسبي الله و نعم الوكيل ..
الصبر يا نادية و فرج الله قريب إن شاء الله

نادية السلام يغشاك
هذه قصه قديمة بعنوان جعلونى عاهرة من زمن
حفروا الانترنت ومتداوله فى كثير من المنابر التافهة.
ولا يهمك كامل تضامننا
فعلنا ما امرنا مع جهلنا التام بالكمبيوتر
غايتو الموضوع كان جاب ليه سكاكين قولى عوووك
ما تخافى يا بت القبائل
وراك اسود وحاتك
مقنعين كاشفات ودراجين ولايا
تيبان شتاء وضل هجير
فرسان،اسود،تلوب
رددى كل مرة حسبى الله ونعم الوكيل،،،

صديق الموج أخوي الغالي
تسلم أبو إخلاص وربي يحفظك ياكريم

Quote: رددى كل مرة حسبى الله ونعم الوكيل،،،

حسبي الله ونعم الوكيل يارب ,,

نادية .. كيفنك يا الغالية ..

يا ندوية يا اختي الدهب بجمروا في النار ..
عشان يزيد لمان ويعرفوا اصلوا ..

ولا يهمك .. خلي بالك من بتك ..
وخليهم للرقيب الحسيب ..

الحبيبة عفاف الصادق

تسلمي من كل شر ياغالية

Quote: ندوية يا اختي الدهب بجمروا في النار .. عشان يزيد لمان ويعرفوا اصلوا .. ولا يهمك .. خلي بالك من بتك .. وخليهم للرقيب الحسيب ..

شاكياهم لرب العالمين القادر على كل شئ ,,

أخوي خالد عبد الله محمود

حبابك

Quote: حسبي الله و نعم الوكيل .. الصبر يا نادية و فرج الله قريب إن شاء الله

بقول يارب وهو القادر على رد المعتدين باذن الله ,,

أختي العزيزة / ندوية
تحياتي ،

قال تعالى في محكم التنزيل وهو أصدق القائلين :

( ولا تحسبن الله غافلاً عما يعمل الظالمون ، إنما يؤخرهم ليومٍ تشخص فيه الأبصار )

وقال المصطفى عليه أفضل الصلاة وأتم التسليم :

( اتق دعوة المظلوم ، فليس بينها وبين الله حجاب ) .


لا تقلقي أختي ولا تحزني ولا تهتمي بمثل هذه
الخزعبلات والترهات الفارغة .. فإن الناس جميعاً
القاصي منهم والداني ، يعرفون من هي نادية عثمان
وكلنا نعرف أسلوبك الراقي المهذب ، ومجرى حروفك
التي تتدفق أصالةً وطيبةً ، ولا تجنح أبداً للساقط من
القول أو البذيء من الكلم .. فلا تهتمي أبداً ولا تشيلي هم
فهذا الافتراء الجارح وهذا الظلم البين مردود على كاتبه
أياً كان .. ومؤكد عندما يستشري الحقد المغلف بأوراق
الجهل والسفالة ، وعندما يغيب المنطق السوي ويظهر
الحاسدون من ذوي الفكر المحدود بأقلامهم المهترئة
وعباراتهم الصدئة .. عندها فقط تسود مثل هذه الكتابات
الظالمة والجارحة والتي لا تصدر إلا من قلبٍ أعماه
الغل والحسد وغشيته القتامة .. فلا تحزني أختي مطلقاً
فالكل يعرف من أنت ، أيتها الأصيلة والنبيلة .

فقط أكثري من قول : حسبنا الله ونعم الوكيل .

وخيراً فعل أخوك صلاح حينما كتب لك :

Quote: وإذا هاجمك الناس وأنت على حق .. أو قذعوك بالنقد.. فافرح .. إنهم يقولون لك .. أنت ناجح ومؤثر .. فالكلب الميت.. لا يُركل ! ولا يُرمى إلا الشجر المثمر !

يا شامةً في جبين الدهر رائعةً ..
يا روضةً من رياض الاعلام زاهرةً
شدي الوثاق فصرح الظلم مياد ..

ولتتمثلي بقول الشاعر :

ظلم الزمان فما ألمتُ بظلمه شيئاً وصادف طائراً فتوطنا ..
وغدا يهددني بمحزن خطبه .. هيهات يدري الحزن من عرف الهنا ..


ولتثقي تماماً بأن الله لن يخزيك أبداً أختي الغالية نادية .


و.. شكراً للأخ حاتم على الذي أوضح لك كيفية التعامل مع
هذه المشكلة من الناحية التقنية ، وأيضا الأخ الفاروق .


ولنقل كلنا لذاك الشخص الظالم الذي شلت يمينه بتلك الحروف الجائرة الميتة :

تنام عيناك والمظلوم منتبهٌ يدعو عليك وعين الله لم تنم .

وحسبنا الله ونعم الوكيل ..(عليه/عليها) .


مودتي ،



( ليمو )

عزيزتنا الغالية نادية عثمان
تضامني معك دوماً وأبداً بلا حدود

أؤمن على كلام العزيز حاتم علي، ويجب التبليغ عن انتحال الشخصية، وهذه جريمة
مشهورة جداً على الإنترنت وعلى الحياة فى أمريكا، وإدارة الفيس بوك ما ح يقصروا معاك

واعتبري أنه موضوع انتحال شخصيتك محسوم، ولكن ورجاءً اختي العزيزة أن تفعلي كما قاله لك
العزيز حاتم علي لمعرفة "الأي بي" بتاعت المنتحل، فأنت الوحيدة التى سيعطونها لها فعليك
بكل بساطة فعل الآتي:
1) أعملي إسكان للبطاقة الشخصية بتاعتك.
2) الخطوة الثانية ارسلي ايميل (يفضل باللغة الإنكليزية) إلى إدارة الفيس بوك على العنوان التالي مع إرفاق البطاقة واربط الإساءة علي:
([email protected])
ومطالبتهم برقم "الآي بي" بتاعت القذر المنتحل لشخصيتك
3) الخطوة التالتة: قومي بنشر الآي بي هنا، وشوفي أخوانك ح يعملوا للكلب دا شنو!

وكوني بألف خير
ووراك رجال بياكلوا الظلط ورهن الإشارة منك بأصبعك الصغير

Quote: 1) أعملي إسكان للبطاقة الشخصية بتاعتك، والتأكد من مطابقة الاسم بالاحرف الإنكليزية لنفس الاسم المنتحل فى الفيس بوك، وإن لم يكن فعليك بتغيير البطاقة ومطابقة الاسم تماماً.

الاخ النذير مطابقة الاسم بالانجليزية غير مطلوبة هنا

سارق\ة البروفايل منتحل\ة الصورة كمان

ومعلوماتها الشخصية

فقط تعمل اسكان لي بطاقتها

حتى لو بالعربي

ما مشكلة

ناس الفيسبوك عندهم قسم بالعربي

وفيهو ناس عرب و قاعدين لي جنس المحن دي

الله يفرج الكرب

بس اهم شي نادية ترسل الايميل

العندو حساب في الفيسبوك

يعمل شير للنوتة مع اصحابه دي انا شرحتا فيها الخطوات المفروض تتعمل

بالعربي و الانجليزي

وبالتالي نضمن انو اكبر كمية ممكنة من المشتركين في الفيسبوك يصوتوا

لقفل هذا البروفايل المنتحل المسئ

How to report a fake account in facebook (Nadya Osman)
-------------------------------------------------------------------------------
http://www.facebook.com/notes.php?id=593603071#/note.ph...note_id=216163184449

ندوية ..

فعلا حاجة مزعجة بس انا في الفيس بوك ومواصلة جدا بي هناك وما جاني شي من منك او من الاسم المكتوب ..

فعلا زي ما قال حاتم علي .. كلنا حا نبلغ عن البروفايل ...


وكامل التضامن معك ..




--
الشهرة متاعب

عيب وحرام والله


كامل تضامننا

أخوي مامون أحمد

Quote: عيب وحرام والله كامل تضامننا

تسلم وياها المحرية فيك ياراقي

الاخت النخلة نادية

تحياتي

وكل من يحاول ان يقذفك بالحجارة سترتد اليه رطبا جنيا

Quote: الاخ النذير مطابقة الاسم بالانجليزية غير مطلوبة هنا سارق\ة البروفايل منتحل\ة الصورة كمان ومعلوماتها الشخصية فقط تعمل اسكان لي بطاقتها حتى لو بالعربي ما مشكلة ناس الفيسبوك عندهم قسم بالعربي وفيهو ناس عرب و قاعدين لي جنس المحن دي الله يفرج الكرب بس اهم شي نادية ترسل الايميل

شكراً يا حاتم على التصويب، وشكلك كدا راجل خبرة فى الفيس بوك
والفيس بوك دا شعراً ما عندي ليهو رقبة لوول، وسأقوم بتعديل مداخلتي
أعلاه، وكدا الموضوع بقى أسهل

عزيزنا حاتم،
سؤال مهم:
هل بامكانها ارسال الإيميل باللغة العربية؟!

مع فائق التقدير

Quote: عزيزنا حاتم، سؤال مهم: هل بامكانها ارسال الإيميل باللغة العربية؟! مع فائق التقدير

العزيز النذير

ممكن لكن الاجراءات ستأخذ وقتاً

أفضل الانجليزية اسرع لان الاجراء

سيكون فوري ، بعكس العربية سيتم

تحويله لقسم العربية الخ....

و ممكن أن ترفق صورة بالاسكانر لجوازها

لان الاسم في الجواز يكتب بالانجليزية

تحياتي

أخوي عمر الصديق

تسلم من كل شر يارب

إنعام بت عمو حيمورة

تسلمي على المداخلة الطيبة

Quote: الشهرة متاعب

الحياة كلها متاعب موش الشهرة بس !!

غايتو بس نقول حسبي الله ونعم الوكيل !!

أخوي الغالي النذير حجازي

يارب لا تفوت ولا تموت ياود الأصول

Quote: عزيزتنا الغالية نادية عثمان تضامني معك دوماً وأبداً بلا حدود

ياها المحرية فيك وفي الجميع في حوش بكري وما أعدمكم يارب ’’

العزيز الأخ عبد الحليم ( ليمو)

Quote: قال تعالى في محكم التنزيل وهو أصدق القائلين : ( ولا تحسبن الله غافلاً عما يعمل الظالمون ، إنما يؤخرهم ليومٍ تشخص فيه الأبصار ) وقال المصطفى عليه أفضل الصلاة وأتم التسليم : ( اتق دعوة المظلوم ، فليس بينها وبين الله حجاب ) .

وهل بعد قول الله سبحانه وتعالى ثم رسوله الكريم صلى الله عليه وسلم قول ؟

آمنت بالله والحمد لله ولا حول ولا قوة إلا بالله !

معتصم دفع الله أخوي النقي شديد

وينك إنت محتاجة ليك والله في الشغلة دي وكيف ولدك ووالدته عساهم بخير

Quote: يا جبل ما يهزك ريح .. كوني قوية يا نادية كما عرفناك ربنا ما بظلم عبيده وهو المنتقم الجبار .. وقولي حسبنا الله ونعم الوكيل .. أتبعي خوات الأخ حاتم كما نفعل نحن .. وأمثال هؤلاء لا يعيشون إلا في الظلام كالخفافيش ..

ربنا منتقم جبار ياشقيقي معتصم الغالي وبقول يارب أنا ’’

الأخت نادية

كامل التضامن معك

عيب و الله عيب اللعب بأعراض الناس

أخوي الصادق خليفة

تسلم من كل شر يارب

وكتر خيرك وربي يحفظك يارب

العزيزة / نادية تحياتى و الف سلامة للابنة ايمان

للاسف شفت الموضوع و بالفعل اى شخص بيعرف نادية
لا يصدق انها ممكن تنقل موضوع مثل هذا و فى موقع عام.


فهذا يسمى ( الفجور فى الخصومة ) وعموما هم الخاسرين
فكونى كما انت و لا تفقدى اعصابك مهما كانت الافعال .


والله الان هناك ايضا فنانة مشهورة اسمها مُستغل اسوء استغلال فى الفيسبوك
وهى قد لا تعلم بذلك للاسف و لا ادرى كيف يكمن يتم تنبيهها لهذا الامر


أحمد العمار

Quote: و ممكن أن ترفق صورة بالاسكانر لجوازها لان الاسم في الجواز يكتب بالانجليزية

يا حاتم سلامات،
دي الحتة الأنا خايف منها ذاتها، لو الحروف بالأحرف الإنكليزية ما متطابقة
مع الاسم المنتحل فى الفيس بوك ما ح يعتبروه انتحال شخصية، والامريكان ديل
دقيقين جداً، وبميلوا للإنصاف دائماً، والمتهم عندهم دائماً بريء حتى تثبت
إدانته بالأدلة الدامغة.

مع وافر التقدير

Quote: يا حاتم سلامات، دي الحتة الأنا خايف منها ذاتها، لو الحروف بالأحرف الإنكليزية ما متطابقة مع الاسم المنتحل فى الفيس بوك ما ح يعتبروه انتحال شخصية، والامريكان ديل دقيقين جداً، وبميلوا للإنصاف دائماً، والمتهم عندهم دائماً بريء حتى تثبت إدانته بالأدلة الدامغة. مع وافر التقدير

النذير سلامات،
الخطوة الاولى هي إزالة البروفايل من الفيسبوك:


الهوية أو Identity

سواءً اكانت جوازاً ام بطاقة شخصية

مع الصورة كافية لاثبات الشخصية

للفيسبوك في المرحلة دي

(حالات مشابهة سابقة)

الامر الذي يؤكد لهم تطابق الصورة

على البروفايل مع صورة الهوية

(جواز - بطاقة)

البروفايل منتحل (صورة نادية)


بالتالي (الاخت نادية) عليها الاسراع في

ارسال الايميل

بالإضافة لكمية (الريبورتات)

المن طرفنا

- إدارة الفيسبوك تعمل على مبدأ الاغلبية على حق دائماً * -

نضمن مسح البروفايل في

المرحلة دي على الاقل.



ثانياً : بالنسبة للنواحي القانونية

انا ما خبير في الحتة دي

لكن الصورة دليل واضح لإنتحال الشخصية

بالتالي موضوع الاسم واختلاف ال spelling

لن يكون - في تقديري - موضع شكوك

و بالتالي سيكون بمقدور نادية مواصلة الاجراءات

القانونية فيما بعد

اعتقد ان تمليك ال IP Address

يحتاج الى إذن قضائي او ما شابه

لدينا العديد من القانونيين في امريكا بهذا المنبر

يمكنهم إفتاء الاخت نادية اذا رغبت في رفع

قضية او حتى الحصول على IP Address



عموماً
-------

في معظم الحالات المشابهة تكتفي ادارة الفيسبوك

بمسح الحساب المنتحل فقط. مع حظر الايميل

المستخدم في إنشائه من عمل حساب جديد مستقبلاً

مع وافرالشكر و التقدير

















_____________________

(*) لقد كانت الريبورتات الكيدية الوسيلة المحببة
للمتأسلمين لتصفية بورفايلات المختلفين معهم
وذلك بإنشاء مجموعات ضخمة لإرسال البلاغات
الكيدية لإدارة الفيسبوك التي لن تقارن إحتجاج عضو واحد
مقابل مجموعة كاملة من 5000 عضو ترسل
كلها رسالة واحدة للفيسبوك :((البروفايل الفلاني
يسئ لعقيدتنا ... الخ))
وفي الغالب تمسح إدارة الفيسبوك البروفايل المعني
دون تفاهم

حاتم أخوي

Quote: البروفايل منتحل (صورة نادية) بالتالي (الاخت نادية) عليها الاسراع في ارسال الايميل بالإضافة لكمية (الريبورتات)

أها لسة ولا شنو ؟

Quote: والله الان هناك ايضا فنانة مشهورة اسمها مُستغل اسوء استغلال فى الفيسبوك وهى قد لا تعلم بذلك للاسف و لا ادرى كيف يكمن يتم تنبيهها لهذا الامر

الاخ احمد العمار

بلغوها بالحاصل دا

وخلوها تعمل نفس الخطوات الفوق دي و تبلغ ادارة الفيسبوك بنفس الطريقة تحياتي

اختي نادية المثل عندنا بقول المابتلحقوا جدعوا...الا انو انواع الجدع في هذا العصر متنوعة...جدعوك لانك ناجحة.....جدعوك لانك سبقتيهم....وجدعوك لانك سمحة....انت اكبر من تجاوز هذه التفاهات.....

الاخت نادية

انت دائما محل احترام وتقديرالجميع


خير ما فعلت و ما تقلقي والعارف عزو مستريح يا اختى

أختى/الزينة..سلامة إيمان..وماتشوف شر يارب..

حسبى الله ونعم الوكيل على من حاول مسك بشر أو غيرك...

أنت غالية علينا وعزيزة ونعرفك جيدآ..من أراد بك سوء نسأل الله ان يشغله بنفسه يارب...

كويس إنك تداركتى الوضع..وكتبتى هنا فى هذا المنبر ألأكثر إنتشارآ..حتى تبان الرؤية للذين لايعرفونك عن قرب..

كونى بخير أختنا الغالية....

أخوي الغالي إسماعيل عباس

تسلم من كل شرور الدنيا وربنا يحفظك يارب

Quote: أختى/الزينة..سلامة إيمان..وماتشوف شر يارب.. حسبى الله ونعم الوكيل على من حاول مسك بشر أو غيرك... أنت غالية علينا وعزيزة ونعرفك جيدآ..من أراد بك سوء نسأل الله ان يشغله بنفسه يارب... كويس إنك تداركتى الوضع..وكتبتى هنا فى هذا المنبر ألأكثر إنتشارآ..حتى تبان الرؤية للذين لايعرفونك عن قرب.. كونى بخير أختنا الغالية....

والله تكفيني هذه الكلمات الطيبات لتزيل عن نفسي أي إحساس بالحزن

وطالما أن المولى سبحانه وتعالى سخّر لي أخوان أمثالك فلن أضام باذن الله !

معليش يا نادية ..
و عزائك و عزائنا أنك نادية التي نعرفها ..
و يساورني شك أن وراء هذا الأمر شخص عرف عنه ممارسة مثل هذه الحركات التافهة ..

هو يقرأ الآن و وهو في قرارة نفسه يشعر بهزيمته و خسته و وضاعته و نذالته ..

لن أقول من هو ( و ليس من هي ) لأن دليلي عليه و إن كان مقنع لي إلا أنه سوف ينكره لأنه لا يملك من شيم الرجولة و الشجاعة ما يجعله مؤهلاً للإقرار بخطئه .. هو عاجز حتى من أن يسترجل ..

لا حول ولا قوة الا بالله ..

تضامننا معك بلا حدود يا ام ايمان ...

ود الباوقة أخوي المحترم

تسلم وماتشوف شر في روحك ولا عيالك أبداً يارب ,,

العزيز المحترم أخوي عصام دهب

حبابك ملايين

Quote: معليش يا نادية .. و عزائك و عزائنا أنك نادية التي نعرفها .. و يساورني شك أن وراء هذا الأمر شخص عرف عنه ممارسة مثل هذه الحركات التافهة .. هو يقرأ الآن و وهو في قرارة نفسه يشعر بهزيمته و خسته و وضاعته و نذالته .. لن أقول من هو ( و ليس من هي ) لأن دليلي عليه و إن كان مقنع لي إلا أنه سوف ينكره لأنه لا يملك من شيم الرجولة و الشجاعة ما يجعله مؤهلاً للإقرار بخطئه .. هو عاجز حتى من أن يسترجل ..

بالتأكيد فان الإسلوب القذر يفضح صاحبه ولن يفلت مجرم من عدالة الأرض والسماء للأبد !

غداً لناظره قريب والفجر لا محالة آت !!

أخوي الغالي الطيب شيقوق


حبابك

Quote: الاخت نادية انت دائما محل احترام وتقديرالجميع خير ما فعلت و ما تقلقي والعارف عزو مستريح يا اختى

تسلم من كل شر ويكفيني إحترام من يعرفون معاني الإحترام أمثالكم والله !

شكراً جميلاً ’’

المحترم أخوي د.سيد زكريا

Quote: اختي نادية المثل عندنا بقول المابتلحقوا جدعوا...الا انو انواع الجدع في هذا العصر متنوعة...جدعوك لانك ناجحة.....جدعوك لانك سبقتيهم....وجدعوك لانك سمحة

تسلم والله على الكلام الطيب وده بس من ذوقك ياراقي .. تسلم يارب ,,

العزيزة نادية سلامات
لماذا لا تحمل كل الموضوع للقضاء لحسم هذا الموضوع مثل كثير من الاقتراحات حتى نتبين الامر والفاعل الحقيقي هذا سوف يكون في مصلحة الجميع وخاصة انك تشيرين لا شخص يعينه عسى ان يكون شخص اخر او ان يكون هو نفسه ولكن المهم ان يتم حسم هذا الموضوع قانونيا فهذا يضمن سلامتك انت ابنائك وخاصة انتي قلت انه تم تهديدك من قبل .والموضوع ما صعب وهنالك سابقة في هذا المنبر .

معا ضد الحملة الشرسة ضد الاستاذة نادية عثمان مختار
اثمرت الحملة حتى الآن عن إغلاق الحساب المشبوه
ولكنها افصحت عن الفاعلين ايضا وكل ذى عين بصير

أحمد العمار أخوي

تسلم يارب

Quote: للاسف شفت الموضوع و بالفعل اى شخص بيعرف نادية لا يصدق انها ممكن تنقل موضوع مثل هذا و فى موقع عام. فهذا يسمى ( الفجور فى الخصومة ) وعموما هم الخاسرين فكونى كما انت و لا تفقدى اعصابك مهما كانت الافعال

عارف ؟

في حوار مع الزميلة والصديقة نسرين سوركتي سألتها
كيف بتواجه السخف وإغتيال الشخصية والإستهداف ده وهل بتحزن وتبكي ؟

قالت لي : دمعتي غالية يانادية وخلاص إكتسبت مناعة
ويكفي إنو البهموني والحولي عارفين نسيرين هي منو !!

ده كلام جميل من نسرين إستفدت منو كتيييير !!

Quote: الى كل الناس في الفيسبوك من الأخوان في المنبر

Quote: أرجوكم أنقلوا عني انو أنا ماكتبت ولا حرف في الفيسبوك وحسابي لغيتو هناك نهائيا لأنو لي شهور مابستعملوا وزمان كتبت بوست في المنبر ده قلت أنا مابعرف للفيسبوك ولا بحبو كمان !!

Quote: وهسة في زول مابخاف الله كتب بإسمي كلام فارغ في الفيسبوك موضوع عن (الخيانة الزوجية) !!

Quote: وطبعا الغرض كالعادة تشويهي وإغتيال شخصييتي دون سبب معلوم !!

Quote: صلاح أخوي عارفاك راح تقرأ البوست ده وتنزعج وتخاف علي كالعادة ماتخاف علي ياغالي ومابصيبني شر باذن الله وإنت عارف ربنا رب العدل

لا حول و لا قوة الا بالله..

أنا قريت الموضوع ، لا إنتي يا نادية و لا أي واحدة ممكن تكتب كدة..!!

أرجو أن تتبعي النصائح المكتوبة ليك للتبليغ عن الأمر..

و من هنا أدعو جميع القانونين في المنبر لبحث معالجة هذا الامر من الناحية القانونية..

كما أدعو الأخوة المتخصصيين في مجال الحاسوب لبحث كيفية الوصول الى الفاعل..

الموضوع دا كبير و ما بيخص نادية براها و ممكن يصلنا كلنا..

دي قضية رأي عام..

نحن كلنا معاك يا نادية..

و إن شاء الله منصورة..

Quote: الموضوع دا كبير و ما بيخص نادية براها و ممكن يصلنا كلنا.. دي قضية رأي عام.. نحن كلنا معاك يا نادية.. و إن شاء الله منصورة

مولانا عادل سمير...ياخ واحشنا...بجد...
وكل سنة وانت والاسرة بألف خير وعافية
وميري كريسماس برضو ان ادفانس

This a real Cause

معليش يا نادية
الموضوع بغيظ ويحرق الدم فعلا
حسبي الله ونعم الوكيل
ما عندك سند غير الله

سلمتي من كل شر

الأخت الحبيبة بت قضيم

تسلمي وربنا يغطي عليك وعلى أحبابك من شرور الدنيا يارب

Quote: حسبي الله ونعم الوكيل ما عندك سند غير الله

نعم هو حسيبي ونعم الوكيل وبقول يااااارب العدل !

لا حول ولا قوة إلا بالله

حقيقي مؤسف ماوصل إليه ضعيفي الأنفس من السوء وإستغلال الأسافير في النيل من الأبرياء

سحقا" لهم ...

الرجاء من الجميع إجراء الخطوات التي وصفها حاتم بعاليه

الاخت نادية

دعمنا الغير محدود لكم

و صديقيني لقد ذاد الاستهداف الكثير ليكي من تقدير الناس لشخصك

اتمني من كل من له حساب في الفيسبوك باتباع الخطوات التي ذكرها مشكورا الاخ حاتم علي للاعتراض علي هذا الحساب الوهمي ولقد قمت بذلك و هي في غاية السهولة

أخوي الأمين لعوتة

حبابك ملايين

Quote: دعمنا الغير محدود لكم و صديقيني لقد ذاد الاستهداف الكثير ليكي من تقدير الناس لشخصك

هذا من فضل ربي العادل فكلما قصد المستهدف قتلي أحياني في قلوب الناس
المحترمين الأنقياء أمثالك و كل الذين تصدوا لهذه الهجمة الشرسة علي فهل أكثر من هذا عدل رباني ؟


اللهم لك الحمد الجزيل يارب ,,

نادية مليون سلام
وسلامة ايمي انشاء الله ماتشوف شر

الموضوع في غاية البساطة يانادية انتي شخصية اعلامية
معروفة
وانسانة ناجحة بكل مقايس النجاح
وانا بصورة شخصية جدا لو كسرت فيك كل ثلج الاقطاب المتجمدة
مابوفيك حقك كاخت وصديقة ليها قيم خاصة جواااي
الفيس بووك موقع غير رسمي
زي وزي غرفة اي شات مفتوحة لذا لايعتبر مرجع عشان يقلقك البيحصل
ولو تابعتي زي الحاجات دي بتعبي في النت
انتي شخصية جماهرية صورك مالية دنيا الفرح
ماتلتفتي لي صغائر الامور تابعي مسيرتك ماتنزعجي درب الشهرة لو ماكنتي قوية
ها يدخلك مصحة بالاشاعات الحولو

كتب باسمك لانك شخصية معروفة
ودي حاجة طبيعة ماتقلقي
لوقالوا نادية
عرست او طلقت او اتحجبت او اعتزلت ...... الخ
يكفي ان نادية عثمان تعيش بحب الاخرين

كاملي تضامننا معك يا نادية


بس الزول الثقيل دا امكن اكون ياهوداك
بتاع الماسينجر
علي كل مثل هذه الاتهامات الزائفة لا تزيد المؤمن الا قوة ومنعة
وكوني مع الله يكون الله معك

أخوي المحترم

الشامي الحبر عبد الوهاب

تحياتي وحبابك

Quote: بس الزول الثقيل دا امكن اكون ياهوداك بتاع الماسينجر علي كل مثل هذه الاتهامات الزائفة لا تزيد المؤمن الا قوة ومنعة وكوني مع الله يكون الله معك

أيا من كان ذلك الذي إنتحل إسمي وصورتي فهو شخص لا ضمير له
ولا شرف ويظن أن المولى لن يسأله يوما
ولكن الله بالمرصاد للقاصدين النيل من أعراض بنات الناس وحسبي الله ونعم الوكيل !!

العزيزة نادية
هذه واحدة من ضرائب الشهرة خصوصاًللشابات المشهورات بشاط إعلامي أو موسيقي أو نحوه في السودان وفي كل مكان وللشهرة ضرائب تشبه الضرب أحياناً . لا شك أن الشخص المنتحل ارتكب حرماً يستوجب الملاحقة والمقاضاة وأعتقد أن الخطوات التي دلك عليها حاتم علي وضياء الدين ميرغني سيكون فيها مخرج من هذه المشكلة.عليك أن تسعدي بهذا التضامن معك ودام لك أخوك صلاح المتفهم المساند .

اخواتنا و أخوانا العندهم حسابات فى الفيس بوك
عليكم بإرسال إيميلات مباشرة لإدارة الفيس بوك
على الإيميل الوضعوا الأخ النذير حجازى
بتنبيههم بانتحال شخصية نادية عثمان لتشويه سمعتها
ويمكن إرفاق رابط هذا البوست ما دام عندهم عرب
مطالبين الفيس بوك بإتخاذ ما يلزم للتحرى وضبط الجانى
بتحديد البلد و ال IP تبع جهاز الكمبيوتر

* توجيهات مولانا عادل سمير يجب وضعها فى الإعتبار
بتفعيل الإجراءات القانونية .. و إدارة الفيس بوك
عليها تحمل مسؤوليتها

* كما قالت د. نجاة .. وأخرين الحسادة و الشهرة والنجاح
وراء ما تعرضت له نادية .. ولكن ما حدث يبدو إنتقاماً
وتشفى من نفس مريضة غير سوية لرجل أو إمرأة
إما تعاملت معها نادية مباشرة أو عن طريق الإنترتت

فيا نادية أنظرى حولك .. فربما تتعرفين على من حاول الإساءة إليك
و بما أن الفريه متعلقة بالشرف .. فهو غالباً تفكير رجولى !

نادية .. حسبك الله و نعم الوكيل

أخوي الخلوق جدا

نادر الفضلي

حبابك ملايين

Quote: كما قالت د. نجاة .. وأخرين الحسادة و الشهرة والنجاح وراء ما تعرضت له نادية .. ولكن ما حدث يبدو إنتقاماً وتشفى من نفس مريضة غير سوية لرجل أو إمرأة إما تعاملت معها نادية مباشرة أو عن طريق الإنترتت فيا نادية أنظرى حولك .. فربما تتعرفين على من حاول الإساءة إليك و بما أن الفريه متعلقة بالشرف .. فهو غالباً تفكير رجولى !

ربنا يكفينا شر الحاقدين يارب

ووالله يانادر عن نفسي مابحمل ضغينة ولا عداء لأي زولة ولا زول !

وعارفة الحاقدين علي منو وهم قلة معروفة بالأسماء لدي ولدي الآخرين !

وطبعا ماعارفاك شفت الكلام المكتوب في الفيسبوك

ولا لا لكن هو عبارة عن قصة ملطوشة من موقع إباحي وموضوع رابط الموقع هناك !

وربنا في لا بنوم ولا بغفل لكنهم لا يعلمون !!

لك التقدير عزيزتنا ناديه
ربنا يرد كيده في نحره

لابد من تأديب هذا المريض اولا
ثم بدأ الحمله فورا لحظره من الفيس بوك
كتبت هناك - في الرابط المعني - تنبيه لكل الناس
بأخذ الحيطه والحذر من التعامل مع هذا المعتوه
ثم المشاركه في حملة الحظر


احترامي

أخوي الغالي نوفل عبد الرحيم

بشكر المنابر العرفتني بالناس الطيبين الزيك والله

Quote: لابد من تأديب هذا المريض اولا ثم بدأ الحمله فورا لحظره من الفيس بوك

هو الفيسبوك ده سيدو منو ؟!!

ياريت سيد الفيسبوك ده يشوف مسألة إنتحال الشخصيات دي حدها وين؟


نحمد الله المنبر ده عارفين سيدو بكري !!

العزيزة نادية
جميل جدا انك وضحتى الحقائق
وانت ادرى بان ضعاف النفوس يفعلون اى شىء
وتحت اى مسمى
وربنا انصرك

الحبيبة الزميلة أناهيد كمال

تسلمي وماتشوفي شر يارب

Quote: جميل جدا انك وضحتى الحقائق وانت ادرى بان ضعاف النفوس يفعلون اى شىء وتحت اى مسمى وربنا انصرك

بقول ربنا جبار منتقم وثقتي في عدالتو ماليها حد !!

ضعاف النفوس ليهم يوم لا محالة وأن طال الزمن !

خلي بالك من روحك ياغالية

أستاذنا العزيز بشرى الفاضل

تحياتي وتقديري وإحترامي

Quote: العزيزة نادية هذه واحدة من ضرائب الشهرة خصوصاًللشابات المشهورات بشاط إعلامي أو موسيقي أو نحوه في السودان وفي كل مكان وللشهرة ضرائب تشبه الضرب أحياناً . لا شك أن الشخص المنتحل ارتكب حرماً يستوجب الملاحقة والمقاضاة وأعتقد أن الخطوات التي دلك عليها حاتم علي وضياء الدين ميرغني سيكون فيها مخرج من هذه المشكلة.عليك أن تسعدي بهذا التضامن معك ودام لك أخوك صلاح المتفهم المساند .

سلمت من كل شرور الدنيا يارب

وبالفعل للشهرة متاعب ولكن ربنا يقدرنا فالعمل العام كان قدراً

ولن نتركه من أجل خفافيش الظلام !

وأما عن شقيقي صلاح فهو نعم الأخ المساند المتفهم الجميل حفظه الله وحفظك أستاذي بشرى

وكالعادة أسعدتني مداخلتك ونزلت برداً وسلاماً على روح تتوق للأنصاف والعدالة !

تحية وتقدير أختنا نادية

ولا عليك

فأنت فوق الريبه والشبهات

ومعروف عنك نبل الأخلاق قولا وفعلا

وجميل جدا منك فتح هذا البوست للتنبيه , وأتفق مع من أقترح عليك أعلاه أن تبعثي

أيضا برسائل للايميلات التي تتعاملي معها ومحفوظة لديك لتوضيح الأمر .

ولا أعلم حقيقة كيفية الاثبات أو الملاحقة القضائية لمثل هذا المعتدي التي يسبب مثل هذا الضرر

وأكيد عن قصد فهو يعرفك .

قبل فترة وجدت دعوة على الفيس من الفنانه عافية حسن اسمها مكتوب هكذا وبالعربي ( عافية حسن )

وموضوع صورتها المعروفه لمعجبيها , وكثرت الاضافات لها والتبسط معها في الكتابه , وتبسطها مع

معجبيها , وأتضح في آخر الأمر أن من قام بهذا الشئ منتحل لشخصية عافية حسن وليس المطربه المعروفة

وهو كأس تجرعته عافيه مثلما تتجرعيه الآن .

ولا أقول الا حسبي الله ونعم الوكيل

وكامل تضامني معك

البشير دفع الله أخوي الكريم

تحياتي

Quote: فأنت فوق الريبه والشبهات ومعروف عنك نبل الأخلاق قولا وفعلا وجميل جدا منك فتح هذا البوست للتنبيه ,

ربنا يحفظك ويحفظ أحبابك أخوي وتسلم على الشهادة الطيبة في حقي

وكان لازم أفتح البوست ده لفضح من يستخدم إسمي وصورتي لتدميري ولن يستطع باذن الله

وحسبي الله ونعم الوكيل !!

محمد الأمين محمد أخوي المحترم

حبابك ملايين

Quote: كتب باسمك لانك شخصية معروفة ودي حاجة طبيعة ماتقلقي لوقالوا نادية عرست او طلقت او اتحجبت او اعتزلت ...... الخ يكفي ان نادية عثمان تعيش بحب الاخرين

المشكلة مافي الكتابة لكن في نوعها والهدف منها وهو تشويهي يامحمد أخوي !!


لكن زي ماقلت ( يكفي أن نادية عثمان تعيش بحب الآخرين) وهل أكبر من محبة الناس كنز ؟

اللهم لك حمدي وشكري الجزيل على منحك أياي نعمة محبة خلقك يارب واللهم زد وبارك يا الله ,,

الاخت / نادية عثمان تحياتى

ولايهمك انتى انسانة ناجح فى عملك ولهذا السبب بحفروا ورك استمرى فى النجاح ولايهزك شي

الله معك والجميع بعرف اخلاق نادية وكفاية نظرة المجتمع الى نادية تعنى اه

وكل اخوانك فى المنبر فى خدمتك

ودمتى اختى

اخوك خالد درق

الشعبية

خالد درق

أخوي العزيز وود حلتي الشعبية العزيزة

Quote: ولايهمك انتى انسانة ناجح فى عملك ولهذا السبب بحفروا ورك استمرى فى النجاح ولايهزك شي الله معك والجميع بعرف اخلاق نادية وكفاية نظرة المجتمع الى نادية تعنى اه وكل اخوانك فى المنبر فى خدمتك ودمتى اختى

ربنا ماحرمني من الزيكم أخوي ووالله حواء السودانية والدة رجال وبخير الحمد لله !

تسلم من كل شر ياخالد العزيز

أخوي الغالي شديد حافظ كنجال

تسلم البطن الجابتك ود أمي أنا

Quote: الموضوع في غاية البساطة يانادية انتي شخصية اعلامية معروفة وانسانة ناجحة بكل مقايس النجاح وانا بصورة شخصية جدا لو كسرت فيك كل ثلج الاقطاب المتجمدة مابوفيك حقك كاخت وصديقة ليها قيم خاصة جواااي الفيس بووك موقع غير رسمي زي وزي غرفة اي شات مفتوحة لذا لايعتبر مرجع عشان يقلقك البيحصل ولو تابعتي زي الحاجات دي بتعبي في النت انتي شخصية جماهرية صورك مالية دنيا الفرح ماتلتفتي لي صغائر الامور تابعي مسيرتك ماتنزعجي درب الشهرة لو ماكنتي قوية ها يدخلك مصحة بالاشاعات الحولو

إنت زول بتعرفني وبينا الملح والملاح وبعرف أم ولدك وعارفني مازولة شر والحمد لله

ومحبتك لي مامن فراغ لكن لأني ذاتي بحب الناس ياحافظ والناس بالناس والكل برب العالمين !

عارفة إنو للخروج للعمل العام ضريبة قد تكون باهظة أحيانا لكن البتأسف ليهو أخلاق زول سوداني

مهما بلغ من السوء ممكن توصل للحد ده ؟

بالجد شئ مؤسف !!

أختى الكريمه ناديه
كل سنه و إنت و من بطرفك طيبين وسالمين ،
إعتبريها ضريبة النجاح و الشهره و إلتفتى لما هو أهم ،
و أكيد لديك ما هو أهم ،
تمنياتى .... و أن يحفظك رب العباد من كل شر .

الاخت العزيزة نادية
اتركيه لله القوي الجبار

هذا الشخص معروف ومهمته دايما تشويه سمعة الناس
وخاصة النساء

حسبي الله ونعم الوكيل

Ibrahim Hussin 21 ديسمبر، الساعة 09:42 صباحاً‏ إبلاغ
السلام عليكم يا استازه انا ابراهيم وكنته معلق ع قصة خيانة زوجيه المنزلا الزول العامل اكاونت بي اسمك
انا اسف يا استازه وبعتزر اشد الاعتزار منك لانو ظلمتك وافتكرته انو دي انتي بالجد ظلمتك اسف ياست الناس


الرساله دي جاتني على بريدي الخاص شكلو الزول يا لخبط وافتكرني انت عشان نقلت كلامك
مع اني وضحت انو منقول من كلامك فوق
او حب اوصل ليك الرساله
على العموم ماتهتمي يا حبيبه لآن ناسك ومريديك عارفين بت السودان الاصيله تطلع شنو

وجن الحبيبة

تسلمي ياغالية

Quote: ديسمبر، الساعة 09:42 صباحاً‏ إبلاغ السلام عليكم يا استازه انا ابراهيم وكنته معلق ع قصة خيانة زوجيه المنزلا الزول العامل اكاونت بي اسمك انا اسف يا استازه وبعتزر اشد الاعتزار منك لانو ظلمتك وافتكرته انو دي انتي بالجد ظلمتك اسف ياست الناس الرساله دي جاتني على بريدي الخاص شكلو الزول يا لخبط وافتكرني انت عشان نقلت كلامك مع اني وضحت انو منقول من كلامك فوق او حب اوصل ليك الرساله على العموم ماتهتمي يا حبيبه لآن ناسك ومريديك عارفين بت السودان الاصيله تطلع شنو

الحمد لله ياوجن انو لسة في الدنيا في زول لما يظلم زول

برجع عن الظلم ده ويعتذر ودي ذاتها محمدة !!

الله في وهو القادر العظيم ,,

بسم الله الرحمن الرحيم
السلام عليكم ورحمة الله وبركاته
الاخت نادية
لا تحزني يا اختاه هي ضريبة النجاح كما سبقني الاخوة بالقول
نعم يمكنك المقاضاة ومخاطبة الفيسبوك بذلك

نتشرف بدعمك فنيا وقانونيا اذا لزم الحال
زين العابدين

الأنسان النبيل زين العابدين

Quote: نتشرف بدعمك فنيا وقانونيا اذا لزم الحال

مابتقصر ياأخوي الغالي وياها المحرية في أولاد بلدي ناس السمح والزين ,,

العزيزة تسنيم

ربنا يكفيك شر المحن يارب !

Quote: الاخت العزيزة نادية اتركيه لله القوي الجبار هذا الشخص معروف ومهمته دايما تشويه سمعة الناس وخاصة النساء حسبي الله ونعم الوكيل

ومفروض تكون مهمتنا نكشفوا للدنيا كلها على الأقل عشان الناس تتكافى شرو موش ؟

تسلمي وربنا يحفظك يارب ,,

الفنان مصدق مصطفى

تسلم يارب

Quote: أختى الكريمه ناديه كل سنه و إنت و من بطرفك طيبين وسالمين ، إعتبريها ضريبة النجاح و الشهره و إلتفتى لما هو أهم ، و أكيد لديك ما هو أهم ، تمنياتى .... و أن يحفظك رب العباد من كل شر .

أكيد لدي المهم الكثير والحمد لله

ولكن كان لابد من ايصال هذه الرسالة المهمة وقد أتت أؤكلها بحمد الله ،

أخوي فارس محمد

حبابك

Quote: حقيقي مؤسف ماوصل إليه ضعيفي الأنفس من السوء وإستغلال الأسافير في النيل من الأبرياء سحقا" لهم ...

اللهم رد كيدهم في نحرهم !

بمشوا من ربنا وين وكان خلاهم في الدنيا بخليهم في الآخرة ؟!

نزار حسين أخوي

ما أعدمك يارب

Quote: This a real Cause

الله في !!

الأستاذ المحترم عادل سمير أخوي

حبابك ملايين وربنا يسلمك وأحبابك من كل شر يارب

Quote: و من هنا أدعو جميع القانونين في المنبر لبحث معالجة هذا الامر من الناحية القانونية.. كما أدعو الأخوة المتخصصيين في مجال الحاسوب لبحث كيفية الوصول الى الفاعل.. الموضوع دا كبير و ما بيخص نادية براها و ممكن يصلنا كلنا.. دي قضية رأي عام..

كلامك صاح مائة في المائة لأنو الموضوع بتاع
إنتحال شخصيات الشخصيات العامة ده لا بدأ بنادية !
لا راح ينتهي عندها !!
ولابد من وقفة حاسمة يتكاتف فيها الجميع ويصطف القانون مع الإعلام لبتر هذا السرطان !!

نادية
لا تهتمى لهذه الالاعيب القذرة والساذجة.
المنتحل/ة وضعت صورتك واسمك كى توحى ان هذه الصفحة صفحتك وانك تنشرين مثل هذه القصص الفضائحية المنقولة من منتديات عربية.
كتبت لادارة الفيسبوك هذه الرسالة للتحقيق فى هذا الانتحال واجراء اللازم:

This impostor is using the name and the picture of a famous Sudanese journalist and TV presenter who lives and works in Cairo, Egypt, to give the impression that she writes and publishes such obscene pieces as published on this impostor's page. Please stop this impostor and reveal their identity as soon as possible. Thank you.

اضافة إلى كلام عادل دا
ولمذيد من التوضيح

عليكم بالدخول إلى البروفايل المعنى
http://www.facebook.com/profile.php?v=wall&ref=search&id=100000182799843
على اخر يسار الصفحة
توجد عبارة

Report and/or block Nadya Osman

اضغط على
خيار
REPORT
واختار
FAKE PROFILE
Impersonating me or someone else
واكتبو نفس الرسالة التى اوردها
فى الجزء الثالث المخصص للرسالة
فى الخيار الرابع
comments

This impostor is using the name and the picture of a famous Sudanese journalist and TV presenter who lives and works in Cairo, Egypt, to give the impression that she writes and publishes such obscene pieces as published on this impostor's page. Please stop this impostor and reveal their identity as soon as possible. Thank you.

,,,,
,,,,

الأخت العزيزة نادية عثمان مختار

حسبي الله ونعم الوكيل

اللهم أشفي اصحاب هذه القلوب المريضة


ولا تشغلي بالك بهذه الأمور التي لاتنطلي على احد

إنا لله وإنا إليه راجعون
الله كبير يا نادية

الاخت العزيزة نادية
لك التحية والاحترام

علاقتي بك علاقة ملايين من الناس
علاقة مشاهد بإعلامية

لكن اعذريني انا زودت عليها شوية

لقيت نفسي بحب فيك حاجات كتيرة عارفا ليه

لانك بتشبهي لي ناس بحبهم
بتشبهي امي السيدة بت عباس ود ود السيد
بتشبهي اختي امال
وبتشبهي عمتي فاطنة بت عثمان ود ود أحمد ود ابسبيب
وبتشهبي خالتي امونة بت عباس ود السيد
وبتشبهي بنتي منار
واخيرا بتشبهي زوجتي حسناء

أتشرف بي معرفتك عن قرب لانك اختي

والكتب الكلام ده واحد واطي

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور

نادية يا حبيبة..

الله في.
ووحياتك تشوفي وبعينك نتيجة ظلمك ودعواتك.
طبعا ده شخص مريض بجد. لأن القصة الناشرها في الحساب لا يمكن يكتبها إلا هو... ههههه (شر البلية..)


لا تخافي ولا تقلقي. فكله معلوم. والجميع يعرف كيف يمكن لمريض /ة أن يستقصد شخص في النت.

نومي عافية وألف حمد الله على سلامة بتي إيمي. وآسفة للتأخير.

ودي

رجويا بت العباسي الحبيبة

تسلمي ياغالية

Quote: الله في. ووحياتك تشوفي وبعينك نتيجة ظلمك ودعواتك. طبعا ده شخص مريض بجد. لأن القصة الناشرها في الحساب لا يمكن يكتبها إلا هو... ههههه (شر البلية..) لا تخافي ولا تقلقي. فكله معلوم. والجميع يعرف كيف يمكن لمريض /ة أن يستقصد شخص في النت. نومي عافية وألف حمد الله على سلامة بتي إيمي. وآسفة للتأخير.

عارفة ؟

الدعوات دي مجربة فعلا وبالجد ليس بين باب الله ودعاء المظلوم حجاب !

عشان كدا أنا وأثقة ومتيقنة أنو ربنا أبداً ماراح يخليني

وحاينتقم لي من كل ظالم شديد إنتقام باذن الله!



إيمو بتي بتقول ليك وحشتيني ياخالتو وبتسلم عليك


تحياتي للوالدة العظيمة وكل أخوانك وخلي بالك من روحك شديد

الأخ المحترم كمال الشادي

تحية وتقدير لشخصك النبيل

Quote: علاقتي بك علاقة ملايين من الناس علاقة مشاهد بإعلامية لكن اعذريني انا زودت عليها شوية لقيت نفسي بحب فيك حاجات كتيرة عارفا ليه لانك بتشبهي لي ناس بحبهم بتشبهي امي السيدة بت عباس ود ود السيد بتشبهي اختي امال وبتشبهي عمتي فاطنة بت عثمان ود ود أحمد ود ابسبيب وبتشهبي خالتي امونة بت عباس ود السيد وبتشبهي بنتي منار واخيرا بتشبهي زوجتي حسناء أتشرف بي معرفتك عن قرب لانك اختي والكتب الكلام ده واحد واطي قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور

ماعارفة أقول ليك شنو والله !!!

حقيقي أنا بشكر الظروف الجمعتني بيك في الفضاء الإسفيري ده

وحقيقي أنا لي الشرف إني أشبه أحب النساء ليك من والدتك ولي إبنتك الحبيبة

الدنيا بخير طول مافيها ناس زيك والله والحمد لله أن سخّر لي الله الطيبين أمثالك

وربنا يديك على قدر نيتك الطيبة ودواخلك النقية وأخلاقك العالية يارب ,,

كن وكل من تحبهم بألف خير

حولنا المداخلة عشان الرصة وكدا..

البوست دا تاريخي والله..

.العزيزة والاخت والابنة ناديا
حدثتك بالامس القريب عن هؤلاء الموتورين والذين ادمنو هواية اغتيال الشخصيات والمؤسف هو سيادة سيلسة القطيع
وبساطة معظم المتداخلين في الفيس بوك لتصديق مايكتب والتواصل معه علي انه حقيقة..واصبحت هناك رغبة عامة في تصديق الكلام السلبي عن الناجحين والناجحات في كل مجال علي هذه المنتديات
ولكن انت تعلمين تماما من يستهدفك !!!!،، اقول لك كما قال لك اخوان فاطمة هنا في هذا المنبر( قولي حسبي الله ونعم الوكيل)... ولو لم تنجحي لما كان ذلك
مايطمئن ان الجميع يعرفك ويعرف انك لست من يكتب هذا ودونك انتحال اسماء الكثيرين ومنهم نسرين التي نسب لها مالايمكن ان يصدر منها
وكامل تضامني معك وكوني بخير.

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور

ربنا يجيرك في مصيبتك و يخلف ليك خيراً منها يا نادية , والله حاسة بمقدار الألم الإنتي عايشاهو

المهم ابتدي اعملي الخطوات القال ليك عليها الأخ حاتم علي و لازم تفعلي حسابك بهناك عشان تعملي الريبورت بنفسك و كلنا حنعمل

نفس الخطوات و تأكدي المشكلة حتنتهي باذن الله بس مسألة وكت و إجتهاد

كتر خيرك يا حاتم علي التوضيح

الحبيبة الغالية سناء عبد السيد

Quote: و تأكدي المشكلة حتنتهي باذن الله بس مسألة وكت و إجتهاد

الحمد لله حاتم وعادل عثمان وكل الأخوان الأعزاء ماقصروا
والله وفعلاً بحسب كلام عادل والرسالة الجاتو ومنشورة تحت
في البوست ده المشكلة اتحلت والحساب اتلغى بتاع نادية الوهمية !!

الحمد لله رب العدل

كتب الأخ الفنان المخرج والإعلامي الجميل معتصم الجعيلي ما يلي:

Quote: العزيزة والاخت والابنة ناديا حدثتك بالامس القريب عن هؤلاء الموتورين والذين ادمنو هواية اغتيال الشخصيات والمؤسف هو سيادة سيلسة القطيع وبساطة معظم المتداخلين في الفيس بوك لتصديق مايكتب والتواصل معه علي انه حقيقة..واصبحت هناك رغبة عامة في تصديق الكلام السلبي عن الناجحين والناجحات في كل مجال علي هذه المنتديات ولكن انت تعلمين تماما من يستهدفك !!!!،، اقول لك كما قال لك اخوان فاطمة هنا في هذا المنبر( قولي حسبي الله ونعم الوكيل)... ولو لم تنجحي لما كان ذلك مايطمئن ان الجميع يعرفك ويعرف انك لست من يكتب هذا ودونك انتحال اسماء الكثيرين ومنهم نسرين التي نسب لها مالايمكن ان يصدر منها وكامل تضامني معك وكوني بخير.

ونحن نقول:

نادية ناجحة ناجحة.. وكدا زادت نجومية على نجوميتها... عيني باردة في السقط دا..

دربك أخضر يا نادية .. ودربك أخضر يا معتصم الجعيلي يا فنان..

الله معاكم..

ندوية يا حبيبة البى
اولا سلامة الامورة ايمان وان شاء الله تكون ملكت الصحة والعافية
ربنا يخليها ليك ويخليك ليها يا رب
تانيا يا حبيبة انتى زولة اعلامية معروفة
والمتخفى خلف الكيبورد ومنتحل شخصيتك ده ما بنى آدم اصلا
ده مخلوق مجرد من كل الانسانية .. ناسى ومتناسى رب العباد
لكن ليه يوم فى الدنيا دى .. يمهل ولا يهمل
امسكى فى حسبى الله ونعم الوكيل
ولا حولة ولا قوة الا بالله العلى العظيم
ومنصورة باذنه تعالى
وخلى بالك من نفسك وبتك وما تشيلى هم.. الناس عارفاك وعارفة معدنك
ربنا ينتقم منو القلق منامك وعكنن عليك
كامل التضامن معاك يا غالية
حسبى الله ونعم الوكيل عليه
ارقدى عافية
اسماء الجنيد

الحبيبة الغالية والشاعرة الرقيقة سوما

Quote: تانيا يا حبيبة انتى زولة اعلامية معروفة والمتخفى خلف الكيبورد ومنتحل شخصيتك ده ما بنى آدم اصلا ده مخلوق مجرد من كل الانسانية .. ناسى ومتناسى رب العباد لكن ليه يوم فى الدنيا دى .. يمهل ولا يهمل امسكى فى حسبى الله ونعم الوكيل ولا حولة ولا قوة الا بالله العلى العظيم ومنصورة باذنه تعالى وخلى بالك من نفسك وبتك وما تشيلى هم.. الناس عارفاك وعارفة معدنك ربنا ينتقم منو القلق منامك وعكنن عليك كامل التضامن معاك يا غالية حسبى الله ونعم الوكيل عليه ارقدى عافية اسماء الجنيد

ربي يحفظك وأحبابك ياست الناس وماتشوفي شر ياااارب
والله ياحبيبة رافعة يدي للسماء
وبقول حسبي الله ونعم الوكيل وربنا شاهد وعالم إني ماضريت زول في الدنيا دي !

وإن شاء الله ربنا بنصفني وهسة أنصفني بحبكم وكلامكم الطيب الجميل

والله ياسوما العرفك يعرف غنو الدنيا بخير ياحبيبة وربنا يقدرني على جزاك ياغالية

كوني بالف خير وتحياتي لأحبابك وربي يغطي عليكم يارب ,,

محمود مصطفى

إزيك تاني وتالت والف

وتسلم على المؤازرة والكلام الطيب الجميل

Quote: ونحن نقول: نادية ناجحة ناجحة.. وكدا زادت نجومية على نجوميتها... عيني باردة في السقط دا.. دربك أخضر يا نادية .. ودربك أخضر يا معتصم الجعيلي يا فنان.. الله معاكم..

شكراً جميلاً على الإطراء اللطيف ونادية مازالت تلميذة في بلاط صاحب الجلالة (الإعلام )

ومازلت أتحسس الخطى وخرائط الطريق ويقيني أن لكل مجتهد نصيب باذن الله !

كن بألف خير

أستاذي وشقيقي وصديقي الكبير مقاماً وقولاً وفعلاً

معتصم الجعيلي

تسلم البطن الجابتك يارب

Quote: ولكن انت تعلمين تماما من يستهدفك !!!!،، اقول لك كما قال لك اخوان فاطمة هنا في هذا المنبر( قولي حسبي الله ونعم الوكيل)... ولو لم تنجحي لما كان ذلك مايطمئن ان الجميع يعرفك ويعرف انك لست من يكتب هذا ودونك انتحال اسماء الكثيرين ومنهم نسرين التي نسب لها مالايمكن ان يصدر منها وكامل تضامني معك وكوني بخير.

يكفيني شهادتك وأنت الذي يعرفني وأهل بيتي وعائلتي ..
ويكفيني شهادة إعلامي مخضرم مثلك بأنني ناجحة
وأسير في خطى النجاح بحمد الله وفضله ومن ثم تشجعيك لي يا أستاذي العزيز !

ويكفيني هذا الحب الذي قد أغرقني في هذا الحوش الطيب أهله !

وهل أكثر من كل هذا الحب نعمة ربانية يا أستاذي ؟

طبعاً لا

إذن لا قول سوى الحمد لله رب العالمين حمداً جزيلاً

وللحاقدين .. حسبي الله ونعم الوكيل !

محمود مصطفى محمود العزيز

Quote: البوست دا تاريخي والله..

والله إنتو كلكم تاريخيين عديل كدا وربنا مايحرمني منكم يارب ( وش فرحان)!!

طارق جبريل أخوي الغالي

Quote: إنا لله وإنا إليه راجعون الله كبير يا نادية

ونعم بالله

أيوة ربنا كبير وقادر على رد الظلم وتبيان الحقائق باذن الله ..

الأخ العزيز ممدوح عثمان

حبابك ملايين

Quote: اللهم أشفي اصحاب هذه القلوب المريضة

والله ومن كل قلبي بدعو لاصحاب القلوب المريضة بالشفاء وبقول آآآمين !

طريقة اسهل للتبليغ عن هذا البروفايل

أولا
----

افتحو صفحة البروفايل من هنا :

http://www.facebook.com/profile.php?id=100000182799843&...603071.2091612703..1

ثانياُ





ثالثاً : إختاروا خيار التبليغ كما هو موضح :




رابعاً : الإختيار :




خامساُ : و هو الاهم السبب :

The name (Nadya Osman) is belong to a well known Sudanese Journalist Nadia Osman and as well her photo has been used and this person is trying to abuse her reputation through this account.

بيتكتب عند : What makes it fake:
(required)




سادساً : اضغط اضغطي Submit

ياللا كلنا يا جماعة كلنا نعمل ريبورت بالطريقة دي

قاتل الله انعدام المروءة ..

ديل رجال ونساء خوازيق آخر الزمن ..


الكل يعرف من هي نادية عثمان .. فلا تبتئسي بما يفترون ..


حا يكون واحد أو واحدة لا يستح من نفسه .. وهذه بداية الإنحطاط أن لا يستح المرء من نفسه فتردعه الحياة نم عمل القبيح ..


كامل تضامني معك ..

أخوي المهذب الخلوق جاد

Quote: الكل يعرف من هي نادية عثمان .. فلا تبتئسي بما يفترون .. حا يكون واحد أو واحدة لا يستح من نفسه .. وهذه بداية الإنحطاط أن لا يستح المرء من نفسه فتردعه الحياة نم عمل القبيح ..

بس بقول حسبي الله ونعم الوكيل والله منصف وعادل باذن الله

تسلم على الكلام الطيب وكن بألف خير أخي جاد

بِسْمِ اللَّهِ الرَّحْمَنِ الرَّحِيمِ
(( الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ)) .... سورة العنكبوت

الاخت نادية ....
انتي فوق كل شُبهة ولكن للاسف ضعاف النفوس هكذا دائماً, ما يهم اننا لسنا في امان من الفتن لذا علينا التحسب لها ...
هوِّني عليك فالجميع معك و من حولك

الشاب الهميم حاتم علي ...
تحياتي يا رائع و ربنا يديك العافية

الاخت نادية...

والله الكلام ده عيب جدا ولا اخلاقي بالمرة.

كويس انك نبهت الناس. ومهما كان حجم اختلاف اي انسان معاك مامفروض تصل لمرحلة زي دي.

والله ده قمة الافلاس وواضح انه انسان ضعيف الشخصية.

وممكن يكون حاقد وحاسد والعياذ بالله.

كويس انك نبهتي الناس دي اهم خطوة.

وفوضي امرك لله وصدقيني الانسان ده ربنا بوريه ليه في اهلوا لانوا الحاجات دي ربنا بقضيها في الدنيا قبل الاخرة.

وماتديهوا فرصةيهزك.

تسلميمن كل سؤء.

والف سلامة لايمان معليش متاخر لانه ما عرفته الا من خلال مداخلات الناس.


تحياتي.

ياخي والله إن العين لتدمع و إن القلب ليحزن علي هكذا خسه و وضاعه !
ربنا يعينك يا ناديه

الإنسان الجميل أمين محمد سليمان


تحياتي وحبابك ملايين

Quote: ياخي والله إن العين لتدمع و إن القلب ليحزن علي هكذا خسه و وضاعه ! ربنا يعينك يا ناديه

يسلم قلبك وتسلم عينك ياود الرجال

ودعوتك لي بقولك ربنا يعينك دي ماتتخيل ريحتني كيف

لانو بالجدمحتاجة إعانة ربنا لي لدحر كل هذا القبح!!


تسلم وكن وأحبابك بألف خير

حاتم علي أخوي الهميم

تسلم يارب

عاين

Quote: سارق\ة البروفايل منتحل\ة الصورة كمان ومعلوماتها الشخصية

الزول ده سارق الصورة بس لكن المعلومات الشخصية في البروفائل داك ماحقتي نهائي !!



نقلها لي صديق الموج ووراني إنها بيانات مزورة وملفقة وحسب الله ونعم الوكيل !!

يا ربي حسد أم أستهداف
شـــــــئ مؤسف
لا حول ولا قوة إلا بالله

هذا تصرف انسان به خلل ما في جهة ما.. فلا تهتمي للأمر يا استاذة ..ويكفي تنبيهك هنا في هذا الفضاء المقروء..
حفظك الله وأسعدك ياأختي ..

الاخت نادية

لا تقلقي

ويقيني انك لن تقلقي

فانت والحمد لله محل الاحترام والتقدير من الجميع

اصلك يقول ذلك
وتاريخك يقول ذلك
والجميع يقول ذلك
لان الجميع يعرف من هي نادية بت العم عثمان مختار

الاخت نادية

الموضوع شايفوا طالع موضة وشايف اسامي مقدمات برامج كتيره وفنانات

انا قرات الموضوع وتاكدت قبل ان تفتحي بوستك ان هذا الاسم لايعنيك لان الاسلوب والاخلاق غير التي عهدناها عليك

ماتخافي الموضوع واضح من عنوانوا وصاحب العقل يميز

الغريبة انو لسع في ناس بتكتب شكرا للاضافة يا استاذة نادية وديل يمكن ارسال رسائل لهم للتنبيه فقط

برز الثعلب يوما في ثياب المذيعينا

تحياتي

زاتوووو

العزيزة نادية عثمان


انت عفيفة اليد واللسان


وحتما سينلشف امر هؤلاء


الذين يعملون في الظلام

لايذاء الناس

محبتي وتقديري

الحبيبة الغالية عفاف بت أبو كشوة

ماعدمتك ياراقية

Quote: العزيزة نادية عثمان انت عفيفة اليد واللسان وحتما سينلشف امر هؤلاء الذين يعملون في الظلام لايذاء الناس

شهادتك تاج ووسام وقلادة ياوأضحة وحقانية وجميلة الدواخل

تسلمي وان شاء الله ربي يحفظك وحبايبك من كل شر يارب

كوني بالف خير

تحياتي يا نادية .. ومؤسف جداً ما تتعرضين له

حدثت أمور مشابهة لذلك في الفيس بوك في الفترات السابقة بأن قام احد الموتورين بإنشاء
قروب إباحي ، بأسماء وهمية إستعمل فيها صور شابات سودانيات دون علمهن ، وما يحدث يدل
على أننا لم نصل بعد مرحلة التعامل بأريحية وإطمئنان مع النت لذلك تجديني ضد فكرة وضع
البنت لصورها في أي موقع من المواقع الالكترونية تحاشياً لحدوث مثل هذه الأشياء ..
تم عمل اللازم وكذلك جميع الأصدقاء ما قصروا في الابلاغ عن الحساب ..

حاجة مؤسفة جدا يا نادية و عليك بالصبر


و اهم حاجة انو اهلك و اصحابك واثقين فيك و في اخلاقك







ربنا يسلمك و يسلم عائلتك من كل شر

ندوية يا حبيبة الله يحفظك ويغطيك من كل شر
عليك يا غالية بقراءة المعوذتين والاخلاص
وتأكدى يان هذا الشخص مريض نفسيآ وقلبه ملئ
بالغل والحسد تجاهك لانه شايف محبة الناس
ليك ونجاحك فى حياتك العامة
{اللهم لا نسألك رد القضاء ولكن لا نسألك اللطف فيهْْ}

الحبيبة الغالية حواء سليمان

حبابك يابت الرجال يا أصيلة وحبيبة للقلب

Quote: ندوية يا حبيبة الله يحفظك ويغطيك من كل شر عليك يا غالية بقراءة المعوذتين والاخلاص وتأكدى يان هذا الشخص مريض نفسيآ وقلبه ملئ بالغل والحسد تجاهك لانه شايف محبة الناس ليك ونجاحك فى حياتك العامة {اللهم لا نسألك رد القضاء ولكن لا نسألك اللطف فيهْْ}

نصائحك غالية يابت أمي وكلامك الحلو ريح قلبي

ربي يديك على قدر نيتك الطيبة وانتي مثال للجمال والإحترام والكلمة الطيبة

ربي يحفظك وحبايبك من كل شر يااااارب

قريبي حمد فتح الرحمن

حبابك

Quote: حاجة مؤسفة جدا يا نادية و عليك بالصبر و اهم حاجة انو اهلك و اصحابك واثقين فيك و في اخلاقك

الحمد لله رب العالمين وربنا يديم علي نعمة الثقة فيني ومحبة خلائق الله يارب ،،

الأخ الخلوق بكري إسماعيل


تحية وإحترام

Quote: حدثت أمور مشابهة لذلك في الفيس بوك في الفترات السابقة بأن قام احد الموتورين بإنشاء قروب إباحي ، بأسماء وهمية إستعمل فيها صور شابات سودانيات دون علمهن ، وما يحدث يدل على أننا لم نصل بعد مرحلة التعامل بأريحية وإطمئنان مع النت لذلك تجديني ضد فكرة وضع البنت لصورها في أي موقع من المواقع الالكترونية تحاشياً لحدوث مثل هذه الأشياء .. تم عمل اللازم وكذلك جميع الأصدقاء ما قصروا في الابلاغ عن الحساب ..

شئ مؤسف ان تستخدم التكنلوجيا في ايذاء البشر بدل ان تكون نفعا لهم !!

وأما عن الأريحية في التعامل وابداء حسن النوايا تجاه الآخر فدعني أعترف أن ذلك

سبب لي الكثير من المشاكل التي تعترض حياتي ولكني لم اتعود على تقديم سوء النوايا للأسف !

أما عن صوري المتاحة والمبذولة في الانترنت فعلك تعلم أن عملي كصحفية وتلفزيونية

يجعل الحصول عليها سهل دون عناء وتبقى مسألة الأخلاق السودانية التي نعرفها هي الفيصل !


وتبقى قولة حسبي الله ونعم الوكيل هازمة لجبال الحقد والجبن واللاضمير !!

تسلم وكن بخير

الزول زاتو أخوي الغالي

حبابك

Quote: الموضوع شايفوا طالع موضة وشايف اسامي مقدمات برامج كتيره وفنانات

موضة مهببة بعيدة عنك الله يكفينا الشر يااااارب

وشكرا لكلماتك الطيبات ياسيد الناس ومانعدمك ياااااارب

ابن العم والأخ العزيز حسن طه محمد

تحياتي وكامل إحترامي

Quote: الاخت نادية لا تقلقي ويقيني انك لن تقلقي فانت والحمد لله محل الاحترام والتقدير من الجميع اصلك يقول ذلك وتاريخك يقول ذلك والجميع يقول ذلك لان الجميع يعرف من هي نادية بت العم عثمان مختار

وهل تقلق من لها أخوان مثلكم ؟

الحمد لله ياقريبي الغالي أنا بخير

وعايزاك تطمئن صلاح شقيقي بأنني لن يصيبني شر

ولي إخوة وأخوات كرام في هذا المكان وكل مكان والحمد لله رب العالمين !

كن بالف خير

الأخ الخلوق فتحي الصديق

Quote: هذا تصرف انسان به خلل ما في جهة ما.. فلا تهتمي للأمر يا استاذة ..ويكفي تنبيهك هنا في هذا الفضاء المقروء.. حفظك الله وأسعدك ياأختي ..

تسلم وربنا يكفينا شر الظالمين يارب

كن بألف خير

أخوي عبد الرحيم إبراهيم

Quote: يا ربي حسد أم أستهداف شـــــــئ مؤسف لا حول ولا قوة إلا بالله

إستهداف لو عرفت أسبابو المنطقية كان برتاح !!

ولا الإستهداف ده بيكون ساي بلا أسباب ياربي ؟

شئ مؤسف فعلا !!

تسلم أخوي وكن بألف خير

الأخت الحبيبة أميمة الفرجوني

حبابك بت الكرام

Quote: والله الكلام ده عيب جدا ولا اخلاقي بالمرة. كويس انك نبهت الناس. ومهما كان حجم اختلاف اي انسان معاك مامفروض تصل لمرحلة زي دي. والله ده قمة الافلاس وواضح انه انسان ضعيف الشخصية. وممكن يكون حاقد وحاسد والعياذ بالله. كويس انك نبهتي الناس دي اهم خطوة. وفوضي امرك لله وصدقيني الانسان ده ربنا بوريه ليه في اهلوا لانوا الحاجات دي ربنا بقضيها في الدنيا قبل الاخرة. وماتديهوا فرصةيهزك.

شكراً جميلاً يازولة أصيلة وواعية وحقانية

وفعلاً قمة الإفلاس ياحبيبة وكلما زادوا سعاراً وإصراراً
على إيذائي كلما منحنى المولى مزيداً من محبة وإحترام الناس
الجميلة أمثالك وكل أهل هذا الحوش الرائع أهله !!

بشكرك تاني يا أميمة وبقول ليك :
ماغريب عليك رفض الظلم لأختك والتلاعب بسمعتها وياها المحرية فيك يابت الكرام

تسلمي وكوني بألف خير

غباشي أخوي العزيز

حبابك

Quote: الاخت نادية .... انتي فوق كل شُبهة ولكن للاسف ضعاف النفوس هكذا دائماً, ما يهم اننا لسنا في امان من الفتن لذا علينا التحسب لها ... هوِّني عليك فالجميع معك و من حولك

تسلم ياغالي ويكفيني شهادتك الطيبة في حقي

والعندها أخوان زيكم مابتنضام ولا بتتهان باذن الله,,

حاتم علي أخوي الغالي

ربنا يديك على قدر نواياك الطيبة لانك ود أصول وأخو أخوان وماقصرت والله


طمنا عليك وكن بألف خير ,,

ناجي الملك أخوي العزيز

تسلم يارب وياها المحرية فيك , طول عمرك شهم وأخو أخوان

كتر خيرك شديد وكن بالف خير

العزيز الغالي عادل عثمان ( ود أبوي )

إن شاء الله ما أعدمك يارب العالمين وربنا يديك على قدر نيتك الطيبة يارب

Quote: كتبت لادارة الفيسبوك هذه الرسالة للتحقيق فى هذا الانتحال واجراء اللازم: This impostor is using the name and the picture of a famous Sudanese journalist and TV presenter who lives and works in Cairo, Egypt, to give the impression that she writes and publishes such obscene pieces as published on this impostor's page. Please stop this impostor and reveal their identity as soon as possible. Thank you.

أها أنا طبعا لغيت حسابي ووالله وقسما بالله ماقعد
أدخل بهناك ذاتو فبالله حاول وريني النتيجة بتاعة
رسائلك والأخوان وياريت أقدر بس الم في الاي بي بتاع الزول المنتحل ده يارب !!

سلامات يا نادية

ياريت زول قدر يجيب الاي بي ويحدد المكان الجغرافي
من فعل ذلك استقل مشكلتك مع تاج السر
حتى تشير اليه اصابع الاتهام

يكون المتهم الاول ويكون الزول زاد النار اشتعالا

ربنا يمهلم ولا يهمل
حتى يعود الانسان الى رشده..

الله في

الأخت نادية عثمان
تحياتي وكامل تضامني معك في صد هذه المحاولة البائسة لإغتيال شخصيتك.
أنت إعلامية ناجحة ومتميزة، والنجاح في أي مجال له من الأعداء ما لا تتصوري!
وسيسعون دوما إلى إبتدار شتى الاساليب للنيل من نجاحك، فلا تبتئسي وكوني كما أنت "ويا جبل ما يهزك ريح".

حسبي الله ونعم الوكيل

وافر إحترامي

كامل تضامننا معك نادية واعتقد ان الكثيرون في الفيس بوك من الشخصيات السودانية العامة والاعلامية يتعرضون لهذا الانتحال

الله معاك يا نادية وربنا يغطي عليك

الاخت الحبيبة إنعام عبد الحفيظ

تسلمي وحبابك مليون ياراقية

Quote: الله معاك يا نادية وربنا يغطي عليك

ربنا يخليك يارب ويحفظك وكل البنات من كل شر وسوء ياااارب ,,

أساسي أخوي الأساسي


تسلم من كل شر ياااارب

Quote: كامل تضامننا معك نادية واعتقد ان الكثيرون في الفيس بوك من الشخصيات السودانية العامة والاعلامية يتعرضون لهذا الانتحال

ربنا يكفينا الشر والله ده شئ مؤسف يا سماني أخوي لكن الله في !!

الأخ العزيز الفاتح ميرغني

Quote: تحياتي وكامل تضامني معك في صد هذه المحاولة البائسة لإغتيال شخصيتك. أنت إعلامية ناجحة ومتميزة، والنجاح في أي مجال له من الأعداء ما لا تتصوري! فلا تبتئسي

طالما أن المولى قد منحني محبة خلقه فلن يمسني السوء باذن الله

ويكفي أن تكون حصيلة ذلك العمل الغير أخلاقي لتشويهي هو مزيد من المحبة والإحترام

لشخصي الضعيف من إناس في قمة الأخلاق والجمال الروحي أمثالكم ..

كن بألف خير ولا تقلق فسأكون بخير باذن الله ’’

الحبيبة الغالية د. نجاة محمود ( بيان)

حباب بت الرجال الحقانية وقوية وحبيبة للقلب

Quote: ياريت زول قدر يجيب الاي بي ويحدد المكان الجغرافي

ده الأنا بسعى ليهو بكل ما أؤتيت من قوة وصبر ياغالية
وياريت أخواني عادل عثمان وحاتم يساعدوني في الحتة دي ويكملوا جميلهم الغالي والله

تسلمي ياحبيبة وربي يحفظك وأحبابك من كل شر قادر ياكريم ,,

نادية
تحياتى
ادارة الفيسبوك ارسلت لى الرسالة التالية ليل امس ووجدتها فى بريدى صباح اليوم، وفيها يفيدون انهم سحبوا هذا الحساب المشبوه.
وقد راجعت الآن رابط بروفايل هذا/ه المنتحل/ة فوجدت البروفايل غير موجود. هذا هو نص رسالة الفيسبوك فشكرآ لهم:

Hi Adil,

After reviewing the reported abuse, we have removed all offending content based on our Statement of Rights and Responsibilities.

If you need to report offending material to Facebook in the future, please use the "Report" links located near most pieces of content on the site. We will then review the material and take the appropriate action. Please rest assured that these reports will be kept confidential.

Thanks for contacting Facebook,

Eli
User Operations
Facebook

وكنت قد ارسلت لهم رسالة أول أمس بعد تقديم شكوى بخصوص هذا الانتحال. هنا نص رسالتى الثانية لهم:

The impostor is using, in their profile, the picture and name of a former facebook user who canceled their account on facebook some time ago. The impostor, also, publishes obscene stories in Arabic to give the impression that Nadia Osman - the former facebook user - is doing this. the former facebook user is a famous TV presenter and journalist who lives and works in Cairo - Egypt. We, her friends and fans, are extremely offended by this impersonation on this page
http://www.facebook.com/profile.php?v=info&id=100000182...l&id=100000182799843

Please stop this impostor and reveal their identity as soon as you can.

Best Regards

Adil Osman

الغالي العزيز عادل عثمان ( ود أبوي)

يارب لاتفوت لا تموت وتسلم البطن الجابتك يارب

Quote: نادية تحياتى ادارة الفيسبوك ارسلت لى الرسالة التالية ليل امس ووجدتها فى بريدى صباح اليوم، وفيها يفيدون انهم سحبوا هذا الحساب المشبوه. وقد راجعت الآن رابط بروفايل هذا/ه المنتحل/ة فوجدت البروفايل غير موجود. هذا هو نص رسالة الفيسبوك فشكرآ لهم: Hi Adil, After reviewing the reported abuse, we have removed all offending content based on our Statement of Rights and Responsibilities. If you need to report offending material to Facebook in the future, please use the "Report" links located near most pieces of content on the site. We will then review the material and take the appropriate action. Please rest assured that these reports will be kept confidential. Thanks for contacting Facebook, Eli User Operations Facebook وكنت قد ارسلت لهم رسالة أول أمس بعد تقديم شكوى بخصوص هذا الانتحال. هنا نص رسالتى الثانية لهم: The impostor is using, in their profile, the picture and name of a former facebook user who canceled their account on facebook some time ago. The impostor, also, publishes obscene stories in Arabic to give the impression that Nadia Osman - the former facebook user - is doing this. the former facebook user is a famous TV presenter and journalist who lives and works in Cairo - Egypt. We, her friends and fans, are extremely offended by this impersonation on this page http://www.facebook.com/profile.php?v=info&id=100000182...l&id=100000182799843 Please stop this impostor and reveal their identity as soon as you can. Best Regards Adil Osman

شكراً جزيلاً لإدارة الفيسبوك وعليك الله ياعادل خليك صاحي
بهناك أسماء كتيرة منتحلة وأصحابها ياعارفين وماقادرين يتصرفوا !
يا ماعارفين وغيرهم بيتلاعب باسمائهم ربنا يكفينا الشر !!


وشكري ليك من غير حدود لكن ياها المحرية فيك ياود أبوي

وبالمناسبة صلاح عثمان أخوي وأخوك بشكرك وبشكر الجميع وبحث عن تلفونك أو ايميلك

ياريت ترسلوا لي في الخاص أرسلو ليهو وتسلم ويسلموا الزيك يامفخرة ويازينة الشباب ,,

كن بألف خير

العزيزة نادية ... مؤسف جدا ما حدث لك و ما حدث من اغتيال للشخصية
ومحاولات بائسة لتشويه سمعتك ..
كوني قوية ولا تنهزمي أمام ذوي النفوس المريضة و حسنا فعلت بنشر الخبر
لا لشيء سوى لفضح هذه التصرفات أما صورتك فلن تتأثر بهذا النوع من المكائد ..

مودتي و تحياتي لك و لاسرتك و ابنتك

كل جميل مستهدف يانادية
وألف لابأس على بنتك

الأخت الأستاذه/ نادية عثمان

لكي منا كل الود والإحترام والتقدير

لشخصك الكبير وللمقام الرفيع والمكانة

التي وصلتي إليها بجهدك وإخلاصك وتفانيك

وحبك لعملك الشريف النضيف.

بعض الهلامين والخفافيش ارادوا أن يسقطوا

هذه المنارة بشئ من الخساسة وعدم الأدب والفهم

ولكنهم نسوا عند الله تعالي بأي منقلب ينقلبون

ويوم الحساب آتي لا محال ولا بد من صنعاء وإن طال السفر


والشكر موصول لصديقي كمال الشادي الذي نبهنا لهذا الأمر

في بوستنا الخاص ناس الزقازيق أجدع ناس.

الأخت الفاضلة نادية عثمان
تحية طيبة
كل عام وانت بالف خير وعافية
بمناسبة السنة الهجرية الجديدة
اعادها الله علينا وعليكم بالخير واليمن والبركات .

قولي يارب وهو حسبك ونعم الوكيل