Post: #1 Title: تسجيل صوتي رائع لأغنية بحر المودة (يا يمة) لا يفوتكم.. Author: عادل عوض بلال Date: 12-20-2009, 01:31 PM
أغنية كل الأجيال "بحر المودة" تسجيل رائع
Post: #2 Title: Re: تسجيل صوتي رائع لأغنية بحر المودة (يا يمة) لا يفوتكم.. Author: عفاف ابوكشوه Date: 12-20-2009, 01:49 PM Parent: #1
تسلم
استاذ عادل
اغنية دافئة
وممتلئة حنية وحب
بلا حدود للام الرؤم
مودتي
Post: #3 Title: Re: تسجيل صوتي رائع لأغنية بحر المودة (يا يمة) لا يفوتكم.. Author: طارق بخيت Date: 12-20-2009, 02:43 PM Parent: #2
يايمة رسلى لى عفوك ينجينى من جور الزمان التحية لك اخى عادل وانت تبحر بنا فى بحر المودة لك الشكر والتحية والسلام لأمى ولكل امهات البورداب
Post: #4 Title: Re: تسجيل صوتي رائع لأغنية بحر المودة (يا يمة) لا يفوتكم.. Author: عادل عوض بلال Date: 12-20-2009, 03:05 PM Parent: #3
الأخت الأستاذة عفاف مشكورة على المرور وفعلا الأم هي نبع حناني تستحق أكثر من هذه الكلمات..
تحياتي
Post: #5 Title: Re: تسجيل صوتي رائع لأغنية بحر المودة (يا يمة) لا يفوتكم.. Author: عادل عوض بلال Date: 12-20-2009, 03:13 PM Parent: #4
الأخ الأستاذ طارق بخيت الشايقي الأصيل أشكر لكم مروركم الجميل ... الأغنية تعتبر إحدى إبداعات أهلناالشايقية
Post: #6 Title: Re: تسجيل صوتي رائع لأغنية بحر المودة (يا يمة) لا يفوتكم.. Author: الرشيد البصيلى Date: 12-20-2009, 04:11 PM Parent: #1
تشكر اخى عادل عوض بلال .... على الأغنية التى تبكى الحجر .... كلمات ندية
*****************
شوفى الزمن يا يمة ساقنى بعيد خلاص دردرنى واتغربت واتبهدلت ورينى الخلاص ساقنى القدر منك بعيد جرعنى كاس يا يمه يا فيض الحنان الما كمل يا يمه يا بدرى البشع دايماً يهل يا يمه يا نور الصباح وكتين يطل واشرى يا (زينوبه) ولدك فى دروب الشوق كتل محروم من الحب والمحنة وراك همل
يا يمه يا بحر المودة وكت يفيض يا يمه يا شعلة أمل زادت وميض يا يمه يا عنقود كلام منظوم قريض يا يمه يا نغماً حس بالشوق يرن وافكارى فيهو .. بيرتعن دمعاتى شانو .. بينزلنواتذكرك يا يمه فى الدغش النسايمو يهبهن قايمى الصباح متكفلتى شايلى الحليلى على المراح والساعة ديك يادابو ديكنا بدا فى الصياح والطير صغارو يغردن .جبتى اللبن بانشراح واتذكرك يا يمه ساعة الهجير صالاكى نار الدوكى عُستيلنا الفطيررشيتى قلتى اكلوهو خير واتذكرك يا يمه يا بسمة الطفل الغرير وكت الخلوق ترقد تنوم واسهر براى أرعى النجوم والشوق يرف جنحيهو بى فوق لى يحوم هتف باسمك فى الخيال طيفك كمان بي فوقى جال واتمنى لو لحظات يدوم لكنى فجأة القاهوو زال
واتذكرك يا يمه ساعة الناس يجونا من البلد ناعم ترابا على جسيماتن رقد ريحة التمر فوق الهدوم لون الخدار خانس لّبد والشوق أوارو بيشتعل كان ظنى فيهو يكون خمد واتذكرك يا يمه والناس قالو قايمين البلد رصو الهديمات ..عدلوا ركبوا اللوارى وقبلوا خلونى وحدى بلا أنيس كيف انفرادى ..اتحملوا شالوا السلام من عندى ليك وان شاء الله عندك يوصلوا
يا يمه ساعة يوصلوا ويقولوا ليك ..شفناه فى بلد الامان مبسوط ورايق فى امان أنبسطى يا نبع الحنلن وانا حالى يشهدبو الزمان يايمة رسلى لى عفوك ينجينى من جور الزمان
******************
التحية لك مرة اخرى أخى عادل عوض بلال
.... وسلام لكل الأمهات من ابنائهن الذين غابو فى ثناياالغربة المريرة
