الاستاذ محمد ابراهيم نقد وووب عليك و سجمك

لقد شحذ لك بعضا من كتاب سودانيزاولاين السنة كيبورداتهم في حملة جامحة طالبين لرأسكـ لا لرأس تصريحك الاخير
وفقا لما اوردته صحائف الاحبار. لا تندهش فهذا دأبنا في سودانيزاولاين لا نتقصي خبرا و توضيح لكنا نشهر الغبائن
لتصفية خصومنا ولا عزاء لادب الاختلاف.







____
لعلمي بضيق زمنك الما حا يتيح ليك متابعة اخبار البوستات سأوافيك بأخبار الحملة تباعا هنا يا نقد, فانتظرني

الخبر

Quote: قال الأستاذ محمد إبراهيم نقـد فى مقابلة مع وفد من أبناء كجبار زاره فى مكتبه بمركز الحزب الشيوعى بالخرطوم: "منو القال ان حلايب سودانية؟ والمستندات الموجودة في دار الوثائق السودانية تؤكد تبعية حلايب لمصر"

شوف يا صديقي نقد .. الناس دي كلها استعجلت تجريمك ساي وده بوضح الحملة الواضحة ضدك و تعبير الحملة دي في ظني احسن من نقول
السطحية في تناول الخبر. الخبر اعلاه لا يعني عندي اكثر من انو سؤال + تقرير حقيقة
السؤال منو القال ان حلايب سودانية؟
وده سؤال ممكن يسألو اي مواطن سوداني آخر و يمر مرور الكرام لكن ان بالذات لازم يتم تحوير سؤالك و رميو بسهام التشكيك فيك و
في حزبك.
سؤال منو القال حلايب مصرية يستوجب وجود إجابة عليه من من يملك معلومات تسند موقفو بانو حلايب سودانية.
جملة المستندات الموجودة في دار الوثائق .. الخ, تقرير لحقيقة وجود وثائق في دار الوثائق المركزية تؤكد تبعية حلايب لمصر.

حسب تفكيك الخبر المنشور بأركان الدنيا الاربعة كان يجب مبتدأ الذهاب مباشرة لدار الوثائق القومية و التحقق من صحة معلومة
ابراهيم نقد لا تعضيد منهج السطحية و التجريم للنيل من ابراهيم نقد و الحزب لشيوعي .

في تقديري انت رميت بالقفاز و علي الاخرين التقاطه لا الالتفاف حولو .
في دار الوثائق السودانية يربض مستند يؤكد تبعية حلايب لمصر.
من يقولون بأن حلايب سودانية عليهم إثبات ذلكـ بالوثائق بدلا عن العواطف الغير مسنودة بوثائق.

اما عن موقفي الشخصي من القضية بوصفي كاتبا هنا بلقبي ( خدر) و اسمي وفق شهادة الميلاد السودانية كـ طارق ابوعبيدة , اقر انني
متفاعل جدا مع كون حلايب سودانية لدرجة اني ساهمت بتلحين و غناء قصيدة الاستاذ عبدالقادر الكتيابي حول حلايب .
لكن و بعد تصريحك الاخير ساصوب عيوني و جنودي للحصول علي نسخة وثيقة دار الوثائق و التأكد من صحة ما اتيتنا به , علما بأن
صحة تصريحك ستكون حقيقة مؤلمه بعيدا عن فقه تقرير المصير , فقد عشت جل عمري اثق في صلة الوطن و الدم بيني و بين اهل حلايب .

شكرا

طارق ابوعبيدة

_______

الاغنية التي لازلت اعتز انني لحنتها و غنيتها حتي و ان ثبت فعلا ان حلايب مصرية

_____
ذات الهودج
كلمة ما ضد احزاني
شِـعر عبدالقادر الكتيابي
ألحان و غناء طارق أبوعبيدة

طبعا سجمو ووب عليهو

هو اكتر من السجم الهو فيهو دا عايز ليهو سجم ؟؟

يدافع عن البشير
يتحالف مع الترابي
يبيع الثوابت الوطنية
يتكنكش في قيادة حزب كأي طائفي


هو السجم دا كيف لو ما كدا ؟؟

لا السخرية ولا الاستهبال ولا عبادة الاشخاص قادرات على اخراج محمد ابراهيم نقد من سجمو ورمادو


وفعلا نجح صاحب البوست في وصف ورطة نقد :

Quote: الاستاذ محمد ابراهيم نقد وووب عليك و سجمك

بس استاذ دي جابا من وين ؟؟

قررت ان احتل هنا حتى نشوف الاستهبال والمسخرة حدها وين ..

هذه آخر مخازي وسجم ورماد نقد ؛ من شهادة الاستاذ طلعت الطيب العضو القيادي بحركة حق :

Quote: يا عمر الحزب الشيوعى كقيادة ليس من اهدافه اسقاط النظام بل الاستمرار فى مؤسساته كما فعل من قبل ولذلك فهو وبفية احزاب ما كان يعرف بالتجمع الوطنى تسعى الى خوض الانتخابات العامة القادمة. ما يفعله المؤتمر الوطنى الان هو تقديم تنازلات محسوبة و بالقطاعى بحيث يكون قادرا فى النهاية على استخدام اجهزة الدولة وبعض الثغرات فى السجل الانتخابى فى احراز اغلبية ولو بسيطة يستطيع ان يخقق من خلالها الشرعية لنفسه ولرئيسه البشير وهو شىء ممكن جدا . الخطاب الذى تثيره الان (جريدة الميدان ) هو خطاب موجه اساسا الى قواعد الجزب الشيوعى . الاحزاب القليدية تفعل نفس الشىء (تتعامل بخطابين اخدهما يعبر عن مشاعر القواعد فى التغيير اماالاخر فهو الذى يهدف الى اكساب المؤتمر الوطنى المشروعية التى يلهث ورائها, لا ولم يوجد حزب شيوعى منذ بروز الحركة الشيوعية على مسرح التاريخ الحديث يستطيع ان يتحذ قرارات لم يوافق عليها امينه العام حتى ولو بلغت عضويته الملايين .. وقد قدمت اللجنة المركزية للحزب الشيوعى فروض الطاعة حينما قررت المشاركة فى الانتخابات فى ابريل الماضى دون شروط (راجع تصريحات د. صدقى كبلو فى هذا البورد).. فى اجتماع لجنة احزاب جوبا صرّح الاستاذ يوسف حسين فى اول اجتماع منعقد بعدالعودة من حوبا بأن مقاطعة الانتخابات ليست من بين اجندة الحزب الشيوعى الامر الذى اغصب فاروق ابوعيسى وسأله عن معنى توقيع الحزب الشيوعى على مقررات جوبا؟ لان موتمر جوبا كان قد طرح مسالة المقاطعة كبديل يمكن ان تلجأ اليه المعارضة الوطنية فى حال اصرار المؤتمر الوطنى على عدم دفع استحقاقات التحوّل الديمقراطى وهو شىء طبعا يتعارض مع موقف الحزب الشيوعى الذى سبق له وان وقّع للمؤتمر شيك على بياض بدخول الانتخابات دون اشتراط اى شىء وذلك فى حالة ابقاء المؤتمر على القوانين المقيدة للحريات فى حدها الادنى الذى يضمن له التفوق الاعلامى والادارى يبقى كلامك سليم فقط فيما يتعلق بغالبية عضوية الحزب الشيوعى واخزاب المعارضة الاخرى لان اشواق هذه الجماهير تميل الى التخلص من النظام والى الابد ولكن هذه الاشواق لن تترجم الى واقع بسبب من غياب الديمقراطية داخل مؤسساتنا الحزبية وهذا هو بيت القصيد . بيت القصيد هو ان الديمقراطية ومصادرة الخيارات والحقوق شىء لم يبتدعه البشير والترابى بانقلاب الانقاذ قبل عقدين من الزمان ولكن تمت هذه المصادرة حين جمع السيدين بين القيادة الدينية للطائفة وبين قيادتها السياسية، وحينما استبدلت الاحزاب العقائدية هذه القيود على الديمقراطية بقيود تنظيمية مماثلة كرست كل السلطات فى يد الامين العام (الجزب الشيوعى والحركة الاسلامية) ..يسند هذه القيود تاريخ ممتد فى القمع وثقافة وصائية من جهة وافكار ذات ملامح اصولية تهيمن على الازهان من جهة ثانية .. وكان الله فى عون السودان

المرجع: Re: اخيرا الحزب الشيوعي يعترف بان الهدف هو اسقاط النظام (يوجد مستند)

ياها عبادة الاصنام يا عادل فعلا كما تسميها.

يعني خدر(طارق ابو عبيده) لا

حركته مسيرات

لا حركته اعتقالات

لا فتح بوست يندب خطورة الانفصال....


لكنه وجد وقت ليفتح بوست مثل هذا!!سبحان الله!!

يبد يا خدر وان شاء الله انتهيت من حفلاتك واتفرقته شويه تقدر تقرأ

تابع اللينك ده...يمكن نيفعك وينفع نقدك ذاته.


http://arbaji.net/forum/showthread.php?t=6014

اها يا نقد جاك ع.عبدالعاطي بلحمو و شحمو و قلمو و بدون حتي ما يجاوب علي السؤال الرئيس

شفت الورطة الانت فيا يا استاذ نقد ؟
عادل كتب 3 مداخلات وراء بعض بدون ما يناقش حتي جوهر البوست
و لوح في كل مرة بقرب نهايتكـ و يا لها من مواعيد عرقوب ..


كانت مواعيد عرقوب لهم مثل ... و ما مواعيده الا اباطيل

عادل و تراجي
عذرا مضطر اطلع لدعوة عشاء
سأعود مساء متاخر
اخدوا راجتكم في البوست حتي اعود لكن ما تنسو تجاوبو علي السؤال الرئيس
لمصلحة القاري و مصلحة التفكير المستقيم
هل كفر ابراهيم نقد لانو قال بوجود حقيقة وثيقة تبعية حلايب لمصر ؟
و هل من الاجدي مهاجمة نقد ام حكومة الانقاذ التي تعلم بالوثيقة تمام العلم و تكتمت
عليها حتي لا تحصد غضب الشارع في الوقت الحرج ده ؟


نقد قصد بتصريحة احراج الحكومة السودانية في وقت حرج معلنا علمها التام بتلك الوثيقة
لو كنتم تعلمون

نتلاقي باكر
سلام

يا للبؤس

Quote: اخدوا راجتكم في البوست حتي اعود لكن ما تنسو تجاوبو علي السؤال الرئيس لمصلحة القاري و مصلحة التفكير المستقيم هل كفر ابراهيم نقد لانو قال بوجود حقيقة وثيقة تبعية حلايب لمصر ؟ و هل من الاجدي مهاجمة نقد ام حكومة الانقاذ التي تعلم بالوثيقة تمام العلم و تكتمت عليها حتي لا تحصد غضب الشارع في الوقت الحرج ده ؟ نقد قصد بتصريحة احراج الحكومة السودانية في وقت حرج معلنا علمها التام بتلك الوثيقة لو كنتم تعلمون

انت مصدق التبريرالت الفجة القاعد تقول فيها دي ؟؟

ليس من الغريب ان يقول محمد ابراهيم نقد ما يروق له من ساقط القول؛ وان يمارس ما يروق له؛ من ساقط الفعل
ما دام له حواريون قد اغلقوا على عقولهم يبررون له ويعبدونه عبادة ؛ كالصنم .

يقول عثمان محمد صالح في تفسير هذا :

Quote: الحزب الشيوعي السوداني من زمالة الكفاح إلى عصبية العشيرة ------------------------------------------------------- يعرف الحزب الشيوعي هويته بأنه اتحاد طوعي بين مناضلين ثوريين تعاهدوا على إنجاز البرنامج الوطني الديمقراطي والاشتراكية بما يتناسب وخصائص الشعب السوداني *. بيد أن الواقع الماثل يكشف عن إنمساخ زمالة الفكر والكفاح و صيرورتها عشيرة في مركزها بيوتات راسخة تحولت الشيوعية فيها إلى تراث عائلي . ترتبط هذه البيوتات بالمصاهرة والصداقات . في هامش هذه الشبكة الإجتماعية يتموقع شيوعيون وفدوا من أسر غير شيوعية. يمتص المركز من بينهم نفر بالتصعيد الى مواقع قيادية أو بالمصاهرة أو الصداقة . ولهذا فإن إنتقاد الحزب الشيوعي هو مساس بكينونة عشيرة لها عقيدة في سلف شهيد, و لها شيخ يتحلق حوله نفر من أهل الثقة, شيخ يسوس العشيرة بالصرامة والطرفة معا,و لها أهازيج الحماسة والفخر وسجل يحوي الملاحم ومآثر الشهداء. تتزيا العشيرة بثوب حكائي نسيجه معاناة السجون والمعتقلات والإعدامات وأساطير عن خيرية رسالتها البشيرة بخلاص الكادحين في جنة على ثرى السودان شيوعية ,إصطفتها لأداء هذا الدور الرسولي عناية الحتمية التاريخية . ولهذا يصعب - ولا أقول يستحيل - على المنشبكبين في نسيج علاقة عشائرية كهذه شق عصا الطاعة على سلطة الزعيم . يتناسب تعاظم فرص التمرد الفكري طرديا مع تنامي المسافة بين الفرد ومركز العشيرة . ----- تدين هذه الكلمة بالفضل للسيد ياسر عرمان في تمرده العظيم في تلك الثمانينات , ذلك التمرد الذي نكص على عقبيه بهجرته من حوش شمولي في الشمال إلى حوش شمولي بالجنوب !!!.

المرجع: Re: فصاحة ارتري ماركسي

كتب العشا باللبن صاحب الديالكتيبك العجيب :

Quote: هل كفر ابراهيم نقد لانو قال بوجود حقيقة وثيقة تبعية حلايب لمصر ؟ و هل من الاجدي مهاجمة نقد ام حكومة الانقاذ التي تعلم بالوثيقة تمام العلم و تكتمت عليها حتي لا تحصد غضب الشارع في الوقت الحرج ده ؟ نقد قصد بتصريحة احراج الحكومة السودانية في وقت حرج معلنا علمها التام بتلك الوثيقة

بالله ؟؟ يعني الامر تسابق على من يخرج وثيقة تثبت تبعية حلايب للمصريين
اذا كانت هناك فعلا هكذا وثيقة؟ ..

يا العشا باللبن لو كان نقد قد كشف وثيقة حاسمة "تثبت" تبعيبة حلايب للسودان؛ ووكان الحكومة تعلم بها وتتكتم عليها
فأنه في نشره لها يكون وطنيا ويكون قد احرج الحكومة .

الان هو عايز يحرج الحكومة باثبات تبعية حلايب للمصريين؛ بوثيقة لا توجد الا في راسه المخرف ؟؟

واذا مشينا مع كلامك ؛ ان هناك وثيقة كهذه؛ مع وجود وثائق اخرى كثيرة تثبت تبعية حلايب للسودان؛ اضافة لحقائق التاريخ والجغرافيا والسكان الخ ؛ فما هي مصلحة الحكومة في نشرها ؟؟ وكيف يُعد عدم نشرها منقصة لها ؟؟ هل في الصراع الدبلوماسي انت ملزم بالبحث عن وثائق لمصلحة الخصم ام لمصلحتك ؟؟ وما هي فائدة نقد في نشرها ؟؟ مكاواة للحكومة الابت تنشرها يقوم هو ينشرها ويضعف موقف السودان ؟؟ مكايدة في الحكومة يقوم يبيع حلايب اللقا ليهو - افتراضا- وثيقة واحدة تثبت تبعيتها للمصريين؛ بينما هناك عشرات الوثائق تقول العكس ؟؟

هذا يشبه حال من تزوجت امه رجلا بعد وفاة ابيه؛ وكان يكره زوج الام هذا جدا ؛ فقام كراهية له بقتل امه ؛ حتى يحرمه - اي الزوج - منها ..

الوطنية والعملية والراغماتية والعقل السليم يقول انه اذا وجد اي سوداني وطني - ونقد ليسمن بينهم - وثيقة كهذه ؛ وسط وثائق اخرى كثيرة تثبت حق السودان في حلايب؛ فيجب ان يخفيها لا ان ينشرها؛ ان يغتس حجرها لا ان يصدق بها ويرمي كل الوثائق الاخرى ويصبح بوقا لصالح المصريين .. الواجب في هذه الحالة ان يبادر للبحث عن الوثائق المتعارضة مع هذه الوثيقة؛ وان تكون مصلحة بلاده العليا في المقام الاول؛ لا خلافات مع حكومة لا يختلف عنها في شي ويجلس في ؤسساتها؛ وحسب زعمكم كانت افضل من نقد جيث لم تنشر هذه الوثيقة المزعومة؛ لأ،ه ليسمن مصلحة اي سوداني نشر وثيقة هذه - ان وجدت - بل مصلحته وواجبه ان ينشر الوثائق الكثيرة الموجودة التي تثبت ان حلايب سودانية .

الاخ ابو ساندرا رغم انو شيوعي غبيان ومستهبل؛ الا انه كان اكثر وطنية من محمد ابراهيم نقد والعشا باللبن ؛ حيث قال :

Quote: الشاهد أن نقد قال في وثائق ؛ حسب رواية عبدالحكيم السؤال هو : هل صحيح ان هناك وثائق تفيد بأن حلايب مصرية كما قال نقد أم لا ؟ وهل تلك الوثائق سرية ام متاحة للإطلاع والتداول ؟ وهل هناك امكانية للرد على تلك الوثائق ن ان وجدت ن ام لا ؟

الشاهد انو نقد ما قال في وثائق وسكت .. هو حسم بكون حلايب مصرية؛ رغم بيان حزبو في هذا الصدد الذي يقول العكس ؛ لكن جهد ابو ساندرا مقدر وخصوصا حين يقول :

Quote: نفصل فيما يلي : ------------ الوثائق المقصودة جميعها سابقة لإستقلال السودان ، اي كانت ايام الإستعمار والحكومة المصرية طرف اصيل في تلك الوثائق وهي عبارة عن اتفاقيات وترتيبات عبر رسائل متبادلة وخرائط تمت بمجملها بين الحكومة البريطانية والحكومة المصرية ولذلك تمتلك كلا الحكومتين نسخ اصلية منها ولا أعرف هل النسخة الموجودة في دار الوثائق السودامية والتي طالعها نقد من النسخ الأصلية أم لا وسواء كانت كذلك أم لا فان الأفضل الإعتراف بوجودها ومن ثم مناقشتها لدحضها من ناحية قانونية وليس انكارها

ابو ساندرا طبعا طوالي صدق تخرصات نقد .. يبدو انو الشيوعي مؤمن لانو المؤمن صديق.. عموما هو بيحاول يطلع من الورطة وبيقول ضروري يردو على الوثائق؛ موش يقولوا حلايب مصرية زي ما قال نقد والعشا باللبن

ويمضي ابو ساندرا ليقول كلام وطني جميل لا يعرفه نقد والعشا باللبن :

Quote: الموقف الصحيح المطلوب هو الرد القانوني على مثل تلك الوثائق من قبل المختصين وبالرغم من عدم اختصاصي في هذا المجال حيث أعمل مختصآ بالإتفاقيات البحرية الدولية الا انني اتقدم بالإجتهاد التالي : ------------------------------- 1- ان تلك الوثيقة لم يقصد بها تحديد حدود سياسية سيادية بل ، قصد منها وضع ترتيبات ادارية بعيدآ عن مسالة السيادة وهذا ماكانت تقوله الحكومة المصرية نفسها وورد بشكواها لمجلس الأمن عام 1947 التي رفعتها ضد الحكومة البريطانية ووردت في خطاب رئيس الوزراء المصري امام مجلس المن في نفس العام ، حيث ذكر ان الإتفاقية المذكورة لاتعطي بريطانيا أي سيادة على السودان فقد كانت فقط تدبيرآ لنظام حكم وترتيبات ادارية غير مسبوقة في القانون الدولي ، وهذا يعني ببساطة ان الحدود المحددة بذلك الإتفاق/ الوثيقة حدود ادارية وليست سيادية وقد عدلت تلك الترتيبات بترتيبات ادارية لاحقآ جعلت من حلايب جزءآ من السودان 2- قامت الحكومة المصرية بموجب القانون رقم 175 لعام 1951 بالغاء تلك الإتفاقية ولذلك لاتستطيع ان تستند عليها في تحديد الحدود 3- ان تلك الوثيقة / الاتفاقية وغيرها من الوثائق المعنية من الممكن معارضتها وفقآ لقواعد القانون الدولي فيما يخص الحدود إستنادآ لتعارضها مع مبدأ حق تقرير المصير وبطلانها

أين كل هذا الكرم الجميل القوي المستند على مفهوم السيادة الوطنية والدفاع عن المصالح القومية ممن يقول :(( القالوا ليكم منو حلايب سودانية ؟؟ حلايب مصرية والوثائق بتثبت كدا )) ؟؟ يا لبؤسه وسجمه ورماده ..ويا لبؤس وسجم ورماد من يعبدونه صنما دون عقل ولا هدي ولا ضمير .

الا ان ابو ساندرا الذي تتغلب شيوعيته على وطنيته وعلى براجميته مرات يعود ليقول :

Quote: وفقآ لما تقدم فان السبيل الصحيح لمناقشة تصريح الأستاذ محمد ابراهيم نقد يبدأ بالسؤال عن حقيقة وماهية الوثائق التي تحدث عنها وعرضها والتصدي لها بدلآ عن انكارها وهي بالحتم موجودة ومتوفرة في يد الخصم الذي سوف يستخدمها في أي نزاع قضائي لاحق ، وهو قادم لا محالة

يا زول اول حاجة في الرد على تصريحات المسجم والمرمد نقد - حسب وصف وعنوان بوست العشا باللبن - هو القول له ان موقفك هذا لا وطني؛ وهو موقف مفرط؛ وانه لو اتى من جهالتك ونزقك وعدم مسؤليتك فهو مصيبة؛ ولو اتى من دواعي المكايدة السياسية للحكومة فهو مصيبة اكبر؛ اذ كيف تكايد الحكومة بأن تبيع الوطن ؟؟

كتب العشا باللبن في ديالكتيكه العجيب :

Quote: و هل من الاجدي مهاجمة نقد ام حكومة الانقاذ التي تعلم بالوثيقة تمام العلم و تكتمت عليها حتي لا تحصد غضب الشارع في الوقت الحرج ده ؟ نقد قصد بتصريحة احراج الحكومة السودانية في وقت حرج معلنا علمها التام بتلك الوثيقة لو كنتم تعلمون

ولماذا يجب ان تنشر الاتقاذ اصلا وثيقة تضر بنا كسودانيين ؟؟ لو عالمين بها وتكتموا يكونوا - في الحتى دي وطنيين - لانه في صراع مثل هذا انت لا تذهب وتعطي خصمك سلاحا؟؟ وحقيقة لو كانت الانقاذ قد نشرت تلك الوثيقة لحصدت غضب الشارع لانها ستكون مفرطة في القضايا الوطنية - اكثر مما فرطتت - فلماذا يقوم نقد بدور الخيانة ويعلن عن وجود وثيقة لا تفيد السودان وانما مصر في صراعنا القانوني حول ارضنا ؟؟ وهل هو هنا احسن ام اسؤا من الانقاذ ؟؟ وهل يريد نقد احراج الانقاذ بتضييع الوطن ؟؟


سجمكم ورمادكم يا شيوعيين اذا كان هذا المنطق الخرب منطقكم واذا كانت خصوماتكم اللامبدئية مع الانقاذ - التي تجلسون في مؤسساتها - تحعلكم تبيعوا الوطن مكاواة ومكايدة .

خدر
دبايوا
ارجو ان تحاول الحصول على هذه الوثيقة حتى نكون واقعيين ونلتزم الصمت لاننا لا نريد ارضا غير ارضنا واما الذين قطنوا تلك الارض لالاف السنين نخيرهم بين التمصير او البحث عن ارض جديدة داخل السودان
سوف نعيب ايضا موقف عبدالله خليل الذى اراد ان يدخل فى حرب مع مصر من اجل حلايب وهى ارض مصرية يبدو ان دولة السودان وقتها غير ملمة حتى بالوثائق التى تملكها وحتى لا نقول الكثير وليس لنا خصام مع احد ولكن الذى سيوقف هذا السجال هو ايراد هذه الوثيقة

Quote: كتب العشا باللبن صاحب الديالكتيبك العجيب : Quote: هل كفر ابراهيم نقد لانو قال بوجود حقيقة وثيقة تبعية حلايب لمصر ؟ و هل من الاجدي مهاجمة نقد ام حكومة الانقاذ التي تعلم بالوثيقة تمام العلم و تكتمت عليها حتي لا تحصد غضب الشارع في الوقت الحرج ده ؟ نقد قصد بتصريحة احراج الحكومة السودانية في وقت حرج معلنا علمها التام بتلك الوثيقة بالله ؟؟ يعني الامر تسابق على من يخرج وثيقة تثبت تبعية حلايب للمصريين اذا كانت هناك فعلا هكذا وثيقة؟ .. يا العشا باللبن لو كان نقد قد كشف وثيقة حاسمة "تثبت" تبعيبة حلايب للسودان؛ ووكان الحكومة تعلم بها وتتكتم عليها فأنه في نشره لها يكون وطنيا ويكون قد احرج الحكومة . الان هو عايز يحرج الحكومة باثبات تبعية حلايب للمصريين؛ بوثيقة لا توجد الا في راسه المخرف ؟؟

Quote: واذا مشينا مع كلامك ؛ ان هناك وثيقة كهذه؛ مع وجود وثائق اخرى كثيرة تثبت تبعية حلايب للسودان؛ اضافة لحقائق التاريخ والجغرافيا والسكان الخ ؛ فما هي مصلحة الحكومة في نشرها ؟؟ وكيف يُعد عدم نشرها منقصة لها ؟؟ هل في الصراع الدبلوماسي انت ملزم بالبحث عن وثائق لمصلحة الخصم ام لمصلحتك ؟؟ وما هي فائدة نقد في نشرها ؟؟ مكاواة للحكومة الابت تنشرها يقوم هو ينشرها ويضعف موقف السودان ؟؟ مكايدة في الحكومة يقوم يبيع حلايب اللقا ليهو - افتراضا- وثيقة واحدة تثبت تبعيتها للمصريين؛ بينما هناك عشرات الوثائق تقول العكس ؟؟ هذا يشبه حال من تزوجت امه رجلا بعد وفاة ابيه؛ وكان يكره زوج الام هذا جدا ؛ فقام كراهية له بقتل امه ؛ حتى يحرمه - اي الزوج - منها ..

Quote: الوطنية والعملية والراغماتية والعقل السليم يقول انه اذا وجد اي سوداني وطني - ونقد ليسمن بينهم - وثيقة كهذه ؛ وسط وثائق اخرى كثيرة تثبت حق السودان في حلايب؛ فيجب ان يخفيها لا ان ينشرها؛ ان يغتس حجرها لا ان يصدق بها ويرمي كل الوثائق الاخرى ويصبح بوقا لصالح المصريين .. الواجب في هذه الحالة ان يبادر للبحث عن الوثائق المتعارضة مع هذه الوثيقة؛ وان تكون مصلحة بلاده العليا في المقام الاول؛ لا خلافات مع حكومة لا يختلف عنها في شي ويجلس في ؤسساتها؛ وحسب زعمكم كانت افضل من نقد جيث لم تنشر هذه الوثيقة المزعومة؛ لأ،ه ليسمن مصلحة اي سوداني نشر وثيقة هذه - ان وجدت - بل مصلحته وواجبه ان ينشر الوثائق الكثيرة الموجودة التي تثبت ان حلايب سودانية .

كدي نوثق كلام عادل عبدالعاطي عشان باكر ما يجي يمسحو .. شايفو بدأ يعدل من اسه. و نرجع باكر لتفنيدو
و بالمناسبة يا عادل زي ما عارف انا قاعد في المنبر د منذ تأسيسو و عمري دخلت في مهاترات علي شاكلة (العشا بي لبن) و لي فوق
فياخي و بدون رجاء حقو تتقيد بي ادب الحوار و اظنو فايت اضانك بي هناك المامي التام بكل تعابير السخرية في الثقافة السودانية
بدأ بالعشاب اب لبن وصولا لي قَد الفحمي*.


* سيأتي شرحها لاحقا إن احتجت لها.

سلام يا خدر

Quote: نقد قصد بتصريحة احراج الحكومة السودانية في وقت حرج معلنا علمها التام بتلك الوثيقة لو كنتم تعلمون

ياخي و الله كلامك ده عجيب جدا و بيدخل في بند تبرير الغير مبرر ، أربا بك منه و إنت من المشهود ليهم بالمنطق و الرؤيه السليمه للأشياء !
لو نقد كان غرضو إحراج الحكومه كما تقول - و لست أدري أي إحراج للحكومه من الإعلان عن وثائق تثبت أحقية مصر لحلايب - كان عمل مؤتمر صحفي أو بيان أو أي شكل من أشكال الإعلام بدل ذكر الكلام أمام وفد لم ياتي أصلا لمناقشه قضية حلايب أصلا و من ثم إنتظار أحد أعضاء الوفد للتصريح في منبر حوار سوداني في الإنترنت حتي يحرج الحكومه كما تعتقد . يعني يا خدر نقد من الأساس ما صرح ، خليه يكون صرح عشان يحرج الحكومه !
يا خدر يا أخوي نقد بشر ، يخطئ و يصيب ، و هو - في تقديري - أخطا تماما في كلامو - حتي لو كان بيعتقد بصحتو - لعده أسباب من ضمنها إنو كلامو ده ما بيعبر عن الرأي الرسمي للحزب الشيوعي ، عشان كده أنا بتفق مع أبو ساندرا تماما لمن قال

Quote: رأي الشخصي أن نقد ما كان عليه أن يصرح بما توفر له من معلومات حتى في ذلك الإطار الضيق ، اللهم إلا مع أصدقائه وزملائه في قيادة الحزب

كلام نقد كان رأي شخصي مبني علي دراسه لوثائق إطلع عليها ، فهل إطلع علي كل الوثائق و الوقائع علي الأرض و غيرها من إثباتات ليحكم بمصرية حلايب ؟!

شكرا هاشم نوريت ان اتفقت معي في ان اولي خطوات التفكير العقلاني هي ان نريث حتي تعلن الوثيقة و من ثم نضمها لمجموع وثائق اخري
و من ثم تتضح الصورة المادية لموقف رقعة حلايب و احقية انتماءها لنا او لمصر.
رغما عن ذلك موقف نقد الحالي هو محض تقرير لحقيقة سبق له الاطلاع عليها و التأكد منها. و لن يشكل الرأي الفصل في تقرير مصير حلايب
فالوثيقة ستشكل احدي الوثائق التي ستساعد في كشف الكثير حول خلاف مثلث حلايب و شلاتين و الحوار حوله بعقلانية بعيدا عن العواطف
الجياشة.

Quote: واذا مشينا مع كلامك ؛ ان هناك وثيقة كهذه؛ مع وجود وثائق اخرى كثيرة تثبت تبعية حلايب للسودان؛ اضافة لحقائق التاريخ والجغرافيا والسكان الخ ؛ فما هي مصلحة الحكومة في نشرها ؟؟ وكيف يُعد عدم نشرها منقصة لها ؟؟ هل في الصراع الدبلوماسي انت ملزم بالبحث عن وثائق لمصلحة الخصم ام لمصلحتك ؟؟ وما هي فائدة نقد في نشرها ؟؟ مكاواة للحكومة الابت تنشرها يقوم هو ينشرها ويضعف موقف السودان ؟؟ مكايدة في الحكومة يقوم يبيع حلايب اللقا ليهو - افتراضا- وثيقة واحدة تثبت تبعيتها للمصريين؛ بينما هناك عشرات الوثائق تقول العكس ؟؟ هذا يشبه حال من تزوجت امه رجلا بعد وفاة ابيه؛ وكان يكره زوج الام هذا جدا ؛ فقام كراهية له بقتل امه ؛ حتى يحرمه - اي الزوج - منها ..

الأسئلة الوجيهة الجابت الخبر من ضيلو
غايتو لو نقد ذكر الخبر ده عشان حقانية أو إحراج، يكون نقد شخص فاقد لكل مقومات الحصافة والحكمة والتروي وبعد النظر كمان
زول قريعتي راحت ساكت، قربت تصدق مقولة( شويعي وسكران كمان)!

الحق الجدجد ليهو ظروفه وملابساتو وحيثياتو
وبعدين الجبرو منو يخرج ليهو بلغة زي دي وحرب حلايبلاند في أوجها وفقد فيها السودانيون جنوداً وتراب وحرب المياه مشرئبة
واستحقاقات كتيرة تحكم علاقة السودان بجواره!

عليك الله يا عادل نجض أخدر ده لحد ما يبقى أصفر

شوف الايمان دي .. لا تجده عند جاهل في فكي

Quote: شكرا هاشم نوريت ان اتفقت معي في ان اولي خطوات التفكير العقلاني هي ان نريث حتي تعلن الوثيقة و من ثم نضمها لمجموع وثائق اخري و من ثم تتضح الصورة المادية لموقف رقعة حلايب و احقية انتماءها لنا او لمصر. رغما عن ذلك موقف نقد الحالي هو محض تقرير لحقيقة سبق له الاطلاع عليها و التأكد منها. و لن يشكل الرأي الفصل في تقرير مصير حلايب فالوثيقة ستشكل احدي الوثائق التي ستساعد في كشف الكثير حول خلاف مثلث حلايب و شلاتين و الحوار حوله بعقلانية بعيدا عن العواطف الجياشة.

دا كلو عشان الكذاب المخرف المتآمر نقد قال شاف ليهو وثيقة ؟؟


حقا انكم بؤساء ..

Quote: الوطنية والعملية والراغماتية والعقل السليم يقول انه اذا وجد اي سوداني وطني - ونقد ليسمن بينهم - وثيقة كهذه ؛ وسط وثائق اخرى كثيرة تثبت حق السودان في حلايب؛ فيجب ان يخفيها لا ان ينشرها؛ ان يغتس حجرها لا ان يصدق بها ويرمي كل الوثائق الاخرى ويصبح بوقا لصالح المصريين .. الواجب في هذه الحالة ان يبادر للبحث عن الوثائق المتعارضة مع هذه الوثيقة؛ وان تكون مصلحة بلاده العليا في المقام الاول؛ لا خلافات مع حكومة لا يختلف عنها في شي ويجلس في ؤسساتها؛ وحسب زعمكم كانت افضل من نقد جيث لم تنشر هذه الوثيقة المزعومة؛ لأ،ه ليسمن مصلحة اي سوداني نشر وثيقة هذه - ان وجدت - بل مصلحته وواجبه ان ينشر الوثائق الكثيرة الموجودة التي تثبت ان حلايب سودانية .

البراغماتية يا عادل مجموعة طرائق مختلفة للتفكير تختلف باختلاف المفكرين. و ابراهيم نقد بي تصريحو حول الوثيقة كان براغماتي اصيل
عملي و دوغري و فوق ده كلو امين مع مبادئو و قناعاتو و ما بعرف الانتهازية السياسية ( وفقا لتصريحه حول وثيقة حلايب ).
موقفك انت هو الغريب و مخيف .. غايتو يا عادل سابذل جهدي ان لا تأتينا واليا علينا عبر صناديق الاقتراع او الديش .. فلا يليق بنا
كسودانيين ان يكون اخر صبرنا قائد غير امين يلتف علي الحقائق الما في مصلحتو.
ثم انو وثيقة نقد الاعلن عنها دي ما حا تحسم تبعية حلايب لمصر مباشرة بمجرد الكشف عنها , الوثيقة تظل مجرد وثيقة ستخضع للتمحيص
في التحكيم الدولي .

Quote: بالله ؟؟ يعني الامر تسابق على من يخرج وثيقة تثبت تبعية حلايب للمصريين اذا كانت هناك فعلا هكذا وثيقة؟ .. يا العشا باللبن لو كان نقد قد كشف وثيقة حاسمة "تثبت" تبعيبة حلايب للسودان؛ ووكان الحكومة تعلم بها وتتكتم عليها فأنه في نشره لها يكون وطنيا ويكون قد احرج الحكومة . الان هو عايز يحرج الحكومة باثبات تبعية حلايب للمصريين؛ بوثيقة لا توجد الا في راسه المخرف ؟؟

الامر موش تسابق يا عادل و كلامي واضح انا ما عارف انت ما بتفهم دوغري مالك !!
تحليلي مبني علي دراية ابراهيم نقد الكاملة بوجود تلك الوثيقة و تسائلت عن لماذا اطلق نقد تصريحو ده
في الوكت ده بالذات البتغلي فيهو البلد بإحتجاجات صاخبة ضد حكومة الانقاذ و الانتخابات علي الابواب
اعتراف الحكومة بالوثيقة دي حا يضيف لصحيفة إتهامها عند المواطن السوداني التفريط في التراب
(وفقا لعاطفية السودانيين في التعامل مع السياسة) لذا اكتفت الحكومة لي لسان وزير خارجيتها ان امر
حلايب برمتة رُفع الي التحكيم الدولي.
تصريح ابراهيم نقد في الوكت ده بالذات و كشفو للمستور باقيلك وارد ولا ؟

تقول لي تسابق ؟

حقيقي بؤس يا عادل

Quote: انت مصدق التبريرالت الفجة القاعد تقول فيها دي ؟؟

وبضربة كي بورد غير مسؤل بكره نلقى زي الكلب هاني رسلان مسجل لك
خدر وبوسته الجسمان ده البيغازل فيه شيوعين واشنطون... كمرجع!!
اليس بؤسا هذا؟؟؟

Quote: هل كفر ابراهيم نقد لانو قال بوجود حقيقة وثيقة تبعية حلايب لمصر ؟ و هل من الاجدي مهاجمة نقد ام حكومة الانقاذ التي تعلم بالوثيقة تمام العلم و تكتمت عليها حتي لا تحصد غضب الشارع في الوقت الحرج ده ؟ نقد قصد بتصريحة احراج الحكومة السودانية في وقت حرج معلنا علمها التام بتلك الوثيقة لو كنتم تعلمون نتلاقي باكر سلام

اها فعلا بجنس البتعملوا فيه ده يا خدر بتبقوا مرجع لضياع حلايب!

وعليكم تحمل المسرليه التاريخيه لهذه الجفمسه البتعلموا فيها.




نحن غايتو مش نقد...شوفت لو نزل حديث ولا آيه

حسه قالوا حلايب مصريه
بنقول لهم لا حلايب سودانيه.

وكلام ثروت بيكون صاح عن ما يحدث بهذا المنبر.

سودانيس اون لاين (الرسمية) تؤرخ لمحمد إيراهيم نقد: حلايب مصرية

سلامات يا امين و ماك طيب

1- إحراج الحكومة يا امين ما في وجود وثائق تثبت ايلولة حلايب لمصر , الاحراج في علم الحكومة او وزارة خارجيتها علي الاقل بوجود وثيقة
زي دي و ده ما كلام طلقيت ساي بالمناسبة , علم الحكومة بالوثيقة بتثبتو دفوعاتها بأحقية السودان لحلايب مما يفيد إلمامها التام بكل ما
يتعلق بالامر من وثائق تثبت تبعية مثلث حلايب للسودان.
احراج الحكومة في تكتمها علي الخبر طوال الفترة الماضية و عدم إعلان وجود وثيقة كتلكـ لان التصريح بها يعني ان إستعداء المواطن
السوداني كما حدث مع نقد الان . و إعلان نقد لوجود هذه الوثيقة في التوقيت الملتهب الحالي بمثابة صب الزيت علي النار ,
السياسة يا امين هي فن الممكن (مؤتمر صحفي - تسريب معلومة- بيان حزبي .. الخ) و الحشاش يملاء شبكتو.
و بالمناسبة , خلونا نسال روحنا ليه الخبر ورد بالاقتضاب ده و في التوقيت ده بالذات ؟؟؟؟؟

2- شوف يا صاحب في تقديري كلامي ده اقرب تحليل للحادث الورد بشكل مبتور في الاخبار اليوم و للمعلومية يا امين لو لاحظت انا لم اشهر تعاطفا
مع ابراهيم نقد, انا حللت الخبر الوارد و إستنتجت علي ضؤ حليلي الاسباب القادت ابراهيم نقد للتصريح مبتدأ و لتوقيت التصريح منتهي,
فنقد من الشخصيات السياسية صاحبة الخبرة الكافية جدا للانتباة الي خطورة تسريب معلومة زي دي للرأي العام و ده بعني عندي انو نقد عارف
معلومتو مصدرها شنو و عارف هو مرسلها لي ويين . انا لست ضد او مع يا امين , انا مع العقل و ضد التبرير.
رأي في موقف الزميل ابوساندرا انو تعامل مع الخبر بعاطفية السوداني الشايفو انو حلايب حقتو بوثائق او بدون و ده موقف في تقديري عاطفي و طبيعي.
عن نفسي اثمن موقف نقد سواء ان كان يقصد إحراج الحكومة او كان ينشد الشفافية و إعمال الذهن.

Quote: كلام نقد كان رأي شخصي مبني علي دراسه لوثائق إطلع عليها ، فهل إطلع علي كل الوثائق و الوقائع علي الأرض و غيرها من إثباتات ليحكم بمصرية حلايب ؟!

رغم يقيني ان نقد من واقع كتابه (علاقات الرق في المجتمع السوداني) , قطعا اطلع علي وثائق تفيد بأحقية مصر لمثلث حلايب
الا ان تصريح نقد نفسة بوجود الوثيقة مثار الجدل لن يحسم ايلولة المثلث لسلطات المصرية لان الوثيقة ستكون جزء من عدة وثائق ستشكل
مصادر حلول للخلاف القائم.

مودتي يا امين التي تعلم

ادم صيام
راجع ردي علي امين .
ده لو عندك رغبة و زمن لتعلم طرائق تفكير مختلفة

Quote: الوطنية والعملية والراغماتية والعقل السليم يقول انه اذا وجد اي سوداني وطني - ونقد ليسمن بينهم - وثيقة كهذه ؛ وسط وثائق اخرى كثيرة تثبت حق السودان في حلايب؛ فيجب ان يخفيها لا ان ينشرها؛ ان يغتس حجرها لا ان يصدق بها ويرمي كل الوثائق الاخرى ويصبح بوقا لصالح المصريين .. الواجب في هذه الحالة ان يبادر للبحث عن الوثائق المتعارضة مع هذه الوثيقة؛ وان تكون مصلحة بلاده العليا في المقام الاول؛ لا خلافات مع حكومة لا يختلف عنها في شي ويجلس في ؤسساتها؛ وحسب زعمكم كانت افضل من نقد جيث لم تنشر هذه الوثيقة المزعومة؛ لأ،ه ليسمن مصلحة اي سوداني نشر وثيقة هذه - ان وجدت - بل مصلحته وواجبه ان ينشر الوثائق الكثيرة الموجودة التي تثبت ان حلايب سودانية .

نرجع بأول الاسئلة لعادل عبدالعاطي صاحب الحزب اليبرالي
هل تصريحكـ اعلاه و انت القيادي في حزب سياسي سوداني رأيكـ الشخصي ام موقف حزبكـ من قضايا علي تلكـ الشاكلة؟؟؟؟؟
بالعامي السوداني
انت يا عادل لو كنت محل ابراهيم نقد و تملكت معلومة زي دي او علمت بها حا تغتس حجرها ؟؟؟

تراجي سلامات
كل مداخلاتك في البوست عبارة عن مجاملات لعادل او استجداء لا يسنده عقل لعاطفة القارئ السوداني
و ده ما حايفيد لا قضية النزاع حول حلايب ولا التحليل العلمي ولا السلوك السياسي الامين.

اقترج انك تقري البوست من اولو تاني و بتركيز و خلي اللفحي .

كتب عادل عبدالعاطي

Quote: الوطنية والعملية والراغماتية والعقل السليم يقول انه اذا وجد اي سوداني وطني - ونقد ليسمن بينهم - وثيقة كهذه ؛ وسط وثائق اخرى كثيرة تثبت حق السودان في حلايب؛ فيجب ان يخفيها لا ان ينشرها؛ ان يغتس حجرها

مكرر السؤال لعادل عبدالعاطي صاحب الحزب الليبرالي


يا عادل عبدالعاطي بوصفك قيادي في الحزب الليبرالي هل من موجهات حزبك اخفاء او تبدبد و ثيقة دولية تحصلت عليها لانها
لا تتفق مع مصلحة حزبكـ ؟؟؟؟؟

أظن أن خدر الذي أعرفه
مهكر
أو هكذا شبه لي

بهاء

الأخ: خدر
تحياتي

Quote: هل كفر ابراهيم نقد لانو قال بوجود حقيقة وثيقة تبعية حلايب لمصر ؟

أنتَ بهذا البوست تقوم بلف الحبل حول عنق من ترغب في التبرير له من حيث لا تدري، وجود وثيقة في دار الوثائق القومية تثبت تبعية حلايب لمصر (لم يثبت هذا الكلام حتى اللحظة) يطعن في مصداقية الحزب الشيوعي السوداني شكلاً ومضموناً، لأن هذه الوثيقة تناقض بيان الحزب الشيوعي السوداني الصادر عام 1993م والذي يثبت فيها تبعية حلايب للسودان وبيان الحزب الشيوعي يا خدر (إن لم تكن قرأته) يُثبت أن هذه التبعية موثقة بمواثيق "دولية" تثبت تبعية حلايب للسودان تاريخياً وسياسياً.

بمعنى آخر حتى لو عثرتَ على الوثيقة المزعومة الرابضة في أرفف أو أدراج دار الوثائق القومية، فإن هذه الوثيقة سوف تضرب مصداقية الحزب الشيوعي.

من حق أيّ إنسان أن يتساءل حول تبعية حلايب للسودان أو مصر، ولكن أن يأتي هذا الكلام من شخصية اعتبارية مثل محمد إبراهيم نقد وفي هذا التوقيت المُحرج من تاريخ السودان هو كلام لا يُمكن إلا أن يُعتبر "هظربة" سياسية غير مسئولة تفتقر إلى الأدلة.



++

دفاعنا عن سودانية حلايب لا يأتي من قبيل صراع الفارغات أو حتى ضمن إطار الخلاف السوداني المصري التاريخي والذي يرى البعض أن مباراة مصر والجزائر أججته وأخرجته إلى العلن، ولكن دفاعنا عن حلايب يستند على مسألتين غاية في الأهمية، وهما:

• الدفاع عن السيادة السودانية على أراضيها.
• الدفاع عن أراضي السودان بما فيها حلايب وحلفا

لأن اتفاقية يناير 1899م التي تعتمد فيها مصر على توثيق تبعية حلايب لمصر هي نفسها تحتوي بنداً متعلقاً بتبعية حلفا إليها. إذن؛ فالمسألة ليست صراعاً على حدود بقدر ما هو صراع على السيّادة الوطنية. وأرجو أن تقرأ بتمعّن المقال الذي زوّدتك السيّدة تراجي مصطفى برابطه لأنه مقال مهم ويكشف كثيراً من اللبس التاريخي والقانوني حول الموضوع.

Quote: شوف يا صديقي نقد .. الناس دي كلها استعجلت تجريمك ساي وده بوضح الحملة الواضحة ضدك و تعبير الحملة دي في ظني احسن من نقول السطحية في تناول الخبر. الخبر اعلاه لا يعني عندي اكثر من انو سؤال + تقرير حقيقة السؤال منو القال ان حلايب سودانية؟ وده سؤال ممكن يسألو اي مواطن سوداني آخر و يمر مرور الكرام لكن ان بالذات لازم يتم تحوير سؤالك و رميو بسهام التشكيك فيك و في حزبك. سؤال منو القال حلايب مصرية يستوجب وجود إجابة عليه من من يملك معلومات تسند موقفو بانو حلايب سودانية. جملة المستندات الموجودة في دار الوثائق .. الخ, تقرير لحقيقة وجود وثائق في دار الوثائق المركزية تؤكد تبعية حلايب لمصر. حسب تفكيك الخبر المنشور بأركان الدنيا الاربعة كان يجب مبتدأ الذهاب مباشرة لدار الوثائق القومية و التحقق من صحة معلومة ابراهيم نقد لا تعضيد منهج السطحية و التجريم للنيل من ابراهيم نقد و الحزب لشيوعي . في تقديري انت رميت بالقفاز و علي الاخرين التقاطه لا الالتفاف حولو . في دار الوثائق السودانية يربض مستند يؤكد تبعية حلايب لمصر. من يقولون بأن حلايب سودانية عليهم إثبات ذلكـ بالوثائق بدلا عن العواطف الغير مسنودة بوثائق.

الحزب الشيوعى صـار عميلا مكشـوفاً لمصـر.
تقول يا خدر: "سؤال منو القال حلايب مصرية يستوجب وجود إجابة عليه من من يملك معلومات تسند موقفو بانو حلايب سودانية."

لا لم يكن هـذا سؤالا ينتظر إجابة، بل إستنكارا فى صيغـة ســؤال، بدليل انه أجاب عليه فورا.

نقد ليس قاضيا ليحكم لمصر بحلايب، ولا هو من يقيم الوثائق والأدلة، فهـذا عمل المحاكم الدولية وملف القضية
ما زال فى مجلس الأمن والحكومات المتعاقبة لم تسحبه رغم أنها جمدته. ما قام به نقـد عبارة عن عمالة رخيصة
لدولة أجنبية ليس إلا.

خدر في محاولة تبرير للأستاذ نقد ..الذي يحاول بدوره إحراج الحكومة بإثبات حلايب مصرية !!

عزيزي عادل عبد العاطي
بالله عليك متين في المنبر ده كان مثل هذه الافادات ليها مصداقيتها عشان تمسكها كحقيقة
عبد الحكيم صديق وزميل دراسة ومعتقد ولا اتشكك في روايته
لكن انت كزول عركتك السياسة في صفوف نفس الحزب وغيره تعرف تماما متى تكون لتصريحات قادة الاحزاب مصداقيتها
مجرد ورود هذا الكلام في مداخلة عبد الحكيم لا يعني انها تعبر عن الحزب الشيوعي ولا قيادييه
نقد ليس سبب ضياع حلايب وتصريحه من عدمه لن يقدم او يؤخر في شيئ
شايف محاكمتو في المنبر اكبر من محاكمة الانقاذيين والسبقوهم في هذا الشأن


__
سلام ياخدر

حيدر يا ابن مدينتي يا جميل

Quote: بالله عليك متين في المنبر ده كان مثل هذه الافادات ليها مصداقيتها عشان تمسكها كحقيقة عبد الحكيم صديق وزميل دراسة ومعتقد ولا اتشكك في روايته لكن انت كزول عركتك السياسة في صفوف نفس الحزب وغيره تعرف تماما متى تكون لتصريحات قادة الاحزاب مصداقيتها مجرد ورود هذا الكلام في مداخلة عبد الحكيم لا يعني انها تعبر عن الحزب الشيوعي ولا قيادييه نقد ليس سبب ضياع حلايب وتصريحه من عدمه لن يقدم او يؤخر في شيئ شايف محاكمتو في المنبر اكبر من محاكمة الانقاذيين والسبقوهم في هذا الشأن

كل افادة من انسان محترم لها عندي مصداقيتها
وكل افادة من محمد ابراهيم خائن الامانة والكذاب اشك فيها لأن الرجل عبر تاريخه مارس التآمر والكذب الضار الخ .

تصريح تم في المركز العام للحزب الشيوعي وفي لقاء رسمي مع وفد شعبي كان يتحدث عن التغول المصري يكتسب عندي اهمية فائقة
يعني اذا نقد بلغت بيهو البجاحة ان يقول هذا الكلام امام الضاغطين على الجمر وضحايا التغول المصري ؛ حيقول للمصريين شنو ؟؟

اما محاكمة نقد لأن البعض يظنوه وطني ومعارض ؛ ولا زال هناك من يؤمن انه نبي او اله
والانقاذ نحاكمها بالخروج في الشوارع ويحاكمها الشرفاء المعتقلون والمعذبون ولا حل لنا غير اسقاطها ؛ فقط يجب ان نعرف من هو الصديق ومن هو العدو في نضالنا ضد الانقاذ

وفي الحرب يجب الانتباه الى الطابور الخامس حتى لا نطعن من الظهر

لك ودي

حبيبنا خدوري

ان كان ذلك كذلك فان نقد قد طبز عينو بي اصبعو

السياسة فن الممكن زي ماذكرت لكن يكون ذلك في حدود الوطن

يعني نقد لو عمل ليهو فنين تلاته ح يقسم السودان لي مصر واثيوبيا وكينيا وتشاد وليبيا ونقعد نحن في السهلة وح نسمع مصطلحات جديدة الارض مقابل الغذا ونحو ذلك .

في راي الشخصي اي وطني صادق اذا وجد مثل هذه الوثيقة ان يغطس حجرها او الاحتفاظ بيها بسرية تامة دون تقديمها كخدمة مجانية لي مصر

بعدين سؤال على جنبة كده

اذا افترضنا جدلا انو كلام نقد صحيح تفتكر المصريين كانوا ساكتين الفترة السابقة كلها ( قبل استلام حلايب) دون انتزاعها بالطرق القانونية طبعا مابصدق لو زول قال لي المصريين ماعارفين الوثيقة دي .

لك الله ياوطن

تحياتي

زاتوووو

Quote: لكن و بعد تصريحك الاخير ساصوب عيوني و جنودي للحصول علي نسخة وثيقة دار الوثائق و التأكد من صحة ما اتيتنا به

تصريح ؟؟
مش قلت هو مجرد سؤال يا ود التوم ؟ البقاهو تصريح و ( أتيان ) شنو ؟؟

Quote: انت رميت بالقفاز و علي الاخرين لالتقاطه لا الالتفاف حولو

إلتقاط بتاع شنو يا ود التوم ياخ !!
هسه أمانةً في زمتك دي .. الإلتفّ حول الحاجات منو و شال قفاز السجم ده كفتنا بيهو في وش أيماناتنا البقت ملطشة و مشاعة ؟؟

تصريح نقد لا لبس فيه .. و هو تصريح و أبداً ما سؤال يبحث عن إجابة عند التانيين أو دار الوثايق ( بقينا ما عندنا قنبور .. الحمُد ليك يا رب ) .
أكعب حاجة في الكُبُر يا صاحب إنه بيجهجه كلامك و يخليك ربراب و طرباق و طلقيته ساكت .. و تبقي عليك حكاية ( أنا عِمتي واقعة ؟ ) .


......
و كفاية ..
إنسلّ أمرق من أمريكا دي .. فكت ليك كورتك .

Quote: الحزب الشيوعى صـار عميلا مكشـوفاً لمصـر. تقول يا خدر: "سؤال منو القال حلايب مصرية يستوجب وجود إجابة عليه من من يملك معلومات تسند موقفو بانو حلايب سودانية." لا لم يكن هـذا سؤالا ينتظر إجابة، بل إستنكارا فى صيغـة ســؤال، بدليل انه أجاب عليه فورا. نقد ليس قاضيا ليحكم لمصر بحلايب، ولا هو من يقيم الوثائق والأدلة، فهـذا عمل المحاكم الدولية وملف القضية ما زال فى مجلس الأمن والحكومات المتعاقبة لم تسحبه رغم أنها جمدته. ما قام به نقـد عبارة عن عمالة رخيصة لدولة أجنبية ليس إلا.

وانت ليس قاضياً لتحكم على نقد !!! وتاريخ حزب كامل للحزب الشيوعي السوداني ما لكم كيف تحكمون ؟؟؟!!! .







................................................حجر.

Quote: وانت ليس قاضياً لتحكم على نقد !!!

الزيز عبد العاطي حجر
خليك من أبو الريش ده، إنتا رأيك شنو تصريحات نقد؟

تتغاضون عن بيان صادر من الحزب نفسه وتمسكون في جزئية وردت في مداخلة في المنبر
امركم اعجب من عجيب

Quote: بيان من الحزب الشيوعي حول حلايب أن حلايب أرض سودانية ــ هذه حقيقة واضحة كإنسان الشرق ، وطيدة كجبال البحر الأحمر . أنها أرض سودانية سياسياً ، إذ نصت علي سودانيتها الاتفاقيات الدولية التي ابرمت منذ ما يقرب من القرن والتي استندت عليها الحكومات السودانية المتعاقبة منذ الاستقلال فبسطت سيادتها الوطنية كاملة علي مثلث حلايب ، وأكدتها االحكومات المصرية نفسها فأعترفت بهذا الأمر وتعاملت معه كحقيقة واقعة . وهي أرض سودانية تاريخياً ، اذ ارتبطت دوماً ، وعبر القرون والحقب بالسودان. وهي أرض سودانية إثنياً وديمغرافياً إذ يسكنها قوم غاصت جذورهم عميقاً في التربة السودانية وامتدت فروعهم الي كل اجزائها. ويعرف الناس ان نزاعاً خطراً قد نشب حول حلايب ، بين السودان ومصر ، عام 1958م. ويعرفون أيضاً أن حلايب في ذلك النزاع لم تكن لذاتها ، بل كانت وسيلة لجأت اليها مصر للدفاع عن مصالح أخري كانت تراها مشروعة . ويشهد علي هذه الحقيقة الحل الذي توصل اليه الطرفان وانتهي بانسحاب مصر . فقد انسحبت مصر ، ليس لانها عجزت عسكرياً عن استرداد أرض تمثل جزءاً من ترابها الوطني ،و لكن لأنها تأكدت أن مصالحها المشروعة يمكن ضمانها عن طريق آخر ، غير طريق الضغوط العسكرية ، وقتطاع الأرض السودانية. وهذا هو جوهر المسألة . فطوال السنوات الأربع الماضية ظلت مصر تشعر بأن خطراً داهماً يتهددها من الحكومة الأصولية الفاشية الحاكمة في السودان ، وهي تستند إلي اسباب قوية تبرر هذا الشعور , فالبرغم من أن الحكومة المصرية قد وقفت مع هذه السلطة في ايامها الأولي ، وأسبغت عليها دعماً سياسياً ودبلوماسياً كانت في امس الحاجة اليه ، إلا أنها عضت اليد التي امتدت اليها بالمعروف ، وبادرت مصر بالعداء ، طامعة في بناء الامبراطورية الترابية الجديدة . فأحتضنت كل عناصر الارهاب في مصر ، واستضافتهم قادة ومقاتلين ، وعقدت لهم مؤتمرات التوحيد ، وأقامت هم معسكرات التدريب ، وأمدتهم بالاسلحة الفتاكة من مدافع وقنابل يدوية وبنادق وذخائر ، وأغدقت عليهم من أموال الشعب السوداني الذي يتضور جوعاً ،ووفرت لهم وسائل االتسلل عبر الحدود ، بل ناقشت معهم الخطط التفصيلية لزعزعة أركان الدولة وترويع أمن المجتمع . وأشرف علي ذلك السيد حسن الترابي وقادة الجبهة الاسلامية الحاكمة ، فصاروا شركاء أساسيين في كل جريمة ارتكبت ضد الحكومة المصرية ، والمواطن المصري، والإقتصاد المصري . ومدوا اياديهم الي ايران للحصول علي مزيد من السلاح ومزيد من الأموال. وتطور الأمر الي مخطط ارهابي كبير ومكشوف ، فتقاطرت السفن الايرانية الي بورتسودان تحمل أدوات الموت والدمار ، بما فيها الاسلحة الجرثومية ، وتفرغ ما بجوفها بليل وتعيد الكرَّة من جديد . لقد لعب مثلث حلايب دوراً بارزاً في تهريب الاسلحة ، التي استولت السلطة المصرية علي بعضها ، وفي اقامة معسكرات التدريب ، في منطقة عروسة شمال بورتسودان ، وهي معسكرات مصورة ، وفي تأسيس شبكات الارتباط ووسائل الاتصال. ولم يكن في استطاعة مصر أن تسكت علي كل ذلك ، فقامت باحتلال مثلث حلايب السوداني ، رداً لعدوان وردعاً لمعتدين ، ووضعت الحكومة السودانية وجهاً لوجه أمام أفعالها وجرائمها . ومن حق الشعب السوداني أن يتوجه الي حكامه الصغار ، هواة اللعب بالنار ، وبناة الامبراطوريات بالاوهام والرمال ،ماذا انتم فاعلون في حلايب ؟ كيف تحررون ارضاً اقتطعتها من جسد الوطن سياساتكم الحمقاء ، ومؤامراتكم الخبيثة ، مخططاتكم البائرة ؟ هل ترجعونها عن طريق المفاوضات ؟ ولكن كيف تفاوضون نظاماً كافراً حكمتم عليه بالسقوط وعلي رئيسه ورموزه بالموت ؟ وماذا تقدمون له ؟ هل تضحون " بالثورة الاسلامية" وتقدمون مجاهديها خرافاً للذبح بعد أن منيتمونهم الأماني ؟ واين الغزو وتجهيز الغزاة ؟ وكيف تعيشون " سادةً أعزة " وأنوفكم في الرغام ؟ اسئلة يتحداكم الشعب أن تجيبوا عليها. إن سياساتكم ومواقفكم المعلنة ، وادعاءاتكم الاسلامية ، تلزمكم بموقف واحد : القتال ولا شئ غير القتال. فقاتلوا ايها الذين أخرجتم من دياركم ، وأهنتم ، وأستُصغِر شأنكم علي ملأ من الناس ، وعلي مرأي ومسمع من العالم اجمع. والقتال ليس عنتريات فارغة ، ولا مواكب صبيانية ، ولا غازات تنفثها الأفواه . القتال جيش وشلاح ، ودبابات وطائرات ، بل القتال ظفر وناب. فقاتلوا واستشهدوا ، والتزموا بشعاراتكم التي أصمّت آذان الشعب ، وإلاّ فاصمتوا وابتلعوا ألسنتكم الطوال الحداد ، وخبئوا وجوهكم في حمأٍ كثيف من الخزي والعار. أما جماهير الشعب السوداني ، وقوى المعارضة المتمثلة في التجمع الوطني الديمقراطي ، والتي لم تبادر مصر يوماً بالعداء ، ولم تتدخل في شئونها الداخلية ، والتي تعترف بمصالحها المشروعة في الماء والأرض، والتي تسعي لتعميق العلاقات بين الشعبين ، فأنها وحدها القادرة علي حل مشكلة حلايب ، عن طريق التفاوض ، وفي اطار من التفهم العميق للمصالح المشتركة بين الأشقاء. ان ارض حلايب يمكن ان تصبح مشروعاً رائداص للتكامل المصري السوداني ، وموقعاً متقدماً تنطلق منه فيالق المعارضة لتحرير السودان وشعبه من النظام الفاشي الذي يكتم أنفاسه ويزهق روحه ، ويمكن أن يكون يداً تمتد الي مصر بالثمار بدلاً عن القنابل . إننا ندعو التجمع الوطني الديمقراطي للدخول في مفاوضات مع الشقيقة مصر لتحقيق هذا التفاهم ، وانجاز هذا الهدف. الحزب الشيوعي السوداني يوليو - 1993م

الشـيوعي : حـلايب أرض سودانية .. ( وثيقة )

Quote: تتغاضون عن بيان صادر من الحزب نفسه وتمسكون في جزئية وردت في مداخلة في المنبر امركم اعجب من عجيب

الأخ حيدر حسن ميرغنى،
أبدا لم نتغاضى عن بيان الحزب وكان هـذا ردنا فى ذات البوست الذى أشرت اليه:

Quote: الأخ الفاضل عبدالقادر محمد الموضوع فى غاية البساطـة.. هـذا البيان صادر بتأريخ 1993 تصريح نقد فى عام 2009 وبما أن نقد ليس عضوا عاديا فى الحزب، بل هو السكرتير العام، والتصريح كان فى مكتبه بدار الحزب بمعنى أخر صرح بصفته الرسمية كسكرتير الحزب بأن حلايب مصرية وأدعى وجود وثائق تثبت ذلك.. وهـذا التصريح الأخير يلغى البيان القديم. أمام الحزب الأن الخيارين التاليين: 1- نفى التصريح وتكذيب من نقل الخبر، ويكون ذلك ببيان رسمي بواسطة الحزب وليس أعضاء المنبر.. وهـذا أسلوب متبع وكل يوم تجد مسؤول يصف ما نقل عنه أنه (عار من الصحـة) 2- تاكيد بيان 1993 رسميا بواسطـة الحزب، وليس أعضاء المنبر، والتبرأ من التصريح وتحميل نقد مسؤوليته عنه ومحاسبته عليه. فيما عدا ذلك، فإن تصريح نقـد يعتبر أخر موقف للحزب الشيوعى السـودانى من مشكلـة حلايبن ويلغى كل المواقف السابقة بما فيها موقفه المعارض لإسترداد حلايب بالقوة عام 1958 الدوران حول مشكلة الحزب هـذه لن يحلها ويجب عليه مواجهتها بالشجاعـة الكافيـة.

سلام حيدر

Quote: تتغاضون عن بيان صادر من الحزب نفسه وتمسكون في جزئية وردت في مداخلة في المنبر امركم اعجب من عجيب

هذا البيان نهديه لنقد والعشا باللبن





اما ما جاء في المنبر فأمره خطير وهو ايضا وثيقة - حسب تعريف عبد الله العروي للوثيقة -
وهو طازج وجديد وقد قيل في مركز الحزب الشيوعي وفي لقاء رسمي .

ومشكلتنا ليست مع بيان الحزب الشيوعي - على تناقضاته - ويمكننا ان نقبل به بوصفه موقفا وطنيا
ولكن مشكلتنا مع تصريحات نقد غير المسؤولة وتبريرات العشا باللبن الفجة .

العزيز مولانا خدر

ووبين عليك و سجمات كتيرات في تبرير ما لا يبرر.
هنالك مخرج واحد لسقطة نقد هذه
هو أن لا يكون قد صرح بما ورد هنا من أساسه
و كفى الله مولانا شر التبرير و الشلهتة.

تحياتي

.

أخونا خدر
تحياتي لك ..


بخصوص المعمعة المجانية حول الكلام "المنقول" عن الأستاذ محمد إبراهيم نقد:

أولا: ليس من الحكمة أعتماد الكلام المنقول عن "لقاء" لمجموعة جلست مع الأستاذ نقد أو غيره،
ولذلك تسقط كل محاولات الإجتهاد عن كونها رسالة لها مدلولات ومقاصد.

ثانيا: لا يحتاج نقد أن ينتظر جلسة/لقاء/دردشة ليمرر رسائل سياسية على هذا النحو.

ثالثا: معلوم للجميع أن للأحزاب والمؤسسات وسائل معتمدة رسمية تعبر عن وجهة نظرها.

رابعا: أنا لا أستطيع أن أنفي الحديث المنسوب لنقد ولا أستطيع بالتالي أن أكذب أحد،
لكن ليس من اللائق نقل تعليق نقد عن حلايب بهذه الكيفية دون إذن منه.

خامسا: مشكلة حلايب مسألة قومية يجب النظر إليها في هذا الإطار، وتحديد مسئوليات الجميع فيها،
بما في ذلك مسئولية الحكومة وضرورة مطالبتها بتوضيح كامل الحقائق حول ذلك .. بعيدا عن
المناورات السياسية.

سادسا: أسلوب الإساءة على طريقة عادل عبد العاطي لرجل في مقام الأستاذ محمد إبراهيم نقد
أسلوب مرفوض .. مع إحترامنا لحق الإختلاف ، فهل يستطيع عادل عبد العاطي أن يتفوه بذلك أمام
رجل في مقام الجد أو الوالد.. هل يستطيع أن يقول بمثل ذلك في وجه الأستاذ نقد؟

سابعا: أرفعوا مطالباتكم للحكومة والأحزاب لإستجلاء الموقف من موضوع حلايب وأبدو بالحزب الليبرالي.


مع خالص تحياتي

سيف اليزل

.

المداخلة ادناه نزلتها في بوست لي ردا على صديقنا امين محمد سليمان
لو نفعت معاكم فبها وان لم تنفع فقول لي يا خدر عشان اشطبها بالتعديل

--------------------------------------------------------------------
نحن مسؤولين عن موقف ورأي الحزب الرسمي

ملاحظات السكرتير العام ننظر لها في إطار مغاير
سيستند على ملاحظتين أظنهما غير خافيتين عن ملاحظتك وإنتباهك

الأولى : ان نقد لديه إطلاع عميق على معظم الوثائق في دار الوثائق المركزية
التي عكف عليها سنوات ، ويبدو انه قد طالع وثيقة هناك لا أظنها سرية الآن
الثانية : ان تصريح نقد ذلك كان في اطار ضيق وغالبآ ان نقد تعامل بثقة و وضوح
مع افراد ذلك الوفد وقال ماقاله ، وما أظنه توقع أن ينشروا ذلك القول

وعليه
أظن لو اليوم صعد محمد إبراهيم نقد منبرآ علنيآ فلن يقول إلا رأي الحزب الرسمي
وسيحتفظ بما إطلع عليه ، ولن يقوله إلا في اللقاءات المغلقة

و رأي الشخصي أن نقد ما كان عليه أن يصرح بما توفر له من معلومات
حتى في ذلك الإطار الضيق ، اللهم إلا مع أصدقائه وزملائه في قيادة الحزب

لكن مساواتك لرأي نقد الشخصي وموقف سلطة الكيزان مساواة ظالمة جدآ
نسبة للفارق الضخم بين الموقفين وأثرهما على الأرض
ف رأي نقد ، رأي مهما توفرت له الدعومات والأسانيد رأي قابل للدحض
وخاصة بالمرافعات القانونية
لكن موقف السلطة المفرط لا يعالج إلا بتحرير حلايب ، فهل ستفعل ؟ ما أظن .

ومن ناحية الأثر ، فإن أثر كلام نقد لن يتعدى المجالس
أما اثر تقاعس السلطة فهو ضياع حلايب

أرأيت الفارق يا أمين ؟

سيف اليزل سلامات

Quote: أولا: ليس من الحكمة أعتماد الكلام المنقول عن "لقاء" لمجموعة جلست مع الأستاذ نقد أو غيره، ولذلك تسقط كل محاولات الإجتهاد عن كونها رسالة لها مدلولات ومقاصد.

يا عزيزي كان هذا لقاء رسمي في المركز العام للحزب الشيوعي .. كيف لا نعتمدو ؟؟ وهل جابت ليها حقارة كمان لأهل كجبار بعد تقديم الخدمات المجانية للمصريين المفرطة في السيادة الوطنية ؟؟

Quote: ثانيا: لا يحتاج نقد أن ينتظر جلسة/لقاء/دردشة ليمرر رسائل سياسية على هذا النحو.

هذا الكلام اعتقد انه موجه حصرا لتبريرات العشا باللبن الفجة والتي هي العذر الأقبح من الذنب .

Quote: ثالثا: معلوم للجميع أن للأحزاب والمؤسسات وسائل معتمدة رسمية تعبر عن وجهة نظرها.

نعم .. ولكن التصريحات في لقاءات رسمية فيها شهود يعتد بها؛ خصوصا اذا كتب أحد الشهود شهادة مكتوبة وموثقة .

Quote: رابعا: أنا لا أستطيع أن أنفي الحديث المنسوب لنقد ولا أستطيع بالتالي أن أكذب أحد، لكن ليس من اللائق نقل تعليق نقد عن حلايب بهذه الكيفية دون إذن منه.

من كلام الناس عن الاستاذ عبد الحكيم نصر انه انسان ذو مصداقية .. ولو كان كاذبا فليأت تكذيب من نقد وانكار . حتى ذلك الوقت عندنا شهادة الاستاذ عبد الحكيم ونحن نأخذ بها في حالة عدم وجود نفي وكذلك لأننا نعرف تاريخ نقد الطويل في العمالة والتمرغ في احضان الاجنبي من روس ومصريين واثيوبيين الخ .

وما دام نقد قال كلامو فليكن مسؤولا عنه .. وانتم انقدوه بدلا من ان تبرروا له .

Quote: خامسا: مشكلة حلايب مسألة قومية يجب النظر إليها في هذا الإطار، وتحديد مسئوليات الجميع فيها، بما في ذلك مسئولية الحكومة وضرورة مطالبتها بتوضيح كامل الحقائق حول ذلك .. بعيدا عن المناورات السياسية.

كلام كويس .. بس الان نحن نناقش جزئية معينة وهي كلام نقد التفريطي وغير المسؤول .. ما هو رأيك فيه ؟

Quote: سادسا: أسلوب الإساءة على طريقة عادل عبد العاطي لرجل في مقام الأستاذ محمد إبراهيم نقد أسلوب مرفوض .. مع إحترامنا لحق الإختلاف ، فهل يستطيع عادل عبد العاطي أن يتفوه بذلك أمام رجل في مقام الجد أو الوالد.. هل يستطيع أن يقول بمثل ذلك في وجه الأستاذ نقد؟

يا زول دا شنو الكلام العاطفي دا ؟؟ عبد الخالق محجوب قال نقول للاعور انت اعور . هو الاعور ذنبو شنو ؟؟ اها نحنا نقول للخائن انت خائن والقزم انت قزم .. انت قايل قوة العين فقط عند الشيوعيين ؟؟ ونقد شنو الما بقول ليهو الحق امام وجهه ؟؟ وحياة اماليا لو جدي نفسو قال ما قاله نقد وفعل ما فعله ويفعله نقد لما ترددت عن قول رأيي فيه وفي وجهه وأمام الملأ .

Quote: سابعا: أرفعوا مطالباتكم للحكومة والأحزاب لإستجلاء الموقف من موضوع حلايب وأبدو بالحزب الليبرالي.

قشة ما تعتر ليك .. والحزب الديمقراطي الليبرالي له موقف واضح في هذه المسألة وقضية السيادة الوطنية من اولوياته؛ ونحن نرحب أي سؤال او مسائلة لنا في هذا الجانب .

مع الاحترام ...

العشا باللبن سلامات

Quote: نرجع بأول الاسئلة لعادل عبدالعاطي صاحب الحزب اليبرالي

صاحب الحزب الليبرالي دي حلوة في فم من يمجد رجلا جالس في قيادة حزب بلا انقطاع لمدة 38 عاما كأن حواء الشيوعية لم تنجب سواه ..

Quote: هل تصريحكـ اعلاه و انت القيادي في حزب سياسي سوداني رأيكـ الشخصي ام موقف حزبكـ من قضايا علي تلكـ الشاكلة؟؟؟؟؟ بالعامي السوداني انت يا عادل لو كنت محل ابراهيم نقد و تملكت معلومة زي دي او علمت بها حا تغتس حجرها ؟؟؟

نعم في حالة وجود صراع قانوني ودبلوماسي على ارض تتبع لبلدي وعندي وثائق تثبت ذلك ووجدت وثيقة اخرى تفيد الخصم لن انشرها .. وذلك لأن هذه هي مهمته وليست مهمتي .. ودا رأيي الشخصي .

Quote: يا عادل عبدالعاطي بوصفك قيادي في الحزب الليبرالي هل من موجهات حزبك اخفاء او تبدبد و ثيقة دولية تحصلت عليها لانها لا تتفق مع مصلحة حزبكـ ؟؟؟؟؟

ليس مصلحة حزبي .. بل مصلحة وطني ولكن من اين لكم معرفة الوطنية يا من تقولون ان العمال ليس لهم وطن ؟؟


اسأل اي طفل في الشارع وقل له اذا كان لك صراع مع خصم يحتل بلدك وهناك عشرات الوثائق مما تسند حقك ؛ ووجدت وثيقة - منفردة - تسند حق هذا الخصم المحتل والمتجبر عليك والمحتل لاراض اخرى في بلادك - من بينها في منطقة النوبة وجبل العوينات الخ - هل تنشرها أم تنشر الوثائق التي تثبت حقك ؟؟

أصغر طفل سيجيب عليكم بالحق؛ شرط الا يكون هذا الطفل شيوعيا طبعا ..




انا شخصيا بدسها واسقط حجرها؛ لأن هذه هي المصلحة الوطنية العليا والتي هي فوق وثيقة منفردة - لو وجدت - بينما كل حقائق التاريخ والارض والسكان تثبت حقنا .

قال المؤمن في شيخو العشا باللبن

Quote: لكن و بعد تصريحك الاخير ساصوب عيوني و جنودي للحصول علي نسخة وثيقة دار الوثائق و التأكد من صحة ما اتيتنا به ,

انشروا الوثيقة المزعومة حتى تضيفوا صفحات جديدة في سفر كتابكم الاسود في العمالة والخيانة والانحطاط


ونحن سننشر وثائق عمالتكم كلها ؛ ومن كل ارشيف متوفر ؛ وبما يفضحكم حقا .



هي حرب من جهة يقف فيها الوطن ومصالحه العليا؛ ومن جهة اخرى المتآمر والمفرط والخائن نقد ومن يطبلون له .

فمرحبا بها .

اولا يا عادل انت اكيد فاهم خدر غلط براحه عليك الله عليهو الزول ده صاحبنا
=====
يا خدر يا صديقي العزيزانت ما عارف انوا بالهظار بس البقول حلايب مصريه بيفور الدم في راسنا
الله يحل زنقتك وستظل صاحبنا خدر مهما كانت النتيجه
وستظل حلايب سودانيه مهما كانت الوثيقه
انا عارف قصدك توصل لينا حاجه معينه لكن عادل وتراجي ما ادوك فرصه
=====
اتحدوا لا تتشتتوا

العذر الأقبح من الذنب :

قالوا : سأل هارون الرشيد ابو نواس عن العذر الأقبح من الذنب .. ما هو وكيف يكون ؟؟

ابو نواس قال ليهو : انا اوريك البيان بالعمل .. بس بعد شوية كدا .

اها ابو نواس انتظر بالمساء هارون الرشيد قاعد وجنبو زوجته زبيدة .. ابو نواس لفا ومشا وراهو وهمزه في مؤخرته (نخسو يعني ) ..

هارون الرشيد انزعج جدا وقال ليهو : دا شنو العملتو يا اب نواس ؟؟ ابو نواس قال ليهو : آسف .. افتكرتها مؤخرة زبيدة .

وقبل ان يقطع هرون الرشيد رأسه؛ شرح له ان هذا هو العذر الأقبح من الذنب .

طبعا ابو نواس ولا كان في الخيال ممكن يتخيل؛ ان هناك من يمكن ان يبذه في شرح العذر الاقبح من الذنب .





ما حضر - المسكين - زمن العشا باللبن .

يقال عند الصوفية في شرح مبدأ الخضوع عندهم للشيخ؛ ان الحوار في علاقته بالشيخ يجب ان يكون كالميت في يد الغاسل

Quote: الأولى : ان نقد لديه إطلاع عميق على معظم الوثائق في دار الوثائق المركزية التي عكف عليها سنوات ، ويبدو انه قد طالع وثيقة هناك لا أظنها سرية الآن الثانية : ان تصريح نقد ذلك كان في اطار ضيق وغالبآ ان نقد تعامل بثقة و وضوح مع افراد ذلك الوفد وقال ماقاله ، وما أظنه توقع أن ينشروا ذلك القول

يجب ان يغير اخوتنا الصوفية مثلهم ويقولوا : ان الحوار في مواجهة الشيخ يجب أن يكون كالشيوعي في يد نقد .

أبونواس بالغ..بي أمانة!

+تمجيد الأحزاب ورموزها (حتى ولو على حساب الوطن نفسه) واحدة من أكبر مشكلاتنا السياسية

طيب السؤال الماالإتسال لحدي هسة

Quote: قال الأستاذ محمد إبراهيم نقـد فى مقابلة مع وفد من أبناء كجبار زاره فى مكتبه بمركز الحزب

ليه قال الكلام ده لناس كجبار
ليه ما قاله لاي وفد من الوفود البلاقيها

علاقة حلايب مصرية مع محور حمدي الحده دنقلا واراضي المحس وحلفا المتاخمة لحلفا وتوطين المصريين في غرب السكوت وغيرها من اراضي شمال دنقلا شنو؟؟

معروف عن نقد الذكاء والنظرة الثاقبه...هل هي رسالة انو حلايب موضوع محسوم وانتو بلوا رأسكم؟؟

هنالك احتمالين:
اما نقد ما قال الكلام ده او حديثه المنقول اتفهم مغلوط وخاصة انو الحزب الشيوعي رسميا ما صرح موقفه من قضية حلايب بشكل واضح عبر بيان أواي تصريح بخصه
أو بكون قال الكلام ده عديل كدة وده معناه يا ناس كجبار بلو راسكم...الطلع وثيقة تمصر حلايب ما بغلبه وثيقة تانية انو كجبار مصرية خاصة انو المصريين بدوا يتحدثوا عن حدود وعلاقات جديدة.





_
خدر كيفنك وعساك طيب

عرفنا تحذيرك ليهو يا خدر...

Quote: لعلمي بضيق زمنك الما حا يتيح ليك متابعة اخبار البوستات سأوافيك بأخبار الحملة تباعا هنا يا نقد, فانتظرني

الإعتذار نيابة عنو دي جديدة كرت والله!
ما سمعتا بمستشار الرئيس الصحفي اللحق أمات طه ذات لقاء نيابة عن الرئيس المتهم عمر البشير؟

لووولز
تلقانا نحن يانا نحن...نقد ولا غيرو من الناس ما مهم...المهم كيف...شنو وليس منو!
رسالة الى العم شوقي بدري: حلايب صحي "حلبية"؟ أم أن الظلم ليس وجه واحد؟

المهم...

سيف اليزل الماحى كتب:

Quote: لكن ليس من اللائق نقل تعليق نقد عن حلايب بهذه الكيفية دون إذن منه.

يا ابن العم انا شخصيـا ما شيوعى ولوائح الحزب الشيوعى الداخلية ما تنطبق على.. اللوائح
التى تفرض على العضو الحصول على ورقة من الحزب بالموافقة على العودة الى الســودان كما نشر فى مكان اخر.
أى شيوعى يريد فعل شئ أو التصريح بشئ يجب أن يحصل على ورقة من الحزب أولا، وهـذا من الأسباب التى جعلتهم
متجهجهين وما قادرين يردوا على ابسط سـؤال منذ اسابيع.. وواحد منهم قالها صراحة فى مداخلة..قال:
إنت قايل اللجنة المركزية والمكتب السياسى حيجتمعوا الليلة عشـان يردوا على أسئلتك دى (أو حديث بنفس المعنى)

هل يمكن بعد هـذا تسميـة العضو الشيوعى ب (ورقـة)؟

والسـودان يضيـع بين كوز و ورقـة

لا نستـأذن من نقـد ولا من سيــده الرئيس حسنى مبارك، ونحن ما أوراق.

خدر..
تحياتي..
أولا - مع إحترامي أعتقد إن أولويات العمل السياسي الآن هو ترتيب البيت من الداخل..
لذا فإن إطلاق مثل هذا الحديث ( سؤال أو تصريح برأي )..
سواء من الأستاذ نقد المنسوب إليه أو غيره لم يصادف وقته..



ثانيا- مع افتراض أن لمصر وثائق من عهد الإستعمار سواء عهد محمد على باشا..
أو الحكم الثنائي..
فمثل هذه الوثائق لا حجية لها في تقديري للأتي :
1ـ لأنها صدرت في فترة إستعمارية لم يكن يملك الشعب السوداني زمام أمره..

فضلا عن أن تقرير المصير حسمه البرلمان السوداني بالإستقلال التام وفق الخارطة الجيوسياسية التي قررها الحكم الثنائي..


2ـ العهود الإستعمارية للسودان أضحت ضربا من التأريخ ..
جبها تماما عهود الإستقلال..

3- وثائق العهود الإستعمارية وفق ما استقر عليه العمل في سائر الدول..
حجيتها قاصرة فيما يتعلق بنزاعات داخلية ( أي بين السودانين)..
أما أن تحتج دولة على دولة أخرى كانت ضمن مستعمراتها في السابق..
بوثائق صادرة لصالحها في الفترة الإستعمارية..
فهذا ما لا يمكن قبوله..
لأن إصباغ الحجية على مثل هذه الوثائق ..
يعد سابقة خطيرة يفتح الباب أمام تفسير الهيمنة الإستعمارية كحق شرعي يحتج به..
ومن ثم يصبح لأي دولة كامل الحجية لإعادة هيمنتها على أي جزء من دولة كانت ضمن مستعمراتها ..
من ناحية أخرى..

وعلى افتراض إضفاء الحجية على مرحلة الإستعمار المصري التأريخية..
فما الذي يمنع السودان منطلقا من ذات القاعدة..
من الإحتجاج بمراحل تأريخية ..
كانت خلالها بلاد المريس اومصر العليا كلها أرض سودانية..
وظلت كذلك حتى قيام دولة المماليك?

حلايب تأريخيا وحاليا أرض سودانية..
نقوش المملكة المصرية القديمة تقر بأنها ضمن بلاد البجا..
ولا زالوا هم سكانها..
أما فرية حق تقرير المصير لسكانها..
والتمترس بنصوق القانون الدولي ..
فهي حجة كيدية تنم بوضوح على عدم إعتراف مصر بأن الشعب السوداني ..
ومن ضمن قطاعاته الإثنية البجا..
قد قرر مصيره منذ 1956.

فمالكم كيف تنطلي عليكم حيل المصرين?

..
خارج النص
تقديرأ لظرف وليس دفاعا عن شخص..
من حق أي شخص إنتقاد من يشاء في أي وقت يشاء....
ولكن..
مع إفتراض الموضوعية فيما تقدم من نقد للحديث المنسوب للرجل ..
ألا تستشعرون حرجا فيما تمرّ به بلادنا من ظروف سياسية دقيقة ؟
..
ألا يبدو البعض منطلقا في هذا البوست ..
بعزم القائل ( أهي فرصة وجات عندي) ?
..
رأي شخصي:
أجمل ما في البوست الأغنية..
لحنا وكلمات.

سيد البوست بقت عليهو قصة (الجا يكحلها عماها) ..
منطق غريب ياخدر ...

صباح الخير يا شباب
و شكرا لكل من تداخل .. مبدئيا دي ردود سريعة لاستعدال مسار البوست الاتشحن بالعواطف بدون تفنيد عقلاني لتصريح نقد او قراية علمية للتصريح و محاولة توقع مسارو

هشام ادم
راجع اعلي البوست انا لا ابرر لابراهيم نقد ولا ينبغي لي
ذكرت ذلك في بداية البوست .. انا احلل فقط و اتسائل
سؤال
تصريح نقدكما هو بعاليه .. كيف تقرأة خيانة ام خبر ؟

سعد الدين
راجع ردي علي هشام ادم حول التبرير
او اثبت اني بررت لي نقد

سيف البزل سلامات
القضية عندي ليس موقف الاحزاب القضية مثار النقاش هنا
كل حزب حا يطرش لينا بيان عن موقفو المبدئي و العاطفي ( افي زول فينا كلنا ما عاوز حلايب سودانية)
و دي كلها ما بتهمني في شي المهم في تقديري هو كم الوثائق التي تؤكد تبعية حلايب للسودان
نحن كسودانيين واحد من الاسباب الرئيسية لتأخرنا هو ممارسة السياسة بقلوبنا لا عقولنا


مورتون زكريا سلامات
شايف عادل ده بي صوتو العالي بقي يخوفكم
لمن يقيتوا تشفقو علي البختلف معاهو
ياريت وكت عندك معزة عند عادل كلمو يوضح فهمو للخبر المنشور بعيدا عن زعلتو من نقد و الحزب الشيوعي
انا الحبة ما بتجيني .. اطمئن يا صاحب


قمر بوبا
شكرا علي التفكير المختلف و المفتوح
ياريت كلنا نفكر بي عقل مفتوح بدل الببغائية السياسية الحاصلة دي


انور كنج
اقراء البوست ياخي في الاول
انا ما اعتذرت نيابة عن نقد
و خليك امين يا حبيب القصة ما مسابقة القبعة


طة الملك
شكرا لي التفكير المرتب و المختلف
نتفق و نختلف في مواقفنا و الايام دائما تؤكد صحة رأي و عدم اخر
شكرا علي المداخلة الدسمة


محمد عبدالرحمن
انا ما جيت اكحل يا فنان .. ده تحليلي
و موقفي من الامر كلو
و لك خيار محاكمة موقفي لا وصفو بما ليس فيه



عبد العاطي الزعلان , بجيك بي رواقة لي دفن الليل اب اباطا بره البتسوي فيهو ده


مودتي للجميع

كامل التقدير للعزيز محمد طه الملك...
ياخي الله يديك العافية ويكملك بعقلك ومنطقك...

Quote: ثانيا- مع افتراض أن لمصر وثائق من عهد الإستعمار سواء عهد محمد على باشا.. أو الحكم الثنائي.. فمثل هذه الوثائق لا حجية لها في تقديري للأتي : 1ـ لأنها صدرت في فترة إستعمارية لم يكن يملك الشعب السوداني زمام أمره.. فضلا عن أن تقرير المصير حسمه البرلمان السوداني بالإستقلال التام وفق الخارطة الجيوسياسية التي قررها الحكم الثنائي.. 2ـ العهود الإستعمارية للسودان أضحت ضربا من التأريخ .. جبها تماما عهود الإستقلال.. 3- وثائق العهود الإستعمارية وفق ما استقر عليه العمل في سائر الدول.. حجيتها قاصرة فيما يتعلق بنزاعات داخلية ( أي بين السودانين).. أما أن تحتج دولة على دولة أخرى كانت ضمن مستعمراتها في السابق.. بوثائق صادرة لصالحها في الفترة الإستعمارية.. فهذا ما لا يمكن قبوله.. لأن إصباغ الحجية على مثل هذه الوثائق .. يعد سابقة خطيرة يفتح الباب أمام تفسير الهيمنة الإستعمارية كحق شرعي يحتج به.. ومن ثم يصبح لأي دولة كامل الحجية لإعادة هيمنتها على أي جزء من دولة كانت ضمن مستعمراتها .. من ناحية أخرى.. وعلى افتراض إضفاء الحجية على مرحلة الإستعمار المصري التأريخية.. فما الذي يمنع السودان منطلقا من ذات القاعدة.. من الإحتجاج بمراحل تأريخية .. كانت خلالها بلاد المريس اومصر العليا كلها أرض سودانية.. وظلت كذلك حتى قيام دولة المماليك? حلايب تأريخيا وحاليا أرض سودانية.. نقوش المملكة المصرية القديمة تقر بأنها ضمن بلاد البجا.. ولا زالوا هم سكانها.. أما فرية حق تقرير المصير لسكانها.. والتمترس بنصوق القانون الدولي .. فهي حجة كيدية تنم بوضوح على عدم إعتراف مصر بأن الشعب السوداني .. ومن ضمن قطاعاته الإثنية البجا.. قد قرر مصيره منذ 1956. فمالكم كيف تنطلي عليكم حيل المصرين?

سلام قمر بوبا

Quote: ليه قال الكلام ده لناس كجبار ليه ما قاله لاي وفد من الوفود البلاقيها

اعتقد لأنهم تحدثوا عن التغول المصري .. وربما يكون قاله لوفود اخرى

Quote: علاقة حلايب مصرية مع محور حمدي الحده دنقلا واراضي المحس وحلفا المتاخمة لحلفا وتوطين المصريين في غرب السكوت وغيرها من اراضي شمال دنقلا شنو؟؟

علاقة وثيقة فيما اعتقد .. اظن وبعض الظن اثم ان محمد ابراهيم نقد على علم بمخطط النظام لاقتطاع اجزاء من شرق وشمال السودان وشمال دارفور ومنحها للمصريين وهو موافق على هذا المخطط .

Quote: معروف عن نقد الذكاء والنظرة الثاقبه...هل هي رسالة انو حلايب موضوع محسوم وانتو بلوا رأسكم؟؟

والله لو ذكي ونظرتو ثاقبة ما كان بيكون شيوعي حتى الان .. وربما فعلا قاصد يقول بلوا راسكم .. طيب رأسهم دا ما راسنا كلنا ..

Quote: هنالك احتمالين: اما نقد ما قال الكلام ده او حديثه المنقول اتفهم مغلوط وخاصة انو الحزب الشيوعي رسميا ما صرح موقفه من قضية حلايب بشكل واضح عبر بيان أواي تصريح بخصه

الاخ عبد الحكيم ليس له مصلحة في الكذب وقد شهد له الجميع بالمصداقية والامانة .. ونقد او من يمثلوه لم ينف .. اذن الاحتمال الاول ساقط او ضعيف في احسن الاحوال.

Quote: أو بكون قال الكلام ده عديل كدة وده معناه يا ناس كجبار بلو راسكم...الطلع وثيقة تمصر حلايب ما بغلبه وثيقة تانية انو كجبار مصرية خاصة انو المصريين بدوا يتحدثوا عن حدود وعلاقات جديدة.

ما تستغرب من نقد اذا دعى الحال ان يقول ان سنار نفسها مصرية .. وهناك الان حديث مصري خطير عن تبعية سواكن لهم .

اتفاقية 1899م التي يعتمد عليها المصريين في تبعية حلايب لمصر
تتضمن كذلك سواكن وحلفا، ولكن سواكن سقطت من القائمة لاعتبارات إدارية

إذن فهناك رابط قوي جداً بين حلايب وبين مناطق النوبة، وتحديداً حلفا

سلام يا هشام

Quote: اتفاقية 1899م التي يعتمد عليها المصريين في تبعية حلايب لمصر تتضمن كذلك سواكن وحلفا، ولكن سواكن سقطت من القائمة لاعتبارات إدارية إذن فهناك رابط قوي جداً بين حلايب وبين مناطق النوبة، وتحديداً حلفا

في زيارتي الاخيرة للقاهرة قرأت مقالا في احدي الصحف المصرية لصحفي مصري
يطالب فيها الحكومة المصرية ان تعمل على استعادة سواكن لها ردا على "تمسك السودانيين بحلايب" وضغطا عليهم لكيما يتخلوا عن حلايب

ويجي نقد متبرع ليهم يقول حلايب مصرية .. أها سواكن كيف يا اللخو ؟؟


شفت المسخرة يا هشام ؟

العشا باللبن وقبيلة النعام وعابدي صنم الحنضل

تعالوا اتعلموا من الاخ حاتم علي :

Quote: هذا الموضوع لن يحسمه العم شوقي بدري متعه الله بالصحة و العافية ، بل سيحسمه السيد نقد نفسه ببساطة : على العم نقد أحد أمرين أحلاهما مر : 1. نفي تصريحاته تلك و تكذيب قولها ببيان رسمي من الحزب الشيوعي السوداني 2. إثبات صحة كلامه و إحضار تلك (الوثيقة المزعومة) من دار الوثائق السودانية و بالتالي تكون (حلايب مصرية) كما زعم و كفانا مناكفة ! بعيداُ عن كل هذا : حلايب سودانية و ستبقى سودانية و اهلنا البجا هناك هم سودانيين و مهما صرحوا و مهما خرجت الينا من وثائق تبقى (حلايب سودانية) ، و ما البلاد ؟! ماهي إلا (سكانها)

المرجع : Re: رسالة الى العم شوقي بدري: حلايب صحي "حلبية&quo... الظلم ليس وجه واحد؟

قمربوبا كتب:
"ليه قال الكلام ده لناس كجبار
ليه ما قاله لاي وفد من الوفود البلاقيها"

لم أفهم معنى تعليقك هـذا.. يعنى لازم يقول لناس كتار؟


أخطر توجهات السياسيين يخطفها الصحافيون والسياسى يلعب القولف..

وزيرة الخارجية الأمريكة تعلن موافقتها لتوسيع المستوطنات فى موتمر صحفى مشترك مع رئيس الواق واق حول البيئة!!

المهم هو قال هـذا الكلام وقاله بصفته سكرتير عام الحزب لأن الوفد كان رسمى والمكان مكتب نقـد فى دار الحزب.

الحزب الشيوعى وقع فى مستنقـع العمالة لمصـر وهـذا الأمر لا يحتاج الى كثير تنقيب.

.
كتبنا:
لكن ليس من اللائق نقل تعليق نقد عن حلايب بهذه الكيفية دون إذن منه.


وكتب أبو الريش:

Quote: يا ابن العم انا شخصيـا ما شيوعى ولوائح الحزب الشيوعى الداخلية ما تنطبق على.. اللوائح التى تفرض على العضو الحصول على ورقة من الحزب بالموافقة على العودة الى الســودان كما نشر فى مكان اخر.

المحترم الأخ أبو الريش
أخلص تحياتي ..

أنا أيضا لست شيوعيا ولا تنطبق علي لوائح أي حزب، كما أن لوائح هذا الحزب أو غيره مسألة تخص عضويته
مالم يضار أحد بهذه اللوائح، لكن حتى لا نخلط الموضوع ونعجن في الطرف الذي يناسبنا! فما قصدته
بنقل الكلام عن الشخصيات العامة يتطلب شيئا من الدقة والتروي والتأكيد واكتمال المعلومة،
فماذا نفهم نقل حديث مبتور بلا توضيح: "منو القال حلايب سودانية" المنسوب للأستاذ نقد!؟
أبسط قواعد النشر كانت تتطلب سؤاله ساعتها عن مصدر المعلومة وعن رأيه كزعيم لحزب سياسي، وبعد التوضيحات
يطلب منه الموافقة على نشر وجهة النظر هذه بإعتبار كونه يمثل مؤسسة معلومة، وينطبق الأمر أيضا لو
كانت وجهة النظر الشخصية المنشورة يترتب عليها ضرر لفرد أو جماعة أو مؤسسة،

وأنت تستنكر دعوتنا بضرورة إستئذان المتحدث في نشر تعليقاته من إجتماع/لقاء، فلماذا لم ينشر
كل ما دار بين وفد كجبار والأستاذ نقد؟! إن لم تكن تلك هي طبيعة اي إجتماع بين شخصين/ جهتين/وفود
ولابد أنه محكوم بخصوصية وإلا كان الإجتماع نفسه غير ممكن ودون معنى وبلا هدف.

فإن تحدثت معك عبر الهاتف فليس من حقك أن تنشر حديثي على الناس، ولو جئت بمليون شاهد ومستمع!

أما لو كان حديث نقد على هذا القدر من الخطورة الى درجة الخيانة الوطنية، فيستلزم ذلك أن يرجع
وفد كجبار أو أحد أعضائه للأستاذ نقد ويطلب توضيحا كاملا ورسميا للحديث المنقول من ذلك الإجتماع.

أنا أتوقع أن يذهب صحفي همام ويطرح السؤال التالي لنقد:
الأستاذ نق، معك الصحفي فلان الفلاني صحيفة كذا: ينسب أليك أنك في إجتماع ضمك ووفد من كجبار صرحت بعبارة تقول: منو القال ليكم حلايب سودانية؟! نرجو أن نسمع منك صحة الحديث المنسوب لسيادتكم، مع توضيح وجهة نظركم في قضية حلايب بوصفكم سكرتير الحزب الشيوعي السوداني؟
بعد نهاية الحوار يستأذن الصحفي بالنشر.

* لكن تبرير أخونا خدر ما بتهضم .. لأنو نقد يعتمد الوضوح المباشر والساخر في كل أحاديثه،


مع عامر تحياتي


سيف اليزل

.

تحية للجميع ، مع رجاء إعادة قراءة الملف أدناه الذي ابتدرناه :


حول دعوة " الدكتور مصطفى النشرتي " نزع أراضٍ سودانية جنوب " حلايب " .

أنا أتوقع أن يذهب صحفي همام ويطرح السؤال التالي لنقد:
الأستاذ نق، معك الصحفي فلان الفلاني صحيفة كذا: ينسب أليك أنك في إجتماع ضمك ووفد من كجبار صرحت بعبارة تقول: منو القال ليكم حلايب سودانية؟! نرجو أن نسمع منك صحة الحديث المنسوب لسيادتكم، مع توضيح وجهة نظركم في قضية حلايب بوصفكم سكرتير الحزب الشيوعي السوداني؟
بعد نهاية الحوار يستأذن الصحفي بالنشر.
ياريت ياسيف .. وأيضا غير مفهوم هذا الصمت و عدم المبادرة بالتوضيح من الحزب الي وقته !!

في رأيي المتواضع أن ما حدث زلة لسان من عمنا الأستاذ نقد ..! وأخشي أن أزيد علي هذا
وتبرير ذلك بأنه أراد إحراج الحكومة يكون تماما مثل قاتل أمه.. كما روي الأخ عادل... ولكن حك الموضوع بهذه الكيفية وفي أشهر موقع سوداني علي النت ( بغرض تسجيل النقاط والتشفي من نقد أو حزبه..أيضا بشكل أو بآخر مثل قاتل أمه... لأنو ببساطة بنقول للمصريين والدنيا إنو عندنا زعماء وسياسيين بحجم وتاريخ نقد .. عندهم شك في تبعية حلايب للسودان...


رابعا: أنا لا أستطيع أن أنفي الحديث المنسوب لنقد ولا أستطيع بالتالي أن أكذب أحد،
لكن ليس من اللائق نقل تعليق نقد عن حلايب بهذه الكيفية دون إذن منه.
.
. نعم ..موضوع خطير ذي دا .. المفروض يتحك مع نقد في محله والتأكد منه جيدا قبل نشره هنا.. لان المسألة ليست سبق صحفي بأي تمن ...
أتمني أن نري توضيحا رسميا من الحزب ولايكفي البيان القديم في هذا الشأن بالطبع

الشفيع سلامات

Quote: ياريت ياسيف .. وأيضا غير مفهوم هذا الصمت و عدم المبادرة بالتوضيح من الحزب الي وقته !!

غير مفهوم اطلاقا الا لمن يعرف لا مسؤولية نقد وعن(.........)ته ونزقه .

Quote: في رأيي المتواضع أن ما حدث زلة لسان من عمنا الأستاذ نقد ..! وأخشي أن أزيد علي هذا

كلام بالقطعية دي يكون زلة لسا ن ؟؟ طيب ودفاع الشيوعيين عنو في شنو ؟؟ بل ذهب البعض لانتهاج منهج "إن قالها فقد صدق " .. تقول رسول !

Quote: وتبرير ذلك بأنه أراد إحراج الحكومة يكون تماما مثل قاتل أمه.. كما روي الأخ عادل...

تبرير خدر بالغ فيهو

Quote: ولكن حك الموضوع بهذه الكيفية وفي أشهر موقع سوداني علي النت ( بغرض تسجيل النقاط والتشفي من نقد أو حزبه..أيضا بشكل أو بآخر مثل قاتل أمه... لأنو ببساطة بنقول للمصريين والدنيا إنو عندنا زعماء وسياسيين بحجم وتاريخ نقد .. عندهم شك في تبعية حلايب للسودان...

هو اصلا قالوا بسبب مصالح مع المصريين؛ واكيد قالوا ليهم وجها لوجه .. وحك الموضوع بالدرجة دي على العكس بيوري المصريين انو في ناس لا يمكن تتراجع عن حلايب ومستعدة لمسح اي سياسي سوداني يخدم المصريين بالارض في هذا الموضوع؛ وستجعل اي سياسي اخر يفكر مرتين قبل ان يقول اي كلام غير مسؤول .

Quote: رابعا: أنا لا أستطيع أن أنفي الحديث المنسوب لنقد ولا أستطيع بالتالي أن أكذب أحد، لكن ليس من اللائق نقل تعليق نقد عن حلايب بهذه الكيفية دون إذن منه.

وهو استأذن منو عشان يقول كلامو الفارغ دا ؟؟ وانا شخصيا متوقع انو ينكر لكن حينها سيفتضح امام عيون من كانوا حاضرين .. وحتى لو سكتوا عنها سيعرفوا في قرارة انفسهم لماذا نسميه بالقزم .

Quote: نعم ..موضوع خطير ذي دا .. المفروض يتحك مع نقد في محله والتأكد منه جيدا قبل نشره هنا.. لان المسألة ليست سبق صحفي بأي تمن ... أتمني أن نري توضيحا رسميا من الحزب ولايكفي البيان القديم في هذا الشأن بالطبع

والله مفروض يتحكا لكن الظاهر الجماعة كانوا مصدومين .. واكيد البيان القديم لا يكفي ..

يا عادل انا لم اضع مصداقية عبدالحكيم في المحك...الذي اعرفه عن عبدالحكيم انه من اصدق البشر
فقط قرأت الاحتمالات انو مافي احتمالين لا ثالث لهم...وشرحت الاحتمال التاني انو في حالة قوله قال كدة لي شنو

تحياتي

يا ابو الريش

كلامي المافهمته انت لو قريته للنهاية مفهوم انو قال الكلام ده تحديدا لناس كجبار لان هنالك اراضي اخري في مهددة بالتوطين المصري عشان كدة سألت
ارجو انو قدرت افهمك

تحياتي

قمر بوبا سلام

Quote: يا عادل انا لم اضع مصداقية عبدالحكيم في المحك...الذي اعرفه عن عبدالحكيم انه من اصدق البشر فقط قرأت الاحتمالات انو مافي احتمالين لا ثالث لهم...وشرحت الاحتمال التاني انو في حالة قوله قال كدة لي شنو

اعرف انك لم تشكك - وان شكك اخرون - ولكن انا ايدجت احدي احتماليك بما يتوفر لي من بيانات ووقائع

لك التجلة .

عادل الفالح
شوف يا معلم , الفنجطة البتسوي فيها في بوستي ده و بوستات اخري ده غير البوستات الافترعتها انت
ما بتمر علي اي حصيف او عاقل ينظر للسياسة السودانية بمنظار غير حزبي , انت عندك خلاف مع
الحزب الشيوعي ( طبعا لن اغامر و ازج اسمك مع اسم الاستاذ نقد في سطر واحد لاتساع بون المعرفة
اولا و الخبرة السياسية ثانيا) و في ده صدقني انا لست ضدك و مع نقد ولا معك ضد نقد , انا اقرر
حقيقة بسيطة عمادها الرياضيات الاولية بتاعت الابتدائي ديكـ , يعني لو طرحنا عمر الاستاذ نقد
من عمرك حا تمرق بي قد القفة زي الورد , سياسيا و معرفيا و كذا مع جميع قادة الاحزاب السياسية.


وقصة مهاجمتك المستمرة لي نقد دي بتذكرني قصة المواطن السوداني زمن الحكم الانجليزي الكان بسمع
عن بطولات الناشطين آنذاكـ في مقاومة الاستعمار و ظن يوما ما ان السانحة قد و اتته كي بكون في
عداد المناضلين المناهضين للاستعمار ساعة مر المفتش الانجليزي علي ظهر حصانه عابرا السوق فواجهه
المواطن ملوحا بقبضة يديه صائحا يسقط الانجليز يسقط الاستعمار .. فما كان من المفتش الانجليز الا ان
ضحك و ربت علي كتف المواطن و قال براوه ( فالح) عليكـ براوه عليك و واصل سيره .. تعبر راسي هذه
القصة المضحكه كل ما رأيت لك بوستا تشتم فيه ابراهيم نقد.
ما ترشد اليه القصة السابقة انو يجب عليك يا عادل ان تسلك الطريق الصحيح في السياسة و هو مقارعة
الحجة بالحجة لا نبش تاريخ القيادات السياسية و تجرميهم كما تفعل الان مع نقد و كما فعلت قبلا مع السيد الصادق
المهدي متهكما كون انو (بولع) عطفا علي رواية زوجه و إبنته.

حول البوست .. حتي الان انت لم تأت بجديد حول التصريح و رحت توزع الاتهامات و علي نقد في محاولة
مضحكة لاخافة كل من يحاول ان يفكر في التصريح بطريقة عقلانية و تهديده بإلصاق النعوت به و بنقد
و بكل من يعترض طريق تشويهكـ لسمعة مختلفيك في الرأي وده طريق ممكن يكون بسعدك جدا الان لكنو
ما حا يكشف ليك موقف المواطن منك او من حزبك لانو صندوق التصويت محمي بستارة عازلة.
عن نفسي و ده موقف حا اخصك بيهو بشكل خاص انا طارق ابوعبيدة ده انت (كحزبي صغير ) و ابراهيم نقد
(كحزبي متمرس ) لا عاصم لكما من قلمي إن جانبتم الخطاء ينطبق هذا علي كل الساسة.

تطبيقا حرفيا لكلماتي اعلاة حول ممارستك يا عادل للسياسة بفلسفة الدجاجة و الحبة , انت جيت في اول
البوست ده و قلت حرفيا

Quote: الشيوعيون يعملون تشويه سمعة ومصداقية الاستاذ عبد الحكيم نصر انقاذاً لمحمد إبراهيم نقد

و لم تنتظر حتي رد عبدالحكيم عليك و مشيت فتحت بيها بوست تاني .. هنا
الشيوعيون يعملون تشويه سمعة ومصداقية الاستاذ عبد الحكيم... لمحمد إبراهيم نقد !
و حدث لسؤ طالعكـ ان عبدالحكيم المستشهد به ضد تصريح ابراهيم نقد و المستخدم من جانبك كمخلب قط ( اشكر هنا الاخ عبدالحكيم علي وضوحة و امانته مع نفسه في زمن الابطال الزائفون هذا) انتبه و شهد بعكس
ما يروي إبلكـ العطشي لتشويه تاريخ ابراهيم نقد السياسي .. انظر ادناه









سأترك شهادة عبدالحكيم اعلاه تشرح الحال (الخطوط داخل الرسالة من عندي) ولا تعليق لدي سوي انو
بعد موقف عبدالحكيم الواضح ده و الاحراج الدخلك فيهو يا عادل اقترح عليك انو يكون بوستك القادم بعنوان
الشيوعيين مارسوا ضغوط علي عبدالحكيم حتي يغير شهادتو

ازيك ياخدر
الشتاء دخل بي جاي والمظاهرات انتهت ونحن بخير
وبالتالي :
انا عايز اقول ليك حاجة ياخ
ياريت تدينا لينك حفظ للاغنية الجميلة دي


أما بخصوص البوست فربنا جل وعلا يحلك كما حل بله

دا تصريح خطير يا عادل عبد العاطي

Quote: والانقاذ نحاكمها بالخروج في الشوارع ويحاكمها الشرفاء المعتقلون والمعذبون ولا حل لنا غير اسقاطها ؛ فقط يجب ان نعرف من هو الصديق ومن هو العدو في نضالنا ضد الانقاذ

راجع نفسك يا زول ، ما تتمادى ؟

ونواصل معاك يا العشا باللبن

Quote: حول البوست .. حتي الان انت لم تأت بجديد حول التصريح و رحت توزع الاتهامات و علي نقد في محاولة مضحكة لاخافة كل من يحاول ان يفكر في التصريح بطريقة عقلانية و تهديده بإلصاق النعوت به و بنقد و بكل من يعترض طريق تشويهكـ لسمعة مختلفيك في الرأي وده طريق ممكن يكون بسعدك جدا الان لكنو ما حا يكشف ليك موقف المواطن منك او من حزبك لانو صندوق التصويت محمي بستارة عازلة.

البوست البيقول انو نقد قال كلامو الفارغ عشان يحرج الحكومة ؟؟ اهو المواطنين ما انتظروا صندوق التصويت وقالوا ليك كلامهم حار حار .. اما زعمك عني فهي رغائب ذاتية لا تعبر الا عنكم فأنا هنا لا احمل سوطا وليسلي غير كي بورد مثلكم .. الناس تخاف مني ليه ؟؟ وليه انت تفترض ان الناس جبانة يا العشا باللبن ؟؟

Quote: عن نفسي و ده موقف حا اخصك بيهو بشكل خاص انا طارق ابوعبيدة ده انت (كحزبي صغير ) و ابراهيم نقد (كحزبي متمرس ) لا عاصم لكما من قلمي إن جانبتم الخطاء ينطبق هذا علي كل الساسة.

يا عمي انا انزل فيني زي ما عايز .. قشة ما تعتر ليك .. لكن هل هذا البوست هو جزء من نقدك لي نقد ؟؟ كان دا نقدك والله الواحد ما عايز يشوف مدحك .

Quote: تطبيقا حرفيا لكلماتي اعلاة حول ممارستك يا عادل للسياسة بفلسفة الدجاجة و الحبة , انت جيت في اول البوست ده و قلت حرفيا Quote: الشيوعيون يعملون تشويه سمعة ومصداقية الاستاذ عبد الحكيم نصر انقاذاً لمحمد إبراهيم نقد و لم تنتظر حتي رد عبدالحكيم عليك و مشيت فتحت بيها بوست تاني .. هنا الشيوعيون يعملون تشويه سمعة ومصداقية الاستاذ عبد الحكيم... لمحمد إبراهيم نقد ! و حدث لسؤ طالعكـ ان عبدالحكيم المستشهد به ضد تصريح ابراهيم نقد و المستخدم من جانبك كمخلب قط ( اشكر هنا الاخ عبدالحكيم علي وضوحة و امانته مع نفسه في زمن الابطال الزائفون هذا) انتبه و شهد بعكس ما يروي إبلكـ العطشي لتشويه تاريخ ابراهيم نقد السياسي .. انظر ادناه

يا زول سوءطالعي شنو ؟؟ انت قايلني ما بقرأ مواقف الناس وما بعرف عبد الحكيم حيقول شنو ؟؟ وبرضو كتبت رايي الذي استقيته من تجربة ومن معرفة .. ومن حق الاخ عبد الحكيم ان يقول رأيه المبني على تجربته ومعرفته .. وهذه من ابسط الحقوق الانسانية؛ وانا احترم وتهذيبه وأكاد افهم مشاعره لأنه ليسالاول ولا الاخير ممن خدعهم العجل الذهبي .. لكني اثق انه كأنسان شريف سيتحرر ؛ وانت ايضا يا العشا باللبن ستتحرر من عبادة الاصنام والاوهام..

Quote: سأترك شهادة عبدالحكيم اعلاه تشرح الحال (الخطوط داخل الرسالة من عندي) ولا تعليق لدي سوي انو بعد موقف عبدالحكيم الواضح ده و الاحراج الدخلك فيهو يا عادل اقترح عليك انو يكون بوستك القادم بعنوان الشيوعيين مارسوا ضغوط علي عبدالحكيم حتي يغير شهادتو

هههه .. احراج شنو يا زول .. الاحراج الجد جد لمن تمشي لي بت تقول ليها انا بحبك تقوم تقول ليك والله انا بحبك زي اخوي الصغير .. والشيوعيون ما ضغطوا على عبد الحكيم وهو طول الوقت كان يدافع عن موقف نقد؛ ولم يتورعوا مع ذلك عن التشكيك في صدقيته ونزاهته ومحاولة تشويه سمعته .. وانا مع رد عبد الحكيم راضيعن نفسي لأني قطعت عليهم طريق المواصلة في حملة التشكيك والتشويه ديك .. ولو كنت خبيثا لانتظرتهم كم يوم وكانوا فكوا اخرهم تمام .. لكن هناك اشياء اهم من تحقيق نقطة عليهم ؛ وهي حفظ كرامة الناس من ان تنتهك ولكن هذا لن تفهموه يا بني شيوع .

وغناك سمح رغم انو مخك ملان اوهام شيوعية وعبادة اصنام .. قال رموز قال

العشا باللبن سلامات

Quote: عادل الفالح

شكرا للاسم الجميل ...ما حازعل منك طبعا لانو الفلاح حاجة كويسة .. والعشا باللبن برضو حاجة كويسة ومدح ..

Quote: شوف يا معلم , الفنجطة البتسوي فيها في بوستي ده و بوستات اخري ده غير البوستات الافترعتها انت ما بتمر علي اي حصيف او عاقل ينظر للسياسة السودانية بمنظار غير حزبي ,

يا راجل .. اها انا افنجط زي ما عايز انتو حارقين رزكم وفاتحين بوستات التبريرات الفجة ليه ؟؟ كان انت كان الاستاذة محاسن كان غيركم ؟؟ والعقلاء والحصفاء قالوا رأيهم في بوستك دا .. شايف في زول وقف معاك في ورطتك العجيبة دي ؟؟

Quote: انت عندك خلاف مع الحزب الشيوعي ( طبعا لن اغامر و ازج اسمك مع اسم الاستاذ نقد في سطر واحد لاتساع بون المعرفة اولا و الخبرة السياسية ثانيا)

طبعا عندي خلاف مع الحزب الشيوعي فكري وسياسي .. يعني اكتشفت امريكا انتا ولا شنو ؟؟ بعدين يا اخي الف شكر ومليون بوسة ليك عشان ما جبت اسمي واسم المنبطح نقد في سطر واحد .. دي كانت حتكون اكبر اساءة لي .. وهو قد يكون قرأ اكتر مني وشاف اكتر مني وكتب اكتر مني واحسن .. كلو وارد .. لكنو زول انتهازي وما عندو مبدأ ولا قيم وفي هذه اتفوق عليه بسنين ضوئية .

Quote: و في ده صدقني انا لست ضدك و مع نقد ولا معك ضد نقد , انا اقرر حقيقة بسيطة عمادها الرياضيات الاولية بتاعت الابتدائي ديكـ , يعني لو طرحنا عمر الاستاذ نقدمن عمرك حا تمرق بي قد القفة زي الورد , سياسيا و معرفيا و كذا مع جميع قادة الاحزاب السياسية.

قد يكون كلامك صح .. قد يكونوا كلهم احسن مني معرفيا وسياسيا .. ولا يهمني اطلاقا ان اخرح من قد القفة سياسيا ومعرفيا .. ما يهمني الا اخرج من قد القفة اخلاقيا ومبدئيا .. وفي هذه اتفوق على اصنامك ويتفوق عليهم اي طفل ويافع سوداني .. اهل النخاسة السياسية هؤلاء..

Quote: وقصة مهاجمتك المستمرة لي نقد دي بتذكرني قصة المواطن السوداني زمن الحكم الانجليزي الكان بسمع عن بطولات الناشطين آنذاكـ في مقاومة الاستعمار و ظن يوما ما ان السانحة قد و اتته كي بكون في عداد المناضلين المناهضين للاستعمار ساعة مر المفتش الانجليزي علي ظهر حصانه عابرا السوق فواجهه المواطن ملوحا بقبضة يديه صائحا يسقط الانجليز يسقط الاستعمار .. فما كان من المفتش الانجليز الا ان ضحك و ربت علي كتف المواطن و قال براوه ( فالح) عليكـ براوه عليك و واصل سيره ..

. انا شخصيا متعاطف مع المواطن البسيط دا العبر عن رايو ؛ مع محاولة المفتش الانجليزي السخرية منو .. عموما واضح انك متعاطف مع المفتش بدليل استخدامك لكلمته ضدي؛ وانا متعاطف مع المواطن الذي عبر عن نفسه بالهتاف ضد المستعمر .. وكل يتعاطف مع من يحب ويشبه ..

Quote: تعبر راسي هذه القصة المضحكه كل ما رأيت لك بوستا تشتم فيه ابراهيم نقد.

ما عارف المضحك شنو . بعدين هل في المعادلة دي نقد هو المفتش الانجليزي ؟؟ ممكن يكون مستر استوري* وأختلط عليك الأمر ؟؟ عموما انا افخر بأن اكون في مكان هذا المواطن البسيط والصادق مع نفسه رغم استهبال المفتش وربيب استوري . ولك ان تضحك ما تشاء..

Quote: ما ترشد اليه القصة السابقة انو يجب عليك يا عادل ان تسلك الطريق الصحيح في السياسة و هو مقارعة الحجة بالحجة لا نبش تاريخ القيادات السياسية و تجرميهم كما تفعل الان مع نقد و كما فعلت قبلا مع السيد الصادق المهدي متهكما كون انو (بولع) عطفا علي رواية زوجه و إبنته.

تاريخهم وسخ وحاضرهم وسخ ولانهم كانوا هكذا في المضي فانهم هكذا في الحاضر .. ومن لا يتعلم من التاريخ يلدغ من نفس الجحر عشر مرات .. والتجربة التي لا تورث حكمة تكرر نفسها . بعدين حجة شنو عليك الله عند الطائفيين والشيوعيين ؟؟ واحد بيولع وواحد صنم تاني بتبرروا ليهو مثل تبريرك الفج اعلاه .. وين الحجة هنا ؟؟ بعدين موش بتو هي القالت بيولع ؟؟ يعني حنغالط بتو ؟ واصلا هي كاتبة الكلام الفارغ دا ليه ؟؟ ونقد قال كلامو الفارغ ليه ؟؟ بدل ما تنقد الكلام الفارغ تنقد استنكارنا له ؟؟ والله عجيب يا العشا باللبن .

سلام استاذنا سيف اليزل :

Quote: أنا أيضا لست شيوعيا ولا تنطبق علي لوائح أي حزب، كما أن لوائح هذا الحزب أو غيره مسألة تخص عضويته مالم يضار أحد بهذه اللوائح، لكن حتى لا نخلط الموضوع ونعجن في الطرف الذي يناسبنا! فما قصدته بنقل الكلام عن الشخصيات العامة يتطلب شيئا من الدقة والتروي والتأكيد واكتمال المعلومة، فماذا نفهم نقل حديث مبتور بلا توضيح: "منو القال حلايب سودانية" المنسوب للأستاذ نقد!؟ أبسط قواعد النشر كانت تتطلب سؤاله ساعتها عن مصدر المعلومة وعن رأيه كزعيم لحزب سياسي، وبعد التوضيحات يطلب منه الموافقة على نشر وجهة النظر هذه بإعتبار كونه يمثل مؤسسة معلومة، وينطبق الأمر أيضا لو كانت وجهة النظر الشخصية المنشورة يترتب عليها ضرر لفرد أو جماعة أو مؤسسة،

والله حسب كلام الاخ نصر قال اندهش الحاضرون وطبعال عم في ابعد كوابيسهم ما كانوا متوقعين رد زي دا
لانهم كانوا قايلين الراجل وطني ..

Quote: وأنت تستنكر دعوتنا بضرورة إستئذان المتحدث في نشر تعليقاته من إجتماع/لقاء، فلماذا لم ينشر كل ما دار بين وفد كجبار والأستاذ نقد؟! إن لم تكن تلك هي طبيعة اي إجتماع بين شخصين/ جهتين/وفود ولابد أنه محكوم بخصوصية وإلا كان الإجتماع نفسه غير ممكن ودون معنى وبلا هدف.

انا شخصيا لا استنكر دعوتك .. ولكن الان عندنا واقع وهو ان التصريح نشر ؛ ومن شخص له رأي ايجابي في نقد والحزب الشيوعي .. اها انت موقفك من التصريح شنو ؟؟ ولا حتمسك في الشكليات انو ما اخدو اذنو عشان كدا ما حتقول رأيك ؟؟

Quote: أما لو كان حديث نقد على هذا القدر من الخطورة الى درجة الخيانة الوطنية، فيستلزم ذلك أن يرجع وفد كجبار أو أحد أعضائه للأستاذ نقد ويطلب توضيحا كاملا ورسميا للحديث المنقول من ذلك الإجتماع.

ما رجعوا .. موش مفروض واحد من الشيوعيين الحايمين هنا ديل يمارسون الكذب واساءة الناسي يرجع ليهو ويعمل دا بدل التبريرات الفجة والاساءات واساليب اغتيال الشخصية الفاشل ؟؟

Quote: أنا أتوقع أن يذهب صحفي همام ويطرح السؤال التالي لنقد: الأستاذ نق، معك الصحفي فلان الفلاني صحيفة كذا: ينسب أليك أنك في إجتماع ضمك ووفد من كجبار صرحت بعبارة تقول: منو القال ليكم حلايب سودانية؟! نرجو أن نسمع منك صحة الحديث المنسوب لسيادتكم، مع توضيح وجهة نظركم في قضية حلايب بوصفكم سكرتير الحزب الشيوعي السوداني؟ بعد نهاية الحوار يستأذن الصحفي بالنشر.

تمام .. ونشوف جسارة نقد المزعومة وبقدر يثبت على رايو ولا حيكذب ويتهرب زي كل مرة .

Quote: * لكن تبرير أخونا خدر ما بتهضم .. لأنو نقد يعتمد الوضوح المباشر والساخر في كل أحاديثه،

تبرير العشا باللبن بالغ فيهو وقلب فيهو الهوبة ..

(1)

Quote: هل تصريحكـ اعلاه و انت القيادي في حزب سياسي سوداني رأيكـ الشخصي ام موقف حزبكـ من قضايا علي تلكـ الشاكلة؟؟؟؟؟ بالعامي السوداني انت يا عادل لو كنت محل ابراهيم نقد و تملكت معلومة زي دي او علمت بها حا تغتس حجرها ؟؟؟ كتب عادل عبدالعاطي نعم في حالة وجود صراع قانوني ودبلوماسي على ارض تتبع لبلدي وعندي وثائق تثبت ذلك ووجدت وثيقة اخرى تفيد الخصم لن انشرها .. وذلك لأن هذه هي مهمته وليست مهمتي .. ودا رأيي الشخصي .

(2)

Quote: يا عادل عبدالعاطي بوصفك قيادي في الحزب الليبرالي هل من موجهات حزبك اخفاء او تبدبد و ثيقة دولية تحصلت عليها لانها لا تتفق مع مصلحة حزبكـ ؟؟؟؟؟ كتب عادل عبدالعاطي انا شخصيا بدسها واسقط حجرها؛ لأن هذه هي المصلحة الوطنية العليا والتي هي فوق وثيقة منفردة - لو وجدت - بينما كل حقائق التاريخ والارض والسكان تثبت حقنا .

ديل بجيك ليهم راجع يا عادل .. عشان نشرح منهج عدم الامانة عند الميكافيليين الجدد,

Quote: ديل بجيك ليهم راجع يا عادل .. عشان نشرح منهج عدم الامانة عند الميكافيليين الجدد,

غيب وتعال تلقانا نحنا يا انا نحنا
بس ما تنسي في الاول تورينا من هم الميكافيليون القدامى ؛ والجدد ديل منو ؟ وليه ما دخلتني وسط القدامى وجبتني وسط الجدد ديل ؟؟ بالغتا يا اخي انا عايز وسط القدامى الاصيلين الرموز




ناس الصادق ونقد والترابي


ههههههههههههههههههههههههههههههههه ...

ذات الهودج


جميلة يا خدر

خدر الله أيامك

كتب الأستاذ عثمان محمد صالح في موضع آخر:

Quote: الحزب الشيوعي السوداني من زمالة الكفاح إلى عصبية العشيرة .. بقلم: عثمان محمد صالح الأربعاء, 16 ديسمبر 2009 09:35 يعرف الحزب الشيوعي هويته بأنه اتحاد طوعي بين مناضلين ثوريين تعاهدوا على إنجاز البرنامج الوطني الديمقراطي والاشتراكية بما يتناسب وخصائص الشعب السوداني *. بيد أن الواقع الماثل يكشف عن إنمساخ زمالة الفكر والكفاح و صيرورتها عشيرة في مركزها بيوتات راسخة تحولت الشيوعية فيها إلى تراث عائلي . ترتبط هذه البيوتات بالمصاهرة والصداقات . في هامش هذه الشبكة الإجتماعية يتموقع شيوعيون وفدوا من أسر غير شيوعية. يمتص المركز من بينهم نفر بالتصعيد الى مواقع قيادية أو بالمصاهرة أو الصداقة . ولهذا فإن إنتقاد الحزب الشيوعي هو مساس بكينونة عشيرة لها عقيدة في سلف شهيد, و لها شيخ يتحلق حوله نفر من أهل الثقة, شيخ يسوس العشيرة بالصرامة والطرفة معا,و لها أهازيج الحماسة والفخر وسجل يحوي الملاحم ومآثر الشهداء. تتزيا العشيرة بثوب حكائي نسيجه معاناة السجون والمعتقلات والإعدامات وأساطير عن خيرية رسالتها البشيرة بخلاص الكادحين في جنة على ثرى السودان شيوعية ,إصطفتها لأداء هذا الدور الرسولي عناية الحتمية التاريخية . ولهذا يصعب - ولا أقول يستحيل - على المنشبكبين في نسيج علاقة عشائرية كهذه شق عصا الطاعة على سلطة الزعيم . يتناسب تعاظم فرص التمرد الفكري طرديا مع تنامي المسافة بين الفرد ومركز العشيرة . عثمان محمد صالح [email protected] ----- تدين هذه الكلمة بالفضل للسيد ياسر عرمان في تمرده العظيم في تلك الثمانينات , ذلك التمرد الذي نكص على عقبيه بهجرته من حوش شمولي في الشمال إلى حوش شمولي بالجنوب !!!. ----- * http://www.ahewar.org/debat/show.art.asp?aid=169166

http://www.sudaneseonline.com/index.php?option=com_content&vi...9-17-14-27&Itemid=55
خدر عشان ما تزعل... والله ما قاصدك بالكلام دا شخصيا بس كلام أخونا عثمان دا شعرت به بمس الموضوع المتداول و شعرت بوستك دا مناسب لإيراده.

خدروف العريس
سلامات و ليك وحشة .. استمتع بالشتاء في احضان من تحب يا صاحب
فالشتاء دون حضن حبيب قاس
انابخير لا تقلق و واشنطن احسنت وفادتي
شكرا لاهلها الكرام
لنك الحفظ سيكون بطرفك علي الايميل



يا حبيبها .. شكرا كتير علي التقريظ
كيفك انت و شتاء القاهرة
و كيف هي حبيبتنا نورة !!
اتمناكم بخير



العوض
لا داع للاعتذار .. لا شي شخصي
و حتي يطمئن قلبك يا سيدي
انا لا تنطبق علي اي من مواصفات الصديق عثمان محمد صالح اعلاه
ورغم ذلك اجدني غير موافق علي تصنيفات عثمان اعلاه
بها تعميم غير سليم إضافه الي انها اغفلت حراك الاجيال في الاسرة الواحد
ناهيك عن المصاهرة ..و ايضا ان تحليل عثمان يخالف الطرح الماركسي نفسه
و العلمي لانه اعتمد علي التأثيرات البايولجية و اغفل المتغيرات من المحيط العام

Quote: يعني لو طرحنا عمر الاستاذ نقد من عمرك حا تمرق بي قد القفة زي الورد , سياسيا و معرفيا و كذا مع جميع قادة الاحزاب السياسية

unfair, and you built it on a weak factor, it is not about age ya zamil

in science the gray cells of our brains are eroded with age

will come back

do u realy mean OURS lool
شايف في طقة زي دي حايمة اليومين ديل يا زميلة, و رغم ده كلو برضو ممكن نختها واحدة من الاحتمالات
لانها حقيقة علمية.
رغم انو قوة او ضعف البرين سيلز دي بتعتمد علي نوع الغذاء و طريقة الحياة و فاكترز تانية كتيرة و صعب تحدد نسبة
الدمج فيها مقارنة بعامل السن فقط




منتظر تلفونك

Quote: unfair, and you built it on a weak factor, it is not about age ya zamil in science the gray cells of our brains are eroded with age

Hi ,Shaza
what is that supposed to mean....ya Shaza ? loooool
i am very sure that you know the the scientific fact ,that intelligence faculties do not go down with age , so we do not loss our intelligence when we get old. am i right? and that is what
exactly Khidir has meant   ......for the purpose of the american medical boards , if you are planing to take ..intelligence does not deteriorate with age   

check this out
and this

Quote: رغم انو قوة او ضعف البرين سيلز دي بتعتمد علي نوع الغذاء و طريقة الحياة و فاكترز تانية كتيرة و صعب تحدد نسبة الدمج فيها مقارنة بعامل السن فقط

That’s true , that why our brains are not equally reacting and reflecting the role of age as a factor in many degenerative disease, otherwise we would have all manifested Alzheimer @ age of seventy. LOL

Quote: otherwise we would have all manifested Alzheimer

الزهايمر فعلا ما بجينا كلنا
لكن الخرف لا يبقي و لا يذر!

سلام...
خدر "نبي العوام";

من هداك, وأنت تتش عين "البراغما" ببوست "يساويك" بـ "ساسة", و يضدك بـ "عوام"!
عفوآ,
"البراغما" لا يفضي طريقها لـ "الجنة" أم حورآ عين!
و ما فعله "نقد" ـ حسب إحتمالك ـ يدخله ضمن الـ فرق الناجية!
من ناحيته, كـ طرح أخلاقي يتفادي جهنم!
فالساكت عن الحق شيطان أخرس!!!
ليس من مهام "الساسة" إدخالنا "الجنة"!
و ما"نقد" بتصريحه هذا, إلا منافسآ ـ وليس محرجآ! ـ للحكومة! في محاولته التقريب بين وجهات نظر "الجنة" و "الناس"!
و
عفوآ ...

براغماتيآ;
هل جني "نقد" و حزبه, ما يرجواه من هذه القولة/الفعل?!

صديقنا/هم Ash

تعلم ذهدي في سجادة الساسة و حِرصي علي مقعدي بين العوام
فعلت ذلكـ حين علمت الفرق بين المطامع و العادية
لا طاقة لي للساسة و مطامعهم و اظنك قرأت .. كيفهم لا يطيقوني
لكن لا تنس .. نحن من بيدنا (الحل و العقد) .. فالكل قد اخرس صوتنا
و طفق يتحدث نيابة عنا.

nd
ليس من بين ادواري إخراج قائد من ورطة ولا أظنها
انا قلت ما سيقوله العوام .. (إبن يوسف لم يصبأ)

هل جني نقد و اهله (في الغرام أرباح)؟

؟؟
_____
موعدنا السبت و المبيت بمِني فالحج عرفة كما تعلم

الأخ: خدر
تحيّة طيّبة

شايفك نطيت كمين سطر واتشربكت في أسطر عادل عبد العاطي وتعليق الدكتورة شذى بلّة، من حقك طبعاً ترد على البيعجبك، وتقصي وتتجاهل المابيعجبك، لكن ولأني سوداني في المقام الأول، ولأن قضية حلايب بتهمني جداً في المقام التاني، مُصر على الاستمرار في هذا البوست.

Quote: انت عندك خلاف مع الحزب الشيوعي

طبعاً الأخ عادل عبد العاطي حُر في إنو يُرد عليك في الجزئية دي حسب وجهة نظره وحسب الحقيقة البتخصو، بالنسبة لي أنا، فأنا كمان عندي خلاف من الحزب الشيوعي، ومش كده وبس، بل أعتقد إنو أيّ مواطن سوداني من حقه إنو يكون عندو خلاف مع أيّ حزب من الأحزاب السودانية، بل وأكتر من كده، أعتقد إنو من الطبيعي جداً إنو أيّ زول يكون عندو خلاف مع أيّ حزب طالما الحزب ده ومواقفه وبرنامجه لا يُمثله سواء إما لاختلاف الآراء العادي بتاعنا هنا في سودانيز أو سواء الخلاف الحزبي السياسي المعروف داك بين كل حزب وآخر، حسّي لو مشيت سوق الفحم، وسألتك أيّ زول هناك فحتلقى بتاع الكارو عندو رأي في سياسات الصادق المهدي، وبتاع الخدار عندو رأي واضح في سياسات الترابي وآرائه الفكرية وفتاويه، والنُقلتي زاتو ممكن يكون عندو رأي في محمد إبراهيم نقد، أو في الحزب الشيوعي، فيبقى موقفك الاحترازي من عدم ذكر اسم نقد مع اسم عادل عبد العاطي خاطئ ويفتقر إلى أهم أساس من أساسيات فهم منطلقات عادل عبد العاطي فيما يخص قضية حلايب التي نحن بصددها هنا. ليه؟ لأن كون عادل عبد العاطي عندو خلاف مع الحزب الشيوعي أو ما عندو خلاف لا ينفي حقيقي إنو في تصريح مُسجّل وموثق من محمد إبراهيم نقد حول قضية حلايب يدعي فيها إنو حلايب مصرية. وحتى إذا افترضنا إنو عادل عبد العاطي منطلق في موقفه الحالي ده من الحزب الشيوعي بشكل شخصي، فده لا يجعل الحقيقة تكون خطأ ببساطة بناءً على هذا الخلاف، لأن الرهانين الوحيدين وقتها حيكون (1) مصداقية محمد إبراهيم نقد في وجود وثائق تثبت تبعية حلايب لمصر (2) الميزان العقلاني المُجرّد حول إمكانية التصريح بمثل هذا الأمر في هذا التوقيت لأيّ سبب في حال وجود وثيقة مماثلة.

لما تكون مُكجّن ليك زول كده ساي (لله والرسول) وتجي تختلف معاهو حول نقطة مُعيّنة، فلا أنا ولا أيّ زول تاني ممكن يعتمد موقفك الشخصي من الزول ده في حكمو عليك بأنك (أكيد) مخطئ، بل العقل والعدالة بتقول إنو مهماً يكون الخلاف الشخصي بينكما فإنه يتوجب النظر في القضية موضوع الخلاف والبت فيها بإنصاف، حتى وإن كان هذا الإنصاف يقتضي الانتصار لك على الشخص الآخر وبالتالي تأكيد كراهيتك الشخصية له، لأننا في هذه الحالة لا ننتصر على خلافك الشخصي معه بل ننتصر للحقيقة. وفي التراث العربي الإسلامي بنلقى مواقف مشابهة زي موقف اليهود مع الإمام علي بن أبي طالب أمام القضاء ، فلو القاضي حاول البت في القضية بناءً على معلومات مُسبقة جاهزة لكان حكم للإمام علي بن أبي طالب مباشرة لأسباب مُشابهة كثيرة للأسباب التي حاولت عن طريقها التفريق بين عادل عبد العاطي ومحمد إبراهيم نقد (فارق السن + الخبرة + الحنكة السياسة ... إلخ) العدالة لا تقوم بهذا الشكل.

Quote: كل من يحاول ان يفكر في التصريح بطريقة عقلانية

حاولتُ أن أبحث في كُل ردودك ومداخلاتك على تلك الطريقة العقلانية التي تخصك فلم أجد، وأتمنى أن توضح لنا وجهة نظرك حول التصريح بشكل يُحاول أن يُزيل اللبس بدلاً من التعرض للموضوع من ناحية عادل عبد العاطي وموقفه "الشخصي" من نقد أو من الحزب الشيوعي. ما هي برأيك الطريقة العقلانية للتفكير بتصريح نقد؟ والسؤال بصيغة أخرى: إلى ماذا قادت طريقتك العقلانية في التفكير بهذا التصريح؟

تقول:

Quote: عن نفسي و ده موقف حا اخصك بيهو بشكل خاص انا طارق ابوعبيدة ده انت (كحزبي صغير ) و ابراهيم نقد (كحزبي متمرس ) لا عاصم لكما من قلمي إن جانبتم الخطاء ينطبق هذا علي كل الساسة

وهذا الكلام متناقض كُلياً مع قولك:

Quote: حقيقة بسيطة عمادها الرياضيات الاولية بتاعت الابتدائي ديكـ , يعني لو طرحنا عمر الاستاذ نقد من عمرك حا تمرق بي قد القفة زي الورد , سياسيا و معرفيا و كذا مع جميع قادة الاحزاب السياسية

وفي نفس الوقت فهو متفق تماماً مع كلامي حول أسبقية الحقيقة المُجرّدة على المُعطيات، وإمكانية وجود اختلاف أيّ شخص مع أيّ حزب أو شخصية حزبية. ولكن دعني أسألك (اعتماداً على الحقيقة الرياضية الأولية بتاعت الابتدائي): من أنت حتى تنتقد محمد إبراهيم نقد أو أيّ (سياسي متمرّس) إذا أخطأ؟ وطالما أن الحساب الرياضي الأولي يوسّع الفارق بينك وبين أيّ شخصية سياسية متمرّس فما هو ميزانك للخطأ والصواب؟ إذا كان هذا الميزان هو ميزان شخصي أو ميزان تحليلي استقرائي أو ميزان وطني صرف، فلماذا تحرم عادل عبد العاطي من أن يكون له ذات الميزان على أيّة حال؟

أمر آخر: كون أن الأخ عبد الحكيم نصر لم يتعرّض لحملة تشويه سمعة أو أيّ حرب نفسية أو خلافه من الحزب، فهذا لا ينفي أبداً أن محمد إبراهيم نقد قد أدلى بتصريح واضح حول تبعية حلايب لمصر، فيبقى لازم نفصل بين المسألتين ديل، منعاً للخلط، فكون إنو الحزب الشيوعي لم يُهاجم عبد الحكيم نصر، فهذا لا يعفي أبداً نقد من تحمّل المسئولية التاريخية لتصريحه غير المسئول.

تحياتي لك وأتمنى أن أسمع منك رأياً عقلانياً لتصريح محمد إبراهيم نقد

هشام سلامات
(1)
يا سيدي انت كنت اول من رددت عليهم اعلاه في ردودي .. هنا

Quote: صباح الخير يا شباب و شكرا لكل من تداخل .. مبدئيا دي ردود سريعة لاستعدال مسار البوست الاتشحن بالعواطف بدون تفنيد عقلاني لتصريح نقد او قراية علمية للتصريح و محاولة توقع مسارو هشام ادم راجع اعلي البوست انا لا ابرر لابراهيم نقد ولا ينبغي لي ذكرت ذلك في بداية البوست .. انا احلل فقط و اتسائل سؤال تصريح نقدكما هو بعاليه .. كيف تقرأة خيانة ام خبر ؟

(2)
سيف اليزل عماد عبدالله اصدقائي عدييل و مارديت عليهم لانو طبيعة البوست اصلا كده,
طة الملك ثمنت رأيو لانو رأيي لوحدو موش هو الفصل
و رديت علي اكثر من زميل قبل ما اصل لي ردي علي شذي بلة.
ده عشان تعرف انو ردودي ما كانت إنJقائية و تنتبه لي انك ما قريت البوست كلو

(3)
عادل انا و هو بنفهم بعض و بنقدر علي بعض , هو فاهمني كويس و عارف كلامي انا قاصد
بيهو شنو , خليو عادل و جاوب لي علي السؤال السألتك ليهو

(4)
نقد لم يدل بتصريح حول تبعية حلايب لمصر كما تفضلت بتقويله . نقد قال بوجود وثيقة بدار
الوثائق تفيد تبعية حلايب لمصر و الفرق واضح بين تقويلك و تصريح نقد,
(5)
موقفي من الامر كلو شرحتو في اول البوست .. إستنادا علي خلفية دراستي للاعلام
التصريح تصريح خبري . لا يدين نقد و لا يقدح في وطنيتو .انتهي

لو عندك تشكيك في (5) اقرأ الخبر كالتالي
قال هشام ادم فى جلسة ونسة مع جاره عبدالرحيم:
"منو القال ان حلايب سودانية؟
والمستندات الموجودة في دار الوثائق السودانية تؤكد
تبعية حلايب لمصر"

إذا الكلام ده كلو ما اقنعك انو انا بتعامل مع الموضوع كنص إخباري
راجع كلام عبدالحكيم نصر عن بروف ابوسليم و تسائل , هل ابوسليم خائن للوطن ايضا كما نقد ؟

عن نفسي .. كلاهما قد اقر وجود حقيقة هو غير مسؤل عنها
FULL STOP

Quote: نقد لم يدل بتصريح حول تبعية حلايب لمصر كما تفضلت بتقويله . نقد قال بوجود وثيقة بدار الوثائق تفيد تبعية حلايب لمصر و الفرق واضح بين تقويلك و تصريح نقد,

ابو نواس تاني يستغرب .

الأخ: خدر
تحيّة مُجدداً

نتجاوز عن مسألة انتقائية وعدم انتقائية الردود، لأنو الموضوع مرتبط أساساً بطريقة كل شخص في الرد والتعليق، وأنا شخصياً بتغاظ من الزول البيرد على مداخلاتك قديمة في مكانها، بدل ما يجعل التعليقات متسلسلة من النهاية، وده كله في النهاية ما موضوع نقاش أساساً، فحتى لو ما رديت عليّ زاتو، ما مشكلة لأن الأمر راجع لتقديرك الشخصي، ولا سلطان لي عليك في ذلك.

بجاوبك على سؤالك: "تصريح نقد كما هو بعاليه .. كيف تقرأة خيانة ام خبر ؟"
بالنسبة للموضوع ده، فأنا شخصياً لا يُمكن أن أتناول ما قاله نقد إلا باستصحاب بيان الحزب الشيوعي الصادر سنة 1993 والذي تم نشره في هذا المنبر، وبه نص صريح حول وجود وثائق دولية تثبت تبعية حلايب للسودان. محمد إبراهيم نقد صرّح بمعلومة متناقضة تماماً مع بيان الحزب البيأكد تبعية حلايب للسودان. فهل نقد متناقض؟ أم إن البيان لا يمثله؟ وإذا عرفنا إنو نقد هو السكرتير العام للحزب الشيوعي السوداني فبالتالي نتأكد إنو على علم ودراية كاملة بالبيان بل وربما كان هو من صاغ البيان. أنا لا أنزع إلى القول بخيانة نقد ولا يهمني هذا الأمر، ما يهمني أن أتأكد من مصدر معلوماته عن وجود وثائق تؤكد تبعية حلايب لمصر إذا أخذنا في عين الاعتبار أن أيادي الحكومة المصرية قد طالت دار الوثائق بطريقة أو بأخرى. إذا جاء أحد بأي خبر فإن الخبر ليكون صحيحاً يجب أن يكون له مصدر موثوق، وفي تصريحات نقد فإن المصدر هو "وثيقة" موجودة في دار الوثائق القومية، إذن فلا يُمكن البت في الموضوع إلا بإثبات أو نفي وجود هذه الوثيقة، وبعدها يتبيّن ما إذا كان تصريح نقد تصريحاً مسئولاً أم مجرّد كلام غير مسئول.

أنتَ تعلم تماماً موقف صديق لك من أحداث 11 سبتمبر بأنها أحداث مأساوية وأنها صنيعة القاعدة الإرهابية، وسمعته ذات ليلة في جلسة حميمة يقول لشخص آخر: إن أحداث 11 سبتمبر صنيعة يهودية من أجل إيجاد تبرير التواجد الأمريكي والقاعدات الأمريكية في الشرق الأوسط، أفلا يجعلك هذا تشكك في مصداقية هذا الشخص بصرف النظر عن "المصدر" ؟ وهكذا أقرأ الأمر أنا أيضاً، تصريح نقد بمصراوية حلايب مع وجود بيان الحزب الشيوعي الذي يؤكد سودانيتها يجعلني أطعن في مصداقيته.

Quote: أمر آخر: كون أن الأخ عبد الحكيم نصر لم يتعرّض لحملة تشويه سمعة أو أيّ حرب نفسية أو خلافه من الحزب، فهذا لا ينفي أبداً أن محمد إبراهيم نقد قد أدلى بتصريح واضح حول تبعية حلايب لمصر، فيبقى لازم نفصل بين المسألتين ديل، منعاً للخلط، فكون إنو الحزب الشيوعي لم يُهاجم عبد الحكيم نصر، فهذا لا يعفي أبداً نقد من تحمّل المسئولية التاريخية لتصريحه غير المسئول.

يا سلام على الضمير الانتيكة ياخ !!!!!
عسل بس

قلت لي انصاف و كدا ؟
انصاف حلول و لا أنصاف مواقف ؟
انا برضو يقتلني نصف الموقف و نصف الدفء

طيب

Quote: كون أن الأخ عبد الحكيم نصر لم يتعرّض لحملة تشويه سمعة أو أيّ حرب نفسية أو خلافه من الحزب، فهذا لا ينفي أبداً أن محمد إبراهيم نقد قد أدلى بتصريح واضح حول تبعية حلايب لمصر، فيبقى لازم نفصل بين المسألتين ديل،

نفصل ليك محل ما انت عاوز تفصل ، دا مما يسر بالي و يريحني في حناني ذاتو . .
اها آزول لك ما طلبت ابشر تب ، امسك لي و اقطع ليك . قلت لي من وين نقطع ؟
عني شخصياً باقي المقتبس شايفو موضوع هايف - التصريح لا يمثلني ، و لست مهتم بدفع تهمة او الدفاع عن أي زول . صدقني ما بهمني الامر دا من قريب او بعيد ، اشبعوا لطم قشة ما تعتر ليكم . و على قول صاحب الضيافة هنا ( الاستاذ محمد ابراهيم نقد وووب عليك و سجمك ) !!
كمان لما تبطلوا المزايدات ( الوطنية )* الظهرت عليكم فجأتن دي ، و تخلوا الدونكشوتوية في الصراع دي و تبقوا ناس نقاش جاد و مسؤل ادونا خبر سمح ؟
بس كدي قول لي انت يا منصف ،الزول الصرّح بمحتوى جملتك المبتدئة بـ" كون " و المختومة بـ " الحزب " تصريحو دا ما بستوجب و يلزم ضميرك " الوطني الفخيم " دا المطالبة بإعتذار على رؤس الاشهاد حالة كون انو الاتهام دا كان عبر تصريح على رؤؤس الاشهاد برضو ؤ كدا ؟
الشيوعيون يعملون تشويه سمعة ومصداقية الاستاذ عبد الحكيم... لمحمد إبراهيم نقد !

يلا يا هشام افصل معانا شوية كمان ياخ ؟ . . انت براك جبت سيرة الانصاف !

-----------

بالمرة كدا سؤال موجه للضمير العام رايكم شنو في المزايدة الوطنية الفاخرة الوثقتها في مداخلتي السابقة ؟

قيقراوي يا فردة .. ما بتشوفك إلا في العكّات!
يا زول ما مشكلة سمح الشوفناك زاتو

• في واحد اسمو x جا كتب خبر إنو y قال كذا وكذا وكذا

• أها سواء كلام y ده قالوا x ولا قالوا z ما بينفي إنو y قال الكلام ده

• كلام y مبني اعتبار إنو في وثيقة ومستند رسمي يثبت صحّة كلامو، فهل المطلوب مني إنو أصدق y قبال ما أشوف الوثيقة دي، ولا لازم أعتمد في تصديق الخبر ده على إن القالو هو y وكفى؟

• أها x ده زاتو نقل الكلام ده بياتو فهم؟ هل فهم إنو يا جماعة يا غبيانين أصحو حلايب دي ما سودانية، ولا نقل الكلام بي صيغة بتاعت استغراب؟ (النقطة دي ما مهمة)

• جا w وقال إنو جماعة y شانين حملة على x لأنو نقل كلام y

• برضو ... سواءً جماعة y ديل لو شانين حملة ولا ما شانين على x فده ما بينفي إنو y قال الكلام

• جا x ده زااتو وقال إنو جماعة y ديل ما شانين علي حملة ولا هم يحزنون. فهل ده عندو علاقة بإنو y قال الكلام ولا ما قالو؟

• أنا ده (هشام آدم) مُطالب باعتذار من x لي شنو؟ هل أنا شنيت عليهو حملة؟ هل أنا قلت إنو ناس y ديل شانين عليهو حملة؟ هل أنا كذبتو وقلت ليهو: كضاااااب y ده ما قال الكلام ده؟ هل أنا وصفت x ده بالخيانة ولا بالعمالة ولا بالخيابة ولا بأيّ حاجة مستوجبة للاعتذار؟

• الاعتذار في عظمو ما عندي فيهو مشكلة، لكن "الانصاف" إنو أعرف أنا لو ح اعتذر أعتذر عن شنو بالضبط، ولا ما كده؟

وسلّم لي ع الوليدات

معليش يا قيقراوي .. نقطة ممكن تضيفها عشان عملية الإنصاف زاتا تكون منصفة

• لو عرفتا إنو y ده زاتو بيكلامو النقلو x بيناقض بيان طلعوهو ناس y زاااتهم، تقول شنو؟

يعني تخيّل إنتا كرئيس رابطة أبناء القيقر في جدة طلعت بيان باسم الرابطة وقلتا إنو رابطة أبناء القيقر تدين أعمال العنف التي قام بها جهاز الأمن ضد المواطنين العُزل في مسيرة 7 ديسمبر، وفي عرس "لزيز" كده في واحدة من الاستراحات سمعك زول بتقول لي زول تاني في ونسة برضو "لزيزة": "ياخ يستاهلو زاتو، مظاهرات شنو اليقوموا بيها حسي، والانتخابات باقي ليها أقل من أربع شهور" تكون متناقض ولا ما بتكون متناقض؟ هو الإنصاف ده شكلو كيف زاتو؟

معليش ناس x و y و z دي بس عشان تحرق مخك شوية

ياهشام

هل y رئيس ناس x
وهل y رئيس رابطة كما وصفت
ثم نجي للفرضية دي

لو y كان مثلاً يمتلك أدلة لما قام x
بنقله ماهو موقفك ياهشام من حملة ناس w وفرضية أخيرة ياهشام

لو أن حزب y عندو رأي واضح في ماقام بنقله x ماهو قراءتك لـ الحملة علي
حزب y وتري لم يعتقد ناس w ان كلام y هو الاساس ويتجاهلون الرأي الرسمي
الصادر من حزب y حسب تجربتك الشخصية ومعرفتك لكيفية اصدار الاراء في حزب
ناس y

مع شكري المقيم
Kh.H.Kh

خدر حسين يا جميل، كيف أنك والزمان ترللي

ياخ أنا بعد ده ما عارف أتكلّم كيف زاتو عشان الكلام ده يكون واضح. وقبال ما أتكلّم في النقطة البتهمني خليني أريّح ليك فشفاشك وفشفاش قيقراوي وأقول: "عادل عبد العاطي غلطان في اتهام الحزب الشيوعي وأعضاؤه بالتعرض للأخ عبد الحكيم نصر، طالما إنو فعلاً ما في أيّ إثبات للكلام ده، وطالما إنو عبد الحكيم نفسو نفى تعرّضه لأي حملة لتشويه سمعته. المسألة دي أبداً ما في أيّ 2 3 وبالجد كنتَ فاكر إنو عندو معلومات أكيدة عن المسألة دي، لاسيما إنو كتب "حملة" وبالتالي فاتهام عادل عبد العاطي للشيوعيين بأنهم عاملين حملة تشويه ضد عبد الحكيم غلط أبداً ما فيهو أيّ كلام.

بعد تجاوزنا للنقطة دي بالتحديد، نقول: سواء الشيوعيين ديل عاملين حملة تشويه أو ما عاملين حملة تشويه لعبد الحكيم، فالحقيقة حتفضل كالآتي:
• نُقل عن محمد إبراهيم نقد كلام عن تبعية حلايب لمصر والدليل وثيقة غير مؤكد وجودها من عدمه حتى الآن.
• كلام محمد إبراهيم نقد متناقض تماماً (سواء بعدم وجود الوثيقة أو حتى في حال وجودها) مع بيان الحزب الشيوعي المؤرخ له بتاريخ 1993

يعني بالعربي كده يا خدر .. نقد ده لمن قال الكلام القالو ما كان عارف بأمر البيان؟ ولمن أصدر البيان ما كان عارف بأمر الوثيقة القاعدة في دار الوثائق؟ في لخمة في النقطة دي بالتحديد. في بعض الناس بتتكلم عن إنو معلومات نقد دي جات في ياتو معرض حديث بالضبط؟ هل قالها كتصريح صحفي، ولا خبر، ولا كلام بالطرف كده، هل تصدق إنو المسألة دي ما مهمة بالنسبة لي؟ لأنو المعلومة دي (بغض النظر عن متين/كيف/ليه اتقالت هي المشكلة الكبيرة بالنسبة لي. المشكلة الأكبر كمان إنو الكلام ده قال محمد إبراهيم نقد شخصياً يعني مش خضر حسين خليل ولا أبو ساندرا ولا عاطف مكاوي ولا خالد العبيد .. السياسيين يا خدر بيعرفوا قيمة الكلام البيقولهو وخاصة لمن يكون كلام خطير زي ده. وهو أصلاً لو متأكد من تبعية حلايب لمصر، ليه سمح بنشر بيان بسودانية حلايب؟

تحياتي ليك
وصدقني مشتاق ليك شديد

من الواضح ياهشام انو في نقلة نوعية في مداخلتك الاخيرة تستوجب عليها الشكر وبركة المعادلات صاحبي
طيب :

Quote: • نُقل عن محمد إبراهيم نقد كلام عن تبعية حلايب لمصر والدليل وثيقة غير مؤكد وجودها من عدمه حتى الآن

لاحظ لي نقل والدليل الغير مؤكد لوجود الوثيقة من عدمها

ثم لاحظ للنقلة دي :

Quote: كلام محمد إبراهيم نقد متناقض تماماً (سواء بعدم وجود الوثيقة أو حتى في حال وجودها) مع بيان الحزب الشيوعي المؤرخ له بتاريخ 1993

انت في الاول كدي ورينا الدلائل الاستندت عليها والوصلتك لي انو (نقد متناقض تماماً (سواء بعدم وجود الوثيقة أو حتى في حال وجودها) مع بيان الحزب الشيوعي المؤرخ له بتاريخ 1993)

هل هما النقل والكلام المشار اليهما اعلاه ولا قصيت دريبات النقل والكلام عديل حسب ماهو متعارف في التحقق من معلومة او عدمها ؟

أما بخصوص الشوق
فخليهو ساكت يافردة
بحر ابيض

Quote: معليش ناس x و y و z دي بس عشان تحرق مخك شوية

لوووووووووول
آخر حاجة محتاجة ليها اسي صدقني
لشنو و عشان شنو في بورد مجرد " فلان قال " تدور طواحين الهواء و و الدونكشوتات يجو يتطاقشوا في بعضهم في اللول و الفالح فيهم يلحق يناطح طاحونة الهواء ذاتية الهواء
هنا ما شايل المادة دي صدقني . .
وفي جداً لباسورديني بذاكرة " مهرج " . . كأوفى مايكون
الروح مشحتفة خِلقة و بذار الطين ما سمح ياخ !

اما بعد
سلام يبلغ و عليكم بأجمل منه

اما قبل

Quote: • أنا ده (هشام آدم) مُطالب باعتذار من x لي شنو؟ هل أنا شنيت عليهو حملة؟ هل أنا قلت إنو ناس y ديل شانين عليهو حملة؟ هل أنا كذبتو وقلت ليهو: كضاااااب y ده ما قال الكلام ده؟ هل أنا وصفت x ده بالخيانة ولا بالعمالة ولا بالخيابة ولا بأيّ حاجة مستوجبة للاعتذار؟ • الاعتذار في عظمو ما عندي فيهو مشكلة، لكن "الانصاف" إنو أعرف أنا لو ح اعتذر أعتذر عن شنو بالضبط، ولا ما كده؟ وسلّم لي ع الوليدات

لوووووول ياخ
معليش ارجع اقرأ مداخلتي تاني . . ياخ ما تضّيع لي زمن التهرج في موضوع ( جاد ) قلنا ليكم ما شايلنها ياخ !

كل المطلوب منك انك تطالب صاحب " التصريح " الاخترتو انا ، مش الدايرو انت في المفاصلة الطلبتها . و جبت ليك الرابط ، حتى كمان ما محتاج تعفصو ذاتو . الجواب واضح من عنوانو . انت في جملتك - الحمرت ليك مبتداها و منتهاها - يعني حسمت ليك موضوع ( الحدود فيها ) بدون تحكيم دولي . و هي في تقديري جملة شرطية حاملة اجابة النفي ، و ما غلطان بتعبر عن موقفك الشخصي من القضية ( الاولى ) ، و قصدت تتعداها للجملة محل اهتمامك ، مع كامل احترامي ليك انا مهتم بما لا يهمك و انت مهتم بما لا يهمني ، و بكدا اتلاقت ارادتنا . . شفت التعقيد دا كيف ؟
انت ادعيت الانصاف و طالبت بالفصل ، و فصلنا ليك ، اها بدوري طالبتك تكون عادل و تقوم بواجب الانصاف و تغلّطت كل التصريحات ( الغير مسئولة ) و العارية من الصحة . و خصوصاً خصوصن الموثّقة هنا دي .
وقع ليك طلبي ( الصغير ) ؟

بس


----------

Quote: هو الإنصاف ده شكلو كيف زاتو؟

شفت عامل زييييييييييييي
اقول ليك ؟

شكل وردة كدا

لوووووووول ما قلنا ما شايلها ياخ ؟!



تحياتنا

Quote: وقبال ما أتكلّم في النقطة البتهمني خليني أريّح ليك فشفاشك وفشفاش قيقراوي وأقول: "عادل عبد العاطي غلطان في اتهام الحزب الشيوعي وأعضاؤه بالتعرض للأخ عبد الحكيم نصر

حسي يا قيقراوي مساهر بي لغاية الساعة 02:30 صباحاً عشان أغلّط ليك عادل عبد العاطي؟ وسايب لي الموضوع بتاع حلايب كلو بي طولو وبي عرضو، وبتقول ما هاميك؟ وأنحنا بنكورك: حرية وديمقراطية فوق كم وكت أرضنا دي بنسيبا للغريب، ونقول ما بيهمنا، أنحنا الديمقراطية دي دايرنها في يات بلد يازول؟ البلد المقسّمة شمال وجنوب، ولا في المقسّمة استثمارات عربية، ولا في المقسمة احتلال مصري؟ دايرين بيها شنو الديمقراطية دي وكت ما حيكون عندنا قدرة ندافع عن قطعة من أرضنا دي. ليك حق تقول ما بتهمك ياخوي، لأنك ما بتحب تصارع طواحين الهوا زيّنا، حسّي إنتا قايلني صاحي لغاية الوكت ده مُشرّك لي جكسوية في الماسنجر؟ وقول غلّط عادل عبد العاطي، أها بعد تبرد (...) بتجينا نراجع نناقش موضوع التصريح ده ولا بتمشي ترقد قفا؟ كلام غريب! وصدقني يا قيقراوي، تحرق مخك، ولا تحرق دمك أصلو الروح مقدقدة ومخيّتة بي كمين غرزة، شي أحزاب معارضة، وشي ناس الانقاذ، وشي وضع مالي كعب، وشي اغتراب وسجم رماد، وشي خرمة سجاير. شفتا حالتنا صعبة كيف؟ :)

تصدق يا خضر حسين لقيتني آخر الليل وقد ما عصرتَ مُخي عشان أفهم كلامك ده، ما قدرتَ أفهمو. لكن بي حبّة الوعي الباقية فيني لليلة بجاوبك:

الأخ عبد الحكيم نصر نقل كلام عن محمد إبراهيم نقد، وكلام وده ورد في هذا الرابط:
Re: هل عارض الشيوعيون موقف عبدالله خليل من إستعادة حلايب؟

Quote: للان الاستاذ نقد يصر علي ان حلايب مصرية وهذا الكلام سمعته مباشرة منه

وكمان في الرابط ده بالتفصيل:
Re: هل عارض الشيوعيون موقف عبدالله خليل من إستعادة حلايب؟

Quote: قابلت نقد ضمن وفد لجنة كجبار في دار الحزب الشيوعي بالخرطوم وفي معرض حديثه ردا علي التغول المصري واحتلال حلايب ومحاولة اغراق الارض النوبية بالتعاون مع المصريين فوجئت مثل غيري بالاستاذ نقد يقول:منو القال ان حلايب سودانية؟ حلايب مصرية والمستندات الموجودة في دار الوثائق السودانية تؤكد تبعية حلايب لمصر. انتهي حديث نقد حقيقة فوجئت مثل غيري من اعضاء الوفد؟؟؟؟؟؟؟؟؟؟؟؟

فما عارف إنتا داير تقول لي: "من قال إن نقد قال: منو القال إنو حلايب سودانية؟" ولا داير تقول شنو بالضبط ما فهمتا؟ إذا صحّ النقل أعلاه (نقل عبد الحكيم نصر عن محمد إبراهيم نقد) فإن كلام نقد المنقول بيتعارض مع بيان الحزب الورد ذكره في الرابط أدناه:
الشـيوعي : حـلايب أرض سودانية .. ( وثيقة )
بيان الحزب نقله عبد القادر محمد
تاريخه يونيو 1993م
وأول فقرة في البيان بتقول:

Quote: أن حلايب أرض سودانية ــ هذه حقيقة واضحة كإنسان الشرق ، وطيدة كجبال البحر الأحمر . أنها أرض سودانية سياسياً ، إذ نصت علي سودانيتها الاتفاقيات الدولية التي ابرمت منذ ما يقرب من القرن والتي استندت عليها الحكومات السودانية المتعاقبة منذ الاستقلال فبسطت سيادتها الوطنية كاملة علي مثلث حلايب ، وأكدتها االحكومات المصرية نفسها فأعترفت بهذا الأمر وتعاملت معه كحقيقة واقعة . وهي أرض سودانية تاريخياً ، اذ ارتبطت دوماً ، وعبر القرون والحقب بالسودان. وهي أرض سودانية إثنياً وديمغرافياً إذ يسكنها قوم غاصت جذورهم عميقاً في التربة السودانية وامتدت فروعهم الي كل اجزائها

أها بعد ده ممكن تعيد سؤالك بناءً على الروابط الجبتهم ليك ديل، عشان أفهمك بالضبط داير تقول شنو

Quote: إذا صحّ النقل أعلاه (نقل عبد الحكيم نصر عن محمد إبراهيم نقد) فإن كلام نقد المنقول بيتعارض مع بيان الحزب الورد ذكره في الرابط أدناه:

أها يلا عشان اقرب ليك دون التشكيك في رواية الاخ عبدالحكيم
إذا صح بتاعك ده براهو مفروض يسوقك طوالي لآليات (التحقق)
الانا اشرت ليها في مداخلتي الفوق واللي هي نفسها مفروض
تسوقك بعد(التحقق) طبعا لتكوين رؤية قاطعة زي دي

Quote: كلام محمد إبراهيم نقد متناقض تماماً (سواء بعدم وجود الوثيقة أو حتى في حال وجودها) مع بيان الحزب الشيوعي المؤرخ له بتاريخ 1993

اها بالبلدي كدة ياهشام انت عرفت من وين انو نقد متناقض طالما لساك متشكك في صحة الناقل (بالمناسبة الكلام ده كلو حقك) انت يعني انا استفسر فقط ليس الا .


ـــــــــ

ياهشام
انا ماشي انوم
المهم بجيك صاد كان الله سهل في التساهيل

يعني يا خضر حسين الشغلة من البداية هي تشكيك في رواية عبد الحكيم؟ يبقى سؤالي الأولاني كان صحيح، إنتا قاعد تسأل: "منو القال إنو نقد قال: منو القال ليكم حلايب سودانية؟" ياخ أنا طلعتَ طيبان ساي. ومعناتو عادل عبد العاطي ما غلطان لمن قال الشيوعيين ديل دايرين يشوّهو سمعتو! إنتا قايل تشويه السمعة دي كيف يا خضر؟ هو زول بيقول ليك سمعتو بي أضاني وتجي تقول لي عرفتَ من وين؟ وعلى فكرة عبد الحكيم لمن جاب الكلام ذكر الحادثة دي مكانياً ونقلها برضو حسن الملك في منتدى تاني. وعشان كده يا خضر كنتَ بقول ليك: إنو سواء x نقل الكلام ولا z فده ما بيمنع من حقيقة إنو الكلام ده اتقال، إلا إذا كنتَ حتطعن في أمانة نقل x و z فده يبقى موضوع تاني. الغريبة يا فردة إنو في (ناس) بتستشهد بكلام عبد الحكيم زاااتو لمن قال (أبو سليم زاتو قال إنو حلايب مصرية) يعني لمن يبقى الكلام عن أبو سليم نستشهد بيهو، ولمن يبقى الكلام عن نقد يبقى لازم نتحقق ونتأكد؟ أمّا عوجة!!

تصدق وتؤمن بالله اني كنت خلاس ماش اقفل الكمبيوتر
تعرف ياهشام انت ماطيبان ولا اي حاجة والدليل انك بتقولني حاجات انت قلتها
وثبتهاليك كمقتبسات من مداخلاتك معاي
ياخي انا لم اشكك في رواية عبدالحكيم ولا لي ان اشكك فعرفتي بحكيم لم تبدأ
بالبوست اياه ولا اظنها ستنتهي حتي ولو انو السودان زاتو بقي عبارة عن
امتداد طبيعي لجمهورية مصر . فياخينا ماتقولني كلام ما انا بقائله
لو (صح) دي كتبتها ات ياهشام . أما انا كل الذي فعلته انني تابعت هذه الفرضية
موش عشان اشكك في حكيم بل لأعرف اي نمط من انواع التحليل استخدمت ياهشام
يا ادم للوصول لتناقضات نقد في الوقت الذي لم تحسم فيه حد قولك (صحة نقل
الكلام) . دي نقطة مهمة للغاية فياصاحبي ناقشني فيما قلت ولا تحاكمني وفق
ماتهوي . كلامي قاعد فوق وحيظل قاعد واسئلتي في انتظار جوابك .

لك الشكر المقيم
اها ماشي انوم وبجيك باكر

Quote: حسي يا قيقراوي مساهر بي لغاية الساعة 02:30 صباحاً عشان أغلّط ليك عادل عبد العاطي؟ وسايب لي الموضوع بتاع حلايب كلو بي طولو وبي عرضو، وبتقول ما هاميك؟ وأنحنا بنكورك: حرية وديمقراطية فوق كم وكت أرضنا دي بنسيبا للغريب، ونقول ما بيهمنا، أنحنا الديمقراطية دي دايرنها في يات بلد يازول؟ البلد المقسّمة شمال وجنوب، ولا في المقسّمة استثمارات عربية، ولا في المقسمة احتلال مصري؟ دايرين بيها شنو الديمقراطية دي وكت ما حيكون عندنا قدرة ندافع عن قطعة من أرضنا دي. ليك حق تقول ما بتهمك ياخوي، لأنك ما بتحب تصارع طواحين الهوا زيّنا، حسّي إنتا قايلني صاحي لغاية الوكت ده مُشرّك لي جكسوية في الماسنجر؟ وقول غلّط عادل عبد العاطي، أها بعد تبرد (...) بتجينا نراجع نناقش موضوع التصريح ده ولا بتمشي ترقد قفا؟ كلام غريب! وصدقني يا قيقراوي، تحرق مخك، ولا تحرق دمك أصلو الروح مقدقدة ومخيّتة بي كمين غرزة، شي أحزاب معارضة، وشي ناس الانقاذ، وشي وضع مالي كعب، وشي اغتراب وسجم رماد، وشي خرمة سجاير. شفتا حالتنا صعبة كيف؟ :)

دا الكلام البخلي الزول يعضي ايديهو
يا هشام آدم يا فردة
لو كلفت نفسك تقرأ كلامي ما كان كتبت كلامك الفوق دا و أكدتو بالدليل القاطع
ياخ كدي جيب لي كوت من كلامي اا قلت الكلام القولتني ليهو في صمة خشمي او في صمت كيبورديني دا ؟

Quote: وسايب لي الموضوع بتاع حلايب كلو بي طولو وبي عرضو، وبتقول ما هاميك؟ وأنحنا بنكورك: حرية وديمقراطية فوق كم وكت أرضنا دي بنسيبا للغريب، ونقول ما بيهمنا،

هي تهم ساي بتلفقوها للناس و السلام ؟!!!!!!
الكوت يا عمك

الما هاميني نقاش الموضوع بجوبكتكم دي ، و خلط الغرض بالمرض مع بسكويت العيد و غبار المظاهرات و ريحة البنبان و دم المناضلين الحقيقيين ، القاعدين يغيروا في الواقع البائس القلتو دا . . وقع ليك ؟

عاوزك تتأمل معاي ما قاله الاستاذ / ياسر عرمان دا

Quote: إن محاولة شخصنة القضايا العامة والتى درج عليها البعض لاتفيد فى حل الازمة الحالية ومن المهم التصدى بعقلانية وموضوعية للمعضلات التى تواجهنا الان وبصورة لم نختبرها من قبل

ركز لي على لم نختبرها من قبل دي . . سمح ؟

عمرو النقاش العقيم و اللت و العجن دا ما كان جزء من حل قضايانا ، بل العكس ظلت الحوارات المأزومة هي مشكلتنا المركزية و عويش يغذي محرقة ( الوطن ) ، البقى بمالناسبة ملكية خاصة تعطى فيه الصكوك و تنزع الحقوق بطقة كيبورد ؟!
اها يا منصف دايرني اشارك معاكم في الجريمة دي ؟
انت مقتنع بالبتعمل فيهو دا ؟ فدا حقك ، لكن بتطالبني انا المشاركة فيهو بياتو وش ؟


------------------

بعدين قلنا : بطلوا المزايدات ياخ ؟
دا كان شرط اساسي للاندماج في ( حواركم) دا . . حقي و لا ما حقي ؟

ما وريتني القوم موضوع حلايب فجأتن كدا اسي دي شنو ؟
و خطواتكم الجادة الاتخذتوها لحدي اسي لاستعادتها ؟
بعدين الاهم خالص انتو منو ؟
لو ( نا ) ديل بالجد جادين في الموضوع دا ، يلا خطوة جادة ، وانت بتعرف موقفي او ممكن تستشفو او تتخيلو ، فما حلوة منكم تخليني أنزل المزاد دا ساي مش ؟

يا قيقراوي يا حبيب، تصدّق وهمتني في روحي؟ يعني من قبيل لمن بتقول لي:
(اشبعوا لطم قشة ما تعتر ليكم)
(كمان لما تبطلوا المزايدات ( الوطنية )* الظهرت عليكم فجأتن دي ، و تخلوا الدونكشوتوية في الصراع دي و تبقوا ناس نقاش جاد و مسؤل ادونا* خبر سمح ؟)
(رايكم شنو في المزايدة الوطنية)

مدخلني في زمرة كنتا فاكرها زمرة المنادين بسودانية حلايب، لكن اتضح لي غير كده خالص. وقلتا معناتو الزول ده مدخلني في زمرة الناس البتقول إنو الشيوعيين بيشنوا حملة تشويه سمعة لعبد الحكيم نصر، وعشان أمرق نفسي من الحتة الإتخيّلتَ إنك خاتيني فيها، قمتَ قلت ليك إني ما غلطت في حق الزول ده ولا أسأت ليهو عشان أعتذر، تاني جيت اكتشفت إنو موضوعك من البداية (إني ما غلّطت عادل عبد العاطي)، وياهوندا غلّطو ليك، وتغليط عادل عبد العاطي بالمناسبة مش كرم أخلاق مني ولا هم يحزنون، لكن موقف مبدئي برضو. أما عن "نا" المُجنناك فديل ناس سودانية حلايب، والشايفين إنو حلايب دي سودانية ما مصرية (دي فكرتي أنا ده)

أها يا قيقراوي، إنتا بتفتكر إنو كلامنا هنا ما عندو أيّ فايدة مش؟ كلام صحيح طبعاً، لكن طالما لا أنا ولا أيّ واحد من الناس القاعدة تكتب (سواء بالسلب أو بالإيجاب في قضية حلايب) ما عندهم أيّ قدرة ولا سُلطة لتغيير الواقع المفروض نعمل شنو يعني؟ ما المفروض نكتب ولا نقول رأي، يا كمان لو قلنا رأي ودافعنا عنو نعتبر بنلت وبنعجن؟

وبعدين تعال هنا، منو الشخصن القضية؟ ياخي إنتا لمن توجّه لي أنا (هشام آدم) الكلام بصورة مباشرة، وجه لي بما يخصني أنا، لأن الموضوع ما ماشي بي شلليات ولا طائفيات. لو خشيت لقيت ليك ناس ملمومة على زول واااااحد وقاعدين يكسروا فيهو، بتقيف تسأل الحاصل شنو والزول ده عمل شنو، ولا أول حاجة تحجّز الناس ديل وبعد داك تسأل؟ ولمن تحجّز الناس ديل، هل يبقى من العدل إنو الناس دي تعتبر إنك موافق الزول القاعد يدقه ده في السواهو؟ الناس دي هنا قاعدة تتكلّم عن سودانية حلايب أو مصراويتها، أيّ زول يجي يقول حلايب دي مصرية بجي خاشي وأرد بالبعرفو، وبدافع عن سودانية حلايب لكن بعد ده أنا ما مسئول من غرض فلان ولا نيّة علان. ما تقع تحشرني ساي كده يا زول. وقدامك البوست ده، أمرق لي كلام بيخصني شتمت فيهو عبد الحكيم نصر، ولا نقد ولا أيّ زول. أنا هنا قاعد أدافع عن رأيي، وسواء رأيي ده حيغير الواقع ولا ما حيغيّر فأنا بقول رأيي ده هنا. والقوم موضوع حلايب فجأةً يا حبيب هو نقل عبد الحكيم نصر لكلام نقد اللي قال بالحرف الواحد (منو القال ليكم حلايب سودانية؟) ده الجديد في الموضوع. هو قال ليك أنحنا ما عارفين حلايب دي مُحتلينها المصريين؟ ولا قال ليك أنحنا ما عارفين إنوا لقضية دي منظور فيها قدام مجلس الأمن؟ بس أيّ زول من حقو يقول رأيو، ولمن أقول رأيي بي فهم، ما تشربكني في فهم زول تاني بيوافقني في نفس الرأي.

وأصلو وكتين الناس ما حتغيّر حاجة بي كلاما هنا ده، المنبر ده فاتحنو لي شنو؟ يعني الناس البتتكلّم عن ضرورة إسقاط الكيزان، كتاباتهم ما حتسقط الكيزان، والناس البتتكلّم عن هيئة علماء السودان، ما حيغيّروا واقع إنو هيئة علماء السودان موجودة ومفروضة على السودان، والناس البتتكلّم عن الهلال والمريح برضو ما حتغيّر حاجة، والناس القاعدة تتكلّم عن انفصال الجنوب أو وحدة السودان ما حيغيّروا حاجة. ... أها الناس تتكلّم في شنو يعني؟ ولا ما تتكلّم أصلاً؟

أقول ليك كلام .. بجيك بكرة بي رواقة لأنو حاسس أفكاري ما مرتبة زي الناس

* نا في كلامك المقصود بيهم منو؟

Quote: * نا في كلامك المقصود بيهم منو؟

دي ( نا ) نانة العاجبانا

صباح الخير يا هيش
اها ان شاء الله تكون رتبت افكار كويس

يا زول انا ديمقراطي من ناس قشة ما تعتر ليكم ، و براك اقتبستها من كلامي و معاها كوم التعابير الديمقراطية دق ابجلفة زيها ، لكن النعاس او ( الغرض ) ايهما ابعد عن التقوى ، خلاك تركز لي بس في ( نا ) ( م ) الجموع الباذخة .
اناابداً لم و لن اقل ما تتناقشوا في الفارغة و المقدودة و لا في المليان ذاتو ، انا علي بخياراتي انا فقط لا غير ، اها انا شايف نقاش ( هلال / مريخ ) و ارهاب " سا2مبا" افيد لي من ان ادور في طاحونة الدفاع او اتهام عمك " نقد " و حددتها بوضوح - من وجهة نظري - " قلت ليك التصريح ما بمثلني* و لا هادف لدفاع عن زول . و لماحسيت فيها لبس ، اتيت بشروح ليستبين الموقف . اكتر من كدا ما عندي . ما طمعان لي في شهادة " وطنية " من " وطني " بعطاء من لا يملك لمن لا يستحق . العارف عزو مستريح ما يعادل : اني اخترتك يا وطني فليتنكر لي زمني ما دمت ستذكرني

هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

( الاستاذ / عالم عباس ) **

اما فيما يخص موضوع الادانة او تغليط الغلطان ، فانت الجبتو لنفسك بي حاجتين لا ثالث لهما ( من طرفي ) فانا ما صاحب لدار و لا بهمني ( حوار ) كم او اختبار الوطنية الجديد او ( الوطنيةالجديدة لنج ) دا/ي
- اول هام انت طرحت نفسك " بتاع " إنصاف " ؤ كدا ، يعني بتبيع بسعر الحياد ، حبيت اقول ليك مستحيل ، رغم فداحة و صراحة التحذير المُغنّْى : " نحن في بداية طريقنا . . ليه تقول لي مستحيل ؟! . . تيرا "
- تاني هام شايل عكازك و واقف في باب البوست ، و شغال " افصلوا . . افصلوا ؟ " و لم تختمها بي " يرحمكم الله " - موضة اليومين ديل في سودانيز ! . . اها قلت يا ود يا قيقا دي فرصتك انت ( طيب ) و هشو بستاهل ياخ ؟ فكان الفصل . مع كرهي و خوفي المتنامي مع الفصل و اشتقاقاته و انشقاقاته ، اها كان لازمن و حتمن و لا بد اطلب منك طلب كمان ، لزوم توازن العلاقة و نظام شيلني و اشيلك ؤ كدا . و لا هو الحوار دا كيفنو ؟
ياخ كدا ببقى محاضرة او تقريع او " تقريظ " - العاجب عادل عبد العاطي اليومين ديل - و نذهل عن الحقيقة او مجموعة الحقائق على الارض . . لووووووووول . . التقريع و التقريظ ديل من ادوات المعلم - او ممن هو في موقع أعلى - لكن المساوي بثمّن يشجب ، يدين ، يلعن . . . .
اها يا عمك ع ع .. اصحى للون يا بريش ؟! . . اما اذا كان فيها سيوبريرتي ؤ كدا ، وحياتك ما تعاند قولا ؟



تحياتي للجميع . . و قيلوا عافية
العفو فوق العافية . . اني راحلة
مع فائق الشكر و التقدير لصاحب الضيافة ( الما ضيفنا ذاتو ؟! ) لاتاحة الفرصة .. دي برضو ( عبارة ) موضة اليومين دي في سودانيز
و جمعة مباركة للمؤمنين

------------

* حقوقك الادبية محفوظة في التعبير

** صورة البروفايل ( ي ) عندها قصة بحكيها ليك في تلفون او لو شفناك جهرةً من غير حجاب او اسلاك . . ياخ ما تعملا يا " عزابي " ؟

خضر حسين يا حبّة ... حسي الكلام بقا عند خشم الباب الموارب، ورامي الصنارة بيلوم في السمكة الغبيانة البلعت الطُعم، قال: "لو ما كانت السمكة بلعت الطعم ما كان اصطدتَ" ونسى إنه لو ما كان رمى الصنارة ما كانت السمكة اتعولكت وبلعت الطعم. حسي كدي خلينا من الكلام ده كله، وخليني أطرح الأمر كالآتي:

• في خبر نقله عبد الحكيم عن نقد بيقول فيهو بالحرف: "منو القال إنو حلايب سودانية؟ في وثائق في دار الوثائق بتثبت تبعية حلايب لمصر"

أنا الظن الغالب عندي إنو النقل ده صحيح مش لأني بثق في عبد الحكيم نصر فأنا ما بعرفو بصورة شخصية عشان أحكم على مصداقيتو من عدمها، لكن ثقتي في الكلام جات من 3 نقاط أساسية:

أولاً: طريقة النقل (السمع المباشر) وليس العنعنة
ثانياً: إنو ما في نفي واضح وصريح من نفس المصدر عن عدم صدور مثل هذا الكلام
ثالثاً: إن نفس الكلام بنفس الصيغة نقله شخص آخر (حسن الملك) فيبقى اتنين نقلوا الخبر بنفس الصيغة، ونقلوه بنفس الحيثيات (مقابلته الشخصية ضمن وفد لجنة كجبار لدار الحزب الشيوعي بالخرطوم)

نقل حسن الملك لكلام نقد في موقع (كدن توو) منقول كذلك من موقع (النوبي العالمي)
الخبر حتلاقاهو هنا
وده نقل للخبر في سودانيزأولاين Re: الشيوعيون يعملون تشويه سمعة ومصداقية الاستاذ عبد ال... لمحمد إبراهيم نقد !
أنا ممكن بكل بساطة أقول إنو لا يمكن الاعتماد على نقل عبد الحكيم طالما في بيان من الحزب بيؤكد سودانية حلايب، لكن في حالة واحدة بس، إنو المعلومة تنتهي عند حدّ النقل، لكن الكلام المنقول ده (غير إنو منقول بأكثر من مصدر غير عبد الحكيم) وغير إنو لم يتم نفيهو حتى اللحظة، فهو متضمن معلومة تانية عن وجود وثيقة في دار الوثائق بتؤكد مصراوية حلايب. أها أنا في الحالة ممكن يكون رأيي شنو؟ كدي شوف معاي أنا قلتَ شنو:

(1) وجود وثيقة في دار الوثائق القومية تثبت تبعية حلايب لمصر (لم يثبت هذا الكلام حتى اللحظة) يطعن في مصداقية الحزب الشيوعي السوداني شكلاً ومضموناً، لأن هذه الوثيقة تناقض بيان الحزب الشيوعي السوداني الصادر عام 1993م والذي يثبت فيها تبعية حلايب للسودان (Re: الاستاذ محمد ابراهيم نقد وووب عليك و سجمك)

(2) أنا من أمبارح انقرش صوتي وأنا بقول: ياخ لو في وثيقة موجودة في دار الوثائق القومية دي تثبت إنو حلايب دي مصري اليطلعنا لينا نقد ولا غيرو، أما عن إثبات إنها سودانية (وقناعة الحزب الشيوعي) بالموضوع ده سقنا فيهو بيان الحزب الصادر بشأن الموضوع ده سنة 1993م. وزي ما في بيان بيأكد رأي الحزب في موضوع حلايب فلازم يكون في وثيقة تثبت العكس عشان نقد ما يكون (للرأي العام) قاعد يقول كلام ساي. ولغاية حسي يا دكتور في ضبانة زانة لي في راسي ده: ياخ إذا في وثيقة ز ي دي في دار الوثائق، الحزب طلّع بيانو بتاع سودانية حلايب على ياتو أساس يعني؟ والموضوع صدقني ما كان ح يآخذ منحى بتاع مهاترات وقولات إذا الناس من البداية اتكلّمت بموضوعية، لكن حكاية (إنتا ألز زول) و (اللذاذة) ما كان في ليهو أيّ داعي من البداية. ولي حسي بقول: سواء اتعرض عبد الحكيم نصر لتشويه سمعة أو محاربة أو أيّ حاجة من الحزب أو ما اتعرض، فالموضوع لسّه ما اتحسم، ولا بيتحسم إلا بإخراج الوثيقة البيقول عليها نقد دي من دار الوثائق القومية، يا كمان الناس تبقى قدر كلاما وتبقى حلايب سودانية فعلاً، وتتحرّك على الأساس ده وتصعّد الموضوع للجهات الدولية المختصة. (Re: الشيوعيون يعملون تشويه سمعة ومصداقية الاستاذ عبد ال... لمحمد إبراهيم نقد !
)

حسي السؤال البيطرح نفسو:
* إنتا رأيك شنو في كلام عبد الحكيم نصر وحسن الملك المنقول عن نقد؟
إذا كان رأيك إنو كلام صحيح .. فده بيرجعنا تااااني لحكاية التناقض بين التصريح وبين البيان
إذا كان رأيك إنو كلام غير صحيح، فأنا بسألك ليه ما صحيح؟

قيقراوي يا فردة ... ياخ أنا أمبارح من كترت ما نعاس، لمن بقيت شايفك الرفاعي عبد العاطي .. على العموم، البال رايق، والعين مفنجلة شديد. حسي يا حبيب البوست ده، أو بالأصح الموضوع ده فيهو أكتر من طرف توب:
• طرف بيخص عبد الحكيم زاتو
• طرف بيخص نقد زاتو
• طرف بيخص عادل عبد العاطي زاتو
• طرف بيخص حلايب زاتا

أها يا زول أنا ماسك في طرف حلايب دي، لا عندي شغلة بي نقد، ولا بي عبد الحكيم، ولا بي عادل عبد العاطي رغم إنو الأطراف دي زاااتا ملمومة مع بعض لكن في النهاية هي اطراف. أنا البيهمني في الموضوع ده كله هو قضية حلايب وإثبات سودانيتا، والكلام عن وجود وثيقة بتثبت تبعية حلايب لمصر كلام غريب جداً من زول أكد في بيان ليهو إنها سودانية، أها كدا طرفين اتلاقو والطرف التالت ياهو ناقل الخبر ويجي ع.ع كطرف تالت بيقول الشيوعيين ديل شانين هجمة على عبد الكريم لأنو نقل الكلام (الغير مؤكد) عن نقل. وأنا يا سيدي لا عندي مشكلة مع الطرف ده، ولا مع الطرف ده، أنا بتلاقى مع الأطرف التلاتة ديل من ناحية الطرف البيخصني. وعشان كده قلتا (حقو الناس تفصل) عشان ما تتشربك الحكاية ويبقى الموضوع طرفين بس: طرف مع وطرف ضد، يا كمان طرف مهاجم وطرف مدافع أو مبرر. وزي ما إنتا زااتك قلتا: " انا مهتم بما لا يهمك و انت مهتم بما لا يهمني " وبعد ده يا حبيب الموضوع كله بيبقى خلط كده عجيب جداً جداً: الشخصي بالعام بالوطني بالسياسي.

ياخ وكتم رقتا من هنا كان في جو عجيب حماني النوم زاتو

Quote: أنا البيهمني في الموضوع ده كله هو قضية حلايب وإثبات سودانيتا، والكلام عن وجود وثيقة بتثبت تبعية حلايب لمصر كلام غريب جداً من زول أكد في بيان* ليهو إنها سودانية،

يعني مصر تجرجر رجلي الاسفيرية في نقاشكم دا , و لا شنو يا هشام ؟

كدي اشرح لي كيف ح تثبت سودانية حلايب بنقاش او قول عديل بدحض "وجود وثيقة بتثبت تبعية حلايب لمصر " بدار الوثائق السودانية ؟؟!!

تعرف يا هشام بالجد لو عندي الحق اني أربا بإمكانياتك انت و عادل تحديداً بنقاش مسطح و فطير زي البتعملوا فيهو دا ؟ و الله لفعلت

لكن اسوي ليكم شنو ؟ بتناقشوا الموضوع بخفة منافية لما اشتهر عنكم او ادعيتم من ( علمية ) ، و بغرض سياسي غير خافي على اعمى زول !!

لا املك الا ان اقول : لو سئلت عن الشمس في بلد العناكب ، قل ان بي رغبة في البكاء

و لـ ( الوطن ) فائق الحزن و الاسى

كن بخير . . و استمتع بالجو اللزيز طرفكم
دا كل ما نستطيعو حالياً




------------- ما دام دخلنا خشمنا في الموضوع - ------------

وكت بهمك خالص :

* يا هشام اديت نفسك فرصة لـ ( بحث ) في شأن التناقضالشايفو في تصريح ( الزول ) و بيان حزبو - الكررت غيرما مرة انو عام 1993 م - يعني عاوز انبهك لانو تشوف ( التأريخ ) الطقشت عينو فيهو ( الوثيقة المزعومة ) - إن وجدت - مش امكن يفك ليك الاشتباك دا ، يرفع التناقض ؟
صدقني ما في انجع من البحث العلمي لإماطة اللثام عن الحقائق
و ما في اجود من طريقة التفكير العلمي لسبر غور المشكلات

كلو الباقي طق حنك و تزجية وكت
فما تنسى انو جوكم جميل مزجي وكتك في غرفة خانقة ليه ؟
قم الى ااحدائق العامة و المنتزهات التيلا تخص في شئ ، طالما ما عندك سكة لخروج لشوارع تخصنا تماماً لتخصها بحمى الثورة

اقول قولي هذا و استغفر الله العظيم لي و لكم

Quote: كدي اشرح لي ح تثبت سودانية حلايب بنقاش او قول عديل بدحض "وجود وثيقة بتثبت تبعية حلايب لمصر " بدار الوثائق السودانية ؟؟!!

يا قيقراوي الوثيقـة دى وينها؟

أرجوك ما تقول لى أمشى أبحث عنها فى دار الوثائق..

ممكن واحد يقول الحزب الشيوعى عندو إتفاق سـرى مع مصـر منذ عام 1996، وفى وثيقـة فى دار الوثائق تثبت ذلك،
يللا أمشوا فتشـوا ليها، حيكون رد فعلكم شنو؟

وحاااااات غلاوتك يا قيقراوي
التور لو كان بيتحلب كان حلبتو ليك .. بس تقول شنو!

Quote: يا قيقراوي الوثيقـة دى وينها؟ أرجوك ما تقول لى أمشى أبحث عنها فى دار الوثائق..

سلام يا ابو الريش

ي اخوي لا اقول ليك لا تقول لي !

انا عازف عن نقاش الموضوع دا من اساسو لو قريت كل مداخلاتي هنا بما فيها الاخيرة الاقتبست منها دي بالمناسبة عدلتهل قبل مداخلتك بثانيتينبس لو راجعت التواريخ و الوقت في التعديل و مشاركتك .

و ما حصل قلت بوجود/عدم وجود وثيقة

و الكلام اللفحتو موجه لصديق - مجاملة يعني - في نقاش بهمو و ما بهمني . . شفت كيف ؟
و لو ركزت في كلامي انا ضربت في طريقة التفكير و تركيب الكلام و منطقيته ، و ما تعرضت لصحة المحتوى من عدمها



------------- فيما يخص باقي مداخلتك ---------

لا اعتبر نفسي معني بالكلام !

داك نقد ( القال الكلام ) و ديلك الشيوعيين اليردوا عليك

س 1
ضع كل جملة داخل دائرتها

يل لبؤس الشيوعيين




مستعدون لسهر الليل وتسويد الصفحات الطوال للدفاع عن القزم القميئ.

اها حتشربو وضوهو متين ؟





يا لكم من يؤساء

عادل البوست بعد ده بقي بين ايدي القاري الكريم , كلنا قلنا كلامنا فيهو فـ خفف إنفعالك شوية,

- محمد ابراهيم نقد صرح بوجود وثيقة في دار الوثائق و الحزب الشيوعي في بيانو اكد موقفو المبدئي من قضية حلايب
و ديل موضوعين منسجمين مع بعض , يعني طبيعي و عادي انو تكون في وثيقة في دار الوثائق السوانية ضد سودانية حلايب
و في نفس الوقت يكون الحزب الشيوعي و سكرتيرو العام مع سودانية حلايب .

- كسب شيوعيين المنبر نقطة ضد حملاتك عليهم بشهادة حكيم ضدك و رفضو استغلالك ليهو في معاركك مع الحزب الشيوعي
و اكد انو لم يتعرض لضغط او إبتزاز من الشيوعيين كما صرحت انت بذلك.

- عرف القاري موقفك في حالة حصولك علي وثائق دولية و كيفية تعاملك معها حين تكون ضد قناعاتكـ .

شكرا علي المساهمة في النقاش يا فنان و نلتقي في بوستات أخر

يا الغناى
وصلتو لى شنو , هل ووب عليهو و سجمو و لا ووب عليهو و سجمو ... برضو أم سجمو فقط دون ووب عليهو أم العكس ام لا ووب و لا سجم

1 ل 2 - ماشه السوق؟
2 - لالا أنا ماشه السوق
1 - معليش انا كنت قايلاكى ماشه السوق


come to the messenger

يا خدر
هل حلايب رخيصة للدرجة دي؟؟؟
شايف بوستك بقي مااااياهو،لدرجة خضر حسين يمارس فيه الرياضيات
ياخي بقي سين في صاد
كان تقلبو الموضوع من البداية ماث

المهم
عندنا كمواطنين تلاتة أسئلة رفعناها يرجي النظر فيها بدل النقة الطويلة دي
نحن ناس بسيطين وكنا بنقفل الفيزيا والرياضيات في المدارس وكلامكم ما واقع لينا تب
هاتوا من الآخر
الاسئلة هي :

هل حلايب مصرية؟؟حسب وثيقة موجودة في دار الوثائق السودانية حقتنا دي؟؟؟؟
هل ساستنا عارفين حاجات نحن كمواطنين ما عارفنها وبفكوها حسب رغبتهم ومصالحهم الحزبية والشخصية؟؟
لماذا صرح نقد بهذا التصريح لوفد كجبار فقط؟؟؟
يعني داير يقول ليهم حسب الوثائق كجبار برضو مصرية حسب محور حمدي!
الناس البتضحك...فهموني واضحكوا...الضحك ملحوق وحيشرط اي زول لقدام
الناس البتكتب 88 سطر انا ما مستعد اقرا قدر ده ادينا الكبسولة بس نبلعها


_
تنظير شديد ما عايزين
الزول العايز يفهمني يخت كلمتين ويديني المصدر-لانو نحن بنقرا اكتر من نكتب-

قرفانين نحن من السودان كله...جيبوا المفيد لو ما في مفيد..فكونا من النقة بالله
والا بعتبر نفسي دخلت بوست غلط عشان اضحك وامارس المزاح

__
في هذه المداخلة ممنوع ممارسة الكسب السياسي بالاقتباس وما الي ذلك ..بالواضح كدة ممنوع اصحاب الغرض السياسي من الاقتباس من هذه المداخلة

يا قمر بوبا
الحقائق على الارض ( حاليا ) كما يلي :
حلايب تحت السيادة المصرية ( الكاملة )
ليست دائرة انتخابية سودانية


و هنا كل صاحب غرض بطمبر و بفرغ في غثاؤه

لا أحد جاد في الموضوع دا

اللهم الا اذا كان تنابزنا ح يرجع حلايب
او بالميت كدا كان الشعارات الخاوية بتجيب نتيجة


هذا و الله اعلم
هذا ما يبدو لي


-------------

بعدين خليك تقتيحة و أكد " وطنيتك " بكم شعار كدا . . كدا ح تفشل في اختبار الوطنية الجديد / الوطنية الجديدة لنج

( الفعل )
شجعان الأقاويل جمة
ولكن شجعان الفعال قليل
فإن قلت قولا لا تموت وراءه ليحيا
فلا معنى لما ستقول


السطور الاخيرة في دفتر الحلاج الثاني
عالم عباس

العشا باللبن سلامات

Quote: - محمد ابراهيم نقد صرح بوجود وثيقة في دار الوثائق و الحزب الشيوعي في بيانو اكد موقفو المبدئي من قضية حلايب و ديل موضوعين منسجمين مع بعض , يعني طبيعي و عادي انو تكون في وثيقة في دار الوثائق السوانية ضد سودانية حلايب و في نفس الوقت يكون الحزب الشيوعي و سكرتيرو العام مع سودانية حلايب .

محمد ابراهيم نقد زول غير مسؤول وهذذا التصريح سيطارده الى القبر ودي اضمنا كما تضمن ساعة سويسرية .

Quote: - كسب شيوعيين المنبر نقطة ضد حملاتك عليهم بشهادة حكيم ضدك و رفضو استغلالك ليهو في معاركك مع الحزب الشيوعي و اكد انو لم يتعرض لضغط او إبتزاز من الشيوعيين كما صرحت انت بذلك.

انت مجرد كذاب .. انا لم اقل انه تعرض لضغط وابتزاز ( جبت الكلام دا من وين ؟؟) بل قلت يسعون لتشويه سمعته وضرب مصداقيته؛ واتيت باقتباسات لاثبات ذلك لم ينكرها احد .. ان يفضل عبد الحكيم انقذا سمعة الشيوعيين ونقد بدلا من التصدي لمن يشككون في مصداقيتنه فهذا امر يرجع له تماما وهو حر فيه.

Quote: - عرف القاري موقفك في حالة حصولك علي وثائق دولية و كيفية تعاملك معها حين تكون ضد قناعاتكـ .

كذاب .. قلت لما تكون ضد مصالح بلادي العليا .. وقد تراجعت عن رايي هذا بعد مداخلةى الاخ عيدروس في بوست آخر وقال يجب نشر الوثيقة والدفاع مع ذلك عن المصالح الوطنية ؟؟

سيدك نقد تراجع ؛ ولا انتا تراجعت عن انو كلامو احراج للانقاذ

اها حتشرلابو وضوهو متين يا العشا باللبن ؟؟ عايزين نجي نحضر ونتحسر على الابداع .

Quote: انت مجرد كذاب .. انا لم اقل انه تعرض لضغط وابتزاز ( جبت الكلام دا من وين ؟؟) بل قلت يسعون لتشويه سمعته وضرب مصداقيته؛

ليست هذي ولا تلك يا اخ العرب !
بل قلت :

Quote: الشيوعيون يعملون تشويه سمعة ومصداقية الاستاذ عبد الحكيم نصر انقاذاً لمحمد إبراهيم نقد ! الشيوعيون يعملون تشويه سمعة ومصداقية الاستاذ عبد الحكيم... لمحمد إبراهيم نقد !

لعناية عزيزو القارئ

السعي و العمل واحد ياخوانا ؟؟!!

9 × الخير يا حبيب




-------------- تنبيه ------------

يا عزيزو القارئ خليك عميق ياخ ! . . .
ركاكة الصياغة في" يعملون " غير محسوبة . . سمح ؟

يا قيقا لالا خليهو لي عادل صاحبي الفالح ده
ياعادل انا ما حا ادخل معاك في مغالطات او اقول ليك (كذاب) زي ما وصفتني
و قلنا مليون مره الملافظ سعد يا ابن اهلي

هاكـ يا عادل اقراء حوار نقد في صحيفة الاخبار السودانية و قول لي منو فينا الكانت قرايتو
سليمة لي تصريح نقد لوفد كجبار ؟
و للمره الاخيرة يا عادل انا ما بدافع عن نقد .. انا ضد الاستهبال البحصل في سودانيزاولاين
بتحوير اقول و تصريحات السياسيين والناشطين السودانيين الوطنيين لمصلحة اغراض كتاب البوستات
زيك يا عادل في هجومك علي تصريح نقد الاخير لاثبات انو ابراهيم نقد خائن و عميل و ..الخ ,
اها دي 5/صفر لصالح نقد و شيوعيين المنبر يا معلم





http://alakhbar.sd/sd/index.php?option=com_content&task...&id=10247&Itemid=206

خدر وزواره الكرام..
تحياتي..

بعد إذنك يا خدر..
أرجعوا للخيط دا..
مقال هام جدا للدكتور فيصل عبدالرحمن على طه حول قضية حلايب ...


فيه كلام مهم من رجل إختصاصي في نزاعات الحدود..
وركزوا على الفقرتين أدناه..
فهما يلخصان اسانيد المصريين في النزاع ..
وقيمتها القانونية حسب نصوص القانون الدولي..

Quote: بموجب أوامر صدرت من ناظر الداخلية المصرية مصطفى فهمي في 26 مارس 1899 و 4 نوفمبر 1902 أدخلت بعض التعديلات على خط 22 درجة شمال. وقد سبقت الإشارة إلى أن مصر طالبت في 29 يناير 1958 بإلغاء هذه التعديلات على أساس أن الحدود التي رتبت عليها كانت إدارية والعودة إلى خط 22 درجة شمال على أساس أنه يمثل بموجب اتفاقية 19 يناير 1899 الحدود السياسية بين مصر والسودان.

Quote: ويثير إلغاء الحكومة المصرية لاتفاقية 1899 بالقانون رقم 175 لسنة 1951 حتى ولو كان ذلك الإلغاء بالإرادة المنفردة ، مسألة استناد مصر الآن على تلك الاتفاقية لتأكيد السيادة على منطقة حلايب وعلى المنطقة المغمورة شمالي وادي حلفا ، فالقانون الدولي فيه الكثير من القواعد التي تغلق على الدولة باب الرجوع في ما فعلت أو قالت. ويجعل من فعلها وقولها حجة عليها. وتذهب نفس القواعد إلى أنه إذا اتخذت إحدى الدول باعترافها أو تصريحها أو سكوتها موقفاً يخالف مخالفة بينة للحق الذي تدعيه أمام محكمة دولية فإنه يمتنع عليها المطالبة بذلك الحق.

دا بوريكم ليه مصر تطبطب للسودانين ..
لإن تباطؤ السودان في تحريك الإجراءات أمام المحكمة الدوليه..
يتيح لها وقت ذهبي لتعمل على الأرض لتفرض واقع جديد.

إعتز ياخدر..
إعتز..
وسنردد من خلفك وخلف شاعرنا الفطن..

من فرجة في السد قالت مصر أهلأ
قلت أهلأ قد عرفتك
..
وهل تمر الشمس من من عينيك?
وهل دربي سلام??