Post: #1
Title: المؤتمر الوطني من شدة ما انبطح وعد باقالة اي ضابط شرطه مس قيادات الحركه الشعبيه!!
Author: Tragie Mustafa
Date: 12-15-2009, 05:45 AM
شفتوا الفيلم ده كيف؟؟؟؟
اها زولنا داك الاخد الكف من مالك عقار
عندنا ليه باقي اخبار سيئه...بانه اذا اتضح
انه من الاسماء التي ذكرت....فهو سيقال لصالح العام
كما التزم المؤتمر الوطني للحركه الشعبيه!!
تخيلوا...التضيحه باكباش الفداء هؤلاء...عشان ثاني
ينفذوا الاوامر....اوامر ما راكبه عدلها اوعا تنفذها يا عسكري
انت البضحوا بيك في النهايه!!
وناس الحركه سيتابعون هذا الامر....ومافي ثاني كلام الليل يمحوهوا النهار!
كلام يا عوض دكام....
هباني بالله تعال اتفرج على هذه الانبطاحه التاريخيه(هههههه)
|
Post: #2
Title: Re: المؤتمر الوطني من شدة ما انبطح وعد باقالة اي ضابط شرطه مس قيادات الحركه الشعبيه!!
Author: Tragie Mustafa
Date: 12-15-2009, 05:46 AM
Parent: #1
اها انا بقول لمبارك الفاضل الضباط
القلوا ادبهم عليك بالله لحق اسمائهم للناس ديل.
عشان ياخدوا لك حقك معاهم.
|
Post: #3
Title: Re: المؤتمر الوطني من شدة ما انبطح وعد باقالة اي ضابط شرطه مس قيادات الحركه الشعبيه!!
Author: Bashasha
Date: 12-15-2009, 06:08 AM
Parent: #2
الشاف نافع ربط المخروقة او رقص ع الواحدة او نص، عشرة بلدي، ما كضب تب!
قرقرقرقر!
زرة كلب في طاحونة، قال ليك، الكيزان مزرورين!
|
Post: #4
Title: Re: المؤتمر الوطني من شدة ما انبطح وعد باقالة اي ضابط شرطه مس قيادات الحركه الشعبيه!!
Author: فيصل عثمان الحسن
Date: 12-15-2009, 01:07 PM
Parent: #3
العزيزة تراجى تحياتى وتقديرى .
يا تراجى الضباط الذين أساءوا معاملة قيادات الحركة الشعبية
محميين تماما وأكيد أنهم لم يتصرفوا وفقا لأهواءهم , وصدقينى لو
ما عندهم تعليمات بالفعل القبيح الذى أتوه لما تجرأوا على فعلتهم
, ربما لدى النظام من يرغب فى التخلص منهم وهذا هو الظرف المناسب
لذلك , بالمناسبة مثل هذه الأحداث تفرز نقاشات جادة وسط ضباط الشرطة
خصوصاالناقمون على سوء الأحوال , وأنا أخشى أن يكون هؤلاء هم الهدف وليس
من أهان قيادات الحركة الشعبية كما ورد, وما يدفعنى لمثل هذا الاعتقاد أن
ضابط الأمن عبدالحفيظ أحمد البشير الذى قام باغتيال المنهدس أبو بكر راسخ
اعيد للخدمة وترقى حتى وصل لرتبة رفيعة , عشان كده لا بد من التأكد من شخصيات
الضباط الذين قاموا بتلك الافعال ومقارنتها مع أسماء الذين سترد أسماءهم فى كشف
الاحالة المتوقع , وأتمنى أن يطرد من تجاوز حدود الأدب وأقدم على اهانة دستوريين
هم جزء من الحكومة القائمة , هذا سلوك غبى وهمجى ويستوجب فعلا المساءلة .
|
Post: #5
Title: Re: المؤتمر الوطني من شدة ما انبطح وعد باقالة اي ضابط شرطه مس قيادات الحركه الشعبيه!!
Author: على بدرى حاج
Date: 12-15-2009, 01:49 PM
Parent: #4
Quote: اها انا بقول لمبارك الفاضل الضباط
القلوا ادبهم عليك بالله لحق اسمائهم للناس ديل.
عشان ياخدوا لك حقك معاهم. |
وهل ينتظر حفيد المهدى الاخرين ليردوا على من امتهنوا كرامته!
|
Post: #6
Title: Re: المؤتمر الوطني من شدة ما انبطح وعد باقالة اي ضابط شرطه مس قيادات الحركه الشعبيه!!
Author: Tragie Mustafa
Date: 12-16-2009, 00:11 AM
Parent: #5
معليش يا شباب
خلوني ارد على علي بدري حاج لانه اجابته تخلع...
| Quote: وهل ينتظر حفيد المهدى الاخرين ليردوا على من امتهنوا كرامته! |
اها يا علي يا اخوي ويا ترى احفاد المهدي كيف يردون؟؟؟
كنت قايله بعتمدوا على القانون
الا لو عندهم بلطجه خاصه كمان اوصفها لينا عشان نبقى على بينه
مش ندافع عن بلطجيه.
|
|