Post: #4 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 04:16 PM Parent: #2
Quote: (المحمولة عمياء)
والله ياخلي الناس الشغالين فيهو انا عارفهم ماعندهم عوجة فدي وظائف عليهم ادائها.. لكن البغيظ يا خلي الخط العام بتاع التلفزيون والانحياز الاعمي.. موتمر وطني البشير نافع وحتي الجنوبين بقوا يعزلو ناس بفتحو نيران تقيلة في الحركة الشعبية لام اكول بونا ملوال وغيرهم
ديل شالو الوطن بي تلفزيونو وألحان أغنياتو وركبوها على أغانيهم ومدائحهم الضحلة الكاذبة ..والقروش ..والسلطة ... والوظائف .. وكل شيء..
Post: #5 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 04:20 PM Parent: #3
Quote: ديل شالو الوطن بي تلفزيونو وألحان أغنياتو وركبوها على أغانيهم ومدائحهم الضحلة الكاذبة ..والقروش ..والسلطة ... والوظائف .. وكل شيء..
نعم يا فتحي وتحياتي.. وفعلا ديل شالو البلد بكل شي فيها.. والنيل ده حسع لو لقو ليهم مساحة وزمن وطلعو من الزنقة دي ممكن يعبو مويتو في قزاز ويبيعو لاي مشتري من طرف
Post: #6 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 04:31 PM Parent: #5
هذا التلفزيون الممول من عرق الشعب السوداني موارده لماذا ينحاز للموتمر الوطني فقط.. والشي الاغرب هو وحتي في تغطية هذه المسيرة بتاعة يوم الاثنين جايبين لقطتين لقطة للمسيرة فيها زي عشرة شخص شايلين لافتة وبعدها طوااالي جايبين لقطة لاحدي لقاءات البشير التي يحشد لهم الجمهور حشد في محاولة مفضوحة ومكشوفة للانحياز
Post: #7 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 05:44 PM Parent: #6
يقال بان مفوضية الانتخابات ستضع يدها علي اجهزة الاعلام في فترة معينة من فترات العملية الانتخابية المزعومة..!! دي شي غريب فهذه الاجهزة تسمي قومية وتمول من عرق هذا الشعب وموارده ودافعي الضرائب فيه فلماذا يسمح لها ان تسبح بحمد تنظيم وااحد ويمنع الاخريين منها.. فليسمي هذا التلفاز تلفزيون الموتمر الوطني والكيزان.. فهو لا يمثلني كسوداني وكل برنامجه موجهة ومشيدة لخدمة خط سياسي معين
Post: #8 Title: Re: التلفزيون السوداني ابو دقن مصيرو السجن...!!! Author: د.يوسف محمد طاهر Date: 12-11-2009, 05:51 PM Parent: #7
Quote: فليسمي هذا التلفاز تلفزيون الموتمر الوطني والكيزان.. فهو لا يمثلني كسوداني وكل برنامجه موجهة ومشيدة لخدمة خط سياسي معين
Post: #9 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 06:03 PM Parent: #8
نعم يا دكتور يوسف فهو تلفزيون الموتمر الوطني.. ويسمي زورا وبهتانا بالتلفزيون القومي
Post: #10 Title: Re: التلفزيون السوداني ابو دقن مصيرو السجن...!!! Author: مدثر محمد ادم Date: 12-11-2009, 06:08 PM Parent: #9
يارئع نسيت زمن الطيب مصطفي والشبكة ياخي خليها ساكت
Post: #11 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 06:17 PM Parent: #10
Quote: زمن الطيب مصطفي والشبكة ياخي خليها ساكت
هلا يامدثر وتحياتي.. ظل هذا الجهاز بوقا للكيزان فعلا ومنذ 89 وقد قامو بتسخيره اسواء تسخير لتغبيش وعي الشعب السوداني في الحرب والسلام.. ولكن حتما سيعود هذا الجهاز وكل الاجهزة المسروقة الي الوطن عندما يذهب الكيزان لصوص الشعوب الي مزبلة التاريخ باذن الله
Post: #12 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 06:45 PM Parent: #11
محمد حاتم يدير التلفزيون كانه ضيعة من ضيعات الموتمر الوطني في جبل اولياء كما فعل الطيب مصطفي وامين حسن عمر.. والزهاوي ابراهيم مالك خير من يجيد الدور الديكوري
Post: #13 Title: Re: التلفزيون السوداني ابو دقن مصيرو السجن...!!! Author: محمد إبراهيم علي Date: 12-11-2009, 07:05 PM Parent: #12
التلفزيون مر بعدة مراحل منذ 1989
مرحلة المجروس حيث استولى عليه العسكر وحولوه لجلالات عسكرية فقط وهذا كان في بداية الانقاذ ايام انا للسجن وانت للقصر لضرورات التمويه والظهور بمظهر الحكم العسكري الذي لا ينتمي لاي فريق
وقد كانت تلك المرحلة من اكثر المراحل كآبة في تاريخ التلفزيون السوداني ورصيفته الاذاعة السودانية فواكبت تلك المرحلة سياسة التمكين فطال الفصل للصالح العام كل مبدع وصاحب خبرة في اجهزة الاعلام
Post: #14 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 07:30 PM Parent: #13
Quote: مرحلة المجروس حيث استولى عليه العسكر وحولوه لجلالات عسكرية فقط وهذا كان في بداية الانقاذ ايام انا للسجن وانت للقصر لضرورات التمويه والظهور بمظهر الحكم العسكري الذي لا ينتمي لاي فريق
وقد كانت تلك المرحلة من اكثر المراحل كآبة في تاريخ التلفزيون السوداني ورصيفته الاذاعة السودانية فواكبت تلك المرحلة سياسة التمكين فطال الفصل للصالح العام كل مبدع وصاحب خبرة في اجهزة الاعلام
نعم يا محمد والتلفزيون في كل مراحل الانقاذ المختلفة كان هو الشاشة التي تعكس تماما مايدور مجروسات ..وساحات الفداء (وهبة ثورة الانقاذ )..ودفاعنا الشعبي ياهو ومحمد بخيت ويونس محمود (ديك الصباح).. وتحول التلفزيون الي سكنة عسكرية ومتحرك مثله مثل سيف العبور.. والان هو الناطق الرسمي بكل فعاليات الموتمر الوطني والموتمر الوطني فقط وبعض النخبة الانتهازية الذين يسبحون في محيط الموتمر الوطني وشافطين معه سويا من عرق وموارد هذا الشعب... وده غير المجذرة التي اتعلمت لخيرة المبدعين والكفاات السودانية التي تشتت في نواحي هذا العالم بعد ان قفلت امامهم ابواب هذا الجهاز القومي
Post: #15 Title: Re: التلفزيون السوداني ابو دقن مصيرو السجن...!!! Author: محمد إبراهيم علي Date: 12-11-2009, 07:42 PM Parent: #14
نرجع لي ورا شوية ايم الزمن الجميل ونطعم ليك البوست ده باغنية (EAGLE) لفرقة (ABBA) وقد كانت مقدمة برنامج عالم النجوم اللي كان بقدموا علي الريح
Post: #16 Title: Re: التلفزيون السوداني ابو دقن مصيرو السجن...!!! Author: Mustafa Mahmoud Date: 12-11-2009, 07:44 PM
لاكثر من ثلاثة سنين و انا انادي بالمقاطعة لبوستات الكيزان و كلاب الامن
هل يسمع الشرفاء؟؟؟؟؟؟؟؟؟؟؟؟؟؟؟
2006
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1-التجاهل 2- لتجاهل 3-التجاهل
يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
Post: #18 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 07:55 PM Parent: #16
هلا يا دكتور وياخي وين داون داون انقاذ مافيا قانق تلك الكتابات الشهيرة التي ارجفت بني كوز الاسفيريين فده زمنها فياريت نشوفها في تداعيات هذه الغضبة ورجفة الكيزان التاريخية هذه الايام
Post: #17 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-11-2009, 07:51 PM
Quote: نرجع لي ورا شوية ايم الزمن الجميل ونطعم ليك البوست ده باغنية (EAGLE) لفرقة (ABBA) وقد كانت مقدمة برنامج عالم النجوم اللي كان بقدموا علي الريح
يا سلام يامحمد ياخي.. وداك فعلا كان زمن سمح والتلفزيون كان مدرسة في السينما والدراما والغناء والكون ذلك المجهول وبرنامج تفي بكل الاذواق.. ولكن ديل ياخي لبسو التلفزيون ميري وعملوا ليهو دقن وعكس بكل حماس خطابهم الكالح
Post: #19 Title: Re: التلفزيون السوداني ابو دقن مصيرو السجن...!!! Author: عبدالكريم الامين احمد Date: 12-12-2009, 08:16 AM Parent: #17
التلفزيون ابودقن عرض اليوم ندوات الموتمر الوطني التي اقامها امس... فهل سيقوم بعرض موتمرات قوي جوبا..؟؟؟