Post: #1
Title: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 05:35 AM
Parent: #0
المايكرومسيرة
أفرزت جروح مايكروسكوبية
أكاد أجزم بأنها "حبة شباب دهنية مفقوعة بالظفر"
وده أكيد وقع في خور المطرة وهو جاري
وده عض شلوفتو وهو جاري
وده كمان وقع في خور المطرة وهو جاري
التحية لرجال الأمن لوعيهم ولتفويت الفرصة
والتحية لي ناس المعارضة الولوا الادبار من اول سوط
|
Post: #2
Title: Re: صور ضحايا المسيرة "حصرياً"
Author: Yassir Tayfour
Date: 12-10-2009, 05:48 AM
Parent: #1
| Quote: أكاد أجزم بأنها "حبة شباب دهنية مفقوعة بالظفر" |
بالله عليك يا الشفيع وراق عبد الرحمن، نزِل صورتك "المبدولة*" ذات الخلفية الحمراء، عشان كلنا نشوف كيف يفعل حب الشباب بوجه المرء، حتى يصبح كـ" طربيزة اللحام"..
والله إنّك لإنتهازي وقح، لا يختشي ولا يخجل..
أي كان حي أنت ؟
من أي كوكب جلافة أتيت؟
اللهم أخرِج عنا الأذى وعافينا..
____
مبدولة تعني يرتدي فيها بدلة..
|
Post: #3
Title: Re: صور ضحايا المسيرة "حصرياً"
Author: Tragie Mustafa
Date: 12-10-2009, 06:00 AM
Parent: #2
عارف يا ياسر طيفور
المحيرني شنو؟؟؟
الواحد تلقاهو راجل طول بعرض وساكي الباس ورد
عشان يجي يتهابل الهباله دي؟؟؟؟
حسه عليك الله ده بوست يفتح بني آدم عاقل؟؟!!
يا الرشيد يا اخي العباطه ذاتها اشتكت منكم.
|
Post: #4
Title: Re: صور ضحايا المسيرة "حصرياً"
Author: Randa Hatim
Date: 12-10-2009, 06:27 AM
Parent: #3
وليه ما جبت صورة المره الغرقانه دم وراسها مربوط ...
ياربي دي تكون وقعت فيها سقاله ولا شنو؟؟؟
انا عايزه احييها تحيه تليق بموقفها ..
الاخت دي جات من منطقة خارج الخرطوم فقط للمشاركه في المسيرة السلمية
وبعدين خلينا نقول مافي ولا اصابه واحده والناس ديل كلهم اتعوقوا عشان وقعوا لما البوليس طاردهم بس وفك فيهم البمبان،
طيب اصلا ليه يفكوا فيهم البمبان ويطاردوهم .. ما دي مسيرة سلمية وعايزين يسلموا مذكره المشكله وين؟؟؟
انا لو كنت محل البشير ارسل ليهم عربات حراسه واعملوا ليهم موكب اخر ابهه والم زبانيتي اقابلهم واستلم منهم المذكره
طبعا ما ح يعملوا فيها حاجه ولا ح تجاز لكن على الاقل قدام العالم منظركم بيكون كويس ..
ولا ما كدا؟؟؟
تفقعوا المراره...
|
Post: #5
Title: Re: صور ضحايا المسيرة "حصرياً"
Author: ماضي ابو العزائم
Date: 12-10-2009, 06:33 AM
Parent: #4
التعليق عليك يا صاحب البوست
|
Post: #9
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 07:14 AM
Parent: #5
| Quote: التعليق عليك يا صاحب البوست |
أحييهم
وأحيي كل من خرج بشجاعة معبراً عن رأيه بطريقة سلمية
البوست لا يقصد هؤلاء أخي أبو العزائم
|
Post: #12
Title: Re: صور ضحايا المسيرة "حصرياً"
Author: علاء الدين يوسف علي محمد
Date: 12-10-2009, 09:09 AM
Parent: #5
| Quote: التعليق عليك يا صاحب البوست |
التعليق علي أنا دة
كدي أقنعني إنو الحريم الواقفات ديل "غض النظر عن من هُن"
واقفات داخل حراسة؟
كدي عاين للحيطة الوراهن و النور الفي المكان الواقفين فيهو و الباب العلى يسارهن
الكاميرا هي التي كانت خلف القضبان يا سبحن الله
إنتو عازيزن تقولوا شِنو بالضبط؟
من متين المكان البرة الزنزانة بيكون النور فيهو أقوى مِن داخِل الزنزانة
إنت ما إتسجنتة قُبّال كِدة؟
أسألني أنا لو إنت ما عارِف
لأنو دخلنا زنازين و مشينا لي ناس في زنازين
|
Post: #16
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 10:02 AM
Parent: #12
Quote: كدي أقنعني إنو الحريم الواقفات ديل "غض النظر عن من هُن"
واقفات داخل حراسة؟ |
مشكور يا علاء يوسف
كلك تفتيحة
إتخيل الجماعة دقسوني
والله أخوك بكل حسن نية قلنا الجماعة داخل الحراسة
بالله كدي راجع لينا باقي الصور
التلاعب بالصور وعدم المصداقية
كل يوم نشوف جديد
أبو العزائم يا أخوي تعال رد على أخونا علاء ده
الشايقي في ذمتك القاعد يزوق منو هسع؟
|
Post: #8
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 07:09 AM
Parent: #4
| Quote: انا لو كنت محل البشير ارسل ليهم عربات حراسه واعملوا ليهم موكب اخر ابهه والم زبانيتي اقابلهم واستلم منهم المذكره |
وأنا أيضاً
| Quote: انا عايزه احييها تحيه تليق بموقفها .. |
أنا أيضاً أحييها
عبرت عن رأيها،ولم تناضل من وراء الكيبورد
رندا يا أختي مرارتك إتفقعت من المسيرة الهزيلة وما تعملي البوست ده شماعة
|
Post: #10
Title: Re: صور ضحايا المسيرة "حصرياً"
Author: Randa Hatim
Date: 12-10-2009, 07:28 AM
Parent: #8
الشفيع يا اخوي ..
انا عندي سؤال والله نفسي القى ليهو اجابة..
ليه بتنبذوا نضال الكيبورد وانتو قاعدين تطقطقوا فيهو برضو مما تشرق لامن تغيب ..
ياخي الصحافه دي اسمها صاحبة الجلاله .. يعني سلطه وحكم
طيب الصحافة دي الا جريده مطبوعه ولا مجله مقروءه
ما في النهاية كلها وسيله لنقل الحدث علما انو النت الان اكثر سرعه وفاعليه وسهوله.
النبي كان ما جاوبتني على السؤال دا.
ليه النضال عبر النت اي بواسطة الكيبورد عيب؟؟
وبعدين ليه بتقولوها كدا زي النبذه "مناضلي الكيبورد"
والله حيرتونا عديل ..
سمح يا الشفيع يا اخوي لو ما مناضلي الكيبورد ديل تفتكر الاخت الى انت حييتها معاي دي كان ممكن تلقى زول يشوف صورتها وهي مضربة ومعوقه ودمها دافق ..
موش كان البهدله الحصلت ليها دي ما لقت اي توثيق ولا عرفها زول..
مافي شي بيغني عن شي ..نمرق المسيرة ونكتب في النت ونصوت ضدكم في الانتخابات
وكمان ونرفع يدنا لي الله انو ينصر المظلوم ويخسف بي الظالم .... ياااااارب
.
|
Post: #15
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 09:29 AM
Parent: #10
Quote: انا عندي سؤال والله نفسي القى ليهو اجابة..
ليه بتنبذوا نضال الكيبورد وانتو قاعدين تطقطقوا فيهو برضو مما تشرق لامن تغيب .. |
رندا يا أختي أنا ما نبذت أي زول ، ما لم تكوني بتعتبري نضال الكيبورد نبذ
النت بالفعل أصبح سلطة مؤثرة ،وأقوى من الصحف كمان
أنا أقصد الناس القاعدين مبسوطين عشرين قيراط في فنادق خمسة نجوم ،وفالحين يدفروا في الناس زي المسكينة دي ، بعديييين إذا سقطت الحكومة "لا قدرالله" يجو ويبقو أسيادها
أكيد يا أم حاتم إنت كنت ممن شارك في إنتفاضة أبريل
هل إنت مبسوطة من سرقة الانتفاضة الحصلت في اللحظات الأخيرة؟
هل تظني إنو الأحزاب الطائفية والجبهة شاركت بأي مجهود في الانتفاضة؟
وهل كانت تستحق أن تسيطر على البرلمان؟
الشعب يا أختي تعلم الدرس جيداً
الشعب يعلم تماماً متى وأين وكيف يثور
والكلام عن إنو القهر والإرهاب هو من منع الشعب من الانتفاض محض افتراء
أنا عارضت الإنقاذ ولفترة
ولا أقول إنها جيدة أو خالية من العيوب
لكنها أفضل المتاح
أنا الآن في الخرطوم
وإنجازاتها لا تخفى على العين
| Quote: مافي شي بيغني عن شي ..نمرق المسيرة ونكتب في النت ونصوت ضدكم في الانتخابات |
وأنا أحييك وأقول ليك بينا وبينك الصندوق
| Quote: وكمان ونرفع يدنا لي الله انو ينصر المظلوم ويخسف بي الظالم .... ياااااارب |
ومعاك بنقول آميييييييين
تحياتي
|
Post: #7
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 06:58 AM
Parent: #3
| Quote: حسه عليك الله ده بوست يفتح بني آدم عاقل؟؟!! |
تراجي
واحد من حبايبك اولاد بمبة ،صور واحد سوداني في الاهرامات عشان يبيع ليهو الصور
الزول رفض يشتري الصورة
المصري قعد يقول ليهو "بص شوف الصورة حلوة إزاي"
الزول رفض نهائي يشتري وقال الصورة "وحشة"
المصري بعد ما زهج قال ليهو "وحشة ؟ماهي صورتك ،أنا قبتها من إندي؟"
وأنا أقول:
هي صوركم المنزلنها
أنا قبتها من إندي
في صورة تانية ضاعت مني
واحد راقد في أمانتين الله ولا يوجد عليه أي أثار للمعركة الدامية ، وشكلو مصدوم نفسيأ أو جاتو صدمة نفسية زي ما قال أخونا علاء يوسف
والتعليق كان "به كسور"
|
Post: #6
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 06:44 AM
Parent: #2
| Quote: والله إنّك لإنتهازي وقح |
ياسر طيفور يا أخوي مالك متلحني نبذ وشتيمة؟ كلما فتحت بوست ناطي لي
انا مزعلك في شنو يا أخوي؟
عاهدت نفسي أن لا أشتم أو ألعن في هذا المنبر
ولا أقول لك إلا كما قال أخوناالأستاذ/ بدر الدين إسحاق
| Quote: نزِل صورتك "المبدولة*" ذات الخلفية الحمراء، |
يا زول كان شعار التسجيل ده مزعلك ،نغيرو
عندك خبر إنو التسجيل قارب الـ15 مليون
15 مليون في عين العدو
سيحصد البشير ما لا يقل عن 12 مليون حسب مراكز الرصد الأمريكية
|
Post: #13
Title: Re: صور ضحايا المسيرة "حصرياً"
Author: Siham Elmugammar
Date: 12-10-2009, 09:15 AM
| Quote: أكاد أجزم بأنها "حبة شباب دهنية مفقوعة بالظفر |
سلام سيد البوست
مافى مشكلة فى الزول يفقع حبة الشباب الدهنية لكن بتبقى
مشكلة لو زول تانى فقعها ليهو
وبرضو مافى مشلكة زول يقع فى خور لكن المشكله لو زول دفرو
يا علاء سلامات ياخ
النساء وراء القضبان مافى مشكلة
المشكله الوداهم الحته الفيها قضبان اساسا شنو؟
|
Post: #14
Title: Re: صور ضحايا المسيرة "حصرياً"
Author: علاء الدين يوسف علي محمد
Date: 12-10-2009, 09:27 AM
Parent: #13
سهام سلامات
الودّاهم دة
إحذروا: المعارضة تبحث عن شهيد بأي ثمن وبأي طريقة
و البحث عن بطولات زااااااااااااائفة
قالوا يرجعوا يطبِّعوا العلاقات مع الشعب باعتبارهم ضحايا و كِدة بعدما كان معفِّصِنُّو و مطلِّعين زيتو
قال يعملوا فيها دخلوا السجون نيابة عنه بعدما كانوا عايشن فوق رقبتو كأسياد و زعماء و أولاد عوايل و ذوات أصحاب عز و جاه
قالوا يتثيروا عواطفوا بعدما ثأروا منه سنين عددا لأنّهم بس شايفين نفسهم أحسن مِنُّو
قال يمثِّلوا شوية
مسلسل مصري فيهو المُجرِم بيستغفل ناس "الكفر" القرية الصعدية
شان يصوِّتوا ليهو
بس نحن تعدينا مرحلة إنو فهمنا يكون صعيدي
|
Post: #17
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 10:29 AM
Parent: #14
Quote: مافى مشكلة فى الزول يفقع حبة الشباب الدهنية لكن بتبقى
مشكلة لو زول تانى فقعها ليهو |
أتفق معك أخت سهام تماماً
أنا أقدر وأثمن نضال هؤلاء الشباب
وأود هنا أيضاً الإعتذار الشديد منهم لنقل صورهم بهذه الكيفية والتعليقات التي لم تخلو من استهزاء
وأقول لهم لستم المقصودين من هذا البوست
أنا أستهدف من يقومون بالمتاجرة الرخيصة بمجاهداتهم ودماءهم
صدف تواجدهم في خط النار الاعلامي
لهم الاعتذار مرة أخرى
|
Post: #18
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-10-2009, 10:35 AM
| Quote: على الأقل: قول لي رافض!!!!! |
ود عمنا الشايقي
كيفك
بقول ليك رافض يا أخوي
|
Post: #20
Title: Re: صور ضحايا المسيرة "حصرياً"
Author: الشفيع وراق عبد الرحمن
Date: 12-12-2009, 08:02 PM
Parent: #19
| Quote: وكده الفيك إتعرفت..... |
من زمان معروفة
|
|