Post: #1
Title: اعتزار (يوجد إصرار)
Author: Rawia
Date: 12-09-2009, 06:04 PM
Parent: #0
بقيت شبه متيقنة إنه إعتذار بتتكتب بالزاي
|
Post: #2
Title: Re: اعتزار (يوجد إصرار)
Author: اساسي
Date: 12-09-2009, 06:05 PM
Parent: #1
ياخي قريت عنوان بوستك داخل زول شكل اقول ليكم ذبحتونا وكرهتونا الزاي زاتو
لقيتك شايتة في العراضة معاي
|
Post: #3
Title: Re: اعتزار (يوجد إصرار)
Author: Kostawi
Date: 12-09-2009, 06:16 PM
Parent: #2
يا راوية
التسريحة دي إسمها شنو?
ما تقولي لى إبراهيم عوض!!!
|
Post: #4
Title: Re: اعتزار (يوجد إصرار)
Author: اساسي
Date: 12-09-2009, 06:17 PM
Parent: #3
كما اني لا انفي اني قبل سنوات كنت اكتب اعتذار علي نفس النحو الذابح اعلاه
|
Post: #20
Title: Re: اعتزار (يوجد إصرار)
Author: Yassir Tayfour
Date: 12-10-2009, 04:57 AM
Parent: #4
| Quote: كما اني لا انفي اني قبل سنوات كنت اكتب اعتذار علي نفس النحو الذابح اعلاه |
____
يا إسئس، عادة الناس في جدة بتدخِن شنو؟ المقتبس اعلاه مشبّع بالروائح العُشبيَّة..
|
Post: #5
Title: Re: اعتزار (يوجد إصرار)
Author: Rawia
Date: 12-09-2009, 06:17 PM
Parent: #2
ياقلبي ياكتاكت
ياما إنت شايف وساكت
عليك الله العناوين بس فيها كم (إعتزار)
|
Post: #6
Title: Re: اعتزار (يوجد إصرار)
Author: Rawia
Date: 12-09-2009, 06:22 PM
Parent: #5
Quote:
يا راوية
التسريحة دي إسمها شنو?
|
إسمها (بوقجيه)
ولو إنت زول مثقف تقول عليها فرح ديبا طوالي
|
Post: #7
Title: Re: اعتزار (يوجد إصرار)
Author: Rawia
Date: 12-09-2009, 06:28 PM
Parent: #6
| Quote: كما اني لا انفي اني قبل سنوات كنت اكتب اعتذار علي نفس النحو الذابح اعلاه |
هههههههههههههههههههه
بالحيل
بتذكرك بالحيل
قالو أهلنا البيعرفونا مايحضرونا
____________
تتذكر يا أساسي لما كنتو بتشاكلونا أنا وأختي
|
Post: #8
Title: Re: اعتزار (يوجد إصرار)
Author: ثروت سوار الدهب
Date: 12-09-2009, 06:32 PM
Parent: #7
و اغالط نفسي في اصرار
إختفت إعتذار و حل محلها {إعتزار} بالقوة
تحاياي يا راوية
|
Post: #9
Title: Re: اعتزار (يوجد إصرار)
Author: Kostawi
Date: 12-09-2009, 06:36 PM
Parent: #8
بوقجيه !!!
أو كما قال محمد المهدي المجذوب:
" وقد سرحن شعورهن " بوقجيه " ، ولبسن فساتين " كلوش " وانتعلن الجزمات " الكبس " ، وهن يرقصن شيئاً كان يسمى " تويستي بالجنبات " على أنغام أغنية وردي: " لو بالصد أبيتيني .. ولو بالنار كويتيني .. أنا لا ما بنسامك .. أنا لا... ما بنساك ".
|
Post: #10
Title: Re: اعتزار (يوجد إصرار)
Author: Rawia
Date: 12-09-2009, 07:07 PM
Parent: #9
ثروت ياغالي
بالظبط كدا
وتنافسها في القوة كلمة(حزف)
_____________
والله البوست دا ماتجريس ولا حاجة
وكلنا بنغلط
لكن بعد تفكير وضرسة شديدة
قلت لو في بوست زي دا الوضع حيتغير شوية
|
Post: #11
Title: Re: اعتزار (يوجد إصرار)
Author: كمال عباس
Date: 12-09-2009, 07:12 PM
Parent: #10
................
|
Post: #12
Title: Re: اعتزار (يوجد إصرار)
Author: Rawia
Date: 12-09-2009, 07:14 PM
Parent: #10
Quote: بوقجيه !!!
أو كما قال محمد المهدي المجذوب:
" وقد سرحن شعورهن " بوقجيه " ، ولبسن فساتين " كلوش " وانتعلن الجزمات " الكبس " ، وهن يرقصن شيئاً كان يسمى " تويستي بالجنبات " على أنغام أغنية وردي: " لو بالصد أبيتيني .. ولو بالنار كويتيني .. أنا لا ما بنسامك .. أنا لا... ما بنساك ". |
دا كلام تمام شديد
ورحم الله المجذوب
لكن الغريبة لو بالصد او انا لا مابنساك مابتترقص توستي *
بتترقص سمبا
________________
بالجنابات دي ماعرفتها كمان
|
Post: #13
Title: Re: اعتزار (يوجد إصرار)
Author: Rawia
Date: 12-09-2009, 07:18 PM
Parent: #12
ماتاخد في بالك ياكمال
ماعندي حاجة عاوزة أعتذر عنها
كلما هناك على قول ثروت
في إصرار على كتابة الكلمة كدا
________________
بنتكلم
|
Post: #14
Title: Re: اعتزار (يوجد إصرار)
Author: ثروت سوار الدهب
Date: 12-09-2009, 11:39 PM
Parent: #13
و من الكلمات المقتولة بامر عربي سودانيس اون لاين
زيادة و زاد و إزدياد
و تكتب {ذائد و ذوائد و إذداد}
و بإصرار كمان
|
Post: #15
Title: Re: اعتزار (يوجد إصرار)
Author: محمد أبوالعزائم أبوالريش
Date: 12-09-2009, 11:47 PM
Parent: #14
Quote: لكن الغريبة لو بالصد او انا لا مابنساك مابتترقص توستي *
بتترقص سمبا |
100% يا بت العباسي ... وزي ما بقولوا الجماعة .... جيتيني في حناني زاتو.
بس دي:
| Quote: بالجنابات دي ماعرفتها كمان |
النصيحة أنا عرفتها.
|
Post: #16
Title: Re: اعتزار (يوجد إصرار)
Author: Elawad
Date: 12-09-2009, 11:52 PM
Parent: #15
تحياتي و سلامي
والله الغلطات البتضرس في المنبر دا كتيرة. المشكلة تجي تصلحي تبقي في التحلك. مرة ثروت دا جا يصلح ليهو زول كتب عزرا بدل عذرا قرب يروح في ستين داهية إلا ربك ستر ساكت.
|
Post: #17
Title: Re: اعتزار (يوجد إصرار)
Author: كمال سالم
Date: 12-09-2009, 11:57 PM
Parent: #16
يعنى ياراويه عشان إنتى مضروسه
تقومى تضرسينا معاك وكمان بإصرار ؟
بوست موفق ,, علهم يفقهون ,,
|
Post: #18
Title: Re: اعتزار (يوجد إصرار)
Author: ثروت سوار الدهب
Date: 12-10-2009, 00:15 AM
Parent: #17
Quote: تحياتي و سلامي
والله الغلطات البتضرس في المنبر دا كتيرة. المشكلة تجي تصلحي تبقي في التحلك. مرة ثروت دا جا يصلح ليهو زول كتب عزرا بدل عذرا قرب يروح في ستين داهية إلا ربك ستر ساكت. |
كلو منك انت دا
جيت زنقت الجماعة بمداخلتين
صاحبنا حك راسو و اتلفت جاي جاي. اها لقي مافي تبرير يكون بقوة الخط الانت علقت عليه و استهجنته.
و جاب الكلام الرقد تاريخ
غايتو
قربت توديني في داهية
تحاياي يا أخ العوض
|
Post: #19
Title: Re: اعتزار (يوجد إصرار)
Author: Dr. Salah Albashier
Date: 12-10-2009, 03:28 AM
Parent: #18
الأخت (العذيذا) راوية
لك التحية والتجلة ووافر الإحترام
لا فض فوك، وفقك الله
مع خالص تحياتي
د. صلاح البشير
|
Post: #21
Title: Re: اعتزار (يوجد إصرار)
Author: HAYDER GASIM
Date: 12-10-2009, 05:13 AM
Parent: #19
إعتزار مقبول ... وبث.
|
Post: #22
Title: Re: اعتزار (يوجد إصرار)
Author: Tragie Mustafa
Date: 12-10-2009, 05:21 AM
Parent: #21
كل عام وجميعكم بخير
Quote: والله البوست دا ماتجريس ولا حاجة
وكلنا بنغلط
لكن بعد تفكير وضرسة شديدة
قلت لو في بوست زي دا الوضع حيتغير شوية |
مافيش فائده...كتبنا زمان ولو مشيتي الارشيف حتلقي بوست زي ده
ولا حياة لمن تنادي.
عارف يا ثروت وكمان ناس
ذكرى البقت بقدرة قادر في هذا المنبر زكرى!!
يعني انا ما عارفه الحصل في السودان شنو؟؟؟
قربت مره افتح بوست اقول يا جماعه
انتو الانقاذ دي الغت الذاء ولا شنو؟؟؟
لا و الاعجب الانقاذ ذاتها مره لقيت لك واحد كاتبها الانقاز!!
يعني حاجه تحير بالجد!!
|
Post: #23
Title: Re: اعتزار (يوجد إصرار)
Author: حبيب نورة
Date: 12-10-2009, 05:27 AM
Parent: #21
علي اليمين بوست لزيز جنس لزازة
أنا غايتو عندي مشكلة عويصة مع زا زنب وذا ذرافة
لكن لو بتعذّي النبي ما تشتغليني
عشان كلوا بقي عادي ذي الذبادي
عذّبتك مش كدة؟؟
|
Post: #24
Title: Re: اعتزار (يوجد إصرار)
Author: حبيب نورة
Date: 12-10-2009, 05:30 AM
Parent: #23
علي اليمين بوست لزيز جنس لزازة
أنا غايتو عندي مشكلة عويصة مع زا زنب وذا ذرافة
لكن لو بتعذّي النبي ما تشتغليني
عشان كلوا بقي عادي ذي الذبادي
عذّبتك مش كدة؟؟
|
Post: #25
Title: Re: اعتزار (يوجد إصرار)
Author: حامد محمد حامد
Date: 12-10-2009, 06:51 AM
Parent: #24
سلام
اما أنا فقد عذيت الامر الى لوحة المفاتيح فقط
|
Post: #27
Title: Re: اعتزار (يوجد إصرار)
Author: Mahir Mohammed Salih
Date: 12-10-2009, 06:59 AM
Parent: #24
الأخت راوية ،، لك التحية ،،
رغم أن اللغة العربية نفسها ليست لغتى الأم ولدينا معها مشكلات كبيرة ( تحدثاَ ) إلا أن الزاء والذال هى مشكلة عويصة جداَ بالنسبة لى ،، وكنت قد سألت يوماَ بعض إصدقائى إن كان هنالك قانون معين فى كتابة الزاء والذال ،، إلا أنهم أخبرونى بأنه لا يوجد قانون لهما.
الشىء الجميل فى المكتب أنه يجاورنى أحد أصدقائى وهو عضو فى هذا المنبر ( محمد أحمد إدريس ) ورغم أنه مثلى أعجمى إلا أنه يمتلك ناصية اللغة بكل أدواتها بحيث يمكنه أن يبز ( صح كده يا راوية ؟؟ ) أجعص أستاذ لغة عربية ،،
المهم عندما أريد كتابة أى تقرير بالعربية ،، فإننى أكون متحفذاَ جداَ لهذين الحرفين وبمجرد أن يرد وقت إدخال إحداهما فى كلمة فإننى مباشرة أكورك لصاحبى أبو الدرش وأقول ليه : إسمع الزاء اللى هنا الكبيرة والله الصغيرة ؟؟ لدرجة أننى أصبحت أشوش عليه هو نفسه .
الآن ،، هل يوجد قانون أم لا ؟؟
ماهر
|
Post: #26
Title: Re: اعتزار (يوجد إصرار)
Author: دينا خالد
Date: 12-10-2009, 06:52 AM
Parent: #19
رايوة !!
او كما قيل فى الاثر ..
ياخى القصه دى كلها عنقده من العرب ساى .. ايه اللى زاى وذال
ومحركة اصلا الفكرة ذاتها بتاعت عطلة لانو العرب كانو متفيقين ، القصص دى ماشة
لى نهايات فى كل اللغات زمن ذاتو مافى ! حتى الطا والظا جاييهم يوم ..
كل القصص دى ح تصبح ذى فيها غوونا واللام الفمرررية والشمسييية بطريقة الشيوخ
ديك سامعانى ..
باختصار دى قصص ميتانه وماشة فى انقراض اية اللى سا وطلع لسانك ثا وكلام
ما جايب حقو .. العرب ديل بتاعين جرجرة الله خلقهم ..
بالله انتى وثروت دا ما تقعدوا تتجرجرو معاهم وتزرزرونا ..
تعالوا نشوف طريقة نعملهم 15 حرف ...
لو بريمة احتج بعدين اتكلمو .. هسه العربى فيكم منو مش ختيتو لى القدرو ؟
ــــــــــــــــــــــــ
الجماعه مش بقوا يكتبوا plz becz ياخ زمن مافى .
ولو كمان شفتو لينا طريقة للنقيط دا يا سلااااااااااااااام
تكونوا ريحتونا عل الاخررر ..
|
Post: #28
Title: Re: اعتزار (يوجد إصرار)
Author: عاطف مكاوى
Date: 12-10-2009, 07:09 AM
Parent: #26
Quote:
والله الغلطات البتضرس في المنبر دا كتيرة. المشكلة تجي تصلحي تبقي في التحلك. مرة ثروت دا جا يصلح ليهو زول كتب عزرا
بدل عذرا قرب يروح في ستين داهية إلا ربك ستر ساكت. |
Quote:
كلو منك انت دا
جيت زنقت الجماعة بمداخلتين
صاحبنا حك راسو و اتلفت جاي جاي. اها لقي مافي تبرير يكون بقوة الخط الانت علقت عليه و استهجنته.
و جاب الكلام الرقد تاريخ
غايتو
قربت توديني في داهية |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #29
Title: Re: اعتزار (يوجد إصرار)
Author: ثروت سوار الدهب
Date: 12-10-2009, 10:00 AM
Parent: #28
تراجي
Quote: يعني انا ما عارفه الحصل في السودان شنو؟؟؟
قربت مره افتح بوست اقول يا جماعه
انتو الانقاذ دي الغت الذاء ولا شنو؟؟؟ |
ممكن طبعا
الإنقاذ ممكن تلغي الوضوء ممكن تلغي صلاة الظهر ممكن تلغي يوم القيامة
اتوقعي اي حاجة من الإنقاذ
و اهو الحرف[ذ] إتباع في سوق و الناس ما جايبة خبر.
|
Post: #30
Title: Re: اعتزار (يوجد إصرار)
Author: Siham Elmugammar
Date: 12-10-2009, 10:21 AM
Parent: #29
Quote: رايوة !!
او كما قيل فى الاثر ..
ياخى القصه دى كلها عنقده من العرب ساى .. ايه اللى زاى وذال
ومحركة اصلا الفكرة ذاتها بتاعت عطلة لانو العرب كانو متفيقين ، القصص دى ماشة
لى نهايات فى كل اللغات زمن ذاتو مافى ! حتى الطا والظا جاييهم يوم ..
كل القصص دى ح تصبح ذى فيها غوونا واللام الفمرررية والشمسييية بطريقة الشيوخ
ديك سامعانى ..
باختصار دى قصص ميتانه وماشة فى انقراض اية اللى سا وطلع لسانك ثا وكلام
ما جايب حقو .. العرب ديل بتاعين جرجرة الله خلقهم ..
|
يا سلام عليك يا دينا ياخ
سلام يا راوية وكل سنه وانتى طيبه
|
Post: #31
Title: Re: اعتزار (يوجد إصرار)
Author: saadeldin abdelrahman
Date: 12-10-2009, 10:22 AM
Parent: #29
| Quote: فإننى أكون متحفذاَ جداَ |
|
Post: #32
Title: Re: اعتزار (يوجد إصرار)
Author: ثروت سوار الدهب
Date: 12-10-2009, 10:37 AM
Parent: #31
اما
| Quote: لا و الاعجب الانقاذ ذاتها مره لقيت لك واحد كاتبها الانقاز!!يعني حاجه تحير بالجد!! |
فالإنقاذ تستاهل التسمية الجديدة.
يا اخونا بطريقة دي ملاسي بيحرد المنبر
ضايقتو الراجل في مهنته.
|
Post: #33
Title: Re: اعتزار (يوجد إصرار)
Author: ودقاسم
Date: 12-10-2009, 11:03 AM
Parent: #32
راوية
مشتاقين كتير ..
الناس يا راوية في المنبر بيكتبوا بالفصحى أحيانا ، وبالعامبة أحيانا أخرى ، أها ، الواحد لما يكتب بالعامية بيكتب عزرا ، ولما يكتب بالفصحى بيكتب عذرا
وعذرا حبيبي ..
|
Post: #34
Title: Re: اعتزار (يوجد إصرار)
Author: Mahir Mohammed Salih
Date: 12-10-2009, 11:06 AM
Parent: #32
يا سعد الدين يا أخى ما قلنا ليك نحن عجم والعربية ليست بلغتنا ،، أنا أتفق مع دينا فى كل ما قالته يخصوص الحرفين المذكورين ،، هذا أولاَ ،، أما ثانياَ فثقافتى يا أخى فرنسييييييييية لذا فكلها عندى Z
|
Post: #35
Title: Re: اعتزار (يوجد إصرار)
Author: انعام عبد الحفيظ
Date: 12-10-2009, 11:31 AM
Parent: #32
Quote: يعني انا ما عارفه الحصل في السودان شنو؟؟؟
قربت مره افتح بوست اقول يا جماعه
انتو الانقاذ دي الغت الذاء ولا شنو؟؟؟
لا و الاعجب الانقاذ ذاتها مره لقيت لك واحد كاتبها الانقاز!!
يعني حاجه تحير بالجد!! |
ياخي دي أحلى مداخلة يا تراجي إزيك
راوية سلامات وانا كمان إتضرست معاك 
ضيفي عندي موضوع الفتحة الفي آخر الكلمة
وعندك مثلاً كلمة قلت بقت تتكتب ( قلته)
طوالي الفتحة بتتقلب بقدرة قادر لـ هاء
|
Post: #36
Title: Re: اعتزار (يوجد إصرار)
Author: Tragie Mustafa
Date: 12-10-2009, 01:00 PM
Parent: #35
اها شوفوا جنس الحاله دي من صباح الله بخيره وفي وش الصفحه الاولى
Quote: NSWA-للنساء فقط :دعوة عامة من التجمع النسوي القومي السوداني بالمهجر
Dec 10, 2009, 05:00
للنساء فقط
دعوة عامة
)NSWA يتشرف التجمع النسوي القومي السوداني بالمهجر (
بدعوتكنّ لحضور إجتماعه الثاني بهدف توحيد رؤية المرأة في سودان المهجر
والتفاكر والشورى في كل مايخص همومها.
الزمان: الساعة الرابعة مساءاً وحتى الساعة العاشرة مساءاً
وذلك من مساء يوم الأحد الثالث عشر من ديسمبر2009
STOWE CLUB CENTRE المكان:
258 HARROW ROAD
LONDON W2 5ES
سيتناول الإجتماع الأجندة التالية:
1. الترحيب والتعريف بالعضوات الجدد.
2. مناقشة الدستور وإضافة أو حزف المقترحات
وإختيار لجنة لصياغته بصورته النهائية.
3. الإتفاق على المكاتب التي يحتاجها التجمع لتنفيذ برنامجه وعددها.
4. إنتخاب اللجنة التنفيذيّة لقيادة عمل التجمع.
5. نقاش مفتوح عن الوضع الراهن بالبلاد وكيفيّة التعامل معه.
ضيف الشهر: شخصيّة أكاديميّة تقدّم منهجاً حديثاً لتعليم اللغة العربيّة
تتضمنه ثقافاتنا العربيّة والتعاليم الوطنيّة.
6. برنامج ترفيهي ومرطبات.
وللأهمية نرجو الحرص على الحضور في الزمان والمكان المحددين
كما نرجو عدم إصطحاب الأطفال
للاستفسار والإعتذار نرجوالاتصال على الجوّال:
|
غايتو ديل في ذلك وفي اعتذار ما قصروا الا لما جو لحذف ظهر الطبيظ
اها دعواتنا ان تصلح المتحدثه الاكاديميه دي قدراتهن.
يا ود قاسم كلنا يا حبيب بنكتب بالدارجي
الا ده ما دارجي يا غالي ده فيلم هندي يعرفوا براهم.
طبعا انا ما بلومهم لانه فعلا في مأساة في التعليم كما يبدو
وتابعوا بوست لاسعدر الريفي ممتاز يوضح مأساة شعبنا
الغريبه ديل الانقاذين ادعو انهم حامي حمى اللغة العربيه
واجبروا الجامعات على التعريب!!فضاع الناس بقوا لا عربي لا انجليزي.
ربنا يعين.
|
Post: #37
Title: Re: اعتزار (يوجد إصرار)
Author: Rawia
Date: 12-10-2009, 01:10 PM
Parent: #36
ولا يفوتنا في هذا البوست أن تطرى بالخير الحبيبة جدا بت الاحفاد (هبوية)
______________________
مرة زولة123* أدتها نصيحة وقالت ليها إنت أكتبي كلامك وبعدين أرجعي أي (ذ) أعمليها (ز) والعكس
الشوق ليهن الاتنين وأيامهن الطيبات
|
Post: #38
Title: Re: اعتزار (يوجد إصرار)
Author: ثروت سوار الدهب
Date: 12-10-2009, 05:32 PM
Parent: #37
Quote: رايوة !!
او كما قيل فى الاثر ..
ياخى القصه دى كلها عنقده من العرب ساى .. ايه اللى زاى وذال
ومحركة اصلا الفكرة ذاتها بتاعت عطلة لانو العرب كانو متفيقين ، القصص دى ماشة
لى نهايات فى كل اللغات زمن ذاتو مافى ! حتى الطا والظا جاييهم يوم ..
كل القصص دى ح تصبح ذى فيها غوونا واللام الفمرررية والشمسييية بطريقة الشيوخ
ديك سامعانى ..
باختصار دى قصص ميتانه وماشة فى انقراض اية اللى سا وطلع لسانك ثا وكلام
ما جايب حقو .. العرب ديل بتاعين جرجرة الله خلقهم ..
بالله انتى وثروت دا ما تقعدوا تتجرجرو معاهم وتزرزرونا ..
تعالوا نشوف طريقة نعملهم 15 حرف ...
لو بريمة احتج بعدين اتكلمو .. هسه العربى فيكم منو مش ختيتو لى القدرو ؟
ــــــــــــــــــــــــ
الجماعه مش بقوا يكتبوا plz becz ياخ زمن مافى .
ولو كمان شفتو لينا طريقة للنقيط دا يا سلااااااااااااااام
تكونوا ريحتونا عل الاخررر ..
|
دينا
المشكلة ما سودانية بحتة
العراقيون مثلا يعانون بين حرف الظاء و الضاد
معاناة شديدة خلاص
التوانسة نفس المعاناة
يكتبون: فلان مريظ مثلا بدل مريض و هكذا
السوريون و اللبنانيون
يعانون من ياء و التاء المربوطة
فيقولون: اللغي العربيي
و اجعص لبناني ما بينطق التاء المربوطة
و هاي مشكلي كبيري
اها يا بت الناس
العالم دي كلها دايره تلغي الحروف العاملة ليها مشاكل
كدا بنكون مسحنا كم حرف So far
|
Post: #39
Title: Re: اعتزار (يوجد إصرار)
Author: Rawia
Date: 12-10-2009, 06:09 PM
Parent: #38
Quote: و من الكلمات المقتولة بامر عربي سودانيس اون لاين
زيادة و زاد و إزدياد
و تكتب {ذائد و ذوائد و إذداد}
و بإصرار كمان |
والله ياثروت ماقدر دا
وماعاوزين نصلح للناس كل الغلطات الاملائية -مع كترتها-
بس الكلمات المتداولة وكثيرة الاستعمال وممكن تلاقيك في اليوم كم مرة مافي داعي للغلط فيها
الغريبة الزول يكون كاتب مداخلة وفيها زي خمسة ولا ستة (إعتذار) يقوم يكتب تلاتة غلط وإتنين صاح
|
Post: #41
Title: Re: اعتزار (يوجد إصرار)
Author: Rawia
Date: 12-10-2009, 06:18 PM
Parent: #39
| Quote: النصيحة أنا عرفتها. |
محمود أبو الريش
سلام وإحترام
قلت لي التويستي عجبك؟
الصورة بديعة النقلها المجذوب ...والله لغاية لون فساتينهن أنا إتخيلتو وشميت ريحتهن وبالجنبات زاتها عرفتها.... على حسب وصفو دا ياها السمبا زاتها او يمكن تكون الرمبا البي الجنبة دي والله أعلم
|
Post: #42
Title: Re: اعتزار (يوجد إصرار)
Author: ثروت سوار الدهب
Date: 12-10-2009, 06:34 PM
Parent: #39
الأخ ماهر سلامات
| Quote: الآن ،، هل يوجد قانون أم لا ؟؟ |
نعم!
بالحيل، يوجد قانون
ـــــــــــــــــــــــــــــــــــ
ابعد من سودانيس اون لاين
الحبة دي ما بتجيك
|
Post: #40
Title: Re: اعتزار (يوجد إصرار)
Author: أبو ساندرا
Date: 12-10-2009, 06:16 PM
Parent: #38
| Quote: لا و الاعجب الانقاذ ذاتها مره لقيت لك واحد كاتبها الانقاز!! |
انا مرة قريتها هنا مكتوبة ( الإنغاذ ) فتخيلي
ال قاف ( ق) والغين ( غ)
وال ( ز) وال {ذ}
وال ( ظ) و ال (ض )
أغلاط يقع فيها ملايين الأعراب
لكن أبدآ ما كنت مشكلة في السودان عندما كان التعليم غير طبقي وقبل محييالدين صابر
اللهم إلا في حالة النطق في ال ق ، غ
|
Post: #43
Title: Re: اعتزار (يوجد إصرار)
Author: Rawia
Date: 12-10-2009, 06:42 PM
Parent: #40
Quote: تحياتي و سلامي
والله الغلطات البتضرس في المنبر دا كتيرة. المشكلة تجي تصلحي تبقي في التحلك. مرة ثروت دا جا يصلح ليهو زول كتب عزرا بدل عذرا قرب يروح في ستين داهية إلا ربك ستر ساكت. |
العوض العزيز
سلامات كتار ليك وللاولاد الحلوين وأمهم
بمناسبة تصلح دي مرة في زول منزل بوست وفيهو نوع الغلطات دي
المهم يومين وأنا بلف وأدور في البوست دا... في النهاية دخلت وسألتو سؤال عادي عن قصدو بالظبط لانه الغلطات ضيعت المعنى حقيقي
المهم أظن الكلام ماعجبو لقيتو منزل بوست تاني يوم
(نرجو عودة تراجي حالا)
_____________________
عليك الله مارس علي إرهاب ولا لا؟؟
|
Post: #44
Title: Re: اعتزار (يوجد إصرار)
Author: Raja
Date: 12-10-2009, 07:43 PM
Parent: #43
راوية يا حبيبة سلامات ومشتا(غ)وون
تعرفي وبالرغم من إنه مهنتي الكتابة وعيني توووش تلقط الحرف الشا(ز). لكن مرة وحصل لي في المنبر ده كتبت عنوان فيهو غلطة (ذ)ي دي..
حاولت الإستدارك وإصلاح الخطأ. وطبعا عمك بكري قال لي إصلاح العنوان زيًه زي إحضار لبن الطير:)) قمت قلت ليهو: الله غالب. شيل البوست:((
* أنا بقى عندي فوبيا الهمزات.
|
Post: #45
Title: Re: اعتزار (يوجد إصرار)
Author: ثروت سوار الدهب
Date: 12-10-2009, 08:54 PM
Parent: #44
و جاءت رجاء
بالوثء و وثئنا من وثاؤها
فوثئت يدينا من شدة وثأ الهمزة
و نشرئب رغم الوثاءة لتلك الوثئة رجاء
يا ويحنا وثئت منا
و وثئت الوثاء
|
Post: #46
Title: Re: اعتزار (يوجد إصرار)
Author: الخير محمد عوض
Date: 12-10-2009, 09:35 PM
Parent: #45
سلام يا راوية
ايها المصححون والمصححات
ولاااااااااا مداخلة واحدة في البوست دا خلت من الاخطاء الاملائية و/ او النحوية
ولااااا واحدة ... صدقوني
|
Post: #47
Title: Re: اعتزار (يوجد إصرار)
Author: الخير محمد عوض
Date: 12-10-2009, 09:41 PM
Parent: #46
اما اختي ترجرج شايلة عودها وتسوط ساااي هههههههه
|
Post: #48
Title: Re: اعتزار (يوجد إصرار)
Author: عزيز عيسى
Date: 12-10-2009, 09:45 PM
Parent: #45
يا راوية الأخطاء بالكوم أمسكي كثير بيكتب:
أتزكر.. زكر.. زاكرة.. الأستاز.. لمازا.. نموزج.. جذء..
الزى.. هزا.. هكزا.. زهب..
الغريب في كلمة لكن تكتب (لاكن) لا أدري من أين أتى هذا الألف؟
|
Post: #49
Title: Re: اعتزار (يوجد إصرار)
Author: Raja
Date: 12-10-2009, 09:46 PM
Parent: #45
سروت يا ثوار الدهب,, ثلامات ومشتاغون بجد بجد..
miss ya an miss our wanassah
يا الخير النحوي ده خليه في سرًك.. أول ما إشتغلتا في جريدة "الخرطوم" وقعاتي النحوية كانت قاااتلة.
عمي السر قدور كان بيشاكلني لأنه والدي كان أستاذ لغة عربية.أما أستاذ فضل الله فكان مقتنع تماما بإني خريجة مدارس أفرنجية:)))
* حقًوا بكري يوظف لينا مصحح زي ما عندنا في الجرايد.. ههههههههه
|
Post: #50
Title: Re: اعتزار (يوجد إصرار)
Author: Elawad
Date: 12-10-2009, 10:31 PM
Parent: #49
و عليكم السلام يا راوية و تقبلي سلام الجميع.
Quote: المهم أظن الكلام ماعجبو لقيتو منزل بوست تاني يوم
(نرجو عودة تراجي حالا) |
والله يا راوية ضحكتيني داير يهرشك بتراجي... تراجي دي ياخي في ناس ما فاهمنها ساكت. لكن بيني و بينك في ناس في البورد دا أصلو ما عندهم روح رياضية الواحد تكتبي ليهو كلام ما يعجبو طوالي يعمل حركات... مرة واحد أخ عزيز كدا كتبت كلام الظاهر ما عجبو قال لي أنا ملاحظ من مداخلاتك إنو فهمك تقيل قربت أنتهز الفرصة أقول ليهو ياخي ممكن تديني شهادة بالكلام دا لأنو الراجل دكتور... قلت إمكن تفيدني يوم من الأيام.
Quote: سلام يا راوية
ايها المصححون والمصححات
ولاااااااااا مداخلة واحدة في البوست دا خلت من الاخطاء الاملائية و/ او النحوية
ولااااا واحدة ... صدقوني |
الأخ الخير
تحياتي و سلامي
عشان حركاتكم دي الواحد بكتب بالدارجي... مع إنو في ناس ممكن برضو يجو و يغلطونا فيهو. بالمناسبة مداخلتك دي ذاتها فيها أقل حاجة تلاتة غلطات نحوية و جل من لا يسهو.
الأخت العزيزة رجاء
السلام عليكم و كل عام و أنت بخير.
|
Post: #51
Title: Re: اعتزار (يوجد إصرار)
Author: Raja
Date: 12-10-2009, 10:45 PM
Parent: #50
الغالي العوض..
كل عام وأنت وأسرتك بألف خير.. لونق تايم نو سي نو هير
أها قلنا نكتب الإنجليزي بالحروف العربي. عشان نريًح المصحصحين (المصحصحون just in case) هههههه
|
Post: #52
Title: Re: اعتزار (يوجد إصرار)
Author: Rawia
Date: 12-10-2009, 10:50 PM
Parent: #50
Quote: يعنى ياراويه عشان إنتى مضروسه
تقومى تضرسينا معاك وكمان بإصرار ؟
بوست موفق ,, علهم يفقهون ,, |
كمال سالم
بعيد عن البوست وموضوعو وبعيد عن الغلطات الاملائية ونحوية
لكن قريب من البورد... البورد العرفت فيهو ناس زيك
كمال شكرا للظروف الخلتني أعرفك
الكلام دا بعد ماحسيت إني فعلا حافقد غطا وضرا بسفرك في اجازتك الاسبوع الجاي
______________
يادوب حسيت بغربة
|
Post: #53
Title: Re: اعتزار (يوجد إصرار)
Author: حبيب نورة
Date: 12-10-2009, 11:00 PM
بوست عزاب بث
|
Post: #54
Title: Re: اعتزار (يوجد إصرار)
Author: Rawia
Date: 12-10-2009, 11:15 PM
Parent: #53
Quote: الأخت (العذيذا) راوية
لك التحية والتجلة ووافر الإحترام
لا فض فوك، وفقك الله
مع خالص تحياتي
د. صلاح البشير |
مرحبا بالاخ صلاح البشير
زمان في البورد دا كانت في موافقة بالاجماع لبت الاحفاد إنها تخرمج في ال(ذ) و ال(ز) زي ماعاوزة لانها تعلمت العربي على كبر (شخصيا ماكنت شايفة دا عذر لانه البيخليها تتعلم الحروف الباقية كووووولها بخليها تعرف الفرق بين الحرفين ديل )
لكن كانت عاجباني الحركة لانها مميزاها هي بس ومازول غيرها... بمعنى إنه الغلطات عند ناس البورد في الحرفين ديل كانت قليلة جدا بل تكاد تنعدم مقارنة باليومين ديل.
|
Post: #55
Title: Re: اعتزار (يوجد إصرار)
Author: الخير محمد عوض
Date: 12-11-2009, 10:35 PM
Parent: #50
العوض اخوي سلامات
تعرف يا العوض اخوك من انصار الكتابة بالدارجة لانو كتابة العربي
الفصيح دي علي حسب علمي هنا في المنبر دا بعرفوا ليها ناس حببببببة
يتعدوا باصابع اليد الواحدة.... والقصة دي انا واحد ناس بلت وبعجن
فيها عجن السنين... مرة كتبت لي مداخلة كدا المهم لتيت في كلمة
كان مفروض اكتب ( مأساة امرأة) كتبت ( ماساة امراءة) لووووووووول
جاني ليك حسين ملاسي ناطي من وين ما عارف تييييييف عمل ليها اقتباس لووووول
قام كتب( مأساة شنو يا الخير؟ ) لووووووووول خالص
الايامات ديك كنا متشاكلين.
|
Post: #56
Title: Re: اعتزار (يوجد إصرار)
Author: عمار عبدالله عبدالرحمن
Date: 12-12-2009, 00:24 AM
Parent: #55
لو شفت (الدنياء) الاتكتبت هنا ,,
يعنى كان جاتك اكزيميا ,,,,,,,,,,,,,
|
Post: #57
Title: Re: اعتزار (يوجد إصرار)
Author: Dr. Salah Albashier
Date: 12-12-2009, 01:03 AM
Parent: #56
الأخت "العذيذا لاويا"
لك مني عاطر التحايا والود مفعمه
كثيرٌ هي الأخطاء الشائعة، "لاكين" على المرء منا محاولة الكتابة بعربية فصحى أو على الأقل بعربية "المقال الصحفي" وهي عربية أقل جودة واقل أخطاءً، بحيث يمكن احتمالها "بدون تضريس"، وعلى أكتافك - بين الفينة و "أختها" - يقع عبء الرقي بنا إلى عالم بنت عدنان الجميل، شكراً لتوضيحك، وشكراً لطرافة وجدية طرحك.
مع خالص تحياتي
د. صلاح البشير
|
Post: #58
Title: Re: اعتزار (يوجد إصرار)
Author: الخير محمد عوض
Date: 12-14-2009, 01:35 AM
Parent: #57
*
|
Post: #59
Title: Re: اعتزار (يوجد إصرار)
Author: Ahmed Khalil
Date: 12-14-2009, 03:24 AM
Parent: #58
| Quote: قادة التحالف دعوا لمسيرة الاثنين و الشرطه السودانيه تذيع بيان بانها ستضرب بيد من حديد كل متظاهر |
عنوان بوست للمصححة تراجي
|
Post: #60
Title: Re: اعتزار (يوجد إصرار)
Author: الخير محمد عوض
Date: 12-15-2009, 06:33 PM
Parent: #59
تذيع مالا يا احمد عيبا لي
ههههههههههههه
|
Post: #61
Title: Re: اعتزار (يوجد إصرار)
Author: Tagelsir Elmelik
Date: 12-15-2009, 08:37 PM
Parent: #12
صحي
ومن دون اي شك
اما الجنبات فممكن تكون لمسة الكوع الشمال مرة و الكوع اليمين مرة
و في لحظة انفتال الخصر الي اليمين تتحرك الجنبات الى اليسار
و العكس بالعكس
|
Post: #62
Title: Re: اعتزار (يوجد إصرار)
Author: قرشـــو
Date: 12-15-2009, 08:49 PM
Parent: #61
الحبيبه بت الحبيب
الفين سلام ياخى
والله ليك وحشة شديدة
ارجو ان تكونى دوما بخير ...
|
Post: #63
Title: Re: اعتزار (يوجد إصرار)
Author: ثروت سوار الدهب
Date: 12-15-2009, 09:00 PM
Parent: #62
مالا صحي
تذيع؟
امكن خطأ نسبة لعربي سودانيس
|
Post: #64
Title: Re: اعتزار (يوجد إصرار)
Author: Tragie Mustafa
Date: 12-15-2009, 11:06 PM
Parent: #63
أحمد خليل بالله عملتها ؟؟
كثر خيرك على التذكير....
الا الفيك اتعرفت
| Quote: عنوان بوست للمصححة تراجي |
ويا الخير برضو الفيك اتعرفت(هههههه)
في فرق كبير جدا يا الخير بين الكتابه المستعجله والكتابه الخطأ تماما.
|
Post: #65
Title: Re: اعتزار (يوجد إصرار)
Author: محمد زكريا
Date: 12-16-2009, 00:44 AM
Parent: #64
واحدين بيكتبوا........ محمد ذكريا
يا عالم اسمي محمد زكريا
|
Post: #66
Title: Re: اعتزار (يوجد إصرار)
Author: Rawia
Date: 12-16-2009, 03:29 PM
Parent: #65
سلام
|
Post: #67
Title: Re: اعتزار (يوجد إصرار)
Author: مدثر قرجاج
Date: 12-16-2009, 05:26 PM
Parent: #66
يعنى ياراويه هسه نقول
الهلال فاز بكاس الدورى الممتاذ ولا الممتاز
فى كل الحالتين الجماعه ضاعوا
|
Post: #68
Title: Re: اعتزار (يوجد إصرار)
Author: محاسن زين العابدين
Date: 12-16-2009, 10:28 PM
Parent: #67
الاخت راوية
قبلك فكرت هل الشعب السوداني عنده مشكلة بين الزاء والذال ...
لانه خطأ متكرر ومشترك ..
ومش ممكن يكون بالكثرة دي
وتوصلت لقناعة بان ذلك سببه أن الذال غير موجودة كحرف ظاهر في الكي بورد
|
Post: #69
Title: Re: اعتزار (يوجد إصرار)
Author: الرفاعي عبدالعاطي حجر
Date: 12-17-2009, 09:43 AM
Parent: #68
العزيزة راوية
لك المودة ... امس ونحن نراجع كشوفات السجل الانتخابي لمرحلة ما قبل الطعون الفردية
وجدت الكشف مطبوع بواسطة القنصلية فيهو اخطاء طباعية كثيرة ولكن لفت انتباهي مجذوب
مكتوب مجزوب وكم اخطاء تكفي لإغلاق ابواب القنصلية لكن كما يقول الاستاذة فإن اللسان
هو عصب الكتابة يعني تقول صح تكتب صح والعكس .
كوني بخير دوماً.
...........................................................................حجر.
|
Post: #70
Title: Re: اعتزار (يوجد إصرار)
Author: ياسر شبيكة
Date: 12-17-2009, 05:24 PM
Parent: #69
راوية لك التحايا وكل سنة وانتى طيبة
رجعتى ولا لسه؟
زمان لم كنا فى مصر أتذكر فى أواخر السبعينات كان الأديب والكاتب والشاعر "صديق مدثر" (من أشعاره أغنية ضنين الوعد) فى زيارة للقاهرة وجمعتنى بيهو والأستاذ مربى الأجيال والكاتب الكبير "أحمد المغربى" واخرين جميعهم فطاحلة فى اللغة العربية والمعارف بجميع تخصصاتها جلسة ممتعة وغنية بالمعارف لا زالت محفورة فى الذاكرة.
من الموضوعات التى أثيرت فى تلك الجلسة طريقة نطق السودانيين لبعض حروف اللغة العربية وكيف أنها يمكن أن تؤثر على معنى الكلام و الرسالة التى يتلقاها المستقبل لها.
حكى الشاعر صديق مدثر بأن أحد أصدقاءه من الأدباء المصريين قال ليهو انتوا السودانيين عندكم أحيانا نطق لبعض الكلمات لا يتناسب مع الكلمة وحجم الشئ المعنى مثلا البطيخة انتوا بتقولوا (بتيخة) تديك انطباع أنها حاجة صغيرة جدا والألم انتوا بتقولوا (قلم) بتفخيم القاف يديك انطباع أنه حاجة ضخمة ..... وأمثال أخرى كثيرة.
ويبدو أنه الواحد أحيانا بيكتب بى نفس طريقة النطق الاتعودنا عليها خاصة وأنه يخيل لى كمان أنه أغلب الناس بتكتب من الراس وللكيبورد مباشرة من غير مسودة ومراجعة دقيقة ..... هذا والله أعلم.
تحياتى وتقديرى
|
Post: #71
Title: Re: اعتزار (يوجد إصرار)
Author: وليد محمد المبارك
Date: 12-17-2009, 07:30 PM
Parent: #70
| Quote: كما اني لا انفي اني قبل سنوات كنت اكتب اعتذار علي نفس النحو الذابح اعلاه |
حي انا
حصلتها بسرعة
|
Post: #72
Title: Re: اعتزار (يوجد إصرار)
Author: أمير عثمان
Date: 12-17-2009, 09:58 PM
Parent: #71
راوية ... سلامات
| Quote: الجلابية الانغاذية |
بالله بعد ما تخلصى - ده لو كان بخلص - من موضوع الزاء والذال ده شوفي لينا موضوع الغين و القاف ....
حاجة تكسف!!!!!
|
Post: #73
Title: Re: اعتزار (يوجد إصرار)
Author: هاشم نوريت
Date: 12-17-2009, 10:37 PM
Parent: #72
يمكن ال (ز وال ّذ) لغير الناطقين بها حدوث الخلط عندهم امر متوقع ولكن يفقع مرارتى اليكتب ليك
( ان شاء الله ) هكذا (انشاء الله) بالله لو فى منبه ياريت نلقاهو عشان الناس الزى دى
|
Post: #74
Title: Re: اعتزار (يوجد إصرار)
Author: Rawia
Date: 12-27-2009, 08:37 PM
Parent: #66
لغاية بكرة
|
|