هلا يا مرحبا بود نورالله التمساح واليا على النيل الابيض

حليل أبواتك يا نيل

حليل أبواتك يا نيل ناس أبو خالد قبيل

رجالا بشدوا الحيل وبكرموا الضيف هجعت ليل

لكن اه يا نيل دة غضب الله

جاءنا عديل

غابت انتفاضة أبريل وأرضنا أضحت بور ونجيل

نعود لاخونا ود نورالله الما بخاف الله فى بقية خلق الله 0ما خلاص ذى ما بقول المثل الخل قديمه تاه طبعا

ود نور الله أصبح والى ومتعالى لبس وركب الغالى 0 المشية ذاتها اتغيرت بقت مشية بشيرية تيمنا

تيمنا بصاحبنا ود حوش بانقا 0الزول الثانى ده نخليه يرتاح شوية ونرجع لود الشبونات أخونا ودنور الله ونقول ليهو مبروك الجلابية والملفحة وعصاية الابنوس الما معروف سرها شنو كل ناس المؤتمر الوطنى
يتوكأوا عليها دة مرض العظمة ولا شنو يا ود نورالله 0لكن أنا عرفت سر العصا دى بطول عمر المشقفين بالحكم 0لكن فى احتمال ثانى وهو الارجح وهو سر عصاة سيدنا موسى عليه السلام وهو أن يهش بها البشير على غنمه وهم أعضاء المؤتمر الوطنى ونعمة الغنم طبعا الرأس رخيص بس شوال بصل 0لكن ما أظن البشير يفرط فى البصل لانه محتاج ليهو فى أكل الفول زى ما قالت بت خالد طبعا بت خالد دى هى بت عم البشير
مرشح الرئاسة لعام 2010

كل الولاة في السودان من اتباع المؤتمر الوطني ينطبق عليهم ما ذهبت اليه

الاخ الحبيب عمر عبدالله السلام عليكم ورحمة الله وبركاته 0والى لوالى يختلف ولا شنو شوف والى النيل الازرق الاخ مالك عقار خلق من النيل الازرق مثال حى من العمل الجاد 0من هنا يجب علينا أن نحى الاخ مالك وهو يقدم مثال حى للانسان الذى يحب وطنه فعلا هذا نموزج حي يجب على كل انسان حادب وطنه أن مثل الاخ مالك عقار فالتحية له 0فيا ريت ويا ريت كل الولاة يكنون مثل عقار وبالذات أخونا ودنورالله ما أعديها جلاليب وعصى عايزين النيل الابيض يكون ذى النيل الازرق تنمية وعمل ملموس ولا شنوا يا ناس النيل الابيض ?