Post: #1
Title: بداية أنتاج البترول في الشمال منتصف هذا الشهر !من لديه معلومات عن حقل الراوات يفيدنا ؟
Author: زهير عثمان حمد
Date: 12-04-2009, 08:23 AM
حقل الراوات النفطي( 70 كيلومترا جنوب كوستى ) لإنتاج النفط سوف يدخل مرحلة الانتاج الفعلي في منتصف هذا الشهر وهذا يؤكد
وجود النفط بكميات تجارية فى حقل الراوات كاول حقل نفطى بشمال السودان.
ومبروك لكل الغبش في الشمال البترول !
|
Post: #2
Title: Re: بداية أنتاج البترول في الشمال منتصف هذا الشهر !من لديه معلومات عن حقل الراوات يفيدنا ؟
Author: سلمى الشيخ سلامة
Date: 12-04-2009, 02:03 PM
Parent: #1
ي زهير يا اخوى
البترول الطلع فى الاول شن طعمو ؟
ومنو الاستفاد منه ؟
وكيف ؟
ومتين ؟
يا حبيب بلد بنتج 500 الف برميل يوميا
وما تزال مدنه غارقة فى شبر موية ابان الخريف
بلد بنتج المقدار دا كله وما تزال الامية مستشرية والوظائف الا لمن كان من ذوى اللحى والعمال مستجلبون من الخارج ؟؟؟؟؟؟؟؟؟؟؟؟؟؟؟
والغذاء اغلى من اى حته فى العالم
ومشروع الجزيرة مرهون للبيع
والكهرباء عليم الله اين تذهب ؟
والفقر يحوم ليل نهار
والماء بالحمير فى المدن
والزراعة منعدمة اساسياتها والحياة واقفة
مبروك على شنو؟
وناس عندها بنوك فى البيوت وناس حق الخدار ما فى ؟؟؟
يا حبيب الله يكون فى عون اهلنا البسطاء
بلد ماعندها وجيع
|
|