Post: #1
Title: الناحيه العمريه للمرشحين!!
Author: Tragie Mustafa
Date: 12-03-2009, 11:01 PM
شوفوا نحن حركات زي حركات ناس برجنيف الودوا الاتحاد السوفيتي في مليون داهيه دي ما عايزنها
ولوا اننا دوله ناميه ونعرف ظروفنا لما قبلنا بمن هو فوق ال 45 حتى.
اها عشان ظروف تخلفنا نقبل ب الستين كحد اقصى.....ودي زاتها حرام بحق
البلد.
المهم هو راي وغير ملزم لكنها محاولة لفت نظر بان نتبه ونحن نفكر
الستين هي سن التقاعد الرسمي معوقل نحن نمشي للسبعين؟؟؟
يعلم الله انه ديل على عقم امه!
زمان لما قلنا لناس الحزب الشيوعي انه الزمن جاء لانتخاب
شباب من جيل عصام جبر الله قعدوا يستهزؤا بنا.
بنفس الحكايه لحزب الامه
جيل ناس لنا مهدي وكردفاني وخالد عويس ومحمد حسن العمده
لاحظوا ديل فيهم ثلاثه جلابه ومهمش واحد هو كردفاني!!
رغم انه حزب قواعده هامشيه(اها المحزن كلهم على مستوى القياده)
يظلوا مهمشين لانه لا تجري الدماء الزرقاء بعرقوهم ولا ينتمون لآل المهدي!!
نجي للناس الاتحادي
اها معقوله بس الميرغني يصر على ابنه؟؟؟
اها ابنه فعلا تنطبق عليه الشروط العمريه لكن كمان باقي الصفات....!!
باقان اموم
هميمه
عادل عبد العاطي
د.اكيج كوج
د.خليل ابراهيم
عبد الواحد محمد نور
وغيرهم
نتفق او نختلف معهم
لكنهم قيادات شابه تتقدم الصفوف وبعضها يستحق قيادة هذه الامه.
|
Post: #2
Title: Re: الناحيه العمريه للمرشحين!!
Author: محمد هشام
Date: 12-03-2009, 11:08 PM
Parent: #1
انتي قايلاهو قيادة موقع انترنت ؟
انا مستغرب فيك بتقيسي الامور بياتو منهج
|
Post: #3
Title: Re: الناحيه العمريه للمرشحين!!
Author: عبد الناصر الخطيب
Date: 12-03-2009, 11:21 PM
Parent: #2
أستاذة تراجي مصطفي
تحية طيبة ,,,
كنت مفتكر براى المعجب بـ سوروبود و الاركيولون
واصحابهم برنتو ساروس و المميز التيرانوساروس
طلعت البلد كلها بتحب تلك الزواحف الجميلة المنقرضة
بمناسبة ترشيح الصادق او الترابي أو أى ديناصور اخر
|
Post: #5
Title: Re: الناحيه العمريه للمرشحين!!
Author: حاتم علي
Date: 12-03-2009, 11:37 PM
Parent: #3
تراجي سلام و تحية
على خلفية (شائعة) ترشح الصادق المهدي كممثل مشترك لقوى المعارضة في الإنتخابات
---------------------------------------------------------------------------------------
كتبت هذا الكلام
فقط الشعوب المغلوبة على أمرها تعيد تجريب المجرب سلفا و إنتاج فاشليها مرارا و تكرارا
لا توجد وجوه جديدة او شباب يحملون لواء التغير الحقيقي ، فقط يسبون و يلعنون الإنقاذ ، و لا يطرحون البديل ابدا
ولن يغير الله ما بقوم حتى يغيروا ما بأنفسهم
وعشان كدا الإنقاذ إتحكرت
راجعي هذا الموضوع :
وعشان كدا الإنقاذ إتحكرت !!
ه
|
Post: #11
Title: Re: الناحيه العمريه للمرشحين!!
Author: Tragie Mustafa
Date: 12-04-2009, 01:13 AM
Parent: #3
شكرا اخي عبد الناصر الخطيب على المرور
و الاتفاق على اهمية الناحيه العمريه للمرشحين
Quote:
أستاذة تراجي مصطفي
تحية طيبة ,,,
كنت مفتكر براى المعجب بـ سوروبود و الاركيولون
واصحابهم برنتو ساروس و المميز التيرانوساروس
طلعت البلد كلها بتحب تلك الزواحف الجميلة المنقرضة |
(هههههههه)
يازول لن يتمكنوا من ايقاف عجلة الزمن
الناس كلها سائره في اتجاه التقدم الا نحن مكنكشين في القديم.
ربك يعين يا اخي.
|
Post: #4
Title: Re: الناحيه العمريه للمرشحين!!
Author: Dr. Salah Albashier
Date: 12-03-2009, 11:34 PM
Parent: #2
الأخت العزيزة تكعيب تراجي
لك التحية والود
لا أريد أن أحبط آمالك في قيادة شابة، فهذا حق مشروع ومأمول أيضاً، ولكن في ظل مؤسسات "هشة" تدعي الديمقراطية منهجاً وترفضها سلوكاً، لن ننعم بما تأملين، وارجعي فقط إلى "مناوشات بكري عديل"، ستدركين ما أعني، ومع ذلك فالأمة أفضل السيئين، ، و "ناس مولانا" غير "نغطيهم ونبكي عليهم" لا شئ، ، والأخوة اليساريون على اختلاف منازعهم ومشاربهم يحتاجون إلى نهج وخطاب جديدين، وغخوتنا في الحركة الشعبية متنازع بهم بين دولة جديدة متنازعة قواها ودولة موحدة لا امل فيها، تقوقعوا داخل شرنقة الشمال غير الموثوق فيه ، فلا خطو خطوة للأمام ولا تراجعوا، ودفنت آمالهم الجامعة مع القائد المأمول قرنق. المسألة السياسية في بلادنا معقدة جداً تحتاج الكثير ، وهي على تعدد تجاربها بين عسكرتارياتٍ ثلاث وديمقراطياتٍ ثلاث ن ضعيفة البنية، خالية من الأدبيات السياسية، حديثها مجتر، شعاراتها لا تناسب الألفية الثالثة، وشخوصها مكررة في ملل. والله يكون في عوننا يا بت الرجال الما خمج
مع خالص تحياتي
د. صلاح البشير
|
Post: #6
Title: Re: الناحيه العمريه للمرشحين!!
Author: Tragie Mustafa
Date: 12-03-2009, 11:45 PM
Parent: #2
Quote:
انتي قايلاهو قيادة موقع انترنت ؟
انا مستغرب فيك بتقيسي الامور بياتو منهج |
محمد هشام سلامات
ويبدو انك صغير فعلا وعودك غض
يا اخي
على فكره انا اكثر من اتشتموا هنا من عادل عبد العاطي
اذا كنت تعني خلافه معكم كشيوعين
لكن هذا لن يمنعني اطلاقا من قولة كلمة الحق
الصفات القياديه الواضحه لعادل عبد العاطي لا تخفى الا على اعمى بصيره مش بصر فقط
وعادل اكثرهم ثوريه....و الكويس العمر قدامه فلنحتفظ بيه للايام القادمه قبل جيل انور كنج
وبعد هؤلاء.
|
Post: #7
Title: Re: الناحيه العمريه للمرشحين!!
Author: محمد هشام
Date: 12-04-2009, 00:02 AM
Parent: #6
Quote: محمد هشام سلامات
ويبدو انك صغير فعلا وعودك غض
يا اخي
على فكره انا اكثر من اتشتموا هنا من عادل عبد العاطي
اذا كنت تعني خلافه معكم كشيوعين
لكن هذا لن يمنعني اطلاقا من قولة كلمة الحق
الصفات القياديه الواضحه لعادل عبد العاطي لا تخفى الا على اعمى بصيره مش بصر فقط
وعادل اكثرهم ثوريه....و الكويس العمر قدامه فلنحتفظ بيه للايام القادمه قبل جيل انور كنج
وبعد هؤلاء. |
سلامات استاذة تراجي
احتمال اكون صغير وعودي طري قياسا بالقامات القاعدة في المنبر
لكن دا ما بمنع اني اكون متابع لكل ما بنكتب في المنبر وانقد بقدر تجربتي
عادل عبد العاطي لا يصلح كقيادي والدليل شكل كتابته و اسلوبه في العداء
ولا يملك اي من الصفات القيادية والجاذبة للجماهير ولا يملك اي قاعدة حقيقية في الوطن
وهذا حديث لا ينكره احد فعادل هو شخصية الكترونية لا اكثر ان صح ا لتعبير
لكن انا مشكلتي ما هنا مشكلتي مع الناس البفتكرو الازمة ازمة اعمار
يعني بقت على عمر قادة الاحزاب
المشكلة اكبر
المشكلة مشكلة ديمقراطية وتعليم وصحة
ودي محتاجة دراسات جادة من منظمات المجتمع المدني
ما داك كبير ودا صغير
محتاجة لمواقف حقيقية ما لاعمار بشر
تحياتي واحترامي للجميع
|
Post: #8
Title: Re: الناحيه العمريه للمرشحين!!
Author: Tragie Mustafa
Date: 12-04-2009, 00:29 AM
Parent: #7
الفاضل محمد هشام
شكرا لردك
وزي العبرته كده بلا توقف عند ذكري لاني احد من شتمهم عادل هنا؟؟؟
انا ذكرت بهذا ان اوضح لك بانه خلافنا الشخصي لا يجعنا نغمط الآخرين حقهم.
فما تمر فوق الكلام ده مرور عابر وتوقف عنده لتعرف ان الوطن اكبر مني
ومنك ومن عادل ومن خلافه مع الشيوعين
Quote: سلامات استاذة تراجي
احتمال اكون صغير وعودي طري قياسا بالقامات القاعدة في المنبر
لكن دا ما بمنع اني اكون متابع لكل ما بنكتب في المنبر وانقد بقدر تجربتي
عادل عبد العاطي لا يصلح كقيادي والدليل شكل كتابته و اسلوبه في العداء
ولا يملك اي من الصفات القيادية والجاذبة للجماهير ولا يملك اي قاعدة حقيقية في الوطن
وهذا حديث لا ينكره احد فعادل هو شخصية الكترونية لا اكثر ان صح ا لتعبير
لكن انا مشكلتي ما هنا مشكلتي مع الناس البفتكرو الازمة ازمة اعمار
يعني بقت على عمر قادة الاحزاب
المشكلة اكبر
المشكلة مشكلة ديمقراطية وتعليم وصحة
ودي محتاجة دراسات جادة من منظمات المجتمع المدني
ما داك كبير ودا صغير
محتاجة لمواقف حقيقية ما لاعمار بشر
تحياتي واحترامي للجميع |
صدقني هذا المنابر تقدم الناس احيانا بشكل مشوه
وتقدم القبحين فعلا بشكل منمق ةلا يشبه واقعهم القبيح.
عادل عبد العاطي معدنه جديد
ويعرف معنى الشفافيه بشكل جيد.
صدقني الحده لن تقتل احد
ولكن الغدر رغم الهدؤ هو القاتل.
لا تتوقف عن هذه كثير....
فعلا العمر ليس كل شئي
وانما نقصد الحداثه وامتلاك لغة العصر.
سعيده بمرورك يا اخي
والصغره ليست عيب...وفخروه باخوتك هنا,واتعلم منك صدقني.
|
Post: #9
Title: Re: الناحيه العمريه للمرشحين!!
Author: Tragie Mustafa
Date: 12-04-2009, 00:34 AM
Parent: #8
العزيز محمد هشام
نسيت ان اعلق على هذه الجزئيه
Quote: ولا يملك اي قاعدة حقيقية في الوطن
وهذا حديث لا ينكره احد فعادل هو شخصية
الكترونية لا اكثر ان صح ا لتعبير |
هذا الكلام ليس صحيحا
عادل عبد العاطي كادر جماهيري لا يشق له غبار
وله وقاعده منذ الجامعه وله وجود حقيقي بين المثقفين
وعارف افضل من سخر التكنلوجيا ليس معنى ذلك وجوده الاسفيري
على فكره انشط سياسي بغرف البالتوك هو عادل عبد العاطي
وعلى فكره جند ثلاث اربع سودانين المنافي من خلال هذه الوسائل فالتحيه له.
بس عادل مضروب عين منذ الصغر كما يبدو على ناس الليبرالي ان (يعزموا ليه فوق راسه ههههههه)
|
Post: #10
Title: Re: الناحيه العمريه للمرشحين!!
Author: محمد هشام
Date: 12-04-2009, 00:56 AM
Parent: #9
Quote: وزي العبرته كده بلا توقف عند ذكري لاني احد من شتمهم عادل هنا؟؟؟
انا ذكرت بهذا ان اوضح لك بانه خلافنا الشخصي لا يجعنا نغمط الآخرين حقهم.
فما تمر فوق الكلام ده مرور عابر وتوقف عنده لتعرف ان الوطن اكبر مني
ومنك ومن عادل ومن خلافه مع الشيوعين
|
استاذة تراجي
صدقيني صراع افراد من الحزب مع عادل عبد العاطي
ما بيعتبر انو الحزب عندو صراع مع المذكور
لانو الحزب اصلا في المرحة دي مركز في الانتخابات والتسجيل والقوانيين المقيدة للحريات
وما اظن في المراحل الجاية يكون الحزب عندو صراع مع عادل
وكل الحاصل دا هو نقاشات بين افراد من الحزب وعادل عبد العاطي والموضوع ما ليهو اي علاقة بالخط السيسي للحزب عشان ما نديهو اكبر من حجمو
وانا ما متأثر بشكل عاطفي بالبكتبو عادل لكن بس حاولته اوريك انو انسان بوزع الشتايم زي ما قلتي انتي ما بصلح كسياسي فما بالك بقائد لجماهير
Quote: صدقني هذا المنابر تقدم الناس احيانا بشكل مشوه
وتقدم القبحين فعلا بشكل منمق ةلا يشبه واقعهم القبيح.
) |
اوافقك الراي يا استاذة
Quote: عادل عبد العاطي معدنه جديد
ويعرف معنى الشفافيه بشكل جيد.
|
حقيقة لا اعلم شيء عن معدن عادل ولكن اعرف قلمه جيدا
واتمنى ان يكون معدنه مثل ما ذكرتي
Quote: عادل عبد العاطي كادر جماهيري لا يشق له غبار
وله وقاعده منذ الجامعه وله وجود حقيقي بين المثقفين
وعارف افضل من سخر التكنلوجيا ليس معنى ذلك وجوده الاسفيري
على فكره انشط سياسي بغرف البالتوك هو عادل عبد العاطي
وعلى فكره جند ثلاث اربع سودانين المنافي من خلال هذه الوسائل فالتحيه له. |
اعرف جيدا ان عادل عبد العاطي كان من الكوادر الجيدة في الجامعات بشهادة أبناء جيله
ولكن قاعدته ووجوده فذلك الزمان لا تشفع له في واقعنا المعاش
فجماهير الشعب السوداني لا تعلم شيئا عن عادل وحزبه وهذه الحقيقة التي لا ينكرها احد
وحول العمل في الانترنت فهو وسيلة لايصال الأراء بصورة سهلة
ولكن كم عدد الذين يعستخدمون الانترنت في بلدي وكم عدد الذين يثقون في حزب اليكتروني
الجماهير تحتاج الى احزاب موجود بينها وتجدها وسطها في الحي والمصانع والجامعات
اعتذر اذا كنت قد حرفت البوست عن مجرى سيره الاساسي
وهو الناحية العمرية للمرشحين
|
Post: #12
Title: Re: الناحيه العمريه للمرشحين!!
Author: قيقراوي
Date: 12-06-2009, 09:17 PM
Parent: #10
| Quote: الناحيه العمريه للمرشحين!! |
تراجي
Quote:
فعلا العمر ليس كل شئي
وانما نقصد الحداثه وامتلاك لغة العصر. |
برضو تراجي !
لوووووووووول
رسينا على بر ؟
الناحية العمرية مهمة و لا ما مهمة ؟
---------------
محمد هشام ارفع القبعة احتراماً لك سيدي
|
Post: #13
Title: Re: الناحيه العمريه للمرشحين!!
Author: Abdel Aati
Date: 12-11-2009, 01:41 PM
Parent: #12
قيقراوي يا بايخ
| Quote: محمد هشام ارفع القبعة احتراماً لك سيدي |
يعني محمد هشام عمل شنو هنا عشان ترفعو ليهو القبعة غير نازل "ار" على قول المصريين في شخصنا الضعيف
وكلام محمد هشام مفيد بالنسبة لي بالمناسبة وأنا لا ازعل من نقد بل اعتبره محرض لي للنظر في اداءئي .
اها انت يا قيقراوي ما قادر تقول كلام محمد هشام الريحك نفسيا دا ؛ بس تعرف ترفع القبعة ؟؟؟
ليك التحية يا صديق
|
Post: #15
Title: Re: الناحيه العمريه للمرشحين!!
Author: قيقراوي
Date: 12-11-2009, 08:10 PM
Parent: #13
بايخ بايخ . . برضو احسن من القابك الكبيرة ديك . . هو ذاتو طوالي بقولوها لي لحدي ما شكيت انها اسمي التاني 
لوووووول
| Quote: يعني محمد هشام عمل شنو هنا عشان ترفعو ليهو القبعة غير نازل "ار" على قول المصريين في شخصنا الضعيف |
برضو سيرة البحر ؟ القشريين ديل تاني ؟
لكن دا ما سبب رفع القبعة !
السبب الحقيقي انو بالجد دا رأي في الزول دا ، دا ولد بحجم الشوق لبكرة انضر ، و اجمل ن ظروفنا
و تحت تحت السبب المباشر في البوست دا انو جهجه ليك باكات ست الدار - ما تكلما سمح ؟ - مرة تقول ليهو :
| Quote: ويبدو انك صغير فعلا وعودك غض |
Quote: سعيده بمرورك يا اخي
والصغره ليست عيب...وفخروه باخوتك هنا,واتعلم منك صدقني. |
و عنوان البوست ( الناحيه العمريه للمرشحين!! )
؟؟!!
يعني لا الكبار نافعين و لا الصغار فاهمين ؟!
اقول ليكم حاجة و ما تضايقوا ؟
الافشل من جيل الجلاكين ( الفاشل ) دا هو جيلنا نحنا بإمتياز .
و في رأي الأمل معقود على شباب ضكران و بنات دغريات منهن/م و زيهم ياهو محمد هشام دا و اخريات و آخرين يتشوا عين الضلام بالضو
فما تصادروا المستقبل يا ( شباب ) !! . .
عرفت رفعت القبعة ليهو ليه ؟ . . ببساطة لأني في مفاصلة المجايلة منحاز لجيل الوعد دا بلا مواربة
| Quote: وكلام محمد هشام مفيد بالنسبة لي بالمناسبة وأنا لا ازعل من نقد بل اعتبره محرض لي للنظر في اداءئي . |
عارف و متأكد من دي ، بس مرات كتيرة بكون بعد فوات الاوان !!
Quote: اها انت يا قيقراوي ما قادر تقول كلام محمد هشام الريحك نفسيا دا ؛ بس تعرف ترفع القبعة ؟؟؟
ليك التحية يا صديق |
هو نان قالولك رفع القبعة دا ساهل ؟! . .
ياخ دي معركة شاقة و مضنية مع النفس الامارة بالامتياز ، و محتاجة أمانة و صدق رفيعة .
سم سانياً ، في الزمن العلينا دا نادرن ما تلقى البستاهل يرفعوها ليهو .
الاهم من دا كووووووووووووولو انا اصلاً ما عندي لا قبعة و لا طاقية ذاتو . . شفت كيف ؟ 
سلامات يا صديق
و لأماليا الياسمين . . او كما قال
------------
ياخ يومداك اضفتها في كتاب الوشوش لكن لسه ما عملت لي اكسبتانس
|
Post: #14
Title: Re: الناحيه العمريه للمرشحين!!
Author: Tragie Mustafa
Date: 12-11-2009, 04:02 PM
Parent: #12
يا قيقراوي سلام
Quote:
برضو تراجي !
لوووووووووول
رسينا على بر ؟
الناحية العمرية مهمة و لا ما مهمة ؟
|
الناحيه العمريه مهمه
ولكن اضفت لها لو لاحظته امتلاك لغة العصر
وعارف دي معنها شنو؟؟؟؟
يعني في شباب لكن بعقلية العصور الوسطى
ممكن يكون مرشح وشاب مثلا ولكنه من النوع البيؤمن انه الانترنت
رجسا من عمل الشيطان!!
يبقى ده شبابه لم يضمن لنا امتلاكه للغة العصر.
اما زولكم شخصيا اذا كنتم تعنون نقد
فعلى فكره الصادق المهدي في نواحي بقى تقدمي اكثر منه!!
|
Post: #16
Title: Re: الناحيه العمريه للمرشحين!!
Author: قيقراوي
Date: 12-11-2009, 08:47 PM
Parent: #14
تحياتي ي زول يا جسورة
Quote: يعني في شباب لكن بعقلية العصور الوسطى
ممكن يكون مرشح وشاب مثلا ولكنه من النوع البيؤمن انه الانترنت
رجسا من عمل الشيطان!!
يبقى ده شبابه لم يضمن لنا امتلاكه للغة العصر.
اما زولكم شخصيا اذا كنتم تعنون نقد
فعلى فكره الصادق المهدي في نواحي بقى تقدمي اكثر منه!! |
كلام سليم لحدٍ ما يا تراجي
بس لكن الصاح انو يتقال متين ؟
ضرورات المرحلة بتقتضي وحدة الصف الوطني ، ياخ البلد على شفا حفرة من جحيم !!!
في زمن ديمقراطي ، و متوفر للشعب السوداني كل اسباب العيش الكريم ممكن نتشرط و نتأمر
لكن السؤال الملحّ اسع دي ، كيف نعبر للزمن دا بدولة العدالة الموحدة البترفل في سلام و تنمية مستدامة ؟
او كمان يكون سقط السبب الاساسي للصراع من اصلو لو ما حافظنا عليها بالشروط عاليه ! . . و لاكيف ؟
اعتقد انو اسي الازمة ، ازمة كيف يحكم السودان ؟ و ليس من يحكمه ؟
في ظل دولة المؤسسات و سيادة حكم القانون صدقيني ما ح يفرق منو يحكمنا ، و لا عمرو ، و لا دينو ، او جنسه او نوعه . . .
تحياتي و احترامي
-------------------
Quote:
اما زولكم شخصيا اذا كنتم تعنون نقد
|
لووووووووووول
انا غايتو زولي ياهو الرفعت ليهو القبعة هنا دا . . و كل زول حر في زولو مش ؟
|
Post: #17
Title: Re: الناحيه العمريه للمرشحين!!
Author: Tragie Mustafa
Date: 12-20-2009, 08:17 PM
Parent: #16
.
|
|