اها انا مفروض شكر ناس نيويورك ومحبتهم وتوثيقها يشغلوني شويه حتى افتح بوستات آخرى...الا الموضوع ده لقيته كثر خلاص الحاصل شنو؟؟؟؟
فحوله زايده؟؟؟!! طيب اشكروا ربكم وانخمدوا لانه الغالبيه صارت تشكوا من العجز الجنسي. وبنرجع برضو ليها.....ونقول لهم ما تفرحوا بانها فجة الموت(ههههههه)
ولا اموال زايده؟؟!! بالله يكون البعض اوناسيس معنا ونحن ما عارفين؟؟!! يا اخي اتلهوا.
يكونو شنو يا ربي السبب؟؟!!
Post: #2 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Tragie Mustafa Date: 12-01-2009, 06:57 AM Parent: #1
Post: #4 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Dr.Mohammed Ali Elmusharaf Date: 12-01-2009, 08:56 AM Parent: #3
تراجي
كل عام وانت والاولاد بخير
نحنا عاملين ساتر من بعيد والفتة ما بندخل يدينا فيها وهي حارة
بس متابعين باهتمام شديد!!!
معزتي
Post: #5 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: د.يوسف محمد طاهر Date: 12-01-2009, 09:18 AM Parent: #4
الأخت : تراجي - لك التحية كل عام وأنتم بخير إنت ما سمعت بالمثل البقول السواي ما حداث يعني الجماعة ديل بما فيهم (أنا) ما أعتقد إنو في واحد فيهم ممكن يعدد دي ونسة ساكت . زي ما بقولوا : " حلم الجعان عيش "
Post: #21 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Tragie Mustafa Date: 12-04-2009, 00:49 AM Parent: #4
د.محمد علي المشرف
مرحبا بك...
Quote: تراجي
كل عام وانت والاولاد بخير
نحنا عاملين ساتر من بعيد والفتة
ما بندخل يدينا فيها وهي حارة
بس متابعين باهتمام شديد!!!
معزتي
تسلم يا اخوي...دي محن عجيبه فعلا.
Post: #13 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Tragie Mustafa Date: 12-01-2009, 09:21 PM Parent: #3
العزيز الطيب رحمة قريمان
عيدك مبارك يا اخوي
وحاتك لا هجمتهم ولا رجمتهم....البوستات فوق الاربعه ده المتأكده منه
Quote: الاخت الفاضلة تراجى
لك التحية
و ده بوست آخر يا تراجى
و فى الحقيقة أنا بوستى كان عبارة عن رد فى بوست الدكتور صلاح البشير .
لا أعتقد ان هناك يوست ثالث فى هذا المعنى ... !!!
خليك من الما بين
السطور وغيره....
اها ناس بدل تمسيها ازمة منتصف العمر...ويعرفوا الحلول لا وحياتك
كل زول عايز ينط من المركب الغرقانه دي(هههههههه)
شكرا لحضورك وانت لست منهم فقد عرفتك من خلال كتاباتك...تبرأ يابا وتستبرأ
من المحن دي.
Post: #6 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Al-Shaygi Date: 12-01-2009, 09:54 AM Parent: #1
تراجي كل سنة وإنتي والفارسين طيبين
Quote: فحوله زايده؟؟؟!!
هي دي أصلها لو مافي،، المره الأولى زاتا الزول ما بيمشي عليها..
Quote: ولا اموال زايده؟؟!!
وأهه دي ما مهمة شديد لأنه وحسب الحاصل في السودان اليومين ديل أغلب البفتشن راجل المره مقتدرات وبي بيوتن وعرباتن بس كايساتن ليهن فحل.. وبما أن معظمهن قد تعدن مرحلة العشرينيات من العمر وصرن ناضجات في تفكيرهن،، فراجل المرة ده بيتميز عن الجديد بأنه لديه شهادة خبرة ومجرب ومفحوص والواحدة في السن دي ماعندها فرص كتيرة عشان تجرب وتاخد ليها بطيخة مقفولة!!! لازم على السكين حلا وحمار...(حمار دي من الإحمرار وليس الحمير)
Quote: يكونو شنو يا ربي السبب؟؟!!
كدي أجاوب ليك ببساطة الرجال معذورين وما ذنبهم إذا كنتن كل يوم زايدات حلا والواحدة تلقاها زي لحطة القشطة وبعد ده تقولي لي راجل المره كعب؟؟؟
Post: #7 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: شكرى سليمان ماطوس Date: 12-01-2009, 12:02 PM Parent: #6
تراجى، كل سنة و إنتم طيبين و العاقبة نتقابل فى عرفات ...
شفتى ملاح الشايقى الأخضر (صورة البروفايل) فورتوووو كيف ؟؟؟
ش
Post: #8 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: د.نجاة محمود Date: 12-01-2009, 01:32 PM Parent: #7
تعرفي يا تراجي
قالو العبد في بالو شردة والراجل في بالو عرسة
بعدين رجال البورد ديل طلعو بدري من السودان
دابهم سمعو بقة راجل المرة حلو حلا دي..
قالو في حفلة واحدة تغني راجل المرة حلو حلا اخدت ليها صنة كدا في عجوز يبدو انها فيمنست رفعت يدها وقالت والله راجل المرة مثل الخ......
هاهاهاه الناس لما اتخلعت..
Post: #9 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Tragie Mustafa Date: 12-01-2009, 01:47 PM Parent: #8
صباح الخير على الطيبين و الطيبات و الموحدين و الموحدات.....الي ان اجيكم راجعه...
Post: #10 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Dr. Salah Albashier Date: 12-01-2009, 05:09 PM Parent: #9
الأختان تراجي و د. نجاة لكما التحية والتجلة ووافر الإحترام سيدتاي ، "لا هي شردة ولا هي عرسة" ، مشاركتكما معنا تثري النقاش، لا زال هناك الكثير في معيتكما، نحن في حاجة إلى الآستزادة، كلاكما علم في رأسه نار، آمل منكما مراجعة البوست مرة ثانية، ويا موحدات البوست نحتاج آراءكم القوية، آمل أن أراكما تزينان البوست مرة أخرى، سنزداد شرفاً بمروركما الدائم. أما وقد جاء ذكر اليمين فاللهم أجعلنا وأياكما من أهل اليمين، اما يمين أهل السياسة فبعضه غث، وبعضه جفاء، ونحن برسالة الحب التي تحتويها أضالعنا أبعد ما نكون إليهم. مع خالص تحياتي د. صلاح البشير
Post: #11 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: ghariba Date: 12-01-2009, 05:18 PM Parent: #10
تراجي
كل عام وانت والاولاد بخير
اما انا مكنكش في ( ام أحمد ) خالص
نموت ونحيى سواء
بس تحت تحت .. ما تمشي تقولي .... صلاح غريبة دة هراش ساي ... وقدام مرتو حلبي خواف
صلاح غريبة - الما حيتزوج على مرتو ابدا
Post: #12 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: بكري عباس علي Date: 12-01-2009, 08:46 PM Parent: #11
ا ستاذة تراجي
كل سنة وانت وحازم وسند والجميع بخير
Quote: يكونو شنو يا ربي السبب؟؟!!
السبب في اعتقادي انو الواحد بمجرد ما خلاص ام اولادو الاصلية تصل مرحلة الانهاك في تربية اولادو وتذبل في سبيل سعادته وتكوين اسرته يقول ليك خلاص المرة دي عمرها الافتراضي انتهي نشوف لينا واحدة غيرها صغيرة يعني (استاندرد) بلغة المكانيكية
والواحد ينسي العشرة والعيش والملاح طبعا في ناس ظروفهم بتجبرهم علي الزواج بواحدة تانية وديل معذورين
كامل تضامني مع الزوجة الاولي
بكري
Post: #14 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Kamal Karrar Date: 12-01-2009, 10:29 PM Parent: #12
تراجي و. نجاة والأخوات الكريمات..
يكون الرجال يا ربي كثروا من الكمونية؟؟؟؟!!!!
هسع ينتهي المولد...
أبشرن بالخير كريمات وبنات أكارم
Post: #15 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: محمد عبد الماجد الصايم Date: 12-01-2009, 11:01 PM Parent: #14
تراجي .. كل سنة وإنتي طيبة! ياخ دي بتكون وحوحة الشطة ساااي!
د. بيان! قالت شنو ياخ!؟
Post: #16 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: jini Date: 12-01-2009, 11:33 PM Parent: #15
Quote: فحوله زايده؟؟؟!! طيب اشكروا ربكم وانخمدوا لانه الغالبيه صارت تشكوا من العجز الجنسي. وبنرجع برضو ليها.....ونقول لهم ما تفرحوا بانها فجة الموت(ههههههه)
رجال الزمن دا ما بدبلو الا فى القهوة (التنى) قالوا والله ينجينا شر قالو واحد شال الشيلة حقتو وركب حمارو وماشى يعرس من الحلة التانية مرتو قاعدة فى محلها قالت ليهو انت ماشى تعرس بالشى العارفاهو ولا شيتن جديد! اخونا نزل من حمارو وربطوا واداها الشيلة واحترم نفسه! دحين دى العاصفة التى تسبق الهدوء! جنى
Post: #17 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: محمد المختار الزيادى Date: 12-01-2009, 11:52 PM Parent: #16
علي كل الجندريات والجندريين التضامن مع ميشيل اوباما وكارلا بروني يا جماعة قالوا ليكم الموضوع ده ضرورة بايولجية دا المحن ناس ساركوزي ولفت ناس أوباما ساركوزي فك المحنة]
Post: #18 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: الشفيع محمد صادق Date: 12-01-2009, 11:55 PM Parent: #16
كل سنة وإنتي طيبة ياام حازم..وضيوفك
Post: #19 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Dr. Salah Albashier Date: 12-02-2009, 03:43 AM Parent: #18
أخوتي وأخواتي المشاركون والقارئ الكريم لكم مني جميعاً التحية ووافر الإحترام لا زال في جعبتكم والكثير ، ولا زال فينا كذلك ، ندعوكم مجدداً على اختلاف أرائكم وتعديدكم وتوحيدكم للمرور على البوست المذكور أعلاه، وأدناه"هل من المعقول أن تتزوج من إمرأةٍ ثانية؟ .. دعوة للنقاش. آرائكم تثري النقاش، وحتماً سنخرج بما هو مفيد. مع خالص تحياتي د. صلاح البشير
Post: #20 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: محمد الامين محمد Date: 12-02-2009, 08:20 AM Parent: #19
كلهم كذااااااااااااابين ماكلين بوش وكسرة وبرضو عاوزين الدبل دي ذي قصة زيدان الكسلان
Post: #22 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Dr. Salah Albashier Date: 12-04-2009, 01:28 AM Parent: #20
الأخت العزيزة تراجي لك التحية والود هناك الكثير الذي ينتظر ردك في البوست الذي تعنين، نحن بانتظار "متاوقتك" والأخت د. نجاة وبقية الموحدات. مع خالص تحياتي د. صلاح البشير
Post: #23 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Tragie Mustafa Date: 12-04-2009, 03:02 PM Parent: #22
د.صلاح صباحك خير ضحكتني في موحدات دي نحن يا اخوي مجبرا اخاك لا بطل(هههههههه) يعني خيارت مافي عشان كده لازم نسوق فركة التوحيد لاخوتنا الرجال.
كن بخير وبجيك بهناك صدقني.
Post: #24 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Tragie Mustafa Date: 12-04-2009, 03:03 PM Parent: #23
Post: #25 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Hassan Makkawi Date: 12-04-2009, 08:02 PM Parent: #24
Quote: قالو العبد في بالو شردة والراجل في بالو عرسة
د.نجاة محمود
يمين جدكم تاجر جملة.....وكدة
آآآآآآآآآآآخ يا بطنى من الضحك
Post: #26 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: هاجر التهامي ياسين Date: 12-05-2009, 10:33 AM Parent: #8
د. نجاة كيف الحال لكن بالغتي فيها هههههههههههههايقلت لي العبد في بالو شردة والراجل في بالة عرسة
تراجي عليك الله خلي الناس تعرس , اكيد في اسباب خلتهم يعرسوا, انا شخصيا ما بلوم الراجل العرس لكن بلوم المرأة التي جعلت زوجها يتزوج عليها. الزواج ليس فراقة عين ولكنه حاجة ضرورية في كثير من الحالات. ولكي مودتي هاجر
Post: #27 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Hisham Ibrahim Date: 12-05-2009, 10:54 AM Parent: #26
Quote: يكونو شنو يا ربي السبب؟؟!!
يا ام حازم
كل سنه وانتي طيبة
السبب الناس ديل زوجاتهم معاهم في الفترة دي والا مشوا قضوا معاهم الإجازه في السودان
وشافوا طريقة باقي عمرهم حا يروح مع الأولى واولادها !
وبقوا يهاتوا بيهــو في المنبر دا ،،
لكن كان زوجاتهم في المنبر معاهم مشتركين كان كلامهم بيكون غير
ولمن يكون زوجاتهم ما قريبين منهم بتلقيهم في السياسه والجمال والفنون يكتبوا ويفحطوا !
مودتي ليكـ براكـ ،،
انا كلمتها: بس الله يديني قروش !!
هشام
Post: #28 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Hassan Makkawi Date: 12-05-2009, 06:48 PM Parent: #27
Quote: انا كلمتها: بس الله يديني قروش !!
يقرش حلقك يا هشام............
Post: #29 Title: Re: انتو رجال البورد ديل فايرين في موضوع تعدد الزوجات اليومين دي مالهم؟؟!! Author: Tragie Mustafa Date: 12-06-2009, 06:30 AM Parent: #7
Quote: تراجى، كل سنة و إنتم طيبين و العاقبة نتقابل فى عرفات ...
شكر اخوي وكل عام وانت بخير ايضا وشكرا للدعوه الطيبه ونقول آمين يا رب.
Quote: شفتى ملاح الشايقى الأخضر (صورة البروفايل) فورتوووو كيف ؟؟؟
يعلم الله صحيح فورة تحير ذاته السبب شنو؟؟يكون الاحباط من الانقاذ اتفشهوا في النساء؟؟ ربنا يعنيهن.
