قلواك دينق يستقيل من الموتمر الوطني

قلواك دينق والي اعالي النيل يغادر الموتمر الوطني

Quote: قلواك دينق والي اعالي النيل يغادر الموتمر الوطني

شكلك

يا كيكي قاعد في قناة الجزيرة وكتب علي الخبر عاجل

وقلواك الزعلو منو يا ربي

الشروق ياخلي
والراجل اقالووووه
وقالو ليهو خلاص خدمات فنننششش فقام زعل

وهنالك من يغادر في (الاتجاه المعاكس) ..
مؤتمر الجن دا مالو يا عبد الكريم ؟؟

Quote: وهنالك من يغادر في (الاتجاه المعاكس) .. مؤتمر الجن دا مالو يا عبد الكريم ؟؟

هلا يا فتحي
وموتمر الجن ده حكايتو حكاية
زي بيت النمل بقي انتهازيين خاشين وانتهازيين مارقين

وغايتو دقي يا مزيكة

توقعت ان يستقيل هذا الرجل. يبدو انه يصارع مرض ما و يظهر ذلك جليا عليه و قد امضى فترة علاجية فى المانيا و قد استقبل استقبال لا نظير له على الاطلاق لاطبال المؤتمر الوطنى فى الجنوب. الرجل يصالح مع ضميره قبل رحيله من هذه الدنيا.
الشكر له.

كل عام وانت بخيــر باشمهندس كيكي ..


كل عام وانت طيب يا زكريا جوزيف :

Quote: توقعت ان يستقيل هذا الرجل

Quote: الرجل يصالح مع ضميره قبل رحيله من هذه الدنيا.

ما عارف استقال كما قال عبد الكريم أم اُقيل كما قال آخرون ...!

امنياتنا براحة ضميــر الجميــع بالحق والعدالة وليس مجرد التعاطف ...

Quote: ما عارف استقال كما قال عبد الكريم أم اُقيل كما قال آخرون ...!

هلا يا جنابو وعيد سعيد ياخي..
ما ورد يا عمر في قناة الشروق ليلة امس افاد بان الرجل اقيل من منصبه
ثم قام هو بالاستقالة عقب تلك الاقالة..
وبالتاكيد في كواليس هذه الحكاية بكون هنالك اشياء لايمكننا معرفتها الان ما يفصح عنها
في دولة غياب الشفافية والمعلومات عن تلك الخلافات الغميسة
وتحياتي

كيكي

سلامات

شكلوا ح يكون في استقالات جماعية من قبل الجنوبيين في المؤتمر الوطني
مع اقتراب موعد الاستفتاء، و مع انفصال الجنوب، القيادات دي دايرة تلحق المولد، و تكون
بعيدة من المؤتمر الوطني، و تخش بوجه جديد (برئ) في حكومة الجنوب.

Quote: شكلوا ح يكون في استقالات جماعية من قبل الجنوبيين في المؤتمر الوطني مع اقتراب موعد الاستفتاء، و مع انفصال الجنوب، القيادات دي دايرة تلحق المولد، و تكون بعيدة من المؤتمر الوطني، و تخش بوجه جديد (برئ) في حكومة الجنوب.

هلا يا سعد وعيد سعيد ياخي..
وفعلا يا سعد الانفصال الذي يلوح في الافق سيجعل الجنوبين الموالين للموتمر الوطني في معضلة ..
وفمن تقوده المصالح يفكر في من اين سياكل كتفها..
وفي ظل الانفصال سيصبح امر هولا القوم معصلج وخاصة مع الدعوات التي تملاء الافق من الطيب مصطفي واخريين والتي تفيد بان شمال ما بعد الانفصال لامكان فيه لجنوبي

وتحياتي

Quote: توقعت ان يستقيل هذا الرجل. يبدو انه يصارع مرض ما و يظهر ذلك جليا عليه و قد امضى فترة علاجية فى المانيا و قد استقبل استقبال لا نظير له على الاطلاق لاطبال المؤتمر الوطنى فى الجنوب. الرجل يصالح مع ضميره قبل رحيله من هذه الدنيا. الشكر له.

هلا يا زكريا..
والرجل فعلا ظهر في تلفزيون الشروق متعب وتحدث كثيرا عن شكره لعمر البشير
ولكن يبدو تماما بانه استنفد اغراضه عندهم لذا قاموا بالانتهاء من خدماته

ان يقال الرجل فهذا شرف له لانه وقف موقف يغيظهم وان استقال فقد اتخذ القرار الصحيح واتمنى ان يعبر للجميع عند ندمه وعزمه على ان لا يعود لمثل هذا الباطل

Quote: ان يقال الرجل فهذا شرف له لانه وقف موقف يغيظهم وان استقال فقد اتخذ القرار الصحيح واتمنى ان يعبر للجميع عند ندمه وعزمه على ان لا يعود لمثل هذا الباطل

هلا ياعمر وعيد سعيد..
وانها فرصة لكي من يتامل في الامور بعقل واضح وشفاف ان يتلب من هذه المركبة التي صارت بلا بوصلة..

سلام كيكي والباقين

هاك ما ورد بصحيفة الصحافة الصادرة صباح اليوم

Quote: اعلن حاكم ولاية اعالي النيل السابق قلواك دينق استقالته من المؤتمر الوطني. وقال دينق، في تصريح صحافي أمس،انه طرد من المؤتمر الوطني في الرابع عشر من شهر نوفمبر الماضي، بعد عشرين عاما من عمر «الانقاذ»،مبيناً ان قرار طرده،صدر «دون كلمة شكر ولا تقدير بعد هذه الخدمة الطويلة حتى ولو لم تكن غير ممتازة». ودعا دينق ، اهله واصدقاءه المنضوين الان تحت لواء المؤتمر الوطني لتركه والخروج منه،مشيراً الى انه لم يكن يتمنى ان تكون نهايته بهذه الصورة. لكن دينق قدم شكره للرئيس عمر البشير ونائبه الاول سلفاكير ميارديت ،وقال انه يقدر وقفة البشير معه في قوات الشعب المسلحة والانقاذ، واضاف»اعلم انه لولا البشير لما كان هناك اعضاء في المؤتمر الوطني». بيد ان المؤتمر الوطني اعتبر اعفاء قلواك دينق وتعيين وليم ماطونق واليا لاعالي النيل تغييراً اقتضته متطلبات المرحلة ،وان كل شخص حر في قناعاته «ولكن المهم هو بقاء المبادئ». وقال داك دوب بيشوب، الامين العام لولاية اعالي النيل الكبرى بالمؤتمر الوطني، في تصريح للمركز السوداني للخدمات الصحافية، ان الحزب يشكر دينق على الفترة الطويلة التي قضاها في العمل العام، مبينا ان استقالته من الحزب جاءت بخيار منه وليس نتيجة لوجود قصور من المؤتمر الوطني. واضاف بيشوب، ان هناك قيادات جديدة لابد ان تأخذ دورها خلال هذه المرحلة ، خاصة وان دينق ظل يعمل في عدة مناصب لمدة «20» عاما آخرها واليا لاعالي النيل ،رغم ان المؤتمر الوطني يحكم حاليا 10% من الجنوب مقابل 70% للحركة الشعبية.

Quote: أمس،انه طرد من المؤتمر الوطني في الرابع عشر من شهر نوفمبر الماضي،

هلا يا ود ابراهيم وعيدك سعيد ياخي..
ودي حكاية عجيبة ياخي..
الناس ديل بطردوا الناس سسااكت كده انا ماعارف القصة دي حزب ولاحفلة البطردو منها الولاة والاعضاء بدون ما الناس تعرف الحاصل شنو..؟؟
وقلواك ده كان حاكم يعني له مسئولية تجاه البلد دي لو اكل حاجة مفروض يقدم لمحاكمة اولا وترجع الحاجات الاكلها دي..
ولكن انه غياب الشفافية وغمت الشان العام في السودان والموتمر الوطني والدسدسة هي من تجعل درامتها تبدو بهذه الطريقة الفجة..
سعدت عندما قرات بان قلواك هذا لديه قوم من خلفه ودعاهم للخروج من الموتمر الوطني
الذي يبدو جليا بان يتاكل ويتصدع بمزااااج

Quote: ماعارف القصة دي حزب ولاحفلة

وانت الصادق هذه وليمة تجمعت حولها الضباع الجائعة لتنهش لحما سمينا وعظاما وانت تعرف كيف تاكل الضباع فتراهم تارة ياكلون بسكينة وتارة يهاجمون بعضهم البعض

Quote: وانت الصادق هذه وليمة تجمعت حولها الضباع الجائعة لتنهش لحما سمينا وعظاما وانت تعرف كيف تاكل الضباع فتراهم تارة ياكلون بسكينة وتارة يهاجمون بعضهم البعض

بالضبط يا محمد
انت وصفتها بطريقة دقيقة تماما
الحكاية وليمة ونهش جسد وموارد بلد علي طريقة الضباع الشهيرة
والقوي يحاول ان يطرد الضعيف ..
الموتمر الوطني في الفترة الاخيرة شهدنا تفكك في مناطق كثيرة
1-مدني
2- القضارف
3- النيل الابيض
4- دارفور
وهاهو قلواك دينق يغادر الكشف الافريقي اليوم

Quote: توقعت ان يستقيل هذا الرجل. يبدو انه يصارع مرض ما و يظهر ذلك جليا عليه و قد امضى فترة علاجية فى المانيا

وشهد شاهد من اهله ...

ماذا يقول كيكي ...

Quote: وشهد شاهد من اهله ... ماذا يقول كيكي ...

كيكي يقول ليكم كفارة يا ود الباوقة..وخلاااص يا ود الباوقة ليبيا الخروج من وليمة الضباع فتحت
1- اذا فرضنا جدلا يانو الزول ده عيان ومشي ما قادر يمشي (رغم اني شفت موتمر الصحفي العلمو)..
فان المرض مفهموم وممكن بموجب هذا المرض ان يستقيل من حكاية انو والي دي..
2- ولكن يا ود الباوقة الزول استقال من الحزب وقلع عباية الولاء للموتمر الوطني ودي ماعندها علاقة بالمرض لانو ممكن يكون عندك ايدز وعلي الايدز ده يكون عندك انفلونزا خنازير ولكن لا تستطيع نزع عباية الانتماء الحزبي بتاعك..
لانو دي مفترض تكون مبادئي وايمان وقضية...

الزول ده يا ود الباوقة خلاااص خلاكم وكسسح
فاطلع منها..
وخليك واقف في الباب عشان تودع الطالعين التبعو


وعيدك سعيد يا باوقة
ويارب السنة الجاية انت زاااتك طالع من الكيجانة دي
مع اني تحت تحت كده عاوزك تكون قاعدة عشانك نخلص حقنا الاسفيري منك كاش بعدين
لمن تقعو من البلكونة

ود الباوقة كل سنة وانت طيب

حليك من البقولو كيكي انت قولك شنو في كلام صاحب الشأن قلواك نفسو

Quote: انه طرد من المؤتمر الوطني في الرابع عشر من شهر نوفمبر الماضي،

انت الشربوت لسه قايم بيك ولا شنو (اصلو تمركم ده لا ينفع الا لاشياء معينة او كما قال واليكم المفدى)

بعدين يا محمد
كدي قول الزول ده عيان ..!!!
في زول بطردو لانو عيان
..
دي زاااتها يا ودالباوقة جريمة جديدة ممكن نضيفها للسجل الذهبي بتاعكم
وهي طرد المرضي من الموتمر الوطني..
الزول العيان يا عمر بعالجوا وما بطردوا ياخي

Quote: في زول بطردو لانو عيان

هسي على عثمان ده ما عيان ليه ما طردوا ولا العيانين خشم بيوت برضو

اللائحة الداخلية الجديدة القديمة للمؤتمر الوطني

عيان مهمش يطرد فورا وبدون حقوق ويترك نهبا للضباع

عيان غير مهمش يعالج في الاردن وتركيا وكل مناطق الدنيا على حساب الشعب السوداني

Quote: هسي على عثمان ده ما عيان ليه ما طردوا ولا العيانين خشم بيوت برضو اللائحة الداخلية الجديدة القديمة للمؤتمر الوطني عيان مهمش يطرد فورا وبدون حقوق ويترك نهبا للضباع عيان غير مهمش يعالج في الاردن وتركيا وكل مناطق الدنيا على حساب الشعب السوداني

ده يا محمد ابراهيم حال واحوال الاجسام الهلامية الماعندها استاندر ..
ويبدو انو الموتمر الوطني يحلم بحزب الاصحاء..
ودي كلها اسباب وتبريرات واهية عشان يدسدسو بيها بلوة بكون حصلت في الموضوع ده..
واكيد حنسمع تبريرات كثيرة علي هذه الشاكلة