يا ناس امدرمان هوي --الانقاذ تغتالكم ببطء

هل سمعتم الخبر
شبكه مياة امدرمان مصنوعه من الاسبستوس

وهي ماده مسرطنه
بيوت حلفا الجديه سقوفها ايضا من نفس الماده
هل نسيتم ما فعله نميري ودفن النفايات في الشماليه ويقال ايضا علي المرخيات شمال امدرمان

فلنقف صفا يا اهالي امدر لكشف هذه الشبكه
والا حنموت فطيس

دوك
كل عام وانت بخير

نعلم منذ اكثر من عقدين من الزمان ان مادة الاسبستوس من المواد المحظورة عالميا في الاستخدامات المدنية لخطرها على صحة الانسان

ما من ناحية اغتيال الانقاذ لامدرمان
فقد اغتيلت امدرمان في 30/60/1989

محمد حسن الصديق العزيز

نعم لقد اغتيلت امدرمان في 30-6-89
ولكن غدا

سوف نستمع الي الخليل
ونرقص طربا من فتيح للخور
لك احترامي

الاخت احسان عيدك مبارك اذا كان الامر كذلك فليصطف فى الاول بعد اثبات الامر من الجهه المنفذه كل محامى امدرمان وعمل مذكره الى عده جهات

ورفع دعوى ضد الهيئه بتاعت المياه .......فى الاول وبعد داك تتصاعد تلامور شيئا فشيئا الى الدعوه لمظاهرات عامه اوعدك اكون فيها لو حددت مواعيدها

ولك كل الشكر ..

وليبقى البوست عاليا يا ناس امدرمان

د. إحسان

سلامات وكل سنة وإنتِ طيبة

إنتِ معانا في البلد !!

أها اللوم على منو؟؟


مرفق:
صادق التقدير

إسماعيل حميم

.

احسان
كل عام وانت بخير
تلوث مياه امدرمان
حدث منذ زمن
وشكا المواطنين
وليس من مجيب
ومنطقة الثورات
تعانى من امتزاج
مياه الصرف
الصحى بشبكة مياه
الشرب
وليس من يهتم

عيدك مبارك اخت احسان

معلومة صغيره بس

محطة مياه بحري هي الوحيدة في السودان وهي تغذي بحري والخرطوم وامدرمان

محطة واحدة عملوها الانجليز من سنة ( يــــــك ) ولغاية الان موجودة


دي براها كافيه لانها تعمل سرطان خليك من اسبيستس ول غيرو

دكتورة احسان
تحياتي
وكل سنة وانتي طيبة
كثير من الدول حظرت تصنيع واستيراد الاسبستوس
وذلك بعد ان ثبتت خطورته على صحة الانسان
وهذه بعض خطورة هذه المادة القاتلة التي كتبها
الدكتور سالم الظاهري احد المهتمين بشؤون البيئة :
:

إن خطورة الاسبستوس تكمن في نوع المواد المعدنية الموجودة فيه، وتعتمد تأثيراته الصحية على المدة الزمنية التي يتعرض لها الإنسان، وكذلك على عدد الألياف وطولها ومتانتها، وتبين وجود علاقة وثيقة بين المدة الزمنية للتعرض لألياف الاسبستوس وشدة التعرض وبين التأثيرات السلبية على صحة الإنسان، إذ تظهر أعراض المرض بعد التعرض المزمن لألياف الاسبستوس الذي قد يصل إلى أكثر من 20 سنة.

وهناك وسيلتان رئيسيتان يمكن من خلالهما التعرض لألياف الاسبستوس الأولى، وهي التعرض عن طريق الهواء، أو الاستنشاق خاصة في أماكن العمل، وبناء على المعايير التي وضعتها منظمة الصحة العالمية يجب ألا تتجاوز ألياف الاسبستوس في الهواء في أماكن العمل عن 0،5 ليفة لكل سنتيمتر مكعب، وصنفت الوكالة الدولية لأبحاث السرطان، وهي تابعة لمنظمة الصحة العالمية، الاسبستوس كمادة مسرطنة، وذلك عن طريق الاستنشاق.والثانية، عن طريق مياه الشرب، إذ دلت الدراسات الوبائية التي قامت بها منظمة الصحة العالمية على أن الأمراض السرطانية لا تزداد عند ابتلاع ألياف الاسبستوس في مياه الشرب. ويؤدي استنشاق ألياف الاسبستوس إلى حدوث اتصال مباشر بين الألياف والخلايا في الرئة، ما يؤدي إلى تحول خبيث لهذه الخلايا، وبالتالي ينتج عن ذلك سرطان الرئة.

خالد العبيد
شكرا لهذه المعلومات المفيده
واكيد حنتقابل لكي نشرح اكثر
لك احترامي

في عام 2000 يا استاذه احسان
تقدم دكتور محمد الحسن والاسطاف المعاون له من وزارة الري بمذكرة للحكومة الموقرة
مفادها انه والله يا حكومة نحنا كخبراء من وزارة الري بنطالبكم بان يكون عام 2001
هو عام المياه في السودان عشان تتحل مشاكل المياه ككل في السودان من حلفا لنملي ومن
الجنينة لغاية سنكات ... وعندنا الخطط والمشاريع للمسالة دي .. رفعت المذكرة وقدم التصور
ولكن لا احد يستجيب ... السنة البعديها تقريبا عملو العام عام الطرق والسفلته وما عارف شنو
وحاجات زي دي ... وتم تجاهل التصور والموضوع .. علما بانه في المذكرة تم التنبيه بانه
في كارثه حا تحصل في دارفور والمناطق الحولها اذا لم يتم تداركها بسبب المياه زراعة ورعي
وخلافه .. .. و والله الكلام ده من خشم دكتور محمد الحسن المسؤل عن الحفاير والسدود في السودان
في الوقت داك .. وحذر ثم انذر بانو مؤكد المشاكل في دارفور حا تتصاعد وحا تعمل كارثه ولازم
يتم حسم الملف ده عن طريق توفير المياه في كل اقليم دارفور كحل جزري دون رجعه ... ولكن لا احد
يستجيب والموضوع مات على كده
في 2002 دكتور محمد الحسن جانا الصباح خاشي المحاضرة زهجان وعيونه مدمعات .. يا استاذ مالك
خير ان شاء الله .. رد والحسرة والالم يملان عينيه وربنا يعلم ( قال لينا انا قدمت استقالتي من وزارة
الري وقررت اتفرغ للتدريس وبس ..) ليه يا دكتور قال لينا البلد سايبه وما فيها وجيع وحكى لينا
بالقصه اعلاه ..
عموما الحلول يسيره وبسيطه لكن السودان وامدرمان وكوستي وبارا وكسلا ونملى وحلفا كلهم ما ليهم وجيع
وشويه شويه انتو لو لقيتو موية الاسبستس دي زاته يكون كويس يا ناس امدرمان
ياخ قبل ايام بس وزير الري في ولاية القضارف عاملين معاه لقاء في قناة الشروق بسسبب ازمة المياه دي
يا اخت احسان والناس اتصلت بتنتقد فيه وبتتهمه بالتقصير وانه رجل ماسك الوزارة 18 سنة لغاية
الان ما قادر يوفر او يحل مشكلة المياه في الولاية وانه ما زو لجدير وانه كذا وكذا وكذا
رد ليهم انو عمل معالجات للموضوع ده وقتيه على بال ما الامور تتصلح .. ووفر المياه عن طريق
( الكوارو والحمير لجزء كبير من ولاية القضارف ) لاحظي معاي الكواروا .........الحمير
الحميييييييييييييييييييييييييييييير

عجبي ...

ومن موقع آخر :

ما هي الأمراض التي يسببها استنشاق الأسبستوس؟
- تليف الغشاء البلوري المحدود (Localized Fibrous Plaques)، ونادرًا ما يحدث تليف عام في الغشاء البلوري (Diffuse Fibrosis).
- استسقاء في البلورا Pleural Effusion.
- تليف الرئة المنتشر (Asbestosis) الذي يؤدي إلى هبوط في الجهد اليمني من القلب بسبب ارتفاع الضغط في الدورة الدموية الرئوية.
- أورام الأغشية المصلية الخبيثة (Mesothelioma) التي تحدث في الغشاء البلوري أو البريتوني، وهذا الورم نادر الحدوث في الأشخاص الذين لا يتعرضون لألياف الأسبستوس ويزيد معدل الحدوث عند التعرض إلى 1000 مرة.
- أورام الرئة الخبيثة (Bronchogenic Carcinona) ويزيد المعدل خمس مرات عن الشخص الطبيعي.
- أورام خارج الرئة مثل أورام الحنجرة والمعدة والأمعاء والمستقيم.

الأخت العزيزة د. إحسان
لك التحية والود
أم درمان هدف استراتيجي ألم يقولوا أن أهم ما يميزهم أن ليس فيهم أحد من أمدرمان.
مع خالص تحياتي
د. صلاح البشير

الدكتور صلاح

الحمد لله بقي ما عندهم زول من امدر
لذا فلنقف صفا واحدا من اجل انقاذ البلد

انا امدرمان
انا السودان

الاخ احمد
الحمير هي التي تلجا للحمير لمعالجة الامر
فماذا نحن فاعلون مع قبيلة الحمران هذه

الاخ احمد

لكن فلاحتو يبنو مولات وكباري وشوارع واريتها كان تمام
جه الخريف والحال انكشف
لنا الله

اناهيد
كل سنه وانتي طيبه

بلدنا فيها كل شئي غالي
الا
الانسان

قلبي علي وطني

اسماعيل حميم
لينا زمن نفتش ليك وجيتنا الليله كايسنا

جيت في الحوش وسالت منك

ما خلاص الناس الحنان فاتو لهم الرحمه

انا بالبلد
ويدك معي لانقاذ امدر

ويدي علي يدك
اولا الاتصال بالمهندسين
نتاكد
وبعدها المحامين
لكي ننقذ امدر الحبيبه واهلها الطيبين

دكتورة احسان,سلام وان شاء اللة تسلمي من كل بلاء ,اتفق معاك انو ارخص حاجة في بلدنا هي حياة اهلنا. مين هاميهو الناس تموت ولا تروح في داهية تتصوري اي خبر موت في شارعنا او اوالشوارع الحولنا السبب السرطان(بيت المال). ربنا يشوف اهلنا الطيبين ولازم وقفة حاسمة مع السلطات عشان تعالج المشكلة وبسرعة

ححبابك عشره بت بيت المال --بتنا
شايفه الانتشار السريع

لازم نعمل حاجه

اوكى للاهميه الرجاء التاكد بالاتصال بمهندسى الماء ويا ريت لو فى اثبات يكون احسن عشان تقوم قضيه

تتداخل فيها وزاره الصحه وزاره الرى والمياه والداخليه ومجلس الوزراء ورئاسه الجمهوريه

وشكوى لحقوقو الانسان والمنظمات المهتمه


ودى دايره اصطفافا بعقل اولهالاثبات لو انتى من بورداب الداخل سهل عليك والاسراع لاسراع ضرورى

ومعا لجمع اكبر عدد تواقيع فى العالم
1/عمر سعد