اشتقت لي اهلنايامجدي.... اشتقنا للسودانيين الطيبين ومساكين ونواياهم طيبة وعفوية!!! تعرف انا كل ما امشي السودان لازم مهما كانت اجازتي ضيقة امشي على القرى،،، برتاح لما اشوف الناس لسه بي بساطتها والدنيا مازحمتهم،، بقضي اجمل ايام اجازتي في الحلال والقرى... ادفع نص عمري واكون اسه في نص حوشنا وريحة الطمي المبلول وندي مالية الحتة،،، بيتنا فارقو بيت واحد من النيل ....حليل بيتنا وقعدة بيتنا ولمة بيتنا وناس بيتنا....
Quote: طيب ياحنين ماتحصلى الضحيه الماسكك شنو ياخ اناهسى من قبيل بفكر اعمل كدا لقيت التركيه بى تسعميه وخمسين قلت لامى جاى اسبوع احصل العيد وارجع احصل باقى السمستر حلفت على مااجى قالتلى اصلك انتا الاسبوع الاول بتعديهو نوم فاحسن تنوموقبلك وبعد ينهى سمسترك تعال انا اصلو الضحيه دى بتفرق شديد معاى فى البلد وانشاء الله ربنا ييسرلكل الناس المشتاقه للبلد كل سنه وانتى طيبه والسنه الجايه كل امانيك محققه
ود القلع على قول سارة :)
حاميني الشديد القوي، والله اسه بكتب وانا بجعر في نص المكتب ماشغالة بي زول،، اشتقت للسودان تتخيل انا لي ثمانية سنين يعني 16 عيد ماحضرتهم في السودان، نسيت زاتو العيد شكلو كيف !!!! والغريبة بمشي السودان مرتين في السنة ولا مرة صادفت العيد!!
انا لما امشي السودان بحاول اجمع اكبر كمية من التفاصيل الدقيقة اليوماتي.... كنت في مشيتي الأخيرة مواعدة شادية عبدالله...وانا ماشة عليها في واحد من شوارع الخرطوم اتنين لقيت ليك شابات وشباب قاعدين تحت ضل شجرة نيمة وبشربو في شاي وكركدي وقهوة،، والله يا منال وقفت عربيتي ونزلت سلمت عليهم وقعدت لي في بنبر طلبت شاي، كانوا شباب وشابات بشبهو البلد ديك،،، حلوين ومتحمسين وفاتحين ليك موضوع كدة لقيت ليك روحي نسيت انا اصلا ماشة وين ودخلت معاهم في نقاش عفوي وفجاة بقوا اصحابي اتونسنا وضربت لي شادية وصفت ليها انا وين جاتني ،، اليوم داك اظن عندي ديشيليون حاجة ولا واحد فيهم ماانجزتها،،، لكن انجزت احلى يوم بستحضر في اسه وكل يوم حلاتو تزيد...
يحليلكم...ياحليلكم بالكتير مابالشوية...
Post: #15 Title: Re: مشتاقة للسودان كتيييييييير Author: كمال سالم Date: 11-24-2009, 02:21 AM Parent: #12
Quote: اشتقنا للسودانيين الطيبين ومساكين ونواياهم طيبة وعفوية!!! تعرف انا كل ما امشي السودان لازم مهما كانت اجازتي ضيقة امشي على القرى،،، برتاح لما اشوف الناس لسه بي بساطتها والدنيا مازحمتهم،، بقضي اجمل ايام اجازتي في الحلال والقرى... ادفع نص عمري واكون اسه في نص حوشنا وريحة الطمي المبلول وندي مالية الحتة،،، بيتنا فارقو بيت واحد من النيل ....حليل بيتنا وقعدة بيتنا ولمة بيتنا وناس بيتنا....
( فرضى على كده ) زى ما قال محمد أخوك . خليك فى جنس الكتابه السمحه دى وأبعدى من الحتت الكلها غبار ديك ! مشتاقين والله ,, تحياتى ,,
Post: #16 Title: Re: مشتاقة للسودان كتيييييييير Author: قاسم المهداوى Date: 11-24-2009, 03:05 AM Parent: #15
حنين البلد اسم على مسمى اقدر واحترم جدا تاور الانسان الفنان الطروب ولكن خلينى اختار ليك
يا سلااام وردى ليك هدية
ليك يا حنين البلد
Post: #17 Title: Re: مشتاقة للسودان كتيييييييير Author: omer osman Date: 11-24-2009, 07:49 AM Parent: #16
قالوا لو مشتاق حقيقة ما بتغيب دقيقة ...... جربت الغربة ولمن غلبني الشوق شلت شنطي ورجعت السودان على باب الله
Quote: مالك علينا ياحنين ..أحيييي من بياخة العيد في الغربة ..
والله العيد ده كنت ماشة السودان لكن أمي مشت الحج ..
عيد بلا أمي مااااعيد ..الله غالب
وبرضو كل عام وإنتي بالف خير
حجا مبرورا وسعيا مشكورا لي امك... عليك الله يا داليا اقرب اجازة امشي السودان...امشي قدر الله يديك... ياداليا انا كنت هناك شهر تمانية، لما مشيت طلبت اجازة المدير عاين للورقة كدة وعاين لي ...وبكل برود قال لي Are you serious.
قدر ماحاولته اوقف دموعى ابت حسيت بى نفس احساسك لمن كنته بعيدة والله امره منو مافى ولا بتوصف ...
ياخى ربنا يخلى لينا اهلنا الحناااان ..
Post: #21 Title: Re: مشتاقة للسودان كتيييييييير Author: سارة علي Date: 11-24-2009, 08:16 AM Parent: #20
الغربة حاااااااارة..
ما بتنطاق.. ادفع نص عمري وانوم في حوش ابوي الحدادي مدادي والهواء يضربني وريحة النيل القريب من بيتنا وريحة الشجر.. ياخ نبيح الكلاب انا اشتقتا ليه.. ومتين ياربي انشاء تلمنا.. ومتين يا ربي العودة لامدرمان..
مشتاقة لاخواني شدددددديد.. ـــــــــــــــــــــــــــ يا حنين هانت الحجاج بيجوا
بقيت يا سارة لا قادرة ارجع لا قادرة اقعد مستقبلي ووظيفتي بي جاي.. واهلي بي هناك.. المطمني انو امي وابوي بشوفهم كل سنة..لكن برضو ما بالا شوقي.. البلد هنا جافية..وكان كسرتا رقبتي ما بيدوني اكتر من تلاتة اسابيع اسبوع منها سفر ونوم..
مشتاقون معاك... والبعد والفراق كاتلنا! ربي يجمع الحبايب والأهل والأصحاب... بركة العيد الكبير ده
وكل عام وأنتي وكل الأهل والأحباب والأصحاب بخـير...
Post: #25 Title: Re: مشتاقة للسودان كتيييييييير Author: د.يوسف محمد طاهر Date: 11-24-2009, 08:38 AM Parent: #22
[B]العزيزة : حنين - تحياتي بكيتينا معاكي . مع إنه حواسنا إتحجرت الله يجمع شملكم أولاد بلدي سالمين غانمين وكل عام وأنتم بخير
* سوداني الجوه وجداني بريدو
Post: #26 Title: Re: مشتاقة للسودان كتيييييييير Author: على محمد على بشير Date: 11-24-2009, 08:39 AM Parent: #22
Quote: حنين عليك الله ارحمينا ,,
ياجماعة زول يقول حاجة !!!!
حنين
شيلى رجلك من البنزين شويه ياخ
Post: #28 Title: Re: مشتاقة للسودان كتيييييييير Author: Dr. Salah Albashier Date: 11-24-2009, 09:03 AM Parent: #26
الأخت العزيزة حنين كل عام وانت بخير وكل أهل كردفان الغرة أبكيتني يا حنين، تذكرت حينها "أبو اللمين" وهو يغرد "" ولو صوت الريح وشوش في الباب يسبقنا الشوق قبل العينين ونعاين الشارع نلقاهو .. بس كفى ما جرت دموعي كما جرت ولو كانت الغربة رجلاً لقتلته .. الله يجازي اللي كان السبب مع خالص تحياتي د. صلاح البشير
مشتاقة لامي الحنينة اشتااااقك كثيرا... اشتاق لوالدي .. لاخواني و اختي الوحيدة مي .. اشتاق لسريري .. لكتبي .. لرائحة شاي امي و ليدينها.. لكي الله يا امي :(
مشتاقة لحبوبتي (رحنة الله عليها) و انا جارية ليها و بعمل حركات بيدي ورجليني (بمشي و انا بتمايل للامام و الخلف) كانت بتزعل شديد تقوم تشاكلني و تقول لي امشي كويس .. مشتاقة لشكلتا دي.
مشتاقة لسريري الفي الحوش الملاصق و قريب من سور الجيران نقوم نتونس بالحيطة و نسة غريبة كدا لغايت ما نسمع زول بيزجرنا بكلمة هوووس يلا نوموا .. مشتاقة لذات الجيران لما نكون ملممومين ف ترح او فرح .
مشتاقة لمشيت المدرسة .. للطابور المدرسة الفظيع و غناءنا الكارثي لنشيد العلم و نحنا بنخرب كلامتو و تسمعنا الاستاذة و تقوم تحرمنا من اليوم الدراسي عقاب لنا ...
مشتاقة .. لموقف الخرطوم الاتغير ...
مشتاقة للاصحاب برغم ما فعلته الايام بهم
مشتاقة للكهرباء ... للكتاحة .. للمطيرة
يا ريتك يا مطيرة تصبي لي ف قلبي دا .. يمكن يهدأ و يمر العيد بسلام من غير أسي و الم
بالغتي يا حنين ف داعي حسه للسيرة دي !!
مشتاقة لذكريات زمان و عاتبة علي الزمن البيخلق العديد من الذكربات للاصحاب و للاحباب انا ما بكون جزء منها .
مشتاقة لامي الحنينة اشتااااقك كثيرا... اشتاق لوالدي .. لاخواني و اختي الوحيدة مي .. اشتاق لسريري .. لكتبي .. لرائحة شاي امي و ليدينها.. لكي الله يا امي :(
مشتاقة لحبوبتي (رحنة الله عليها) و انا جارية ليها و بعمل حركات بيدي ورجليني (بمشي و انا بتمايل للامام و الخلف) كانت بتزعل شديد تقوم تشاكلني و تقول لي امشي كويس .. مشتاقة لشكلتا دي.
مشتاقة لسريري الفي الحوش الملاصق و قريب من سور الجيران نقوم نتونس بالحيطة و نسة غريبة كدا لغايت ما نسمع زول بيزجرنا بكلمة هوووس يلا نوموا .. مشتاقة لذات الجيران لما نكون ملممومين ف ترح او فرح .
يا ريتك يا مطيرة تصبي لي ف قلبي دا .. يمكن يهدأ و يمر العيد بسلام من غير أسي و الم
بالغتي يا حنين ف داعي حسه للسيرة دي !!
مشتاقة لذكريات زمان و عاتبة علي الزمن البيخلق العديد من الذكربات للاصحاب و للاحباب انا ما بكون جزء منها .
ياسحر جيتك راجعة، لاني حسيتك بتكتبي من حرف شوقي.....
تعرفي ياسحر، زعلانة العمر المر وانا مافي نصهم...الزمن البجري زي البرق ده...كم تفاصيل وتفاصيل وتفاصيل فاتتني... كم مناسبة انا ماكنت جزء فيها..وكم ضحكة مانورت ايامي،،وكم دمعة سالت منهم انا مااتلافيتها....يحليلهم.. ياسحر...العمر كمهو...العمر جرى شديد بقول لي روحي ياربي حاقضي الجايي من عمري كله هنا،،، انا ياسحر حاجاتي كلها بقت هنا، شغلي وبيتي وولدي ومستقبله،، خلاص بقيت ترس من ساقية البلد دي..ترس آلي لابقدر يوقف الساقية ولابقدر يقيف... تتخيلي انا ماحصل في يوم من الايام اتمنيت الغربة ولا اتخيلت نفسي ا كون بعيدة من اهلي وبلدي ،،لكن القسمة بس. تعرفي ياسحر كلما امشي السودان بقعد بعاين في عيون الناس من طرف زي البفتش لي في زول رايح مني، بحاول اقراهم حتى لو قراية بدون تركيز بحاول اتمسك بي تفاصيلهم وبتوه فيها.... رغم انه المجتمع اتغير نوعا ما مابقى زي زمان لكن لسه ياهم همهم السودانيين،، لسه فينا البساطة والعفوية والنية الطيبة، بالذات لو مرقتي لي برة القرى والحلال،، ناس حلوة طبيعية على سجيتها،،بحبهم حب ماعادي ،،تعرفي عندنا اهل في بارا ابوي زاتو الولدوهو هناك علاقتو بيهم بحكم العمل ووتيرة الحياة اتباعدت،،اها ديل انا كل ما امشي اجازتي لو اسبوعين خمسة يوم بتكون من نصيبهم، او بالأصح بتكون من نصيبي،، بمشي ليهم اتزود منهم طعم الحياة الواقع،، وبلقاهم كل سنة ياهم ياهم، بحكو عن طموحاتهم القنوعة، والحبيبات بحكو عن الحبايب السافروا الأبيض "تتخيلي" والسافرو السعودية وليبيا،، بحكوا بي قدسية اتفقدت الزمن ده... تعرفي انا كل سنة متعودني اكون في نصهم ابدا ما استغربوني وحافظاهم وحافظة قصصهم وحكاياتهم،، الخطبوها والإتزوجت والولدت والدايرة تواصل قرايتها،، حلوييييييييييييييييين وحبوبين...تتخيلي انا علاقتي اسه بقت بيهم اقوى من اهلي الفي الخرطوم،،رغم اني مما كبرت ماشفتهم الا بعد ما اتغربت وجيت هنا،،،مشيت افتش بيناتهم عن طفلة تاهت في الغربة...
قدر ماحاولته اوقف دموعى ابت حسيت بى نفس احساسك لمن كنته بعيدة والله امره منو مافى ولا بتوصف ...
ياخى ربنا يخلى لينا اهلنا الحناااان ..
سرورة....كل ما القى نفسي ببكي من شوقي لي ناسي واهلي بحس بالإطمئنان انه الغربة لسه ماحجرت مشاعرنا... انا عقدتي ف يالحياة هي ناس بيتنا، للآن رغم اني بقيت ام وخلاص زي مابقولوا الدنيا عركتنا وعجنتنا، لكن نقطة ضعفي الوحيدة هي اهلي... تعرفي يا سرور انا كل اجازة بمشي ببكي من اصل لحدي ما اجي راجعة، امي تقول لي نهايتك شنو؟؟؟ بقول ليها يا امي ماقادرة اتخيل اني قطعت كل المسافة دي واجي القى البيت فاضي، تقول لي يعني نعمل شنو نرجع اخوانك واخواتك نقول ليهم خلوا بيوتكم ونسوانكم ورجالكم وتعالوا ارجعوا ورجعو الزمن لي وراء عشرة سنين، ياها يابتي الدنيا ودي سنة الحياة....
* حكمة الله لي اسه سنة الحياة دي ماواقعة لي،، سنة الحياة شنو البتحرمني من اصوات اخواني وهظارنا ونقاشتنا وماوشاتنا،، ولمتنا وعصرتنا على بعض
Quote: فرضى على كده ) زى ما قال محمد أخوك . خليك فى جنس الكتابه السمحه دى وأبعدى من الحتت الكلها غبار ديك ! مشتاقين والله ,, تحياتى ,,
الاخ كمال سالم,,,,,,,
* محمد اخوي ده بالذات مشتاقة لي شوووووق عجيب، الطف شخصية في الدنيا... محمد اصغر مني بي تسعة سنين، لكن زول مصيبة ،، زول مدردح وأخو اخوان في نفس الوقت، يسد في اي حتة تختوا فيها، ورغم انه عندي خمسة اخوان لكن هو اكتر واحد بعتمد علي لانه ظروفة مرنة شوية اكتر من الباقيين الغالبيتهم برة السودان...والله ياكمال إجازتي بكون رفيقي واخوي وصديقي..ولما اصل المطار يحاول يتزاوغ مني، لانه لما نتقالد ونبكي بنبكي المطار كله معانا....ياحليلو برغم شخصيته الحازمة الرسمية في نفس الوقت هو زول مرح حبوب...الله يدي العافية انشاء الله .
كنتا ف الماضي بقول انا راجعة جنوبا نسبة لاقامتي سابقا بمصر و كنت عازمة و اظنو و بعض ظني ف النهاية طلع فشوش ساي .. ان المرحلة ديك اخر مراحل اغترابي و ان الزمن خلاص حينصفني وخلاص حارجع و ما جا ف بالي انوا ف رحلة ابعد من كدا .. كنتا اتصبر علي مرارات الغربة بزيارات خاطفة مصادفة الاعياد و في كل مرة بمشي قدر ما بحس باني بملئ خزان الشوق عندي و الا كنت بحس بالخواء جد جد و دا ليهو حديث تاني.
الغريبة انا بكون مقلقة من لحظة قراري للسفر و لغاية لحظة ركوبي الطيارة .. لحظة الاقلاع :) اقول شنو بس .. بحس نفسي وصلتا.. بكون مستمتعة بكلام الناس الحولي و مرات بكواريك الزول القاعد ف المقعد الاول البيونس زول ف المقعد الاخير .. بحس بمدي مانحنا بسيطين ما ف تعقيدات ..
بعمل عمايل الشفع الصغار بلصق ف شباك الطيارة وكل ما بشوف نور بعيد قلبي بيرقص فرح و بينطط.. بحس بكل شئ من الهواء ف بلدنا غير .. الموية طعمها جميل.. شارع النيل.. الناس ( ملامح، عيون، تصرفات ، كلامهم ، حتي نظرتهم ليك لما تتقبضي متلبسة بانك بتعايني بفضول).
لما بصل بكون ما دايرة ارمش ..دايرة عيوني تسجل اي سكنة اي حركة اي لون اي شئ بخاف ارمش ف حاجة تروح ف اللحظة دي.
تتخيلي مرات بشتاق للاماكن انا ما شفتها ما غريبة .. بشتاق مرات لناس ممكن ما جمعتني بيهم اي مناسبة هل دا هو الجنون ياربي؟
حسة في بالي اغنية العركي دي: ياقلب أنا كنت قايلك تبت من تعب السفر ومن مخاواة القماري و من شراب موية المطر تاريك كامن لي بي شيتآ كتر ما زمان أنا و أنت لفينا المواني بالقطارات و المطارات و السفن دقينا أجراس الجديد و عدنا ترتيب المعاني
Post: #46 Title: Re: مشتاقة للسودان كتيييييييير Author: خالد العبيد Date: 11-25-2009, 00:37 AM Parent: #45
الى من يشتاق لي نسمة من الوطن يا ريت نرجع جميعا بالسلامة للبلد الحبيب
الحنين ازيك وتحياتي سنين طويلة ما شفنا عيد وزي ما قال لي جاري وصديقي عاطف خيري : بقينا محبوسين ورا محيط ! والحقيقة محيطين ولا تلاتة مش عارف بمشي السودان بعد العيد! تلاتة اسابيع بس وبرجع لما وراء المحيط تاااني يمكن اتفشا شوية
حتى الطيف رحل خلاني ! وسلام
Post: #47 Title: Re: مشتاقة للسودان كتيييييييير Author: محمد عبد الماجد الصايم Date: 11-25-2009, 01:58 PM Parent: #46
والله يا حنــو حكاية سمحة خلاس! والله البلد متعة لمن متعة زاتو!
لغريبة يا حنين رغم سفرك للسودان كل سنة ومرات بيصادف بعد كل 8 شهور.. لكن... ما حصل صادفتي عيد.. ولا عيد شم نسيم ما شميتي..
حقيقة..
اشفق عليك
Post: #50 Title: Re: مشتاقة للسودان كتيييييييير Author: السيد المسلمي Date: 11-26-2009, 10:20 AM Parent: #49
Quote: ما حصل صادفتي عيد.. ولا عيد شم نسيم ما شميتي..
حقيقة..
اشفق عليك
ياسارة يعني معقولة يكون في عيديين في وقت واحد ؟
ــ أشفقي علينا جميعاً .
Post: #51 Title: Re: مشتاقة للسودان كتيييييييير Author: سارة علي Date: 11-26-2009, 10:31 AM Parent: #50
Quote: أشفقي علينا جميعاً
انتو؟؟؟
انتو!!!!!
من شدة ما شفقتا عليكم لمن شفقتا علي نفسي من شدة الشفقان والشفقة... والله يشفق علينا وعليكم
ــــــــــــــــــــــــ والما شقنا شاقانا...
Post: #53 Title: Re: مشتاقة للسودان كتيييييييير Author: محاسن أحمد محمد Date: 11-26-2009, 04:26 PM Parent: #51
كل سنه انت وكـريم وكل ا لاسره بخير ياحنين ودى ضريبةالغربه وصدقينى ما العيد براه الحاجات كلها مسيخه من غير اهلنا وحتى لمن نسافر لسع ما بنبل شوقنا بنكون دايرين نرجع ده قدرنا واسمعى الغنيه دى للفنان المبدع طارق ابو عبيده واكيد حنسمع الاغنيه دى يوم السبت واكيد يوم حجمعنا وطنا الحبيب بى اهلنا وحبايبنا