Post: #1
Title: المنافقين
Author: وليد محمد المبارك
Date: 11-21-2009, 02:16 PM
Parent: #0
كما تعودناكم ولم تخذلونا ...
نعم شجعت منتخبكم .. فما كان في الموعد .. وانهذم
اما انتم فقد كنتم في الموعد وفعلتم ما تجيدونه( التمثيل )
لا اعلم كيف يحكي رجلا طائعا مختارا ودون خجل هروبة وجبنه واندساسه
اخجلوا فقد خجلنا لكم
ومبروك للجزائر التاهل باستحقاق وجدارة
|
Post: #2
Title: Re: المنافقين
Author: HAIDER ALZAIN
Date: 11-21-2009, 02:23 PM
Parent: #1
عارف يا وليد المصاري الجبناء ديل دخلوكم انت وصاحبي بتاع الياسمين في حتة ضيقة خلاص
هسع عليك الله بدل الدسدسة والولولة العملوها دي كان بقوا رجال وردو الكف بكف ما اخيــر
غايتو انا بديت اشك في حرب اكتوبر 1973 يكون قام بيها المصريين
إنتو متاكدين انه السودانيين كانوا كم كتيبة !!
|
Post: #3
Title: Re: المنافقين
Author: وليد محمد المبارك
Date: 11-21-2009, 02:33 PM
Parent: #2
والله يا حيدر الزين
لي تلاته يوم قاعد في البيت بتفرج في القنوات المصرية
وممغوس معسة
امبارح بعد تراجعهم من كلامك القالوه اول خصوصا محمد فؤاد
من الخجل عيرت القناة
غلبني اكمل مشاهدة كلامه وتراجعه عن كلامه الاول خجلا
معقولة في ناس كده!!!!؟؟
والله انا اكضب في كلام واكون قاصد اكضب وعن عند
ما اغيره لو جا الفقس
بعدين هو الكضب من الاول لزومو شنو ؟؟؟؟
|
Post: #4
Title: Re: المنافقين
Author: HAIDER ALZAIN
Date: 11-21-2009, 02:49 PM
Parent: #3
| Quote: بعدين هو الكضب من الاول لزومو شنو ؟؟؟؟ |
ويدارو خيبتهم كيف !!
ثم المحاولة الاساسية كانت للتغطية على ما فعلوه بالجزائريين بالقاهرة
بس مشكلتهم وغباء اعلامينهم خلاهم يرموها في السودان والسودانيين وعمرو اديب طبعا عاوز يعمل
فيها قلبو مع المنتخب الشهر بيهو هو نفسه في رحلة جنوب افريقيا ..
اما اجمل تعليق سمعتو فهو ( هو مين الغبي دا الاختار السودان في الأول - نحن ليه اخترنا السودان )
وصاحبنا محمد فؤاد كضب في قصة وكالة طارق مين كدة ..
والاغرب طارق دا نفسه جاء نفي الكلام ...
وطلعت فردوس عبد الحميد ارجل منه ومن هيثم شاكر ومحمد عادل صاحب ايهاب توفيق
اصلو عمرو بن العاص ما غلط عليهم وقت قال العصا تفرقهم
|
Post: #5
Title: Re: المنافقين
Author: وليد محمد المبارك
Date: 11-21-2009, 02:58 PM
Parent: #4
ياخ ديل اتضح انهم اغبيا جدا
مصر اصبحت تاكل من سنامها ورصيدها العالمي
كل مشكلة تاخد من رصيدها
يجب على المصريين مراجعت انفسهم
فمصر السبعيات ما عادة مصر الالفين
السبب شنو ؟
واتفه شي بمارس فيه الاعلام المصري
هو الاستعلاء الثايمين فيه ده
على شنو ؟
على تاريخهم
ما قلنا شي
اها حاضرهم شكله كيف ؟
عندما كان لمصر ماضي كانت العرب تدين وتسير خلفهم
وعندما حادوا عن الطريق واختاروا انفسهم لفظهم العرب
القيادة لها واجباتها
ومصر تريد قيادة البشر بدون ان تقدم اعتمادا على ماضيها
|
Post: #7
Title: Re: المنافقين
Author: طارق الكوتش
Date: 11-21-2009, 03:02 PM
Parent: #4
| Quote: نعم شجعت منتخبكم .. فما كان في الموعد .. وانهزم |
عجبنى ليك > عشان تانى تشجع الاحمر
وليد كيفنك مشتاقين ياخ
تعرف احلى نكته بتاعت عيد الميلاد ياخ مبالغه
سنه يا ندى > يااخوانا دايرين صوره لبوتيك النور
|
Post: #14
Title: Re: المنافقين
Author: وليد محمد المبارك
Date: 11-22-2009, 07:24 AM
Parent: #7
يا كوتش
وين انت
والله ليك وحشة
اولاد بمبه بالغوا معانا
|
Post: #6
Title: Re: المنافقين
Author: فايزودالقاضي
Date: 11-21-2009, 03:00 PM
Parent: #3
عليك الله ياوليد زول نصيح زيك وصفوة يشجع محتلين ارضه ؟!!
ديل ياوليد دخلوا حلايب رجالة واعلنوها ارض مصرية عينك ياتاجر وتقول لي اشجعهم ؟!!!! والله الا يكون ماعندي ذرة وطنية ؟!!
ياخي ديل احسن منهم الهلالاب بى كتيييييييييييير
|
Post: #8
Title: Re: المنافقين
Author: وليد محمد المبارك
Date: 11-21-2009, 03:07 PM
Parent: #6
يا ود القاضي
والله منتخب مصر ( وليس مصر ) كان عاجبني
لكن ما فعله الاعلام المصري ندمني على تشجيع منتخبهم
بالنسبة لحلائب فحثاب المثلثات ده موضوع تاني
|
Post: #9
Title: Re: المنافقين
Author: Mohamad Shamseldin
Date: 11-21-2009, 03:11 PM
وليد
عندنا تقاطع شارع في شيكاغو اسمو روسكو و هاليستيد حق الجماعة الطيبيين .... عادي تلقي واحد لابس ليهو نص فوطة يدعي انها شورت ....تعرف ال3 الف مصري الكانو في السودان و خافو من الجزائريين مفروض يكونو في الشارع ده و احتمال الشارع ده فيهو ناس أرجل منهم
كمية من الخيابة في المكالمات الهاتفية للفنانين المصريين الكانو في السودان جنس " نحنا اتبهدلنا... و نحنا مستخبيين"
|
Post: #10
Title: Re: المنافقين
Author: عبدالوهاب علي الحاج
Date: 11-21-2009, 03:15 PM
| Quote: لكن ما فعله الاعلام المصري ندمني على تشجيع منتخبهم |
دي مشكلتك يا وليد
دايما بتراهن على الخيول الخسرانة
ما كفاية انك بتشجع المريخ وطوالي مقهور
غايتو انت لما تحصل عمرنا دا بجيك سكري وضغط
واحتمال تبقى مناضل ذاتو
|
Post: #12
Title: Re: المنافقين
Author: Amira Elsheikh
Date: 11-21-2009, 03:23 PM
Parent: #10
Quote: لكن ما فعله الاعلام المصري ندمني على تشجيع منتخبهم
|
غايتو يا وليد ندامة بالجملة
امين ياسمين وبيناوى والمسلمى وكل الناس الشجعو مصر اسى ميتين من المغصة
كان المسالة حتكون طبيعية ومبلوعة لو ماقلة الادب وطولة اللسان العملوها المصريين
وزى ماقلت انت المصريين بدو يخسرو...
واعتقد فى المباراة دى خسرو الكثير واولها واهمها الجمهور السودانى....
كونو جمعية سموها نادمين
|
Post: #11
Title: Re: المنافقين
Author: Amany Elamin
Date: 11-21-2009, 03:19 PM
|
Post: #13
Title: Re: المنافقين
Author: محمد عبد الماجد الصايم
Date: 11-21-2009, 09:01 PM
Parent: #11
|
|