بدون الخوض في تفاصيل كثيره عن ما حدث من تداعيات وانتصار مؤزر للجزائر ضد مصر، ما يهمنا نحن السودانين الذين وقفنا بقوه مع المنتخب الجزائري بحر اردتنا، ما قدمه لنا الفتيه الجزائريون يتمثل في فضحهم لدواخل ما يسميهم البعض بالاشقاء وغيره من ابناء النيل و الحديث الممجوج الفارغ الذي استهلكه الزمن واصبح بلا معني. ان الواجب يقتضي علينا ان نقدم الشكر للاخوه الجزائرين الذين ابانوا بنصرهم لكل ذي عقل كيف ينظر لنا من يقول بعضنا انهم اشقائنا واخوتنا. لقد كانت هزيمتهم من فريق استضافه السودان مثلهم، سببا كافيا لوصفنا باقزع الالفاظ وتسخير التهم الاعلاميه ضدنا وضد اجهزة الدوله دون سبب. اصبح من الواجب علينا الاستفاده من الحميميه والدفعه الشعبيه القويه التي احدثتها نتيجة المباراه بين الشعبين، خاصة واننا تأكدنا الان من مواقف الطرف الاخر ضدنا . انني ادعو كل الاخوه والاخوات الذين ناصروا الجزائر لتوظيف هذا الدفع الذي تم لوضعه في قالب مؤسسي يرعي هذه العلاقه التي تمتنت الان. وعليه اقترح علي كل المتحمسين لهذه العلاقه مثلي تكوين رابطة الصداقه السودانيه الجزائريه. اقتراحي يقوم علي ان تكون هذه الرابطه رابطه شعبيه لا علاقه لها بالحكومات مهمتها تطوير العلاقه بين الشعبين وتوطيدها لتحقيق المصالح المشتركه. ارائكم واقتراحاتكم...
والله يا اخي ما فهمت قصدك بازالة البوست شنو.. ده راييء يا صديق... ويمكنك ان تكتب بوست اخر تعمل فيه اقتراح مضاد لكن ليس لك حق بمطالبتي بازالة بوستي...
بالنسبه للافتراح .. احترم جدا رايك في انك ما عايز تسجل...! وحقيقة ما اقترحه هو رابطه طوعيه وانا ذكرت ( المتحمسين مثلي) كما ورد!
يا اخي انا كتبت كثيرا في هذا المنبر عن عدوان مصر علي السودان واحتلالها لاراضينا... الكثيرون لم يصدقوا ما قلنا... الان تكشف لهم تماما صدق ما قلناه من قبل... الشتيمه الحصلت للشعب السوداني ما كانت من الحكومه المصريه فقط... بل كانت من اعلاميين وممثليين ومواطنيين عاديين... وهذا اصدق ( راندم سامبل) يكشف الحقيقه المستوره..! بعدين يا اخي بريمه المباراه غير انه المصريين اتلطشوا فيها... اتاحت فرصه تاريخيه للشعبين الجزائري ( الشقيق) والسوداني للتعرف علي بعضهم عن قرب وثبت للسودانيين انه الشعب الجزائري شعب ضكران لا يقبل الحقاره... عشان كده الناس حبوهم ..! دا كله كوم... الشيء التاني يا اخي نحن بنحب الجزائريين لوجه الله وعايزين نعمل معاهم صداقه وعلاقه بعد ما عرفناهم عن قرب... مصر دخلها في الموضوع شنو...!
Post: #4 Title: Re: دعـوه لتكـوين رابـطة الصـداقه الســودانــيــه الجــزائريـه Author: نجلاء سيد أحمد Date: 11-20-2009, 01:25 PM Parent: #2
ضد الجزائر و السودان اوسخ دولتان فى العالم العربىCategory:Student Groups - Advising GroupsDescription:السودان تتفق مع الجزائر ضد مصر حسب الله و نعم الوكيل اشترك معنا حتا نقف ضد كل سودانى و جزائرى فى مذبحة الخرطوم دولة السود و الفرنسيين
Post: #6 Title: Re: دعـوه لتكـوين رابـطة الصـداقه الســودانــيــه الجــزائريـه Author: نجلاء سيد أحمد Date: 11-20-2009, 02:50 PM Parent: #4
جميلة بوحيرد كانت مثلى وانا طفلة القى هذة القصيدة فى احتفال بالمدرسة
ده حب قديم جدا ادعم البوست
جميلة بوحيرد
الأسم: جميلة بوحيرد رقم الزنزانة:تسعونا في السجن الحربي بو هران العمر اثنا وعشرونا عينان كقندلي معبد والشعر العربي العربي الاسود كالصيف كشلال الأحزان إبريق للماء........وسجان ويد تنضم على القرآن وامراءة في ضوء الصبح تسترجع في مثل البوح آيات محزنة الأرنان من سورة(مريم)و(الفتح) * * * * الأسم: جميلة بوحيرد اجمل اغنية في المغرب أطول نخلة لمحتها واحات المغرب اجمل طفلة أتعبت الشمس ولم تتعب يا ربي,هل تحت الكوكب؟ يوجد انسان يرضى أن يأكل......أن يشرب من لحم مجاهدة تصلب
تخريمة
عسكورى تقبل سلام استاذ محمد معلم فى مدرسة الخير والبركة
تحياتي لصديقي الاستاذ محمد وخليه يسجل معانا في الرابطه شكرا للقصائد الرائعه عن البطله جميله بوحريد رائدة المناضلات ضد الاستعمار... ياريت لو لقينا وحده زيها لحلايب... واعتقد ان حواء السودانيه ولود... نبداء التكاليف الخاصه بالتسجيل
بالله يا نجلاء تسالي لينا عن شروط تسجيل مثل هذه الرابطه، واللوائح والقوانيين الخ... انا من جانبي ملتزم بتسديد رسوم التسجيل ايا كانت... والله لو ادين...! الموضوع ده لا زم تعمليه لينا سريع لانه الاجراءات الزي دي بتأخد وقت... عشان كده السرعه مطلوبه... طبعا وارد جدا انه المصريين يضغطوا علي ناس المؤتمر الوطني عشان يعرقلوا تسجيل الرابطه... اذا شعرت باي لولوه من الجماعه... ادينا خبر طوالي.. عشان نسجلها في اي مكان تاني، انجلترا، فرنسا، كندا، استراليا السعوديه امريكا... او حتي الجزائر نفسها.. المهم تتسجل هذه الرابطه باسرع فرصه... طبعا نحن حريصين علي انها تتسجل في السودان... لكن بتوقع المعاكسه لانه المصريين يدهم طويله... لكن اعتقد ان الكثيريين الان حتي من اعضاء المؤتمر الوطني نفسه كرهوا مصر وقلت ادب اعلامها... عشان كده يمكن الامور تتسهل شويه
Quote: ان الواجب يقتضي علينا ان نقدم الشكر للاخوه الجزائرين الذين ابانوا بنصرهم لكل ذي عقل كيف ينظر لنا من يقول بعضنا انهم اشقائنا واخوتنا. لقد كانت هزيمتهم من فريق استضافه السودان مثلهم، سببا كافيا لوصفنا باقزع الالفاظ وتسخير التهم الاعلاميه ضدنا وضد اجهزة الدوله دون سبب.
هذا القول يؤكد صداقتك مناكفة لمصر .. كما كانت تفعل تراجى فى صداقتها مع إسرائيل ..
أنت منفعل بعامل الشتائم التى تعرض لها الشعب السودانى .. ودا ليس سبب أن يجمعنا لتأسيس رابطة صداقة .. دا بيت ضرار.
نحن مجموعه من السودانيين عايزين نعمل رابطه بتاعت صداقه مع الشعب الجزائري.. بتاعت ضرار بتاعت كجار... دي حاجه تخصنا نحن المؤيدين الفكره...! انت اعلنت انك ما مؤيد الفكره.. يبقي بعد دا خلينا في حالنا.. الله يرضي عليك يا اخي...
نحن مجموعه من السودانيين عايزين نعمل رابطه بتاعت صداقه مع الشعب الجزائري.. بتاعت ضرار بتاعت كجار... دي حاجه تخصنا نحن المؤيدين الفكره...! انت اعلنت انك ما مؤيد الفكره.. يبقي بعد دا خلينا في حالنا.. الله يرضي عليك يا اخي...
أنا عايز ابقى معاكم وبعرف عدد كبير من الجزائريين لكن ليس بهذا الطرح .. ماممكن نفقد ما عندنا معهم تواصل لنبنوا تواصل جديد.
Quote: أنا عايز ابقى معاكم وبعرف عدد كبير من الجزائريين لكن ليس بهذا الطرح
خلاص سوي ليك واحده بالفهم بتاعك ومعاك الجزائرين اصحابك... هل نحن اعلنا انه ما في زول تاني يعمل صداقه مع الجزائريين غيرنا...! ممكن تتعمل مليون جمعيه ورابطه... اللهم احسن وبارك وزيد محبة السودانيين في الجزائريين...
الاخوه والاخوات 1) نجلاء 2) تراجي 3)عماد 4)أميره 5)فيصل ( الاخ فيصل انت رفعت البوست وانا فهمتها علي انك مؤيد... اذا كان موقفك غير ذلك ارجو تصحيحي لكي لا نقحمك في امر لا توده) 6)ياسر طيفور 7) ياسر بيناوي 8) علي 9) أنور ( الاخ أنور ارجو ان تتصل علي الاخوه سالم وعمر وتتاكد أنت كانت لديهم الرغبه في الانضمام عشان يؤكدوها وطبعا نحن ما عايزين نفرض عليهم حاجه بالرغم من قناعتي بتاييدهم للفكره) 10) عامر جابر ( في السكه) التحربك يا عامر
ارجو شاكرا الكتابه لي علي الايميل ( في البروفايل) لكي ننظم شغلنا للمرحله التاليه...
طبعا ما زلنا نتوقع المزيد من الاعضاء... ولكن هذا العدد كاف لبداية التاسيس...
تحياتي و شكرا علي الثقة . اتمني ان اكون معكم ، و لكن برنامجي يعج بالاشياء ، فأنا طالب دراسات عليا صباحا و رب عائلة ليلا و شغال مساء ، و ناشط مع العفو الدولية كل سبت و مع ناس دارفور في كل مساء سبت و أحد ... والله يا عسكوري انا زوجتي عندها معاي مشكلة في كل نهاية أسبوع ..... و بيني و بينك كده لو أنت عزابي قرض علي كده احسن ليك. و برغمها سأحاول ان اكون مفيدا معكم و لسوف اتصل بالاستاذ سالم بخصوص موضوعك، وهو رجل موسوعة معرفة و معارف ، إذا تمكنتم من اقناعه للانضمام اليكم فهو وحده من يستطيع إدارة الاشياء بحكم وجوده بباريس مدينة النور
عزيزي علي ...نحن نريد ان يعرفنا الاخر حيث اننا لم نبذل جهدا لغياب اعلامي رسمي وشعبي ليعرفنا الاخر وما يعرفه الاخر عنا هو من اسقاطات انظمة سودانية فاحت رائحتها فسادا وسوء ادارة و حربا وقهرا وتشريد ولجوء و من اسقاطات اعلام الجار الشمالي الذي هيمن علي كل منافذ اعلام الناطقيين بالعربية وهو اعلام جاهل متكبر واناني كما شاهدنا وسمعنا هذه الايام كمثال وكذلك من اسقاطات بعض منا في الشتات فضل ان يعكس صورة باهته عشوائية وخاملة عاجزة علي التنافس مع الاخريين اعلاما شعبيا وفرديا ...الاعتماد علي القليل القليل والذي عرفنا منه بعض قليل من الاخر سواء من كتابات ادبية او شعرية او تواجد كوادر مهنية منا وسطهم لا يكفي في عالم هيمن الاتصال السريع فيه وكثرت منافذ الاعلام الرسمي والشعبي فيه ... كما تعرف يا صديقي كنت اقوم بحملات اسفيرية متعددة في تسعينات القرن الماضي لقضايا تخصنا وكنت ازداد اقتناعا باننا غير معروفيين اصلا الا قليلا او من خلال ماسينا ... حتي المنافذ الاسفيرية المتاحة لم نستغلها بكفاءة وصارت معظم كتاباتنا موجهة بيننا ضدنا متجاوزيين ان هذا اسفير ماهل مفتوح لكل العالم ...اعتمدنا فقط في تواجد اسفيري بلغة واحدة وفينا من هن وهم اعلم بلغات متعددة وحتي التواجد بلغة واحدة وجهناه لحروباتنا الدنكشوطية بيننا.. ضاعت قضايانا وماسي شعبنا وسط هرجلتنا .. الا تري كيف ان مباراة كرة قدم بين دولتيين اخرتيين اخذت منا ومن انتباهنا عشرات المرات ما تاخذ عن امور اهلنا في اطراف بلدنا في دارفور وامري والشرق والشمال والجنوب ...الم نعطي نحن السودانيون اولوية وازلية لعلاقاتنا نحن وقضايانا نحن فستزداد الشقة بيننا ويغيب ذكرنا عنن الاخر الا فيما ينتشر عن ماسينا وكوارثنا... مودتي ومعكم في ان نعرف انفسنا ونعرف الاخر بنا
كان البعض ينظرونا الينا كأننا خونه واننا نفتري الكذب علي مصر وشعبها... والبعض لا يزال يعتقد انه الحديث عن مصر من المحرمات... ولا اشك مطلقا انه لو كان مصر فازت كان البعض يعتبرنا كفار ويقيم علينا الحد...!
اتفق معك تماما في كل ما ذهبت اليه...دون شك كل ما اوردته من اشكالات وجراح في جسمنا القومي هو امر مؤلم ونحتاج لعمل شاق لاعادة البناء الداخلي لدولتناعلي اسس سليمه..
لا اود الخروج عن موضوع البوست هذا ولكنني علي قناعه تامه انك تعلم من هو سبب هذه المآسي في بلادنا( انا اقصد الفاعل الخارجي).. لقد ناقشنا هذه القضايا كما تذكر منذ اواسط التسعينات في وسائط الكترونيه سابقه لهذا الموقع ، واعتقد اننا متفقون... هنالك جهد وطني وقومي مطلوب لاعدة التركيز في تعريف الذات ومصالحها... وكم امل من كثيرا من المثقفاتيه ان ينظروا للسودان كدوله لها كينونتها الخاصه بها والقائمه بذاتها... وان مصالح هذه الكينونه يمكن ولاي سبب ان تتضارب مع مصالح الدول الاخري المجاوره... هذا هو مفهوم الدوله ذات السياده..! اما الافتراض بأن هنالك دوله لا يمكن لمصالحنا ان تتضارب معها فهو اعتقاد عقيم ينم عن جهل بابسط شروط مصالح الدوله، واستبطان لاستعمار مستتر.
Quote: كما تعرف يا صديقي كنت اقوم بحملات اسفيرية متعددة في تسعينات القرن الماضي لقضايا تخصنا وكنت ازداد اقتناعا باننا غير معروفيين اصلا الا قليلا او من خلال ماسينا
اتفق معك تماما يا صديقي... وما نقترحه هنا الان ما هو إلا محاوله للوصول للاخرين وتعريفهم ببلادنا وبناء جسور التواصل معهم.. خاصة وان حكوماتنا ظلت منذ الاستقلال تدور في حلقه مفرغه لايمتد بصرها اكثر من الاسكندريه بالرغم من وجود الفضاءات الضخمه للتواصل مع الشعوب الاخري.. لذلك ظلت الحكومات عاجزه عن بناء علاقات مع الشعوب الاخري..هذه العزله والانطوائيه السودانيه سببها مصر.. فمصر تريد ان يظل السودان بلا علاقات اخري.. مرتعا للفوضي تتحكم هي وحدها في علاقاته مع الشعوب الاخري وكما يقولون هو زريبتها الخلفيه التي تقذف فيها بكل مخلفاتها وتريده ان يكون مخزونا ضافيا للموارد تلجاء اليه عند الحوجه.. هذه استراتيجيه مصريه معروفه تتطبقها كل الحكومات المصريه... لذلك اعتقد انه اصبح من الضروري فتح النوافذ والابواب امام الشعب السوداني للتواصل مع الشعوب الاخري والتعرف عليها وتوثيق العلاقات معها.
ولك ان تتخيل يا صديقي انه وبرغم ان الحكومه الجزائريه قدمت العديد من المنح الدراسيه للطلاب السودانيين... ظلت علاقات الشعبين محدوده جدا... ويمكنك ايضا ملاحظة ضعف الاستثمارات الاقتصاديه الجزائريه في السودان، بل ربما اغلب دول المغرب العربي...!
لذلك اعتقد يا صديقي ان مثل هذه الرابطه يمكنها لعب دور مهم في توثيق العلاقات الشعبيه وتطويرها بمناي عن الحكومات. واعتقد انه يمكننا من خلالها تعريف الشعب الجزائري بالسودان وتعريف السودانيين بالشعب الجزائري وثقافته وعاداته وطريقة حياته وتاريخه الخ ما يمكن القيام به... وهذا هو ما نأمله لك التحايا
Quote: you need to build a friendship between Sudanese them self first
في ناس غيرنا شغاله في الموضوع ده، نحن كمجموعه وبطوع ارادتنا بنفتكر اننا ممكن نخلق علاقات صداقه مع شعب الجزائر... انا بقترح انك تتولي موضوع الصداقه بين السودانيين انفسهم... نحن قدر الوقت والامكانات العندنا عايزين نخصصها لتوثيق العلاقات مع الجزائريين...
بعدين يا سيد الكراهيه والحب دي من طبيعة البشر...! ليس بامر جديد اتينا به مع هذه الرابطه... مثلا الصينيين والكوريين بكروها اليابانيين، والارمن بكرهوا الاتراك، والعرب بكرهوا اليهود، والاميركان بكرهوا الفرنسسين، والنروجيين بكرهوا الروس، والارتريين بكرهوا الاثيوبيين، والغانيين بكرهوا النيجريين، واليونانيين بكرهوا الاتراك، واللبنانيين بكرهوا السوريين... ده كله جاء من جمعيتنا دي...!
يا اخي نحن بنحب الجزائريين وعايزين نعمل معاهم صداقه.... تشجعونا علي الفكره دي ولا تقوم تشكك فينا بلا بينه... واقول ليك حاجه ... الكراهيه حق شخصي... لا يمكن لاي دوله او مؤسسه او غيره ان تتدخل فيه... عشان كده من الخطاء تضييع الوقت في امر يجب ان يأتي طواعيه...!
Quote: و برغمها سأحاول ان اكون مفيدا معكم و لسوف اتصل بالاستاذ سالم بخصوص موضوعك، وهو رجل موسوعة معرفة و معارف
نحن نقدر ظروفك تماما وكثيرون من الإخوه والاخوات الذين انضموا لهم ظروف مشابهه..
ليس هنالك عمل مطلوب منك في هذه اللحظه علي الاقل... فقط اتصل لينا علي الاخ سالم والاخرين الذين تعلم انهم ممكن يؤيدوا الفكره...
في فتره لاحقه سنقوم بتنظيم العمل بصوره تناسب ظروف الجميع وهو عمل طوعي يمكن تاديته في القوت المناسب.... الان نجلاء اعلنت انها ستقوم بالتسجيل بعد العيد... ساقوم من جانبي بمتابعة عملية التنسيق..
بعد اكتمال هذا سنقوم لا حقا بتشكيل اللجنه ... والتكاليف المختلفه .. كل حسب امكاناته ومجاله... ولن يطلب من اي شخص القيام بعمل فوق طاقته او علي حساب عمله الخ... سنتناقش في كل هذا...
Post: #42 Title: Re: دعـوه لتكـوين رابـطة الصـداقه الســودانــيــه الجــزائريـه Author: Ahmed Alim Date: 11-21-2009, 09:41 PM Parent: #40
Quote: يا اخي بريمه
نحن مجموعه من السودانيين عايزين نعمل رابطه بتاعت صداقه مع الشعب الجزائري.. بتاعت ضرار بتاعت كجار... دي حاجه تخصنا نحن المؤيدين الفكره...!
نكاية في المصريين وأخوي بريمة دا أعلن إنضمامي لجمعية الصداقة مع شعب الامازيغ العظيم. هسي سبب خسارتنا ياعسكوري لعضوية بريمة اكيد عشان الناس ديل ما عرب مية مية.
سجل طوالي..
اصلاً الواحد ناقصوا تسجيل، بعد ما أبيت أسجل للانتخابات الوهمية بتاعت الرئاسة والبرلمان.
أرجو ألا نسرف في حسن الظن. في يوم ما، بعد مرور هذه الزوبعة العاطفية، ستثبت لنا الأيام أن العرب ملة واحـدة. أرجوكم كفانا انسياقاً وراء العواطف غير الناضجة.
Quote: نكاية في المصريين وأخوي بريمة دا أعلن إنضمامي لجمعية الصداقة مع شعب الامازيغ العظيم. هسي سبب خسارتنا ياعسكوري لعضوية بريمة اكيد عشان الناس ديل ما عرب مية مية.
سجل طوالي..
اصلاً الواحد ناقصوا تسجيل، بعد ما أبيت أسجل للانتخابات الوهمية بتاعت الرئاسة والبرلمان.
والله يا أحمد مرات كده .. أموت من الضحك .. يا خى أنا بحاول منع الأخ عسكورى عشان البداية ما تكون غلط .. وتكون نكاية فى مصر على حساب صداقة جديدة ..
وأنت كمان تجئ بنكاية أخرى .. نكايةً في بريمة أنت عايز تعمل صداقة مع الجماعة ديل .. تفكير ذى دا الشيطان ما سبقك عليه ..
غايتو نقول شنو لما أحمد عالم يقبل على الزول بس على الواحد أن يتوشح السواد ..
أنضم يا أحمد لبيت الضرار .. حاجة فيها تراجى أمرق منها بسرعة Hurry up and out of here
والله يا النزير انا طبعا ما بجيني الوحي لكن الناس ديل عارف تاريخهم... عشان كده كتبت الكلام التحت قبل تلاته يوم من المباره
Quote: بدل ما تنافسوا ويكون عندكم فريق يرفع علمكم وسط اعلام الشعوب، بقيتوا مكتفين فقط بتشجيع الاخرين...! والله بعد شويه يقولو ليكم تشجيعكم زاتو ما عايزنه ... لانه بجيب ليهم النحس...! وتأكدوا انه مصر لو خسرت اول حاجه حا يقولوها انه تشجيع السودانيين جاب ليهم النحس...!
طبعا كما تلاحظ انا برضه كنت راجل ( طيب) لانه كنت مفتكر انه حا يقولوا ان السودانيين نسحونا والموضوع ينتهي علي كده... لكن بتكون تابعت الكلام الفارغ الكتير القالوه...
انا مبسوط بانضمامك للرابطه التي ستري النور قريبا انشاء الله.
التحايا
Post: #59 Title: Re: دعـوه لتكـوين رابـطة الصـداقه الســودانــيــه الجــزائريـه Author: Tragie Mustafa Date: 11-23-2009, 06:55 AM Parent: #58
والله انا في غابة السعاده بمشاركتك.. واشكرك علي التعبير عن هذا الفهم المتقدم للعلاقه بين دولة مصر ووطننا.
والشكر موصول طبعا للاخت نجلاء
يا صديقي السودانيين ( طيبين)... ما عارفين انه موقعنا الاستراتيجي ده ممكن يخلينا نرقص مصر عشره بلدي ليل ونهار...!
ولانه المصريين عارفين الحقيقه دي.... حريصين جدا انه السودان ما تقوم ليه قايمه من اساسه...!
والي ان يعلم السودان انه المشاكل البعانوا منها بما فيها الجنوب والشرق ودارفور و الشمال كلها made in Egypt ما حا تقوم ليهم قائمه... مصر احرص الدول انه السودان يظل في دوامه بتاعت مشاكل ... ده لعب كبير يا محمد السودانيين ما قادرين يعرفوه... وعشان تقدر تحلل اوضاع السودان بصوره صحيحه فقط انظر لي منو المستفيد من مشاكل السودان...!
اي استقرار وتنميه في السودان بيعني بالضروره زيادة استهلاك في الماء...! لذلك مصر حريصه جدا انه ما يحصل استقرار والمنهج والطريقه لتحقيق هذا الهدف وباقل تكلفه هي الايقاع بين السوودانيين ودفعهم لدوامه من الحروب الاهليه لا تنتهي... اسلوب تافه ورخيص.. وفي محصلته يا صديقي هو صراع بقاء... امتي السودانيين حا يعرفوا التناقض دا ... الله اعلم...
حتي لو كانت هذه الدعوة جاءت بالتزامن أو علي خلفية (الفاصلة) فانني ارجو أن تنجح الجهود في تكوين هذه الجمعية بعيداً عن تلك الظلال وشخصياً ارحب بكل ما يجمعنا عروبة وافارقة ولن اقف بعيداً عن اي روابط صداقة مع دول عربية او افريقية
ومن هذا المنطلق فانني أتشرف بأن اكون ضمن هذه الرابطة
