في ذكــرى رحيلكـ لسه بنردد في غناكـ يا خالدي ...

( ويقولو عليها رواحـــة )
ودي الدنيا الفانية يا خالدي ..
حيث لا خالد إلا وجه ربي ..
في 19 نوفمبر 2008م فارقتنا ..
وها نحن اليوم رغم مرارة الواقع ..
والساحة المليانة كوره وسياسة وسراب
نردد معاكـ حلاة الريدة في الإخلاص

إتعلـــــــــــــــــــمنا من ريـــدا بنــــــحب الدنيا ونريدا
ونرحل في عيـــون الناس نشــــــيل لي كل زول ريدا
لما لقيــــــــــــــــــــــنا عيــــــنها لقيــنا الدنيا وافراحا
ولـــي الامال فتحــــنا دروب لي احلامــــــنا كم ساحه
غـــــــــــــريبه الدنيا جمعـــــــتنا وبقولوا عليها رواحه
**
وجانــــــــــــا الريد يعلمـــنا نعــــــيش الدنيا بالإحساس
نســــــــــامح بي قليب طيب نشـــــيل الريد لكل الناس
عرفنا الريده في الطــــــيبه حلاوه الريدة في الاخلاص
**
يا ريــــــــــــت كل زول تايه يلاقـــــي الريدة فــي دربوا
عشـــــــــان الناس تحب الناس و زي عيــــــنينا يتحبوا
ما اصـــــــــــلوا البزوروا الريد حُب الناس بزور قلبوا

___________________________
مصدر الأغاني اليوتيوب والشكر لمحبيه هناكـ ..

عمران اخوي مساك خير ..

يا ريت تراجع الماسنجر للضروره ..

تحياتي ..

أهلاً أختي داليـــا ..
تم اللازم ..

كل ما اقول ليك حنى بميعاد يوم يا الاميره
وبس تقولى لليا اصبر باكر الايام كتيره
زى كانك ماعرفتى ريدى ليك يا الحلوه انتى
ماحكيتو ليكى قلتو فى عيونى براكى شوفتى
والا يظهر يا الاميره زى عيونى عيون كتيره
ابقى راجى يوم تحنى ويوم تكونى قريبة منى
لو بتعرفى ريدى ليكى اصلو ما بتغيبى منى
سيرتى ليك كان تبقى سيره بتعرفى الايام كتيره
يا حليل قلبى اللى رادك وديمه بحلم بميعادك
ربى ما يوريك شقاوه وتلقى انتى الفى مرادك
ولو بتبقى علي حيره ابتسامتك لي كتيره

عندي يقين أمل في بكرة بالتحسين...
كلمات في أغنية ، تحدد كمية الأمل والحنان الجوه صوت الخالدي ..
أغنية تقود إلى البكاء دون أن يكون للأمر علاقة بعالمكـ ..
<>

خصل شعرك حروف شعري البيوصف حالي شوق وحنيـن
ولون شعرك سواد حظي أنا معاك في الريدة سبعة سنـــــيـن
عندي يقين أمل في بكرة بالتحسين...
نسافر في بحور عينيك نخاف الموج نصد راجعــيــــــــــــــن
نطوي شراع ملاه الريح نسيبو سفرنا تاني سنيـــــــــــــــــــن
نسافر كيف وليل عينيك محيط يهدر علي الشطيـــــــــــــــــن
بين أمرين بقينا وحالنا محتارين...
نخاطر و نركب المجهول نسافر في بحور العيـــــــــــــــــــن
نلف الليل معاه نهار... معاه نهار وبين ليليــــــــــــــــــــــــــن
أخير ارجع واسود قوام أطوف بالهند ونهر السيــــــــــــــــن
خصل شعرك حروف شعري البيوصف حالي شوق وحنيــن
ولون شعرك سواد حظي أنا معاك في الريدة سبعة سنيــــــــن

سلمى وغرابة الدنيا لدى الخالدي ..
أشهر أغانيه وأكثرها حزناً ..
لا تصلح للغناء في الحفلات لأنها ذات عالم خاص جداً وحزين
التسجيل الأول يفعل الأكورديون فيه سحراً وهو ينتقل من كوبليه إلى آخر أكثر حزناً يذكرنا بغرابة الدنيا

_______________
محفوظه للكل لكثرة الترديد

وكلمة تبحث عن مخارج نحن ما قادرين نقوله
..
وروعة النيل في العصــاري ..
كلام لا يشبه إلا أهل بلدي

فوق جناح غيمة بشاير وفوق عباب دفقة مشاعر
في غمار صفحة خواطر بي فرح منساب وغامر
جيت مهاجر من بنادر تايه في ليل العدم
لى عوالم في عيونك فوق نزول شاشاي ونم
في عيونك شفتا نبع الطيبة جانى
وهداة الليل في الصحاري
وروعة النيل في العصاري
وغيمة تمرح فوق رحاب فاصل مداري
شايله طيف نسمة تباشير الخريف لبلاد جفت حقوله
وحركت في ليله كامن وايقظت اشجان طفوله
في عيونك فرحة مشتاقة وخجولة
في عيونك قصة متابعات فصولة
وكلمة تبحث عن مخارج نحن ما قادرين نقوله

صباح الخير ياعمران ...........

اللهم ارحم عبدك الخالدي وادخله فسيح جناتك ..........


خصل شعرك حروف شعري ... عبدالمنعم الخالدي (فيديو)

وصباحكـ منور أخي عمر ..
وشكراً لإيراد الرابط ..
الأغنية دي موال براها ..
________
مزيد من الروابط من الإرشيف :
صور المهرجان الفني لذكري الموسيقار الراحل المقيم عبدالمنعم الخالدي بواشنطون

<>

التحية لك اخ عمران وانت تلامس وترا حنين رجعنا لي زمنا جميلا

هذا الخالدي رحمة الله وجعل مثواه الفردوس ..كان رجلا شفيفا

طيبا ظريفا ما تقابلة الا والبسمة في شفاه يحمل قلب طفل رضيع,,,

اللهم تقبلة قبولا حسنا مع الابرار واجعل قبرة روضة من رياضك

انا لله وانا اليه راجعون,,,

له الرحمة و المغفره........
شكراً يا عمران لفتحك هذه النافيه الفنية,






لدي صديق معجب جداً بأغاني الراحل المقيم
ويشكرك كثيراً علي هذا البوست المتمييز.