الجزائر تقدمت بطلب لتخصيص ميادين لنصب خيام لمشجعيها نسبة لقلة الفنادق ببلادنا(شفتوا الفضيحه)!

وشابكننا كانوا ناس السيدح وود الباوقه اليوم كله
نهضة بالسودان...التنميه بالسودان..صرنا دوله بتروليه
واضرب واطرح...عشان حتى مباره هايفه...طلعنا دوله اونطه قدام العالم
فنادق تكفي ما عندنا!!

فاضين انتو تبنوا فنادق ؟؟طبعا ما فاضين
خليكم في تمويل حركات النعارضه التشاديه
البتضخوا ليها قروش زي الرز!


والعجب لو مرضوا ضيوفنا ديل؟؟!!
وقتها محل نضارى ما نعرفه لاننا شعب مسكين وقاعدين
بفضل(الله ) وبس لكن لا عندنا رعاة يعرفون حق الرعيه ولا يحزنون.
ال تنميه لا مرافق حيويه ولا اي حاجه....قصور اتبنت من مال الشعب وبس!
مطار زي الناس ما عندنا!

Quote: لم تتوقع دوائر السياحة في السودان أن يأتي يوم تفشل فيه في استقبال نزلاء مهما كبر عددهم خلال المناسبات التي يمكن أن تحتضنها العاصمة الخرطوم. ففي وقت ما زالت تتدفق فيه جموع المشجعين من الجزائر ومصر عبر بوابات السودان المختلفة جوية للطرفين وبرية بالنسبة لمصر، فشلت الفنادق السودانية والشقق السكنية في الأحياء في استقبال مزيد من الوافدين بعد يومين من إعلان إقامة المباراة الفاصلة بين مصر والجزائر في العاصمة السودانية. وفيما لا يزال الشحن بين الطرفين مسيطرا على تصرفاتهما، يبدو أن مشجعي المنتخبين سيفترشون الأرض ويلتحفون السماء في سابقة ربما تكون الأولى والأخيرة في العاصمة السودانية المثلثة. طاقة ضعيفة وتشير الإحصاءات إلى أن الطاقة الاستيعابية لفنادق الخرطوم مجتمعة لا تتعدى عشرة آلاف شخص، مما يعني عدم تمكن أكثر من نصف المشجعين الجزائريين والمصريين من إيجاد فرص في أي من الفنادق المنتشرة رغم غلائها الذي قد يتعدى المائة دولار للفرد في اليوم الواحد. لكن الإدارة العامة للسياحة والفنادق السودانية التي أبعدت نفسها عن تحمل المسؤولية في معالجة الأوضاع، أكدت أنه "ليست لها علاقة بالأعداد المهولة التي توافدت على الخرطوم". وقال مدير السياحة بالخرطوم علي المجذوب إن إدارته ستعمل "في حدود مسؤوليتها في الرقابة على الخدمات الفندقية ومدى التزام الفنادق بالأسعار المعلنة مسبقا وعدم استغلال بعض الفنادق للظروف الاستثنائية للعاصمة". وأضاف المجذوب للجزيرة نت أن هناك طلبات من الجزائر بمنحها مواقع شاغرة بالعاصمة الخرطوم لنصب خيام "لجهة استقبال الوافدين من المشجعين الجزائريين". حجز كامل من جهته قال كبير موظفي فندق الفردوس عبد المنعم أحمد إن كافة الغرف بالفندق قد تم حجزها من قبل المشجعين المصريين بعيد نهاية مباراة المنتخبين بالعاصمة المصرية القاهرة في الرابع عشر من الشهر الجاري. وأشار إلى وجود نزلاء سابقين من كافة المنظمات الدولية والأمم المتحدة مما قلل من توفير غرف لكافة المشجعين القادمين إلى البلاد من الدولتين. بينما اعتبر كبير موظفي فندق روزا بارك وسط الخرطوم طارق علي أن هناك ضيقا في الطاقة الاستيعابية للفنادق السودانية، مؤكدا أن عدد استيعاب الفنادق لا يتعدى خمسة آلاف شخص. واستبعد إمكانية قدرة الفنادق السودانية على استيعاب الأعداد القادمة لحضور المباراة من داخل الملعب. وفي جولة للجزيرة نت وسط المشجعين الجزائريين والمصريين الباحثين عن مأوى لهم وسط الخرطوم، أكدوا أنهم لم يجدوا غرفا شاغرة رغم قدومهم المبكر إلى الخرطوم.

منقول من بوست لابو فارس بمنبر السودان الجديد.

Quote: الجزائر تقدمت بطلب لتخصيص ميادين لنصب خيام لمشجعيها نسبة لقلة الفنادق ببلادنا(شفتوا الفضيح

كانادا ما فيها فنادق معقول؟؟

ولا آآآآآآآآة......القصد إنجامينا ( السودان الفرنسى ) سابقاً.....ممكن

حسن مكاوي
امشي بالله اخد دروس في الرجوله من الجزائرين

شابكنا دار جعل ودار جن السنه كلها.....

ونحن السي ونحن الوي


وحلايب شالوها منكم وفي حكمكم زي السلام عليكم


كدي امشي اخد لك كورس

ولا اقول لك حنس بس المشجعين الجزائرين يرجعوا لك حلايب

وحياتك بمطاويهم بس بيرجعوها.

Quote: حسن مكاوي امشي بالله اخد دروس في الرجوله من الجزائرين

تراجى مصطفى
ردكم أعلاة يوحى بعدم معرفتكم لمعانى الرجولة الحقة......
إختشى

المحترمه .. تراجي ..

ليس لدي احصاءات دقيقه عن الطاقه الاستيعابيه للفنادق والشقق بمدينه الخرطوم
ولكن , كملاحظه بسيطه اثناء اشواط المباره , تجدي ان الكثير من الممثلين المصريين
حضرو الى السودان لمتابعه المباره وتشجع فريقهم , هؤلاء ينزلون يا سيدتي في
افخم الفنادق (خمسه نجوم) , واحسن الشقق ..
برج الفاتح , السلام روتانا , بولمان (هيلتون) , مريديان , بلازا , وغيرها .. وغيرها ..

مافي زول افترش الارض , او التحف السماء .. حتى الناس ذوي الدخل المحدود , قاموا بتأجير
شقق مفروشه في العرضه وام درمان وما حولها .. لم اجد مشجعا واحدا يمد فرشته في العراء ..

Quote: والعجب لو مرضوا ضيوفنا ديل؟؟!! وقتها محل نضارى ما نعرفه

لو مرضوا الضيوف ديل , الحبه ما بتجيهم .. لدينا بدل المستشفى الواحد مليووون مستشفى
وطبعا (ضيوفنا) ما بنعالجهم الا في البرايفت .. لزوم (جيهت) الضيوف وكده ,, يلا عندنا بدل
المستشفى الخاص الواحد , اكتر من 40 مستشفى خاص ابتداء من (مركز فضيل) وحتى (مركز التقى)
جنوب ام درمان , وكلو بي سعرو ..

بلدنا دي يا تراجي بقى الصرف على السياحه فيها , اكتر من الصرف على التعليم والصحه
يعني اطمني , وختي في بطنك كل البطيخ الصيفي ..

بالمناسبه .. الجزائريين ديل بيحبوا افتراش الواطه لله في لله كده ما عارفه ليه..
القذافي لمن جا بلدنا دي , كانت مخصصه ليهو (فيلا) بي حالها .. خلاها , وافترش الواطه
في خيمه قصاد معرض الخرطوم ..!!

شكلو الموضوع هوايه ساي يا ستي ..

احترامي ومودتي ام حازم ..

Quote: بالمناسبه ..الجزائريين ديل[/B] بيحبوا افتراش الواطه لله في لله كده ما عارفه ليه.. [B]القذافي لمن جا بلدنا دي , كانت مخصصه ليهو (فيلا) بي حالها .. خلاها , وافترش الواطه

داليا العروس

يختي مبروك اولا

ثانيا:

ما عليك خوف من تمبس ارتايك برايه ونضامه زيه(هههههه)

ثالثا يا غاليه
دي ما نجر من راس ده ده مقال منقول من جريده سودانيه

Quote: وتشير الإحصاءات إلى أن الطاقة الاستيعابية لفنادق الخرطوم مجتمعة لا تتعدى عشرة آلاف شخص، مما يعني عدم تمكن أكثر من نصف المشجعين الجزائريين والمصريين من إيجاد فرص في أي من الفنادق المنتشرة رغم غلائها الذي قد يتعدى المائة دولار للفرد في اليوم الواحد.

يعني ده كلام حكومه احصائي

قالوا الطاقه الفندقيه مجتمعه

يعني حسبو كل فنادق الخرطوم وقع لك حسبوها هم مش انا

وقالوا 10 الف بس!!


اها لعلمك يا الحبيبه

غير الشقق الاتجرت وبرضو عندي فكره عنها

اتفتحت ارض المعسكرات بسوبا لاجل الجزائرين!!

المحترمه تراجي ...

Quote: دي ما نجر من راس ده ده مقال منقول من جريده سودانيه

Quote: يعني ده كلام حكومه احصائي

قرات في ماخلت الاولى ان الخبر منقول من موقع (منبر السودان الجديد) ولم تكتبي
ان الخبر منقول من صحيفه سودانيه .. !!

Quote: منقول من بوست لابو فارس بمنبر السودان الجديد.

لو فعلا الخبر من جريده سودانيه .. يا ريت تدينا اسم الجريده ورقم العدد وتاريخه . او (كابشر) من المقال ..

Quote: اتفتحت ارض المعسكرات بسوبا لاجل الجزائرين!!

طالبت السفاره المصريه , بفتح صالات معرض الخرطوم الدولي وتجهيزه (بمراتب) لاسكان معسكر
المنتخب المصري هناك .. وكان هذا بناء على طلب السفاره المصريه نفسها ..

اما بعثه المنتخب الجزائري فقد طالبت بتجهيز معسكر بعيد عن وسط الخرطوم ما امكن
فتم تجهيز ارض المسكرات بسوبا وذلك ايضا بناء على طلبهم ...

مافي زول التحف العراء يا تراجي الا يكون العراء دا مزاجو وما بيقدر ينوم جوه
او مشجع غلبان دفع كل قروشو في تذكره الطياره وما عندو حق السكن والاكل وديل
لو جوا في بيتنا نحن شخصيا وقالوا نحن ضيوف ومقطوعين, والله بنكرمهم اخر كرم ..

ما اعرفه عن الرجوله الحقه

هي غير الخيابه التبعملها في بوستاتي دي

لانه دي ما حركان رجال لعلمك!!

Quote: تراجى مصطفى ردكم أعلاة يوحى بعدم معرفتكم لمعانى الرجولة الحقة...... إختشى

وانا بختشي من الرجال الحقيقين فقط

وليس اشباههم.وقع لك.

وانت لو راجل اكتب لي الكتبته ايام نشرت صور حفلة لي بلندن(هنا)

لاني لليوم لم اعرف ماذا كتبت بس عارفه انه اتحذف بسبب مداخلت

الوسخه.

نسيت اقول لك يا داليا الكباشي العروس

Quote: لو مرضوا الضيوف ديل , الحبه ما بتجيهم .. لدينا بدل المستشفى الواحد مليووون مستشفى وطبعا (ضيوفنا) ما بنعالجهم الا في البرايفت .. لزوم (جيهت) الضيوف وكده ,, يلا عندنا بدل المستشفى الخاص الواحد , اكتر من 40 مستشفى خاص ابتداء من (مركز فضيل) وحتى (مركز التقى) جنوب ام درمان , وكلو بي سعرو ..

بتغشي في روحك يختي؟؟؟

كان ما الارشيف كله شاهد عن علاجوا فلان بالخارج وعلان بالخارج؟؟؟

مستشفيات شنو دي يا حبيبه

ديل اسمهم طوروا الخدمات الفندقيه بالمستشفى فقط
اما لا اجهزة ولا اطباء كله مخلع ومشلع.

الا ما يمرض لي حبيب بالسودان.

معليش يا د.داليا يخيل لي زي لمحته قالوا طبيبه

Quote: اما لا اجهزة ولا اطباء كله مخلع ومشلع.

حقيقي عنده مشكله كبيره في الثقه في الاطباء السودانين
وما عارفهم بيعلموا كده ليه.

ناس زول مشى بفشل كلوي بكليه واحده شالوا السليمه وخلوا الفاشله!
ونوع زول مشى بقرقرينه في رجله قطعوا السليمه وتركوا المصابه!!

ومحن لم اسمع بها في العالم الا في السودان.

ربنا يهون ويهديكم يا دكاترتنا.

Quote: وانا بختشي من الرجال الحقيقين فقط وليس اشباههم.وقع لك. وانت لو راجل اكتب لي الكتبته ايام نشرت صور حفلة لي بلندن(هنا) لاني لليوم لم اعرف ماذا كتبت بس عارفه انه اتحذف بسبب مداخلت الوسخه.

Pathatic

....ليبقى عاليا....رغم انف الغوغاء...

جزائرليوووون مبروك لمقاتلي الصحراء الحقيقية البحيحاولو يداراوها انو الشعب السوداني اغلبوا
كان بيشجع الجزائر والله انا من السعادة نمت الساعة 8صباح جوطة وهيصة مع السودائريين ......
وشجعنا المنتخب الصحراوي وفي الخاطر سميرة سعيد والشاب خالد والشاب مامي والشاب وفضل والشاب طه
ليبقي عاليا .....
وتبقي الجزائر معني الثورة
وبلاش وسخ احفاد الخديوية وازيال التاج المصري ........
تحياتي تراجينا وحياتك ليك وحشة ومبروك لكل السودانيين
عيسي زين

والمتابع بيكتشف انو ازيال الخديوية ديل اسرع عدائيين في العالم الواحد مايشوف ليهو جزائري وهاك يالهوييييييييييييي
وقوم افتح ......
عالم تخجل

Why is it a scandal? Sudan is not a touristic country and never geared up to be. I understood the capacity for hotel rooms in Khartoum before the match were 800 rooms – mainly the big hotels meant to host those who could afford to pay over a $100 per night. Most the supporters who attended the game were youngsters who came to enjoy the game only. So hotel capacities were not of their concern (flights were for free).

Secondly, I understood that both Algerians and Egyptians came for a day or a night, sleeping in a tent was not an issue – but more of a political warfare.

I could appreciate your reasons for putting this post up if I only knew what they were!

شوفي يا استاذه

Quote: Why is it a scandal? Sudan is not a touristic country and never geared up to be. I understood the capacity for hotel rooms in Khartoum before the match were 800 rooms – mainly the big hotels meant to host those who could afford to pay over a $100 per night. Most the supporters who attended the game were youngsters who came to enjoy the game only. So hotel capacities were not of their concern (flights were for free). Secondly, I understood that both Algerians and Egyptians came for a day or a night, sleeping in a tent was not an issue – but more of a political warfare. I could appreciate your reasons for putting this post up if I only knew what they were!

فضيحه ومليون فضيحه لانه عندنا هنا صبيه طبالين للمؤتمر الوطني
هرونا على مدار الكم سنه الماضيه بانه في نهضه وعمران!!

وااضح انه السعه الفندقيه ياها لم تزد كثيرا.

وفضيحه لانه بيوضح انه عندنا قيادات كرتونيه لا تفهم في التخطيط.
هؤلاء العجول الذين وافقوا على اقامة المناسبه بفرح
كان عليهم سؤال الدوليتن عن اعداد القادمين وان يوضحوا لهم
انه لا توجد اماكن لاعداد مثل هذه.


وبرضو تقولي لي نحن ما دوله سياحيه؟؟
منو القال لهم يتشبروا في خطوات هم ما قدرها لم اصلا هم ما دوله سياحيه؟؟؟

و العجب المطار
والتكدس الخلا الناس قربة تغمر من الحر ولا كأنه الحج؟؟
من اين لهم باستقبال اعداد مثل هذه في مطارهم العشه داك؟؟

الأخت المحترمة تراجي ... الإخوة والأخوات المحترمين ....

الطاقة الاستيعابية للفنادق تتحدد حسب العرض والطلب ...

وظروف هذه المباراة استثنائية ... وتحددت خلال وقت قليل جداً ...

ولم يتأكد قيامها إلا مساء يوم 14/11/2009 بعد انتهاء مباراة القاهرة.

عزيزتي تراجي ....

هل سيقوم التجار بإنشاء فنادق دون وجود طلب عليها؟
العدد الموجود من الفنادق يكفي الحاجات العادية للخرطوم مع وجود فائض ... ولا اظن ان تجارة الفندقة تحتمل إنشاء المزيد من الفنادق بعيدا عن قواعد العرض والطلب.

لا يعب الخرطوم قلة عدد الفنادق فيها .....
والحمد لله تمكنت الخرطوم من استيعاب الضيوف وبأقل عدد من الحوادث والمشاكل ...