Post: #1 Title: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-18-2009, 12:11 PM Parent: #0
Post: #2 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-18-2009, 12:15 PM Parent: #1
الكوره بشكل عام ما بتهمني
وبفتكر انو الهوس الكروي الحاصل دا نوع من التخدير
وبلهي الناس عن قضاياهم الحقيقه
وزي المباراه دي ما عندنا فيها لا ناقه ولا جمل
بس البهمني هنا انو الناس تعرف قدرها شنو في نظر الاخر
Post: #3 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-18-2009, 12:19 PM
معركة الشعب السوداني الحقيقيه ما مع او ضد فريق كرة قدم
معركتنا الحقيقيه ضد
الناس
الكتلونا وجوعونا وفرقونا
السرقو مالنا ونهبو بلادنا
الما بخافوا من الخلق لا بختشوا لا بشبعوا
Post: #4 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-18-2009, 12:25 PM Parent: #3
الهوس الكروي الحاصل دا
مافي زول حيستفيد منو غير الزول الدايره ينسيكم همومكم ومعركتكم
هو الوحيد المستفيد
Post: #5 Title: Re: يا شعب يا سوداني ... تعالوا شوفو نفسكم في عيون المصرين Author: بكري اسماعيل Date: 11-18-2009, 12:56 PM Parent: #4
تحياتي يا عاطف
كل يوم نثبت بأننا شعب ضعيف الذاكرة ، ما زلت أردد نفس السؤال الذي سأله وليد محمد الأمين كيف تشجع من يستعمرك ؟ وكيف لنا أن ننسى مأساة ميدان مصطفى محمود ؟ فلتذهب أخوة العرب إلى الجحيم غير مأسوفاً عليها ..
Post: #6 Title: Re: يا شعب يا سوداني ... تعالوا شوفو نفسكم في عيون المصرين Author: soma Date: 11-18-2009, 01:17 PM Parent: #5
Quote: كل يوم نثبت بأننا شعب ضعيف الذاكرة ، ما زلت أردد نفس السؤال الذي سأله وليد محمد الأمين كيف تشجع من يستعمرك ؟ وكيف لنا أن ننسى مأساة ميدان مصطفى محمود ؟
الاخ بكرى اسماعيل .. صدقت والله
عاطف سلامات مشتاقين والله الوجع ما زال بارك ومحكر الشعب ليه الله
اضعف الايمان تشجيع السودان لفريق الجزائر
ربنا ينصرهم ان شاء الله
Post: #7 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-18-2009, 05:18 PM Parent: #6
Quote: فلتذهب أخوة العرب إلى الجحيم غير مأسوفاً عليها ..
وهذا الهوس الكروي ايضا
Post: #9 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-18-2009, 06:09 PM Parent: #7
Post: #12 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-18-2009, 08:37 PM Parent: #6
سلمات يا سومه
صدقيني لو منتخبنا كان لعب في مصر ولا الجزائر
ما كانوا إشتغلو بينا شغله
بس نحنا بندي العرب ديل اكبر من حجمهم
عموما مبروك لي الجزائر
Post: #8 Title: Re: يا شعب يا سوداني ... تعالوا شوفو نفسكم في عيون المصرين Author: عبدالله السفاح Date: 11-18-2009, 05:39 PM Parent: #5
Quote: تحياتي يا عاطف
كل يوم نثبت بأننا شعب ضعيف الذاكرة ، ما زلت أردد نفس السؤال الذي سأله وليد محمد الأمين كيف تشجع من يستعمرك ؟ وكيف لنا أن ننسى مأساة ميدان مصطفى محمود ؟ فلتذهب أخوة العرب إلى الجحيم غير مأسوفاً عليها ..
كلامك سليم ومظبوط نحن شعب مسكين وبسيط
ينسى بسرعة .. كيف ننسى من قتلوا من ابناء شعبنا في ميدان مصطفى محمود
Post: #10 Title: Re: يا شعب يا سوداني ... تعالوا شوفو نفسكم في عيون المصرين Author: على عجب Date: 11-18-2009, 06:48 PM Parent: #8
عاطف عبدون تحية واحترام
ارجو ان تسمح بان اقول لك، ليس صحيحا ان الشعب المصري هو من قتل
اخوتنا في ميدان مصطفي محمود،هذا تعميم ليس فيه من الموضوعية
من شيء، فمن قام بذلك هو النظام المصري الحاكم، وهو نظام لايختلف عن نظام
عمر البشير بل مرادف له وحليف، ولم يقم بتلك المجزرة الا بعد ان
اخذ الضوء الاخضر من حكومة السودان، التي تعتبر كل من كان معتصما بميدان
مصطفي محمود عدو يجوز قتله. وللتاكد من ان ذلك التعميم لايتناسب
مع مقتضيات التقييم السليم لمثل هذه الحوادث، يمكن الرجوع الي المواقف
الصلبة التي وقفها مركز القاهرة لحقوق الانسان ومركز النديم علي سبيل
المثال، والحملات القوية التي قادوها في محافل دولية لادانة سلوك الحكومة
المصرية وتحميلها المسؤلية، وطالبوا باجراء تحقيق دولي في الامر، وقاموا
باصدار تقارير تحتوي علي توثيق دقيق لكل الاحداث .هذا مالم يستطع ان يفعله
المجتمع المدني السوداني، لذلك اري ان هذا النوع من التعميم يقدم صفعة غير
مبررة لاناس ساندوا اخوتنا وقدموا لهم ما عجزنا نحن عن تقديمه.
هذا من ناحية ومن ناحية اخري هل نقبل ان نجد حديثا في منابر
لمواطني دول اخري يحملوننا مسؤلية ما يفعله نظام الخرطوم بهم؟، ولمزيد
من التفهم يمكن اجراء مراجعة بسيطة لاحوال الاثيوبين والاريترين وغيرهم
من اللاجئين الفارين من عسف حكوماتهم الي السودان، يمكن الاطلاع علي
اوضاعهم في السجون والمعتقلات السوداينة وحوادث ترحيلهم قسرا وتسليمهم
لسلطات الامن في بلدانهم، هل نتحمل نحن كشعب سوداني وزر هذه الممارسات
الغير انسانية؟.
هل نتحمل نحن مثلا الطريقةالتي يشتم بها عمرالبشيرالعالم اليوم ويستهتر
بالعدالة فيما اقترفه هو ومعاونية من جرائم ضدنا في دارفور؟.
ختاما انا لا اري مطلقا ان هنالك اي حصافة في تعليب الشعوب في مواقف
مهما كانت سلبية او ايجابية ، ففي كل بلدان العالم يوجد المستنيرين
والسلفلة، لذلك يجب ان نراعي علي الاقل شعور اولئك المستنيرين، كما ان
مساندة فريق كرة قدم واو عدمها لايعني شيئا خارج نطاق المباراة.
Post: #11 Title: Re: يا شعب يا سوداني ... تعالوا شوفو نفسكم في عيون المصرين Author: Nuha Ahmed Date: 11-18-2009, 07:07 PM Parent: #10
Quote:
هل نتحمل نحن مثلا الطريقةالتي يشتم بها عمرالبشيرالعالم اليوم ويستهتر
بالعدالة فيما اقترفه هو ومعاونية من جرائم ضدنا في دارفور؟.
ختاما انا لا اري مطلقا ان هنالك اي حصافة في تعليب الشعوب في مواقف
مهما كانت سلبية او ايجابية ، ففي كل بلدان العالم يوجد المستنيرين
والسلفلة، لذلك يجب ان نراعي علي الاقل شعور اولئك المستنيرين، كما ان
مساندة فريق كرة قدم واو عدمها لايعني شيئا خارج نطاق المباراة.
اوجزت وكفيت شكرا
Post: #13 Title: Re: يا شعب يا سوداني ... تعالوا شوفو نفسكم في عيون المصرين Author: بكري اسماعيل Date: 11-18-2009, 10:11 PM Parent: #11
أضف إلى ذلك أننا شعب عديم شغلة حتى الآن أكثر من 57 بوست بالصفحة الأولى عن المباراة ..
Post: #14 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-19-2009, 02:11 PM Parent: #13
اتمني انو الكانو بيهتفو
لي مصر يكونو تابعو اعلامها بعد الماتش
Post: #15 Title: Re: يا شعب يا سوداني ... تعالوا شوفو نفسكم في عيون المصرين Author: عاطف عبدون Date: 11-19-2009, 03:16 PM Parent: #14