Post: #1
Title: السودان - الصين ... أطول رحلة طيران مدنى فى تاريخ السودان. اليوم الثلاثاء 17/11/2009 م
Author: الرشيد البصيلى
Date: 11-17-2009, 10:50 AM
......
اليوم دشنت خطوط طيران هاينان الصينية أطول رحلة طيران مدنى بين الخرطوم وعواصم البلدان الأخرى فى تاريخ السودان حيث وصلت اول رحلة من طيران هاينان الخرطوم مباشرة من العاصمة الصينية بكين ... طيران لمدة 12 ساعة متواصلة بدون توقف ... ذلك اليوم الثلاثاء الموافق 17/11/2009 م فى تمام الساعة الثانية عشرة ونصف ظهرا بتوقيت السودان ... وكان ضمن قائمة الركاب ابنتى رزان صاحبة الصورة على يمين البوست ووالدتها حفظهما الله .....
......
|
Post: #2
Title: Re: السودان - الصين ... أطول رحلة طيران مدنى فى تاريخ السودان. اليوم الثلاثاء 17/11/2009 م
Author: كمال سالم
Date: 11-17-2009, 11:04 AM
Parent: #1
يالرشيد يأخى مشتاقين والله
وينك يارجل تركت المنبر من
فتره طويله ؟
يعنى ناس القطريه والخليجيه
يشوفوا ليهم شغله تانيه .
حيث كان معظم الصينيين يسافرون
عبرهم عن طريق الترانزيت فى الدوحه
أو البحرين .
تحياتى ,,
|
Post: #3
Title: Re: السودان - الصين ... أطول رحلة طيران مدنى فى تاريخ السودان. اليوم الثلاثاء 17/11/2009 م
Author: الرشيد البصيلى
Date: 11-17-2009, 04:46 PM
Parent: #2
.....
أخى كمال سالم ليك وحشة يا خوى ..... أخوك أمانة ما وقع ..... دخلت لى فى كترابة بتاعة ماجستير إدارة اعمال المنظمات الدولية MBAIO فى واحدة من الجامعات الصينية ... وكربونى ليك بدراسة اللغة الصينية وانتهيت من اللغة الصينية واجتزت مايسمى HSK أمتحان المقدرة على الدراسة باللغة الصينية والأن انقلبت ليك على الماجستير لكن كسّر ركبى تب ... خلى ريحتى طير طير عليك الله دعواتك بالتوفيق وسلامى موصول للعوض المسلمى والرائعة الخالة دومة وبقية البورداب الطيبين اطال الله بقائهم واكثر من صالح اعمالهم ودعواتهم لنا بالنجاح .....
Management of Business Administration of International Organization
Beijing Jiaotong University
Beijing China
دعواتك يا كمال سالم .... يا شيخ مدد
.....
|
|