Post: #1
Title: صفاً واحد.... خلف الجزائر
Author: Deng Goc
Date: 11-16-2009, 00:44 AM
انا قت كده
واسبابي .....تحت
|
Post: #2
Title: Re: صفاً واحد.... خلف الجزائر
Author: Deng Goc
Date: 11-16-2009, 00:47 AM
Parent: #1
إنّه من الطبيعي أن أشجع الفريق المصري وذلك للدور الذي لعبته مصر في مناصرة حركات التحرر
الإفريقية والآسيوية إبّان الاستعمار، وكذا حتى مناصرة مصر للحركة الشعبية لتحرير السودان
والدعم المقدم لها سري وعلني...
إنّه من الطبيعي تشجيع ومناصرة مصر للسخاء الذي أظهرته مصر الآن في دعمها لجنوب السودان
في مشاريع الكهرباء والماء ودعمها بشكل عام حكومة الحركة الشعبية لتحرير السودان بالجنوب.
إنّه من الطبيعي أن أشجع الفريق المصري تحية لعبد الناصر الذي انحاز لبني شعبه وللمزارعين
وفقر الفلاحين فوفر لهم فرص تعليم وعلاج مجاني مستمر حتى الآن.. فعبد الناصر على الرغم من نزعته
العروبية وليس هناك عيب في ذلك.. فالبرغم من كل شئ فقد كان منحازاً للمهمشين ضد
الملوك والمُلاك والبكوات والبهوات..
إنّه من الطبيعي أن أشجع الفريق المصري ذلك لأنني درست في إحدى جامعاتها فتعلمت
وتخصصت في الفلسفة والاجتماع على يد أفضل علمائها بمنحة مقدمة من الحكومة المصرية
ودعم سخي من الحكومة بجوبا والخرطوم فكنت أصرف من ثلاث نوافذ !!
إنّه من الطبيعي أن أشجع الفريق المصري لتفتح عينيّ في مصر على ثقافة وأدب وفن وغيره..!.
والذي وصلته مراهقاً وخرجت منه شاباً ناضجاً يفقه في كل أمور الحياة..
|
Post: #3
Title: Re: صفاً واحد.... خلف الجزائر
Author: Deng Goc
Date: 11-16-2009, 00:49 AM
Parent: #2
إنّه من الطبيعي للأسباب أعلاه أن أشجع الفريق المصري
ولكن
هناك أسباب عديدة تحول دون ذلك!!!
|
Post: #4
Title: Re: صفاً واحد.... خلف الجزائر
Author: Deng Goc
Date: 11-16-2009, 00:51 AM
Parent: #3
فمن غير الطبيعي أن أشجع الفريق المصري لنظرة أغلب مفكريها الاستعلائية نحو السودان
وهي ليست استعلائية فحسب بل استعمارية كذا وللتاريخ الاستعماري لمصر تجاه السودان،
والذي انتهى رسمياً يوم 1/1/1956م وهو ليس ببعيد (وإيّاك أن تقول إنّه كان استعمارا انجليزياً)
بل كان مصرياً انجليزياً مثلما كان في الأول تركياً ـ مصرياً والذي انتهى على يد الثورة المهدية!!
وليست لي عقدة في ذلك لأننا "نحن السودانيين" ولقرون عديدة استعمرنا بلادهم!! واسألوا "بعانخي"
وكل الحضارات التي تفتخر بها مصر.. حضارات سودانية نوبية!!!
إنّه من غير الطبيعي أن أشجع الفريق المصري وهو الآن دولة محتلة لجزء عزيز من وطني
(حلايب ـ شلاتين ـ أبورماد)
فهي دولة محتلة فكيف أشجع فريق دولة محتلة جزءاً من بلدي!!!
|
Post: #5
Title: Re: صفاً واحد.... خلف الجزائر
Author: Deng Goc
Date: 11-16-2009, 00:55 AM
Parent: #4
إنّه من غير الطبيعي أن أشجع الفريق المصري وهو على الرغم من دعم بلده السخي
لحكومة الحركة الشعبية فهي في ذات الوقت ضد ـ حق تقرير المصير للشعب في
جنوب السودان فمصر مرعوبة إذا قرر الجنوبيون الانفصال خوفاً على مصالحها
وليس مصالح الجنوبيين!!! وإذا فعلاً قرر الشعب في جنوب السودان ذلك فمثلما
هي مسؤولية الأنظمة في الخرطوم وعلى رأسها المؤتمر الوطني فمصر أيضاً مسؤولة
فهي التي هرولت، وباركت لعمر البشير عندما قام بانقلابه على حكومة ديمقراطية،
وهي نفس الحكومة التي كادت أن تقتل رئيسها فيما بعد في أديس أبابا برعايتها لمعارضين مصريين!!!
ولأنّ المؤتمر الوطني الآن يهتم ويحاول أن يسهل للمصريين ويحشد بعض السودانيين
للوقوف خلف الفريق المصري طلباً للصفح والغفران لأخطائها السابقة ضد مصر...
ولأنّ المصريين الذين مارسوا الإرهاب ضد الفريق الجزائري في القاهرة ويرغبون
في أن يفعلوا نفس الشيء بالخرطوم
ولأنّ أغلب الهلالاب سيشجعون مصر أمثال الهلالابي فائز السليك!!!
وغلب هلالاب الزقازيق....ذى زهير الزناتي
وناس تانيييين كده!!!!!
|
Post: #9
Title: Re: صفاً واحد.... خلف الجزائر
Author: Deng Goc
Date: 11-16-2009, 00:58 AM
Parent: #5
ولأنّ الكاردينال سيشتري "كل" تذاكر المساطب الشعبية لصالح "عيون" المصريين!!!
لكل ذلك "وزيادة كمان"..
لن أشجع الفريق المصري..
!!!!!! !!!!! !!!! !!!!
|
Post: #10
Title: Re: صفاً واحد.... خلف الجزائر
Author: Deng Goc
Date: 11-16-2009, 01:00 AM
Parent: #9
بل ساشجع الجزائر
|
Post: #11
Title: Re: صفاً واحد.... خلف الجزائر
Author: Deng Goc
Date: 11-16-2009, 01:02 AM
Parent: #10
ليس لأنّها بلد المليون شهيد فحسب!!! وليس لأنّها بنت دولة استطاعت أن يتعايش فيه
البربر والعرب وامازيغ وغيرهم دون حزازات ولا أحقاد...
وليس لأنّها أي الجزائر عندما اشتد الحرب فى الجنوب وجهاد المؤتمرجية ضد
الحركة الشعبية.. "كنا نصدهم" ـ اى المؤتمرجية ـ بسلاح هدية من الجزائر
لشعب السودان المناضل لتحقيق السودان الجديد.
ليس لكل ذلك....فحسب !!
|
Post: #13
Title: Re: صفاً واحد.... خلف الجزائر
Author: Deng Goc
Date: 11-16-2009, 01:03 AM
Parent: #11
بل.... لحب..... "سااااي كدا"!!!!
_____________________
ساشجع الجزائر
|
Post: #6
Title: Re: صفاً واحد.... خلف الجزائر
Author: الوليد محمد الامين
Date: 11-16-2009, 00:56 AM
Parent: #4
التحايا يا دينق
| Quote: فهي دولة محتلة فكيف أشجع فريق دولة محتلة جزءاً من بلدي!!! |
سألنا هذا السؤال في عدة بوستات ولم يجبنا أحد !!!!!
الناس دي بتتعامل بنفس طريقة الحكومة في الازدواجية ويجو يقولو ليك الحكومة كعبة !
|
Post: #8
Title: Re: صفاً واحد.... خلف الجزائر
Author: esam gabralla
Date: 11-16-2009, 00:58 AM
Parent: #6
يا دينق
الكلب بيريد خناقو
|
Post: #7
Title: Re: صفاً واحد.... خلف الجزائر
Author: عبد اللطيف السيدح
Date: 11-16-2009, 00:57 AM
Parent: #4
أركز علي شئ
حتي لو نافذة واحدة من نوافذ الصرف المعيشي
حلايب دي تبع ناس منبر السلام العادل
يعني خارج الاستفتاء عندما ينفصل جنوب الوطن عن شماله
|
Post: #12
Title: Re: صفاً واحد.... خلف الجزائر
Author: Tragie Mustafa
Date: 11-16-2009, 01:02 AM
Parent: #7
يا سلام عليك يا Deng Goc
وان ذاتي معاك | Quote: صفاً واحد.... خلف الجزائر |
واليوم لو كنت في الخرطوم
كان حيرت الجزائرين ذاتهم في كم حماسي لهم.
واقر بكل ما كتبته انت تجاه مصر
وعلى فكره انا خريجة جامعة الاسكندريه آداب/قسم الاجتماع
انت خريج من وين؟؟؟
|
Post: #14
Title: Re: صفاً واحد.... خلف الجزائر
Author: طارق جبريل
Date: 11-16-2009, 01:07 AM
Parent: #12
كورة بشجع الجزائر
وسياسة برضو بشجع الجزائر
لو كنت هناك كان شجعتهم لحدي صوت ما بحة
|
Post: #15
Title: Re: صفاً واحد.... خلف الجزائر
Author: Amira Elsheikh
Date: 11-16-2009, 01:09 AM
Parent: #12
بحب الجزائر والحب فى زاتو مبرر كافى....
|
Post: #16
Title: Re: صفاً واحد.... خلف الجزائر
Author: Deng Goc
Date: 11-16-2009, 01:12 AM
Parent: #12
اهلا يا كمرد زمن طويل
خريج الزقازيق90
تربية-فلسفة واجتماع
غايظنى الزناتي
قال حيشجع مصر
خليوه يقول لينا ....حصل يوم شجع مصر وكت كان فى الزقازيق؟؟
|
Post: #18
Title: Re: صفاً واحد.... خلف الجزائر
Author: Tragie Mustafa
Date: 11-16-2009, 01:16 AM
Parent: #16
يا كمرد يا اخي انت ما دفعتي معنها؟؟؟
Quote: | Quote: انت خريج من وين؟؟؟ |
خريج الزقازيق90
تربية-فلسفة واجتماع |
يازول الزقازيق دي جيتها حفله بتاعت ناس (sosa)
مع صديقتي بت اسكندريه انيب ابيل شول او بريسكلا ابيل شول
بتكون بتعرفها؟؟!!
| Quote: اهلا يا كمرد زمن طويل |
ضحكتني يا كمرد يعني انا قايلني خريجة اول امبارح
ما كلنا خلاص زمانا فات وعناينا مات وعمرنا انسرق مع الانقاذ.
خليها على الله.
بس بالله عليك ما تغيب يا اخي انت زول كتاب خلاص.
|
Post: #25
Title: Re: صفاً واحد.... خلف الجزائر
Author: Deng Goc
Date: 11-16-2009, 01:41 AM
Parent: #18
Quote: يا كمرد يا اخي انت ما دفعتي معنها؟؟؟
Quote: انت خريج من وين؟؟؟
خريج الزقازيق90
تربية-فلسفة واجتماع
يازول الزقازيق دي جيتها حفله بتاعت ناس (sosa)
مع صديقتي بت اسكندريه انيب ابيل شول او بريسكلا ابيل شول
بتكون بتعرفها؟؟!!
Quote: اهلا يا كمرد زمن طويل
ضحكتني يا كمرد يعني انا قايلني خريجة اول امبارح
ما كلنا خلاص زمانا فات وعناينا مات وعمرنا انسرق مع الانقاذ.
خليها على الله.
بس بالله عليك ما تغيب يا اخي انت زول كتاب خلاص. |
الحقيقة اول مرة شفتك هنا قعدت احاول اتذكرك.....
صحبتك بعرفها ....بس اخبارها مامعاى ....بس اقرباها هنا فى الخرطوم
....حأجيب ليك خبرها
الله يخليك
|
Post: #17
Title: Re: صفاً واحد.... خلف الجزائر
Author: Deng Goc
Date: 11-16-2009, 01:15 AM
Parent: #12
Quote: سألنا هذا السؤال في عدة بوستات ولم يجبنا أحد !!!!!
الناس دي بتتعامل بنفس طريقة الحكومة في الازدواجية ويجو يقولو ليك الحكومة كعبة ! |
حيعملو فيه رايحين
|
Post: #19
Title: Re: صفاً واحد.... خلف الجزائر
Author: Deng Goc
Date: 11-16-2009, 01:19 AM
Parent: #17
عصام .......
متفق معااااااااك
بس احتياطيا كده
_______________
الامثال داخل البوست على مسؤلية كاتبه
|
Post: #20
Title: Re: صفاً واحد.... خلف الجزائر
Author: Deng Goc
Date: 11-16-2009, 01:28 AM
Parent: #19
عبد اللطيف ....أذيك ياااااخ
كل الفوق ده ما ملاء عينك؟؟؟؟
Quote:
حلايب دي تبع ناس منبر السلام العادل
يعني خارج الاستفتاء عندما ينفصل جنوب الوطن عن شماله |
حسه دى الاجابة المناسبة لسؤال الوليد؟؟؟
ولى ده تهرب اصلا.....
على كل حال......حتى ينفصل الجنوب سيظل كل السودانيين مسؤلين ومسألين عن احتلال حلايب
بعدين القال ليك منو انو انا ده بخلي ليك او لناس الطيب مصطفى البلد ده؟؟؟؟
خلينا فى الكورة احسن
|
Post: #21
Title: Re: صفاً واحد.... خلف الجزائر
Author: Deng Goc
Date: 11-16-2009, 01:30 AM
Parent: #20
Quote: كورة بشجع الجزائر
وسياسة برضو بشجع الجزائر
لو كنت هناك كان شجعتهم لحدي صوت ما بحة |
مية المية طارق
ما حنقصر
|
Post: #24
Title: Re: صفاً واحد.... خلف الجزائر
Author: طارق جبريل
Date: 11-16-2009, 01:32 AM
Parent: #21
Quote: خريج الزقازيق90
تربية-فلسفة واجتماع |
انا خريج بيطرة في نفس السنة ونفس الجامعة
زمن عجيب ياخ
|
Post: #26
Title: Re: صفاً واحد.... خلف الجزائر
Author: Deng Goc
Date: 11-16-2009, 01:47 AM
Parent: #24
Quote: انا خريج بيطرة في نفس السنة ونفس الجامعة
زمن عجيب ياخ |
بالله؟؟؟؟
طيب اكيد بتعرف ناس
اللور ومدينق وريينق.....اليك
اكيد اكيد
......نحن ناس المساكن التعاونية
|
Post: #23
Title: Re: صفاً واحد.... خلف الجزائر
Author: Deng Goc
Date: 11-16-2009, 01:32 AM
Parent: #20
Quote:
بحب الجزائر والحب فى زاتو مبرر كافى.... |
بدون كلام
|
Post: #22
Title: Re: صفاً واحد.... خلف الجزائر
Author: Adam Omer
Date: 11-16-2009, 01:31 AM
Parent: #19
الاخ دنيق تحية وسـلام هذا الاقتباس كتبتو فى بوست الاخ صدقى
Quote:
الاخ صدقى تحية وســــــــلام.
الاسم أكيد اسم على مسمى !
صدقى بـــــــــــــــــاشــــــــــــا رئيس وزرا مـصـر الســــابق
نحترم رأيك فى الكاردينال!
بس يا ريت نعرف رأيك فى موضوع حـلايب.
واللة أبدا ما كنت أتخيل ان فى هذا الســـــودان يوجد سودانين يحبو مصر أكثر من.
المصريين . واخذ نموذج أنت وأخوك
المصرى خالص العوض المـسلمى
هل الشقة و الحـسـاب البنكى والدراســـــة و العلاج فى مصر سبب كل هذا الانبطاح الى المصريين؟
انبطاح من قمة هرم السلطة( ماذا أصابكم يا سودانين لماذا كل هذا الانبطاح والزل وهناك قطعة.
أرض عزيزة مغتصبة( بامس وقفت مصر مع تـشـاد دض السـودان, هل نسيت هذا يا صدقى باشا؟
هل أنتم سـودانيون أشك فى ذالك!
وأراكم تمتهنون الليل على أرصفة الطرقات الموبوءة أيام الشـدة
قتلتنا الردة
قتلتنا الردة
قتلتنا الردة
أن الواحد منا يحمل فى الداخل ضدة(مظفر النواب) |
|
Post: #27
Title: Re: صفاً واحد.... خلف الجزائر
Author: طارق جبريل
Date: 11-16-2009, 01:48 AM
Parent: #22
Quote: بالله؟؟؟؟
طيب اكيد بتعرف ناس
اللور ومدينق وريينق.....اليك
اكيد اكيد
......نحن ناس المساكن التعاونية |
يا حبة ديل اصدقاء عدييييييييييييييل
|
Post: #28
Title: Re: صفاً واحد.... خلف الجزائر
Author: Deng Goc
Date: 11-16-2009, 01:54 AM
Parent: #27
بالله؟؟
طيب اكيد لاقيتك يااااخ
الجماعة ديل فى جوبا حسه ....
د.اليك الان فى نيروبى كانت مستقرة فى ابوظبى
......زمن
|
Post: #29
Title: Re: صفاً واحد.... خلف الجزائر
Author: طارق جبريل
Date: 11-16-2009, 01:57 AM
Parent: #28
ياخي ما عايز اخرمج ليك البوست
بس انا دفعتي تحديدا :
ودا ملوال كودي
والبقية اصدقاء
لهم التحية عبرك
|
Post: #30
Title: Re: صفاً واحد.... خلف الجزائر
Author: أمين محمد سليمان
Date: 11-16-2009, 02:05 AM
Parent: #29
Quote: سألنا هذا السؤال في عدة بوستات ولم يجبنا أحد !!!!!
|
جاوبناك يا وليد .
يا عصام ياخي نحن بنحترم رأيك و بنحترمك في عضمتك ، ياخي ما تسئ لينا عشان إختلفنا معاك في رأي !!
|
Post: #31
Title: Re: صفاً واحد.... خلف الجزائر
Author: Deng Goc
Date: 11-16-2009, 02:19 AM
Parent: #30
امين أذيك اول حاجة
رائك شنو فى موقفنا ده ؟؟؟ تاني حاجة
البفهمو من المثل ده يا أمين
"""أنك تستمر فى أحترام زول ....وهو لا يقدرك!!!""
فارجو ان لا تحمل المثل اكثر مما يحتمل
___________________________________
أمين اعترف...أصحابك ما حصل قالو لك كده
وانت مصر على جكس وهى مطنشاااااااك!!
أكيد حصل
|
Post: #32
Title: Re: صفاً واحد.... خلف الجزائر
Author: Deng Goc
Date: 11-16-2009, 02:34 AM
Parent: #31
عصام
قلنا ليك ما تجيب لينا الجلاء
|
Post: #34
Title: Re: صفاً واحد.... خلف الجزائر
Author: Tragie Mustafa
Date: 11-16-2009, 05:40 AM
Parent: #33
حلايب سودانيه
|
Post: #35
Title: Re: صفاً واحد.... خلف الجزائر
Author: Deng Goc
Date: 11-16-2009, 12:00 PM
Parent: #34
طبعا
حلايب
شلاتين
ابورماد
مدن سودانية
تحت الاحتلال المصرى
|
Post: #36
Title: Re: صفاً واحد.... خلف الجزائر
Author: Deng Goc
Date: 11-16-2009, 12:02 PM
Parent: #35
ماعندنا سبب بخلينا ما نقول الحقيقة
ولله انا محتار حتي الان يافطات الزناتي حتكون فيهاشنو؟؟
|
Post: #37
Title: Re: صفاً واحد.... خلف الجزائر
Author: Deng Goc
Date: 11-16-2009, 12:05 PM
Parent: #36
صدقونى الجزائر حيمتعنا فى المونديال
وحتمثل القارة خير تمثيل
|
Post: #38
Title: Re: صفاً واحد.... خلف الجزائر
Author: Deng Goc
Date: 11-16-2009, 12:20 PM
Parent: #37
اتصل بي صديق يبدو انه لم يقرا كلامى
اولا انا لم استنكر تشجيع الاخرين لمصر وهم احرار فيما يروا
انا لن اشجع الفريق المصري
واسبابي عاليه
شجع باسبابك
بس ما تدفن الحقائق !!!!
_______________
ذى حلايب وكده
|
Post: #41
Title: Re: صفاً واحد.... خلف الجزائر
Author: Deng Goc
Date: 11-16-2009, 12:39 PM
Parent: #38
للذين يعتقدون بان الحركة الشعبية عاملة نائمة فى مثلث اليمى
وده اشاعة تحاول ان تروجها المؤتمر الوطنى لاغراض تعلمها هى
الكلام ده ما صحيح
اكيد سمعتوا باالحادثة الحدث قبل شهر وكت اعترضت الجيش الشعبى ضابط اداري كينى
حاول الدخول للمنطقة,,,,بدون تأشيرة !!!
قايلون لعب ولي شنو..؟؟
____________________________
راجعوا ردود الفعل الكينية فى صحفها....قدامك فى النت بس
|
Post: #39
Title: Re: صفاً واحد.... خلف الجزائر
Author: Hisham Ibrahim
Date: 11-16-2009, 12:20 PM
Parent: #37
Quote: الإفريقية والآسيوية إبّان الاستعمار، وكذا حتى مناصرة مصر للحركة الشعبية لتحرير السودان
والدعم المقدم لها سري وعلني...
إنّه من الطبيعي تشجيع ومناصرة مصر للسخاء الذي أظهرته مصر الآن في دعمها لجنوب السودان
في مشاريع الكهرباء والماء ودعمها بشكل عام حكومة الحركة الشعبية لتحرير السودان بالجنوب.
|
دينق يا ود الام
دا كلو عشان عرفوا الحكاية بتاعت الجنوب ماشـه الإنفصال وطبعاً النيل حياة مصر ومصيرها
دا في السياسه :
آلـ فرعون ديل بتاعين مصالحهم بس
ما تغركم حركاتهم دي
بالنسبة للكورة والله انا مع الجزائر قلباً وقالباً
بحب الجزائر وبموت فيها
برجع ليك تاني أكيد يا ود الأم
مودتي
هشام
|
Post: #42
Title: Re: صفاً واحد.... خلف الجزائر
Author: Deng Goc
Date: 11-16-2009, 12:48 PM
Parent: #39
Quote:
بحب الجزائر وبموت فيها |
ده كفاية كده يا هشام
مافى اى تبرير تاني للتشجيع
|
Post: #40
Title: Re: صفاً واحد.... خلف الجزائر
Author: محمد المعتز جعفر
Date: 11-16-2009, 12:24 PM
Parent: #37
والله ليك التحية أخي دينق أسبابك موضوعيةجداً وبالجد انا غايتو بمسك فيها لأنو المسألة كانت عندي بالفطرة بس كده ماداير المصريين يغلبو ،، وعاوز نخرتم دي تنكسر فى أستاد المريخ العظيم، عندهم نظرة دونية للسودانيين، دا شئ مؤكد. مع انو احنا خلاصم الوحيد في حاجات كتيرة،، والله هناك المصريين ديل قلبوا إرهاب سآآآآآآآآاي مارسو عليهم إرهاب الدولة وإرهاب الشعب.
المباراة حتنتهي 2 الجزائر 1 مصر وبتلقوني قاعد في المصاطب الشمالية ولآآآآآآآابس أخضر
تحياتي
ســــــــــوداني
|
Post: #43
Title: Re: صفاً واحد.... خلف الجزائر
Author: Faris Mohamed
Date: 11-16-2009, 12:55 PM
Parent: #40
لا يوجد سبب واحد يجعلنى أشجع مصر
--------------------------------------------------------
ياخ كورة كدا الجزائريين ديل أحرف منهم مافى
*** تحياتى دينق ***
|
Post: #46
Title: Re: صفاً واحد.... خلف الجزائر
Author: Deng Goc
Date: 11-16-2009, 01:08 PM
Parent: #43
بالجد الكورة وفت فكت من هنا....مشت غرب افريقيا
وبرتاح لكورة غرب افريقيا عموما
|
Post: #44
Title: Re: صفاً واحد.... خلف الجزائر
Author: Deng Goc
Date: 11-16-2009, 12:57 PM
Parent: #40
تمام مية المية
وقون المصريين حيكون بلتني
هدية من الحكم وكده
|
Post: #45
Title: Re: صفاً واحد.... خلف الجزائر
Author: محمد كابيلا
Date: 11-16-2009, 12:59 PM
Parent: #4
Quote: إنّه من غير الطبيعي أن أشجع الفريق المصري وهو الآن دولة محتلة لجزء عزيز من وطني
(حلايب ـ شلاتين ـ أبورماد)
|
الأستاذ دينق كوج تحياتى ....
الأسباب أعلاه موش يخليك تشجع الجزائر وبس
ده يخليك تعلن الجهاد فى مصر عديييييييييييييييل كده أو كما قالوا ..!!!
كل الود
محمد كابيلا
|
Post: #47
Title: Re: صفاً واحد.... خلف الجزائر
Author: النذير حجازي
Date: 11-16-2009, 01:15 PM
Parent: #45
يا دينق،
أنا واقف صفاً واحداً لتشجيع المصريين
بعيداً عن السياسة، فقط لأنهم أصدقائي
والمصريين ناس جدعين أووي، وأخو أخوان
ودايماً بقيفوا معاي فى الحارة، وأحبهم
جداً، وعلى الرغم من الإشاعة بتاعت الخليجيين
لبث الكراهية فى المصريين والفلسطينيين والله
أكثر جنسين عربيين أنا بحبهم هم المصريين
والفلسطينيين، وشايفهم ناس ضكرانيين جداً
وناس حارة.
ولهذه الأسباب سأشجع المصريين
|
Post: #49
Title: Re: صفاً واحد.... خلف الجزائر
Author: Deng Goc
Date: 11-16-2009, 01:50 PM
Parent: #47
Quote: يا دينق،
أنا واقف صفاً واحداً لتشجيع المصريين
بعيداً عن السياسة، فقط لأنهم أصدقائي
والمصريين ناس جدعين أووي، وأخو أخوان
ودايماً بقيفوا معاي فى الحارة، وأحبهم
جداً، وعلى الرغم من الإشاعة بتاعت الخليجيين
لبث الكراهية فى المصريين والفلسطينيين والله
أكثر جنسين عربيين أنا بحبهم هم المصريين
والفلسطينيين، وشايفهم ناس ضكرانيين جداً
وناس حارة.
ولهذه الأسباب سأشجع المصريين |
حي لاكين يا الزير اخوى موش تقول لاصحابك الضكرانين ديل
يزحو شوية من واططنا؟؟؟
قول ليهم النصيحة بس .....ما سياسة
__________________
بس برضو عندك حق تشجع ذى ما داير
|
Post: #48
Title: Re: صفاً واحد.... خلف الجزائر
Author: Deng Goc
Date: 11-16-2009, 01:45 PM
Parent: #45
شكرا كابيلا
على المرور
|
Post: #50
Title: Re: صفاً واحد.... خلف الجزائر
Author: Deng Goc
Date: 11-16-2009, 09:02 PM
Parent: #48
الجمهور الجزائري وصل الخرطوم وقامت بتوزيع الاعلام على السودانيين فى الطرقات خاصة من السوق المحلي واركويت
وطافوا على بعض الشوارع
|
Post: #51
Title: Re: صفاً واحد.... خلف الجزائر
Author: زهير الزناتي
Date: 11-16-2009, 09:37 PM
Parent: #50
يا دينق والله نشجع مصر وكان كترتوا المحلبية كمان نشجع المؤتمر الوطني ...
انا خايف يكون معظم الناس البتشجع الجزائر نكاية في المؤتمر الوطني ... يا جماعة دي كورة .. العايز يشجع الجزائر ما في مشكلة والعايز يشجع المصريين برضو مافي مشكلة .. المسألة كورة ليس إلا ... وتعرف أكتر سبب موضوعي في تشجيعك للجزائر (إنه بتحبها سكات كده) ودا كفاية ، الناس البتسيس الرياضة دي حا يجي وقت يلحسوا فيه كلامهم دا ... ولمن فتحت بوست وقلت إنه التصرف بتاع ابوتريكة في التضامن مع غزة في مباراة كرة قدم ما سليم ، في ناس كتار وقفت معاي عشان الموضوع فيهو حماس ما عشان تكون الرياضة هي الرياضة وبس .. والناس القالت لي كلامك ما صاح ولا بد من أن يكون للرياضة دورها في مساندة الشعوب الليلة عايزين يبعدوا الرياضة من السياسة عشان يبرروا تشجيعهم لمصر ... ما علينا نحن في كلام الأحوال بنحاول ناخد موقف مبدئي ضد تسيس الرياضة مهما كانت الاسباب ... وضد وجود جمال الوالي ممثل المؤتمر الوطني في المريخ يا دينق ... وضد كل ممارسات المؤتمر الوطني في مجال الرياضة بشكل عام ... وقوفنا مع الفريق المصري لا يعني بأن أمر حلايب لا يهمنا وفي ناس كتار بتهتف بحلايب وتنادي بالحرب ضد المصريين .. الواحد لو جاهو صداع ساكت يقوم جاري يمشي مصر .. وبيستهلك كل ما تنتجه مصر من دراما وثقافة وغيرها ... إشمعنا الليلة في الكورة بقينا الكلب بيحب خناقه .. كضاب زول يجي يقول ليك انا ما عندي علاقة بمصر ... من الشمال ولا الشرق ولا الغرب ولا حتي الجنوب ... وعليك الله يا دينق كلم الناس ديل لسه حول شنو عملت مصر لأهل الجنوب ، والمعاملة الكان بيلقاها طلاب سوسا من المصريين وانا بعتقد ما قدموه أفضل مئات المرات مما قدمته لهم الحكومات المتعاقبة في الشمال ... وطيلة وجودنا في الزقازيق وفي مصر لم نعامل كأجانب بل نعامل معاملة الطالب المصري وفي كثير من الأحيان أفضل منها ... وكذلك علي مستوي التعامل في الشارع العام أخطاء النظام المصري يجب الا تعمينا عن الحقائق وشنو التشكله مصر في وجدان أي سوداني ... والكلام كتير وممكن أجي راجع تاني ...
ولو قلنا محبة كورة مصر فريقها أفضل من الجزائر وحا تهزمها وتصعد لكأس العالم .. والأسباب عديدة كأسباب بتاعت كورة وليس من شاكلة مصر تحتل حلايب ... يا بتوعين حلايب ...
التوقيع
واحد من كلاب المصريين ....
إتساقاًُ مع المثل القائل (الكلب يريد خناقه) ...
|
Post: #52
Title: Re: صفاً واحد.... خلف الجزائر
Author: أمين محمد سليمان
Date: 11-16-2009, 09:48 PM
Parent: #50
Quote: امين أذيك اول حاجة
رائك شنو فى موقفنا ده ؟؟؟ تاني حاجة
|
دينق يا حبيبنا سلامات و معليش امبارح جيت خاشي توش لعصام جبرالله و ما سلمت عليك فاعفي لينا ...
عاين يا دينق أنا عامل لي بوست كامل شارح فيهو وجهة نظري للموضوع كلو و هي بإختصار كالاتي : من حق أي زول يشجع الفريق الدايرو بسبب أو من دون سبب ، كوره سياسه ، أسباب شخصيه .... أي سبب يخطر علي بالك أو حتي بدون سبب ، الأنا اعترضت عليهو - و ده الأنا بفتكر إنو سبب معظم السودانيين الحا يشجعو الجزائر - كراهيتم لمصر و المصريين النابعه من تنميط ظالم و خاطئ للشعب المصري . السودانيين معظمهم بيكره مصر و المصريين لانو بفتكروهم شعب تافه و ناس ممكن تشتريهم بالقروش ، ناس حبرتجيه و بياعين كلام و ما عندهم مبادي و لا قيم غير القرش ، و ده كلام غير صحيح و ظالم لشعب زيو و زي أي شعب تاني فيهو الصالح و الطالح .
عشان كده يا دينق زي كلامك المتوازن الكتبتو إنت ده ما عندي فيهو كلمه ، من ناحيه موضوعيه ده رايك و ما ظلمت فيهو الناس ديل و لا نمطهم و إستعليت عليهم بالباطل .
Quote: البفهمو من المثل ده يا أمين
"""أنك تستمر فى أحترام زول ....وهو لا يقدرك!!!""
فارجو ان لا تحمل المثل اكثر مما يحتمل
أمين اعترف...أصحابك ما حصل قالو لك كده
وانت مصر على جكس وهى مطنشاااااااك!!
أكيد حصل |
بالنسبه لمثل عصام يا دينق :
أول حاجه لو الكاتب المثل ده ما عصام جبرالله ، والله ولا بجر لي حرف ، في نفس الموضوع ده قالو لي في بوستي و في غيرو :
Quote: والخدم يبتهجون لأعراس سادتهم!!!
|
والله كلامو ما هز شعره واحده في صلعتي لانو زول بال mentality دي و الفهم ده إنت ما بتحسبو ذاتو ، لكن لمن يجيك عصام يكتب كلام زي ده - أخف مليون مره من كلام الخدم - بيوجعني و بيالمني ما للمعني الحرفي بتاع الكلام لانو بالتأكيد عصام ما قاصد المعني الحرفي و إنو كل من يشجع مصر كلب ، لكن لانو بإ يرادو للمثل ده بيوري إنو ما عندو tolerance للزول المخالفو في رايو و دي هي أكبر مشكله بتواجهنا كسودانيين ، إنو البختلف معاك في راي ده يجب أن يقتل و لا يدفن في مقابر المسلمين !
بعدين يا دينق أصحابي ما ممكن يقولو لي المثل ده ، لانو أخوك ما كان في جكس بطنشو !! 
أرقد عافيه
|
Post: #53
Title: Re: صفاً واحد.... خلف الجزائر
Author: esam gabralla
Date: 11-16-2009, 10:59 PM
Parent: #52
يا أمين
ياخى يمكن حاسدك على الجكس ده , أخوك كانو و لا زالو بيعفصو ليهو زى الما حاصل حاجة.
و الله انت و زهير ناس عكاليت و بتاعين لبط بس. يعنى خلاص الموضوع بقي المثل ده؟ اها كان امثالنا بت كلبية اجيب ليكم مثل من وين يوصف الحالة؟ تكترو تقللو بجيب ليكم من امثلة "محسن" عشان تتضايرو بالجد .
يا زهير خلاص تفسير المثل بقي سطرك ده :
| Quote: واحد من كلاب المصريين .... |
معقولة بس؟
و أمين يقول تولارانس للزول المخالفو في رايو!!!! ياخى البخلى كلامك رأى و كلامى انا عدم تولارانس و إنو | Quote: البختلف معاك في راي ده يجب أن يقتل و لا يدفن في مقابر المسلمين |
ليه حقتك قدم و حقتى كراااع؟
و لو عاوزين رأيي الكامل اهو قاعد هنا
كوره و لا سياسة و حاجات تانية؟
اها تعصبكم لى مصر خلاكم تخنقو فينى عديييل
موش الكورة دى؟ ده طرفي منها يا بتاع الزأزيئ و بتاع طناش الجكس .... اللهم لا حسد
|
Post: #54
Title: Re: صفاً واحد.... خلف الجزائر
Author: NEWSUDANI
Date: 11-17-2009, 06:36 AM
Parent: #53
Quote: على كل حال......حتى ينفصل الجنوب سيظل كل السودانيين مسؤلين ومسألين عن احتلال حلايب
بعدين القال ليك منو انو انا ده بخلي ليك او لناس الطيب مصطفى البلد ده؟؟؟؟
|
ياأخوي الناس ديل قايلين القصة رسم حدود والناس تنط الخط ،، ديل حالمين السودان الجديد ده عفريت الفانوس السحري طلع من الفانوس تاني برجعوا الفانوس منو ؟؟؟ السودان will never be the same again
طيب مصطفى ولا غيره ما عليك
خلينا في الكورة يازول الجزائر دي بلد أضافة لدعمها للحركة الشعبية من أول الدول التي حاول الأسلاميين اللعب بنظام الحكم فيها ،، لكن والله أنا خايف عليهم من المباراة لأنه الخرطوم دي مدينة فاسدة مليئة بالفاسدين (دون ذكر أسماء) ،والتحرك اللي متابعه على البعد سيلجأوا لأساليب غير أخلاقية -زي شراء تذاكر ووووو-
بكرة ح.يجي علاء وجمال مبارك ووووووووووو
الله معكم يا جزائريين والنصر لكم
|
Post: #55
Title: Re: صفاً واحد.... خلف الجزائر
Author: محمد النيل
Date: 11-17-2009, 11:57 PM
Parent: #54
شجعوا اللعبة الحلوة.
عشان كدا المباراة الفاصلة عملوها فى دولة محايدة. دى امانة.
من الرقى ان نفصل السياسة من الرياضة
|
Post: #56
Title: Re: صفاً واحد.... خلف الجزائر
Author: Tragie Mustafa
Date: 11-18-2009, 00:09 AM
Parent: #55
Quote: حي لاكين يا النزير اخوى موش تقول لاصحابك الضكرانين ديل
يزحو شوية من واططنا؟؟؟
قول ليهم النصيحة بس .....ما سياسة |
عسل بس انت يا دينق(ههههه)
Quote: شجعوا اللعبة الحلوة.
عشان كدا المباراة الفاصلة عملوها فى دولة محايدة. دى امانة.
من الرقى ان نفصل السياسة من الرياضة |
العزيز محمد النيل
المشكله الارض ما محايده
دي حكومتنا عاملها باحه(حوش) خلفيه لمصر!
يعني مصر جايه باحساس هي في ارضها
عشان كده القرعه كانت مشغوشه.
|
Post: #57
Title: Re: صفاً واحد.... خلف الجزائر
Author: محمد النيل
Date: 11-18-2009, 01:41 AM
Parent: #56
اخت تراجى مصطفى
انا بقصد قانون اللعبة بيعتبرنا ارض محايدة وليس قانون السياسة.
سياسيا نحن ضد صلف السياسيين المصريين لاحتلالهم ارضنا.
وشعبيا المصريين والجزائريين متساوين فى نظرنا والرياضة نشاط شعبى.
ونحنا كان شجعنا الجزائر عشان كعوبية حكام مصر, كدا بنكون بنطعن الفيل فى ضُلُّه.
ونكون خنا امانة الحياد وظلمنا الشعب المصرى اللى نحن وهم ذاتهم ما رضيانين بظلم حكومتهم ومغلوبين على امرهم.
والجماهير السودانية مشهورة بتشجيع اللعبة الحلوة.
ول رايك شنو؟
يكون جميل لو ختيت ليك علم مصرى جنب الجزائرى دا.
ثم تانيا ما حلوة فى حقنا.
المصريين اختارونا وعشموا فينا نقوم نكسر بخاترم؟
على الاقل ما نشجع ضدهم ولامعاهم
وبرجع واقول اللعبة الحلوة بس
|
Post: #58
Title: Re: صفاً واحد.... خلف الجزائر
Author: hanouf56
Date: 11-18-2009, 03:29 AM
Parent: #57
انا خلف مصر حتي النهاية
ما حبا في المصرين ولكن اعجابا وتقديرا للاعبي المنتخب المصري ولمدربهم القدير
عارف انا وواحد صاحبي لامن الجزائر جابت 7 نقاط قنا انو خلاص ... مصر تشرب ما تروي ...
الوضع كان كالاتي الجزائر 7 نقاط ومباراتين في الجزائر والاخيرة خارج الجزائر (في مصر) فحسابيا 7 +6 = 13 ضمن التأهيل
مصر 4 نقاط ولديها مباراتين خارج مصر والاخيرة في مصر مع الجزائر ... قنا في احسن افتراض يتعادلو في واحد ويفوز في التاني يبقي 4+1+3 = 8 .... ويكونو ركبو التونسية
في الوضع المحرج دا ... انتفض المنتخب المصري وقدر يفوز في المباراتين الخارجيتن وبقي عندو 10 نقاط ...
والجزائر كذلك حققت الفوز في المباراتين في ارضها وبقت عندها 13 نقطة
ولاني قت انو مصر (تشرب ما تروي ) وهم اثبتو لي وللعالم انهم علي قدر التحدي انا معاهم
ياخي دي دروس مجانية في العزيمة والاصرار ....
شفت كيف !!
يعني انا مع مصر لاني كنت متابع موقف المجموعة ومهتم بيه
عليك الله كدي شوفي لي كم نفر في الناس الفوق ديل عارفين انو الموقف كان كيف في المجموعة دي !!!؟؟
وبخصوص المباراة ... ليه في مباراة فاصلة في المجموعة دي !!!؟؟
كدي شوف ضيوفك البقو بشجعو الجزائر واله مصر ساي مع الجوطة الحاصلة الايام دي
روقو في علبكم ... وخليكم مع بنين و وحبيبنا (شدو)
|
Post: #59
Title: Re: صفاً واحد.... خلف الجزائر
Author: Tragie Mustafa
Date: 11-18-2009, 03:37 AM
Parent: #57
محمد النيل شكرا لك يا اخي على ردك المهذب
Quote: اخت تراجى مصطفى
انا بقصد قانون اللعبة بيعتبرنا ارض محايدة وليس قانون السياسة. |
ولكني صدقني الجزائرين مظلومين بهذا الاختيار
هم فاكرنها كوره ونحن عارفنها سياسه وسداد جميل
ومحاولة شغل عن الانتخابات وغيرها....يبقى
مافي زول ضائع في الفيم ده كله غير ناس الجزائر وناس حلايب.
| Quote: سياسيا نحن ضد صلف السياسيين المصريين لاحتلالهم ارضنا. |
شكرا لك لتثبيت هذه النقطه واتفق معك فيها.
| Quote: وشعبيا المصريين والجزائريين متساوين فى نظرنا والرياضة نشاط شعبى. |
واتفق معك ايضا في هذه.
يفترض هي نشاط شعبي ولكن تستغلها بعض الحكومات الدكتاتوريه لشغل الراي العام وصرفه
عن تحدياتهم الحقيقيه وفي هذا حكومتي مصر والسودان متشابهتان.
| Quote: ونحنا كان شجعنا الجزائر عشان كعوبية حكام مصر, كدا بنكون بنطعن الفيل فى ضُلُّه. |
لا يا الحبيب ما اتفقنا في دي نشجع الجزائر شعبيا عشان نستعدل ميل الحكومه سياسيا لمصر.
Quote: ونكون خنا امانة الحياد وظلمنا الشعب المصرى اللى نحن وهم ذاتهم ما رضيانين
بظلم حكومتهم ومغلوبين على امرهم. |
بتفق معاك في انه الشعب المصري مظلوم
ولكن ما بتفق معاك في انه تشجيع الجزائر خيانه لهم.
Quote: والجماهير السودانية مشهورة بتشجيع اللعبة الحلوة.
ول رايك شنو؟ |
الجماهير السودانيه مغلوبه على امرها
واحتكرت اصصفوة مصادره قرارها حتى كرويا.
| Quote: يكون جميل لو ختيت ليك علم مصرى جنب الجزائرى دا. |
في المشمش!! وده تعبير مصري وقع لك؟؟
Quote: ثم تانيا ما حلوة فى حقنا.
المصريين اختارونا وعشموا فينا نقوم نكسر بخاترم؟
على الاقل ما نشجع ضدهم ولامعاهم
وبرجع واقول اللعبة الحلوة بس |
يازول انت صدقته؟؟ّّّّ!!
اولاد بمبه ديل بتعرفهم قايل روحك احسن مننا...ديل نحن عاننهم وخابزنهم زي ما بيقولوا.
قال نكسر بخاطرهم
وقال ايه عشموا فينا!!
يازول اصحى ديل شايفننا سواقينهم وطباخينهم ليوم الدين اصحى يا بريش.
|
Post: #60
Title: Re: صفاً واحد.... خلف الجزائر
Author: محمد النيل
Date: 11-18-2009, 03:59 AM
Parent: #59
| Quote: يازول اصحى ديل شايفننا سواقينهم وطباخينهم ليوم الدين اصحى يا بريش. |
لا إنت الظاهر عليك يا تراجى شايلة فى خاترك خالص منهم حكومة وشعبا.
احتمال تكونى عارفاهم احسن منى. انا غايتو ما بعرف عنهم كتير.
وانا اتمنى انو الاحسن فيهم كرويا يروح و يمثل شمال افريقيا والعرب فى كاس العالم دا الاهم.
وعليه انا بقول نوم يا بريش بضمير مرتاح
|
|