ابوالسيد في شنو ؟؟؟ تسمع لي في كلام عمو وهبة لمن يوديك التوج ..
Post: #8 Title: Re: تالت بوست ... وآخر حب Author: السيد المسلمي Date: 11-15-2009, 04:11 PM Parent: #4
Quote: ابوالسيد في شنو ؟؟؟
في أشواق ياحاج
.. ممكون وصابر !
Post: #5 Title: Re: تالت بوست ... وآخر حب Author: السيد المسلمي Date: 11-15-2009, 03:53 PM Parent: #1
والله يا جماعة بعد موجة الفرح الحاصلة اليومين دي بالمنبر العام وربنا يهني العرسان ويتمم ليهم يارب اها ابوالسيد قال يجرب حظو وقلت احسن ابدا بالبوست وبعدين العروسة على بكري
..
.. والله كتبت البوست دا ومتعشم في الاخوات خير وخصوصا بوردابيات الخارج تحياتي
Post: #14 Title: Re: تالت بوست ... وآخر حب Author: السيد المسلمي Date: 11-15-2009, 04:31 PM Parent: #11
Quote: تحت تحت شوف لي اخوك معاك
كباشي الله يدينا ويديك
Post: #15 Title: Re: تالت بوست ... وآخر حب Author: علاء الدين صالح Date: 11-15-2009, 06:50 PM Parent: #14
السيّد أخوي ما عافي مِنَّك ياخي لَفَحتَ العنوان دة من خشمي لفِح المُهِم زي ما كُنّا بِنقول ونِحنا سُغار
شرييييييييكَك
Post: #16 Title: Re: تالت بوست ... وآخر حب Author: علاء الدين صالح Date: 11-15-2009, 07:05 PM Parent: #15
أنا قُلتها بِصراحة لعزيزنا تمبس في بوست التهنئة وفي التلفون قُلتَ ليهو يا تِمبس: مكانَك القديم في العُزوبية لن يكون شاغِراً.. أنا حأتحكَّر ليك فيهو
Post: #17 Title: Re: تالت بوست ... وآخر حب Author: علاء الدين صالح Date: 11-15-2009, 07:11 PM Parent: #16
وقُلتَ ليهو، بعَد خطوبتَك خلّيتنا نحِس (بالتانية) تهِز كل كيانّا ورجَّعت فينا روح الشباب أصلو زمان لمّن خطَبنا لا كان في سودانيز أون لاين لا موبايلات
Post: #18 Title: Re: تالت بوست ... وآخر حب Author: علاء الدين صالح Date: 11-15-2009, 07:15 PM Parent: #17
يا بكري.. يا ريتَك كُنتَ عملتَ المِنبَر سنة 97 يا ريتَك كُان دوّبتَ اعصاب الناي في كاس وسقيتَك
هسّا ما فاتنا كتير
Post: #19 Title: Re: تالت بوست ... وآخر حب Author: علاء الدين صالح Date: 11-15-2009, 07:29 PM Parent: #18
بعد ما قريت تلميحات دينا خالِد في بوست التهنئة لمّن قالت لى تمبِس (يرشِّح) ليها إتنين تِختار منّهُم واحِد.. جريت للحلاّق سبَّغتَ باقي الشَعَر والشَنَب كُلّو على فِكرة الحلاّق إستفزّاني شديد وحاسبني بِعشَرة ريال بس على كُل السِبغة والحِلاقة وانا زمان كُنتَ بَدفع 60
Post: #22 Title: Re: تالت بوست ... وآخر حب Author: علاء الدين صالح Date: 11-15-2009, 07:38 PM Parent: #19
تمبس دة تلميذي وإطلاقاً ما حأتصوَّر إنّو ما حيختارني واحِد من المُرشّحين الإتنين بتاعين دينا خالِد
Post: #21 Title: Re: تالت بوست ... وآخر حب Author: عبدالوهاب علي الحاج Date: 11-15-2009, 07:32 PM Parent: #18
2009 - 1997 = 12 الـ 12 سنة دي يا علاء لا تساوي شيئاً في تاريخ الشعوب مش الاخ برضو شعبي ولا انا غلطان رش يا عمك واطرح جبينك وارمي بياضك وخش عشان خالك يجي خاشي وراك
___ من الدفتر شديد الخصوصية لـ ام جركم و محاولاتها اليائسة لمجازفة خريف آحر
Post: #23 Title: Re: تالت بوست ... وآخر حب Author: علاء الدين صالح Date: 11-15-2009, 07:46 PM Parent: #21
Quote: - 1997 = 12 الـ 12 سنة دي يا علاء لا تساوي شيئاً في تاريخ الشعوب مش الاخ برضو شعبي ولا انا غلطان رش يا عمك واطرح جبينك وارمي بياضك وخش عشان خالك يجي خاشي وراك
وهبة المُهِم** والناس جميع ما تهِمَّني عاد يا خال نقعُد مُربِّعين يدّينّا كِدة لى متين؟ لى متين بس قول ليْ؟
أنا حأرُش ساكِت؟ الليلة غايتو يا غِرِقـ يا جيت حازِما
**ليك وحشة
Post: #24 Title: Re: تالت بوست ... وآخر حب Author: علاء الدين صالح Date: 11-15-2009, 08:17 PM Parent: #23
على برَكة الله.. نبدأ حملتنا الإنتِخابية مشيت قلَّبتَ ألبوم القيرل فريند بتاعتي لقيت الصورة دي من أيّام الجامعة.. فقرّرتَ إنّها تكون صورة الدعاية الإنتِخابية
Post: #25 Title: Re: تالت بوست ... وآخر حب Author: علاء الدين صالح Date: 11-15-2009, 08:27 PM Parent: #24
إلى فيصل الرشيد وكُل الفِرَد عايزكُم تخُتّو صورتي الفوق دي في بروفايلاتكُم وتمشوا تَنتَشِروا في بوستات الله الواسعة دي
فيصَل: ما تنسى زول في المِنبَر إلاّ تسلِّم عليهو وتبوس ايديهو لووووووول
Post: #26 Title: Re: تالت بوست ... وآخر حب Author: علاء الدين صالح Date: 11-15-2009, 08:35 PM Parent: #25
أنا الآن المُرشَّح الوحيد سيِّدنا شكلو كِدة إنسَحَب ما قُلتَ ليك يا المسلّمي أنا مُرشَّح خمسة قلوب حجم عائلي يعني
Post: #35 Title: Re: تالت بوست ... وآخر حب Author: Yassir Tayfour Date: 11-16-2009, 07:32 AM Parent: #25
Quote: إلى فيصل الرشيد وكُل الفِرَد عايزكُم تخُتّو صورتي الفوق دي في بروفايلاتكُم وتمشوا تَنتَشِروا في بوستات الله الواسعة دي
___
قلت لي الوصيَّة بالمهلة يا علاء!
Post: #43 Title: Re: تالت بوست ... وآخر حب Author: السيد المسلمي Date: 11-16-2009, 09:31 AM Parent: #35
يا السيد دايرلك ماسنجر ستة شنكل ......والباسويرد دق معاهو وطواط ازرق...و إرق مهبة....
Post: #28 Title: Re: تالت بوست ... وآخر حب Author: علاء الدين صالح Date: 11-15-2009, 08:48 PM Parent: #27
Quote: تقلو السنارات شوية ...السمك الكبار تحت...
صارقيل شنو يا عوض الله يا اخوي؟ نِحنا بِنجبِّد بالهمبُرغر ودونات دانكن دونتس الصارقيل دة كُنّا بِنجبِّد بيهو زمااااان في غابة السُنُط
Post: #29 Title: Re: تالت بوست ... وآخر حب Author: علاء الدين صالح Date: 11-15-2009, 08:58 PM Parent: #28
يا دكتور جمال الباقِر عليك الله كان ما جيت خاشِّي ما تلاوِز.. الليلة ما ورديتي دة بوست حُبُّ وفانِلّة وكاب من دخلَهُ فهو آمِن الرسول كان تبطِّل متاوَقة وتجي خاشّي وإلاّ حأنزِّل صورتَك هِنا كمُرشَّح مُنافِس
وإنتَ عارِفني أنا بعمَلا . . . واحِد
Post: #31 Title: Re: تالت بوست ... وآخر حب Author: علاء الدين صالح Date: 11-15-2009, 09:04 PM Parent: #29
مُش لو قفَلتَ موبايلَك . . إتنين . . ما تخلّيني أضطَّرّا أنزِّل ليك بوست تهنئة واخُت تلفونَك.. ..... بوردابيين (دكتور جمال & ) أخلّي بكري هسّا يضرَب يبارِك ليك
حنين يا بلد اذيك السيد المسلمى الشافتو عينى ده صغير ما اظن يكون متزوج عشان كده بتكلم بالفم المليان وما عامل خط رجعه السيد كلامى فى محلو ولا انا غلطانه تحياتى
Quote: حنين يا بلد اذيك السيد المسلمى الشافتو عينى ده صغير ما اظن يكون متزوج عشان كده بتكلم بالفم المليان وما عامل خط رجعه السيد كلامى فى محلو ولا انا غلطانه تحياتى
لا يا فتحية يا اختي غلطانة.... السيد ماشاء الله بي عيالو ربنا يحفظهم لكن الظاهر الحمى البوردابية لطشتو قام يهضرب ،،، اها خلينا يا امي يهضرب اخير هضربة البوستات.... ههههههههههههههههه
قابلت السيد في زيارتي للسودان ااي هو صغير لكن ماشاء الله مسؤول ومحمول،،،،،
معليش يا السيد مادايرة ابور ليك سوقك لكن انا النسوان ديل مابرضى فوقهم ولا حتى الهزار....
فتحية دي اول مرة نتداخل مع بعض ازيك...
Post: #33 Title: Re: تالت بوست ... وآخر حب Author: علاء الدين صالح Date: 11-15-2009, 09:19 PM Parent: #32
Quote: السيد كلامى فى محلو ولا انا غلطانه
الأخت فتحيّة تحيّات طيّبات غايتو ما عارِف لكن السيّد زي العِندو مُشكِلة في البيت لأنّو مُقفِّل موبايلو.. وما مِن عوايدو باكِر صباحاتو بُيُض يا ردّ عليكي يا كلَّف واحِد من الأخوان
احترامي
Post: #34 Title: Re: تالت بوست ... وآخر حب Author: العوض المسلمي Date: 11-16-2009, 07:16 AM Parent: #33
صاحب البوست وين فر؟؟ حكاية البوست محروس وسيده مشتت ..
Post: #36 Title: Re: تالت بوست ... وآخر حب Author: عفاف الصادق بابكر Date: 11-16-2009, 07:44 AM Parent: #34
Quote: من ناحية اخري لا ننكر ان المنبر اليومين دي ودي خالص ..
ود الزين .. كيفنك تعرف والله بقيت من الصباح اول شيء اعمله المنبر .. عشان يومي يبداء بالفرح .. ياخ الحزن عصرنا شديد الفتره الفاتت .. ربنا يديم الافراح للجميع انشاءالله ..
Post: #37 Title: Re: تالت بوست ... وآخر حب Author: عفاف الصادق بابكر Date: 11-16-2009, 07:47 AM Parent: #36
Quote: والله كتبت البوست دا ومتعشم في الاخوات خير وخصوصا بوردابيات الخارج تحياتي
السيد يا اخوي .. قول يالطيف ... وخت الرحمن في قلبك .. وهدئ اللعب
Post: #38 Title: Re: تالت بوست ... وآخر حب Author: عفاف الصادق بابكر Date: 11-16-2009, 07:49 AM Parent: #37
Quote: شاحدة ربي يا السيد المدام تشوف البوست ده ويسحبوا منك الباسوورد.....
حنين يا أختى أن بقت على الباسوورد هينه .. كعب يقع هنا الباسووووووووووووووووووووووب
Post: #46 Title: Re: تالت بوست ... وآخر حب Author: السيد المسلمي Date: 11-16-2009, 09:53 AM Parent: #38
الأخت عفاف الصادق
Quote: السيد يا اخوي .. قول يالطيف ... وخت الرحمن في قلبك .. وهدئ اللعب
يالطيف ، لكن أهدي اللعب .. مابقدر أوعدك تحياتي
Post: #47 Title: Re: تالت بوست ... وآخر حب Author: HAIDER ALZAIN Date: 11-16-2009, 09:55 AM Parent: #36
سلامات يا عفاف الصادق ..
Quote: تعرف والله بقيت من الصباح اول شيء اعمله المنبر .. عشان يومي يبداء بالفرح .. ياخ الحزن عصرنا شديد الفتره الفاتت
البورد بقي مواسم موسم احزان وتلقيهو يتوشح بالسواد كم يوم نسأل الله ان لا يعيدها وموسم كورة وهزائم تقيلة وموسم مشاكل وعكات .. وموسم انتخابات ..
الايام دي موسم الفرح والحب نتمني ان يدوم ويدوم ويجعله الله من اطول المواسم متصلاً بالعيد وما بعده
تقديري
Post: #45 Title: Re: تالت بوست ... وآخر حب Author: السيد المسلمي Date: 11-16-2009, 09:48 AM Parent: #32
Quote: لا يا فتحية يا اختي غلطانة
الأستاذة فتحية سلامات ياخ ومنورة والله ، أرجو ألا تلتفتي الي محاولات حنين لتشتيت الكورة عن البوست ، قالت هضربة قالت ،
ـــ
Post: #44 Title: Re: تالت بوست ... وآخر حب Author: السيد المسلمي Date: 11-16-2009, 09:34 AM Parent: #27
Quote: يا السيد دايرلك ماسنجر ستة شنكل ......والباسويرد دق معاهو وطواط ازرق...و إرق مهبة....
عوضالله أخوي ركز لي علي إرق المهبة دا بالله أخوك حالتو مهببة .
Post: #42 Title: Re: تالت بوست ... وآخر حب Author: السيد المسلمي Date: 11-16-2009, 09:28 AM Parent: #18
Quote: يا ريتَك كُنتَ عملتَ المِنبَر سنة 97
يازول إنت محكوم عليك من التسعينات ! لاحولالالالا ، علي كدا أنا بدفعك فرق إعادة تأهيل ، إنت شوية وتركب مع عمك وهبة في سرج واحد .
ــ نحو شراكة عادلة لوووووووووووووووووول .
Post: #40 Title: Re: تالت بوست ... وآخر حب Author: السيد المسلمي Date: 11-16-2009, 09:23 AM Parent: #15
Quote: شرييييييييكَك
علاء ياخوي الشراكة دي لازم تكون زكية لووووووووووووول عشان لزوم التكتيك وكدا ،
ــ ماتبقي زي شراكة الحركة الشعبية
Post: #41 Title: Re: تالت بوست ... وآخر حب Author: Tabaldina Date: 11-16-2009, 09:27 AM Parent: #40
اللللله يا وهبة لي سنين ماشفت صورة ضواية زي صورة البت دي...فيها بريق عيون ماقابلني قريب مليانة فرح بالدنيا، رغم الظروف...وفيها انشراح بسمة تشرح القلب الحزين...بالجد You made my day
* ياريتني لو فيني ربع الرضا الفي ست الصورة دي..
Post: #81 Title: Re: تالت بوست ... وآخر حب Author: محمد عبد الماجد الصايم Date: 11-16-2009, 11:12 PM Parent: #77
ممكن أهـــدي البوسـت دا يا عمكـ؟
لكن الضحكـ شارطني في الخال من ناحية والأنثى من ناحية تانية .. ياخ دردقة السنين!
يا حاااااااااااااج
Post: #86 Title: Re: تالت بوست ... وآخر حب Author: سارة علي Date: 11-16-2009, 11:50 PM Parent: #81
انا بوريكم اجابة السؤال.. انثي يعني يكون عندها عيون زي ديل..
واضان وحلق زي حقين منال..
Post: #87 Title: Re: تالت بوست ... وآخر حب Author: محمد عبد الماجد الصايم Date: 11-16-2009, 11:58 PM Parent: #86
ما أظن!
Post: #88 Title: Re: تالت بوست ... وآخر حب Author: أمين محمد سليمان Date: 11-17-2009, 01:52 AM Parent: #87
والله يا أخوانا حيرتوني ! أنا والله بلتخ ساي ما عارف منو شنو و صورتو وين ! بعدين دخول ود الصايم جهجه لي دفاعاتي وو شتت لي تركيزي و في صور نزلت و شي عيون مغتغته و شي صور بتاعت أخت - أنا متاكد إنها ما حنين - و بعداك سيدنا يحذرني من منال ، و العمليه جاطت جدا و بقيت ما عارف منو مع منو و ماشين وين !
بالنسبه للسؤال يا سيدنا خليتو كلو كلو ، ما داير أعرف ذاتو أنثي يعني شنو ! و عشان حذرتني من منال ، أنا من يوم الليله منال دي زولتي و كلامها كلو صاح و خصوصا بتاع الأنثي ده . و كيتا فيك و في حنين : لمنال الياسمين و لكم الرماد ! و يا منال تقبلي أشواقي التي لا تعرفين !
Post: #89 Title: Re: تالت بوست ... وآخر حب Author: حنين للبلد Date: 11-17-2009, 03:15 AM Parent: #88
Quote: و يا منال تقبلي أشواقي التي لا تعرفين
هههههههههههههههههههه
Post: #90 Title: Re: تالت بوست ... وآخر حب Author: Tabaldina Date: 11-17-2009, 07:30 AM Parent: #89
.. . اجابة خطأ..
__________
دور بينا الولد دا ..
Post: #91 Title: Re: تالت بوست ... وآخر حب Author: العوض المسلمي Date: 11-17-2009, 07:40 AM Parent: #89
بوست موفق ويستحق المتابعة ومن ثم الضحك بلا توقف ,, امين وحنين وساره ووهبه والسيد ومنال , يااااااخ ده فيلم بس ,, ودالصايم اتخارج يا فردة فليس لك بين العشاق مكان , ولا شنو يا خال ؟؟؟
Post: #92 Title: Re: تالت بوست ... وآخر حب Author: منال Date: 11-17-2009, 07:50 AM Parent: #91
لي ناس كده
فقط ...يختار الله من عباده... الانقياء
حسى انا ممكونة وصابرة
هل من اعتراض ؟؟؟؟؟
فقط اترفق بنفسى النقية ....
Post: #93 Title: Re: تالت بوست ... وآخر حب Author: سارة علي Date: 11-17-2009, 07:57 AM Parent: #92
تبلدينا..
Quote: اجابة خطأ..
وانتا شن عرفك يا الفالح؟؟ كمان بثقة(إجابة خطأ)..
طيب جاوب لينا انتا؟؟؟
وجواب نهائي.. عامل تلفونك الماسكو اربعة وعشرين ساعة دة ــــــــــــــــــــــــ تلفون الدلاقين
Post: #98 Title: Re: تالت بوست ... وآخر حب Author: Tabaldina Date: 11-17-2009, 09:47 AM Parent: #93
.. . يا جماعة البوست دا .. محدد العضوية ..!!؟
Quote: وانتا شن عرفك يا الفالح؟؟ كمان بثقة(إجابة خطأ)..
هى دى دايره ليها عرفه.. ومن فالح :) يعنى جمال عيون _ الأنثى_ دا يغبانا.. بالغت ولا نكون ما سمعناباحلى الكلام لغة العيون وولا حتى تكتلنى العيون السود .... يا ستى .. والله بهوى العيون السوداء واحب سمار في خدودا حد عيونك عني لغة العيون قاتلاني ..
Quote: طيب جاوب لينا انتا؟؟؟
دى ما بجاوبوها يا سرور دى بعيشوها بالإحساس ..
اما حلق منال دا .. كوم براهو .. كمااان ______ BTW تلفون الدلاقين دا بالمناسبة عندو القدرة على الإتصال بالساحل الشرقي ..
Post: #103 Title: Re: تالت بوست ... وآخر حب Author: السيد المسلمي Date: 11-17-2009, 10:42 AM Parent: #98
Quote: اما حلق منال دا .. كوم براهو .. كمااان
Post: #94 Title: Re: تالت بوست ... وآخر حب Author: Faisal Elrasheed Date: 11-17-2009, 08:07 AM Parent: #92
Quote: حسى انا ممكونة وصابرة
هل من اعتراض ؟؟؟؟؟
فضفضي يا امي فضفضي هو في زول بقدر يعترض ..
ود الصايم ووهبة بالله اتخارجو لينا من الحته دي .. انتو ناس لا تعرفون معني انثي عشان كده ما بتنفعو معانا ..
ود المسلمي الله يدينا خيرك ..بقيت تجيبه بي عجاجه
Post: #95 Title: Re: تالت بوست ... وآخر حب Author: عبدالوهاب علي الحاج Date: 11-17-2009, 08:16 AM Parent: #94
Quote: ود الصايم ووهبة بالله اتخارجو لينا من الحته دي ..
وخرج من البوست في ساعته وتاريخه وقفل الباب بوراهو وقرر عدم الرجوع حتى يفطر !!
Post: #96 Title: Re: تالت بوست ... وآخر حب Author: السيد المسلمي Date: 11-17-2009, 09:05 AM Parent: #95
ــ بالله ياأمين كلم صاحبك علاء الدين صالح قوليهو ابوسيد قال ليك قوم لف قال شراكة قال !
Post: #99 Title: Re: تالت بوست ... وآخر حب Author: السيد المسلمي Date: 11-17-2009, 10:10 AM Parent: #94
Quote: ود المسلمي الله يدينا خيرك ..بقيت تجيبه بي عجاجه
ياحماعة الخير كلمو الزول دا ! جبتها ليك بي حنانه .. مش بي عجاجه فيصل ياخوي الفلم دا حاااااار عليك ! فدحين أرعوي يازول وخليك عاقل ، والله تخش فيك منال دي شمال .. إلا توديك التجاني الماحي إذا ماكان أحمد شرفي طبعاً لووووووووووووووووووووووووول ـــ اشواق كميات .
Quote: فيصل ياخوي الفلم دا حاااااار عليك ! فدحين أرعوي يازول وخليك عاقل ، والله تخش فيك منال دي شمال .. إلا توديك التجاني الماحي
المسلمي يا ولدي
خالك سواق بطاحات ..الاتوس بنقدر عليه
سجن سجن غرامة غرامة
Post: #113 Title: Re: تالت بوست ... وآخر حب Author: السيد المسلمي Date: 11-17-2009, 06:19 PM Parent: #109
Quote: المسلمي يا ولدي
خالك سواق بطاحات ..الاتوس بنقدر عليه
ودالرشيد ! أتوس شنو ياعمك ؟!!
ـــ قندرااااااااااااان ياعمك
Post: #97 Title: Re: تالت بوست ... وآخر حب Author: صلاح حمد Date: 11-17-2009, 09:33 AM Parent: #5
الأخ / السيد المسلمي تحية طيبة شكرا على هذا البوست الرائع ، وإن شاء الله يجعل لينا فيهو الخير طبعا مثل هذه المواضيع تبدأ بالمزح وبعدين الموضوع يصبح جد جد ،
ملاحظة : - الأخ / السيد المسلمي وكمان الأخ / علاء الدين صالح باين عليهم جادين . . المهم نحنا جاهزين لأي مساعدة وربنا يديم الأفراح .
Quote: والله كتبت البوست دا ومتعشم في الاخوات خير وخصوصا بوردابيات الخارج
الأخ السيد المسلمي - كلنا متعشمين خير في ناس الداخل والخارج . البوست دا يستحق الرفع - هل من مثني ؟ ولكم ودي
صلاح حمد
Post: #100 Title: Re: تالت بوست ... وآخر حب Author: Tabaldina Date: 11-17-2009, 10:20 AM Parent: #97
.. .
Quote: فيصل ياخوي الفلم دا حاااااار عليك ! فدحين أرعوي يازول وخليك عاقل ، والله تخش فيك منال دي شمال .. إلا توديك التجاني الماحي إذا ماكان أحمد شرفي طبعاً لووووووووووووووووووووووووول
حححححححححححححى انا من اللعبة االحلوة انا الاسكرو البجى بفووق دا بعجبنى ..
_______
يلا يا نوبي ارفع رأسك واضرب هيدد..
قال شنو ... فى MSN ..!!؟
Post: #102 Title: Re: تالت بوست ... وآخر حب Author: السيد المسلمي Date: 11-17-2009, 10:35 AM Parent: #100
Quote: حححححححححححححى انا من اللعبة االحلوة انا الاسكرو البجى بفووق دا بعجبنى ..
والله تابلدينا الود دا قلنا نديهو النصيحة عشان بعدين مايلومنا ساهي ،
ـــ وكان مامصدقني بالله عليك ياتبلدينا أسأل عمك وهبة وقال الماعندو شاهد كضاب .
Post: #101 Title: Re: تالت بوست ... وآخر حب Author: السيد المسلمي Date: 11-17-2009, 10:28 AM Parent: #97
الأخ صلاح
Quote: الأخ / السيد المسلمي تحية طيبة شكرا على هذا البوست الرائع ، وإن شاء الله يجعل لينا فيهو الخير طبعا مثل هذه المواضيع تبدأ بالمزح وبعدين الموضوع يصبح جد جد ،
ملاحظة : - الأخ / السيد المسلمي وكمان الأخ / علاء الدين صالح باين عليهم جادين . . المهم نحنا جاهزين لأي مساعدة وربنا يديم الأفراح
ياريت ياصلاح الناس تصدقنا زيك كدا ويعرفو نحن جادين قدر كيف ؟ مش زي ناس سارة وحنين ! شغالين معانا بي نظرية .. إن لم تصلح فضر لوووووووووول
ـــ لكن ياخوي وضح لينا مساعدتك الداير تقدمها دي عشان نكون علي علم يعني
Post: #111 Title: Re: تالت بوست ... وآخر حب Author: سارة علي Date: 11-17-2009, 05:57 PM Parent: #110
اها يا المسلمي.. طمني...
الحمي خفتا.. ولا اديك الحقنة بسرعة..وشكلك محتاج الجرعة.. ـــــــــــــ مع الاعتذار لمحمد هنيدي..
Post: #112 Title: Re: تالت بوست ... وآخر حب Author: أمين محمد سليمان Date: 11-17-2009, 06:16 PM Parent: #111
Quote: وهنا تختلط نفوسنا ومساماتنا ......
يعني يا منال أخت ليك في القلوب و أشواقي التي لا تعرفين و امبارح ما نمت بالليل و تجي تقولي لسيدنا نفوسنا و مساماتنا ؟!! الله مسامتك بالتقفلها ليك ! والله قصه لكن !
Quote: يعني يا منال أخت ليك في القلوب و أشواقي التي لا تعرفين و امبارح ما نمت بالليل و تجي تقولي لسيدنا نفوسنا و مساماتنا ؟!! الله مسامتك بالتقفلها ليك ! والله قصه لكن !
يا امراة هى انا اننى كل انثى فى عشقى وفرحى وحزنى
ان كنت تستطيع ان تخرج مابداخلى فلك اشواقى التى لاتعلم (وقع ليك ؟)
Post: #114 Title: Re: تالت بوست ... وآخر حب Author: السيد المسلمي Date: 11-17-2009, 06:24 PM Parent: #111
سرورة
Quote: الحمي خفتا.. ولا اديك الحقنة بسرعة..وشكلك محتاج الجرعة
هي يايمة هووووووي حالتنا دي جرعة ماظنيت تجيب فيها نتيجة ! نحن ناس عناية مكثفة عديييييييييييل .
ــ أشواقي التي لاتعلمين
Post: #116 Title: Re: تالت بوست ... وآخر حب Author: سارة علي Date: 11-17-2009, 06:45 PM Parent: #114
مداخلاتك يا المسلمي التقول فاكي فيها العاب نارية...
توجوج سااااااااي ــــــــــــــــــ كجينتي التي تعلم
Post: #115 Title: Re: تالت بوست ... وآخر حب Author: السيد المسلمي Date: 11-17-2009, 06:26 PM Parent: #110
Quote: ياكبكابة
ودأبارو هالة سأبة
ـــ غايتو جنس غايتو
Post: #121 Title: Re: تالت بوست ... وآخر حب Author: أمين محمد سليمان Date: 11-17-2009, 08:28 PM Parent: #115
Quote: ان كنت تستطيع ان تخرج مابداخلى فلك اشواقى التى لاتعلم (وقع ليك ؟)
منال يا أختي : لا إله إلى الله ! لا تخرجي ما بداخلي و لا أخرج ما بداخلك : كل زول يطلع البداخلو براهو ولا يخليه مرزوع في محلو !!! لكن زول يطلع لزول ما بداخلو دي ما معانا ! بعدين بالشافتو عيوني ديل الفي داخلك ده ما بمرق باخوي و أخوك ، داير قرايه تقيله جدا ، و من هنا بناشد سيدنا إنو بالله في نفس العربيه المارقه موديه العوض الحله عشان يقرو ليه ، سوقو معاكم منال ينوبكم ثواب و عارفك والله إنت و الطيب ما بتقصرو !!
----- حنين الحقَّاره ، قالو ليك :
Quote: يا امراة هى انا اننى كل انثى فى عشقى وفرحى وحزنى
يعني هي كل أنثي و إنتي و الباقيين قاعدين ساي ! فبالله عليك سوقي الباقيين وأمشي اقعدو بعيد مننا خلونا نشوف الإناث ديل قصتم شنو !
Post: #123 Title: Re: تالت بوست ... وآخر حب Author: أمين محمد سليمان Date: 11-17-2009, 08:38 PM Parent: #122
تنويه و تنبيه
في حاله أي كركبه بين منال و حنين : أعلن إنحيازي التام و الغير مشروط لمنال ، تطلع أنثي ساخنه ، أنثي بارده ما شغلتي . حنين و الأشياء القاعده ساي : بالله إتخارجو لينا ، القصه دي كبرت جدا و بالجد بقيت أشفق عليكم !!
في حاله أي كركبه بين منال و حنين : أعلن إنحيازي التام و الغير مشروط لمنال ، تطلع أنثي ساخنه ، أنثي بارده ما شغلتي . حنين و الأشياء القاعده ساي : بالله إتخارجو لينا ، القصه دي كبرت جدا و بالجد بقيت أشفق عليكم !!
بالله انتي وال 55 اي الخال هدوو لينا اللعب شوية ، معانا هنا برالمة وناشئين واولاد صغار ومن حرمهم الله من الانوثة وتبعاتها زي العبد لله فبشويش بشويش علينا...محو الامية مابتدبى من الماجستير...حبة حبة طيب...وابعدي لينا من الكدايس والجريوات يا منال خلي اليوم ده يعدي على خير...سمح
Post: #132 Title: Re: تالت بوست ... وآخر حب Author: أمين محمد سليمان Date: 11-17-2009, 09:09 PM Parent: #129
Quote: والله عشان كلامك ده انا حأهديك اغنية بعد شوية...
غنية شنو يا القاعده ساي إنتي ! منال محتاجه سوره البقره بصوت الشيخ السديس !
Quote: والله عشان كلامك ده انا حأهديك اغنية بعد شوية...
تسلمى انتى وعاصم البنا ... ولا هى الاغنيه لمنو ؟؟
Quote: بس عندي رجاء لو سمحتي..
من عيونى
Quote: بالله انتي وال 55 اي الخال هدوو لينا اللعب شوية ، معانا هنا برالمة وناشئين واولاد صغار ومن حرمهم الله من الانوثة وتبعاتها زي العبد لله فبشويش بشويش علينا...محو الامية مابتدبى من الماجستير...حبة حبة طيب...وابعدي لينا من الكدايس والجريوات يا منال خلي اليوم ده يعدي على خير...سمح
والله كلامنا ده عااااادى ياحنين ماشايفه فيهو مايخجل البرالمة
كيفك حنين وشوق بحر والله ,,, شايفك والخال والسيد مدورين ومسخنين ,, قلت ابعد شوية عن الاجواء السخنه دي كفاية علينا البلد اتملت جزائرين وبتكلموا فرنسي وبس
Post: #143 Title: Re: تالت بوست ... وآخر حب Author: أمين محمد سليمان Date: 11-17-2009, 10:32 PM Parent: #142
Quote: قلت ابعد شوية عن الاجواء السخنه دي
تبعد وين يا ممكون إنت ؟! !
----- بالله يا العوض اتخارج و سوق معاك حنين و فيصل و الناس المساهره دي ، عندي كلام إستثنائي مع انثي إستثنائيه!
Quote: يا حنين الحلق إستثنائي ، لكن الإضنين ما إستثنائيات
سجمنا بعد الإجتهادات دي كلها
* صحي الأضان دي مالها كبيرة كدة ، فكرك ده من الداونلوود بتاع بكري، ولا خلقة الله؟؟؟
Post: #148 Title: Re: تالت بوست ... وآخر حب Author: أمين محمد سليمان Date: 11-17-2009, 11:09 PM Parent: #147
Quote: صحي الأضان دي مالها كبيرة كدة ، فكرك ده من الداونلوود بتاع بكري، ولا خلقة الله؟؟؟
داون لود شنو يا القاعده ساي ؟ هو إنت قالو ليك ما أنثي إستثنائيه من هين ؟! خلقه ربنا دي كمان دايريين تسببوها في أب صلعه المسكين ده ؟!! بالجد بقيت أشفق عليك !
Post: #150 Title: Re: تالت بوست ... وآخر حب Author: HAIDER ALZAIN Date: 11-18-2009, 09:23 AM Parent: #148
دشنة وخشنة عافاك الله...
لانه المثل بيقول عربية ماعربيتك ماتحفظ أرقامها...
وش ميت من الخجل...
