حفرة دخان ... ( يوجد طلح وفركة قرمصيص ) !!!

دا كلام دا !

هل ثمن أن تكون أديب هو التحلي عن الحياء !!؟

Quote: عرفة بت الطاهر لو تعلمون .. كانت مـرَة مشهورة بالجيهة للدرجة الجابت ليها النجيهة والحسادة من باقي نسوان حلة ورا ! النسوة اللائي ينطبق عليهن لفظ البشتنة والجوباك ! لم تمنعني حداثة سِنِّي من إبداء إعجابي الشديد بها , وهي تقطع المسافة من بيتهم الواقع علي بعدِ جدعة حجر من رامي لا يجيد التصويب، إلي دكان الجّزُر بتاع عمك فضل المولي ! كل عشرة خطوات كانت بمشية مختلفة ، وهي تقدِل زي وزينة تريانة( وتريانة) لمن لم يسمعوا بها تعني سمينة أوشبعانة والله تعلم ! أو تتصنّع الخِفّة تارةً أخري و تترك مؤخرتها التي كانت تدرك قوة مغنطيسا تفعل ما تفعل بقدامي الصعاليك المساخيت الذين يلاحقونها وهم يرددون شل أجِب موبيل توتال شل أجِب موبيل توتال

Quote: أما عن صديقتي التي كانت طابقة البوخة فيما مضي من سالفِ العرس و الدخان ! تطلب من النسوان البولّعن حفرة الدخان في عصراً قريب الغيبة مراعاة حقوق الإنسان و الجيران وحسن أولئك رفيقا من العزّابة الغلابة التعابةوالذين هم عن نسائهم ساهون و أبن السبيل !وبتطالب ذوات الثدي اللائي يلقين بأجسادهن إلي تهلكة الحفرة تجنّب كل أنواع الطلح والشاف و بخور الكّبّريت والصندلية الأصلية ! أما رش غرف النوم بالمحلب وموية الورد فذلك رجسٌ من عملِ العرسانِ فأجتنبوه!

من هنا خُمرة و حِنّة و دلكة و حفرة دُخان ...( توجد فِركة قرمصيص) !

.

Quote: هل ثمن أن تكون أديب هو التحلي عن الحياء !!؟

وعلى اى اساس انت حكمت على كده؟؟؟

هل لما بها من مدلولات وإيحاءات جنسية؟

ما يهوداك المرحوم الطيب صالح كتب اكتر من كده


الموضوع اكتر من عادى يا حبيب

Quote: وعلى اى اساس انت حكمت على كده؟؟؟ هل لما بها من مدلولات وإيحاءات جنسية؟ ما يهوداك المرحوم الطيب صالح كتب اكتر من كده

يعني إنت ياهيثم شايف إنو دي كتابة عادية جداً
ومافيها أي حاجة !؟
ياحبيب الطيب صالح كاتب وأديب مرموق بعرف كيف يطوع الحرف ويحول مدلولات الكلمة
الي شئ في منتهي الإبداع والإمتاع ،
بعدين مافي مقارنة بين كتابات الطيب صالح ومايكتبه البعض هنا من ساقط القول ،

ــ
وافر الود

إحترامي للأخ حبيب نورة ،
لكن هل نحن وصلنا الي هذا المستوي !
هل نفذ معين الأدب من الكلام الجميل حتي تمطرنا بهذا الكم الهائل من شاكلة الذي كتبت ،
هل نلقي بإرثنا الثقافي الجميل الحصيف في سلة القمامة .

ياخ والله ماحبيت أخرب عليك بوستيك ،
عشان ماتتهمني عايز أحرفو وما إلي ذلك ،

لكن حقيقة وإنت زول كتاب جداً .. أستغربت أن تكتب بوست بهذه السخافة
وعدم الموضوعية ،

Quote: أما ود الرضي خليناهُ علي اللانام ولا أكل الطعام وهو يقول طابق البوخة قام ندا يهتِّف نام من الدوخة إيدوا عاقباهُ جدلة مملوخة في معالق الجوف موسو مجلوخة ! أما صديقتي ( قادر الله) إنتي يا الكبرتوك والبنات فاتوك الله يصبرك يختي وخليك من راي ماما دومة وتنظيراتا التقدمية في النسوان أمات حفرة دخان وقولي ليها الكديسة لمن ما تقدر تحصل اللبن في المشلعيب بتقول بِس عفِن !!!

شي عجيب والله .

عجيب والله أمر هذا المنبر ،
ياخ بوست من يوم التلاتة شغال ،
شي خمرة وشي حفرة دخان وشي حنة !

وكل المتداخلين معاهو .. علي شاكلة
كما عودتنا دائماً !
وشكراً علي الإبداع !

ــــ
أنا حبيب نورة ماعندي فيهو كلام ..
لكن البكتب فيهو دا كلام فاااااارغ .

Quote: فأنالا أذكر أحداً سلم علي عرفة ما شمّ إيدوا بعد المصافحة مباشرةً !

ايه السقوط دا...


انتا ما سمعتا بي البوست بتاع حمى الرقص بالمؤخرات


منتهى الاسفاف وقمة قلة الادب..


انا ما عارف الناس ديل عندهم اخوات؟؟ واذا عندهم اخوات ممكن يخلوهم يقروا بوستاتم



اما قلة الادب مع الانبياء .. وتحريف القراءن فحدث ولا حرج



















..

شاف ولا ماشاف

معاوية عوض الكريم
شكراً علي المرور

ــ
الأخ حزيفة ..
أرجو أن لا تخرجنا عن مسار البوست ،
وزي ماقلت فوق ..
حبيب نورة أخو مافيهو كلام ..لكن البكتب فيهو دا شئ مخجل ومؤسف جداً .

Quote: انا ما عارف الناس ديل عندهم اخوات؟؟ واذا عندهم اخوات ممكن يخلوهم يقروا بوستاتم

الاخ حذيفة
بى كلامك ده انت بتسيئ لكل الاخوات الاعضاء الموجودين فى سودانيز اون لاين
لسه انتو فى قصة انو الراجل يقراء والمرة لا؟؟؟؟؟؟؟؟؟

قمة الجندر والتخلف

عزيزي السيد المسلمي ,,
لو زي كلام ود نورة ,, كتبوها شيوخ دين بكون رايك شنو ,,,,,



___ ___

Quote: لو زي كلام ود نورة ,, كتبوها شيوخ دين بكون رايك شنو ,,,,,

الأخ عمار
شيخ دين شنو البكتب كلام زي دا !؟
قال شيخ قال !!!!

Quote: الاخ حذيفة بى كلامك ده انت بتسيئ لكل الاخوات الاعضاء الموجودين فى سودانيز اون لاين لسه انتو فى قصة انو الراجل يقراء والمرة لا؟؟؟؟؟؟؟؟؟ قمة الجندر والتخلف

الاخ ضرار


تحياتي




هناك عبارات يمكن ان نتداولها في مجتمعنا الذكوري ..


ولكن ذات العبارات لايمكن ان نعرض بها بالقول امام نسائنا,,, حتى لو كانت هي اقرب مرأة اليك وهذه هي قيمنا الاسلامية و السودانية



والمبر العام هو متاح للجميع فمن الواجب ان لا نخرج عن اللياقة والذوق العام وليس كل نا يعرف يقال وليست












..

Quote: والمبر العام هو متاح للجميع فمن الواجب ان لا نخرج عن اللياقة والذوق العام

شكراً لك اخي حزيفة .

السيد المسلمي

بكل اسف شيوخ الدين كتبوا اكثر من كده ,,,
كدي شوف ليك كتاب كتابين من كتب الشيوخ القدام وشوف ,,,,,