Post: #1 Title: مع الجــــزائـــر حتي المونديال ... Author: Amany Elamin Date: 11-12-2009, 08:09 AM Parent: #0
حتشجع الجزائر يوم السبت؟ حتشجع الجزائر في السودان؟ ليه؟ لأنك بتحب الجزائر جدا زيي ؟ وللا لأنك ما بتحب المصريين أبدا (زيي برضو)؟
طيب يللا خلينا مع الجزائر حتي المونديال ..
Post: #2 Title: Re: مع الجــــزائـــر حتي المونديال ... Author: Amany Elamin Date: 11-12-2009, 08:16 AM
مع أرض المليون شهيد نشجعكم ونشد من أزركم .. معكم في مصر .. ومعكم في السودان ..
و لا للفراعنه ..
Post: #3 Title: Re: مع الجــــزائـــر حتي المونديال ... Author: فايزودالقاضي Date: 11-12-2009, 08:21 AM Parent: #2
من اجل حلايب والنوبة ..نعم للجزائر ...
ومريخنا حديد ..
Post: #6 Title: Re: مع الجــــزائـــر حتي المونديال ... Author: Amany Elamin Date: 11-12-2009, 08:30 AM Parent: #3
الأخ فايز ود القاضي:
Quote: من اجل حلايب والنوبة ..نعم للجزائر ...
من أجل الجزائر.. وهران.. قسطنطينه.. وسيدي بالعباس .. ومقام الشهيد: خلف المنتخب الجزائري حتي المونديال ..
Post: #175 Title: Re: مع الجــــزائـــر حتي المونديال ... Author: قسم السيد الحاردلو Date: 11-16-2009, 09:06 PM Parent: #3
بعيداعن اى ترسبات المنتجب الجزائري احق بالموازرة والتشجيع حتى التأهل لان المنتخب الجزائرى اكثر انتظاما ومهارة وقدرة على المنافسة فى جنوب افريقيا
معا لمؤازة الجزائر
Post: #4 Title: Re: مع الجــــزائـــر حتي المونديال ... Author: Amany Elamin Date: 11-12-2009, 08:23 AM Parent: #2
تقع في شمالي أفريقيا على ساحل البحر المتوسط، تحدها المغرب من الغرب وجمهوريتي مالي وموريتانيا من الجنوب الغربي والنيجر من الجنوب الشرقي ومن الشرق ليبيا وتونس ومن الشمال البحر الأبيض المتوسط.تبلغ مساحة الجزائر 2,381,741كم2 وهي ثاني أكبر بلد أفريقي من حيث المساحة بعد السودان. كما يبلغ عدد السكان حوالي 30 مليون نسمة.
ـ الاسم الرسمي: الجمهورية الجزائرية الديمقراطية الشعبية. ـ العاصمة: الجزائر. ديموغرافية الجزائر ـ عدد السكان: 31736053 نسمة. ـ الكثافة السكانية: 13 نسمة/كلم2.
ـ عدد السكّان بأهم المدن: ـ الجزائر العاصمة: 992 2581 نسمة. ـ وهران: 109 820 نسمة. ـ قسنطينة: 135 723 نسمة. ـ سطيف: 857 798 نسمة. ـ تيزي وزو: 327 506 نسمة.
ـ الإجمالي: 66,6%. ـ الرجال: 77,5%. ـ النساء: 55,7%. ـ اللغة: اللغة العربية هي اللغة الرسمية، واللغة الأمازيغية (البربرية) هي وطنية إلى جانب استعمال اللغة الفرنسية بالإضافة إلى لهجات بربرية.
Post: #5 Title: Re: مع الجــــزائـــر حتي المونديال ... Author: فايزودالقاضي Date: 11-12-2009, 08:24 AM Parent: #4
Quote: وهي ثاني أكبر بلد أفريقي من حيث المساحة بعد السودان
لغاية 2011م
Post: #8 Title: Re: مع الجــــزائـــر حتي المونديال ... Author: Hisham Osman Date: 11-12-2009, 08:38 AM Parent: #5
اماني..تحياتي
انا مابقدر اقول وماداير اصرح..لانو خطيبتي مصرية واتعلمت تتابع المنبر
ده, وبعدين جنها زرزرة, .............
مع الخيانة حتي المونديال
Post: #16 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:16 AM Parent: #8
الأخ هشام عثمان:
Quote: مع الخيانة حتي المونديال
اهداء لخطيبتك مع التحيه:
Post: #11 Title: Re: مع الجــــزائـــر حتي المونديال ... Author: Amany Elamin Date: 11-12-2009, 08:55 AM Parent: #5
.الجزائر .. تاريخ .. حضارة .. مجد أمة
الجذور الأولى لتاريخ الجزائر
في 950 سنة ق.م هزم الأمازيغ فراعنة مصر القدامى واعتلى زعيمهم شيشناق للعرش الفرعوني بعد هزيمته لرمسيس الثاني غير أن معظم الباحثين يرجح أن شيشناق تمكن من الوصول إلى الكرسي الفرعوني بدون أي مقاومة وبإستسلام الفراعنة آنذاك ... انشاء الله التاريخ يعيد نفسه
دلت الحفريات التي عثر عليها في الجزائر (الطاسيلي والهقار) على تواجد الإنسان في أرض الجزائر
قبل أزيد من 500.000 سنة ( أي من العصر الحجري )
ثم تطورت حضارات إنسانية بدائية مختلفة في الشمال: حضارة إيبيرية-مغاربية (13.000-8.000 ق.م) حسبما دلت عليه الآثار التي
تم العثور عليها بالقرب من تلمسان، تلتها حضارة قفصية (نسبة إلى الفترة التي قامت فيها حضارات مشابهة في قفصة بتونس
(7.500 إلى 4.000 ق.م) بالقرب من قسنطينة، بالإضافة إلى حضارات أخرى في مناطق متفرقة من الصحراء.
Post: #13 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:12 AM Parent: #5
أمثله لمشاهير جزائريين:
الأمير عبد القادر الجزائري (سيدي عبدالقادر) فارس السيف والقلم .. هواري بومدين.. جميله بو حريد ..
حسيبه بولمرقه .. أحلام مستغانمي .. خديجه بن قنه ..
Post: #7 Title: Re: مع الجــــزائـــر حتي المونديال ... Author: هواري نمر Date: 11-12-2009, 08:34 AM
مع الجــــــــــــــزائر
ليس حب في الجزائر و لا كرها في مصر.....
ولكنها كرة القدم.... اعشق لعب دول المغرب العربي.. احب لعبهم.. استمتع بي كرتهم....
شكرا جزيلا يا أماني وتحياتي و احترامي........
Post: #9 Title: Re: مع الجــــزائـــر حتي المونديال ... Author: حافظ حسن ابراهيم Date: 11-12-2009, 08:42 AM Parent: #7
لا هذا و لا ذاك يا أماني رأيك شنو؟
أماني الجميلة سلامات و انشاء الله طيبة
Post: #10 Title: Re: مع الجــــزائـــر حتي المونديال ... Author: omer osman Date: 11-12-2009, 08:49 AM Parent: #9
Post: #12 Title: Re: مع الجــــزائـــر حتي المونديال ... Author: ارصد محمد جلال Date: 11-12-2009, 09:05 AM Parent: #10
مصر
يااخت بلادي الشقيقة.. ان شاء الله 2- صفر للفراعنة والفاصلة في الرد كاسل وبعد داك اللي يفوز يفوز
تحياتي
Post: #15 Title: Re: مع الجــــزائـــر حتي المونديال ... Author: حيدر حسن ميرغني Date: 11-12-2009, 09:16 AM Parent: #12
سلامات يا اماني الجماعة اختاروا بلدنا والقرعة ماخيبت ظنهم لازم نكرم وفادتهم
Post: #25 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:35 AM Parent: #15
الصديق حيدر حسن ميرغني:
Quote: الجماعة اختاروا بلدنا والقرعة ماخيبت ظنهم لازم نكرم وفادتهم
ياسيدي لو علي الكرم فحيكرموهم اخر كرم, وما بعيد لو فازوا الريس يديهم تاني عربات
لكن ياحيدر نحن لو عندنا كوره عندهم حيشجعونا؟
Post: #23 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:31 AM Parent: #12
أهلا يا أرصد:
Quote: ان شاء الله 2- صفر للفراعنة والفاصلة في الرد كاسل
انشـــــــاء الله .. عشان نشجع الجزائر في الخرطوم ..
Post: #14 Title: Re: مع مصر حتي المونديال ... Author: OSMAN SAYED MOHAMED Date: 11-12-2009, 09:14 AM Parent: #10
اي نعم المصريين حايطلعوا لينا فوق راسنا اكتر من ما هم طالعين و حتقوم الحكومه بتاعتنا ( حكومة السودان) تكرمهم و تديهم دم قلبنا الماخداهو ضرائب و جبايات و نفايات من اجل الكسب ( الكذب) السياسي
لكن يا اخواننا المصريين ديل اقرب لينا من الجزائر ب 1000 مره اكتر ناس ممكن يفيدونا هم المصريين ... و اذا لا قدر الله حصلت مصيبه من مصائب الدهر ما عندنا درب نمشي بيهو و ليهو الا من خلال مصر
وبس كدا
Post: #18 Title: Re: مع مصر حتي المونديال ... Author: عمر الفاروق Date: 11-12-2009, 09:20 AM Parent: #14
ست البوست فتحتو رياضي وقلبتو تاريخ وهرررررتكم بي قوقل..والله الا تطيروا الليلة .. للدنيا والعالمين بوست زي ده ومناسبة زي دي مفروض مواضيعها تكون كلها من عينة الأخضر بلومي وشريف الوزاني ورباح مادر ومناد .. يا حليلكم يا جنابو عمر تشيلو وتقولوا مصر تفوز والجزائر تفوز وست البوست حا تجي اسة تسمع ليكم المليون شهيد نفر نفر..
Post: #21 Title: Re: مع مصر حتي المونديال ... Author: omer osman Date: 11-12-2009, 09:25 AM Parent: #18
Quote: يا حليلكم يا جنابو عمر تشيلو وتقولوا مصر تفوز والجزائر تفوز وست البوست حا تجي اسة تسمع ليكم المليون شهيد نفر نفر..
جاهزين ياعمك ..... عندي قائمة شهداء مصر من زمن ناس تحتمس واخناتون ...... لغاية شهداء اكتوبر 1973م
Quote: للدنيا والعالمين بوست زي ده ومناسبة زي دي مفروض مواضيعها تكون كلها من عينة الأخضر بلومي وشريف الوزاني ورباح مادر ومناد
ياسلااااام .. طيب انت ما تفتح بوست واكتب عن الجماعه الحافظهم ديل ..
مش برضو فكره؟
Post: #29 Title: Re: مع مصر حتي المونديال ... Author: Muna Khugali Date: 11-12-2009, 09:46 AM Parent: #14
مصر..مصر..تحيا مصر!
معاكي لآخر الدنيا..
أما بعد.. ازيك يا أماني..
حلايب فرط غيها نظام الخرطوم.. يبقي معقول تزعلي من مصر وما تزعلي من الفرط فيها؟؟ اسه زي ما هاتشجعي الجزائر لأنك ما بتحبي مصر.. حقو تورينا..هاتصوتي للبشير الفرط في الأرض ولا لأ؟؟
.......... ..........
بعدين مصر ده مافي أشهر منها.. صحيح الجزائر أرض المليون شهيد في حرب التحرير.. لكن مصر دي أرض الملايين من الشهداء.. من زمن الفراعنة ونهاية بحرب العبور.. أما بقي عن المشاهير.. فعندك نوبل ونجيب محفوظ وزويل.. ياربي محتاجة أقول عبد الناصر وأم كلثوم والسباعي وعبد الحليم ...اييييه لو كتبت ربعهم ..السيرفر يشتكي! يارب يجي يوم نفخر بالعندنا بدل ما نفخر بالعند الناس التانية:p:p
اما بقي اسمها فقد ورد في القرآن الكريم.. وضمت ارضها الأزهر الشريف الذي اسسه الفاطميين.. وبها جامع الحسين أحد أبرز المزارات بعد الأراضي المقدسة والقدس ربما.. والسيدة زينب والسيدة عائشة وكتير يا أماني!
وجامعاتها..خرجت لينا اجيال في السودان..عليك الله في كام واحد سوداني اتخرج من الجزائر؟؟ مش كده..هو ذاتو في كام واحد جزائري اتخرجوا من الجزائر::p p
وخليك من الاتخرجو.. اسة ناس الكورة ديل ذاتهم كان وقفوا اتكلموا معاك بلهجتهم ساكت بتغهميهم؟؟ هاتي معاك قاموس لهجة محليه وآخر فرنسي علشان تقدري تتفاهمي معاهم:p :p
يللا ندعي.. الاهي اشوفك يامصر كسبانة وفوق عاليه لو لعبتي أحلي.. ويارب تلعبي احلي علشان أماني تتغاظ وتقعد تهري في نفسها من الغيظ هي والمعاها..
أنا جاية أحضر المباراة ومعاي مسجل فيه غنا لمصر:p :p
وأغني معاهم في حبهم لبلدهم.. يا أحلي اسم في الوجود..يا مصر.. مصر..مصر..تحيا مصر!
Post: #50 Title: Re: مع مصر حتي المونديال ... Author: Amany Elamin Date: 11-12-2009, 10:49 AM Parent: #29
الملكه مني خوجلي: وحاتك تاريخ مصر ده كرهونا ليهو في مسلسلاتهم الكتيره ومسيخه دي .. مني ياخ الدنيا دي كلها عندها تاريخ لكن ما فاقعين بيهو الناس كده .. مش أهراماتهم دي عندنا زيها والنوبيين البنوها أصلهم من السودان؟ أها نحن اهراماتنا قربت تقع زول شغال بيها مافي ههههههه
وهو زويل ده أخد جائزة نوبل وهو قاااعد في مصر؟
يامني الناس ديل أنا ماااااا بريدهم أصلو ..
--- المهم تعالي الخرطوم لو جونا ومعاك مسجلك .. حتلقينا شايلين الشعار ده: احترامات وسلامات يا غاليه ..
Post: #32 Title: Re: مع مصر حتي المونديال ... Author: Amany Elamin Date: 11-12-2009, 09:51 AM Parent: #14
الأخ عثمان سيد محمد:
Quote: لكن يا اخواننا المصريين ديل اقرب لينا من الجزائر ب 1000 مره اكتر ناس ممكن يفيدونا هم المصريين ... و اذا لا قدر الله حصلت مصيبه من مصائب الدهر ما عندنا درب نمشي بيهو و ليهو الا من خلال مصر
مع احترامي لوجهة نظرك ..
خلينا مع حب الجزائر أحسن, احترامي ..
Post: #56 Title: Re: مع مصر حتي المونديال ... Author: OSMAN SAYED MOHAMED Date: 11-12-2009, 11:08 AM Parent: #32
سلامات يا ست اماني
يعني الجزائريين الهامييهم سواد عيونا .... حصل يوم في حياتك سمعتي انو الجزائر قالت بغم في حاجه تخص السودان؟؟؟
و لا في اي حاجه بتربطنا بيهم علي ارض الواقع ( سيبي حكاية اللغه و الدين و جامعة الدول العربيه دي) لكن مصر ارتباطنا بيها كبير جدا
كدي انسالك سؤال مشيتي مصر ولا لأ؟؟؟ و كم مرة؟؟؟ و نفس السؤال مشيتي الجزائر ولا لأ؟؟ و كم مره؟؟ حتلقي روحك مرتبطه بمصر بصورة شبه الزاميه
من ناحية كوره الفريقين ما ساهلين لكن مصر افضل مهاريا و تكتيكيا و اكبر دليل فوزها بكاس الامم الافريقيه الاخيره... المنتخب المصري بيلعب بحماس و غيره قل ان توجد لدي منتخب عربي... بيلعبو باسم بلدهم بالجد مش عشان حبة قروش ولا عشان يشوفوهم السماسره بتاعين اللعيبه عشان يبيعوهم للفرق الاوربيه...
الجزائريون حمقي و سريعي الغضب مما يجعلهم يتصرفون بتهور قد يستغله المصريين في مصلحتهم ... فوزهم علي مصر في مباراة الذهاب كان نتاج صدفه و روحهم المعنويه كانت عاليه شويه لكن هذا لا يعني انهم الافضل... هم اشبه بالمنتخب السوداني يوم في السماء لامن تتكيف في حنانك زاتو و تقول يا ارضي اتهدي ما حدش قدي، و يوم في الواطه لامن تكره مازدا و اليوم المسكو المنتخب زاتو
Post: #60 Title: Re: مع مصر حتي المونديال ... Author: Amany Elamin Date: 11-12-2009, 11:53 AM Parent: #56
أهلا أخ عثمان سيد مره تانيه:
Quote: كدي انسالك سؤال مشيتي مصر ولا لأ؟؟؟ و كم مرة؟؟؟ و نفس السؤال مشيتي الجزائر ولا لأ؟؟ و كم مره؟؟ حتلقي روحك مرتبطه بمصر بصورة شبه الزاميه
ياسيدي مشيتهم الاتنين .. وبحب الجزائر :) البعد الجغرافي عن بلاد المغرب العربي خلتنا متباعدين عنهم ثقافيا وسياسيا, مع انهم بيشبهونا في حاجات كتيره, مصر دي مش نحن مرتبطين بيها , مصر رابطانا .. و يحلنا الله يا أخ عثمان .. بعدين مصر ماليه الفضائيات و اعلامهما موجه للسياحه والترويج ليها بصوره لاتضاهيها فيها دوله أخري في المنطقه (لأنه الموضوع بالنسبه ليهم أكل عيش), ونحن مستلبين ثقافيا ومشدوهين بيها بدون وعي ..
من ناحية كوره المنتخب الجزائري ما في زول اتوقع ليهو انو يصل للوصل ليهو ده, لأنه كانت بتواجهه صعوبات عديده, وعملوا المستحيل ووصلوا ونحن معاهم للنهايه ..
مع أشبال سعدان, رفقاء زياني,
الخضـــــــــر
Post: #20 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:23 AM Parent: #10
جنابو عمر عثمان ازيك:
هديه للمنتخب المصري :
Post: #19 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:21 AM Parent: #9
أهلاااا أخي حافظ : مالك ياحافظ؟ ما حتشجع افريقيا في المونديال ..؟
كويس انك ما مع الفراعنه .. في مثل مصري مضحك بيقول : قال يا فرعون ايه فرعنك؟ قال ملقيتش حد يردني ..
انشاء الله الجزائر ترد الفراعنه وتمثلنا في المونديال .. بس انت قول امـــــــــين ..
شرفت البوست ..
Post: #17 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:19 AM Parent: #7
أهلا بالأخ الصديق هواري:
Quote: ولكنها كرة القدم.... اعشق لعب دول المغرب العربي.. احب لعبهم.. استمتع بي كرتهم....
وانا كمان ..
يللا خلينا معاهم حتي المونديال ..
Post: #24 Title: Re: مع الجــــزائـــر حتي المونديال ... Author: عمر الفاروق Date: 11-12-2009, 09:32 AM Parent: #17
مين يراهن البوست ده حا ينتهي بي : ذكرياتي مع الجزائر وايام لن انساها في وهران ..
Post: #27 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:39 AM Parent: #24
طيب عشان ما تزعل:
وعليكم السلام ..
Post: #28 Title: Re: مع الجــــزائـــر حتي المونديال ... Author: سامية حسين Date: 11-12-2009, 09:40 AM Parent: #24
ازيكم انا مع الاتنين
Post: #53 Title: Re: مع الجــــزائـــر حتي المونديال ... Author: Amany Elamin Date: 11-12-2009, 10:58 AM Parent: #28
ساميه حسن :
Quote: انا مع الاتنين
واحد بس فيهم حيصعد ياساميه .. الجزائر انشاء الله تشرف افريقيا وترفع راسها في المونديال, زي ماغانا رفعت راسنا في مونديال الشباب ..
Post: #26 Title: Re: مع الجــــزائـــر حتي المونديال ... Author: HAIDER ALZAIN Date: 11-12-2009, 09:38 AM Parent: #17
كراهة في ربيع ياسين وحسام حسني وتؤامه اسامة حسني .. ( بكره لعب المصريين ديل كلهم )
فقلوبنا ودعواتنا معك يا الجزائـــر .. ومنتصرة باذن الله
ولنحي الجزائري الجميل دا :
صورة روجيه ميلا خلال كاس العالم 1986م
Post: #30 Title: Re: مع الجــــزائـــر حتي المونديال ... Author: عمر الفاروق Date: 11-12-2009, 09:46 AM Parent: #26
حيدر الزين : الصورة لمغني البوب الشهير حماده بت ..
Post: #35 Title: Re: مع الجــــزائـــر حتي المونديال ... Author: HAIDER ALZAIN Date: 11-12-2009, 09:56 AM Parent: #30
اها يا عمــر الفاروق جابت مغالطة كمان في حمادة بت ..
تراهم حمادة وحسن غرزة في صورة تذكارية باستديو الرشيد في عطبرة سنة 1967م عقب النكسة مباشرة :
Post: #31 Title: Re: مع الجــــزائـــر حتي المونديال ... Author: Maawya Hussein Date: 11-12-2009, 09:47 AM Parent: #26
للتزكير فقط
مصر اختارت السودان في حال قيام مباراة فاصله والجزائر اختارت تونس ..وبعد حسم القرعه لصالح السودان (استاد المريخ) كنب الجزائريون عن ملعب المريخ
Quote: ستاد فرشة وبربي منشوفوهش ان شاء الله كامل لخطرش اليتاد يعاون مصر
Quote: نشالاه نربحو فمصر خطاك السوادنة راهم مع أخت ادنيا
Quote: شكراا لك صراحة السودان قريب لمصر المفروض في بلد غير عربي احسن
Quote: ستاد فرشة وبربي منشوفوهش ان شاء الله كامل لخطرش علابيها غادي نعطوكم 2-0 إن شاء الله
Post: #33 Title: Re: مع الجــــزائـــر حتي المونديال ... Author: عمر الفاروق Date: 11-12-2009, 09:53 AM Parent: #31
Quote: ستاد فرشة وبربي منشوفوهش ان شاء الله كامل لخطرش اليتاد يعاون مصر
بختك اهو جاتك فيييييييييي حتتك ترجمي ترجمي..
Post: #36 Title: Re: مع الجــــزائـــر حتي المونديال ... Author: طلحة عبدالله Date: 11-12-2009, 09:56 AM Parent: #33
المصري عمهم وحارق دمهم ولا كذب (رئيسي في الشغل مصري )
Post: #45 Title: Re: مع الجــــزائـــر حتي المونديال ... Author: Amany Elamin Date: 11-12-2009, 10:23 AM Parent: #36
هلا يا طلحه:
Quote: (رئيسي في الشغل مصري )
طيب اكتب لينا مداخله تانيه بعدين من البيت يمكن تشاركنا حب "الخضر" يا طلحه .. محاربي الصحراء ..
Post: #40 Title: Re: مع الجــــزائـــر حتي المونديال ... Author: كمال مبارك Date: 11-12-2009, 10:09 AM Parent: #31
Quote: ليس حب في الجزائر و لا كرها في مصر.....
ولكنها كرة القدم.... اعشق لعب دول المغرب العربي.. احب لعبهم.. استمتع بي كرتهم....
هذه هو التشجيع المثالى لكرة القدم
كرة القدم لعبه جماهيريه تجمع الضد ،،، ويتساوى فى فرحتها الجميع دون القاب
خمس مليون سودانى مقيمين بصورة دائمه هذا غير الذين يذهبون للعلاج
أو السياحه أو محطه للذهاب الى دوله أخرى (لاجئين) فى مصر أو القاهرة ،،، رقم وحده يكفى لكى ندعمهم ونشجعهم
Post: #66 Title: Re: مع الجــــزائـــر حتي المونديال ... Author: Amany Elamin Date: 11-12-2009, 06:34 PM Parent: #40
كمال مبارك:
Quote: هذه هو التشجيع المثالى لكرة القدم كرة القدم لعبه جماهيريه تجمع الضد ،،، ويتساوى فى فرحتها الجميع دون القاب
كرة القدم محبه .. وتحيّز لمن تحب .. هسي انا بحب الهلال وما بحب المريخ مع انهم الاتنين مابعرفوا يلعبوا ..!! ممكن زول تاني يشجع البرازيل وما يحب المانيا بدون سبب مع انهم الاتنين بيعرفوا يلعبوا !!
في المونديال حنشجع فرق علي حساب فرق لأسباب منها المنطقي ومنها ماهو غير ذلك ..
ويوم السبت حأكون مع الجزائر ومامع مصر .. نفس الشئ في الخرطوم لو جونا ..
Post: #41 Title: Re: مع الجــــزائـــر حتي المونديال ... Author: Amany Elamin Date: 11-12-2009, 10:11 AM Parent: #31
الأخ معاويه حسين: اذا كان المصريين لسه بتعاملوا مع السودان علي أساس انو الحديقه الخلفيه لمصر !!!!!! وأول ما قالوا ليهم دوله محايده قالوا عايزين عزبة السيد والدهم "أبوهم بلغه محسنه :) " مش شئ طبيعي الجزائرين يخافوا ويستاءوا .. حبفكروا انو المصريين لو ما مالين يدهم من السودانيين ما اختاروهم ..
المهم نفسي المصريين ديل ياخدوا "ألم " ويتعلموا انو السودان دوله مستقلة الهوي والميول ..
ومــــــع الجزائــــــــــر حتي المونــــديـــــــــال ...
--- تخريمه : هو استاد المريخ ده مش فعلا استاد فرشه؟
Post: #34 Title: Re: مع الجــــزائـــر حتي المونديال ... Author: Amany Elamin Date: 11-12-2009, 09:55 AM Parent: #26
حيدر الزين مع الجزائر؟ يبقي كفة البورد رجحت لصالح الجزائر خلاص
تحياتي ..
Post: #37 Title: Re: مع الجــــزائـــر حتي المونديال ... Author: HAIDER ALZAIN Date: 11-12-2009, 09:59 AM Parent: #34
سلامات يا اماني الاميــن ..
اكيد الجيريا .. قلناها في اكثر من موقف ..
هذه الايجبت قلت لن اشجعها - بعد تصويب من كيكي - الا اذا لعبت ضد ملاسي .. غيـــر ذلك حتي ولو كانت مباراتها ضد نادر خضر فساشجع نادر خضر ..
تحياتي
Post: #39 Title: Re: مع الجــــزائـــر حتي المونديال ... Author: خالد عبد الله محمود Date: 11-12-2009, 10:03 AM Parent: #37
أطرف تعليق كتبو سعودي في موقع العربية بعد أختيار السودان للمباراة الفاصلة:
Quote: - مهزلة ابو صدام (زائر) |11/11/2009 م، 07:58 مساءً (السعودية) 04:58 مساءً (جرينتش) اول شي اخواني اخواتي الافاضل احب ان اقول دمتم بخير وعافيه واما بالنسبة لمباراة مصر والجزائر من الظلم ان تقام المباراة في السودان لان الذهاب لعب في الجزائر وامام الجمهور الجزائري الشقيق فمن المفترض ان تلعب المباراة على ارض الكنانه مصر لانه يحق للجمهور المصري ان يآزر بلده ووطنه في المباراة كما شجع الجزائريون وطنهم انا ليس مصيرا ولا جزائريا ( انا سعودي ) واستغرب هذا الفعل من اتحاد كرة القدم
بضحكـ لي ساعة ..
Post: #46 Title: Re: مع الجــــزائـــر حتي المونديال ... Author: Amany Elamin Date: 11-12-2009, 10:26 AM Parent: #37
تمام يا حيدر الزين "لالجيري" تستاهل ..
Quote: تأهل منتخب الجزائر لنهائيات كأس العالم مرتين. كانت المرة الأولى في عام 1982 بالبطولة التي أقيمت في أسبانيا و إنتهت بفوز المنتخب الإيطالي بها. لعب المنتخب الجزائري 3 مباريات فاز في اثنتين (2-1 أمام ألمانيا و أمام تشيلي 3-2) و خسر مباراة واحدة (أمام النمسا 0-2). أما المرة الثانية كانت في البطولة التالية عام 1986 في المكسيك و إنتهت البطولة بفوز المنتخب الأرجنتيني بها. لعب المنتخب الجزائري 3 مباريات بالبطولة إنتهت واحدة بالتعادل ( 1-1 أمام أيرلندا الشمالية) و خسر المنتخب مبارتين ( أمام البرازيل 0-1 و أمام أسبانيا 0-3).
Post: #38 Title: Re: مع الجــــزائـــر حتي المونديال ... Author: عاطف عمر Date: 11-12-2009, 10:03 AM
لا أحب مباريات مصر بصورة عامة لأنها تشتتنا أسرياً أنا أشجع الفريق المضاد لمصر ( أياً كان ) المدام ( مستلبة زى منى خوجلي دي ) بتشجع مصر الأنجال ينقسمون بيننا في أغلب الأحيان حسب طلباتهم المتوقعة أو حسب العقوبة التي نالوها قبل المبارة
إن شاء الله الموضوع دا يخلص يوم السبت في القاهرة عشان أصلو ما لذيذة ( نتشتت ) مرتين في إسبوع واحد
سلامات يا أماني
Post: #49 Title: Re: مع الجــــزائـــر حتي المونديال ... Author: Amany Elamin Date: 11-12-2009, 10:35 AM Parent: #38
الأخ عاطف عمر:
Quote: إن شاء الله الموضوع دا يخلص يوم السبت في القاهرة عشان أصلو ما لذيذة ( نتشتت ) مرتين في إسبوع واحد
حرام عليك .. نحن عايزنهم يجونا هنا عشان نشجعهم..
Post: #42 Title: Re: مع الجــــزائـــر حتي المونديال ... Author: إدريس جابر Date: 11-12-2009, 10:11 AM
مع الجزائر ...
Post: #43 Title: Re: مع الجــــزائـــر حتي المونديال ... Author: عبدالكريم الامين احمد Date: 11-12-2009, 10:15 AM Parent: #42
مع الجزائر حتي الثمالة..
Post: #44 Title: Re: مع الجــــزائـــر حتي المونديال ... Author: فايزودالقاضي Date: 11-12-2009, 10:23 AM Parent: #43
Quote: مع الجزائر حتي الثمالة..
حتى الشهادة ...
Post: #48 Title: Re: مع الجــــزائـــر حتي المونديال ... Author: عبد الناصر الخطيب Date: 11-12-2009, 10:34 AM Parent: #43
عبدالقادر يا بو علم ضاق الحال عليّ داوي حالي يا بو علم سيدي ارؤف عليّ عبدالقادر يا بو علم ضاق الحال عليّ داوي حالي يا بو علم
التحية لمحاربي الصحراء
كلنا مغاربيون وكلنا جزائر
موصولة لنسور غرطاج وأسود الاطلس يظلون خيار التشجيع المفضل إن لم يكن أمامهم صقور الجديان أو الاسود أو النسور الخضر أو الافيال أو السنغال
Post: #47 Title: Re: مع الجــــزائـــر حتي المونديال ... Author: Zomrawi Alweli Date: 11-12-2009, 10:33 AM
وانا كمان معاكم كيتا وكرها للمصريين الغياظين
بس الشعار شنو للمنتخب الجزايري
Post: #51 Title: Re: مع الجــــزائـــر حتي المونديال ... Author: عمر الفاروق Date: 11-12-2009, 10:54 AM Parent: #47
بالمناسبة لو عايزين تتكلموا كورنجياً فخلونا نكون واقعيين .. المصريين أحسن ناس في العالم بينفذوا خطط مدربهم .. المصريين احسن ناس في العالم بيسمعو كلام مدربهم .. المصريين احسن ناس في العالم بيشوتوا ضربات جزاء.. غايتو انا من ما بديت اشوف كورة ما حصل شوفت المصريين ديل ما منضبطتين تكتيكيا.. المستوى ما بيناتنا لكن الانضباط في الكورة ده حقهم .. من الله خلقني ما شوفتهم بيضيعو ضربات جزاء .. غايتو لو الكورة الفاصلة دي اقيمت ووصلت مرحلة ضربات الجزاء اتذكروا كلامي ده ..
Post: #52 Title: Re: مع الجــــزائـــر حتي المونديال ... Author: GamarBoBa Date: 11-12-2009, 10:56 AM Parent: #47
اماني تحياتي
مع الجزائر حتي الرمق الاخير مع غلبة المصرين وهزيمتهم وانكسارهم في الكورة لآخر رمق فيهم
واتمني يغلبوهم في ارضهم ولو ما اتحسمت ونقلوها السودان أنا عمري ما خشيت استاد لكن دي بخشها وبأجر دفار (قلل) عشان يتكسر وراهم وهم مغلوبين بإذن الله
كما اعلن طباعة 1000 علم جزائري من نوع فخيم وتوزيعه
شكرا وماليش دعوة
Post: #57 Title: Re: مع الجــــزائـــر حتي المونديال ... Author: Amany Elamin Date: 11-12-2009, 11:21 AM Parent: #52
الأخ قمربوبا:
Quote: وبأجر دفار (قلل) عشان يتكسر وراهم وهم مغلوبين بإذن الله كما اعلن طباعة 1000 علم جزائري من نوع فخيم وتوزيعه
عاين خليها شير بيناتنا
شوف الأسامي دي:
وفاق سطيف شبيبة القبائل شباب بلوزداد مولودية الجزائر
وللا الأسامي دي:
Quote: حراسة المرمى: الوناس جاواوي، شاوشي، نسيم أوسرير .. في الدفاع: مجيد بوقرة، رفيق حليش، نذير بلحاج، عنتر يحيى، سمير زاوي، سليمان رحو، عبد القادر العيفاوي، رضا بابوش. .. في الوسط: يزيد منصوري، ياسين بزاز، عامر بوعزة، كريم زياني، مراد مغني، حسن يبدا، جمال عبدون، خالد لموشيه. .. في الهجوم: كريم مطمور، رفيق صايفي، كمال فتحي جيلاس، رفيق جبور، عبد القادر غزال.
قال الفراعنه قال :)
Post: #54 Title: Re: مع الجــــزائـــر حتي المونديال ... Author: Amany Elamin Date: 11-12-2009, 11:05 AM Parent: #47
الأخوان ادريس جابر
كيكي الأصلي ..
عبد الناصر الخطيب
زمراوي الولي ..
كلنا مع الخضر .. محاربو الصحراء ..
Post: #55 Title: Re: مع الجــــزائـــر حتي المونديال ... Author: Amany Elamin Date: 11-12-2009, 11:08 AM Parent: #54
Quote: ستوحي المنتخبات الإفريقية لكرة القدم ألقابها من الحيوانات المنتشرة بكثـرة في القارة السمراء· فهي تحاول أن تختار لنفسها الحيوان الذي ينتشر فيها بشكل كبير والذي يمتلك صفات خاصة يمكن إسقاطها على الفريق، كالقوة أو الضخامة أو السرعة···إلخ
> الفنك لقب للمنتخب الجزائري <
اختار المنتخب الجزائري لقب الفنك، وهو حيوان من صنف الكلبيات، وقد وضع ضمن قائمة أكثر الحيوانات المهددة بالانقراض، وينتشر بكثرة في الصحراء الجزائرية، وجاء اختيار الفنك لخصائص معينة يتصف بها، تم إسقاطها على أداء المنتخب الجزائري خصوصا في فترة الثمانينات· فهذا الحيوان يتسم بالخفة والسرعة رغم جسمه الصغير الذي لا يتجاوز في أفضل الحالات الـ60 سنتيمترا، وأسلوب اللعب الجزائري يتسم بصفات مماثلة، فقد كان زملاء ماجر وبلومي يتسمون بالسرعة والخفة في أدائهم، رغم ضعف بنياتهم الجسمانية، في مواجهتهم لقوة الأفارقة واندفاعهم البدني الكبير
Post: #58 Title: Re: مع الجــــزائـــر حتي المونديال ... Author: Muna Khugali Date: 11-12-2009, 11:44 AM Parent: #55
شكرا يا أماني علي الرد الحلو زيك.. بس مسجلي ما بخليه ليكم.. وعلي فكرة سمعت انه شعبان عبد الرحيم جاي مع الفريق يشجعه!
لكن يا اماني مااتلومتي.. اسه المصريين ديل كلهم تلوميهم بعمايل ساستهم؟؟ رغم مجهود المنظمات المصرية العديده وإدانتها للحاصل في قضية مصطفي محمود؟؟ طيب ما أولي يا أمنية بالمنطق ده تكرهي أهلنا السودانيين كلهم لأن نظامهم هو السبب في هجرة أل دارفور بحثا للحماية منهم..ولا شنو؟؟ ولا تلومي الأمم المتحده الما اشتغلت بيهم اثناء وبعد الحادث البشع؟؟ وبعدين الملايين القاعدة ومتملكة بيوت في مصر دي..لو مصر كعبة قدر ده.. كانوا قعدوا فيها؟؟
Quote: مع احترامي لوجهة نظرك .. أول مره أعرف انو المصريين بيهمهم شئ غير مصلحتهم ..!!! وبعدين مجزرة اللاجئين السودانيين علي يد الأمن المصري نسميها شنو؟
خلينا مع حب الجزائر أحسن, المصريين ما بيجي منهم غير وجع القلب ..
وأهو قالوا ليك الجزائر "مالهاش مزاج" تلعب في السودان! يعني مالهمش نفس يشوفوا خلقتنا:D :D
يللا مادام جبتي نبذه حلوة جدا عن الجزائر ..أنا كمان جبت نبذه..لو عايزاها تبقي حلوه زي بتاعتك..أشر بس يا جميل وتلقي البوست وصل 10 صفحات في يومين..غير كده نديك حبة من مصر الحديثة علي أساس انه الاهرامات هرت الناس:D:D
Quote: أحمد زويل الحاصل على جائزة نوبل لتقديم المشورة الرئيس أوباما كان اسمه لمجلس المستشارين للعلوم والتكنولوجيا أحمد محمد الكاتب الموظفين واشنطن -- "وصوله في الولايات المتحدة ، كان لدي شعور بأنها ألقيت في المحيط. المحيطات كانت كاملة من المعرفة ، والثقافة ، والفرص ، وكان الخيار واضحا : إما أتمكن من تعلم السباحة أو بالوعة "، كما يقول الباحث الدكتور أحمد زويل في كتاب رحلته عبر الزمن : مناحى الحياة لجائزة نوبل (النشر العلمي العالمي الشركة ، 2003).
أحمد زويل هو السباح. 27 نيسان / ابريل 2009 ، كان اسمه الحائز على جائزة نوبل للرئيس في مجلس المستشارين للعلوم والتكنولوجيا لتقديم المشورة الرئيس أوباما على استراتيجيات وطنية لرعاية ودعم ثقافة الابتكار العلمي. المجلس هو فريق استشاري من الولايات المتحدة من كبار العلماء والمهندسين ، الذين يقدمون المشورة لرئيس ونائب رئيس وصياغة السياسات في العديد من المجالات حيث فهم العلوم والتكنولوجيا ، والابتكار هو المفتاح لتعزيز الاقتصاد الامريكى. كما أنها تضع السياسة العامة التي تعمل من أجل الشعب الأمريكي. زويل هو استاذ الكيمياء والفيزياء في معهد كاليفورنيا للتكنولوجيا (كالتك) ، ومدير المدرسة التي أنشئت مؤخرا الفيزياء الحيوية التابع لفائق السرعة للعلوم والتكنولوجيا. وقال انه حصل على جائزة نوبل في الكيمياء عام 1999 لعمله الرائد الذي سمح للمراقبة التحولات السريعة للغاية الجزيئية. هو امريكي المصرية ، يحظى باحترام واسع ليس فقط لديه من علم ولكن أيضا لجهوده في منطقة الشرق الأوسط باعتبارها صوت العقل.
في أواخر 1980s ، زويل طوروا طريقة للاطلاع على اقتراح من الذرات والجزيئات استنادا إلى التكنولوجيا الجديدة التي أنتجت ضوء الليزر ومضات فقط عشرات femtoseconds في المدة. اعتقد كثيرون أنه من المستحيل لدراسة الأحداث التي تشكل التفاعل الكيميائي ، ولكن الدكتور أحمد زويل اكتشاف مكنت العلماء من الحصول على مزيد من التبصر والسيطرة على رد فعل على النتيجة. لدراساته femtosecond باستخدام التحليل الطيفي ، وقال انه حصل على جائزة نوبل. ولدت ونشأت في مصر ، والآن مواطن أميركي ، الدكتور أحمد زويل حصل على كل من له البكالوريوس والماجستير من جامعة الإسكندرية. نال شهادة الدكتوراه من جامعة بنسلفانيا عام 1974 وانضم الى هيئة التدريس في معهد كاليفورنيا للتكنولوجيا عام 1976 ، بعد عامين كزميل آي بي إم في جامعة كاليفورنيا في بيركلي. زويل وهو عضو في الاكاديمية الوطنية للعلوم ، والأكاديمية الأميركية للفنون والعلوم ، وأكاديمية العالم الثالث للعلوم ، والأكاديمية الأوروبية للفنون والعلوم والإنسانيات ، والأكاديمية البابوية للعلوم. وهو أيضا زميل في الجمعية الفيزيائية الأمريكية. له الجوائز الدولية وتشمل جائزة بنجامين فرانكلين ، جائزة البرت اينشتاين ، وجائزة ويلش ، وجائزة الملك فيصل ، وجائزة وولف ، وكارل زايس ، وجائزة ليوناردو دا فينشي جائزة التميز ، وChemiepreis بونر وسام لهولندا الملكي أكاديمية الفنون والعلوم ، وقال انه حصل على وسام قلادة النيل الكبرى في مصر من أعلى شرف الدولة. في كتاب رحلته عبر الزمن ، زويل يعتبر نفسه كمنتج والثقافية في كل من الشرق والغرب ، كما انه يدمج بين العالمين ؛ بالتساوي انه ينتمي الى مصر وأمريكا وعلى الرغم من الاختلافات ، وقال انه يؤكد على التقاء الثقافتين. زويل كان صريحا في التعبير عن رؤيته لعالم أفضل : "نحن العرب يمكن أن تنجزه في الانتقال إلى عالم القرن 21st ، ولكن الشعب والزعماء ويجب الشروع في مسار جديد. تغييرات تدريجية -- ما يسمى الإصلاحات التدريجية -- غير مناسبة لنظام لم يكن فعالا طوال عقود. ينبغي أن يكون لنا الثقة في أنفسنا ، في مشاركة عالمية ، وليس لوم الآخرين على النكبات الحالية أو استخدام الدين لتحقيق مكاسب سياسية... مع الجهاد من أجل الحداثة والتنوير ، ونحن لن ندرك مكاننا الصحيح في المستقبل ". وفقا لزويل ، باعتبارها حلا للتحديات العلمية العربية ، وينبغي أن يكون هناك إصلاح التعليم العام بالتوازي مع فتح الباب لمزيد من البحث العلمي من خلال إنشاء مراكز متخصصة ذات الميزانيات المستقلة و"بعيدا عن البيروقراطية". زويل يكتب : "على مر التاريخ ، الناس لها مصلحة في تطوير الثقافات والحوارات من اجل المنفعة المتبادلة. حتى في جهاز واحد ، في الدماغ ، 100 مليار خلية عصبية العمل معا من أجل كسب العيش للإنسان ، وفي بيوتنا ، والمدن ، والبلدان فإننا سنفعل نفس الشيء. في عالم مترابط ، هو في مصلحة كل من الغرب والعالم الإسلامي على التواصل من خلال الحوارات وتحقيق الاستقرار العالمي والمنافع المتبادلة من التكنولوجيا ، والتجارة ، والطاقة ، والثقافات. يجب علينا أن لا تسمح بإنشاء حواجز من خلال مفاهيم بلاغية مثل 'صدام الحضارات ' أو 'صراع بين الأديان ،' التي هي ليست ذات قيمة بالنسبة لمستقبل عالمنا. "
سأغني معهم يوم المباراة.. يا أحلي اسم في الوجود..يا مصر..
بس بعد المباراة بغني لسوداني..
شكرا يا أمنية علي السماح لي بالفضفضة والافصاح عن مكنونات قلبي علي الملأ
Post: #59 Title: Re: مع الجــــزائـــر حتي المونديال ... Author: khaleel Date: 11-12-2009, 11:51 AM Parent: #58
اماني
ابعدي الذاتية غادي
عشان انتي عشتي في الجزائر تقومي تشجعي الجزائر
انا شخصيا ساشاهد السودان وبنين
ولا احب الفراعة ولا الامازيغ
Post: #61 Title: Re: مع الجــــزائـــر حتي المونديال ... Author: GamarBoBa Date: 11-12-2009, 12:05 PM Parent: #59
استاذة مني سلام
Quote: وعلي فكرة سمعت انه شعبان عبد الرحيم جاي مع الفريق يشجعه!
غايتو لو جوا يحسموها في السودان نحن حنسوق معانا قيقم يغني للجزائرين الاسد النتر
أماني الاسماء النزلتيها ديك مخيفة ...هم بقيفوا اربعة في حراسة المرمي ولا شنو
Post: #64 Title: Re: مع الجــــزائـــر حتي المونديال ... Author: Muna Khugali Date: 11-12-2009, 12:57 PM Parent: #61
سلام يا قمر بوبا..
Quote: غايتو لو جوا يحسموها في السودان نحن حنسوق معانا قيقم يغني للجزائرين الاسد النتر
هم خلاص حسموها وقالوا السودان موش؟؟ وبعدين قيقم ده منو؟؟
اها شوف الجزائريين رأيهم فينا..بس احتمال تحتاج لمترجم
Quote: Quote: ستاد فرشة وبربي منشوفوهش ان شاء الله كامل لخطرش اليتاد يعاون مصر
Quote: نشالاه نربحو فمصر خطاك السوادنة راهم مع أخت ادنيا
Quote: شكراا لك صراحة السودان قريب لمصر المفروض في بلد غير عربي احسن
Quote: ستاد فرشة وبربي منشوفوهش ان شاء الله كامل لخطرش علابيها غادي نعطوكم 2-0 إن شاء الله
بعدين بالله كلم الجزائري ده ما يلخبط في النسب.. قوليه مصر ما اخت الدنيا.. مصر أمها:razz2:
Post: #63 Title: Re: مع الجــــزائـــر حتي المونديال ... Author: Amany Elamin Date: 11-12-2009, 12:42 PM Parent: #59
خليييييييل:
Quote: اماني ابعدي الذاتية غادي عشان انتي عشتي في الجزائر تقومي تشجعي الجزائر
انا كتبت في البوست ده اني "عشت" في الجزائر؟
Post: #62 Title: Re: مع الجــــزائـــر حتي المونديال ... Author: Amany Elamin Date: 11-12-2009, 12:32 PM Parent: #58
مني ياملكه:
Quote: زويل هو استاذ الكيمياء والفيزياء في معهد كاليفورنيا للتكنولوجيا (كالتك) ، ومدير المدرسة التي أنشئت مؤخرا الفيزياء الحيوية التابع لفائق السرعة للعلوم والتكنولوجيا. وقال انه حصل على جائزة نوبل في الكيمياء عام 1999 لعمله الرائد الذي سمح للمراقبة التحولات السريعة للغاية الجزيئية. امريكي المصرية هو ،
وتيـــــــب يامني ياخ
البوست بوستك وتحت أمرك ..
Post: #65 Title: Re: مع الجــــزائـــر حتي المونديال ... Author: Amany Elamin Date: 11-12-2009, 01:12 PM Parent: #62
قمر بوبا :
Quote: هم بقيفوا اربعة في حراسة المرمي ولا شنو
شفت كرة القدم متطوره كيف في الجزائر
بعدين قيقم ده عندي منّو حساسيه, ديل كيف؟:
Post: #67 Title: Re: مع الجــــزائـــر حتي المونديال ... Author: حامد محمد حامد Date: 11-12-2009, 06:49 PM Parent: #65
يا امانى لك كل الامانى والامنيات والفوز لمصر فى القاهرة والخرطوم وما ظنيت انهم قادرين يغلبوا الجزائر 3 صفر فى القاهرة
Post: #68 Title: Re: مع الجــــزائـــر حتي المونديال ... Author: Amany Elamin Date: 11-13-2009, 05:53 AM Parent: #67
هلا يا أخ حامد نتمني فوز مصر في القاهره والجزائر في الخرطوم .. عايزين نشجع الجزائر من الخرطوم حتي المونديال ..
شكرا كتير علي مرورك وعلي التحيه الطيبه ..
Post: #69 Title: Re: مع الجــــزائـــر حتي المونديال ... Author: Amany Elamin Date: 11-13-2009, 06:26 AM Parent: #68
تعرض الفريق الجزائري للاعتداء علي يد الجمهور المصري, وذلك بقذف الحافله التي أقلتهم من المطار الي الفندق بالحجاره, "لغاية هنا التصرف عادي وهو تعصب بعض المشجعين علي أحسن الفروض" نفي الأمن المصري وقوع الحادثه مستندا علي شهادة ائق الحافله التي أقلت الفريق الجزائري حيث ادعي السائق أن اعضاء الفريق هم من قاموا بتكسير الزجاج من الداخل ولم تتعرض الحافله للاعتداء .. في رأيي الشخصي سائق الحافله كاذب أو علي أحسن الفروض لم يري الأحداث بشكل جيد: والأدله أدناه: فيديو علي يد احد اللاعبين ربما بعد وأثناء الاعتداء:
فيديو عن اللاعبين بعد حدوث الاعتداء:
كذب السائق المصري: http://videohat.masrawy.com/view_video.php?viewkey=62bea8b10d3a426614e0 ادعاء السائق ان احدا لم يصب قبل الدخول الي الفندق كاذب والدليل ماشاهدناه في الفيديو الأول .. الاصابه كانت قبل الدخول الي الفندق .. حتي لو قام اللاعبين الجزائريين بتكسير باقي الزجاج بعد الاعتداء فذلك رد فعل طبيعي وغضب وربما للرد علي المشجعين والدفاع عن النفس ..
بعد ده كلو في ناس بتسأل ليه ما حنشجع المصريين !!!!!!!! هل أصيب اللعيبه الجزائريون بالجنون ليقوموا فجأه بضرب أنفسهم وتكسير الزجاج بدون سبب؟ من في موقف أحسن فريق الجزائر أم مصر؟ هل تضحي دوله بسمعتها ومع البعثه رئيس الاتحاد والوزير وتقوم بتمثيليه لاتخطر الا علي بال معتادو التمثيل المصريين؟
مصر مازالت تخسر مشجعيها بتبني موقف رسمي مخجل في حق البعثه الجزائريه مقابل شهادة شخص واحد هو السائق وهو واضح جدا كذب ادعائه ..
Post: #70 Title: Re: مع الجــــزائـــر حتي المونديال ... Author: Amany Elamin Date: 11-13-2009, 08:00 AM Parent: #69
Quote: مساء أمس دخلت الأجواء المتوترة للمباراة الحاسمة بين مصر والجزائر في تصفيات كأس العالم منعطفاً دراماتيكياً أمس بعدما ذكر مصدر أمني مصري أن الحافلة التي كانت تقل لاعبي المنتخب الجزائري تعرضت للرشق بالحجارة أثناء توجهها من قاعة الوصول في المطار الى فندق قريب سيقيم فيه اللاعبون. وأوضح المصدر الأمني المصري أن "الزجاج الأمامي للحافلة تهشم، لكن الحافلة أكملت طريقها الى الفندق". وأكد المصدر أنه لم تقع إصابات. وأضاف أنه "لم يعرف مصدر هذه الحجارة"، مشيراً الى أن الحافلة كانت تحت حراسة أمنية من سيارات الشرطة. وكان عشرات من المشجعين المصريين تجمعوا قبيل وصول الفريق الجزائري في الطريق المؤدية الى المطار خلف حواجز أمنية أقامتها الشرطة المصرية، بحسب شهود، علماً أن مصدراً أمنياً مصرياً ثانياً عاد ونفى أي اعتداء على حافلة المنتخب الجزائري. وأعلن وزير الخارجية الجزائري مراد مدلسي أن لاعبين عدة في صفوف المنتخب الجزائري تعرضوا للإصابة لدى وصولهم الى القاهرة. وذكرت وكالة الأنباء الجزائرية أن مدلسي "أدان بشدة" هذا الاعتداء الذي وصفه بـ"الخطير" وطالب نظيره المصري "احمد أبو الغيط باتخاذ جميع التدابير الضرورية لضمان إقامة عادية لجميع أعضاء الوفد الجزائري". وأكد مدلسي أن خبراء عدة تابعين للاتحاد الدولي (فيفا) حضروا الى الفندق الذي يقيم فيه الوفد الجزائري من أجل الوقوف على الخسائر التي خلفتها هذه الحادثة والبحث في الإجراءات والقرارات التي تؤمن سلامة اللاعبين. المستقبل - الجمعة 13 تشرين الثاني 2009 - العدد 3482 - الصفحة الأولى - صفحة 1
Post: #71 Title: Re: مع الجــــزائـــر حتي المونديال ... Author: حامد محمد حامد Date: 11-13-2009, 08:04 AM Parent: #69
امانى صباحك صباح الجمعة المباركة , بمناسبة حادثة البص هى بداية الشرارة بل الماساة لان المباراة لو انتهت بفوز مصر ستشهد القاهرةاحداث غير كريمة لان الجو مشحون للاخر. وربك يستر
تحياتى
Post: #72 Title: Re: مع الجــــزائـــر حتي المونديال ... Author: علاء الدين محمد بابكر Date: 11-13-2009, 11:07 AM Parent: #71
(جـزائر) الأمين: ما عرفتك لكن.. .. مش الجماعة طلعو ما فراعنة!!!!
لكن برضو بنحبهم.. . . الغريبة مرة وردي غني في الجزائر بالرطانة..طلعوا الجماعة فاهمنو!!!
البربر والنوبة لهجتهم واحدة؟؟؟؟
Post: #73 Title: Re: مع الجــــزائـــر حتي المونديال ... Author: Amany Elamin Date: 11-14-2009, 07:22 AM Parent: #72
أهلا أخ علاء:
طبعا عارفاااااك مع الفراعنه , لكن ياسيدي موعدكم يوم الزينه وأن يحشر الناس ضحي ههههههه
البربر والنوبه ديل بسأل ليك منهم ال Supervisor بتاعي هو عاشق لل Population Genetics, وملم جدا بال Linguistics و وهجرات ال Ethnic groups المختلفه في أفريقيا,
Post: #74 Title: Re: مع الجــــزائـــر حتي المونديال ... Author: Amany Elamin Date: 11-14-2009, 07:29 AM Parent: #73
الفيفا تصدر قرارها:
Quote: الاتحاد الدولي لكرةالقدم أكد تعرض الحافلة التي كانت تقل المنتخب الجزائري من المطار إلى الفندق للرشق بالحجارة من قبل مصريين، ما أسفر عن إصابة ثلاثة لاعبيين جزائريين، لكنه أبقى على موعد المباراة مساء السبت دون تغيير.
الفيفا طالبت مصر في المقابل بضمان أمن اللاعبين والمشجعين الجزائريين الذين قد يتجاوز عددهم الألفين. كما أجرى الرئيسان المصري والجزائري مكالمة هاتفية في محاولة لتهدئة الأنفس ومنع انحراف هذا الحدث الكروي عن الروح الرياضية.
وتواجه مصر تحديا صعبا إذ ينبغي عليها الفوز بفارق ثلاثة أهداف أو بفارق هدفين مع إجراء لقاء حاسم الأربعاء في السودان، بينما يقتصر تأهل المنتخب الجزائري على تعادل أو حتى خسارة بهدف دون رد.
Post: #76 Title: Re: مع الجــــزائـــر حتي المونديال ... Author: Amany Elamin Date: 11-14-2009, 07:41 AM Parent: #74
مع
محاربي
الصحراء
معاكي يالخضره .. ديري حاله ..
Post: #75 Title: Re: مع الجــــزائـــر حتي المونديال ... Author: هواري نمر Date: 11-14-2009, 07:36 AM Parent: #73
Quote: هواري بومدين..
يا أمــــــــــاني... الزول الفوق ده الرئيس هواري بومدين...طبعا اسمه علي الشيخ \سيدي الهواري.. الرجل الصوفي الشهير في الجزائر...! اها انا لا لميت في الرئيس و لا الرئاسة... و لا كمان لقيت من نفحات الصوفية.. ههههههههههههههههههههههه...يعني مرقت ســــــــــاي منهم!!
لكن برضو بشجع الجزائر.. تحياتي و احترامي...
Post: #77 Title: Re: مع الجــــزائـــر حتي المونديال ... Author: Amany Elamin Date: 11-14-2009, 08:08 AM Parent: #75
أخ هواري:
عارف مره فكرت في انه اسمك غريب لكن أبدا ماربطته صاح .. طيب انت الليله لااااااازم تحتفل بالجزائر وتشجع حتي الشهاده زي ماقال فايز ود القاضي هههههه
قول معاي:
123 viva l'Algerie
Post: #78 Title: Re: مع الجــــزائـــر حتي المونديال ... Author: Nasruddin Al Basheer Date: 11-14-2009, 08:08 AM Parent: #75
سلام يا أماني وضيوفها الكرام أنا غايتو لا مع مصر ولا مع الجزائر.. لأني غير الهلال ما قاعد أشجع أي فريق.. حتى الفريق القومي السوداني ما قاعد أشجعو.. لكن صدقيني إنت والمعاك لو بتحبو الجزائر ما تشجعوها.. أقول ليك ليه.. لأننا نحن السودانيين كج كبير ومافي فريق شجعناهو مشى لقدام والتجارب كتيرة.. قبل كده في كأس العالم شجعنا البرازيل طارت من فرنسا جينا شجعنا فرنسا طارت قلنا نتعاطف مع الأفارقة أهلنا شجعنا نيجيريا طارت غيرنا للكاميرون طارت.. شجعنا الهلال وهيأنا أنفسنا لكأس الأبطال وكمان جماعة مننا رسلوا يسألوا عن سعر التذاكر لأبو ظبي قام الهلال طار وبالخمسة كمان ومن أم درمان.. المفروض نحن ما نشجع أي فريق.. ولو الجزائر طارت، أعرفي إنو البوست بتاعك ده هو السبب.. ما تقول لي الحكم متحيز، وفي ضربة جزاء ما حسبها للجزائر..
Post: #79 Title: Re: مع الجــــزائـــر حتي المونديال ... Author: Amany Elamin Date: 11-14-2009, 08:17 AM Parent: #78
هلا يا أخ نصر الدين:
Quote: لأننا نحن السودانيين كج كبير ومافي فريق شجعناهو مشى لقدام والتجارب كتيرة..
كلامك صاح 100% لكن مابيدنا والله يعني الا تطلع فتوي كاربه انه كرة القدم حرام حتي نبطلها .. غير كده مااااااابنقدر ..
بالنسبه للكوره أنا متوقعه استهبال من المصريين وحركات من الحكم ما لا عين رأت ولا أذن سمعت :(
انت بس قول معانا يارب ..
Post: #80 Title: Re: مع الجــــزائـــر حتي المونديال ... Author: هواري نمر Date: 11-14-2009, 08:27 AM Parent: #79
الاخت الكريمة أماني.. سلامات و عوافي...
Quote: عارف مره فكرت في انه اسمك غريب لكن أبدا ماربطته صاح ..
معقـــــــــــول ..ما سمعت باي سوداني .اسمه هواري....(الطاهر هواري) لاعب المريخ الاسبق!! عموما في قبيلتين في السودان(الهوارة و الهواوير)...وفي مدني في حي كامل اسمه الهوارة...وفي الصحراء و انت ماشه الشمالية بتلاقي الهواوير.. .......... لكن قصة اسمي...عنده قصة طريفة شديد ما تتحكي اون لاين..ههههههه بالرغم من التسمية علي(هواري بومدين)...
Post: #81 Title: Re: مع الجــــزائـــر حتي المونديال ... Author: Amany Elamin Date: 11-14-2009, 08:36 AM Parent: #71
أخ حامد مرحب بيك كتير:
Quote: بمناسبة حادثة البص هى بداية الشرارة بل الماساة لان المباراة لو انتهت بفوز مصر ستشهد القاهرةاحداث غير كريمة لان الجو مشحون للاخر.
بالنسبه للحادثه فالفيفا خلاص قطعت قول كل خطيب .. المصريين ختوا نفسهم في حته بايخه بكذبتهم الواضحه دي, تصدق السواق قال الوزير ضربوا !!! مع انو الوزير ما كان راكب في الحافله كان راكب مع السفير الجزائري في عربيه ديبلوماسيه,
المصريين لو لعبوا عديل وفازوا مابتجيهم حاجه, لكن لو عملوا الاستهبال المعتاد حقهم حيستفزوا الجزائريين, عموما هم بتاعين كلام في الهوا وجديع طوب من بعيد, لكن مواجهات ومشاكل , ماااااااظنيت :)
Post: #83 Title: Re: مع الجــــزائـــر حتي المونديال ... Author: Amany Elamin Date: 11-14-2009, 08:51 PM Parent: #81
قمربوبا
الموضوع بقي جدا والجماعه ديل جايين
قــيقـــم بكونوا حاجزينوا ناس الحكومه عشان يشجع المصريين ..
خلينا في اقتراحي أحسن ..
Post: #84 Title: Re: مع الجــــزائـــر حتي المونديال ... Author: GamarBoBa Date: 11-14-2009, 09:11 PM Parent: #83
والله يا اماني بوستيك ده فتشته الدقيقة 44وكتبت فيه باي باي يا مصر ما تقولي كجيتهم انا بس الحكم مدا ليهم الزمن ستة دقايق يعني 15% من زمن المباراة والله زعلت زعل شديد خلاص وغايظني في الموضوع اكتر انو المصريين عادي ممكن يغشوا السوداننين ويستميلوا المشجع السوداني الجزائر فريق يستحق التأهل كان اليوم لكن الله
جد زعلت ومحبط من فعايل التحكيم ومرض المصريين
تحياتي وابقي طيبة
Post: #87 Title: Re: مع الجــــزائـــر حتي المونديال ... Author: Amany Elamin Date: 11-14-2009, 09:28 PM Parent: #84
قمربوبا: الحكم بــــــــــالغ ..
Quote: الحكم مدا ليهم الزمن ستة دقايق يعني 15% من زمن المباراة والله زعلت زعل شديد خلاص
سته دقائق ده قريب شوط اضافي .. بعدين أنا تاني مابستحمل مباراه كامله بتجيني ذبحه .. والله أنا اخر خمسه دقائق غلبتني القعده عديل هههههههه
Quote: وغايظني في الموضوع اكتر انو المصريين عادي ممكن يغشوا السوداننين ويستميلوا المشجع السوداني
المصريين مايتعبوا نفسهم, الحكومه حقتنا بتقوم ليهم بالواجب وأكتر .. ولو قصرت بيعرفوا يهرشوها كيف :( والسودانيين كان شجعوا المصريين يكونوا مابعرفوا صليحهم من عدوهم ..
--- والله أنا محبطه أكتر منك لأني الدقيقه 50 كنت ضمنت تأهل الجزائر خلاص .. المهم معاهم حتـــــــــــــي المونديال انشــــــــاء الله ..
Post: #85 Title: Re: مع الجــــزائـــر حتي المونديال ... Author: Amany Elamin Date: 11-14-2009, 09:16 PM Parent: #83
بقدر مازعلت علي عدم تأهل الجزائر من القاهره مباشرة.. فرحانه بتشجيعهم وتأهلهم من الخرطوم انشاءالله ..
Post: #86 Title: Re: مع الجــــزائـــر حتي المونديال ... Author: طلحة عبدالله Date: 11-14-2009, 09:25 PM Parent: #85
المصريين أهم (جارتنا بالهيطة مصرية وعندها جكس شرط)
Post: #88 Title: Re: مع الجــــزائـــر حتي المونديال ... Author: Amany Elamin Date: 11-14-2009, 09:36 PM Parent: #86
طلحه :
Quote: المصريين أهم (جارتنا بالهيطة مصرية وعندها جكس شرط)
والعجب الجزائريات ياسلاااااااااااااام مكس عرب بأمازيغ وبربر وماعارفه شنو حاجه عجيبه .. وكمان ثقافتهم فرنسيه يعني كلاس وستايل خالص .. هسي حيجونا السودان يشجعوا فريقهم انشاء الله ..
بس انت شجعهم لينا عليك الله ..
Post: #89 Title: Re: مع الجــــزائـــر حتي المونديال ... Author: عامر باضاوي Date: 11-14-2009, 09:39 PM Parent: #86
الهدفين مشكوك فيهم سارق (اوف سايد) والقناه المصريه لم تعيد الهدف من هذه الزاويه اتمني انو يكون في واحد منكم لاحظ الحته دي
Post: #90 Title: Re: مع الجــــزائـــر حتي المونديال ... Author: طلحة عبدالله Date: 11-14-2009, 09:45 PM Parent: #89
أماني ينظر ويفاد وقد قيل : لا تدفق مويتك على الرهاب
Post: #91 Title: Re: مع الجــــزائـــر حتي المونديال ... Author: ياسر هرون ابوالقاسم Date: 11-14-2009, 09:57 PM Parent: #90
معاك يا شعب الجزائر حتى النصر
Post: #94 Title: Re: مع الجــــزائـــر حتي المونديال ... Author: عامر باضاوي Date: 11-14-2009, 10:10 PM Parent: #91
Post: #92 Title: Re: مع الجــــزائـــر حتي المونديال ... Author: Amany Elamin Date: 11-14-2009, 10:02 PM Parent: #90
أخ عامر: الهدف الأول فعلا بدأ بأوف سايد لاحظت ليهو واحتجيت, يمكن ده اللي أربك الحارس ..
التاني ماشفتو لأني لما قالوا قون قمت مشيت خليت التلفزيون :(
بس غايتو يافرحه ماتمت ..
طلحه: الأوفر ما مفتوح, يوم 18 الناس ديل بكونوا رجعوا بلدهم, كان ما حسّنت علاقاتك معاهم وشجعتهم شديد تاني الّا تشوفهم في التلفزيون ... بعدين المصريين ديل من الله خلق الدنيا جيراننا, رحلوا؟
Post: #93 Title: Re: مع الجــــزائـــر حتي المونديال ... Author: الوليد محمد الامين Date: 11-14-2009, 10:02 PM Parent: #90
سلامات يا أماني
مع الجزائر حتي المونديال
وضد المصريين الغاصبين المحتلين لبلادنا حتي الهزيمة
أضعف الايمان ان لا اشجع من احتل بلادي !
الاستلاب السوداني تجاه الاخر وصل مرحلة عجيبة !
بكره تطلع الجرايد ترحب ليك بالمصريين ،
نفس الجرايد السكتت عن مجزرة المهندسين ضد اللاجئين السودانيين وساكتة هسه عن احتلال حلايب !
غايتو ، ربك كريم .
Post: #95 Title: Re: مع الجــــزائـــر حتي المونديال ... Author: عامر باضاوي Date: 11-14-2009, 10:18 PM Parent: #93
الاخت اماني بالرغم اني ما شديد علي الكوره لكن عارفين بعض القوانين انا واخوي علي ابن عمي وانا وابن عمي مع
Post: #96 Title: Re: مع الجــــزائـــر حتي المونديال ... Author: طارق جبريل Date: 11-14-2009, 10:26 PM Parent: #95
حقيقي الجزائر احق بالوصول لكأس العالم من المصريين الجزائر لديها فريق منظم ويلعب كرة جميلة
Post: #97 Title: Re: مع الجــــزائـــر حتي المونديال ... Author: Ibrahim Sayed Date: 11-14-2009, 10:38 PM Parent: #96
فى البداية احب ان اعطى معلومة مهمة وهى ان الخرطوم بها عشرات الاف من العمال المصريين الذين سيتحركون افواجا من الان للحصول على تذاكر المباراة وبالتالى سيتحول الاستاد الى استاد مصرى مما يعطى تفسيرا منطقيا لارتياح المصريين لاختيار الخرطوم لمباراة الفيصل فهم تدرى منا بحالة اليأس والاحباط الذى يكنه الشعب السودانى لمصر وبالتاى يعلمون جيدا ان السودانيون سيشجعون الجزائر ولكن البركة فى عمالتهم الوفية التى استطاعة ان تزلحم العمالة السودانية وتعطيها درسا فى فنون العمل والفهلوة على حساب فلسفة وكسل العمالة السودانية قليلة الخبرة والحظ !!
اما بالنسبة للاخوة الذين سيشجعون مصر فاقولها بصراحة من حقكم ان تشجعو مصر اذا قدمت لكم ثلاث اشياء هى من حقوقكم الضائعة وللاسف تتجاهلونا بسذاجة مخجلة لمن يعانى من ضعف ذاكرته امام التاريخ
اولا : تعويض حلفا عن الغرق بتعويضات مادية ومساعدتهم لاعادة التوطين حول بحيرة ناصر وايصال كهرباء من السد العالى لهم كما وعدو و(طنشو)!
ثانيا : اعادة حلايب للسودان او على الاقل القبول بالتحكيم الدولى مع تعويض شهدائنا الذين قتلوهم هناك فى اعتدائهم الغاشم.
ثالثا : الاعتراف بمجزرة مصطفى محمود(المهندسين) التى ارتكبت فى حق الابرياء عام 2005 وتعويضهم ماديا وادبيا عما حدث!!
. اذا قامت مصر بهذا فسوف اشجعها وانا واثق انها يستحيل ان تقوم بهذا
وبالتالى سوف اشجع الجزائر
وتحياتى
Post: #98 Title: Re: مع الجــــزائـــر حتي المونديال ... Author: Muna Khugali Date: 11-14-2009, 11:17 PM Parent: #97
مبروك يا اماني فوز مصر
Post: #99 Title: Re: مع الجــــزائـــر حتي المونديال ... Author: قيقراوي Date: 11-15-2009, 00:50 AM Parent: #98
Quote: حتشجع الجزائر في السودان؟ ليه؟ لأنك بتحب الجزائر جدا زيي ؟ وللا لأنك ما بتحب المصريين أبدا (زيي برضو)؟
مصر و السودان حتة واحدة * مع مصر حتى الكاس . . شنو ليك ؟ و الله فرحت عديل لما جابو التاني دا ! و هنا - حي الجامعة ، جدة - كلوا مصريين الاحتفالات في الشوارع لما فكانا البوليس !
------------------
* للضمان كدا نقول حسب الظروف ، لو قفلوها معانا تبقى " مِت حتة " !!
سلام يا اماني
Post: #100 Title: Re: مع الجــــزائـــر حتي المونديال ... Author: MAHJOOP ALI Date: 11-15-2009, 01:51 AM Parent: #99
اماني سلام جزائر حتي النصر انا سمعت ان الدخول مجاني لسكان الافليم الشرقي كدي اتاكدي من المعلومة دي
Post: #101 Title: Re: مع الجــــزائـــر حتي المونديال ... Author: Nasruddin Al Basheer Date: 11-15-2009, 07:04 AM Parent: #100
Quote: ولو الجزائر طارت، أعرفي إنو البوست بتاعك ده هو السبب..
خلاص يا أماني غتستي حجر الجزائر وجيتي تقول لي القون الأول أوفسايد..
Post: #102 Title: Re: مع الجــــزائـــر حتي المونديال ... Author: Amany Elamin Date: 11-15-2009, 07:31 AM Parent: #101
الأخ نصر الدين: يعني مش تقرا البوست كويس شوف أنا كاتبه شنو:
Quote: نتمني فوز مصر في القاهره والجزائر في الخرطوم .. عايزين نشجع الجزائر من الخرطوم حتي المونديال ..
أنا زعلت بس لأنو الجزائر أثناء المباراه استحقت الفوز وعشّمتنا في التأهل من القاهره .. لكن والله فرحنا بجيتهم السودان وانشاء الله يتأهلوا من عندينا هههههه
قول يارب ..
Post: #103 Title: Re: مع الجــــزائـــر حتي المونديال ... Author: Amany Elamin Date: 11-15-2009, 07:37 AM Parent: #102
الأخوه عامر باضاوي وياسر هارون:
سعيده بانضمامكم لركب البوست والوقوف مع الجزائر حتي المونديال ..
بتمني برضو الجماهير اللي حتشجع الجزائر من داخل الاستاد تسرع بشراء التذاكر, الجاليه المصريه ومن خلفها الحكومه لن يتركوا لكم فرصه كافيه ان لم تنتزعوها ...
ربنا معاهم ..
Post: #104 Title: Re: مع الجــــزائـــر حتي المونديال ... Author: كمال الشادي Date: 11-15-2009, 07:48 AM Parent: #103
معقولة زول يقول ليك انا جاي اتغدى معاك في بيتك تطلع تخلي ليهو البيت
المصريين إختارو يلعبوا في السودان معقول ما نشجعهم
يا أخوانا انا واخوي على بن عمي وانا وابن عمي على الغريب
الغريب هنا هو الجزائري
مرة في الحج حج معاي شوية جزائريين ومع معنويات الحج الدينية العالية حاولت اخش في اي حوار معاهم وهم كمان إجتهدوا وما قصروا لكن في الاخر لافمتهم ولا فهموني ووصلنا كلنا لقناعة واحدة اننا بعاد عن بعض جداً
بالله تصوروا يعلب المصريين يوم الاربعاء في الخرطوم والجمهور يشجع الجزائريين والمصريين ينتصروا
تدوا وشكم وين
يا أخوانا السترة والفضيلة متباربات
إنستروا إنستروا وشجعوا المصريين
Post: #113 Title: Re: مع الجــــزائـــر حتي المونديال ... Author: Amany Elamin Date: 11-15-2009, 08:33 AM Parent: #104
الأخ كمال الشادي:
Quote: معقولة زول يقول ليك انا جاي اتغدى معاك في بيتك تطلع تخلي ليهو البيت المصريين إختارو يلعبوا في السودان معقول ما نشجعهم
ده طبعا بفهم الملك الحر حقهم العندنا (الحديقه الخلفيه) طيب ماكان يلعبوها في ليبيا !!!!!!!
Quote: مرة في الحج حج معاي شوية جزائريين ومع معنويات الحج الدينية العالية حاولت اخش في اي حوار معاهم وهم كمان إجتهدوا وما قصروا لكن في الاخر لافمتهم ولا فهموني ووصلنا كلنا لقناعة واحدة اننا بعاد عن بعض جداً
صدقني ما قصة بعاد وقراب .. عمر المسافه الجغرافيه ما كانت حاجز .. انت مشبع بالثقافه المصريه لأنو اعلامهم عامل حشو للمنطقه بثقافتهم وتاريخهم, هم بتاجروا بتاريخهم ده, سياحه ومسلسلات واعلام, بياكلوا من وراهو عيش يعني, لو دول المغرب ديل غزوا الاعلام زيهم حيتفوقوا عليهم وصدقني لهجتهم جميله جدا .. بعدين نحن نفسنا غارقين في المحليه, ولو مشيت الخليج القريب ده ما حيفهموك, وصدقني المصريين ذاتهم لو اتكلمت معاهم, لو فهموا حيعملوا روحهم ما فاهمين ههههه
Quote: بالله تصوروا يعلب المصريين يوم الاربعاء في الخرطوم والجمهور يشجع الجزائريين والمصريين ينتصروا
بس عايزه أعرف المشكله وين؟ مصر دي أكتر من دوله جاره بشنو؟ ماتشاد دوله جاره, ويوغندا دوله جاره,
صدقني أنا بحاول أسوق البوست بدون ما أشجع علي عنصريه أو أروج لي فتنه بين الشعبين, حريصه علي كده غاية الحرص .. لكن عندي حوارات مع صديقات وأصدقاء مصريين في الفايس بوك .. صدقني نظرتهم للسودانيين دونيه بحته, وعنصريه كمان .. لو عملت بس كوبي بايست للحوارات دي هنا ما في زول حيشجع مصر في البورد ده ..
تحياتي واحترامي ..
Post: #105 Title: Re: مع الجــــزائـــر حتي المونديال ... Author: Amany Elamin Date: 11-15-2009, 07:49 AM Parent: #103
وليد الأمين:
Quote: بكره تطلع الجرايد ترحب ليك بالمصريين
ده المخوفني ذااااتو .. ياوليد الموضوع بقي سياسي جدا .. والحساسيه بين مصر والجزائر بلغت أوجها .. اتصالات لوم وضغط بين وزراء ورؤساء, وتقريبا الشعبين اتخاسروا .. خايفه ليك من حكومتنا تعملها ظااااااهره وتدعم مصر , وتحشد الحشود للوقوف خلفها !!!!!!!!
الحكومه مفروض تتفرغ لموضوع التنظيم الجيد وتوزيع الفرص العادله لمشجعي الفريقين, الفايز بيحددوهو اللعيبه من داخل الاستاد, لازم الجرايد بصفتها واجهه اعلاميه للبلاد تكون محايده في مانشيتاتها :(
المهم ربك كريم ..
Post: #111 Title: Re: مع الجــــزائـــر حتي المونديال ... Author: Amany Elamin Date: 11-15-2009, 08:14 AM Parent: #100
الأخ محجوب علي, لسه ما شفت الجرايد بتاعت الليله .. بعدين نهاية اليوم انشاء الله بجيب ليك الأخبار الجديده .. بس ما فاهمه ليه الشرق بالذات؟
Quote: جزائر حتي النصر
Post: #116 Title: Re: مع الجــــزائـــر حتي المونديال ... Author: Zomrawi Alweli Date: 11-15-2009, 11:25 AM Parent: #100
Quote: من اجل حلايب والنوبة ..نعم للجزائر ...
اجمل شعار ممكن يرفع في الانتخابات القادمة كمان من اجل حلايب والنوبة من اجل الحكمة المسلوبة
نكره ونكره ونكره ام الدنيا لانهم مكروهون مكروهون مكروهون
Post: #137 Title: Re: مع الجــــزائـــر حتي المونديال ... Author: Mannan Date: 11-16-2009, 07:37 AM Parent: #100
عند حلفا... عند خط الإستواء وعلى وهران يمشى اصدقائى يا جزائر
ومصر الجارة الظالمة التى اتت منها كل المصائب من زمن الفراعنة ودخول العرب واتفاقية البقط (360 عبدا) كل عام غزو محمد على باشا وحريق المك وحملات الدفتردار الإنتقامية الحكم التركى البغيض الإستعمار المصرى الإنجليزى انقلاب عبود والسد العالى وإغراق حلفا انقلاب نميرى الشيوعية والإخوان المسلمين والقومية العربية مذبحة اللاجئين السودانيين فى ميدان مصطفى محمود احتلال حلايب اتفاقية الحريات الأربعة لتوطين ملايين المصريين مصر وراء سدود الدمار.. بعد غزو العراق للكويت المصريين سعوا لطرد السودانيين من الخليج ليحلوا محلهم وأشاعوا ان الشعب السودانى كسول!!!! موية تحت التبن... وبعد دة كلو نشجع منتخب مصر؟؟؟ نحن لا نكره الشعب المصرى ولكن نكره انظمتهم السياسية التى تزرع ثقافة الإستعلاء العرقى والنظر بدونية لكل ما هو اسود ونوبى... انظروا الى الإعلام المصرى .. وهل تجدون وزراء من النوبة او دبلوماسيين او محافظين او ضباط كبار فى الجيش ؟؟؟؟ لا والف لا... مصر عليها ان تعدل موقفها وسياستها تجاه السودان لنحترمها ونحبها اما والأمر على ما نراه فان مصر ستجد كل يوم صوتا غاضبا وسيزداد عدد الغاضبين بمرور الأيام... استغرب للمستلبين ... نحن لسنا كلابا فالكلب يريد خناقو شكرا أمانى ... نحن مع الكرامة ووما بنقبل الحقرة.. نحن هنشجع الجزائر بلد المليون شهيد وكمان نوجه دعوة لمدير عام اليونسكو عشان تجى تشوف عمايل مصر فى النوبيين...
Post: #169 Title: Re: مع الجــــزائـــر حتي المونديال ... Author: Amany Elamin Date: 11-16-2009, 07:07 PM Parent: #137
الأخ منان: كل الشكر علي مداخلتك الثره,
Quote: نحن هنشجع الجزائر بلد المليون شهيد
التوفيق للجزائر, وكل التوفيق ليكم في معركتكم المشروعه وأتمني أن تلاقي مذكرتكم كل الاهتمام والدعم ..
Post: #174 Title: Re: مع الجــــزائـــر حتي المونديال ... Author: د.يوسف محمد طاهر Date: 11-16-2009, 07:51 PM Parent: #100
Quote: اول شي اخواني اخواتي الافاضل احب ان اقول دمتم بخير وعافيه واما بالنسبة لمباراة مصر والجزائر من الظلم ان تقام المباراة في السودان لان الذهاب لعب في الجزائر وامام الجمهور الجزائري الشقيق فمن المفترض ان تلعب المباراة على ارض الكنانه مصر لانه يحق للجمهور المصري ان يآزر بلده ووطنه في المباراة كما شجع الجزائريون وطنهم انا ليس مصيرا ولا جزائريا ( انا سعودي ) واستغرب هذا الفعل من اتحاد كرة القدم
يا للغباء هذا التعليق ذكرني بأحد الزملاء لما كنا طلاب في المرحلة الثانوية والمريخ فاز بكأس شرق ووسط أفريقيا جلس جنبي فرحان في نجيلة المدرسة وبسألني :يعني كده المريخ حيلعب في كأس العالم
الأخت أماني سلامات أنحنا مع الجزائر مصر نهي
الحب قسم
Post: #200 Title: Re: مع الجــــزائـــر حتي المونديال ... Author: Amany Elamin Date: 11-17-2009, 04:18 PM Parent: #174
د. يوسف محمد طاهر:
Quote: أنحنا مع الجزائر مصر نهي
شكرا علي انضمامك لركب البوست ..
مـــــــع الجـــــــــــــزائر حتي المونديــــــــــــــــال ..
Post: #110 Title: Re: مع الجــــزائـــر حتي المونديال ... Author: Amany Elamin Date: 11-15-2009, 08:10 AM Parent: #99
قيقراوي:
Quote: مع مصر حتى الكاس . .
اللعيبه ذاااتهم الكاس ده ما في طموحاتهم ههههههه
شفت جيرانك المصريين ديل لو الهلال شال كاس الأبطال سنة 2010 دي ذاتها, حيعملوا روحهم مافاهمين حاجه ويلاقوك تاني يوم يقولوا ليك "هو في ايه؟" أاقطع دراعي لو ما عملوا كده
Post: #182 Title: Re: مع الجــــزائـــر حتي المونديال ... Author: موسي عيسي Date: 11-17-2009, 07:25 AM Parent: #99
للأمانة ما بحب السياسة المصرية و لكن الشعب المصري كشعب شعب يتعايش
و نحن أهل تجربة طيبة معاهم و حاليا مجربين المعيشة مع غيرهم و لكننا
للأمانة ما في مقارنة في كيفية التعامل و المصريين أحسن بمية مره من باقي
العرب عدا ابويمن و بالرغم من كثير من الاخوان السودانيين بكرهوا المصريين بعد التجربة
معاهم في العمل سوا في العراق أو الخليج و لكنكم لم تخالطوا الجزائريين
فهم الاسوء في الفهم عنا كسودانيين ولي تجربة شخصية معا بعضهم ؟
و لكن رغم ذلك انا من المشجعين للفريق المصري حتى المونديال و بعدها لك
حدث حديث !
Post: #201 Title: Re: مع الجــــزائـــر حتي المونديال ... Author: Amany Elamin Date: 11-17-2009, 04:20 PM Parent: #182
الأخ موسي عيسي:
المباراه أصبحت قاب قوسين أو أدني ..
كلنا مترقب .. مصر خيارك .. وخيارنا الجزائر ..
وللسودان حسن التنظيم والضيافه والأمن انشاء الله ..
Post: #213 Title: Re: مع الجــــزائـــر حتي المونديال ... Author: GamarBoBa Date: 11-18-2009, 08:32 PM Parent: #99
الي مصيركم البشبهكم وبلا غاغة معاكم بسعدكم الصغير وممثلاتكم وحزبكم الوطني
ــــــــــــــــــــــــــ
شكرا جميلة بوحيرد شكرا عنتر يحي
شكرا اماني الامين
مبسوط انا
Post: #237 Title: Re: مع الجــــزائـــر حتي المونديال ... Author: ذواليد سليمان مصطفى Date: 11-19-2009, 05:31 PM Parent: #99
بعد النصر
شارع العرضة تحكي
Post: #108 Title: Re: مع الجــــزائـــر حتي المونديال ... Author: Amany Elamin Date: 11-15-2009, 08:04 AM Parent: #98
مني خوجلي: سامعاك فاتحه مسجلك من هسي, وطي الصوت شويه لو سمحت عندنا تجهيزات أنا وقمر بوبا ما عارفين نتناقش فيها ..
Post: #107 Title: Re: مع الجــــزائـــر حتي المونديال ... Author: Amany Elamin Date: 11-15-2009, 08:00 AM Parent: #97
الأخ ابراهيم سيد: حضرتك كتبت كلام يتقل بالذهب, وانشاء الله الناس تقرأ وتعقل :(
Quote: احب ان اعطى معلومة مهمة وهى ان الخرطوم بها عشرات الاف من العمال المصريين الذين سيتحركون افواجا من الان للحصول على تذاكر المباراة وبالتالى سيتحول الاستاد الى استاد مصرى مما يعطى تفسيرا منطقيا لارتياح المصريين لاختيار الخرطوم لمباراة الفيصل فهم تدرى منا بحالة اليأس والاحباط الذى يكنه الشعب السودانى لمصر وبالتاى يعلمون جيدا ان السودانيون سيشجعون الجزائر ولكن البركة فى عمالتهم الوفية التى استطاعة ان تزلحم العمالة السودانية وتعطيها درسا فى فنون العمل والفهلوة على حساب فلسفة وكسل العمالة السودانية قليلة الخبرة والحظ !!
Post: #109 Title: Re: مع الجــــزائـــر حتي المونديال ... Author: ديامي Date: 11-15-2009, 08:09 AM Parent: #106
مع الجزائر حتى المونديال
Post: #118 Title: Re: مع الجــــزائـــر حتي المونديال ... Author: Amany Elamin Date: 11-15-2009, 05:38 PM Parent: #109
الأخ ديامي:
Quote: مع الجزائر حتى المونديال
شكرا لانضمامك للركب ..
Post: #112 Title: Re: مع الجــــزائـــر حتي المونديال ... Author: الصادق صديق سلمان Date: 11-15-2009, 08:26 AM Parent: #106
الأخت أماني خليني النخش بي طريقة تانية أنا بشجع الجزائر على الرغم من قناعتي من أن المصريين هم الأقرب لنا ولكن ما في القلب عن المصريين وتحرشاتهم بنا إعلامياً وكروياً وجعلنا نشعر بأننا اقل منهم أو هم يعتقدون أننا اقل منهم في كل شيء. مما احزنني في مرة من المرات كنت في صيدلية في الرياض وجاءت واحدة حبشية (بتشبه السودانية) وطلبت نوع معين من الدواء وكان الصيدلي مصري - وبعد ما سلمها الدواء وسألت من السعر لم يعجبها أو لم يكن معها المال الكافي لذلك فأرجعت الدواء وهنا استشاط الصيدلي غضباً وقال (هي بتعمل كدا على إيه) يعني بيقصد انها على بتعمل كدا على شنو (يعني سوداء) على الرغم من أنها كانت مغطاة تماماً. فقلت له غاضباً هذه ليست سودانية فقال لي برضو وعلى إيه - قربت اكسر ليهو خشمو.
في كاس الأمم الأفريقية الماضي في مباراة السودان ومصر في النهائيات في غانا حضرت المباراة في مقهي بتاع مصريين وكانوا كتيرين خلاص, وطبعاً والغريبة انهم بيخافوا مننا (ماعارف ليه) كانوا خايفين وكنت بشجع بصوت عالى ولمن جابوا القون الأول في واحد مصري كان بيدخن وراي وقام نفخ لي السجاير في وشي من وراء - المرة الأولى قلت يمكن ماقاصد فخليتو ولكن المرة الثانية قمت ومسكته من رقبته وضربته وقامت الدنيا ولم تقعد وتتدخل بعض المصريين. ولكن للأسف انهزم السودان يومها بثلاثية.
النفوس لا تحبهم من عمايلهم معنا ولكن: اختيارهم للسودان كدولة للعب مباراتهم النهائية خير دليل على أنهم يثقون بنا ولو إلى حد ما والحقيقة لم أكن للمباراة أن تذهب إلى السودان وذلك لعلمي أن السودانيون لا يحبون المصريين (وبرضو من عمايلهم معانا) وسوف تجد الجزائر تشجيعاً أكثر من مصر هناك.
أبوفتحية
Post: #114 Title: Re: مع الجــــزائـــر حتي المونديال ... Author: هواري نمر Date: 11-15-2009, 11:04 AM Parent: #112
Post: #115 Title: Re: مع الجــــزائـــر حتي المونديال ... Author: Gaafar Ismail Date: 11-15-2009, 11:17 AM Parent: #114
سأشجع مصر - غض النظر عن الحساسيات ونظرة بعض المصريين لنا - لأنها جارة والأقرب لنا من الجزائر وتربطنا بها علاقات تاريخية ونشرب سويا من نهر النيل .
Post: #117 Title: Re: مع الجــــزائـــر حتي المونديال ... Author: Amany Elamin Date: 11-15-2009, 05:37 PM Parent: #115
الأخ زمراوي الولي:
Quote: اجمل شعار ممكن يرفع في الانتخابات القادمة كمان من اجل حلايب والنوبة من اجل الحكمة المسلوبة نكره ونكره ونكره ام الدنيا
حلايب والنوبه بس؟ المصريين جايين يوم الأربعاء يحتلوا أمدرمان .. تابع الأخبار في القنوات المصريه, طائرات عده (أكثر من 30 طائره) سيتم ارسالها الي الخرطوم في ظرف اليومين القادمين للتشجيع في المباراه !!!!!!!! ديل لو ما ضامنين التذاكر بيجوا؟ طيب جابوا التذاكر من وين والتذاكر لسه ما اتباعت؟ الحكومه تطرح التذاكر في السوق وللا تبيعها بالتلفون للمصريين ؟
لك الله ياوطني ...
Post: #120 Title: Re: مع الجــــزائـــر حتي المونديال ... Author: Muna Khugali Date: 11-15-2009, 05:44 PM Parent: #115
اوطي المسجل كيف يعني يا أماني؟؟ أنا اشتريتو مخصوص للمناسبة دي وشايله معاي بطاريات احتيامي (ديوريللا) التي لا تخذل! وبعدين انا مسجلي وين مع الغنا والرقص والصفافير من الجمهور؟؟ انا نقطة في بحر!
لكن يا أمنية عايزه اسألك في كلامك القولتيه ده
انت مشبع بالثقافه المصريه لأنو اعلامهم عامل حشو للمنطقه بثقافتهم وتاريخهم, هم بتاجروا بتاريخهم ده, سياحه ومسلسلات واعلام, بياكلوا من وراهو عيش يعني,
اسه ده كلام يلوموا بيه ناس يا أماني ياخ؟؟ ياريتنا كنا صناع سينما وثقافة منتشرة..بدل مانكون بتوع حروب وتدمير.. ياريت عندنا اعلام قوي يتكلم علي بلدنا وتاريخنا..الكل يوم بيضيع جزء منه وياريت نتاجر بتاريخنا ونجيب سياحة لبلدنا ونرفعها فوق..بعد مانرجع الدندر لسابق حالها..ونوقف الحرب في جبل مرة مثلا.. السياحة زي ماعارفه بتجيب لينا قروش وبنخلق بيها وظائف..مش احسن من نرسل الناس كلها للصالح العام ومانشغل الشباب.. وريني كده عندنا كم مرشد سياحي؟؟ وعندنا كم منطقة سياحية موجوده؟؟ وعندنا كم فوج سياحي بيجينا؟؟ ماغي ياحبيبتي..يبقي العيب فينا مش في العندهم.. معقول يا امنيتي نزعل من الناس علشان بيعملوا بروموشن لبلدهم؟؟ يعني يطلعوا بره السوق العالمي والاقليمي علشان الناس ترضي عنهم ولا شنو؟؟
لالالا يا اماني..المصريين شطار..
بعدين علي فكره جبت مسجل أكبر لمباراة الخرطوم..
Post: #123 Title: Re: مع الجــــزائـــر حتي المونديال ... Author: Amany Elamin Date: 11-15-2009, 06:15 PM Parent: #120
مني ياحبيبه:
Quote: ياريت عندنا اعلام قوي يتكلم علي بلدنا وتاريخنا..الكل يوم بيضيع جزء منه وياريت نتاجر بتاريخنا ونجيب سياحة لبلدنا ونرفعها فوق..
كلامك صاح .. بس كيف يامني ونحن مشدوهين بيهم ومستلبين بثقافتهم, نطور أنفسنا وللا نديها التابعيه المصريه بجداره الي ما لانهايه, نروج للمصريين وندعمهم بقوتنا زي ما عمل رئيسنا لما كرّم فريقهم وأداهم عربات من قوت الشعب, وللا ندعم منتخبنا الوطني بالأموال دي عشان ينافسهم افريقيا؟ نردد أغانيهم ونشاهد اعلامهم ونحن نفتقر للمسات الاعلاميه الجيده اللي ممكن تنافس في المحافل الدوليه؟ وللا نفتخر بهويتنا وثقافتنا وموروثاتنا واستقلاليتنا ونزرعها جوانا وجوه أولادنا ؟ مش لازم أولادنا نربيهم علي الاعتزاز بثقافتنا وهويتنا وعدم الانتماء لأي ثقافه مغايره حتي لو كانت مجاوره .. ده ما حيتم الا لما نعرف اننا دوله بلغت سن الفطام قبل سنين عددا وفات أوان فطامها عن تلك الأم المسيطره التي تريد ابنها لصيقا بها حتي وان اقعده ذلك عن لحاق ركب الأمم ..
بعدين يدهشني جدا من يتافخر باننا نتعالج في مصر !!!!!!! ألانتعالج بأموالنا؟ هل تعالجنا مصر صدقه؟ ألسنا أحق بهذه الأموال لدعم قطاع الصحه وتنميتها؟ ولدينا أكفأ الأطباء وأمهرهم !!!!! التجار السودانيين والسياح كم هو مقدار اسهامهم في الاقتصاد المصري ياتري؟ الي متي سنستمر في جلب البضائع وليس في التعاقد مع المصانع العالميه وفتح السودان لوكلائهم للانتاج داخل البلاد لتصبح بلادنا سوقا ؟ يدهشني أن نملك أجمل الجزر المرجانيه في العالم في شاطئ البحر الأحمر ولا نستثمرها؟ يحزنني أن لا نستثمر اثارنا التاريخيه .. يحزنني.. ويحزنني .. ويحزنني ..
نحن يئسنا من السياسه في بلادنا, لكن لسه بنأمل في وعي المواطن السوداني ..
تشجيع مصر ليس واجب وطني .. لكن اثبات استقلال وسيادة السودان واجب وطني ..
--- برضو وطي المسجل شويه عشان تسمعيني
Post: #122 Title: Re: مع الجــــزائـــر حتي المونديال ... Author: Amany Elamin Date: 11-15-2009, 05:48 PM Parent: #115
الأخ جعفر اسماعيل:
Quote: لأنها جارة والأقرب لنا من الجزائر وتربطنا بها علاقات تاريخية ونشرب سويا من نهر النيل .
خيارك وليس لي تغييره .. ليتهم يؤمنون بما تنطق .. ويتفوهون به بصدق مثلك وليس كمحض عبارات جوفاء حين الحوجه أو المداهنه ..
Post: #121 Title: Re: مع الجــــزائـــر حتي المونديال ... Author: Amany Elamin Date: 11-15-2009, 05:44 PM Parent: #114
الأخ هواري:
Quote: في الخرطوم..قد يكون النصر
في طريقي الي العمل اليوم وداخل العمل, الكل مجموعات وحلقات يتناقشون عن المباراه .. أثلج صدري شبه اجماع من التقيتهم علي عدم تشجيع المصريين ..
طالعت الصحف اليوميه فوجدت مانشيتاتها متوازنه .. يبدو أن المعلن حياد والمبطن لاعلم لنا به حتي يوم المباراه اذ ستتضح الرؤيه تماما يومها ..
تحياتي وخلينا متابعين ..
Post: #119 Title: Re: مع الجــــزائـــر حتي المونديال ... Author: Amany Elamin Date: 11-15-2009, 05:41 PM Parent: #112
الأخ الصادق صديق : شكرا لمداخلتك وشرحك الوافي ..
Quote: سوف تجد الجزائر تشجيعاً أكثر من مصر هناك.
كلنا نأمل في ذلك ..
Post: #124 Title: Re: مع الجــــزائـــر حتي المونديال ... Author: GamarBoBa Date: 11-15-2009, 06:25 PM Parent: #119
ياخوانا ديل قالوا تعدادهم نص مليون في السودان يعني حيخلقوا لينا مشكلة مع الجزائر ليت المسئولين يديرونها بحكمة الاستاد ده لو اتملا مصريين بس حتكون مشكلة
Post: #125 Title: Re: مع الجــــزائـــر حتي المونديال ... Author: الصادق الزين Date: 11-15-2009, 06:32 PM Parent: #124
مصر مصر مصر مصرمصرمصر مصر مصر مصر مصر . . . مصر
Post: #126 Title: Re: مع الجــــزائـــر حتي المونديال ... Author: Amany Elamin Date: 11-15-2009, 06:43 PM Parent: #124
قمربوبا: كلامك عين العقل
Quote: ياخوانا ديل قالوا تعدادهم نص مليون في السودان يعني حيخلقوا لينا مشكلة مع الجزائر ليت المسئولين يديرونها بحكمة الاستاد ده لو اتملا مصريين بس حتكون مشكلة
المشكله انو بالاضافه للنص مليون ديل جايبين عليهم نص مليون من مصر .. مش قلت ليك المصريين جايين يحتلوا أمدرمان ..
نرفض فتح باب بيع التذاكر للمصريين علي مصارعيه, لابد من التوازن خصوصا مع مراعاة أن الجزائر بعيده عنا وليس من السهوله علي مشجعيها القدوم للسودان .. الموضوع ده ممكن يخلق أزمه ديبلوماسيه مع الجزائر اذا امتلأ الاستاد بالمشجعين من المصريين فقط ..
وبرضو حنشجع الجزائر ..
Post: #127 Title: Re: مع الجــــزائـــر حتي المونديال ... Author: Amany Elamin Date: 11-15-2009, 06:48 PM Parent: #126
Post: #128 Title: Re: مع الجــــزائـــر حتي المونديال ... Author: نوفل عبد الرحيم حسن Date: 11-16-2009, 01:19 AM Parent: #127
مصر أم الدنيا مصر مصر مصر عاشت مصر وعاشت حنان ترك ذاتها
اماني ازيك ياخ رجعتي البلد ام 17 ساعه ديك ولا شنو
Post: #129 Title: Re: مع الجــــزائـــر حتي المونديال ... Author: Amany Elamin Date: 11-16-2009, 06:31 AM Parent: #128
الأخ الصادق الزين: أقرأ الكلام ده وهو تصريح لروراوة بعد مباراة القاهره:
Quote: "لاعبو الجزائر خاضوا المباراة كالأسود ولم يتأثروا بالاعتداء الذي استهدفهم مباشرة بعد وصولهم إلى القاهرة".
وأكد أن الاتحاد بالتنسيق مع الحكومة الجزائرية اتخذ كل الإجراءات لخوض ما أسماه بالمعركة الفاصلة ضد المنتخب المصري في إشارة إلى المواجهة التي ستجمع المنتخبين الأربعاء المقبل بالسودان الخرطوم.
وأشار روراوة إلى أن الأمور ستختلف كثيرا في السودان لأنه بلد محايد و"لن يكون هناك من يعتدي على الآخرين بالحجارة" مشيرا إلى قدرة المنتخب الجزائري على حسم بطاقة التأهل لصالحه.
Post: #130 Title: Re: مع الجــــزائـــر حتي المونديال ... Author: Amany Elamin Date: 11-16-2009, 06:34 AM Parent: #129
الأخ نوفل:
Quote: عاشت مصر وعاشت حنان ترك ذاتها
في ناس قالوا المصريين حيجيبوا معاهم ممثلاتهم لتشجيع المنتخب, لكن والله لو جابوا نفرتيتي وحتشبسوت مغلوبين باذن الله ..
أنا فيييي السودان, دي أيام تتفوت؟
Post: #131 Title: Re: مع الجــــزائـــر حتي المونديال ... Author: Amany Elamin Date: 11-16-2009, 06:48 AM Parent: #130
Quote: حالة طوارئ بالخرطوم وتحذيرات من تفجر اعمال العنف بين مشجعي مصر والجزائر
16/11/2009
الخرطوم 'القدس العربي' ـ من كمال بخيت:
تشهد مدينة الخرطوم حالة طوارئ قصوى استعدادا للمباراة الحاسمة بين فريقي مصر والجزائر اللذين سيلعبان يوم الاربعاء (بعد غد) على استاد المريخ في ام درمان الذي يتسع لحوالى ستين الف متفرج. وعلمت 'القدس العربي' ان السلطات السودانية اتخذت اجراءات امنية مشددة من ضمنها تعزيز قوات الامن، بعد اجتماعات طارئة للقيادات الامنية، لتجنب اي صدامات بين مشجعي البلدين. وقد اقامت مصر جسرا جويا لنقل آلاف المشجعين. وفعلت الحكومة الجزائرية الشيء نفسه. وقالت مصادر سودانية انه يوجد في الخرطوم خمسون الف مصري على الاقل في الوقت الراهن. وقال متحدث امني لـ'القدس العربي' ان السودان يملك شرطة مدربة على مواجهة اعمال الشغب، ولم يسجل التاريخ القريب اي انفلات امني، خاصة اثناء لقاء القمة الكروي السوداني بين منتخبي المريخ والهلال حيث يزدحم الملعب بالمشجعين. واشار الى ان السلطات السودانية خصصت تسعة آلاف تأشيرة للمشجعين المصريين، ومثلها للجزائريين، ولكن من المتوقع ان يصل الى الخرطوم اضعاف هذا الرقم، ولهذا تخطط الحكومة السودانية لوضع شاشات عملاقة في استاد نادي الهلال المجاور لاستيعاب هؤلاء ونقل المباراة على الهواء مباشرة. وينقسم الشعب السوداني في مشاعره بين المصريين والجزائريين، ولكن الكفة ترجح لصالح المصريين، مثلما افاد الصحافي السوداني المعروف محمد عبدالقادر لـ'القدس العربي'. وستواجه السلطات السودانية مشكلة اخرى وهي كيفية استيعاب هذه الاعداد الضخمة من الجزائريين والمصريين اثناء وجودهم في العاصمة السودانية قبل وبعد المباراة، حيث لا توجد فنادق كافية لايواء هؤلاء، الامر الذي قد يجعل من شوارع المدينة واحيائها ملاذا لهؤلاء مما يزيد من احتمالات حدوث صدامات. وأمر الرئيس الجزائري عبد العزيز بوتفليقة امس الأحد بنقل عشرة آلاف من مشجعي منتخب بلاده لكرة القدم مجانا إلى العاصمة السودانية الخرطوم حتى يتسنى لهم متابعة المباراة الفاصلة بين الجزائر ومصر في التصفيات المؤهلة لنهائيات كأس العالم 2010 بجنوب أفريقيا. ونقلت الإذاعة الجزائرية عن وحيد بوعبد الله الرئيس التنفيذي لشركة الخطوط الجوية الجزائرية قوله الأحد إن الدولة قررت التكفل بنقل عشرة آلاف مشجع إلى الخرطوم لمساندة منتخب بلادهم في مباراته الفاصلة أمام مصر. وتعهد رجل الاعمال المصري ورجل الحزب الوطني الحاكم احمد عز بنقل اعداد من المشجعين المصريين الى العاصمة السودانية لمؤازرة فريقهم. وتحدث سمير زاهر رئيس الاتحاد المصري لكرة القدم عن محاولات مكثفة من رجال الاعمال وشركات السياحة والوزارات من أجل نقل الجماهير المصرية إلى السودان. وقرر السودان منح تأشيرات مجانية للجزائريين الراغبين في الانتقال إلى الخرطوم لتشجيع منتخب بلادهم في المباراة الفاصلة أمام مصر في التصفيات الأفريقية المؤهلة لنهائيات كأس العالم 2010 المقررة الأربعاء المقبل بملعب أم درمان. وطمأنت السفارة السودانية كل الجزائريين مؤكدة أن الترتيبات لهذا الحدث وكذلك التكفل بالمشجعين الجزائريين، ستتم بالتنسيق بين السفارة الجزائرية بالسودان والحكومة السودانية سواء تعلق الأمر بحجز الغرف في الفنادق أو الإقامات وكذلك تذاكر المباراة. وأصدرت وزارة الخارجية المصرية تعليمات لسفارتها بالسودان الأحد لحشد الدعم للمنتخب المصري لكرة القدم خلال مباراته المرتقبة. وقال المتحدث باسم الخارجية المصرية حسام زكي، في بيان، ان وزير الخارجية المصري احمد أبو الغيط أصدر تعليمات لسفارة مصر في الخرطوم لتكون على أهبة الاستعداد للمساعدة في حشد الدعم والتنظيم المطلوبين قبل لقاء المنتخبين. وألغى مصريون سفرهم إلى الجزائر امس الاحد خوفا على حياتهم بعد المباراة. وصرحت مصادر أمنية في مطار القاهرة بأن مشجعين جزائريين على طائرة مصرية متجهة إلى الجزائر هددوا الركاب المصريين على الرحلة بـ'الذبح' لدى وصولهم إلى الجزائر، فألغى أربعة منهم سفرهم خوفا على حياتهم. وتسبب فوز مصر الاخير في وفاة عدد من الجزائريين، وتوفي رئيس بلدة أولاد موسى (50 عاما) بولاية البليدة (40 كيلومترا جنوب العاصمة الجزائرية) اثر أزمة قلبية بعد نهاية المباراة، كما لقي شاب بولاية المدية (90 كيلومترا جنوبي العاصمة) في الثلاثين من العمر نفس المصير. واشتبك شبان في مدينة مرسيليا بجنوب فرنسا مع عناصر من الشرطة وحطموا واجهات المتاجر في أعقاب خسارة المنتخب الوطني الجزائري أمام نظيره المصري 2-0 في المباراة التي أقيمت مساء السبت بالقاهرة في إطار الجولة الأخيرة للتصفيات الأفريقية المؤهلة لكأسي العالم وأفريقيا 2010. وأكد سمير زاهر رئيس الاتحاد المصري لكرة القدم قبل صعود الطائرة ثقته في اللاعبين والجهاز الفني لاسعاد الجماهير المصرية، وقال إن مباراة الخرطوم مفتوحة وتحتاج لمجهود كبير وانه واثق من أن الفريق المصري يستطيع عبور المباراة وسط ادعية ملايين المصريين ودعم كبير من الرئيس المصري حسني مبارك ونجليه علاء وجمال. وأضاف زاهر ان ماحدث في مباراة السبت بالقاهرة كان ملحمة وسيمفونية حب من الجماهير التي ملأت استاد القاهرة واستجاب الله لدعواتها لتحقيق هذه النتيجة وكانت فرص مصر معدومة في بداية التصفيات. اما رئيس الإتحاد الجزائري لكرة القدم، محمد روراوة، فانتقد بشدة السلطات المصرية واتهمها بالتخطيط للإيقاع بالمنتخب الجزائري قبل وبعد المباراة المثيرة التي جرت السبت بالقاهرة. وقال روراوة في حديث لإذاعة الجزائر الرسمية امس الأحد قبيل مغادرة الفريق الجزائري إلى السودان 'إننا نحمد الله على خروجنا بسلام من كمين منظم خطط له مسبقا للإطاحة بالفريق الجزائري، إذ حتى بعد تعادلنا تعرضنا للرشق بالحجارة مرة أخرى في طريقنا إلى الفندق وهذا دليل على وجود ناس خططت لذلك لتحطيمنا وإخافتنا'. واعتبر أن اللاعبين الجزائريين 'خاضوا هذه المعركة (المباراة) كالأسود وسنخوض المقابلة الفاصلة في الخرطوم في ظروف أخرى عند أصدقاء لنا في ظروف غير ظروف إستاد القاهرة'.
Post: #132 Title: Re: مع الجــــزائـــر حتي المونديال ... Author: Tragie Mustafa Date: 11-16-2009, 06:53 AM Parent: #131
شكرا يا اماني يا عسل استمتعت بالاغاني الجزائريه وشكرا على كل المعلومات عن الجزائر.
ساشجع الجزائر نكاية بمصر التي تحتل جزء من بلادي....
Post: #135 Title: Re: مع الجــــزائـــر حتي المونديال ... Author: Amany Elamin Date: 11-16-2009, 07:10 AM Parent: #132
هلا ياتراجي:
Quote: استمتعت بالاغاني الجزائريه
أنا بحب الموسيقي الجزائريه جدا .. ايقاعاتها افريقيه فعلا .. والأغاني قويه وممتعه ..
شكرا لمرورك وخليك مع الجزائر حتي المونديال ...
Post: #134 Title: Re: مع الجــــزائـــر حتي المونديال ... Author: Amany Elamin Date: 11-16-2009, 06:59 AM Parent: #131
كلام غريب !!!!!!!!
Quote: الفيفا يعين ايدي ماييه حكما للمباراة الفاصلة التي ستجمع بين مصر والجزائر لتحديد هوية المتأهل إلى كأس العالم 2010
عين الاتحاد الدولي لكرة القدم (فيفا) ايدي ماييه حكما للمباراة الفاصلة التي ستجمع بين مصر والجزائر لتحديد هوية المتأهل إلى كأس العالم 2010. وذكر الفيفا عبر موقعه الرسمي أن ماييه سيعاونه الكاميروني مينا كوندي وجيسون دامو من سيشيل بالإضافة إلى الحكم الرابع جون كلود لابروس من سيشيل. فأل خير للمصريين ويعد اختيار هذا الحكم هو فأل خير وبشرى سارة للمصريين حيث سبق وأن أدار نهائي كأس الأمم الأفريقية في 2006 في الدور والتي انتهت بنتيجة 3-1 ليتأهل أبناء حسن شحاته إلى الدور ربع النهائي ثم يتوج بالبطولة. كما أدار الحكم نفسه مباراة مصر والكوت ديفوار في بطولة كأس الأمم الأفريقية 2008 والتي سحق فيها بطل القارة السمراء الأفيال الإيفوارية برباعية مقابل هدف وحيد نقلا عن موقع مصري.
كيف يكون حكم فأل خير علي فريق !!!
Post: #133 Title: Re: مع الجــــزائـــر حتي المونديال ... Author: سارة علي Date: 11-16-2009, 06:54 AM Parent: #130
go go go allez allez allez
j'encourage l'équipe Algérie
Post: #136 Title: Re: مع الجــــزائـــر حتي المونديال ... Author: Amany Elamin Date: 11-16-2009, 07:19 AM Parent: #133
Post: #138 Title: Re: مع الجــــزائـــر حتي المونديال ... Author: Tabaldina Date: 11-16-2009, 07:54 AM Parent: #133
.. . اولا لست بكورنجى ولا احب الكرة وخصوصا السودانية اشاهد بعض المباريات الدولية والإقليمية ولكن .. اندهش لوقوف معظم ابناء الشعب السودانى ضد اى فريق مصرى !!؟
Quote: ياسيدي مشيتهم الاتنين .. وبحب الجزائر :) البعد الجغرافي عن بلاد المغرب العربي خلتنا متباعدين عنهم ثقافيا وسياسيا, مع انهم بيشبهونا في حاجات كتيره,
سلام يا امانى انا متأكد بتكونى لو مشيتى الجزائر مرتين بتكونى مشيتى مصر 10 مرات .. انا ما عارف ليه الناس بتخلط دوما بين المواقف السياسية واراء المجتمع .. !!؟ الشعب المصرى فى حد زاتو شعب مسالم وذو حضارة وشعب طيب فى دواخله _ لمن عاشره_ نعم يتاسر بالاعلام والمواقف السياسية ولكنها مسالة وطنية شعب مغروس حب الوطن فى اعماقه .. ويبدو لى دى مشكلة الشعب المصرى مع _ غيره بقيه الشعوب_ فلاجل مصر ممكن يقف مع حسنى مبارك او مناحين بيغن .. المصرى تشتمينه فى عرضه او تضربينه على قفاه ولكن اياك ان تمسى كلمة ( مصر) بشئ ( دى عند منو من الشعوب ) شعب متدين لابعد الحدود ( دى مسالة نسبية ما تحسبى لى الكباريهات ) شعب مصر شعب يعمل بجهد .. حتى فى الكرة شعب حماسي يشجع لاخر درجة وبنفس الروح لا لاجل حفنه دراهم او ارضاء الارباب او الوالى ولكن لاجل مصر .. مش زى الميتانيين الاسمهم منو مصطفى ومين العجب ..!!
حلفا القديمة والسد العالى وحلايب ..مؤامرات وتسويات بين حكومتكم السودانية والحكومة المصرية على مصر الدهور والإزمان الشعب المصريين لم يقلع اراضيكم ؟؟ بل انتم من فعل ورؤسائكم وقاداتكم بائعى القضايا والارض والمواقف المتباينة ..!! شمال السودان وجنوب مصر تشابه غريب فى اللهجات بين الاسوانيين والحلفاووين حتى فى اللبس والعادات ..والتقاليد تشابه فى الدماء بين الصعايدة والسودانيين وفى التقاليد والقتال لاجل الحق او العرض او الشهامة او الكرم .. حتى الحضارة النوبيه واصول الفراعنه الان عدد من الباحثين المصريين يعترف بانه حضارة الفراعنه انتقلت من شمال السودان الى الدلتا فقط بسبب التربه الخصبة وهناك استقروا يعنى شمال السودان ديل بقايا ( حلال وقرى ) فرعونية .. تأخرت عن الركب وتساقطت من الكسل والعزيمة فتكاثرت فى موقعها .. وكانت لبنه السودانيين وكما ترين بائن هذا الكسل وعدم العزيمة والنشاط عكس من ارتحلو من اصولهم التى كونت شعب مصر ..
مسالة ان شعوب بلاد المغرب بتشبهنا دى بالغت فيها..!! والله يا امانى لا بشبهونا فى سحناتهم . ولا فى لهجاتهم ..ولا فى ثقافاتهم شعوب مختلفة عننا تماما فى كل شئ حتى فى عاداتهم وتقاليدهم _ حتى معانى وجمل لغتنا العربية _ هذا ان كان ما يهمهمون به يسمى لغة عربية_ ( ما عارف طارق جبريل دا بتونس مع نسابتو كيف .. ) .. الشعب المصرى على الاقل شعب غيور .. استضاف السودانيين ولا زال شعب مسلم شعب مصادم شعب كادح وعامل يتكلم العربية بل جعل كل الشعوبالعربية تتاثر بلهجته غصبا عنهم وما تأدروش تؤولو حاقه .. واتسال من اين ينبع هذاالكره والحقد عليهم من السودانيين ..!!؟ غيرة هذه ام حسد و ام تاثير اعلام على خسارتكم للسد العالى ؟ ولا المويه الما عارفين تعملو بيها حاجة ولا حلايب الما قادرين تواجهواالواقع تقولو دا مثلثنا يا مصريين يا كلاب ولا بسبب تطويرهم لبلدهم عاما تلو الاخرى لتذهبوا وتتجدعوا فى سيتى سنتر والرحاب وشرم الشيخ والاسكندرية .. ولا .... ولا .... ولا .
استغرب كثيرا عندما اجد الشعب السودانى عندما يلعب المنتخب المصرى ضد الكاميرون ولا كينيا ولا غانا ولا الجزائر او المغرب .. يقوم ويشجع فى الفرق الاخرى انا داير اعرف علاقتنا شنو بالكاميرون ولا الكونغو لا بربطنا بيهم لا دين ولا ثقافة ولا سياحة ولا عايشين معاهم ولا بنفهم لغتهم ولا حتى سحناتنا تشبههم _ واقصد السودان المستعرب او الشمالى كما يقولون _ فى مصر هناك 5 مليون سودانى مقيم على الاقل .. وحوالى مليون او اكثر يمتلكون سكن وشقق من وسط البلد وحتى مدينة الرحاب كل شهر الطائرات محمله بالمنتجات المصرية والسودانية .. كل عام السودانين جاريين يصوموا فى مصر ويتفسحوا ويهاجروا (ويترمتلو) فى العتبه والسيدة زينب .. بالسنوات عدد الطلاب السودانيين فى احصائية عام 1988 كانوا حوالى 15 الف طالب منح دراسية فى مصر هناك 5 الف طالب نفقه خاصة بين البيروتية والمعاهد الاخرى .. (الجامعات السودانية كانت تقبل 3 الف فقط ) عدد المتزوجون من مصريات لا يقل عن 2 مليون سودانى .. عدد المصريين المتزوجين من سودانيات بالالاف والان يتجه للمليون .. شدوا حيلكم !!
_________
بالمناسبة قريبا سوف يقوم الشعب المصرى بخدمتكم فى منازلكم من بناء مساكنكم وصناعة المونيوم وتركيب الستائر واعمال السباكة ..بل وتغيير عاداتكم وثقافتكم .._ارفعى راسك وسوف تتأكدين_ وانتم وشبابكم تتفرجون .. وترددون عاشت جميلة بوحريد وعاش كنس كاووندا ..وعيدى امين ..
وتيت .. تيت مصر حديد .. ومبرووووووووك لمصر؛؛
Post: #152 Title: Re: مع الجــــزائـــر حتي المونديال ... Author: Amany Elamin Date: 11-16-2009, 03:34 PM Parent: #138
تبلدينا: عارف مجرد مقارنتك بين وطنية المصريين وبين وطنية أبناء بلدك عدم وطنيه منك ؟ اذا بتتكلم عن الوطنيه فلازم تشوف أبناء وطنك, ولاعبين وطنك, وعمال وطنك, وحضارة وطنك, أفضل من اللي بتكلمنا عن وطنيتهم الان .. أنا لأني وطنيه وعايزه السودان دوله مستقله بهواها أبدا ماحأشجع مصر ..
Quote: مسالة ان شعوب بلاد المغرب بتشبهنا دى بالغت فيها..!! والله يا امانى لا بشبهونا فى سحناتهم . ولا فى لهجاتهم ..ولا فى ثقافاتهم شعوب مختلفة عننا تماما فى كل شئ حتى فى عاداتهم وتقاليدهم _
علييييييييك الله ياتبلدينا بس سمعت زغاريدهم؟ لو ماسمعتها ألحق أسمعها حتعرف عن أي عادات أتحدث ..
تاني مره المصريين مستفيدين من التواجد السوداني في اقتصادهم وتجارتهم, يعني السودانيين الفي مصر ديل ما قاعد يصرف عليهم ديوان الزكاه المصري, ولما بقوا لاجئين شفت براك الحصل ليهم,
تبلدينا انت في السودان أطلع الشارع عشان تشوف الأعلام الجزائريه البيحملوها شباب سودانيين ويجوبوا بيها شوارع الخرطوم, أنا كنت فاكره انو عامة الشعب حتشجع مصر, لكن فوجئت بسائقي الركشات يحملون أعلام الجزائر .. الخرطوم الليله جميله ياتبلدينا .. باهيه .. جوها بديع .. وشوارعها خضراء .. التقطت صوره لطيفه بموبايلي حأحاول أنزلها لو بلوتوث اللاب توب اشتغل معاي ..
--
ما تشاتر وسلم لي علي هاله حسن لو لاقيتها في المكتب ..
Post: #157 Title: Re: مع الجــــزائـــر حتي المونديال ... Author: Tabaldina Date: 11-16-2009, 03:56 PM Parent: #152
.. .
Quote: تبلدينا: عارف مجرد مقارنتك بين وطنية المصريين وبين وطنية أبناء بلدك عدم وطنيه منك ؟ اذا بتتكلم عن الوطنيه فلازم تشوف أبناء وطنك, ولاعبين وطنك, وعمال وطنك, وحضارة وطنك, أفضل من اللي بتكلمنا عن وطنيتهم الان .. أنا لأني وطنيه وعايزه السودان دوله مستقله بهواها أبدا ماحأشجع مصر ..
بالمناسبة انت شايته بره القوون .. لانى وطنيتى دى ما ليها علاقة بالموضوع .. !! وما تفاخرى وتعقدى لى مقارنات بين وطنيتك ووطنيتى لانها ليس محل مقارنة .. بعدين اذا كان ابناء وطنك _ كما تقولين _ فاقدين الوطنية وما عندهم حماس ولا قتال وكل المباريات الدولية والاقليمية تشهد بذلك .. كمان يزرعوها ليهم ..!! وهل تشجيعك للجزائر دليل على وطنيتك او عدمها ..!!!!!
Quote: علييييييييك الله ياتبلدينا بس سمعت زغاريدهم؟ لو ماسمعتها ألحق أسمعها حتعرف عن أي عادات أتحدث ..
فى ذمتك دى مقارنة ليك !!؟ انت ما عارفه برضو بعض قبال المغرب العربي رجالهم يزغردون بل ان الطوارق الرجال منقبون والنساء سافرات .. بقت على زغرودة _ بعض _ المصريين .. بعدين شالوها من ووين ؟؟ ما من عجنكم دا
Quote: تاني مره المصريين مستفيدين من التواجد السوداني في اقتصادهم وتجارتهم, يعني السودانيين الفي مصر ديل ما قاعد يصرف عليهم ديوان الزكاه المصري, ولما بقوا لاجئين شفت براك الحصل ليهم,
انتو لو عندكم وطنية بتمشوا ليهم فى ديارهم وتسكنوا فى اراضيهم وتسكو اللوترى منهم وتترمتلو فى مولاتهم وعتبتهم .. اقتصاد شنو المستفيدين مننا فيهو .. ياها الشقق دى .. انت ما دخلت السوق السودانى قريب ولا شفت البضائع والاقشمة البتخموها منهم .. !!
Quote: تبلدينا انت في السودان أطلع الشارع عشان تشوف الأعلام الجزائريه البيحملوها شباب سودانيين ويجوبوا بيها شوارع الخرطوم, أنا كنت فاكره انو عامة الشعب حتشجع مصر, لكن فوجئت بسائقي الركشات يحملون أعلام الجزائر ..
ما لازم البشجع الجزائريين يكونوا كنا ذكرت وانا بعتقد دى عقدة نقص من السودانيين وحقد على المصريين قالو الما بتلحقوا جدعوا ..
__________
بمناسبة الشتارة اعتقد حرش الوطنية هنا شتارة نقاش منك برضو وهالة حسن دى منو ؟؟
Post: #160 Title: Re: مع الجــــزائـــر حتي المونديال ... Author: Amany Elamin Date: 11-16-2009, 04:32 PM Parent: #157
لاحولااااا ياتبلدينا:
Quote: وهالة حسن دى منو ؟؟
حتي هاله حسن الليله نكرتها ؟ هاله زميلتنا في المنبر وزميلتك في الشغل (حسب افادتها) .. الباشمهندسه هاله .. هاله ياراجل (دي علي وزن شفيق ياراجل)
حسبي الله انت المصريين الليله عملوا ليك شنو؟
عاين ما تكون زعلت من كلامي, أنت كلامك اللي أنا فهمتو انو مشكلة الكره السودانيه عدم وطنية اللاعبين, وغريب منك انك تنسب مشاكل الكره السودانيه الكتيره ومعقده لعدم وطنية اللاعبين,
بعدين برضو استغربت تشكيكك في وطنية أبناء بلدك واشادتك بوطنية جيرانك, الكلام ده ماصاح منك والله, والمصريين ذاتهم مابعملوهو, يعني ما بشكرو زول علي حساب ناسهم فهمتني؟
المهم يازول كان كلامي زعلك لك العتبي حتي ترضي, البوست ده ذاتو بوست تشجيع ما بوست كلام جادي, لكن قلب جادي فجأه هههههههه
Post: #139 Title: Re: مع الجــــزائـــر حتي المونديال ... Author: Amany Elamin Date: 11-16-2009, 08:12 AM Parent: #133
Post: #140 Title: Re: مع الجــــزائـــر حتي المونديال ... Author: خالد عبد الله محمود Date: 11-16-2009, 08:24 AM Parent: #139
سوري يا أماني
لم يكن القصد إلا إبراز وجهة نظر بعض الجماهير الجزائرية رداً على ما يقل بأن بعض المشجعين المصرين شجعو تشاد ضد المنتخب السوداني ...
آسف جداً مرة أخري
Post: #141 Title: Re: مع الجــــزائـــر حتي المونديال ... Author: Tabaldina Date: 11-16-2009, 08:25 AM Parent: #139
.. . ونحنا منتظريين عايزين اعرف التلاقح الثقافي والاجتماعى البربطنا بالجزائر وبخليك تشجيعهم ضد جيرانا المصريين وسبب الكره دا للشعب المصرى وهل لذلك علاقة بسياسة الحكام المصريين الفهلويين والسودانيين الداقسين الفرطوا فى اراضيهم وبسببهم بتكرهو الشعب المصرى ..
_________
اغنيتك دى ما اشتغلت لو طلعت جزائرية حاخت ليك اغنية الكابلي مصر يا اخت بلادى يا شقيقة .. يا حقيقة
Post: #142 Title: Re: مع الجــــزائـــر حتي المونديال ... Author: Amany Elamin Date: 11-16-2009, 09:04 AM Parent: #141
الأخ خالد:
شكرررررررررررررا لاستجابتك ..
اتعشمت فيك خير وكنت عارفه انك ما حتخذلني ..
تحياتي واحترامي ..
Post: #143 Title: Re: مع الجــــزائـــر حتي المونديال ... Author: كمال الشادي Date: 11-16-2009, 09:10 AM Parent: #141
الاخت العزيزة اماني الامين لك كل الامنيات الحلوة في الحقيقة الموضوع في البوست ده تحديداً اخد بعد ما حقو الموضوع مباراة وكورة والمفروض نقيف مع اخوانا المصريين ونشجعهم لاخر ثانية قمتو دخلتو فيها حلفا وحلايب والسد العالي والسد الواطي
يا ستي المحصلة النهائية المصريين راح يلعبو في السودان ضد الجزائر شجعناهم والله ما شجعناهم حا يلعبو بكل حماس لانهم بيحبو مصر بلدهم ومافي شعب في الدنيا بحب بلدو زي المصريين
ولانها ام الدنيا ولمن تسمعي ام الدنيا أوعك تفتكري إنها من خزعبلات وخلق الاعلام المصري اللي سمى مصر ام الدنيا هو نفسو اللي سماها مصر وهو اول انبياء الله على الارض وهو سيدنا نوح هو اللي سماها ام البلاد وعليه سميت ام الدنيا وسميت مصر على اسم احد اولاده أو احفاده وهو مصرائيل
يا ستي مصر دي بلد عظيمة شأنا أم أبينا لو عايزين نتعامل مع مصر بعقدنا وامراضنا القديمة ويطلع واحد يقول لي لونا أسود والمصريين شايفين نفسهم .. الخ
شوفي يا ستي انا بنزل ليك صورتي عشان تشوفي شكلي سوداني وشكلي عادي جداً زي أي سوداني وشايقي من مروي درست في جامعة الزقازيق مصر ودي دعوة عشان تزورينا في حوش ناس الزقازيق وهو واضح جداً في المنبر العام
شغال في السعودية فرق كبير بين فترة الدراسة في مصر والعمل في السعودية
أكثر من مرة اتشاكلت واتضاربت ودخلت اقسام وسجون في الرياض في السعودية عشان واحد قال لي يا عبد تصوري انا ماشي في السودان رافع راسي فوق اي زول وحافظ عن ظهر قلب اني عربي وانتمي إلى الجزيرة العربية واصلنا قحطانيين وشوية كلام هبل من ده وامشي الجزيرة العربية اتفه واحد يقول لي يا عبد
عمري في مصر ا يام الدراسة ولغاية هسي ما في واحد شاور على اني لوني اقل من لونو والله شكلي اقل من شكلو لاني بتعامل معاهم بنفس خالية من العقد عرفت اقراهم كويس
يا أماني الامين مافيش دولة عربية واحدة بتحترم الاجانب في بلدها زي مصر واوعي تقولي لي حادثة المهندسين دي ليها قصة براها المصريين هو العرب الوحيدين اللي طلعوا قانون يدي ابناء المرأة المصرية من اب غير مصر حق التجنس بدون نزع الجنسية العربية الاولى
يا شيخة عمرك سمعتي بي سوداني اخد جنسية جزائرية يا أماني في الشهر الاول من طلوع القرار اكثر من 50 الف سوداني اخدو الجنسية المصرية دون ان يسقط عنهم الجنسية السودانية
خليك من الكورة ملعون ابو الكورة انا متزوج مصرية ابيض من الحليب وأجمل من ليلى علوي وعائلتها من اكبر العوائل في مصر بتعامل مع علية القوم كل اجازة وعندي بيت في مصر لا حسيت إني اقل منهم ولا هم حسسوني إنهم احسن مني بالعكس احترام راقي وتعامل من احسن ما يكون
اختى العزيزة اماني اللي عايز يشوف نص الكباية الفاضي يقدر واللي عايز يشوف المليان يقدر
مع التحية والحب
Post: #144 Title: Re: مع الجــــزائـــر حتي المونديال ... Author: ALZOLZATOO Date: 11-16-2009, 09:35 AM Parent: #143
يا اماني
المباراة بتاعة الجزائر ماعندنا فيها ناقة ولا جمل
كل الموضوع انو مصر اختارت السودان والسودان مفروض يوفر المناخ المناسب لاقامة المباراة
شايف في واحدين عملوا الموضوع حرب عديل كده
نرجو من الاخوة ضبط النفس ، مصر تربطنا معاها علاقات كتيره شخصيا الجزائر لا اعرف عنها اي شئ
بالنسبة لي موضوع الكورة حظوظ مصر بعد التاهل اكبر من حظوظ الجزائر وممكن تعمل حاجة للقارة الافريقية
شخصيا اتمنى تاهل الفريق المصري
وحلايب سودانية والسد العالي زاتووو سوداني
تحياتي
زاتوووو
Post: #145 Title: Re: مع الجــــزائـــر حتي المونديال ... Author: كمال الشادي Date: 11-16-2009, 10:14 AM Parent: #144
الاخ الكريم تبلدينا لك التحية والود
يا أخي عجبني الطرح الموضوعي في كلامك جداً وعايز اقوليك رأي محدد هنا عايز ردك فيهو
يا تبلدينا قعدو الحبش والاريتريين معانا في السودان 30 سنة كل فترة الحرب بينهم ولازال بعضهم في السودان
اللى انا بعرفو عن نفسي وعن كل دائرة معارفي اننا ما كنا بنتحترم الحبش وختيناهم في خانة زي الزفت وعاملنا بناتهم وحريمهم فقط من منظور البروستتيوشن لا أكثر
تعال الليلة اسأل اي حبشي عاش في السودان أو اريتري عن السودان يذكر تلك الايام بشوق وحب وهيام كأننا شلناهم فوق رؤؤسنا ونحن والله ما عملنا كده
ظروف عملي ساقتني إلى اديس ابابا اكثر من مرة
يا أخي تعاملت مع جبش من الاروما يحكون أن صحابة رسول الله صلى الله عليه وسلم لمن هاجروا للحبشة نزلو في قريتهم ومن يومها داك لغاية الليلة هم مصدقين إنهم صحابا يا أخي شفت فيهم تدين لو حكيتو لاي سوداني وقلت ليهو انا بعرف لي حبشي متدين ما يصدقك
ولو سألتهم عن السودان رغم اللي عملناهو فيهم يذكروننا بكل احترام لانهم شعب محترم
يا أخي فترة دراستنا في مصر في الثمانينات كنا 125 الف طالب وطالبة في مختلف جامعات ومعاهد مصر ومدنها المختلفة قاسمناهم في مدنهم وقراهم كنا ضيوفاً عليهم كنا محترمين وهم كمان إحترمونا حتى آخر لحظة
في كل قري مصر ومدنها لابد أن تجد تجربة لسوداني تزوج من مصرية وهم شايلنو فوق رأسهم وهو بيحترمهم كمان التحية لهذاالشعب البسيط الراقي
والفوز إنشاء الله للمنتخب المصري يوم الاربعاء وخليني اسمع رأيك يا تبلدينا مع التحية والحب
Post: #146 Title: Re: مع الجــــزائـــر حتي المونديال ... Author: Faris Mohamed Date: 11-16-2009, 11:16 AM Parent: #145
مع الجزائر حتى المونديال
Algeria Algeria Algeria[/B]
Post: #147 Title: Re: مع الجــــزائـــر حتي المونديال ... Author: Ibrahim Sayed Date: 11-16-2009, 11:44 AM Parent: #146
. . يوما ما ستصبح الخيانة مجرد وجهة نظر !!! ...............................................
تخيل لو ان مصر شاغل مرتك او بنتك او امك هل هيكون ليك نفس بعدها تشجع منتخبهم ؟!!!!
Post: #148 Title: Re: مع الجــــزائـــر حتي المونديال ... Author: كمال الشادي Date: 11-16-2009, 02:20 PM Parent: #147
الاخ إبراهيم لو مصري شاغل مرتي أو بنتي أو أمي
حا اقلب عليهو الدنيا مش عشان هو مصري لكن عشان مرتو وبنتي وامي
لكن تصدق حتى الان ما حصل !!!!!
Post: #149 Title: Re: مع الجــــزائـــر حتي المونديال ... Author: كمال الشادي Date: 11-16-2009, 02:25 PM Parent: #148
الاخ ابراهيم تحية طيبة وعطرة
على موضوع ارضك وعرضك والخيانة وكده
لو مصر لعبت ضد السودان أو اي فريق سوداني ضد أي فريق مصري
حا أشجع بلدي السودان حتى لو كان على خطأ وحا أشجع أي فريق سوداني ضد أي فريق مصري حتى لو كان الفريق السوداني فيهو عبر الدنيا والاخرة وسجمان للاخر برضو راح اشجعوا لاني سوداني ولان دي بلدي وعرضي زي ما قلت يا الحبيب
لكن لو لعبت المانيا ضد البرازيل راح أشجع البرازيل ليه ؟؟ عشان انا بحب البرازيل
ولو لعبت مصر ضد الجزائر انا راح اشجع مصر ليه ؟؟ عشان انا بحب مصر
Post: #150 Title: Re: مع الجــــزائـــر حتي المونديال ... Author: Amany Elamin Date: 11-16-2009, 03:12 PM Parent: #149
الأخ كمال الشادي: حأبدأ بيك في الردود لاني لقيتك كاتب كم مداخله:
Quote: ولو لعبت مصر ضد الجزائر انا راح اشجع مصر ليه ؟؟ عشان انا بحب مصر
ياسيدي ومالو و أنا حأشجع الجزائر : لأني بحب الجزائر, ولأني ما بحب المصريين .. وبما انو الموضوع كرة قدم فصعب تقنعني أحب أو أشجع غير اللي بحبهم, نــــــحـــــــن دولــــــــــــــه مستـــــــــقـــــــــله .. وبنشجع حسب هوانا .. حب مصر ما واجب وطني, تشجيع مصر ما واجب وطني .. في سودانيين كتار أنا بعرفهم درسوا في الجزائر وفي المغرب وفي تونس, واتزوجوا من هناك كمان, يعني عادي !!! وهنا في البورد ده في كتاااااااااار درسوا في مصر ومع ذلك مشجعين الجزائر, زي طارق جبريل مثلا .. بعدين انت ليه عايز تطلّعنا معقدين؟
نحن سودانيين بكامل قوانا العقليه وبصحه نفسيه جيده حنشجع الجزائر, لأننا بنحب الجزائر وما بنحب مصر ..
بعدين خليني أقول ليك حاجه انت ماعارفه, الجنس الانساني بدأ من أفريقيا, وفي اثار ودلائل عن انها بدأت في اثيوبيا تحديدا, لو سمعت عن جدتنا لوسي الموجوده في متحف في أديس أبابا حتعرف انها من أمهات البشريه .. وده كلام علم ودي دراستي علي فكره (الوراثه الجزيئيه), وحتي الدين بيؤيد الفكره :ادم ::::::: أديم الأرض وهو أسود ..
طيب الحضاره الفرعونيه بدأت في منطقة النوبه, أصلها من هناك وبرضو الاثار بتدل علي كده, واهراماتنا مازالت موجوده وشاهده,
يبقي كلام أم الدنيا ده تقولوا لي ناس ما عندهم اهرامات
موضوع حلايب ده أنا عن نفسي اتحاشيتو في مداخلاتي عشان بوستي أولا وأخيرا في حب الجزائر .. لكن أخوان هنا رأيهم انو ده موضوع of crucial importance ,وأنا معاهم, وكل القالوهو الأخوه صاح,
ما حأشجع مصر لانو فريق بلدي لو لعب في مصر ما حيلقي تشجيع ما حأشجع مصر لأنو مصر فارضه وصايتها علي السودان منذ فجر التاريخ .. ما حأشجع مصر لأنها كانت محتله بلادي ماحأشجع مصر عشان حلايب وشلاتين ماحأشجع مصر لأنه الحضري رفض مصافحة هيثم مصطفي في القاهره وما اعتذر ولااعلامو ولامسئولينو لاموهو ماحأشجع مصر لأنه المصريين شجعوا الفريق القومي التشادي لما لعب ضد فريقنا القومي في القاهره ماحأشجع مصر لأني سودانــــــــيــــــــــــــــــــه ما حأشجع مصر لأني بحب الجزائر
أواصل وللا كفايه؟
تحياتي واحترامي ..
Post: #153 Title: Re: مع الجــــزائـــر حتي المونديال ... Author: Tabaldina Date: 11-16-2009, 03:38 PM Parent: #150
.. .
Quote: وهنا في البورد ده في كتاااااااااار درسوا في مصر ومع ذلك مشجعين الجزائر, زي طارق جبريل مثلا ..
طارق جبريل حالة استثنائية اسمها ( ناسبنا الحكومة وبقينا قرايب )
_______
جايك لفرات ما حأشجع مصر ............ الخ
Post: #156 Title: Re: مع الجــــزائـــر حتي المونديال ... Author: Amany Elamin Date: 11-16-2009, 03:48 PM Parent: #149
الأخوه
فارس محمد خالد الطيب ابراهيم سيد
مع الجزائــــــــــر حتي المــــــونـــــــديـــــــــــال
و
معاكي يالخضره ديري حاله
و
123 viva l'algerie
Post: #151 Title: Re: مع الجــــزائـــر حتي المونديال ... Author: Tabaldina Date: 11-16-2009, 03:22 PM Parent: #147
.. .
Quote: تخيل لو ان مصر شاغل مرتك او بنتك او امك هل هيكون ليك نفس بعدها تشجع منتخبهم ؟!!!!
كان الشعب السودانى والجزائرى .. وغيرهم منزه عن المشاغله والاعتداء ياخى نحن شعب بيعتدى على بعض قبلياً وطائفياً وجهوياً وعسكرياً على الاقل المصريين ما بياكلو لحم بعض ولا بعتدوا على بعض ..
بعدين ما تعملو حلفا و حلايب دى شماعه تعلقوا فيهم فشلكم وفشل حكامكم .. لا يوجد شعب يخلو من العيوب ولا يخلو المصريين من العيب ولكن اعتقد من ناحية انتماء وصله نحن افضل ان نشجع مصر بدلا عن الجزائر او دول المغرب الذين لا يجيدون حتى نطق العربية .. ولا نعرف عن ثقافتهم وعاداتهم ما يشابه عاداتنا وتقاليدنا ..
__________
الحكمة انا وجارى على الغريب وانا ومصر على الجزائر ,,
Post: #154 Title: Re: مع الجــــزائـــر حتي المونديال ... Author: Khalid Eltayeb Date: 11-16-2009, 03:39 PM Parent: #151
I support the Algerian team in Wednesday's battle.
مع الجزائر
Post: #155 Title: Re: مع الجــــزائـــر حتي المونديال ... Author: Amany Elamin Date: 11-16-2009, 03:41 PM Parent: #144
الزول زاتوو: أول شئ سلامات وانشاء الله كويس وصحتك بقت عال .. زمن ما اتداخلنا في بوست .. سعيده بطلتك هنا ..
Quote: كل الموضوع انو مصر اختارت السودان والسودان مفروض يوفر المناخ المناسب لاقامة المباراة
توفير المناخ دي مسئولية السلطات .. نحن جمهور .. بنميل .. ونشجع .. وننحاز .. الفائز حيمثل افريقيا يعني حيمثلنا .. ونحن اخترنا الجزائر عشان تمثلنا ..
تصدق سامعه لي واحد سوداني بتناقش مع شباب مصريين قبل شويه في الطريق, قال ليهم أنا حأشجع الجزائر قالوا ليهو ماعندك وطنيه !!!!!!!!! نحن وطنا مصر ونحن ماعارفين؟ وللا الجنسيه السودانيه ::::::::: التابعيه المصريه؟
انشاء الله النصر للجزائر ..
Post: #158 Title: Re: مع الجــــزائـــر حتي المونديال ... Author: Alfarwq Date: 11-16-2009, 04:11 PM Parent: #155
بستغرب و اتعجب لما اسمع كلمة جيران المصرين و الرابط الثقافي وووو .... متين نصحى للحقيقة المرة انه المصرين يفتكرونا اقل منهم درجة و يحقروا بينا و ما بعترفوا بالكلام السابق ده كله .. السوداني عند المصري هو الباتنجان و عصمان البواب و املاكهم ...
ابسط شئ مفروض نشجع الجزاثر كرد للمصرين الشجعوا تشاد و وقفوا ضد السودان ...
مع الجزائر حتى النصر
Post: #161 Title: Re: مع الجــــزائـــر حتي المونديال ... Author: كمال الشادي Date: 11-16-2009, 04:33 PM Parent: #158
الاخت العزيزة والمحترمة اماني الامين انت وكل آرائك محل إحترام وعلى راسي من فوق شايفك خرمتي على حتة الحضارة والتاريخ عليك الله راجعي البوست ده وهو ماليهو علاقة بالمبارة لانو سيدو الله يديهو الصحة والعافية فتحو من زمان قبل الكورة تعالوا نحب مصر والمصريين... لا داعي للمشاعر السالبة
خليني انقل ليك شوية كلام انا كتبتو بي هناك ( قولي واحد ) ذكرت مصر في القرآن الكريم في 28 موضع منها خمس مرات بصورة مباشرة وعلنية والباقي غير ذلك ولد بمصر من الأنبياء و من كان بها منهم عليهم السلام كان بمصر إبراهيم الخليل و إسماعيل و إدريس و يعقوب و يوسف و اثنا عشر سبطا وولد بها موسى وهارون و يوشع بن نون ،و دانيال ، و أرميا و لقمان و كان بها من الصديقيين و الصديقات مؤمن آل فرعون الذى ذكر فى القرآن فى مواضع كثيره و قال على بن أبى طالب كرم الله وجهه اسمه حزقيل ، و كان بها الخضر ، آسيه امرأة فرعون و أم إسحاق و مريم ابنه عمران ، و ماشطه بنت فرعون .
من مصر تزوج إبراهيم الخليل هاجر أم اسماعيل و تزوج يوسف من زليخا و منها أهدى المقوقس الرسول عليه الصلاه و السلام ماريا القبطيه فتزوجها و أنجبت له إبراهيم . و يذكر أنه لما أجتمع الحسين بن على مع معاويه قال له الحسين : إن اهل حفن بصعيد مصر و هى قريه ماريه ام إبراهيم فاسقط عنها الخراج إكراما لرسول الله ، فأسقطه .
Post: #159 Title: Re: مع الجــــزائـــر حتي المونديال ... Author: Elhadi Date: 11-16-2009, 04:22 PM Parent: #155
انتي عارفة يا أماني المصريين ديل بكونوا قلبوا خريطة أفريقيا دي كلها ما لقوا ليهم بلد مناسب يلعبوا فيهو إلا السودان ..
ما حباً فينا ولا عشان الأخوة ووادي النيل والحنك البيش بتاع المصريين ده ..
الناس ديل ما كان عندهم خيار أفضل من السودان في كل القارة الافريقية .. وأسي كدي أقلبي خريطة افريقيا دي وشوفي ياتو بلد كان ممكن تقيف معاهم .. وكان لقيتي قولي لي معاك ..
الناس ديل مكروهين في أي حتة .. وفي أي بلد من شمال القارة وحتى غربها وجنوبها كان حا يواجهوا بعداء وكراهية بسبب معاملتهم السيئة للفرق التي تأتي إلى بلدهم وطرقهم الملتوية في الحصول على الفوز في البطولات الافريقية .. وعلى سبيل المثال : ففي شمال القارة الافريقية لا يستطيع المصريين أداء مبارياتهم في جميع دول الشمال الافريقي (الجزائر وليبيا وتونس والمغرب) دون أن يعانوا من موجة العداء والكراهية الكبيرة للكرة المصرية في كل تلك الدول ..
في غرب أفريقيا برضو كانت المؤازرة والكفة ستكون راجحة لصالح المنتخب الجزائري .. ففي غانا مثلاً كان للكرة والأندية المصرية مشاكلها ومتاعبها مع جمهور ونادي الأشانتي "أكبر الفرق الغانية" ... وفي جنوب القارة برضو نفس الحال .. وكانت عندهم مشكلة برضو مع إحدى دول الجنوب الافريقي "زيمبابوي" عندما اعتدى الجمهور المصري على منتخب زيمبابوي في استاد القاهرة في تصفيات كأس العالم ..
بالعربي كده الناس ديل ضاقت بيهم الوسيعة .. وما لقوا إلا السودان المسيكين ده يجوا يغشغشوهو بحنكهم البيش بتاع اليومين دي .. والمشكلة أنو السودان ده فيهو دلاهات بمشي فيهم الكلام ده
Post: #162 Title: Re: مع الجــــزائـــر حتي المونديال ... Author: كمال الشادي Date: 11-16-2009, 04:35 PM Parent: #159
الاخت الفاضلة اماني الامين ( قولي اتنين ) ذكرها الرسول صلى الله عليه وسلم في سياق جميل فقال روي عن رسول الله صلى الله عليه وسلم أنه قال: " ستفتح عليكم بعدي مصر فاستوصوا بقبطها خيرًا فإن لهم ذمة ورحمًا " قال ابن كثير رحمه الله: والمراد بالرحم أنهم أخوال إسماعيل بن إبراهيم الخليل عليهما السلام أمه هاجر القبطية وهو الذبيح على الصحيح وهو والد عرب الحجاز الذين منهم النبي صلى الله عليه وسلم وأخوال إبراهيم ابن رسول الله صلى الله عليه وسلم وأمه مارية القبطية من سنى كورة أنصنا وقد وضع عنهم معاوية الجزية إكرامًا لإبراهيم ابن رسول الله صلى الله عليه وسلم. تفسير ابن كثير.
Post: #163 Title: Re: مع الجــــزائـــر حتي المونديال ... Author: كمال الشادي Date: 11-16-2009, 04:36 PM Parent: #162
الاخت المبجلة اماني الامين ( قولي تلاتة ) هل فعلاً مصر ام الدنيا هل تعرف لماذا سميت مصر ام الدنيا هل تعرف من الذي سماها بهذا الاسم نعم مصر ام الدنيا حقيقية لا يعلمها كثير من المصرين وبعضهم لا يؤمن بها وبعض العرب يسخرو من هذه الجملة ولا يعرفوا معنى وسبب هذه التسمية هذا الاسم ليس لان مصر أقدم حضارة فى العالم وليس لأن مصر بها جمال عبد الناصر وليس بسبب تكبر من المصرين وليست بسبب اعلام أو تلفزيون .
اللي سمى مصر ام الدنيا هو أول الأنبياء في الأرض وهو سيدنا نوح عليه السلام لأنه سماها أم البلاد وغوث العباد وما يؤكد هذا دعاء سيدنا نوح لى ابنة حيث بيصر بن حام او بمصر والذى سميت مصر نسبة إلى اسم ابنة مصرائيم حيث الجنس الحامى هو أول من سكن مصر بعد طوفان سيدنا نوح ودعا لهم نوح بهذا الدعاء وقولة أن مصر أم البلاد أما دعاء نوح عليه السلام لها فقال عبدالله بن عباس دعا نوح عليه السلام لابنه بيصر بن حام أبو مصر فقال اللهم إنه قد أجاب دعوتى فبارك فيه و فى ذريته و أسكنه الأرض الطيبه المباركه التى هى أم البلاد و غوث العباد. دعا نوح عليه السلام لابنه بيصر بن حام أبو مصر فقال اللهم إنه قد أجاب دعوتى فبارك فيه و فى ذريته و أسكنه الأرض الطيبه المباركه التى هى أم البلاد و غوث العباد حيث بيصر بن حام او بمصر والذى سميت مصر نسبة إلى اسم ابنة مصرائيم حيث الجنس الحامى هو أول من سكن مصر بعد طوفان سيدنا نوح ودعا لهم نوح بهذا الدعاء وقولة أن مصر أم البلاد أما دعاء نوح عليه السلام لها فقال عبدالله بن عباس دعا نوح عليه السلام لابنه بيصر بن حام أبو مصر فقال اللهم إنه قد أجاب دعوتى
Post: #164 Title: Re: مع الجــــزائـــر حتي المونديال ... Author: كمال الشادي Date: 11-16-2009, 04:41 PM Parent: #163
الاخت الراقية اماني الامين الزول الشاطر ما يناقش المصريين في موضوع الحضارة والتاريخ لانو في الحالة ما بيكون ملعبك والزول الشاطر ما بيلعب بي ورق غيرو وإنت شاطرة وذكية وعلى راسنا كلنا من فوق
الدنيا لمن كان نوح على السفينة ما كان فيها غير ماء فقط الموية غرقت كل الكرة الارضية وفوق كل الموية دي مافي غير سفينة نوح ولما انحسرت المياه بعد 150 يوم قام سيدنا نوح قسم الدنيا على اولاده وجاءت تسمية البلاد من اولاد سيدنا نوح
السؤال بترفعي من وين جات تسمية افريقيا بهذا الاسم بتعرفي من جا سواد بشرة الافارقة بما فيهم نحن السودانيين
أحد ابناء سيدنا نوح وأسمه ( فارق ) وجاءت تسمية افريقيا عليه
رأي عورة ابيه وهو نائم ولم يغطيه فدعى عليه بأن تكون كل ذريته سوداء البشرة وجينا نحن
دي معلومة كد على الطاير
ولك كل الاحترام والتقدير والتجلة والحب
Post: #165 Title: Re: مع الجــــزائـــر حتي المونديال ... Author: Amany Elamin Date: 11-16-2009, 05:00 PM Parent: #164
الأخ كمال الشادي: مرحب بعودتك ..
بس عايزه أعرف مصادر معلوماتك؟ قصة سيدنا نوح وابناؤه دي عندك ليها مرجع موثوق؟
Post: #166 Title: Re: مع الجــــزائـــر حتي المونديال ... Author: اساسي Date: 11-16-2009, 05:07 PM Parent: #165
مع تحيات اساسية الصغيرة
Post: #171 Title: Re: مع الجــــزائـــر حتي المونديال ... Author: Amany Elamin Date: 11-16-2009, 07:14 PM Parent: #166
أساسي الأساسي:
شكرا علي مشاركتك المقدره, لما أول سينير في البورد يزور بوستنا وكمان يدعمه بمشاركه من أساسيه الصغيره, وهي تشجع الجزائر وتنضم الي ركبنا الثائر .. فذلك أمر لو تعلمون عظيم .. في البورد ههههه
شكرررررا
Post: #167 Title: Re: مع الجــــزائـــر حتي المونديال ... Author: Alfarwq Date: 11-16-2009, 05:14 PM Parent: #164
الاخ كمال الشادي
اكرر سؤال الاخت اماني عن مصادر كلامك .... بالاخص فيما يتعلق بامور الدين ... قصص ابن سيدما موح ليس لها اي سند في الاثر .. و قد سمعتها من قبل وهي على ما اعتقد من الاسرائليات .... و المقصود منها التقليل من اصحاب البشرة السوداء ... يعني نحن غضب من ربنا بقينا سود
Post: #168 Title: Re: مع الجــــزائـــر حتي المونديال ... Author: كمال الشادي Date: 11-16-2009, 06:04 PM Parent: #167
غالي والطلب رخيص
بس لازم يكون بالكم طويل عشان تقروا وبإمعان وانا سعيد إننا بدأنا نتناقش نقاش علمي وبندور سوا على معلومات وبنفتش على مسانيدها
Post: #172 Title: Re: مع الجــــزائـــر حتي المونديال ... Author: Amany Elamin Date: 11-16-2009, 07:18 PM Parent: #168
الأخ كمال الشادي:
Quote: بس لازم يكون بالكم طويل عشان تقروا وبإمعان وانا سعيد إننا بدأنا نتناقش نقاش علمي وبندور سوا على معلومات وبنفتش على مسانيدها
شكرا جزيلا علي المعلومات .. ما قرأتها لسه, أوعدك اني حأمر عليها بكره انشاء الله, الصباح رباح , بس مبدئيا كده واضح انها لنكات لي منتديات , وانا اتوقعتك تجيب لي اسماء كتب أو مراجع,
المهم ما حأسبق الأحداث حأشوفها بكره انشاء الله وأعلق عليها ..
شكرا جزيلا علي اهتمامك .. تحياتي واحترامي ,,
Post: #173 Title: Re: مع الجــــزائـــر حتي المونديال ... Author: Amany Elamin Date: 11-16-2009, 07:21 PM Parent: #172
فيديو استقبال المنتخب الجزائري في مطار الخرطوم الدولي:
Post: #170 Title: Re: مع الجــــزائـــر حتي المونديال ... Author: Amany Elamin Date: 11-16-2009, 07:11 PM Parent: #159
الأخ الهادي:
Quote: بالعربي كده الناس ديل ضاقت بيهم الوسيعة .. وما لقوا إلا السودان المسيكين ده يجوا يغشغشوهو بحنكهم البيش بتاع اليومين دي .. والمشكلة أنو السودان ده فيهو دلاهات بمشي فيهم الكلام ده
كلامك ده عجبني شديد .. شوف الفيديو ده عشان تعرف المصريين متعاليين لياتو درجه .
Post: #176 Title: Re: مع الجــــزائـــر حتي المونديال ... Author: كمال الشادي Date: 11-16-2009, 09:26 PM Parent: #170
الاخت الغالية اماني الامين
بصراحة انا بحب البجيني على هواي والبيلعب في ملعبي عشان كده انا بحبك جداً عارفا ليه لاني لي فترة ما فتحت كتاب في البيت وتقريباً من يوم فتحت المدارس وإنشغالي مع اولادي في المذاكرة يومياً معاهم لكن طالما أستفزاني كلامك بتاع مصادري وإنها كلها لنكات منتديات ( مع العلم إننا انا وإنتي هسي نعتبر في منتدي ) مع مشكلة مشيت البيت رغم إني نعسان وتعبان من يوم عمل طويل لكن علشان خاطر عيونك ( على وزن مسرحية شريهان ) مشيت طلعت كتاب عظيم عندي في البيت وهو :
كتاب : قصص الانبياء تأليف : الامام الحافظ ابي اسماعيل بن كثير الدمشقي ضبطه وعلق عليه : محمد عبد القادر الفاضلي المكتبة العصرية صيدا بيروت 2007م - 1428هـ ISBN 9953-34-092-7 الموقع على الانترنت www.almaktaba-alassrya.com
قصة سيدنا نوح تبدأ من صفحة 43 والكلام الماعجبك الفوق ده تلقيهو في صفحة 59 وما بعدها
اها انا كيف ؟؟ إنشاء الله عجبتك في مسألة المصادر الموثقة دي وكده ؟
Post: #177 Title: Re: مع الجــــزائـــر حتي المونديال ... Author: كمال الشادي Date: 11-16-2009, 09:31 PM Parent: #176
الاخت المحترمة اماني
لو لقيتي الكتاب ووصلتي للصفحات اللي وصفتها ليك حاتعرفي كلامي صح ده ما معناهو إنك لا سمح الله اي حاجة غلط لا انا قلت ليك فوق انا مبسوط اننا بدأنا نتناقش بعلمية
الماعجبني فيك يا أماني إني ذكرت ليك حاجات قريبة سيبك من سيدنا نوح البعيد داك حاجات قريبة تتعلق برسولنا الكريم صلى الله عليه وسلم ورأيه في مصر والمصريين شايفك فطيتيها اعيدها ليك تاني رأيك شنو عشان تاخدي بالك منها
كرت مصر في القرآن الكريم في 28 موضع منها خمس مرات بصورة مباشرة وعلنية والباقي غير ذلك ولد بمصر من الأنبياء و من كان بها منهم عليهم السلام كان بمصر إبراهيم الخليل و إسماعيل و إدريس و يعقوب و يوسف و اثنا عشر سبطا وولد بها موسى وهارون و يوشع بن نون ،و دانيال ، و أرميا و لقمان و كان بها من الصديقيين و الصديقات مؤمن آل فرعون الذى ذكر فى القرآن فى مواضع كثيره و قال على بن أبى طالب كرم الله وجهه اسمه حزقيل ، و كان بها الخضر ، آسيه امرأة فرعون و أم إسحاق و مريم ابنه عمران ، و ماشطه بنت فرعون .
من مصر تزوج إبراهيم الخليل هاجر أم اسماعيل و تزوج يوسف من زليخا و منها أهدى المقوقس الرسول عليه الصلاه و السلام ماريا القبطيه فتزوجها و أنجبت له إبراهيم . و يذكر أنه لما أجتمع الحسين بن على مع معاويه قال له الحسين : إن اهل حفن بصعيد مصر و هى قريه ماريه ام إبراهيم فاسقط عنها الخراج إكراما لرسول الله ، فأسقطه .
ذكرها الرسول صلى الله عليه وسلم في سياق جميل فقال روي عن رسول الله صلى الله عليه وسلم أنه قال: " ستفتح عليكم بعدي مصر فاستوصوا بقبطها خيرًا فإن لهم ذمة ورحمًا " قال ابن كثير رحمه الله: والمراد بالرحم أنهم أخوال إسماعيل بن إبراهيم الخليل عليهما السلام أمه هاجر القبطية وهو الذبيح على الصحيح وهو والد عرب الحجاز الذين منهم النبي صلى الله عليه وسلم وأخوال إبراهيم ابن رسول الله صلى الله عليه وسلم وأمه مارية القبطية من سنى كورة أنصنا وقد وضع عنهم معاوية الجزية إكرامًا لإبراهيم ابن رسول الله صلى الله عليه وسلم. تفسير ابن كثير.
Post: #178 Title: Re: مع الجــــزائـــر حتي المونديال ... Author: كمال الشادي Date: 11-17-2009, 06:40 AM Parent: #177
الاخت العزيزة اماني
زوجتي الحبيبة صحتني بدري ومشيت الحمد لله صليت الصبح في الجامع قلت اصبح عليك قلت اكيد البت اماني دي نشيطة وقامت الليل كله تفتش على مراجعي وكتابي الاشرت ليهو امبارح لقيتك لسه نايمة ليه كده يا ست اماني على فكرة السعوديين وبعدهم كل العرب في كل دول الخليج بيتهمونا نحن السودانيين باننا كسلانين رأيك شنو
على ذكر كسلانين دي واحد صاحبي مهندس هنا في الرياض بعد اكثر من عشر سنوات بيبني في بيت في الخرطوم خلصوا حب يعمل احتفال لاولادو ومرتو قال ليهم اختارو دولة في العالم نسافر ليها صاحبي ده عندو ماجستير في الهندسة من جامعة ليستر في بريطانيا ولف الدنيا كلها بناتو ومرتو قالو ليهم نمشي مصر جا استشارني كيف اقضي احلى اجازة في مصر بأقل فلوس ممكنة وفعلا اديتو جدول محترم بعد رجعو سالت بنتو الكبيرة اكثر شيء لفت نظرك في مصر شنو
قالت لي حاجة غريبة كنا نازلين في شقة في وسط البلد زي ما انا نصحتهم تحت العمارة كان في واحد بتاع طعمية وفول قالت نحنا طالعين من الشقة كان الواد بتاع الطعمية بيرمي في طعميتو الساعة كانت خمسة ونص قبل المغرب رجعنا الشقة حوالي الساعة 2 ونص صباحا لقيناهو في نفس وقفتو ونشاطو بيرمى في طعمتو لا اتحرك من مكانو لا فتر ولا اتكى ارتاح قالت لي انت الناس ديل ما بفترو ؟؟
مشهد آخر جنب بيتي هنا في الرياض مطعم سوداني شباب سودانيين بعملوا طعمية أحلى من اي طعمية في الدنيا تجيهم قبل المغرب بدقائق تلاقيهم يا دوب بيسخنو في نار الطعمية
تجيهم الساعة 10 ونص اقسم بالله تلقاهم طفو النار والطعمية خلصت اقوليهم حرام عليكم عاينو للمطعم التركي الجنبكم ده بيبيع طعمية بس ما حلوة زي حقتكم دي فاتحين لغاية الساعة 3 و 4 صباحاً والناس عليهم زي الرز حرام عليكم
Post: #179 Title: Re: مع الجــــزائـــر حتي المونديال ... Author: كمال الشادي Date: 11-17-2009, 06:55 AM Parent: #178
اماني صباح الخيرات والبركات صباح الفل والياسمين صباح الباشوات والناس الحلوة صباح الناس المبتسمة و المكشرة لا
معليش صاحي بدري ونفسي مفتوحة للكتابة
عندي واحد صاحبي هنا في الرياض راجل ريفي ( من بعض مناطق ارياف السودان ما عايز اقول من وين عشان عارف في ناس عايزين ليهم فرصة فيني ) الراجل خريج جامعة الخرطوم ومعاهو ماجستير في تخصصو من بريطانيا وشغال في شركة محترمة وراتبو ماشاء الله فوق مافي شيء في الدنيا بيكرهو اكثر من كرهو لي حبي انا لمصر والمصريين يولع لما اجيب ليهو سيرة مصر والمصريين
دار بينا مرة النقاش ده - قلت ليهو : إنت مرتك دي قريبتك بت عمك بت خالك بت جيرانك ؟ - هو : لا - انا : طيب عرفتها وين - هو : كانت زميلتي في الجامعة - انا : وكيف اتزوجتها - هو : هي عرفتني على اهلها ابوها واخوانها وجيت داخل من الباب وإتزوجتها - انا : وعرفتك عليهم على اي اساس - هو : على اساس إنها بتحبني وانا بحبها وهي اختارت تتزوجني - انا : تعرف يا صديقي إنو اللي إنتو عملتوهو ده قمة التحضر والمدنية تعرف إنو ده ما من عادات المجتمع السوداني المحافظ إنو اختي أو بنتي تعرف واحد وتجيبو تدخلو البيت وتتزوجو بعدين تعرف إنو ده تطور راقي جداً في سلوكيات المجتمع السوداني وعاداتو الاجتماعية تعرف إنو الحاجة الراقية دي إتعلمناها من المصريين ومن المسلسلات ؟!!!!!! وتعرف إنو المصريين بهدوء وعبر زمن طويل جداً غيرو سلوكيات المجتمعات العربية كلها خصوصاً المجتمعات المحافظة زي السودان ومجتمعات الخليج كله
صباح الفل والاماني الحلوة
Post: #180 Title: Re: مع الجــــزائـــر حتي المونديال ... Author: كمال الشادي Date: 11-17-2009, 07:00 AM Parent: #179
الاماني العذبة تتراقص حيالي والامل بسام يداعب في خيالي
صباح الاماني الحلوة يا أماني
شوفي يا ستي عايز اخش معاك في تحدي اخاف تفشلي فيهو
اذا بكرة الجزائر غلبت مصر حا ابتسم ليك ابتسامة بطول وعرض شارع النيل في الخرطوم وامد ليك أيدي تطلع ليك من شاشة الكمبيوتر واقول ليك الف مبروك يا أماني وعقبال كاس العالم وفي كل الاحوال سواء زرت بوستك ده او ما زرتو طالما الجزائر إتأهلت فراح اشجعها لانها اقرب لي من كل باقي الفرق الغربية والاجنبية اللي راح تلعب معاهم بعد كده والاهم لاني مش حاقد ولا عندي عقد تجاه الجزائر أو مصر وروحي رياضية وراح اقول ليك الف مبروك فوز الجزائر يا اماني
بس على شرط لو فازت مصر تبتسمي وتوريني رصة اسنانك اللولي دي وتقولي لي الف مبروك فوز مصر اخي كمال
Post: #185 Title: Re: مع الجــــزائـــر حتي المونديال ... Author: هواري نمر Date: 11-17-2009, 07:56 AM Parent: #184
الاخ المحترم.. كمــــــــــــــــال الشـــــــادي.. سلامات و عوافي كيفنك؟؟ أخي الكريم...لو سمحت لي... لك حق حب ...مصر و شعبها و كل شئ بها....مصر القبطية و النوبيةو الفرعونية و المسلمة.. و التاريخ مصر الاهرامات و المسلسلات و الافلام الجامعات و كل شبر في مصر....لك مطلق الحرية و قد نشاطرك البعض منه؟؟ ولكن يا أخي العزيز... كل ما خطه قلمك الكريم..من دفوعات عن مصر و تاريخها..ليس له علاقة بتشجيع كرة القدم.. هل مثلا اشجع السعودية في كرة القدم لأن فقط بها المناطق المقدسة.. يا عزيزي...كرة القدم.رياضة...و فن..و كل شخص مخير في تشجيع ما يحب و ما يعجبه من لعب و مهارات و حرفنة.. مثلا انا مقتنع كامل الاقتناع بالبرازيل بانها الفريق الاول في العالم و لكني اشجع الارجنتين....ما العيب في ذلك؟؟؟ عندما نقول اننا نشجع الجزائر ليس لاننا نحبهم دون غيرهم...و عندما لا نشجع مصر ليس لاننا نكرهم دون غيرهم.. ولكن هي ريـــــــــــــــــاضــــــــــــــــــــة...و مباراة فيها غالب و مغلوب.. نقول مبروك للاول و هاردلك للثاني... ___________ كلما ذكر عن مصر في القران و العهد القديم و الجديد و التاريخ و ذكرها عند الفلاسفة,, لا تجعلني كسوداني اتمني ان اصير مصريا مثلهم..؟؟؟ ومثالك عن الدينكا و الزواج..مثال غير موفق؟؟ فالزواج ليس هو فقط دليل علي عدم عنصرية!!!!!! والمصريين ليسو في مرتبة اعلي ...من غيرهم.!!!!!!عندما تقول بانهم تزوجو من القبائل الافريقية...ويعني هذا حسب ما فهمت من كلامك بانهم رغم بياض بشرتهم و جمالهم قد تزوجو من الدينكا الافارقة السود....!! اخي العزيز... هي رياضة و انتماء الي فرق ..و تشجيع ينتهي بنهاية المباراة.. واتمني ان يسير البوست في اتجاه التشجيع وفقط و مثلما للاخت أماني حق تشجيع الجزائر.. انت ايضا لك ان تشجع مصر... وفي الاخر ..كل حسب ما يري..
اسف ان اطلت عليك ولك كل احترامي و تقديري...
Post: #188 Title: Re: مع الجــــزائـــر حتي المونديال ... Author: Ibrahim Sayed Date: 11-17-2009, 08:04 AM Parent: #181
للاخوة الهاتفون للمرة الثانية مرسل لهم تلك الصور
لعل موضوع العرض والشرف والكرامة يؤثر فيهم !!!!!
Post: #186 Title: Re: مع الجــــزائـــر حتي المونديال ... Author: Amany Elamin Date: 11-17-2009, 08:00 AM Parent: #180
الأخ كمال الشادي: صباح الخير .. ومعليش علي التأخر في الرد بس ما كسل مشغوليه .. أدهشن جدا هذا الجزء من ردك:
Quote: السؤال بترفعي من وين جات تسمية افريقيا بهذا الاسم بتعرفي من جا سواد بشرة الافارقة بما فيهم نحن السودانيين أحد ابناء سيدنا نوح وأسمه ( فارق ) وجاءت تسمية افريقيا عليه رأي عورة ابيه وهو نائم ولم يغطيه فدعى عليه بأن تكون كل ذريته سوداء البشرة وجينا نحن دي معلومة كد على الطاير ولك كل الاحترام والتقدير والتجلة والحب
ولاهتمامي الشخصي بقصص الأنبياء ومحبتي ليها, كانت معلومتي هي نفس المعلومه اللي وجدتها في مصادرك:
Quote: وأما امرأة نوح، قيل: إنها غرقت مع من غرق، وكانت ممن سبق عليه القول لكفرها وهي أم أولاده كلهم وهم: حام، وسام، ويافث، ويام، وتسميه أهل الكتاب: كنعان، وهو الذي قد غرق، وعابر .
شوف:
Quote: {وَنَادَى نُوحٌ ابْنَهُ وَكَانَ فِي مَعْزِلٍ يَابُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ * قَالَ سَآوِي إِلَى جَبَلٍ يَعْصِمُنِي مِنَ الْمَاءِ قَالَ لَا عَاصِمَ الْيَوْمَ مِنْ أَمْرِ اللَّهِ إِلَّا مَنْ رَحِمَ وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ} وهذا الابن هو: يام أخو سام، وقيل اسمه كنعان. وكان كافراً عمل عملاً غير صالح، فخالف أباه في دينه ومذهبه، فهلك مع من هلك. ثم قال تعالى: {قِيلَ يَانُوحُ اهْبِطْ بِسَلَامٍ مِنَّا وَبَرَكَاتٍ عَلَيْكَ وَعَلَى أُمَمٍ مِمَّنْ مَعَكَ وَأُمَمٌ سَنُمَتِّعُهُمْ ثُمَّ يَمَسُّهُمْ مِنَّا عَذَابٌ أَلِيمٌ}.
هذا أمر لنوح عليه السلام، لما نضب الماء عن وجه الأرض، وأمكن السعي فيها، والاستقرار عليها، أن يهبط من السفينة التي كانت قد استقرت بعد سيرها العظيم، على ظهر جبل الجودي، وهو جبل بأرض الجزيرة مشهور.
{بِسَلَامٍ مِنَّا وَبَرَكَاتٍ} أي: اهبط سالماً مباركاً عليك، وعلى أمم ممن سيولد بعد، أي من أولادك، فإن الله لم يجعل لأحد ممن كان معه من المؤمنين نسلاً ولا عقباً سوى نوح عليه السلام. قال تعالى: {وَجَعَلْنَا ذُرِّيَّتَهُ هُمُ الْبَاقِينَ} فكل من على وجه الأرض اليوم، من سائر أجناس بني آدم، ينسبون إلى أولاد نوح الثلاثة، وهم: سام، وحام، ويافث. روى أن النبي صلى الله عليه وسلم قال: ((سام أبو العرب، وحام أبو الحبش، ويافث أبو الروم)) ورواه الترمذي
بعدين ياسيدي المصريون هم من سجنوا يوسف وأرادوا قتل موسي .. مصر جعلها الله عقابا لبني اسرائيل لما استبدلوا المن والسلوي بالفول والعدس والبصل .. أما قصة انها مذكوره في القران فأبو لهب ياسيدي مذكور في القران ولاتعليق !!!!!!!!
بعدين منطقة بيت المقدس والشرق الأوسط هي مهبط الأنبياء ,
عموما كده الموضوع خرج من اطاره, خلينا نشجع كوره والنقاش ممكن نمشي ليهو بوست تاني لما الكوره تخلص, لغاية الوقت داك ..
مــــــع الجـــــــزائر حتي المونديــــــــــــــــال
تحياتي واحترامي ليك وللمدام ..
Post: #187 Title: Re: مع الجــــزائـــر حتي المونديال ... Author: سارة علي Date: 11-17-2009, 08:02 AM Parent: #186
مصر دي ما شفتها غير اربعة يوم.. كاجاها... مشيت ليها مكرها عشان التأشيرة.. وتاني ما بكررا,,,
ـــــــــــــــــــــــ
لكن الكورة الاخيرة دي كانت عجيبة..
Post: #189 Title: Re: مع الجــــزائـــر حتي المونديال ... Author: Ibrahim Sayed Date: 11-17-2009, 08:09 AM Parent: #187
مرسل لسيادتكم رابط لقروب سودانى على الفيسبوك انشئه احد الموسيقيين الشباب لتشجيع الجزائريين فى السودان ولكم ان تنضمو له وان ترو باعينكم مدى امتنان الجزائريين وتقديرهم لتلك اللفتة البارعة من شعبنا المضياف
Post: #190 Title: Re: مع الجــــزائـــر حتي المونديال ... Author: كمال الشادي Date: 11-17-2009, 09:16 AM Parent: #189
الاخ الحبيب هواري نمر لك التحية والتجلة الاحترام
انابعتذر منك إنت شخصياً بعتذر منك لان النقاش راح زي ماذكرت لحتة غلط والموضوع كله كورة في كورة وانا مشيت معاهو دفاعاً عن حبي ل مصر والمصريين غصباً عني
لا يعيفيني ذلك من سيري في الاتجاه غير الصحيح ولا يعفيني ذلك من الاعتذار لك ويشرفني ان اكسبك كصديق
مع التحية
Post: #191 Title: Re: مع الجــــزائـــر حتي المونديال ... Author: كمال الشادي Date: 11-17-2009, 09:24 AM Parent: #190
الاخت الكريمة اماني الامين
اولاً وقبل كل شيء تحياتك للمدام وصلت على فكرة انا اتعلمت اقول المدام لمن سمعتها في المسلسلات المصرية
رغبتك في عودة النقاش للكورة فقط احترمها واحترمك معاهازيادة كمان وكمان
لكن رجعتي تاني تقولي الفول والبصل وابو جهل
انا راجل حريف ثقافة وقراي جداً ما تستفزيني عليك الله عشان ما أفحمك
قبل ما نعود للكورة رأيك شنو في صاحبتي بتاعة الجامعة المصرية الابوها دينكاوي !!!
طالما راح نعود للكورة والعود احمد انا عند التحدي بتاعي معاك
أهنئك من القلب وبدون تعصب لو فازت الجزائر
وتمسحي الحقد من قلبك على كل ما هو مصري وتهنيني بفوز مصر لو فازت وحاولي حبي مصر دي فيها ناس حلوين يا أماني ما أحلى منك
رأيك شنو ؟؟
Post: #192 Title: Re: مع الجــــزائـــر حتي المونديال ... Author: كمال الشادي Date: 11-17-2009, 09:31 AM Parent: #191
الاخ الكريم إبراهيم سيد
تحية وحب
عندي مبدأ في كل مداخلاتي في اي مكان في النت سواء في الموقع ده أو غيرو
أي شخص يحاول يجرني لاساءات شخصية أو لغة أعتبرها مش ولا بد لا أنجر له وأعتذر واطلع بدون رجعة للموقع أو للبوست
أخي إبراهيم شوف الاخت اماني كانت منفعلة كيف وفي الاخر انا وهي حبايب سمنة على عسل زي ما بيقولو حبايبنا المصريين
لكنك وانا مسامحك حاولت مرتين تحول الموضوع إلى اساءة شخصية لي وانا رفضت انجر معاك يعني قعدت تقول لي مرتك وامك وبنتك
لا النقاش في الكورة ولا في الثقافة والتاريخ بيستلزم انو تجيب سيرة امي ومرتي وبنتي
والمرة الثانية كررت على اكثر من مرة وسميتني الهتيفة الله يسامحك
بس عليك الله عشان نستفيد كلنا نسمو شوية من الحتة دي بالعكس النقاش الجاد الهادف يفيدني ويفديك والشتائم لا تفيدني وتفيدك
اتفقنا؟؟
Post: #193 Title: Re: مع الجــــزائـــر حتي المونديال ... Author: هواري نمر Date: 11-17-2009, 09:38 AM Parent: #190
Quote: انابعتذر منك إنت شخصياً بعتذر منك لان النقاش راح زي ماذكرت لحتة غلط والموضوع كله كورة في كورة وانا مشيت معاهو دفاعاً عن حبي ل مصر والمصريين غصباً عني
اخي الكريم... تحياتي و احترامي... لا داعي للاعتذار..فلم يحصل منك ما يجب ان تعتذر عنه يا اخي.. و مثلما قلت فلنجعل الموضوع...كرة في كرة...و ونتناكف و نتصافح فقط في الكرة..فكلنا في الاخر بشر نتساوي جميعا..
Quote: ويشرفني ان اكسبك كصديق
و يشرفني انا ايضا.. و ان شاء الله تتكتمل المعرفة و التواصل.. وقد نلتقي في مصر.. ذاتهــــــــــــــــــــــــا.. التي تحبها... ويكون لي شرف رؤيتك..اخي الفاضل.. شكرا لك أخي كمــــــــــال علي تكرمك بردك الجميل و المهذب و اللطيف وعاطر تقديري و احترامي....
________ الضديقة أماني.. عذرا و عفوا...ان اجتنبنا بالحديث بعيدا... و لتكن الرياضة هي سفيرة النوايا الحسنة و رابطة الشعوب.. والمنافسة بشرف..والتجمع من اجل عالم مسالم خالي من الحروب...
Post: #194 Title: Re: مع الجــــزائـــر حتي المونديال ... Author: كمال الشادي Date: 11-17-2009, 09:54 AM Parent: #193
الكريم بن الكريم هواري نمر لك التحية والحب
رد شرفني وأثلج صدري
والله العظيم اقابلك في مصر والله ترسل لي زول من طرفك
اقسم بالله اخليك واخليهو تقضو ايام تحكو بيها العمر كله في ام الدنيا مصر رأيك شنو
لك حبي
Post: #195 Title: Re: مع الجــــزائـــر حتي المونديال ... Author: كمال الشادي Date: 11-17-2009, 10:24 AM Parent: #194
Post: #207 Title: Re: وعقدنا العزم أن تحيا الجزائر .. فاشهدوا .. Author: سارة علي Date: 11-18-2009, 07:17 PM Parent: #206
Quote: مين فيكم يا أماني وسارة ترضي تتزوج دينكاوي أو تزوج اختها أو بنتها او قريبتها لواحد دينكاوي
انا دي سارة علي لو لقيت لي دينكاوي,شلكاوي,شايقي,من الواق الواق...اي رجل يملك الموةاصفات الاخلاقية الانا ببحث عنها بتزوجوا عن قناعة..طبعا لازم يكون مسلم..وعشان كدة يا فرعون كمال ما بتلقي ليك حالات زواج كثيرة بين مسلمة واي شخص من ديانة اخرى.. عليك الله يا اماني بعد الكورة راجاياك ببوست كااااااارب افتحي لينا عن القصة دي.. ــــــــــ وانت يا الفرعون مالك ما عرستا زي عرسة صاحبك المصري دة؟؟
Post: #208 Title: Re: وعقدنا العزم أن تحيا الجزائر .. فاشهدوا .. Author: سارة علي Date: 11-18-2009, 07:18 PM Parent: #207
الحمد لله كما تنميناها : تمنينا الجزائر تتأهل من الخرطوم .. تمنينا الخرطوم تكون وش خير علي الجزائريين تنميناهم أن يحطموا الغرور المصري عنّا تنمينا نسعد برؤية الجزائر في المونديال
جيش شعب معاك ياسعدان والربحه في السودان وهكذا تمنوها .. أخ فرحات مبروك وشكرا وأبدا والله حيدر الزين ألف مبرووووووووك
من حق أي شخص تشجيع من يرغب دون أن يكون مطالباً بإبدأ تبريرات ، لكن في حالة المطبلين بإسم السودان فهم مطالبين بتقديم العديد من التبريرات لكذبهم بإسمنا - ما هو المقابل الذي يحصلون عليه مقابل دخولهم بهذه الصورة القذرة في الحرب الإعلامية ما قبل المباراة .
Post: #227 Title: Re: وعقدنا العزم أن تحيا الجزائر .. فاشهدوا .. Author: Amany Elamin Date: 11-19-2009, 10:10 AM Parent: #226
صباح الخير .. صباح أخضر مشرق مضئ ..
صباح الاحتفال بالفوز والانتصار ..
صباح الربحه في السودان ..
--- شكرا الأخ أمين صدّيق وجايه للتعقيب علي كلامك وأحداث مابعد المباراه .. أخلّص شغل في يدي وجايه للبوست ده بمزاااج ..
Post: #228 Title: Re: وعقدنا العزم أن تحيا الجزائر .. فاشهدوا .. Author: المعتمد Date: 11-19-2009, 10:41 AM Parent: #227
ماتمارسه الصحافه المصريه من هجوم علي أمن وشرطة وسيادة دولة السودان رساله نوجهها لكل من شجع مصر في المباراه الأخيره ..
الصحفي عمر أديب يصدر أمرا لمدنيين مصريين بدخول طائرات مصريه في مدرج مطار الخرطوم بعد أن اقتحموا المطار عنوه .. من أعطي هذا الصحفي حق الأمر والنهي في سيادة دولة السودان داخل حدود دولتنا؟ هل يتجاوز اعلامي سلطة ضباط الجوازات وأمن المطار السودانيين ويصدر أوامر لمواطنين مصريين بانتهاك سيادة دولة السودان ؟..
الرياضي المعروف المصري ابراهيم حسن يقول أن دولة وأمن السودان "مش ولابد" !!!!!
وده كله كوم وحكاية ارسال قوات للخرطوم لحماية المصريين ده كوم تاني !!!!!
كل السودانيين في الخرطوم كانوا في الشارع ليلة أمس, شهدنا حضور أمني مكثف لاقبل لنا به الا في يوم معركة أمدرمان الشهيره .. الجزائريون تعرضوا للاهانه والظلم في القاهره وهي معركتهم مع المصريين وثأرهم ولاشأن للسودانيين بهذا من قريب أو بعيد ومع ذلك حماية المصريين كانت من أولويات السلطات ليلة البارحه وقد بذلوا قصاري جهدهم لذلك , السودان كان دوله مضيفه استقبلت الطرفين وأكرمتهم حتي أن شعبا اخر لم يكن ليفتح لجماهير زائره بيوتهم ويطعموهم من قوتهم, لن يحدث هذا الا في السودان ... نشهد للشرطه حضورها المكثف وحرصها علي أمن وسلامة الجميع .. نشهد للسودان بالكرم وحسن الضيافه بالرغم من الزمن المحدود الذي أنجزوا فيه كل ما أنجز .. السودانيون هبّوا علي قدم وساق لاكرام ضيوف البلاد وكان جزاء الضيافه جحودا ونكرانا من قبل المصريين .. المصريون هم من اختارونا لاقامة المباراه, والان يسألون أنفسهم لماذا اخترنا السودان !!!!
شكرا للمصريين لأنهم لم يخذلونا فما أتوا به متوقع منهم والعتبي علي مناصريهم من السودانيين .. شكرا للجزائريين فقد أفرحوا قلوبنا وقدروا مجهودنا ..
للسلطات السودانيه نقول: ان ما حدا بالسلطات الجزائريه باتخاذ اجراءات صارمه مثل استدعاء السفراء, وتفويج الالاف لمساندة فريقهم, ثم تضامن الموقف الرسمي مع الشعبي والتحام الشعب مع القياده: هو حفـــــــظ الكـــــرامه من سخرية واستهزاء وتجاوزات المصريين والرد عليها بقوه .. سيادة دولتنا تمس وتهان من قبل من أتيتم بهم لاكرامهم والشعب ينتظر وقفتكم الصارمه من أجل الكرامه ..
Post: #230 Title: بوتفليقه يشكر السودان حكومة وشعبا .. Author: Amany Elamin Date: 11-19-2009, 02:06 PM Parent: #229
Quote: يسعدني غاية السعادة بعد احتضان السودان الشقيق مقابلة الفصل للتأهل لنهائيات كأس العالم لكرة القدم 2010 بين المنتخبين الجزائري والمصري أن أتوجه إليكم بخالص التحية والتقدير وجزيل الشكر والعرفان على ما حظي به اعضاء الفريق الوطني لكرة القدم وطاقمه التقني وأنصاره من رعاية وعناية ودفء وأخوة في بلدهم الثاني السودان الشقيق بين أحضان إخوانهم وذويهم. كما أشكركم أخي العزيز رئيسا وحكومة وشعبا واشكر المسؤولين السودانيين على جميع المستويات على ما وفرتموه للفريق الوطني من تسهيلات وامكانيات وما بذلتموه من جهود مضنية لاستقبال أبنائكم وإخوانكم الجزائريين الذين توافدوا على السودان الشقيق من كل حدب وصوب لمؤازرة فريقهم فحظوا فيه باستقبال كان قمة في الكرم وغاية في الاريحية مصداقا لقيم وشيم وأخلاق أهل السودان بلد العروبة والاسلام والانتماء الحضاري العريق وبرهانا ساطعا على متانة ما يجمع الجزائر والسودان من وشائج وصلات لا تنفصم عراها أبد الآبدين. إنني اذ بادرت بدعم سفر انصار فريقنا الوطني الى الخرطوم انما كنت واثقا كل الثقة من أنهم سيحلون في بلدهم الثاني معززين مكرمين ومحفوظي الجانب لدى أشقائهم في السودان الأبي الذي نكن له ولشعبه كل المحبة والتقدير. فحياكم الله اخي العزيز وحيا أهلنا واخواننا في السودان وبارك الله فيكم وأمدكم بكل خير ولكم مني خالص التهنئة اذ نجحتم في تنظيم هذا العرس الرياضي الكبير بين بلدين عربيين شقيقين فكتبتم صفحة ناصعة اخرى في سجل التآخي العربي الصادق الملموس. انها تحية خالصة أزفها باسم الجزائر شعبا وحكومة وباسمي الخاص شاكرا مرة اخرى لأبناء السودان معدن الأصالة الذين تنافسوا على الاحتفاء باخوانهم الجزائريين واكرامهم بكل محبة وسخاء هذا وانني أجدد عزمي على العمل معكم على مواصلة تطوير علاقات الاخوة والتضامن والتعاون بين بلدينا وشعبينا والارتقاء بها الى أعلى المستويات والمراقي. وفي انتظار فرصة اللقاء بكم قريبا ان شاء الله ادعو الله أن يحفظكم ويسدد خطاكم ويكلل جهودكم الموصولة بالنجاح ويوفقكم لتحقيق ما يصبو اليه الشعب السوداني العظيم من تقدم ورقي ..
Post: #231 Title: Re: بوتفليقه يشكر السودان حكومة وشعبا .. Author: الشامي الحبر عبدالوهاب Date: 11-19-2009, 02:16 PM Parent: #230
مبروك يا اماني الامين الفوز المستحق لكن خففي علي مصر شوية
مع تحياتي
Post: #232 Title: Re: بوتفليقه يشكر السودان حكومة وشعبا .. Author: حسن مضوي Date: 11-19-2009, 02:17 PM Parent: #230
مبروك يا أماني
سعادتنا لا توصف
والخيبة والإذلال لمغتصبي الأراضي السودانية
Post: #233 Title: الجزائر الي المونديال .. Author: Amany Elamin Date: 11-19-2009, 02:18 PM Parent: #230
شكرا أخ المعتمد:
وألف مبروك لينا وليهم ..
Post: #234 Title: Re: الجزائر الي المونديال .. Author: Amany Elamin Date: 11-19-2009, 02:33 PM Parent: #233
الأخ الشامي: شكرا كتير .. كانت ليلة فرحه في الخرطوم غير مسبوقة المثيل .. السودانيون يحتفلون في الشوارع حتي ساعات الصباح الأولي وهم يحملون الأعلام الجزائريه .. وللحق كانت السلطات تطوق المحتفلين بكثافه وحزم ..
Quote: مبروك يا اماني الامين الفوز المستحق لكن خففي علي مصر شوية
لا ألوم المصريين فهذا متوقع منهم .. لابد من شغل الجمهور المصري عن الهزيمه بأي تمثيليه تهز الشارع .. والسوداني خير كبش فداء فمهما صعدت مصر لغة خطابها للسودانيين فلاحياة لمن تنادي,
أنا فقط ألوم مناصريهم من السودانيين ..
الأخ حسن مضوي:
مبروك للجزائر والسودان .. فوز مستحق ..
Post: #235 Title: Re: الجزائر الي المونديال .. Author: ابراهيم الصغير Date: 11-19-2009, 02:47 PM Parent: #234
ان شاء الله ويكفينا انهم هزموا هؤلاء المصريين وسنقف معهم حتي المونديال وبعده
Post: #236 Title: Re: الجزائر الي المونديال .. Author: Tragie Mustafa Date: 11-19-2009, 04:30 PM Parent: #235
مبروك يا اماني وكثر خيرهم وهم يرفعون اسم الكره الافريقيه.
Post: #238 Title: Re: الجزائر الي المونديال .. Author: نوفل عبد الرحيم حسن Date: 11-19-2009, 05:58 PM Parent: #236
مبروك يا اماني
وبعد الشفتو امس وبعد قلة ادب المصريين والاعلام المصري وتطاوله علي الشعب السوداني تاني مصر لو لعبت مع اسرائيل ... بشجع اسرائيل
Post: #241 Title: Re: الجزائر الي المونديال .. Author: Amany Elamin Date: 11-19-2009, 06:55 PM Parent: #238
الأخ نوفل:
Quote: وبعد الشفتو امس وبعد قلة ادب المصريين والاعلام المصري وتطاوله علي الشعب السوداني
الاعلام المصري يانوفل بيشغل في شعبه عن الهزيمه, خايف من غضب الجماهير بعد الشحن المعنوي وتهيئهم لضمان الفوز لأن المباراه في الخرطوم اللي هي "بتاعتهم" علي حد تعبيرهم مضمونه .. بس عيب جدا اتخاذ الدوله اللي سهرت بمواطنيها وقواتها عشان تحميهم وتحرسهم كبش فداء ..
مازلنا في انتظار موقف قوي من الدوله في مقابل كرامتنا اللي استهزأت بيها الصحافه المصريه ..
كتر خير الخضر, أسعدونا وقدروا مجهود دولتنا ..
Post: #239 Title: Re: الجزائر الي المونديال .. Author: Amany Elamin Date: 11-19-2009, 06:38 PM Parent: #236
اشرت لنقطه مهمه جدا .. غايظني جدا عمود عثمان ميرغني قبل المباراه,
Quote: عندما اختار المصريون السودان، ليكون ميدان المعركة في حال تعادل النتيجة بالقاهرة.. كانوا يعلمون جيداً أن الإنتقال من مباراة في استاد القاهرة إلى مباراة ثانية في الخرطوم.. كالإنتقال من مدينة نصر إلى العباسية.. لن تفقد مصر لا الأرض ولا الجمهور.. الأرض هنا في السودان مصرية.. وكذلك الجمهور.. لا السودان أرض محايدة.. ولا السودانيين محايدين ..عندما تكون مصر طرفاً في مباراة
وندي القلعه ماقصرت قاعده تغني في التلفزيون , ومبارك برضو رئيسنا !!!!!!!! مش ليها حق الصحافه المصريه تعمل العملتو وأكتر ..
Post: #240 Title: Re: الجزائر الي المونديال .. Author: Amany Elamin Date: 11-19-2009, 06:46 PM Parent: #239
Quote: مبروك يا اماني وكثر خيرهم وهم يرفعون اسم الكره الافريقيه.
الأخ ابراهيم الصغير
Quote: ويكفينا انهم هزموا هؤلاء المصريين وسنقف معهم حتي المونديال وبعده
مبروك تأهلهم من الخرطوم ويكفينا أنهم هزموا الفراعنه ..
ومبروك للخرطوم نجاح التنظيم ..
Post: #242 Title: Re: الجزائر الي المونديال .. Author: Amany Elamin Date: 11-19-2009, 07:21 PM Parent: #240
نقلا من بوست الزميل خالد عويس ..
Quote: نقلا من وكالة الصحافة الفرنسية:
استدعت السلطات السودانية اليوم الخميس السفير المصري للتعبير عن غضبها على نشر وسائل الاعلام المصرية انباء خاطئة حول الاشتباكات التي حصلت بعد المباراة الفاصلة بين المنتخبين المصري والجزائري امس الاربعاء على استاد المريخ في ام درمان ضمن تصفيات مونديال جنوب افريقيا 2010. واوضحت السلطات السودانية في بيان لها "قامت وزارة الخارجية باستدعاء السفير المصري لابلاغه رفض السودان للانباء التي نشرتها وسائل الاعلام المصرية بخصوص الاحداث التي حصلت بعد المباراة". وسجلت بعض الصدامات ليل الاربعاء الخميس في الخرطوم بين مشجعين مصريين وجزائريين اثر فوز منتخب "الخضر" الجزائري على منتخب "الفراعنة" المصري 1-صفر بحسب رجال الشرطة وشهود عيان. وتحدثت القنوات التلفزيونية المصرية وصحف القاهرة عن مقتل شخص على الاقل في اشتباكات وهي انباء نفتها وزارة الخارجية المصرية. وقال المتحدث الرسمي باسم الخارجية السودانية معاوية عثمان خالد "بدل ان يتم التاكيد على كل ما قام به السودان في هذه المباراة من استقبال وايواء نحو 25 الف شخص وضمان الامن, نشرت وسائل الاعلام المصرية انباء خاطئة". وأكد السفير المصري في الخرطوم عفيفي عبد الوهاب انه تباحث اليوم الخميس مع مسؤولين كبار في الدبلوماسية السودانية بخصوص الاحداث التي اعقبت المواجهة بين المنتخبين الجزائري والمصري. وقال في تصريح لوكالة "فرانس برس": "ما حصل لن يكون له اي تاثير على العلاقات المميزة بين السودان ومصر". واوضحت رئاسة الجمورية المصرية في بيان لها ان "الرئيس حسني مبارك تلقى تقارير حول التنسيق مع الاشقاء في السودان الذين بذلوا جميع الجهود الممكنة - وهي جهود تستحق الثناء- لمواجهة الاعمال الهمجية بحق المواطنين المصريين في الخرطوم بعد خروجهم من الملعب". كلف وزير الخارجية أحمد أبوالغيط بإستدعاء سفير الجزائر بالقاهرة لكى ينقل له مطالبة مصر للجزائر بأن تتحمل مسئولياتها فى حماية المواطنين المصريين الموجودين على أراضيها ومختلف المنشآت والمصالح المصرية بالجزائر
نشكر الخارجيه علي الموقفوكنا ومازلنا نتوقع رد فعل أقوي , بعدين الجمله البلأحمر دي غايظاني شديد .. ذكرتني بغنية: أغلطوا انتو يالحلوين نجيكم نحن بالأعذار ..
Post: #243 Title: Re: الجزائر الي المونديال .. Author: قيقراوي Date: 11-20-2009, 12:35 PM Parent: #242
Quote: اللعيبه ذاااتهم الكاس ده ما في طموحاتهم ههههههه
شفت جيرانك المصريين ديل لو الهلال شال كاس الأبطال سنة 2010 دي ذاتها, حيعملوا روحهم مافاهمين حاجه ويلاقوك تاني يوم يقولوا ليك "هو في ايه؟"
أاقطع دراعي لو ما عملوا كده
تسلمي ياخ من قطع الدراع
و الله عملوها ما خجلو كلو كلو يا اماني
عليه بسحب كلامي القلتو أول كوووولو ، و ندمان عل تشجيعي ليهم في مباراتي القاهرة و الخرطوم ندمان و سافي التراب عديل . . و كان كمان حداكم تراب ناعم او سفاية من النوع الممتاز اشحنوا لينا منها نسفها بالمرة
صدقتي و أنني كنت من الخاطئين . . " ديل الكلب عمرو ما ينعدل " مصر و السودان مت حتة
---------- تحياتي يا صديقة و ادينا الخبر . . سمح ؟
Post: #244 Title: Re: الجزائر الي المونديال .. Author: Amany Elamin Date: 11-20-2009, 02:09 PM Parent: #243
قيقراوي أخوي:
تبرا من التراب, التراب حيسففوا ليهم السودانيين انشاء الله بعد ده .. بعدين مداخلتك تشهد انك من الأول عامل حساب الظروف لكن مكضب الشينه ..
Quote: للضمان كدا نقول حسب الظروف ، لو قفلوها معانا تبقى " مِت حتة " !!
غايتو عملوها ظاهره ..
تحيات كتار ..
Post: #245 Title: Re: الجزائر الي المونديال .. Author: Amany Elamin Date: 11-21-2009, 05:09 PM Parent: #244
