Post: #1
Title: يا سودانيو اميريكا...من منكم جاهز لشراء تذكرة سفر الى واشنطون او نيويورك للتسجيل!؟
Author: هشام هباني
Date: 11-10-2009, 06:01 PM
ومن هوالمشرف على التسجيل في السفارة هل هي لجنة قومية محايدة قادمة من السودان وتحت رقابة من كل القوى الحزبية اولجنة من الامم المتحدة او اي مندوب من الدول الراعية لاتفاقية (نيفاشا)ام هي بالكامل تحت تصرف مطلق بواسطة الممثلية وهي الحكومة.... وهل بالفعل سيسافر (الجبهجية) الى واشنطون ونيويورك على نفقاتهم الخاصة للتسجيل ام ان اسماءهم فقط سترسل بالبريد الالكتروني او في افضل الظروف بواسطة مندوب لهم يحمل قوائم باسمائهم وله اجر المناولة!؟
|
Post: #2
Title: Re: يا سودانيو اميريكا...من منكم جاهز لشراء تذكرة سفر الى واشنطون او نيويورك للتسجيل!؟
Author: عبدالوهاب علي الحاج
Date: 11-10-2009, 06:23 PM
Parent: #1
والله جننتوا الملعقة جن
- قالوا يسووا ليكم صناديق متحركة قلتو دا تزوير
- سمح سووها ثابتة قلتو واي قروش السفر كتيرة وما بنقدر عليها
ياراجل اختشي الفين دولار شنو الداقي ليها الدلوكة دي كلها الناس ضحت بارواحها عشان الوطن
انت فاتح ليك خمسين بوست بتكلف مع بكري قريب الـ 3 الف دولار عشان تتجرس من 2000 دولار
انت قايل النضال دا طقطقة كيبورد وشابك الناس عاجل عاجل وتشيل وتخم وتردم لينا في الكلام الفاضي
لا يا عمك دايرين نشوفك منور واشنطن وتسجل وانت والاسرة الكريمة ومن تلزمك نفقتهم وبعدين ليه تنزل في فندق انتو مروتكم كملت ولا شنو ؟
انا لو في محلك انزل مع كوستاوي وبعد التسجيل آخد لي تلاتة يوم تطقو الحنك على الاقل تطلعوا لينا برؤى نضالية جديدة
تحياتي يا عمدة
والتحية موصولة لعمنا كوستاوي
|
Post: #3
Title: Re: يا سودانيو اميريكا...من منكم جاهز لشراء تذكرة سفر الى واشنطون او نيويورك للتسجيل!؟
Author: Kostawi
Date: 11-10-2009, 08:37 PM
Parent: #2
| Quote: والتحية موصولة لعمنا كوستاوي |
الكرمببببببا
كوستاوي طلع عمك?
تعال أرضع
يا هباني
التسجيل حا يقوم بيه مكتب القنصلية
و طبعا كل أفرادهم من الأمن.
الكيزان ديل بشوية تكنلوجيا شوية كدا كان ممكن يسجلوا كل الجالية هنا في أمريكا....لكن طبعا ما عايزين كدا!!!
|
|