Post: #1
Title: ديك الِعدة !
Author: داليا حافظ
Date: 11-09-2009, 08:09 AM
Parent: #0
لمن نوصف زول بأنو ديك عِدة يعني شنو ؟
ــــــــــــــــــــــــــــــــــــ
جادة والله مغروضة في المعنى ..
|
Post: #2
Title: Re: ديك الِعدة !
Author: HAIDER ALZAIN
Date: 11-09-2009, 08:16 AM
Parent: #1
| Quote: لمن نوصف زول بأنو ديك عِدة يعني شنو ؟ |
بيعني انه ديك عدة بالجد ...
ـــــ
زماااان وقت العدة بتتغسل وتتخت في عتقريب في ضل الضحي ..
والجداد قفصو في البيت يتلتل .. وبيقوموا الصباح يفتحو باب القفص عشان يطلق كرعيهو
ويأكل من خشاش الارض ..
كان لعمتي ديك ما يحلي ليهو الا ينط فوق العنقريب المشرورة فيهو العدة ويقعد يكركبها..
لو عمتي خلتو في وضعو دا ياهو المكسر صحانة الصيني ومكسر الكبابي
ولا كمان هشتو من عنقريب العدة برضو بيقعد يفنجط وسط الصحاني والكبابي وبيكسرها ..
يعني لو خلتو بيكسرها ولو هشتو بيكسرها ..
وأظن بسبب الديك العنيد دا جات التسمية .. والله اعلم
** نسيت اسلم عليك فلك التحية ..
|
Post: #3
Title: Re: ديك الِعدة !
Author: حافظ حسن ابراهيم
Date: 11-09-2009, 08:25 AM
Parent: #2
داليا بتي صباحاتك ... كلام حيدر دا أظن صح ,,,
لكن يا بتي عليك النبي تسألي لي من (ديك أم الحسن البكشنو في بصلتو وهو يعوعي)
|
Post: #4
Title: Re: ديك الِعدة !
Author: داليا حافظ
Date: 11-09-2009, 08:25 AM
Parent: #2
صباحك زين ياحيدر
| Quote: بيعني انه ديك عدة بالجد |
ياخ إنت ..قرااااي شديد ..
ألف ألف شكر ..
|
Post: #5
Title: Re: ديك الِعدة !
Author: داليا حافظ
Date: 11-09-2009, 08:33 AM
Parent: #4
يا بابا
| Quote: لكن يا بتي عليك النبي تسألي لي من (ديك أم الحسن البكشنو في بصلتو وهو يعوعي) |
أنا دي البرد ليك :
معناها ..مقتول مقتول ياولدي ..وإعتذارك مابفيدك العملتو كان بايدك ...
|
Post: #6
Title: Re: ديك الِعدة !
Author: فايزودالقاضي
Date: 11-09-2009, 08:33 AM
Parent: #4
داليا ..سلامات ..
زي ماقال ليك اخونا حيدر ...
بالله ديك العدة ده تبعكم ياحيدر ؟!!...
|
Post: #16
Title: Re: ديك الِعدة !
Author: داليا حافظ
Date: 11-10-2009, 07:24 AM
Parent: #6
صباح الخير يافايز
| Quote: زي ماقال ليك اخونا حيدر ... |
طيب معناها أنو غبي ولا أروش ولا أحمق ولا أشتر ؟
ولا كل ماذكر صحيح ؟ السؤال للجميع يافايز ..
|
Post: #7
Title: Re: ديك الِعدة !
Author: عاطف عمر
Date: 11-09-2009, 08:34 AM
Parent: #1
| Quote: لمن نوصف زول بأنو ديك عِدة يعني شنو ؟ |
تماماً مثلما تقولي لشخص أنه
" كالثور في مستودع الخزف "
وضحت شديد
مش ؟؟
سلامات داليا
|
Post: #8
Title: Re: ديك الِعدة !
Author: Abdlaziz Eisa
Date: 11-09-2009, 08:40 AM
Parent: #7
سلام
Quote: كان لعمتي ديك ما يحلي ليهو الا ينط فوق العنقريب المشرورة فيهو العدة ويقعد يكركبها..
لو عمتي خلتو في وضعو دا ياهو المكسر صحانة الصيني ومكسر الكبابي
ولا كمان هشتو من عنقريب العدة برضو بيقعد يفنجط وسط الصحاني والكبابي وبيكسرها ..
يعني لو خلتو بيكسرها ولو هشتو بيكسرها ..
|
صحيت يا ود الزين كما يقول الليبيون..
داليا سلامات
وصلنا لديك العدة الهارش اليومين ديل..
بس اوكامبو ده قولوا ليهو البصلة بتاعت ديك ام الحسن ما تحرق..
تحياتي
عبدالعزيز
|
Post: #10
Title: Re: ديك الِعدة !
Author: Faisal Elrasheed
Date: 11-09-2009, 08:50 AM
Parent: #8
رايك شنو يا داليا نجيب امثلة
|
Post: #19
Title: Re: ديك الِعدة !
Author: داليا حافظ
Date: 11-10-2009, 07:38 AM
Parent: #10
| Quote: رايك شنو يا داليا نجيب امثلة |
نهيييييي يا فيصل الديك ده خاصتي ..
هسة أنا قلت ديوك العدة ..أنه ديك واحد لاغير ..
|
Post: #18
Title: Re: ديك الِعدة !
Author: داليا حافظ
Date: 11-10-2009, 07:34 AM
Parent: #8
أهلين
Quote: وصلنا لديك العدة الهارش اليومين ديل..
بس اوكامبو ده قولوا ليهو البصلة بتاعت ديك ام الحسن ما تحرق.. |
والله حيرتني يا عبدالعزيز زول ماشي في أمانة الله فجأة كدة يعتر ليهو أوكامبو ..
بريء يابيه ..لكن لك حرية التغني على ديكاك ..
|
Post: #9
Title: Re: ديك الِعدة !
Author: ممدوح أبارو
Date: 11-09-2009, 08:50 AM
Parent: #7
داليا سلامات
إمكن تلقي إجابة هنا
ديك العدة والشقليب
|
Post: #11
Title: Re: ديك الِعدة !
Author: tmbis
Date: 11-09-2009, 09:19 AM
Parent: #9
ديك العدة يا داليـا مصطلح اطلق في فترة ما قبل النكسة .. كان وقتها الديوك تعد بعدد الأصابع ومع الديك بيدوك تلاتة (سواسيو) عمر يوم واحد غير مفروزات من فصيلة (البوفان) .. ممكن يحددو مصيرم براهم في المستقبل أن يطلعوا ديوكاً .. أو غير ديوك.
بعد فترة الإنفتاح والهجرات المنظمة للطيور الموسمية في مواسم التزاوج والتفريخ .. تم تهجين كمية من الديوك نتجت عنها فصايل نادرة تختلف وظائفها عن تلك التي تم الإشارة إليها أعلاه في مداخلة الخبير حيدر الزين فيما يتعلق بي ديك حبوبتو .. حيث أنها سريعة الحركة عالية الحساسية تجاه ما يتعلق بي عدة المطبخ ولها إمكانية الدوران بحرية داخل المغاسل والنشافات الحديثة وبها (رواشـة) .. يعني النوعية دي تم تعديله وراثياً لتتماشى مع التقنية الجينية الحديثة للغسالات بي صورة أوضح :
(الديك) فيها بخش جوه الموتور بتاع الغسالة يوقفو ثم يكسر عدتو ويجي طالع زي الشعرة من العجين ..
ما لم يتم الإشارة إليه أن نفس هذا الجيل نتج عنه جيل آخر (أروش) من الجيل الأول يطلق عليه علمياً .. (ديكات العدة) .. يعني بي صراحة كدا لو (ديك عدة) اتلاقـا مع (ديكة عدة) في (حافلة عدة) مشكلة كبيرة خلاص .. 
ـــــــــــــــــــــــــــــــــ
تمبس .. خبي تربية اسماك وطيور زينة
|
Post: #12
Title: Re: ديك الِعدة !
Author: Faisal Elrasheed
Date: 11-09-2009, 09:28 AM
Parent: #11
تمبس
يا ريت لو ركزته لينا في الحته دي ودعمتها بالامثلة النوعية الموجوده حاليا عشان تعم الفائدة للجميع وتلقاها في ميزان حسناتك 
|
Post: #13
Title: Re: ديك الِعدة !
Author: tmbis
Date: 11-09-2009, 09:35 AM
Parent: #12
Quote: تمبس
يا ريت لو ركزته لينا في الحته دي ودعمتها بالامثلة النوعية الموجوده حاليا |
..  يا فيصل قاليك أنا خبير تربية اسماك والله حسع لو ما ديك داليـا دا استفزاني زاتو ما كان اسهبت في الموضوع دا .. لكن بعدما داليـا تخلص من موضوع الديك دا والمسالة تقع ليها .. ممكن نفرد مساحة واسعـة للطيور بانواعه وفصائله المختلفة..
بلاي يا داليا بعدما مسالة الديك دي تقع ليك .. بكل النماذج أدينا إشارة
|
Post: #15
Title: Re: ديك الِعدة !
Author: HAIDER ALZAIN
Date: 11-09-2009, 09:41 AM
Parent: #13
ديك عدة نموذجي بينظر في شئ ما بيفهمها .. لكن ميزتو الحلوة انه وقت يهشوهو بتهشّ
Quote: بالله البوست فاتحو واحد ضابط شرطة بالمعاش و كاتب الرسالة ضابط شرطة بالمعاش و ما عارفين الفرق شنو بين ضباط الصف و صف الضباط؟؟
في القوات النظامية مافي حاجة إسمها صف الضباط !!! ...
لا غرو أن تفرغت قوات الشرطة في البلاد الي مطاردة البناطلين بدلا من حماية أمن العباد.
و كمان جايبين الخبير تمبس يلغلغ بالما عارفو علي الفاضي !! |
Re: كيف خرجت لبني من السودان ؟!
ــــ
طبعاً الاقتباس دا غير إنه مثال حي بيحمل في جواهو وش فتنة كدة ..
|
Post: #22
Title: Re: ديك الِعدة !
Author: tmbis
Date: 11-10-2009, 08:32 AM
Parent: #15
| Quote: و كمان جايبين الخبير تمبس يلغلغ بالما عارفو علي الفاضي !! |
.. | Quote: طبعاً الاقتباس دا غير إنه مثال حي بيحمل في جواهو وش فتنة كدة .. |
لكن يا حيدر ضربة معلم .. الغريبة أخت حبيبتي قالت في محلل في سودانيزاونلاين طلعك خبير لغلاغ .. أشكرك على الوصلة الديكية دي .. خلينا نشوف استيف دا كسر شنو الليلة كمان ..
|
Post: #14
Title: Re: ديك الِعدة !
Author: فايزودالقاضي
Date: 11-09-2009, 09:36 AM
Parent: #12
| Quote: رايك شنو يا داليا نجيب امثلة |
Quote: تمبس
يا ريت لو ركزته لينا في الحته دي ودعمتها بالامثلة النوعية الموجوده حاليا عشان تعم الفائدة للجميع وتلقاها في ميزان حسناتك |
الظاهر في بالك ديك عدة وداير مدخل يافيصل هههههههه
|
Post: #21
Title: Re: ديك الِعدة !
Author: داليا حافظ
Date: 11-10-2009, 07:51 AM
Parent: #11
تمبس والله زمان ..
Quote: يعني النوعية دي تم تعديله وراثياً لتتماشى مع التقنية الجينية الحديثة للغسالات بي صورة أوضح :
(الديك) فيها بخش جوه الموتور بتاع الغسالة يوقفو ثم يكسر عدتو ويجي طالع زي الشعرة من العجين .. |
يا الله عليك يا مواكب ..مش زي حيدر الطلع من زمن العدة البشروها في العنقريب ..قال ديك عمتي قال ..
خلاص جندرت الموضوع .. يعني دجاجات العدة الحمراء ما بتنفع ؟
|
Post: #23
Title: Re: ديك الِعدة !
Author: tmbis
Date: 11-10-2009, 08:45 AM
Parent: #21
| Quote: تمبس والله زمان .. |
.. ااي والله يا داليـا فترة طويلة ، نسبة لي إني غيرت التخصص حقي .. بقيت اموت موت في الشان الديوكي .. لو كان زودتينا بي اي حاجة حيوية ليها علاقة بالطير ديل وعلم دراستها في مناطقها الطبيعية .. كان الواحد اتفاعل ليك جنس تفاعل ..
لكن اشكرك على هذا البوست وهو بوست مواكب برضو (وبيطير) مع حركة طيران الديوك بتاعين اليومين دي .. | Quote: خلاص جندرت الموضوع .. يعني دجاجات العدة الحمراء ما بتنفع ؟ |
ما جندرتها لكن احتفظت ليك بالمعنى العلمي حقها .. ديكـة العدة .. الجدادة الحمراء دي بتعني إنك ما مواكبة يا داليـا ..
اهـا وصلتي وين شان نشوف النماذج حقتك .. جيبي نموذج ديك .. نديك مية نموذج ديكـــة ..
|
Post: #20
Title: Re: ديك الِعدة !
Author: داليا حافظ
Date: 11-10-2009, 07:42 AM
Parent: #9
أهلين ممدوح
شكرا على الرابط وفعلا مفيد
|
Post: #17
Title: Re: ديك الِعدة !
Author: داليا حافظ
Date: 11-10-2009, 07:29 AM
Parent: #7
| Quote: كالثور في مستودع الخزف |
يا باشمهندس ..يعني زول هياج وجواط ؟
يعني أنا فهمت ديك العدة لمن تجيب لي ثور الخزف ..
|
Post: #24
Title: Re: ديك الِعدة !
Author: Faisal Elrasheed
Date: 11-10-2009, 11:09 AM
Parent: #17
| Quote: جيبي نموذج ديك .. نديك مية نموذج ديكـــة .. |
ده الكلام النجيض يا تمبس ..
حقو الناس يكونوا عمليين ويجيبو النمازج المتوفرة عشان البوست ياخد وضعه وما يبقي شحتفه ساكت
تمبس نظام الرجال قوامون علي النساء اتوكل علي بركة الله وادينا مثال لعدد واحد ديكة عشان داليا كمان تدينا من عندها واهو زي مابقولو المصريين الرزق يحب الخفية وبارك الله في من نفع واستنفع 
|
Post: #25
Title: Re: ديك الِعدة !
Author: HAIDER ALZAIN
Date: 11-10-2009, 11:25 AM
Parent: #24
هاااك نموذج لديك عدة بعد معركة مع كم كباية كدة ..
|
Post: #26
Title: Re: ديك الِعدة !
Author: Faisal Elrasheed
Date: 11-10-2009, 11:28 AM
Parent: #25
حيدر ديكك ده والله بكون قابل (طراجي) وهو جايي يتصور
|
Post: #27
Title: Re: ديك الِعدة !
Author: HAIDER ALZAIN
Date: 11-10-2009, 11:31 AM
Parent: #26
يا زول تراجي الله يمرقها الليلة شايف صاحبي خاتيها في ميزان
غايتو منتظرين نشوفها تطلع كم كيلو
|
Post: #28
Title: Re: ديك الِعدة !
Author: نصر الدين عثمان
Date: 11-10-2009, 11:52 AM
Parent: #27
داليا ... سلام،
حكمة اليوم:
بما أنني استطعت المرور على هذا البوست .. إذن أنا ليس ديك عدة!!؟
|
Post: #29
Title: Re: ديك الِعدة !
Author: عمر الفاروق
Date: 11-10-2009, 12:00 PM
Parent: #28
داليا :
صباح الخيـــــــر .. (مع إنو الدنيا نهار) ..
غايتو المنبر بقا زي جنينة الحيوانات شي ديوك وشي أبقار وكمان جابت ليها مهرات جوامح غايتو ما فضل ليكم بعد ده الا تجيبو لينا سحلية عزبا :)
بعيدا عن ديك العدة فكل البعرفو إنو الديك أغبى (زول) في العاااااااالم ..
الناس رامنها سااااااااي في الحمار لكن كدي جربي افتحي الباب و طلعي الديك برة الشارع شوفيهو كان تاني عرف يرجع ..
ويا جدااادتي كاااك كاااااااك كاااااااااااك ..الأكلك يموووووووووت ..كااااااااك كاااااااك ..
الأكل السدر كاك كاك.. يموت بي العصر.. كاك كاك
الأكل الجناح كاك كاك ..يموت بي الصباح كاك كاك ..
الأكل الورك كاك كاك ..يموت بي الحرق كاك كاك ..
ويا جدااادتي كاااك كاااااااك كاااااااااااك ..الأكلك يموووووووووت ..كااااااااك كاااااااك ..
|
Post: #33
Title: Re: ديك الِعدة !
Author: داليا حافظ
Date: 11-10-2009, 12:22 PM
Parent: #29
عمر :
مساء النور ( مع إنو قلبك وايد وايد بلاك ) ..
| Quote: وكمان جابت ليها مهرات جوامح غايتو ما فضل ليكم بعد ده الا تجيبو لينا سحلية عزبا :) |
بس بقت عليك الفلبا راجلا أدبت حماها ..عينك في الإستطبل مالك ومال قفص الجكن ؟
|
Post: #32
Title: Re: ديك الِعدة !
Author: داليا حافظ
Date: 11-10-2009, 12:15 PM
Parent: #28
| Quote: بما أنني استطعت المرور على هذا البوست .. إذن أنا ليس ديك عدة!!؟ |
100% يانصر
|
Post: #31
Title: Re: ديك الِعدة !
Author: داليا حافظ
Date: 11-10-2009, 12:12 PM
Parent: #25
| Quote: هاااك نموذج لديك عدة بعد معركة مع كم كباية كدة .. |
المعركة كانت مع كبايات ولا كبكابات..
|
Post: #30
Title: Re: ديك الِعدة !
Author: داليا حافظ
Date: 11-10-2009, 12:09 PM
Parent: #24
| Quote: وادينا مثال لعدد واحد ديكة عشان داليا كمان تدينا من عندها |
فيصل
أنتو مصرين تعملوا من الفسيخ مرقة ماجي ..ماااااكو أمثلة ..
العايز يمثل بخلق الله هو حر أنا قصدي شريف ..
|
Post: #34
Title: Re: ديك الِعدة !
Author: نصر الدين عثمان
Date: 11-10-2009, 12:34 PM
Parent: #30
غير أن لـ (ديك العدة) في الجانب الآخر (منفعة) لا تضاهى
خصوصاً إذا أفلحت في سحبه مجندلاً إلى (مائدتك) ..
حكمة الغد:
كل الصيد في جوف ريش (ديك العدة)
|
Post: #36
Title: Re: ديك الِعدة !
Author: Faisal Elrasheed
Date: 11-10-2009, 12:40 PM
Parent: #34
وفي زول قال غير كده
|
Post: #37
Title: Re: ديك الِعدة !
Author: نصر الدين عثمان
Date: 11-11-2009, 09:01 AM
Parent: #34
| Quote: خصوصاً إذا أفلحت في سحبه مجندلاً إلى (مائدتك) .. |
أو بالأحرى محمولاً على أسنة (الشوايات) ..
هكذا
ولكن ما جدوى ذلك.. فقد قضي الأمر؟ ربما للذكرى!!
|
Post: #35
Title: Re: ديك الِعدة !
Author: omer osman
Date: 11-10-2009, 12:37 PM
Parent: #30
شريف شرحبيل ..........
|
Post: #38
Title: Re: ديك الِعدة !
Author: Faisal Elrasheed
Date: 11-11-2009, 09:08 AM
Parent: #35
| Quote: ..ماااااكو أمثلة .. |
الامثلة راقدة يا بتي
قولي مااااكو شجاعة 
|
Post: #39
Title: Re: ديك الِعدة !
Author: عبدالحافظ عثمان
Date: 11-12-2009, 11:34 PM
Parent: #1
تحيه عطره
اظن ان احسن انسان وصف ديك العده هو الشاعر نزار قيانى..
1 في حارتنا ديك سادي سفاح . ينتف ريش دجاج الحارة ، كل صباح . ينقرهن . يطاردهن . يضاجعهن . ويهجرهن . ولا يتذكر أسماء الصيصان!!
2 في حارتنا .. ديك يصرخ عند الفجر كشمشون الجبار . يطلق لحيته الحمراء ...
http://www.youtube.com/watch?v=bOE8Pnh8qIA
هذا هو حال الديكه التى تحكم السودان..
لك الود..
|
Post: #40
Title: Re: ديك الِعدة !
Author: عبدالله ود البوش
Date: 11-24-2009, 08:18 PM
Parent: #39
سلامات داليا
بالاضافة لديك العدة كمان دايرن نعرف
ديك البطانة
وديك الرحيل
وفي السياق ذاته في مقولة بتقول تعبان تعب السوسيو
وفي نفس الاتجاه الجدادة لمن انهروها من مكان بيضها تكورك وتقول
الجداد شقاتو شقاوة
الجنا كان بكا اسكتو بجنا الجداد الجداد شقاوتو شقاوة
الضيف ان جا اضبحولو الجداد الجداد شقاتو شقاوة
كااااااااااااااااااك كاااااااااااااااااااك
|
|