Post: #1
Title: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخابي...
Author: يوسف الخضر
Date: 11-07-2009, 06:39 PM
ألغاء الضرائب نهائيا وبأثر رجعي..
السماح لكل مغترب بحق ادخال سيارة بدون جمارك(يعني اي واحد كمل خمسة سنة)..
ألغاء كل الرسوم والجبايات بمختلف أسمائها..
ألغاء تأشيرة الخروج..
الغاء التمييز في التعليم لأبناء المغتربين ومساواة شهاداتهم مع رصفائهم بالداخل(بلا نقص درجات ولا معادلة)..
وبالتالي..
حل جهاز المغتربين..
وتوزيع (الموظفين) الموجودين بالجهاز علي الدوائر الحكومية (كل حسب تخصصه)..
|
Post: #2
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 06:42 PM
Parent: #1
أها ما برنامج كارب؟؟؟
|
Post: #3
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 07:04 PM
Parent: #2
أها....
|
Post: #4
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 07:04 PM
Parent: #2
أها....
|
Post: #5
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 07:05 PM
Parent: #2
وصوتك..
أمانة..
في ذمتك..
|
Post: #6
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: الشفيع وراق عبد الرحمن
Date: 11-07-2009, 07:56 PM
Parent: #5
أها أنا معاك
قووووول واحد
بس بعدين ما تزوغ
انا عملت snapshot للبوست ده وخزنته
بالله أضيف الخطة الاسكانية والأراضي
دي مهمة بتجيب ليك ناس كتار
|
Post: #7
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: عبداللطيف خليل محمد على
Date: 11-07-2009, 08:18 PM
Parent: #6
| Quote: أها ما برنامج كارب؟؟؟ |
يمينا بالله كارب كربة جد ..
كدي برنامجك دا زيدو شوية و حاول ( الرئاسة ) ..
أصلو الحكاية عايرة ...
|
Post: #8
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 09:25 PM
Parent: #6
Quote: أها أنا معاك
قووووول واحد
بس بعدين ما تزوغ
انا عملت snapshot للبوست ده وخزنته
بالله أضيف الخطة الاسكانية والأراضي
دي مهمة بتجيب ليك ناس كتار |
الشفيع اخوي...
نعتبر ده المؤتمر التاسيسي..
*منح المغتربين أراضي استثمارية في مواقع ( استراتيجية)..
وبأسعار مخفضة وبالتقسيط المريح..
وليس علي أطراف الاحلام البعيدة..
|
Post: #9
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: فتحي الصديق
Date: 11-07-2009, 09:45 PM
Parent: #8
Quote: وصوتك..
أمانة..
في زمتك.. |
مع التحايا للزميل يوسف السماني .
نرجو نقل احتجاجنا الى المفوضية القومية للانتخابات للتمييز البين بين حق المغترب وحق المقيم داخل السودان في التصويت لانتخابات الولاة وأعضاء البرلمانات الولائية والقومية..
وبعد داك نشوف مرشحنا لتمثيلنا.
|
Post: #11
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 09:51 PM
Parent: #9
Quote: مع التحايا للزميل يوسف السماني .
|
فتحي الصديق اخوي،،،
أنا يوسف الخضر..
الرمز.. خريطة السودان من حلفا لي نمولي..
مالك من هسة عايز تجهجه الناخبين..
|
Post: #10
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 09:46 PM
Parent: #8
Quote: كدي برنامجك دا زيدو شوية و حاول ( الرئاسة ) ..
أصلو الحكاية عايرة ... |
عبداللطيف اخوي..
ماتبالغ..!!
الرئاسة ده محسومة..
ستين حزب مسجل لغاية الليلة ماقدرو يجيبوا مرشح..
يقدر ينافس البشير..
كدي خلينا في الجغرافية احسن.
|
Post: #12
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-07-2009, 09:55 PM
Parent: #10
| Quote: وبعد داك نشوف مرشحنا لتمثيلنا. |
فتحي الصدبق
معقولة بس!!!!!!!!!!!!
جوة الخيمة الانتخابية بتاعتي..
وتقول لي نشوف البمثلنا؟؟؟؟؟
بالغت عدييييييل..!!
|
Post: #13
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: الشفيع وراق عبد الرحمن
Date: 11-07-2009, 10:28 PM
Parent: #12
Quote: فتحي الصدبق
معقولة بس!!!!!!!!!!!!
جوة الخيمة الانتخابية بتاعتي..
وتقول لي نشوف البمثلنا؟؟؟؟؟
بالغت عدييييييل..!!
|
يوسف
فتحي ده شكلو (والله أعلم) غواصة، زرعته الحكومة بعد ما شافو البرنامج الكارب ده وجاي يجوط ليك البوست ، أعمل ليهو block وواصل تقديم برنامجك
|
Post: #14
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-08-2009, 06:50 AM
Parent: #13
والله انا خايف انت التجوطني انا يا شفيع!!
|
Post: #15
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-08-2009, 08:21 AM
Parent: #14
أها بالبورداب..
انصر زميلك ..
ناخبا او منتخبا..
|
Post: #16
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-08-2009, 08:36 AM
Parent: #15
ألغاء الضرائب نهائيا وبأثر رجعي..
السماح لكل مغترب بحق ادخال سيارة بدون جمارك(يعني اي واحد كمل خمسة سنة)..
ألغاء كل الرسوم والجبايات بمختلف أسمائها..
ألغاء تأشيرة الخروج..
الغاء التمييز في التعليم لأبناء المغتربين ومساواة شهاداتهم مع رصفائهم بالداخل(بلا نقص درجات ولا معادلة)..
وبالتالي..
حل جهاز المغتربين..
وتوزيع (الموظفين) الموجودين بالجهاز علي الدوائر الحكومية (كل حسب تخصصه)..
|
Post: #17
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: الرفاعي عبدالعاطي حجر
Date: 11-08-2009, 09:27 AM
Parent: #16
| Quote: حل جهاز المغتربين.. |
برنامجكـ حالم ...
الجيش الجرار بتاع كرار دا يأكلوا من وين ؟؟؟
.........................................حجر.
|
Post: #18
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-08-2009, 09:42 AM
Parent: #17
ما أجمل الأحلام يارفاعي..
انتو بس أدوني اصواتكم وما عليكم..
|
Post: #19
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: فايزودالقاضي
Date: 11-08-2009, 09:52 AM
Parent: #18
مادام قلت الاعفاء بأثر رجعي يايوسف انا داير نص قروشي الكنت بدفعها كضريبة ومساهمات مادام الوطن حاينقسم لاتنين ... بعداك بديك صوتي والحنجرة الملتهبة ذاتها ..مع الوعد كل ما ينقسم ترجعوا لي حق القسمة ...
|
Post: #21
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-08-2009, 10:01 AM
Parent: #19
| Quote: مادام الوطن حاينقسم لاتنين |
فايز ياخي نحن قلنا..
الشعار خريطة السودان من حلفا لي نمولي..
ابوالقاسم ده أصلو ما معانا..
|
Post: #20
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: حمزاوي
Date: 11-08-2009, 09:53 AM
Parent: #18
اخوي يوسف
مسكاقمي
إذا دا برنامجك
فأبشر بطول سقوط يا مربعا
صدقني ما تلقى ولا صوت ( يعني صفر )
انت حتصوت لي نفسك ولكن برضوا النتيجة عدد الاصوات صفر
وانت كلك مفهومية
والله مش تصوت لي نفسك ان تتكرفس وتخش جوا الصندوق ظاااطو
برضوا صفر
|
Post: #22
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-08-2009, 07:49 PM
Parent: #20
العزيز حمزاوي..
ياخي بدل ماتشجعني وتطمني..
تحبطني الأحباط ده كلو!!!!
معقولة بس؟
|
Post: #23
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: خالد احمد محمد
Date: 11-08-2009, 08:11 PM
Parent: #22
Quote: ألغاء الضرائب نهائيا وبأثر رجعي..
السماح لكل مغترب بحق ادخال سيارة بدون جمارك(يعني اي واحد كمل خمسة سنة)..
ألغاء كل الرسوم والجبايات بمختلف أسمائها..
ألغاء تأشيرة الخروج..
الغاء التمييز في التعليم لأبناء المغتربين ومساواة شهاداتهم مع رصفائهم بالداخل(بلا نقص درجات ولا معادلة)..
وبالتالي..
حل جهاز المغتربين..
وتوزيع (الموظفين) الموجودين بالجهاز علي الدوائر الحكومية (كل حسب تخصصه).. |
سير سير .... نحو التعمير
بالجد دى كلها مطالب عادلة والناس صوتها راح وهى بتطالب بيها على الرغم من نو عدالتها واضحة وضوح الشمس ماعدا لجهاز شئون المغتربين وادارته الموقرين ... برنامجك سمح ولو اضفت ليهو كم بند للشان الداخلى ياك مرشحنا لرئاسة الجمهورية على الاقل تنافس عمر البشير المرشح الشكلو ماشى يفوز بالتزكية ده 
|
Post: #24
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-08-2009, 08:26 PM
Parent: #23
| Quote: على الاقل تنافس عمر البشير المرشح الشكلو ماشى يفوز بالتزكية ده |
يازول انت ماك نصيح؟؟؟( مع الاعتذار)..
البشير خايفين منو ستين حزب بالحركة الشعبية والوراهم!!!!
دايرني أنافسو أنا؟؟
والله لو بس عشان رجالتو وضكارتو ده بس مابنافسو..
خلي الملايين المعاهو..
عايز تدقسني موش!!؟؟
|
Post: #25
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-11-2009, 11:35 PM
Parent: #24
.
|
Post: #26
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: محمد نجيب عبدا لرحيم
Date: 11-12-2009, 01:02 AM
Parent: #25
يا حبيب بتحلف القسم
|
Post: #27
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-12-2009, 07:48 AM
Parent: #26
أبوأحمد،،،
حديثنا قسم..
وقسماتنا لا تحمل خلفها قسمات..
فلا تروج للشامتين..
ودعهم في أوهامهم يسبحون..
( حتي لا تضيع قبم الصداقة بين الرجال).
|
Post: #28
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-12-2009, 07:05 PM
Parent: #27
.
|
Post: #29
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: زهير عثمان حمد
Date: 11-12-2009, 07:57 PM
Parent: #28
أخي يوسف
وضيوفه الكرام
تحياتي
معاك حتي النصر لكين ما أظن
|
Post: #30
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-13-2009, 12:00 PM
Parent: #29
Quote: أخي يوسف
وضيوفه الكرام
تحياتي
معاك حتي النصر لكين ما أظن |
العزيز زهير..
خلينا علي النص الاول من النص...
تحياتي واشواقي.
|
Post: #31
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: سيف النصر محي الدين محمد أحمد
Date: 11-13-2009, 01:36 PM
Parent: #30
Quote: البشير خايفين منو ستين حزب بالحركة الشعبية والوراهم!!!!
دايرني أنافسو أنا؟؟
والله لو بس عشان رجالتو وضكارتو ده بس مابنافسو..
خلي الملايين المعاهو..
عايز تدقسني موش!!؟؟ |
غايتو انا صوتي لو بقا ليك دوا ما اديك ليهو بعد كلامك ده .
|
Post: #32
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-13-2009, 03:17 PM
Parent: #31
Quote: Quote: البشير خايفين منو ستين حزب بالحركة الشعبية والوراهم!!!!
دايرني أنافسو أنا؟؟
والله لو بس عشان رجالتو وضكارتو ده بس مابنافسو..
خلي الملايين المعاهو..
عايز تدقسني موش!!؟؟
غايتو انا صوتي لو بقا ليك دوا ما اديك ليهو بعد كلامك ده .
سيف النصر محي الدين محمد أحمد [/QUOTE
هههههه....
غايتو حليل قسم أبوقراط..
الا قاتل الله السياسة ياسيف.
|
Post: #33
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: Sidgi mattar
Date: 11-13-2009, 03:56 PM
Parent: #32
الاخ يوسف
تحياتى
ما حددت لينا ياتو انتخابات يعنى رئاسيه ولا تشريعيه ولا ولائيه ولا اسفيريه
كدى حدد وبعدين نشوف انت شايت وين واهم شى منو مسئول حملتك الانتخابيه
لك مودتى
|
Post: #34
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: الشفيع وراق عبد الرحمن
Date: 11-13-2009, 04:11 PM
Parent: #33
يُوسُفُ أيُّها الصِدِِّيقُ
انا كنت أول من صوّت ليك وكرشتني وزعلت
غايتو لو ما كلامك ده ما كنت برجع
Quote: والله لو بس عشان رجالتو وضكارتو ده بس مابنافسو..
|
تحياتي
|
Post: #35
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-13-2009, 05:54 PM
Parent: #33
صديق مطر كيفنك.. وعساك بخير..
الرئاسية دي ما قلنا بنكون دقسنا يامطر..
خلينا في الاسفيرية..
بعدين الحملة الانتخابية دي عايزة ليها زي ما ورد ببوست السمحين بالمنبر
زول يشع من الداخل..(زول ماغنيزيوم)..
يعني مبدئيا نقول ..(مؤتمر وطني أصيل).. وليس( دخيل)..
يعني من اخوانا القدام النضاف.. ماناس (اللصيق)..و(الانتهازيين)..
نوع الجابوه (نفعة) بقي (وجعة) وعبئ تحمل وزره..
منفتحون لأي ترشيحات.
تحياتي.
|
Post: #36
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: سيف النصر محي الدين محمد أحمد
Date: 11-13-2009, 08:38 PM
Parent: #35
Quote: هههههه....
غايتو حليل قسم أبوقراط..
الا قاتل الله السياسة ياسيف. |
يا يوسف مع السياسة السودانية كل شي راح في حق الله ..ما قسم ابقراط براهو .
|
Post: #37
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: يوسف الخضر
Date: 11-13-2009, 09:16 PM
Parent: #36
Quote: يا يوسف مع السياسة السودانية كل شي راح في حق الله ..ما قسم ابقراط براهو .
|
سيف يااخوي...
ولا تذر وازرة وزر أخري...
والعهد كان عنه مسئولا..
السياسة يجب أن تكون وسيلة لنؤدي بها حق الله..
لا لنستبيح بها عباد الله ونتهرب من استحقاقات الله..
السياسة كسائر شئون الحياة..
عبادة لله..
فصلاتنا ونسكنا وحياتنا ومماتنا لله رب العالمين..
وفي النهاية (اللي ىخرتها كوم تراب)..
نحن مسئولون عن خياراتنا وأعمالنا..
فنحيي الضمير ونعلم يقينا..
أن حب الأوطان من الأيمان..
لأنه وفاء..
وأداء لدين ورد لاحسان وأحياء لأمة..
معا نحن وطن يتسع للجميع..
ولنكن مع المخلص من أي ديانة،،
تحياتي.
|
Post: #38
Title: Re: هاااااااااااام جدااااااااا...أعلن نزولي للأنتخابات عن المغتربين... وهذا هو برنامجي الأنتخاب
Author: HAIDER ALZAIN
Date: 12-28-2009, 07:06 AM
Parent: #37
أهااا ....
قلت لي اتاريـــك رامي قدام وعاوز تتزمزغ على اصحابك القدامى ..
لكن لقيتك خطري ..
- أسمع بالله بعديــن لو اترشحت وفزت بطل زمزغة واخوك ما تشيل عليـــهو شوف لينا معاك فرقة ..
أو على الاقل ادينا عضم عضمين ممسحات حتة لحمة معاك
|
|
|