Post: #1 Title: الجاب لي أخبارو ... أفضل أغاني الجيل الحالي Author: خالد عبد الله محمود Date: 11-07-2009, 09:48 AM Parent: #0
ما شاف حاجة لسه .. دي المراحل الأولي ولسه ما مسخت لي .... الدنيا بي طولها
عذاب عديل كده ؟؟؟
Post: #2 Title: Re: الجاب لي أخبارو ... أفضل أغاني الجيل الحالي Author: نادية عثمان Date: 11-07-2009, 02:00 PM
البكاء ماكفاية .. أنا طول عمري ببكي
لا قادر أتصبّر .. أنا لا قادر أشكي !!
حالة صعبة ياخ !!
عارف مؤلف الأغنية وملحنها منو ؟!!
Post: #3 Title: Re: الجاب لي أخبارو ... أفضل أغاني الجيل الحالي Author: خالد عبد الله محمود Date: 11-07-2009, 02:29 PM Parent: #2
نادية أوثمان برو سلامات الأغنية كلمات و ألحان شاعر إسمو أمجد حمزة
كلمات بسيطة و أنيقة و غاية في الحرقة مش كده ؟؟ تصدقي أنا لا أسمع لمعظم الفنانين الظهرو مؤخراً ديل لكن هذه الأغنية لها وقع خاص في نفسي
Post: #4 Title: Re: الجاب لي أخبارو ... أفضل أغاني الجيل الحالي Author: Awadallah Bashir Date: 11-07-2009, 03:21 PM Parent: #3
خال سلام واحترام..
اللحن وأداء المغني بصوت اقرب الي المناحة فعلاً يخاطب اوتار الطرب..بالاضافة لتشكيلة الايقاع الثلاتية (تم تم) تعتبر اثيرة عند المستمع السوداني...
بس يا خالد ما ملاحظ اغلب مضامين غناء الجيل الحالي تعبر عن نظريات الخيانة و عدم الالتزام والترصد بمعاقبة الشريك..
فال مغني آخر (كان ما بكيتك انا وخليتك باقي العمر تتشهى فوق الهنا انا ما بكون انا) وقال نفس المغني في عمل أخر(ادمنت ريدك عشقت ريد غيري انشا الله ما تتهنى دعوة خالصة في ضميري.)
غناء بعيد عن ابداعات الخيال وشحذ الافق واستدعاء معاني الذوق والادب واحترام الشريك..
معليش يا خالد الموضوع ده حارقني شديييد...
الله يعين الجميع ... لك ودي
Post: #5 Title: Re: الجاب لي أخبارو ... أفضل أغاني الجيل الحالي Author: خالد عبد الله محمود Date: 11-07-2009, 04:02 PM Parent: #4
Quote: فال مغني آخر (كان ما بكيتك انا وخليتك باقي العمر تتشهى فوق الهنا انا ما بكون انا) وقال نفس المغني في عمل أخر(ادمنت ريدك عشقت ريد غيري انشا الله ما تتهنى دعوة خالصة في ضميري.)
هلا عوض الله و سلامات تصدق أنو القال الكلام الفوق ده نفسو أحمد الصادق زاتو ؟؟
Quote: بس يا خالد ما ملاحظ اغلب مضامين غناء الجيل الحالي تعبر عن نظريات الخيانة و عدم الالتزام والترصد بمعاقبة الشريك
شكلها دي الحالة العامة يا عوض الله حالياً .. زمن الصفح و الغفران داكـ أنتهي
لكن هذه الأغنية بالتحديد أري أنها متوازنة لحد ما فالشاعر عبر عن أحساسو عندما نقل إليه أحوال الحبيب من بعدو و أنا شايف أنها كانت أحاسيس صادقة جداً