عطبرة الحديد والنار ... تزف الهلال بطلا للممتاز للموسم 2009

بكل الفرح رقصت عطبرة

وهي تزف الهلال سيد البلد

بطلا للممتاز

قبل نهايته بثلاث مراحل


عطبرة

كلها فرحة هذا العام

لأنها توجت البطل

وطردت الوصيف

الذي هرب منها في كاس السودان

شكرا جماهير عطبرة


هذه هي مدينتكم

تعرف قيمة البطل

تعرف قيمة سيد البلد

الف مبروك


يا هلال

الف مبروك لهلال الملايين
وسيد البلد




ياجمال رايك شنو في ضربة الجزاء
الجاب منها مهند القون التاني؟

مبروك وألف مبروك لكل الهلالاب والهلال يستعيد بطولته المحببة
ويفرض سيطرته بالكامل على كل فرق السودان بلا إستثناء,،

الهلال سيد البلد بلا منازع وهو الحاكم لجمهورية كرة القدم بإمتياز
ولي ثمة من منافس بحساب النتائج والنقاط،،

مبروك ياجمال وعقبال الخارجي،،

مبروووووووووووووووووووووووووك احسب قول واحد للتوالي بتاع الممتاز في الالفية الجديدة التاني

وهل تفرح عطبرة لهزيمة ممثلها في الممتاز
وفي أرضها لمجرد ان الخصم هلال الكاسات المحلية
وفي رواية أخرى الكاسات المحمولة برا .. اياها المحرية فيكم

مريخابي عطبراوي

Quote: مريخابي عطبراوي

يا منتصر يا اخوي

انت خاشي غلط

ده بيت العرس

بيت البكا بي غادي

في العرضة جنوب

امشي شيل الفاتحة هناك واخد الاجر

التهاني لأمة الهلال والعزاء للبقية ..

التهاني لأمة الهلال والعزاء للبقية ..

مبرووووووووووووووووووووك يا سنوسي
10 من 10 في المباريات الولائية

الف مبروك لسيد البلد
وحمدلله علي السلامة




ــ
والله ياالسنوسي أنا بتفأل دائماً بي بوستاتك ،
الله يديم الأفراح للأمة الهلالية.

جيمي

حلفتك بالله كان عندك علاقة مع ادارة الهلال كان ما خليتهم يؤجروا طيارة (ان شاء الله بدون طيار) تمشي عطبرة تجيب الكاس من هناك والجهاز الفني واللعيبة يبروها بالواطة بس المهم الكاس (مجوقل) .

لو في عطبرة اتحاد شداد ما انتبه ونقل الدرع لعطبرة حقوا تطالبوا ( في حالة عندكم كورة في الاقاليم) بنقل الدرع الى هناك وتنفذوا السيناريو الكتبته ليك دا.

ما عارف فوز الهلال دا وعدم تحقيقه لاي بطولة طوال 80 سنة ان شاء الله تنشيطية بذكرني طوالي بالمثل البيقول
(القلم ما بزيل بلم) (القلم = المحلية ، البلم = الصفر الدولي)

انا لو محلكم والله ما بفرح.

Quote: انا لو محلكم والله ما بفرح.

محمد عمر الفكي
وأنا لو محلك ما أزعل



تهييي هههااهههااتههييهههاههااييي

كمال
صدق وامن والله ما زعلان لسبب بسيط وهو اعتقادي ان المريخ لم يقدم هذا الموسم ما يشفع له بالفوز بالممتاز.

ما مشكلة لو ما فزنا السنة دي الجاية بنفوز ولو ما الجاية البعدها وهكذا بس المشكلة لا تزال عندكم
بلغة اهل السياسة الكورة في ملعبكم (الهزمكم فيه مازيمبي)
تعرف
انا ما خايف الا جمال دي يصحى ويجي يقول لي لو سمحت امسح كتابتك الحمراء دي

تعرف يا أبوحميد المسأله كلها مناكفه ساكت تملح الحياه لغالبيتنا الهم بره السودان
يعني الواحد فينا يومو كلو يرطن ساكت
وما بيصدق يجي يكب ليهو كم كلمة مناكفه كده بالعربي
بعدين الهلال والمريخ ديل هم وجهين لي العمله نفسها
يعني تأكد لو مافي هلال ما حايكون في طعم للمريخ
ولو مافي ماريخ برضو ما حايكون في طعم للهلال
وضعف أي منهما بالضرورة سيكون السبب في ضعف الآخر
وطبعا في النهايه دي ياها حالة الكوره يوم ليك ويوم عليك
يعني عادي السنه الجايه يمكن خشمنا يبقى ملح ملح وتشيلو الكاس إنتو
بس الشي النتمناهو الهلال السنه الجايه دي يشيل كأس أفريقيا
عشان ماتشبكونا كاسات محموله جوا وواك واك

Quote: بس الشي النتمناهو الهلال السنه الجايه دي يشيل كأس أفريقيا عشان ماتشبكونا كاسات محموله جوا وواك واك

ملحوظة في المثال التالي لا علاقة للمريخاب بابوجهل ولا للهلالاب ببني هاشم

واحد من المشركين سأل ابو جهل قال له هل محمد رسول من عند الله؟ قال له اي والله انه لرسول قال له لماذا لا تؤمن به وتعترف به علناً؟ قال ابو جهل
لقد كنا نحن وبني هاشم كفرسي رهان فان قالوا منا نبي فماذا نقول نحن؟

عليه نحن عندنا كاسات محمولة جواً اكان جبتوا واحد من برة والله دي تكون مشكلة جد بالنسبة لينا. (يا ريت لو عندي وشوش ضاحكة - قلت للهلالابي عمران حسن صالح رسلها لى ولسه ما رسلها بعد مرور ما يقارب 4 شهور)

تعرف يا بوحميد
يعني كل بطوله يلعب فيها الهلال تكونوا خاتين يدكم في قلبكم لغاية ما الهلال يطير
عشان ما يحرمكم من تميزكم ده
لكن أكيد بعدين بي تقولو كاساتنا تلاته لغاية ماتتمو التلاته

Quote: يا ريت لو عندي وشوش ضاحكة

تعرف الوشوش التحت لم تدور ترد
ممكن تضع الماوس علي الدايرو فيهم وتعمل عليهو رايت كليك وتختار (كوبي جرافيك ادريس)
وبعدين تختار من أعلى (مكان الرد) أضف صوره
حاتظهر ليك نافذه
تعمل فيها بيست للأدريس الأنت عملت ليهو كوبي
وتعمل أوكي
بعد داك ممكن تعمل للكود ده كلو هايلايت و cut ثم نضعو في المكان الدايرو

[B]"كوبي جرافيك ادريس" مالها باقية لي زي جراهام عبد القادر اصلها ما بتلفق. بعد تلتلة عرفت انهاcopy graphic Address .
صدق جربتها وما نفعت

Quote: يعني كل بطوله يلعب فيها الهلال تكونوا خاتين يدكم في قلبكم لغاية ما الهلال يطير عشان ما يحرمكم من تميزكم ده

يشهد الله التقول قاعد تشوف الفي قلوبنا، والله نحن بنتمنى من دور النفض داك تمرقوا عشان ما نقعد نعاين مدة طويلة
تصبح على خير

سلام ...جمال

خلينا نأجل مبروك لحدى نلاقى الجماعة

لتكون الفرحة كاملة الدسم.

صور افراح الهلالاب من قون

مبروك للهلال العظيم

السنوسي


سؤالين

الى متى يفرح الوصيفاب بالكاسات المحلية فقط؟؟؟


بعدين هل في تطور ولا برضو بتمثلوا السودان وبتجونا كالعادة مثل 80 سابقة بصفركم الدولي؟؟؟؟؟؟؟؟



فليكن شعاركم من اليوم لا للمحليـة نعم للدوليـــة



كااااااااااااااااااااااااااااك



ابومصطفى

مبروك ابو الهل
مبروك سيد البلد
ولاعزاء للاخوة الطيشاب

تظل عطبرة مدينة الذين وهبوا الدماء والارواح للوطن قبل غيرها من المدن وغلي راسهم شهداء النادي الاهلي سنة 46 قرشي الطيب وعبدالعزيز ادريس ورفاقهم .. وتظل الام التي ولدت الحركة العمالية السودانية وتخرج من مدرستها الرائدة سليمان موسي والطيب حسن وقاسم أمين والحاج عبدالرحمن والشفيع احمد الشيخ وغيرهم من مؤسسي الحركة النقابية .. وتظل كذلك مدينة البطولات والمواقف المؤثرة ضد الظلم والدكتاتوريات .. وتظل مدينه العطبراوي حادي النضال وقيثارة حب الوطن .. وتظل ام عدد ضخم من أفذاذ اللاعبين الذين أهدتهم للهلال دون غيره وظلت ترنو اليهم في رحابه فتحب الهلال فيهم وتعبر بهم عن حبها للهلال الذي يشبهها في عطائه للوطن .. لاتستغربوا أن اسماء كبيرة بالهلال من ابناء عطبرة مثل يوسف ود المفتش وأمين مرحوم واللبودي وزغبير وعبداللة موسي وشوقي عبد العزيز وعوض الحاج وعيرهم

فلا يستغرب ان يحصل الهلال منها علي أحدث شهاداته العلمية وأن تزفه الي مجد جديد بشرف المنافسة وهو ينازل أحد انديتها ويفوز عليه .. فعطبرة سودان قائم بذاته لأن الناظر الي تركيبتها السكانية يجدها تجمعا فريدا لابناء السودان الذين جمعتهم السكة الحديد من كل ارجاء السودان ..

أما السؤال عن مصدر الحجر الذي اصاب الخواجة كامبوس فانه لايحتاج الي إجابة

هنيئا للهلال باستعادة ابنه المختطف .. وهنيئا له بالتتويج في عطبرة مدينة الابطال والبطولات .. وذاك شرف تستحقه عطبره ويستحقه هلال الملايين

عمر علي حسن