ساهموا في اختيار اسم جديد للسودان الشمالي

أصلو الفراق واقع كان ترضى كان تزعل

اليوم

غداً

بعد غداً

وهكذا

المملكة العربية خالس

جمهورية أضان حمرا

اشرف سلام
خرطتك دى ابيى فى الشمال ولا فى الجنوب سؤال؟

Quote: أصلو الفراق واقع كان ترضى كان تزعل

أبوحليب صاحبي ..
ياخوي الجماعة اتقاسموا الكيكة والاسم وقع للجنوب واللا شنو؟؟
طيب ونحن حقنا وين؟
هسع أنا منتظر آخد حقي وأبني لي فيوا بيت جالوص أودتين وبرندة خلف خلاف ، ودكان..

أستاذنا أبو صلاح سلامات

Quote: ياخوي الجماعة اتقاسموا الكيكة والاسم وقع للجنوب واللا شنو؟؟

هو ناس الطيب مصطفى لو كان عاجبهم اسم الـسودان ما كان سعوا للانفصال
عشان كدا احتمال كبير يسموهو جمهورية البيضــان

بعدين حكاية اوضتين وبرندتين خلف خلاف دي ما تقامر بيها
أبني لي فوق
يعني أوضة وفوقها برندة
من فوق ليها أوضة
فوقها برندة
من فوق ليها حمام
من فوق ليهو بلكونة
وهكذا
لأنو البلد دي لي قدام ما مضمونة
ممكن تنوم في الأوضة البيجاي تصبح الصباح تلقى الأوضة البيغادي بقت في دولة تانية

الجمهورية العربية الأسلامية

وأي عضو في المؤتمر الوطني يجب أطلاق صاحب السمو العرقي قبل أسمه

وعمر البشير الملا عمر

اسم السودان اسم عزيز جدا على الجميع لا يمكن لاحد ان يتنازل عنه ولذلك تكون اسماء الدولتين

جمهورية شمال السودان
جمهورية جنوب السودان

وفى دول سبقتنا فى ذلك , كوريا الشمالية وكوريا الجنوبية
اليمن الشمالية واليمن الجنوبية
سابقا المانيا الشرقية والمانيا الغربية

Quote: جمهورية شمال السودان جمهورية جنوب السودان

Quote: شمالستان

يا شباب أبعدوا من اسماء الاتجاهات دي لأنه احتمال لي قدام عمرها يكون قصير
أقصد لو استمرت حكومة المركز في عكها دا حا تستمر دواعي الانفصال للباقي
يعني بعد كم سنة كدا ممكن نلقى الشمالية تطالب بالانفصال
نبقى في ورطة الاسم تاني
يعني انفصال شمال شمال السودان
وهكذا

يجب ان يستعيد السودان والسوداني اسمهما الاصيل الذي قام الترك المستعمرون بالغائه على حين غفلة من السودانين
سنار/ السلطنة الزرقاء / مملكة الفونج
والسوداني كان اسمه السناري
وفي ذلك يقول ود حاج الماحي : قالولنا حابا السنانير
وفي الازهر الشريف كان هنالك رواق عتيق اسمه رواق السنارية وهم نحن
وفي كثير من البلدان التي وفد اليها سودانيون في الماضي واستقروا وتزوجوا تجد اسم العائلي كما هو ثابت ( فلان بن فلان السناري )
فلماذا لا نتجاوز ما افترضه علينا الترك قسرا ونعود الى اصلنا الفونجاوي فنقول
دولة سنار ، او دلة الفونج ونسمي انفسنا باسمنا الحقيقي الذي سمى به اجدادنا انفسهم ( سناري سنارية سناريين سنانير ) بدلا من الاسم الذي فرضه علينا الآخر سودانيين
كل افريقيا سودانيين
فما الذي يميزنا نحن
اليست لنا خصوصية ككل الأمم ؟ أليس لنا اسم ( علم )
عودوا الى الاصل
العودة الى سنار
تجدون انه على ايام كان البلد اسمه دولة سنار لم يكن الجنوب جزءا من الدولة .
ودولة سنار لم تكن دولة تسلط عروبي
بالعكس كان القدح المعلى فيها للعرق الافريقي : الفونج
ولم يكن العرب الا وزراء او حكام اقاليم لها حكم ذاتي
هذا هو الحق اذا اردتم الحق
لكم احترامي
________________
رب اشرح لي صدري

شمالستان

شلعوها الخوالده

النيل

مملكة قبيلة الجعليين الكبرى.

سلامات يا اشرف
يا خي ان شا الله ربنا يكضب الشينة .
استاذ سبيل
لو بتفتش ع الاصل فالاصل هو كوش و سنار هذه مرحلة طارئة ليس الا .

اخي سيف النصر
اسمح لي

لا انا ولا انت لا ننتمي الى كوش بقدر انتمائنا الى سنار
لماذا
نحن خليط عربي افريقي
نتحدث بالسنة كلها كانت حاضرة في نموذج سنار
هويتنا الثقافية الجامعة هي هوية سنارية بامتياز في كافة تفاصيل حياتنا المجتمعية اليومية فما الذي يجمعنا على كوش
ماذا بقي من كوش فينا،؟
واما بقي في سنار هو كل شئ
اللغة الصوفية الدوبيت والملابس والعادات والتقاليد الاجتماعية
نموذج سنار يجمعنا ولكن كوش يلجأ اليها فقط المتهربون من استحقاقات نموذج سنار
ثم ان سنار اقرب زمانيا واوسط وبالتالي فهي اقرب للجميع
لك محبتي
_______________
اللهم ارحمنا برحمتك يا ارحم الراحمين

خليل عازه

Quote: خليل عازه

عازة وأدوها سوط

للتوضيح فقط فالايام القادمات حبلي والامر من قبل وبعد لله تعالي : كانت النوبة وسنار هي الممالك الكبيرة ومكوك وسلاطيين كثر صغار عندما اتي الترك وكل الارض كانت تسمي السودان وكانو كلهم في ضعف كما حالنا اليوم :

Quote: By 1820, the king of Sennar had become very weak, and Nubia was in an almost lawless state. Learning that the Nubians had very few guns, Egypt's new ruler, Muhammad Ali, invaded Sudan with an army that had cannons. With these, he easily conquered the country and joined it to Egypt. He founded the city of Khartoum, where the Blue and White Niles meet, and established a governor there to rule the Sudanese. Mohammed Ali's empire extended all the way to central Africa and included almost all the Nile Valley. It was the largest Nile empire ever created.

Quote: جمهورية أضان حمرا

اضان الطيب مصطفي طرشاء
اسم اكثر دهشة يا ابو الشوش
لذا
I like

جمهورية الكنداكه الديمقراطية أظن أسم كويس من التراث

Quote: شلعوها الخوالده

شلعوها الجعليين
او
جمهورية ارض الحيوان
او
جمهورية ارض الحمقان
او
جمهورية بيوضة والعتمور الصحراوية
على ان يستبدل شعار صقر الجديان بطائر البوم طائر الشؤم تمشيا مع الحاضر واستشرافا للمستقبل الواعد بمزيد من البؤس

وان يتحول علم الدولة الى

والسلام الجمهورى الى
كان غلبك سدها وسع قدها
اصلها عايرة ألحق اجلدها
على وعلى اعدائى يا رب
انا الغريق فما يهمنى بلل
وسر الليل الى
دار ابوك كان خربت شيل ليك منها شلية
جنى

غايتو بوست رغم الحزن الا انه يموت بالضحك

لانه بيثبت انه عمرنا ما حنتفق(هههههه)

جني الشايقي لصقها في الجعلين طوالي الشليعه!!(وجه غامز)

Quote: Quote: شلعوها الخوالده شلعوها الجعليين

يا جني قعدوا ناس عوض الجاز يمصوا في البترول
وصلاح قوش تم الناقصه وتقول لي شلعهوا الجعلين(وجه ضاحك)
شلعوها صعاليك المؤتمر الوطني من القبيلتين يعلم الله!!





محمد سبيل
سودانك العربي الاسلامي ده
ترى ماذا يعني لبقية زنوج السودان
الضابنهم معاكم في خريطتكم اياها؟؟!!!
من نوبا ودارفورين وانقسنا؟؟؟ّّّ




صاحب البوست اشرف سلامات
اها منو قال لك يا حبيب الخريطه دي حتكون كده؟؟؟
وحاتك دولة الطيب مصطفى ستكون اصغر من اريحا بتاعت الفلسطينين!!


زمان لي اصدقاء فلسطنين وكنا بنتناقش عن الشكله حول اريحا وغيرها
فقالوا لي انت فكره اريحا دي قدر شنو يا تراجي؟؟
قلت لهم قدر شنو؟؟قالوا لي دي قدر استاد الخرطوم!!على قولهم!!
وتشوفي قالوا لي شكلة ابو عمار
وعامل فيها هيلمانه و الفيلم كله قدر استاد الخرطوم!!



اها ورب الكعبه يا الطيب مصطفى
انت واهلك نحصركم في حته اقل من استاد الخرطوم
بس ابوقوا رجال وفرطوا في الجنوب ده بحركاتكم دي.


ولا عاملين ما قريتو مقال البجاوي البارحه
القال مصر لها في السودان لحد سواكن
وهم ماشين ينضموا لمصر؟؟!!
شوفتوا الخوازيق البنكشوها لينا ناس الطيب مصطفى؟؟!!

اعتقد تراجي اسم كويس مابطال (بس هي ترضي كيف ؟!!!)

Quote: اعتقد تراجي اسم كويس مابطا

جمهورية تراجي الكويسة الما بطالة الاشتراكية الشعبية العظمى

Quote: محمد سبيل سودانك العربي الاسلامي ده ترى ماذا يعني لبقية زنوج السودان الضابنهم معاكم في خريطتكم اياها؟؟!!! من نوبا ودارفورين وانقسنا؟؟؟ّّّ

الجسوره أم حازم

والجميع

تحياتي

كده شوفي الخريطه دي


كما تركه الأنجليز


وشوفي دي




تم التلاعب بحدود دارفور مع الولايه الشماليه وضم أجزاء كبيره من دارفور للولايه الشماليه علي مراحل .

وبما أنو موضوعكم حدود وتقسيم وشكلكم كده قنعتو من خيرا فيها , فبعد ذهاب ارفور والشرق سيخسر ما تبقى من السودان حدوده مع كل جيرانه التاريخيين التسعه بأشتثناء مصر .


يعنى أولاد بمبه خيلاني يلقوها مقشره .

جلابةاستان

Quote: جلابةاستان

او عراقي استان

فال الله ولا فالكم. .... وبس.

Quote: فال الله ولا فالكم. .... وبس

آمين يا حماد

سلام للجميع

بدل هذه البوستات المحبطه والغير متفائلة لماذا لاتعملون معنا نحن الذين لن نكل حتي اخر رمق من الامل فينا في وحدة السودان لاننا
نعلم ان الانفصال لو وقع وهذا متوقع ستكون بداية التمزق الحقيقي لجميع بقاع الوطن فهل تريدون مثل هذا يحدث لوطنكم السودان؟

اعلم انكم وطنيون ولكن الاحباط تملككم تملك السوار من اليد او المعصم ولكن عليكم بالجلد الكبير والقوة ضد مسالب الاحباط والوقوع في براثنه ومخالبه الشائكة الجارحة


علي اداب

Quote: سلام للجميع بدل هذه البوستات المحبطه والغير متفائلة لماذا لاتعملون معنا نحن الذين لن نكل حتي اخر رمق من الامل فينا في وحدة السودان لاننا نعلم ان الانفصال لو وقع وهذا متوقع ستكون بداية التمزق الحقيقي لجميع بقاع الوطن فهل تريدون مثل هذا يحدث لوطنكم السودان؟ اعلم انكم وطنيون ولكن الاحباط تملككم تملك السوار من اليد او المعصم ولكن عليكم بالجلد الكبير والقوة ضد مسالب الاحباط والوقوع في براثنه ومخالبه الشائكة الجارحة علي اداب

الأخ علي

تحياتي


والله كلامك سمح خلاص وأنا بتفق معاك كليا , بس كدى وريني رأيك في رأس الدوله البيهدد نائيه الأول وشريكه بأمكانيه أجتياحه للجنوب في أربعه وعشرين ساعه ده يتعاملوا معاهو كيف !!

الحاربوهو قال ما داير منهم أسير والهادنوهو شغال معاهم ضرب تحت الحزام , والوالوهو شغالين سرقه وهمبته على عينك يا تاجر


الأحباط ده لما يصل الناس الفي مقام سلفاكير بتقع وقائع شينه

مودتي

Quote: والله كلامك سمح خلاص وأنا بتفق معاك كليا , بس كدى وريني رأيك في رأس الدوله البيهدد نائيه الأول وشريكه بأمكانيه أجتياحه للجنوب في أربعه وعشرين ساعه ده يتعاملوا معاهو كيف !! الأحباط ده لما يصل الناس الفي مقام سلفاكير بتقع وقائع شينه

المسألة يا مجدي مخططة لتعزيز فرص الانفصال
أو -لو أحسنا الظن بصاحبها- فهو يفتقد حساسية من تصدوا للقيادة بل ويمتلك قدر كبير من الرعونة يستحيل معه أن يكون في موقع سلطة

Quote: بدل هذه البوستات المحبطه والغير متفائلة لماذا لاتعملون معنا نحن الذين لن نكل حتي اخر رمق من الامل فينا في وحدة السودان

بس ورينا ممكن نعمل شنو يا دقنة قدام حزب مستغل موارد البلد كلها لجعل الانفصال خيار جاذب وأحزاب معارضة واقفة تتفرج؟
تو ليت

Quote: جلابةاستان

دا كان يكون أنسب اسم يا أبو صلاح
لو لا قبل يومين ورد في الأخبار أن البشير أثناء اجتماع وزاري طلب من أحد وزرائه أن يحدث زملائه عن مشاريعه الاستثمارية الناجحة
والتاني بكل أريحية طفق يعدد لهم أرباح الأربعمية نعجة والكم بقرة بتاعنو
وزير مستثمر!!!
تقول لي جلابة!!
ياخي الجلابة أنزه من كدا!
يخيل لي الأنسب:
جمهورية علي بابا والأربعين وزير

Quote: اها منو قال لك يا حبيب الخريطه دي حتكون كده؟؟؟ وحاتك دولة الطيب مصطفى ستكون اصغر من اريحا بتاعت الفلسطينين!!

أم حازم سلامات

"وهكذا"البعد الخريطة التالتة ديك أنا قصدت بيها إنو المسألة ما حا تقيف على الجنوب بس, بل حا تستمر لحد ما كل بيت يبقى دولة مستقلة
يعني عشان تشحدي ملح من الجيران لازم المسألة تتم ثرو وزير خارجية بيتك

وزي ما قالوا أهل الخير "الله يكضب الشينة"

Quote: جمهورية بيوضة والعتمور الصحراوية

يا جني كان فضلت على بيوضة والعتمور أهلنا المصريين حا يسموها جمهرية الوساعة البعد حلايب
بعدين مع تغيير الشعار من صقر الجديان للبومة لو وزير الثقافة بقى صاحبك الزومة
تبقى كملت

Quote: جمهورية الكنداكه الديمقراطية

أوكيه يا زهير

Quote: اضان الطيب مصطفي طرشاء

حمرا حمرا
ما طرشا
يا هندسة الخال دا بيكون من هسة حضر خرفان كرامة فصل الجنوب
وبعد يخلص من الجنوب يقبل على دار فور
وبعد دار فور يقبل على جبال النوبة
وهكذا
لمن يعدمنا ريحة الأضان الزرقا

Quote: فالايام القادمات حبلي

استاذنا أبو بكر
ننتظر معاك رغم إنو الواقع لا يبشر بخير

Quote: سلامات يا اشرف يا خي ان شا الله ربنا يكضب الشينة .

د. سيف سلامات
الله يكضبها ما قلنا شي
لكن النهاية المنطقية لعك ساستنا دا إنو المليون ميل مربع دي تتشلع لمليون دويلة على الأقل.

شايفك إنت وعزام بتحاجوا سبيل في حكاية الدولة السنارية!
في اعتقادي سبيل يسعى لدولة إسلامية سوداء
عشان ناس بشاشا تاني ما يجيوا يقولوا الدين العروبي طغى على الدين الإسلامي وخلافه

Quote: مملكة قبيلة الجعليين الكبرى.

Quote: جمهوريه الجعلشايقه الاسلاميه

ياسر أحمد محمود ومحمد فتوحلي
في اعتقادي المسألة ما مرتبطة بعرق بعينه بقدر ارتباطها بعقلية انتهازية وسلبية وما مسئولة، لسوء حظنا تولت القيادة فترات طويلة من الزمن
والعقلية دي في الآخر أنتجت العقلية الكيزانية الموجودة حالياً، لكن بذرتها موجودة من أول حكومة سودانية

Quote: النيل

Quote: النيل

حليلو النيل يا بو الشوش وعبد الله،
ناس أسامة عبد الله كرهوهو الجية بي هنا
على ذكر أسامة باشا:

جمهورية السدودان

Quote: شلعوها الخوالده

من نكد الدهر أنو سيدي الإمام -وبراءة الأطفال في عينيه- سماها "شلعوها الكيزان"!
ونفض يده من أي مشاركة في التشليع!
أهلنا الخوالدة لما ليهم يد
لذلك الأصوب نسميها جمهورية شلعوها الانتلجنسيا

Quote: السلطنة الزرقاء

الاسم دا قد لا يعجب جماعة منبر السلام العادل،
أكثر جهة في الشمال تعمل بايديها ورجليها للتخلص من اللون الأسود ودرجاته

ممكن جمهورية السلطنة البيضاء

Quote: بدلا من الاسم الذي فرضه علينا الآخر سودانيين كل افريقيا سودانيين فما الذي يميزنا نحن

Quote: يجب ان يستعيد السودان والسوداني اسمهما الاصيل الذي قام الترك المستعمرون بالغائه على حين غفلة من السودانين سنار/ السلطنة الزرقاء / مملكة الفونج

وكل افريقيا زرقاء كذلك يا اخي محمد يعني برضو ما فيها ميزة..
انا ما عارف حكاية وصف بلد وشعبها علي اساس اللون الحكمة منو شنو؟؟

نيوسوداني

Quote: صاحب السمو العرقي

طال عمرك التعريف دا في السلك

ما محتاجين اسم

جمهورية السودان بس

جمهورية الانقاذ الدكتاتورية

Quote: السنانير

سنانير جمع سنور

والسنور هو الِقط!!!

( جمهورية أبو كديس ) وكدة...........ما معقول ياخ

Quote: جمهورية أبو كديس

"نحنا كديس ما بنسلموا، لأنو ممكن نعمل من جلدو مركوب"*

ــــــــــــــــــــــــــــ
*من الأقوال المأثورة لرئيس جمهورية أبو كديس

يسموه ضربة قنيط لى كلبو

نشرة أخبار التاسعة مساء يوم 5/11/2025

سلامات هاني
الخريطة شكلها كاريكاتيري لكن للزمن داك بتبقى الخريطة الحقيقية

الزول العمل الخريطة دا شفت

سلامات خالد المحرب
يا شيخ العرب اوع يكون الاسم دا حا يتكتب على جواز السفر بتاعنا!!

Quote: جمهورية الانقاذ الدكتاتورية

محمد عبدالقادر سبيل ...

صباح/مساء الخير

Quote: يجب ان يستعيد السودان والسوداني اسمهما الاصيل الذي قام الترك المستعمرون بالغائه على حين غفلة من السودانين سنار/ السلطنة الزرقاء / مملكة الفونج والسوداني كان اسمه السناري

إسمها الإصيلي ده ياتو؟ الأُسمو الإتسمت بعد دخول العرب السودان عام (652م) عبر إتْفاقِية < البقط > والله يا محمد عبدالقادِر التاريخ بِقول إنو العرب ما دخلو بلد إلا خربوهو خراب ... (الشام/مصر/دُول المغرِب العربي) ما علينا ... يعني إسم < السلطنة الزرقاء > البِتْعتبِرو أصيل ، يعني في ظنك أصيل هو ولا < نبته > مثلاً ... وإسم < السوداني > أفضل مِن < الكوشي > في شنو؟ على الأقل نبعِد مِن الألوان العِندنا فوقا عمى دي ... أخدر ... أخدر شديد ... اخدر بِالحيل ... < السلطنة الزرقاء > قامت بِتحالُف الفونج (زنوج) والعرب عام 1504م وإنتهت عام 1821م بِدخول محمد على باشا سِنار ... يعني كُل عُمر السلطنة الزرقاء (317) سنة ... أها كُتار في سودان اليَوم ما ليهُم عِلاقة لا بِالزنوج ولا بِالعرب ، سببُم شنو يِندرِع فيهُم إسم مو هيلُم ... وبعدين ... النوبِيين وناس الشرِق تاريخُم قبل ميلاد السَيِد المسيح بِآلاف السنين ، نخلي ده كلو ونكنكِش في تاريخ عُمرو كلو كِده على بعضو (317) سنة ... يا زول مِن هسِع نحنا مُنفصِلين تب ... أها عِندكُم مِن < أبو فاطنه > ده حد الشِمال ... إن شاءالله ما يِنفعكُم ...

Quote: سنانير جمع سنور والسنور هو الِقط!!! ( جمهورية أبو كديس ) وكدة...........ما معقول ياخ

هههههههههه



شر البلية ما يضحك

جمهورية "دار أبوك كان خربت ..شيل ليك منها شلية ". كان فضل شئ
أو
"جمهورية "قلتو كدي الاتحادية"
أو " جمهورية بدون عنوان"

Quote: جمهورية "دار أبوك كان خربت ..شيل ليك منها شلية "

المملكة العربية العمرية
علي وزن المملكة العربية السعودية

------ الاسم مستوحى من البوسترات الكبيرة المالية العربات في الخرطوم اليومين ديل منها عبارة ملك العرب و الافارقة اي والله واحد كاتب ملك العرب والافارقة وعش رجباً ترى عجباً

Quote: المملكة العربية العمرية

لا النافعيه احلا ولا اقول لك جمهوريه لحس الكيعان الديماجايطه

الأخ سبيل
مملكة سنار لم تلغ الاصل الكوشي في الثقافة السودانية فكثير من العادات و الممارسات الثقافية لا زالت تستمد مرجعيتها من اصولها الكوشية و الانسان السوداني الشمالي يستمد سمات شخصيته من مجمل الارث الحضاري
السوداني منذ ما قبل التاريخ و حتى اللحظة الراهنة و هو ليس ابنا للحقبة السنارية فقط . و مملكة سنار رغم طابعها الاسلامي الا أنها تميزت عن الدولة الاسلامية كما عرفها المشرق العربي فهي ليست اعادة انتاج للدولة
الاموية و العباسية , بل انها كانت دولة افريقية الملامح و كانت اقرب لمالي و كانو من دمشق و بغداد و الحجاز .

Quote: خرطتك دى ابيى فى الشمال ولا فى الجنوب سؤال؟

ما مهم يا صديق أبياي في الخرطة وين
المهم إنها حلايب جديدة وصداع جديد

Quote: المملكة العربية العمرية علي وزن المملكة العربية السعودية الاسم مستوحى من البوسترات الكبيرة المالية العربات في الخرطوم اليومين ديل منها عبارة ملك العرب و الافارقة اي والله واحد كاتب ملك العرب والافارقة وعش رجباً ترى عجباً

شقاوة الأفارقة المساكين شقاوة ،
يتفكوا من القذافي "ملك ملوك أفريقيا" يقعوا في البشير "ملك العرب والأفارقة"!

Quote: ما محتاجين اسم

فعلاً ما محتاجين اسم
احنا محتاجين فورمات آند نيو انستوليشن

كدة ما نافع...وكدة ما نافع

يشتريهوا ربنا ويسلهوا ويعمل فيهو يوم القيامة.........

او كما قال الحلفاوي

جمهوريه الجعلشايقه الاسلاميه

البشير

الخال

جمهورية أنا وخالي

Quote: جمهورية أنا وخالي

والليل والقمر!!!
أبوالشوش
مشتاقين

ود موسى الشوق كراريس
لمن تبقوا على فصل دولة الشرق كان انزنقتوا في الاسم قول عوك

موجــع .. مؤلم .. مدمي


مافي أمل في وطن واحــد يا أخوانا .. ولا عشيم صغير ؟

جمهورية الكيزان المادمقراطيه

جمهورية وزارة الطاقة

Quote: جمهورية الكيزان

Quote: المادمقراطيه

قيل إن المترادفات من عيوب اللغة

Quote: موجــع .. مؤلم .. مدمي

عبر الإيميل وصلتني مشاركة من أحد المواطنين من قرية الحشرو عباس يقترح تسميته بـ:
جمهورية الحشرو الترابي

جمهورية

Quote: او كما قال الحلفاوي

رغم اني ما عارفو قال شنو

القبائل المتنافرة المتحدة U.D.T

Quote: القبائل المتنافرة المتحدة U.D.T

اسم واقعي يا نيازي

اخوتي الكرام
السلام عليكم ورحمة الله وبركاته
اعلم ان كثيرا منكم يعلم ان مرجعية السودان والسوداني ( كهوية ) هي ( اساسا) من حق مصهر سنار ، ولا مانع من وجود بعض النتف الصغيرة من ارث آخر ( وهذه لت تتجاوز 10% من المكون )
ولكن (((اساسا)) كلكم سناريون بامتياز
فكرة البحث عن احياء ماضي كوش او مروي النوبية هو ضرب من الرومانسية السياسية فقط .. لماذا؟
دعني اصف لكم السودانيين كملامح وتفاصيل حياة اجتماعية تعكس مكنونكم الثقافي المنتسب الى سنار

* لغتكم الجامعة ليست هي اللغة النوبية ولا الفورية ولا البجوية ولا حتى الفونجية وانما هي اللغة العربية التي تحدثتها سنار كمصهر للثافات وكبوتقة لتوطين الثقافة العربية وتلقيحها باللسان المحلي

* دينكم ليس هو دين كوش ولا علوة والمقرة وتعلمون ما للدين من اهمية في سلوك ومزاج الشخص

* الاسلام واسع ولكن الطرق الصوفية هي الاسلوب الذي تبنته سنار واعتمدته لنشر عقيدة موحدة لاطراف الملكة وها انتم تتوزع اسركم واجدادكم بين هذه الطرق وليس على غيرها من ارث النوبيين

* ملامحكم الخلاسية لا تشبه ترهاقا الذي يقف تمثاله امام المتحف واضحا، خاصة الزملاء الداعون الى مرجعية الهوية النوبية ههنا كلهم اقرب شبها بالعرب من شبههم بالسودانيين الاصليين ، اقصد نموذج سنار المصهر الافروعربي الذي شكلنا نحن جميعا الافروعرب
انظروا الى صوركم وقولوا لي هل تشبهون نوبة الجبال الذين هم فعلا وحقا يشبهون ترهاقا والزنوج الاقحاح ؟ أم من اين اتيتم بهذه البشرة وهذه الملامح الاقرب الى العرق السامي العربي
قطعا لا يكفي ان ترطن رطانة قوم مع قليل عادات منهم فتنتسب اليهم نهائيا، التاريخ موجود واسباب الهجرات معروفة والملامح تفضحكم بقوة

* انظروا كيف تقضون ايامكم : تذهبون الى الصلاة في المسجد ومجتمع سنار كان يفعل ذلك وليس مجتمع ترهاقا ، وتفرحون بعيد الفطر بعد ان تصوموا رمضان كما كنا نفعل في سنار على مدى قرون،فهل لكم اعياد كوشية ما تزال حاضرة في حياتكم؟ ، تذهبون الى بيوت السماية / العقيقة،وبيوت العزاء، وتعرضون في الدلوكة وتتغنون وتتزوجون بالكتاب والسنة كما علمناكم في سنار ، تلبسون الجلابية والعمامة التي اعتمدناها لكم في سنار ولم يسبقنا الى جعل الجلابية زيا قوميا احد من ممالك السودان السابقة ، وحتى التوب ، والمدائح النبوية والحكم الشعبية ( الشيخ فرح ود تكتوك حلال المشبوك ) والامثال الشعبية جرى تعميمها هنالك ، الخلاوى جرى اعتماد نموذجها وتشجيع الشيوخ عليها في سنار برعاية المانجل شخصيا فهو الذي جلب اليكم شيوخ الدين والعلماء وبعث البعثات الى الازهر حيث كان لنا ( رواق السنارية ) الشهير
انتم وحياتكم صنيعة سنار اساسا

* المذهب المالكي الذي تنتمون اليه جميعا اوجدته سنار بعد استقدام علماء المالكية من المغرب الى حاضرة المملكة لتدريس فقه الشرع الاسلامي على مذهب مالك
كل تلك العناصر المكونة للهوية التي تجمعنا كسودانيين ( ولا شئ غيرها يجمعنا ) باختلاف قبائلنا انما صاغتها وقدمتها لكم سنار وحدها على طبق من ذهب بني شنقولي اصيل
وكان اجدادكم اذا ذهبوا الى مصر او الحجاز او غيرهما يعرفون بالسنارية اهل سنار وواحدكم يسمى السناري ووطنكم مملكة سنار العظيمة

* وكما قال اشرف اعلاه فان مملكة سنار هي دولة افريقية يتسنم الزنج فيها السلطان ( المك ) ويستوزر العرب
فلماذا تنكرون التاريخ والواقع ؟
هل خوفا من الاسلام ؟ وهل الاسلام مخيف ؟
وقال الزميل

Quote: أها كُتار في سودان اليَوم ما ليهُم عِلاقة لا بِالزنوج ولا بِالعرب

كتار؟
( لا علاقة لهم بالعرب ولا علاقة لهم بالزنج وسودانيون وكثر)!!؟
من هم هؤلاء بالله وما اصلهم وكم عددهم واين يعيشون حتى لا يكون الكلام على عواهنه!!
اسم سنار هو حق مشروع لشعب السودان الراهن بعد ان ضيعه الترك
ومن لم يكن تابعا لسنار فقد كان دولة مجاورة نحترمها ونحترم اهلها ولا بأس من الاتحاد معهم في دولة سنار الكبرى ان شاؤوا.
ولكن نموذج سنار هو ما تعيشونه كلكم عرقيا وثقافيا ومزاجا وواقعا واشكالات ايضا.
سناريون نعم
_______________
رب اشرح لي صدري

Quote: اخوتي الكرام السلام عليكم ورحمة الله وبركاته اعلم ان كثيرا منكم يعلم ان مرجعية السودان والسوداني ( كهوية ) هي ( اساسا) من حق مصهر سنار ، ولا مانع من وجود بعض النتف الصغيرة من ارث آخر ( وهذه لت تتجاوز 10% من المكون ) ولكن (((اساسا)) كلكم سناريون بامتياز فكرة البحث عن احياء ماضي كوش او مروي النوبية هو ضرب من الرومانسية السياسية فقط .. لماذا؟ دعني اصف لكم السودانيين كملامح وتفاصيل حياة اجتماعية تعكس مكنونكم الثقافي المنتسب الى سنار * لغتكم الجامعة ليست هي اللغة النوبية ولا الفورية ولا البجوية ولا حتى الفونجية وانما هي اللغة العربية التي تحدثتها سنار كمصهر للثافات وكبوتقة لتوطين الثقافة العربية وتلقيحها باللسان المحلي * دينكم ليس هو دين كوش ولا علوة والمقرة وتعلمون ما للدين من اهمية في سلوك ومزاج الشخص * الاسلام واسع ولكن الطرق الصوفية هي الاسلوب الذي تبنته سنار واعتمدته لنشر عقيدة موحدة لاطراف الملكة وها انتم تتوزع اسركم واجدادكم بين هذه الطرق وليس على غيرها من ارث النوبيين * ملامحكم الخلاسية لا تشبه ترهاقا الذي يقف تمثاله امام المتحف واضحا، خاصة الزملاء الداعون الى مرجعية الهوية النوبية ههنا كلهم اقرب شبها بالعرب من شبههم بالسودانيين الاصليين ، اقصد نموذج سنار المصهر الافروعربي الذي شكلنا نحن جميعا الافروعرب انظروا الى صوركم وقولوا لي هل تشبهون نوبة الجبال الذين هم فعلا وحقا يشبهون ترهاقا والزنوج الاقحاح ؟ أم من اين اتيتم بهذه البشرة وهذه الملامح الاقرب الى العرق السامي العربي قطعا لا يكفي ان ترطن رطانة قوم مع قليل عادات منهم فتنتسب اليهم نهائيا، التاريخ موجود واسباب الهجرات معروفة والملامح تفضحكم بقوة * انظروا كيف تقضون ايامكم : تذهبون الى الصلاة في المسجد ومجتمع سنار كان يفعل ذلك وليس مجتمع ترهاقا ، وتفرحون بعيد الفطر بعد ان تصوموا رمضان كما كنا نفعل في سنار على مدى قرون،فهل لكم اعياد كوشية ما تزال حاضرة في حياتكم؟ ، تذهبون الى بيوت السماية / العقيقة،وبيوت العزاء، وتعرضون في الدلوكة وتتغنون وتتزوجون بالكتاب والسنة كما علمناكم في سنار ، تلبسون الجلابية والعمامة التي اعتمدناها لكم في سنار ولم يسبقنا الى جعل الجلابية زيا قوميا احد من ممالك السودان السابقة ، وحتى التوب ، والمدائح النبوية والحكم الشعبية ( الشيخ فرح ود تكتوك حلال المشبوك ) والامثال الشعبية جرى تعميمها هنالك ، الخلاوى جرى اعتماد نموذجها وتشجيع الشيوخ عليها في سنار برعاية المانجل شخصيا فهو الذي جلب اليكم شيوخ الدين والعلماء وبعث البعثات الى الازهر حيث كان لنا ( رواق السنارية ) الشهير انتم وحياتكم صنيعة سنار اساسا * المذهب المالكي الذي تنتمون اليه جميعا اوجدته سنار بعد استقدام علماء المالكية من المغرب الى حاضرة المملكة لتدريس فقه الشرع الاسلامي على مذهب مالك كل تلك العناصر المكونة للهوية التي تجمعنا كسودانيين ( ولا شئ غيرها يجمعنا ) باختلاف قبائلنا انما صاغتها وقدمتها لكم سنار وحدها على طبق من ذهب بني شنقولي اصيل وكان اجدادكم اذا ذهبوا الى مصر او الحجاز او غيرهما يعرفون بالسنارية اهل سنار وواحدكم يسمى السناري ووطنكم مملكة سنار العظيمة * وكما قال اشرف اعلاه فان مملكة سنار هي دولة افريقية يتسنم الزنج فيها السلطان ( المك ) ويستوزر العرب فلماذا تنكرون التاريخ والواقع ؟ هل خوفا من الاسلام ؟ وهل الاسلام مخيف ؟ وقال الزميل Quote: أها كُتار في سودان اليَوم ما ليهُم عِلاقة لا بِالزنوج ولا بِالعرب كتار؟ ( لا علاقة لهم بالعرب ولا علاقة لهم بالزنج وسودانيون وكثر)!!؟ من هم هؤلاء بالله وما اصلهم وكم عددهم واين يعيشون حتى لا يكون الكلام على عواهنه!! اسم سنار هو حق مشروع لشعب السودان الراهن بعد ان ضيعه الترك ومن لم يكن تابعا لسنار فقد كان دولة مجاورة نحترمها ونحترم اهلها ولا بأس من الاتحاد معهم في دولة سنار الكبرى ان شاؤوا. ولكن نموذج سنار هو ما تعيشونه كلكم عرقيا وثقافيا ومزاجا وواقعا واشكالات ايضا. سناريون نعم

كلام من ذهب ..الرجوع إلى الحق خير من التمادي في الباطل ...

تنفذ هؤلاء اليوم لا يعني الغاء الماضي والمستقبل ..من حق شعب السودان الوحدة والقوة والمنعة ولا يأس مع الحياة ..

سبيل والحلاوي سلامات
شايفك مصر على الدولة الدينية يا سبيل!
وحددت طائفتها (السنة) ومذهبها (مالكي)
لكن ما تنسى تنامي الطائفة الشيعية وظهور حسينياتها للعلن في العديد من مدن وقرى السودان، وتشيع كتير من السنيين كل يوم.
دا طبعاً إذا نسيت وجود المسيحيين والأقباط.

الأستاذة الطالت غيبتها (آمنة مختار) كان عندها بوست قريب من دا،
ما لقيتو في مكتبتها.

لها التحية

عشان ما نغير الإسم مرة تانية
أصبروا شوية
خلونا نشوف مشكلة دارفور ح ترسى على شنو

Quote: عشان ما نغير الإسم مرة تانية أصبروا شوية خلونا نشوف مشكلة دارفور ح ترسى على شنو

الجواب باين من عنوانه يا حاتم
أحيلك للخرطة رقم 3 بالبوست,
ناس الخال "بعد غدا" حا يخلوا السودان خالي دار فور
"وهكذا" حتى تصبح الخريطة كدا

يعني عادي ممكن نسميها
جمهورية البروة
جمهورية منزل المهندس الطيب مصطفى وأولاد أخته
"وهكذا"

لما تصل الانقسامات وتصبح الخارطة على هيئة السودان

وقتها سأختار اسم السودان

سلامات ياأشرف


غايتو الناس قاعدة على الهبشة

لما تصل الانقسامات وتصبح الخارطة على هيئة السودان

وقتها سأختار اسم السودان

سلامات ياأشرف


غايتو الناس قاعدة على الهبشة

سلامات منعم
تخيلتك تسمي الجزء بتاعك "أويتلا"

كلنا كنا عارفين النتيجة الحا نصل ليها
لأنه كان يحدث أمام أعيننا كل يوم
حاجة كدا زي قصة "وقائع موت معلن"
معقول ما في أي مبادرة لتجنبه!؟
لا أحزاب
لا منظمات مجتمع مدني
لا قادة تاريخيين
كبارنا ديل ما سمعوا بغاندي!؟
الحاصل مؤلم ومخجل

Quote: وحاتك دولة الطيب مصطفى ستكون اصغر من اريحا بتاعت الفلسطينين!!

قريبا جدا!

جمهورية السايكوباتان