الناس الحايمة بي ورقة PDF مُزوّرة أجمعوا هِنا

الناس الحايمة بالورقة دي

http://www.sudaneseonline.com/uploadpic/NCP-Elections.pdf

كدي خُتُّوا الرحمن في قلِبكم أوّل
عاينوا لي هِنا
ورقتكم دي ما عايز أقول ليكم تسوطوها و تشربوها
لأنو خايف تعمل ليكم حاجة لأنها مفبركة و المُفبرك هو الأقل درجة من الممزوّر لأنو المزوّر فيهو إجادة بينما المفبرك ركيييييييييييييييك
هسي قولوا لي انا غالبني في خمسة دقايق أعمل زيها على الوورد و أحوِّلها بي دي إف و أجيبة ليكم أقول ليكم دة برنامج الأحزاب!؟
كدي واحِد يغالطني و نورِّيهو بيان بالعمل
ثانياً ياخي ورقة لا فيها توقيع لا خِتِم لا بِتاع و كتابة ركيكة و ترقيم باليد من تِحِت مع إنو مكتوبة و مطبوعة كمبيوتر
معقولة بس
إنتو كان قالوا ليكم دة حِزِب حاكم 20 سنة غالبو يحكِّم كِتابة سبعة ورقات بِتصدِّقوا!!؟
ياخي قالوا البيتكلّم كان مجنون البيسمع مفروض يكون واعي
ثالثاً
ديل ورقتين من المستند الخطيييييييييييييير حقّكم دة رقم 3 و رقم 7 كدي واحد يورِّيني الفروقات شِنو!؟








علييييييييييييييييييييكم الله إحترموا عُقولنا دي شِوييييييييييييّة بس

عُذراً
خطأ بالعُنوان الأصحْ:

الناس الحايمة بي ورقة PDF مفبركة أجمعوا هِنا

Quote: مفبركة

طبعاً

محمد فرح مرحب بيك


وين يا ناس
لبدّتُو مالكم!!؟
ما تجوا تقنِعونا إنو دي ورقة حقِيقِيّة شان هسي نصيِّح معاكم
الكيزان نِظام وسخان


أقنِعونا أو
إلى ذلكم الحين إنتوا بِتاعين فبركة و تشتيت كورة ساي

والغريبة الاخت نجلاء المنزلة الرابط في بوست احمد بتاع الاستفتاء
انا مستغربة
لانو دائما تعودنا منها مواقف قوية
وبتعارض بي فهم


ربما خطاء فني يا باشمهندس
ما أظلم الزولة

وهل هذه هي المرة الاولى اللي تنزل فيها الورقة دي هنا يا اختي نجلاء ؟؟؟
ولا موجودة في مكان ما هنا في المنبر

حايمين بيها يا ميّادة في المِنبر كُلُّو
واللهِ لو ريحتة ما فايحة زول كان فتح خشمو ماف
لكن ياخ واااااااااااااااااااضحة لمن بهناك

النصيحة لي الله يا علاء الكلام المكتوب في الورقة هو كلام الكيزان الما بغبانا و تخطيطهم ياهو ذاتوو ..

المشكلة ما في الكيزان ..


المشكلة في الناس القاعدة ساكت لا بتشتغل لا عايزة الكيزان يشتغلوا ..

حبيبنا دهب
سلامات
أنا لم أتطرّق للمضمون أبداً
الشكل العام الخارجي ما راكِب عدلو
بالنسبة للمضمون أهل مكّة أدرى بِشِعابها

ملاحظات حول وثيقة الشيوعيين التي زعموا انها استراتيجية...الوطني في الانتخابات

يا علاء الدين السلام عليكم ورحمة الله وبركاته
كونك تكون قادر على عمل ورقة زي دي ليس سببا يجعلها مفبركة، فكل العالم بتعرف تحول ملفات الوورد لبي دي إف ؛ لكن إذا تحدثت عن لغتها الركيكة فالإجابة موجودة داخل الورقة فكاتبها يشتكي من أن الأعضاء الحقيقين تم تغيبهم من المؤتمر الوطني وتم تقريب من هم أقل كفاءة منهم. كما أن الكثير الوارد في هذه الورقة لا يدعو للتملص منه فهو نقد ذاتي واعي وهادف اللهم إلا الخوف من ثبوت تهمة الممارسات الفاسدة في التسجيل والانتخابات وما دفتر التسجيل الحائم في بني مالك بجدة خافي على أحد رغم أن التسجيل داخل القنصلية نفسها لم يبدأ بعد.

فاشلين حتى في التزوير والفبركة ........

Quote: والغريبة الاخت نجلاء المنزلة الرابط في بوست احمد بتاع الاستفتاء انا مستغربة لانو دائما تعودنا منها مواقف قوية وبتعارض بي فهم

لم نر نجلاء قد انزلت هذا البوست
أقرأتي علاء نجلاء يا اختاه؟؟؟؟؟؟؟؟؟
اذا كانت الاجابة نعم فعليك اقرب طبيب عدسات مقعرة

Quote: اذا كانت الاجابة نعم فعليك اقرب طبيب عدسات مقعرة

يبدو إنو إنت المُحتاج تراجِع نظرك و تعمل ليك نضّارة قعر كُبّاية
أو تجيب ليك زول يقرأ ليك و يشرح
ولو ما مصدِّقني
شوف هشنا
Re: هل ستصوت للرئيس البشير ام لغيره, ( نعم/ لا ) , ( ...ة من أعضاء المنبر ).

بس أحسن تستعين بي زول يشوف ليك برضو