Post: #1
Title: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 04:31 PM
Parent: #0
:D
|
Post: #2
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 04:32 PM
Parent: #1
والزولو
برضو عرب
|
Post: #3
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 04:34 PM
Parent: #2
والهولنديين والألمان زااتهم عرب
|
Post: #4
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 04:35 PM
Parent: #3
الجيلى ضارب "عبارين"
|
Post: #47
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 12:53 PM
Parent: #3
#
|
Post: #5
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-02-2009, 04:39 PM
Parent: #2
| Quote: الدينكا والنوير,عرب, وهذا تاريخهم |
يا الجيلي
ياخي خليك من الدينكا و النوير ، الخواجه الليلنا ده ذاتو طلع عربي !! 
|
Post: #8
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 04:47 PM
Parent: #5
Quote: يا الجيلي
ياخي خليك من الدينكا و النوير ، الخواجه الليلنا ده ذاتو طلع عربي !! |
من عرب وين ياأمين?:D
العرب خشم بيوت
لو جدو ماطلع العباس دا مامننا
|
Post: #6
Title: Re: الدينكا والنوير,عرب, وهذا تاريخهم .!
Author: Hani Arabi Mohamed
Date: 11-02-2009, 04:40 PM
Parent: #2
لو اقتنعنا بأننا أفارقة ... أفارقة 100% لأرحنا واسترحنا
|
Post: #7
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-02-2009, 04:45 PM
Parent: #6
| Quote: لو اقتنعنا بأننا أفارقة ... أفارقة 100% لأرحنا واسترحنا |
ولله يا هاني إنت بطريقتك ! أنا عربي و حسي بكتب ليك و لابس عقالي !!
|
Post: #9
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-02-2009, 05:12 PM
Parent: #7
Quote: من عرب وين ياأمين?:D
العرب خشم بيوت
لو جدو ماطلع العباس دا مامننا |
خواجات كانسس - حيث أقيم - من عرب الحجاز ، نزحو طلبا للماء و الكلأ و تعود أصولهم إلي يعرب بن قحطان .
اقامو في الجزيرة العربية قبل الاسلام و في زمن الفتوحات الاسلامية هاجر قسم من هذه القبائل الى السودان وقسم آخر الى الشام وقسم ثالث الى مصر ولقد تفرق القسم الذي هاجر الي السودان الى فريقين فريق منهم لجأ الى الجنوب - و منهم جاء (عرب النوير و الدينكا) - والفريق ألآخر جاء إلي كانسس و منهم جاء ( الخواجه الليلنا ).
و الموضوع طويل و ذو شجون يا جيلي ، إن شئت الاستزاده ، فيمكنك الإطلاع علي كتاب ستيف ليبرمان ( الأصول المخفيه لقبائل كانسس العربيه )
|
Post: #10
Title: Re: الدينكا والنوير,عرب, وهذا تاريخهم .!
Author: الشامي الحبر عبدالوهاب
Date: 11-02-2009, 05:17 PM
Parent: #9
وشكسبير عربي يا الجيلي
تحياتي واشواقي
|
Post: #12
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 07:21 PM
Parent: #10
| Quote: وشكسبير عربي يا الجيلي |
أيوا ياخال,
عشان كدا الناس لازم تقوم (بحركة قردية), من أجل
إسترجاع حقوقنا التى سلبها الخواجات غير العرب..
وشيخ الزبير أو (شكسبير "كما يدعىvالانجليز") هو مِلك
خالص للأمة العربية وجزء من تاريبخ العروبة الناصع
اشواق كثيرة ياشامى
|
Post: #11
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 06:45 PM
Parent: #9
| Quote: إن شئت الاستزاده ، فيمكنك الإطلاع علي كتاب ستيف ليبرمان ( الأصول المخفيه لقبائل كانسس العربيه ) |
طبعآ قريت الكتاب
وصاحبك ستيف ليبرمان نجض شغلتو تمام,
يقال أن الزولو والدينكا والنوير وعرب كانسس المنحدر
منها (الخواجةالليلكم)
هم من اعراب اليمن, وقد هاجرو إبان سيطرة اسرة الملك
براق الاوسى على زمام الحكم فى الجزيرة العربية,
وقد راجت شائعات قوية فى أوساط المستشرقين تتهم
بالعمل السرى لإزالة أسرة الملك براق الأوسى وأسرته من سدة
الحكم الشئ الذى حدا بالملك لتهجيرهم,..
وأنا أرجح صحة ماذهب اليه ستيف ليبرمان فى هذه الجزئية:
Quote: خواجات كانسس - حيث أقيم - من عرب الحجاز ، نزحو طلبا للماء و الكلأ و تعود أصولهم إلي يعرب بن قحطان .
اقامو في الجزيرة العربية قبل الاسلام و في زمن الفتوحات الاسلامية هاجر قسم من هذه القبائل الى السودان وقسم آخر الى الشام وقسم ثالث الى مصر ولقد تفرق القسم الذي هاجر الي السودان الى فريقين فريق منهم لجأ الى الجنوب - و منهم جاء (عرب النوير و الدينكا) - والفريق ألآخر جاء إلي كانسس و منهم جاء ( الخواجه الليلنا ). |
|
Post: #13
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-02-2009, 09:03 PM
Parent: #6
| Quote: لو اقتنعنا بأننا أفارقة ... أفارقة 100% لأرحنا واسترحنا |
ياهانى
زى ماقال ليك أمين (إنت بى طريقتك)
لكن نحنا عقالاتنا والدشداشات مابنفكهم..
|
Post: #14
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-02-2009, 09:51 PM
Parent: #13
Quote: يقال أن الزولو والدينكا والنوير وعرب كانسس المنحدر
منها (الخواجةالليلكم)
هم من اعراب اليمن, وقد هاجرو إبان سيطرة اسرة الملك
براق الاوسى على زمام الحكم فى الجزيرة العربية,
وقد راجت شائعات قوية فى أوساط المستشرقين تتهم
بالعمل السرى لإزالة أسرة الملك براق الأوسى وأسرته من سدة
الحكم الشئ الذى حدا بالملك لتهجيرهم,..
|
أها شفت ده الكلام المرجعنا مليون سنه لوراء : الناس البيفتكرو إنو عرب كانسس تم تهجيرهم نتيجه لعملهم السري ضد الملك براق الاوسى ، ديل نفس الناس الواقفين ضد إنفصال الجنوب و ده للعلاقه الوضحها ستيف ليبرمان و أوردتها أعلاه بين عرب الجنوب - الدينكا و النوير - و عرب كانسس الليلنا !!
ده تاريخ قريب يا الجيلي ، شهودو لسع حيين و إنت بتزور فيهو عيانا بيانا ؟! لمصلحة منو يا الجيلي عايز تطلع إنو مافي علاقه بين عرب الجنوب و عرب كانسس ، و في دماء سالت و ملايين ماتت نتيجه العلاقه ده !!!
------
حبة جديه يا جيلي : ليه السودانيين مهتمين بقصه نحن عرب دي ، الفايده شنو كان بقينا عرب و لا ما بقينا : حا نستفيد شنو يعني ؟!!
|
Post: #15
Title: Re: الدينكا والنوير,عرب, وهذا تاريخهم .!
Author: Tabaldina
Date: 11-02-2009, 11:49 PM
Parent: #14
..
.
الواحد يدخل بوست للجيلى احمد
ظانا انه موضوع تأريخى جاد .,
فيجد عكس ذلك
_______
فيخرج متسائلا :
من أين حصلوا هؤلاء على كلمة مرورهم ..!!؟
|
Post: #16
Title: Re: الدينكا والنوير,عرب, وهذا تاريخهم .!
Author: قيقراوي
Date: 11-03-2009, 01:51 AM
Parent: #15
| Quote: حبة جديه يا جيلي : ليه السودانيين مهتمين بقصه نحن عرب دي ، الفايده شنو كان بقينا عرب و لا ما بقينا : حا نستفيد شنو يعني ؟!! |
مع انو السؤال لاخوي الجيلي
لكن اقول ليك أسألني دبُل باللاي !!!!!!!!!!
الجيلي ازيك ياخ
----------------
البدوي رداً على ادعاء العروبة من قِبل قريبو الخليجي ، بنفيها عنو و عننا كلنا تماما حيث قال : ما عرب غير حنَّا و امريكان !
للضمان كدا الواحد يركّز على اصلو لفرنسية احسن  صحي هو صلبطة لي صلبطة ؟ نمسك في اوروبا ساي . . و لا كيف ؟
|
Post: #20
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-03-2009, 04:11 PM
Parent: #16
| Quote: البدوي رداً على ادعاء العروبة من قِبل قريبو الخليجي ، بنفيها عنو و عننا كلنا تماما حيث قال : ما عرب غير حنَّا و امريكان ! |
دا معانا تمام ياقيقا
ونرجح أنه وأعراب كانسس ينحدرون من ذات العائلة..
__________________________
كيفك ياقيقا?
كان معنا زميل دراسة تطغى الملامح الأفريقية على وجهة
بشكل كامل , وأرهقنا الرجل بتكرار ممل ويومى لأصوله المنحدرة
من العباس وأصله العربى القح , حتى أتى يوم تناوش فيه مع بعض
الطلاب العرب (ويبدو أنهم أسمعوه مالم يكن يود سماعه)..
كانت حادثة مؤلمة له أن يهينه إخوته (الأعراب) ويعيرونه بلونه
وبملامحة الأفريقية..
مايهم أن صاحبنا كف تمامآ عن ترديد مزاعم عروبته تلك ,
بل أصبحت تلك الحادثه بمثابة ضربة قوية فى أم رأسه
أيقظته من ثبات عميق..
ياصديقى لايحتاج الأمر لكثير عناء وذكاء,
ماعلينا إلا أن ننظر فى المرآة وسندرك ساعتها الحقيقة..
|
Post: #17
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-03-2009, 03:44 PM
Parent: #15
| Quote: من أين حصلوا هؤلاء على كلمة مرورهم ..!!؟ |
من بكرى ياتبلدينا..
هون عليك يارجل
|
Post: #18
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-03-2009, 03:55 PM
Parent: #17
| Quote: ليه السودانيين مهتمين بقصه نحن عرب دي ، الفايده شنو كان بقينا عرب و لا ما بقينا : حا نستفيد شنو يعني ؟!! |
دا ياأمين السؤال الذى نطرحة لمن يودوننا عربآ رغم انوفنا,
المشكلة ياأمين أن هنالك من يحاول طمس هويات وتاريخn متجزر
من أجل الرغبة الآنية الملحة للهيمنة على السلطة ولتبرير
الإرتباط الدينى لشعوب السودان بالإسلام,
وتلك لعمرى كارثة حقيقية وطعنة مؤلمة للإسلام وتعاليمه ومفاهيم
التعدد داخله..
هناك ياأمين من ينكرون الشمس في رابعة النهار
ويقسمون بايمان مغلظ أنها قمرٌ..
ديل تسوى ليهم شنو ياأمين ??
|
Post: #19
Title: Re: الدينكا والنوير,عرب, وهذا تاريخهم .!
Author: Zakaria Joseph
Date: 11-03-2009, 04:04 PM
Parent: #18
الجيلى,
سلامات.
شخصيا لا اعطى اهتمام كبير بما يعتبر الناس هويتهم او عرقهم او اصلهم و لكن المسالة تبقى غريبة حين يحاول البعض تصدير ازماتهم للغير و اتساخ الغير بالكلام الفارغ بتاع عروبة دى و ما ادراك ما العروبة. هذا لا نفهمه فى الجنوب و لسنا بصدد فهمه و ما عندنا زمن له.
|
Post: #21
Title: Re: الدينكا والنوير,عرب, وهذا تاريخهم .!
Author: قيقراوي
Date: 11-03-2009, 11:06 PM
Parent: #19
Quote: دا معانا تمام ياقيقا
ونرجح أنه وأعراب كانسس ينحدرون من ذات العائلة.. |
تواتر في الاثر عن خبر هجرة عربان " بني سلفاني " و روايات كتيرة ترجح موطنهم الاصلي بجزيرة العرب ما بين النهرين ( الازرق و الابيض ) في نواحي الحيصاحيصا و تشير بالتحديد لـ " ود سلفاب " . . و الثابت انو عربان اليانكي ديل لسانم معووج !! اها قاموا لحنوها و صحفوها ، و كمان العربان اليانكي هلا هلا ما ناس تيك أوي ساااااااااااي !! . . طوالي جغموا ، و دغموا ليك ألـ " ياء " في خبر كان و صارت بنسلفانيا
" رواه قيقا راوي " بسند ما صحيح و قاطعو من راسو ساي
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة
" المشنقة "
تاج السر جعفر الخليفة
الخرطوم 1994
---------------
انتو صحي النيل الابيض دا سموهو " ابيض " ليه ؟! طيب سموهو على منو ؟
|
Post: #22
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-03-2009, 11:13 PM
Parent: #21
Quote: الواحد يدخل بوست للجيلى احمد
ظانا انه موضوع تأريخى جاد .,
فيجد عكس ذلك
|
والله يا تبلدينا ده (اجد) موضوع في المنبر ده ، إنت بس كيف تقرا بين السطور ؟!
-------
Quote: فيخرج متسائلا :
من أين حصلوا هؤلاء على كلمة مرورهم ..!!؟ |
إنت يا صالح مالك الأيام دي سمك فاير كده ؟! الواحد يشاكلو في البيت و يجي يفكها فينا نحن ! 
|
Post: #23
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-03-2009, 11:32 PM
Parent: #22
Quote: دا ياأمين السؤال الذى نطرحة لمن يودوننا عربآ رغم انوفنا,
المشكلة ياأمين أن هنالك من يحاول طمس هويات وتاريخn متجزر
من أجل الرغبة الآنية الملحة للهيمنة على السلطة ولتبرير
الإرتباط الدينى لشعوب السودان بالإسلام,
وتلك لعمرى كارثة حقيقية وطعنة مؤلمة للإسلام وتعاليمه ومفاهيم
التعدد داخله..
هناك ياأمين من ينكرون الشمس في رابعة النهار
ويقسمون بايمان مغلظ أنها قمرٌ..
ديل تسوى ليهم شنو ياأمين |
يا جيلي
أنا سؤالي عن الفايده اللي بنجنيها لو طلعنا عرب ، و عن خسارتنا كشعب لو ما طلعنا من أصول عربيه ؟!! ياخي ما ممكن كل يومين في المنبر الموضوع ده مفتوح !
في تصوري القصه كلها راجعه لضعف الوطنيه و انتمائنا للسودان ده ، لو عندنا إنتماء لدوله السودان الديمقراطيه الشقيقه دي ، مافي زول ذاتو بيفكر في إنو هل نحن عرب ولا هنود !!
--------
حكاية بلد ما عندها وجيع !
|
Post: #24
Title: Re: الدينكا والنوير,عرب, وهذا تاريخهم .!
Author: Amir Mussaad
Date: 11-04-2009, 03:17 AM
Parent: #23
الجيلي
لاحولااااا
هسي ده زول ولا حمار
تحياتي
امير اوترخت
|
Post: #25
Title: Re: الدينكا والنوير,عرب, وهذا تاريخهم .!
Author: Tragie Mustafa
Date: 11-04-2009, 04:21 AM
Parent: #24
الجيلي سلام
ويا تبلدينا ما دخلت لقريبك ده سالته
بالله الباس وردات دي بدوها لكم كيف ليه؟؟؟
المساليت عرب .. وهنا تأريخهم!
ماهو ده الفيلم الاغضب الجيلي فافترع هذا البوست....
|
Post: #26
Title: Re: الدينكا والنوير,عرب, وهذا تاريخهم .!
Author: بريمة محمد
Date: 11-04-2009, 04:40 AM
Parent: #25
هل تصدقوا الدنيكا قالوا جدهم تحت تحت يعود إلى العباس .. يعنى جعلين الجنوب ..
..
حليمة مشاطة لافحة بوستى وجايبهو هنا .. عشان تغيظى الجيلى ولا شنو؟
بريمة
|
Post: #27
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-04-2009, 04:48 AM
Parent: #26
Quote: هل تصدقوا الدنيكا قالوا جدهم تحت تحت يعود إلى العباس .. يعنى جعلين الجنوب ..
|
يا بريمه ، كدي بالمره شوف لي الخواجه الليلنا عشان كان طلعو عرب أقوم من صباح الرحمن ابشرهم !!!
|
Post: #44
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 04:06 AM
Parent: #27
| Quote: يا بريمه ، كدي بالمره شوف لي الخواجه الليلنا عشان كان طلعو عرب أقوم من صباح الرحمن ابشرهم !!! |
والله ياأمين
بريمة الشايفو دا,
العباس ذاتو عندو فيهو رأى
|
Post: #41
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 03:48 AM
Parent: #26
| Quote: هل تصدقوا الدنيكا قالوا جدهم تحت تحت يعود إلى العباس .. يعنى جعلين الجنوب |
بريمة حسن آل محمد..
يازول ماتضيع وقتك مع الزنوج ديل
وشوف ليك منتدى بتاع عرب ..
ديل ناس حاقدين ساكت
|
Post: #28
Title: Re: الدينكا والنوير,عرب, وهذا تاريخهم .!
Author: Deng
Date: 11-04-2009, 04:52 AM
Parent: #25
Quote: الواحد يدخل بوست للجيلى احمد
ظانا انه موضوع تأريخى جاد .,
فيجد عكس ذلك
_______
فيخرج متسائلا :
من أين حصلوا هؤلاء على كلمة مرورهم ..!!؟ |
لسان السوط هبشك لا أيه يا حبة؟
الجيلي سلامات وعندي لك سؤال:
لماذا مدعي العروبة في السودان ينسبون أصلهم العربي الى العباس وليس لأبي لهب؟
|
Post: #29
Title: Re: الدينكا والنوير,عرب, وهذا تاريخهم .!
Author: أمين محمد سليمان
Date: 11-04-2009, 05:33 AM
Parent: #28
Quote: تواتر في الاثر عن خبر هجرة عربان " بني سلفاني " و روايات كتيرة ترجح موطنهم الاصلي بجزيرة العرب ما بين النهرين ( الازرق و الابيض ) في نواحي الحيصاحيصا و تشير بالتحديد لـ " ود سلفاب " . . و الثابت انو عربان اليانكي ديل لسانم معووج !! اها قاموا لحنوها و صحفوها ، و كمان العربان اليانكي هلا هلا ما ناس تيك أوي ساااااااااااي !! . . طوالي جغموا ، و دغموا ليك ألـ " ياء " في خبر كان و صارت بنسلفانيا
|
قيقا(راوي) و تزوير التاريخ !!!
|
Post: #30
Title: Re: الدينكا والنوير,عرب, وهذا تاريخهم .!
Author: Tabaldina
Date: 11-04-2009, 12:04 PM
Parent: #29
..
.
| Quote: لسان السوط هبشك لا أيه يا حبة؟ |
والله يا جورج
خفت تطلع ود عمى قلت اودى وشى ووين من عمى
اقول ليهو انا متلح ولدك دا وفاقع مرارتو
GIr Gir GIr Gir
Quote: الجيلي سلامات وعندي لك سؤال:
لماذا مدعي العروبة في السودان ينسبون أصلهم العربي الى العباس وليس لأبي لهب؟ |
ممكن اجاوب يا كوماندر
__________
غايتو بعد كلام الجيلى انكم عرب _ الما جاد_ وحركة سيلفا الاخيرة
اعتقد افضل نسب ليكم هو بنو امية وجدكم هو عمرو بن العاص ..
عارف السبب ولا اقول ليك..
|
Post: #32
Title: Re: الدينكا والنوير,عرب, وهذا تاريخهم .!
Author: حاتم علي
Date: 11-06-2009, 00:56 AM
Parent: #28
Quote: الجيلي سلامات وعندي لك سؤال:
لماذا مدعي العروبة في السودان ينسبون أصلهم العربي الى العباس وليس لأبي لهب؟ |
قبل أن يجيبك الجيلي يا دينق
انا كنتا في غير هذا المكان اناقش نفس الموضوع : موضع الجماعة الجدهم العباس ديل و تداخل معي رجل لطيف يدعى (ود النور) بهذا السؤال :
Quote: سمعنا و قرأنا كثيرا عمن يربط نسبه بالرسول ( ص ) وعمه العباس رضي الله عنه، و كما نعلم أن للرسول ( ص ) عشرة من الأعمام، بخلاف العباس، و هم :
الحارث/ قثم/ الزبير/ حمزة/ العباس/ أبوطالب/ أبولهب/ المغيرة/ الغيداق/ ضرار/ المقوم.
و سؤالي هنا هو: لماذا يربط الناس نسبهم بالعباس دون سائر إخوانه و أشقائه العشرة الآخرين؟ كأبي لهب مثلاً؟ أولم يكن لأبي لهب أبناء و ذرية؟!!!! |
و هذا كان جوابي له :
هQuote: ود النور حبابك يا الاخو
سلالة (ابو لهب) في (السودان) ؟؟!!!
-----------------------------------
ياخي لكن ما بالغتا
ديل عايزين ينتموا - للحسب و النسب - العربي (المسلم) الاصيل ما ممكن يكونوا (سلالة ابو لهب) الكافر دا !
سؤالك منطقي ليه هم كلهم جدهم (العباس) ؟
-------------------------------
الصحي جدو (العباس) اليمشي (المملكة العربية السعودية) اليطلع لينا بي (خال و لا حبوبة) هناك
|
ويذكر العم شوقي بدري متعه الله بالعافية في مقاله الشهير : إنفصال جنوب السودان
==============================================
Quote: اغلب السودانيين يدعون ان نسبهم يرجع الي العباس عم الرسول عليه الصلاة و السلام . و لهم شجرة عائله مكتوبه تثبت ذلك . و لكن الحقيقه انه كان هنالك و لا يزال مزورين بارعين خاصه في منطقة الدامر يلصقون اي انسان باي نسب يطلبه بالاجر المدفوع . و العباس هذا يبدو انه الوحيد الذي لم يصب بالعقم من ال هاشم فاغلب مسلمي الارض ينتمون اليه .
ماذا عن اخيه عبدالعزي او ابولهب الذي كان وسيما ذكيا يبدو و كأن اللهب يخرج من عينيه ، من ابناءه عتبه و عتيبه الذين تزوجا بنات النبي صلي الله عليه و سلم و امهم حمالة الحطب . ماذا حدث لاحفادهم اليس من الجائز ان لهم احفاد في السودان ؟ ماذا عن البشير و عصابته ؟
ان ابن العباس الوحيد الذي تحصل علي فيزا خروج و ترك الحجاز ، يرقد الان في سمرقند بعد ان قطع المجوس راسه و رموا به في البئر حتي قبل ان يتفرغ لصناعة و انتاج الامم.
|
___________________
الجيلي يا صاحب
لكن بالغتا و شذيت
لووووووووووووول
Quote: الدينكا والنوير,عرب, وهذا تاريخهم .!
|
عندي (سوعال) يا الجيلي :
الحاجة (الحلوة) شديد الفي (العرب) دي شنو ؟
=========================
الناس كلها جارية (تتلصق) فيهم
كدي ورونا نقوم نجري نتلصق نحنا ذاتنا
المثل بقول:
كان فاتك (الميري) اتمرمغ في ترابو
جنس مرمغة
-------------
ه
|
Post: #42
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 03:55 AM
Parent: #32
Quote: عندي (سوعال) يا الجيلي :
الحاجة (الحلوة) شديد الفي (العرب) دي شنو ؟
=========================
الناس كلها جارية (تتلصق) فيهم
كدي ورونا نقوم نجري نتلصق نحنا ذاتنا
المثل بقول:
كان فاتك (الميري) اتمرمغ في ترابو |
حاتم يافردة
مادايرين نحلل الهوية,
لكن شفتا المتأسلمين ديل كضابين كيف??
لووووووول
|
Post: #38
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 03:17 AM
Parent: #25
تحياتى ياتراجى
من الرابح من المزايدة على عروبة شعوب السودان..??
ومن الخاسر..??
العروبة لاتكسبنا شئ
والأفرقة كذلك
الهوية أمر معقد وعويص
ولسنا بصدد جعله سهلآ
ولكنه كالدين
من يظن أنه عربى
فليفعل
أما أن يحاول تزوير تواريخ الشعوب
فعندها نضع الحد بين الغباء والحديث المهمل
وبين الجد
كفى ياأيها المستعربون والمتأسلمين..
|
Post: #31
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-05-2009, 10:54 PM
Parent: #24
لاحولالالالا
أمير..??
بالله دا زول ولا حمار..
حاول تتصل:
0031-623618869
|
Post: #33
Title: Re: الدينكا والنوير,عرب, وهذا تاريخهم .!
Author: عبد الناصر الخطيب
Date: 11-06-2009, 01:14 AM
Parent: #31
نرفض وندين ونندد
في هذا البوست الذي يحاول البعض فيه التنكر لاصلنا العربي الاصيل
أعراب بلا حدود
عنهم / عبد الناصر بن الخطيب العباسي
|
Post: #34
Title: Re: الدينكا والنوير,عرب, وهذا تاريخهم .!
Author: Deng
Date: 11-07-2009, 03:15 PM
Parent: #33
Quote: والله يا جورج
خفت تطلع ود عمى قلت اودى وشى ووين من عمى
اقول ليهو انا متلح ولدك دا وفاقع مرارتو
GIr Gir GIr Gir |
تبلدينا.
أنا لمن أبقى عربي أصير قريبك أنت؟
أنا البوديني لعروبة مجهجهة شنوا؟
تبقى دي ميتة وخراب ديار.
أحسن شئ أدعي نسبي الى ال سعود ولا ال الثاني وفي أسواء الفروض ال البشير بحي كافوري ولبن كافوري. أحي أنا من كافوري.
|
Post: #35
Title: Re: الدينكا والنوير,عرب, وهذا تاريخهم .!
Author: Hassan Makkawi
Date: 11-07-2009, 05:56 PM
Parent: #34
| Quote: أنا البوديني لعروبة مجهجهة شنوا؟ |
تبلدينا
فهمت الكلام دة ولا أرشك بالمفيد؟؟؟؟؟؟؟؟؟؟؟؟؟
|
Post: #36
Title: Re: الدينكا والنوير,عرب, وهذا تاريخهم .!
Author: M A Muhagir
Date: 11-07-2009, 09:18 PM
Parent: #35
سلام للجميع
ما اختلفنا يا جماعة, كلنا عرب, بس نحنا جدنا هو تابط شرا
|
Post: #37
Title: Re: الدينكا والنوير,عرب, وهذا تاريخهم .!
Author: مجدى محمد مصطفى
Date: 11-08-2009, 07:35 AM
دخلت بنيه الكتابه لكن لما بديت ما عرفت أكقول شنو ...
بالجد كده الحاجه دي جايه من وين !
ليه تقاس السودانيه بالعرب والعروبه في السودان !
لماذا عندما يرتكب أحد أعراب السودان شيئ غير لائق في نظر الثقافه العربيه السودانيه نسمع الأستنكار كالأتي ( بالله ود عرب كمان) !!!
|
Post: #39
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 03:29 AM
Parent: #37
تتحدث شعوب أمريكا الجنوبية
اللغة الأسبانية
ولم ترد إشارة فى أدبياتهم وتراثهم
تمجد جزورهم الأسبانية!!
..
يتحدث الناس فى البرازيل اللغة البرتغالية
ولكننا لم نسمع بمن يدعى أنه برتغالى..
ونحن نتحدث العربية
ولايعنى ذلك بالضرورة أننا عرب..
|
Post: #45
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 04:16 AM
Parent: #37
| Quote: لماذا عندما يرتكب أحد أعراب السودان شيئ غير لائق في نظر الثقافه العربيه السودانيه نسمع الأستنكار كالأتي ( بالله ود عرب كمان) !!! |
لأنو أولاد العرب بيعملو نفس الحاجات,
ومالاقيين لعمايلهم تبرير...
وأنا أسألك بدورى:
ماهو الشئ المشين الذى يفعله من لاينتمى
لفصيلة (ودالعرب) ??
|
Post: #43
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 04:01 AM
| Quote: ما اختلفنا يا جماعة, كلنا عرب, بس نحنا جدنا هو تابط شرا |
يامهاجر
عمك تأبط شرآ الناس زايغة منو
وزايغين من أبو لهب وأبوسفيان
أمسك فى العباس مابتجيك عوجة
|
Post: #40
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-11-2009, 03:43 AM
Parent: #33
بوست غير موفق ياعبدالناصر
Quote: نرفض وندين ونندد
في هذا البوست الذي يحاول البعض فيه التنكر لاصلنا العربي الاصيل
أعراب بلا حدود
عنهم / عبد الناصر بن الخطيب العباسي |
خليك قريب ياترس
|
Post: #46
Title: Re: الدينكا والنوير,عرب, وهذا تاريخهم .!
Author: Egbal Elmardi
Date: 11-11-2009, 06:39 AM
Parent: #40
سلامات يا صاحب البوست وضيوفو...
حسى كان سألت ...ناس غرب أفريقيا ديل ما بتكلمو الفرنسيه ...
وساوين فيها نفس سواتنا فى العربى...
مالهم ما جو قالو نحنا جزورنا فرنسيه
إقبال
|
Post: #48
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-12-2009, 02:56 AM
Parent: #46
Quote: سلامات يا صاحب البوست وضيوفو...
حسى كان سألت ...ناس غرب أفريقيا ديل ما بتكلمو الفرنسيه ...
وساوين فيها نفس سواتنا فى العربى...
مالهم ما جو قالو نحنا جزورنا فرنسيه |
تحياتى
عبر تجارب طويلة
تمخضت ذاكرة الشعوب
الكره للنازيين..
التفرقة هى فكرة نازية محضة
|
Post: #49
Title: Re: الدينكا والنوير,عرب, وهذا تاريخهم .!
Author: Ahmed Alim
Date: 11-12-2009, 07:02 AM
Parent: #48
الجيلي سلامات،
أشارك المكرم عبدالناصر بن الخطيب العباسي في قوله انوا بوستيك دا غير موفق لأنك:
بهذا العمل الغير مسؤول كشفت قبائل من كادر القبائل السرية العربية المزروعة بسلام في السودان.
الامر الذي دفعني للشك في عمالتك لجهات كتيرة جداً وربما الموساد منها..
|
Post: #50
Title: Re: الدينكا والنوير,عرب, وهذا تاريخهم .!
Author: يحي ابن عوف
Date: 11-12-2009, 07:52 AM
Parent: #49
Quote: دا ياأمين السؤال الذى نطرحة لمن يودوننا عربآ رغم انوفنا,
المشكلة ياأمين أن هنالك من يحاول طمس هويات وتاريخn متجزر
من أجل الرغبة الآنية الملحة للهيمنة على السلطة ولتبرير
الإرتباط الدينى لشعوب السودان بالإسلام,
وتلك لعمرى كارثة حقيقية وطعنة مؤلمة للإسلام وتعاليمه ومفاهيم
التعدد داخله..
هناك ياأمين من ينكرون الشمس في رابعة النهار
ويقسمون بايمان مغلظ أنها قمرٌ..
ديل تسوى ليهم شنو ياأمين ?? |
الجيلي سلام
السؤال الذى نطرحة لمن يودوننا عربآ رغم انوفنا...؟
وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ"
فإبليس، لا يرى في آدم إلا كائنا أقل منه، . هذه هى الشخصية الإستعلائية أنها في جوهرها حالة نفسية ترفض الحق. وتظل معضلة .
السودان طالما عاني من الهوية العربية التي فُرضت عليه إبان موجة المد العروبي في الستينات، النتماء الى العرب إنتماء زائف لقد جُررنا جرا نحو العروبة، رغم انه ليس معترف بنا من جانب العرب، وفي اعتقادي فانه ليس لنا أي انتماء عربي كما ان العرب لا يعترفون بنا هذه العروبة تسببت في اندلاع كل أشكال التمرد في السودان، بدءا من حرب الجنوب ووصولا الى نزاع دارفور وشرق السودان والحرب في السودان هي الثمرة المرة لهذا الفكر العروبي.
|
Post: #51
Title: Re: الدينكا والنوير,عرب, وهذا تاريخهم .!
Author: الجيلى أحمد
Date: 11-12-2009, 02:39 PM
Parent: #49
Quote: الجيلي سلامات،
أشارك المكرم عبدالناصر بن الخطيب العباسي في قوله انوا بوستيك دا غير موفق لأنك:
بهذا العمل الغير مسؤول كشفت قبائل من كادر القبائل السرية العربية المزروعة بسلام في السودان.
الامر الذي دفعني للشك في عمالتك لجهات كتيرة جداً وربما الموساد منها |
طابور خامس
وعدو للسامية
|
|